23.11.2023

http://www.president.tj/node/31977

23 ноябр Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Мински Ҷумҳурии Беларус дар ҷаласаи навбатии Шурои амнияти дастҷамъии Созмони Аҳдномаи амнияти дастҷамъӣ иштирок ва суханронӣ намуданд.

Дар ҷаласа марбут ба вазъ дар минтақаҳои СААД ва ҷаҳон, масоили афзоиши хатару таҳдидҳои минтақавию байналмилалӣ, мушкилоти рӯзмарраи амнияту бехатарӣ дар минтақаву ҷаҳон, самтҳои афзалиятноки фаъолияти СААД ва таҳкими ҳамкории байнидавлатии кишварҳои аъзо дар доираи Созмон ҷиҳати ба таъмини амнияту бехатарӣ мавриди баррасӣ қарор дода шуд.

Доир ба рӯзномаи ҷории масъалаҳои СААД, роҳҳои пурзӯр намудани муқовимат ба хатару таҳдидҳои ҷаҳони муосир, тадбирҳои муштараки самарабахши мақсаднок дар мубориза бо терроризми байналмилалӣ ва экстремизм, мубодилаи ғайриқонунии маводи мухаддир ва силоҳ, киберҷиноятҳо ва дигар зуҳуроти номатлуби ҷинояткории фаромиллӣ мубодилаи афкор карда шуд.

Аз рӯйи натиҷаҳои кори ҷаласа роҳбарони давлатҳо Баёнияи муштарак инчунин, қарорҳои дахлдорро оид ба беҳтар гардонидани фаъолияти сохтории СААД, такмили асосҳои меъёриву ҳуқуқии фаъолияти он, рушди низоми аксуламалҳои буҳронӣ ва татбиқи дигар тадбирҳо дар асоси рӯзномаи фаъолияти Созмон қабул намуданд.

Натиҷаҳои ҷаласаи навбатии Шурои амнияти дастҷамъии Созмони Аҳдномаи амнияти дастҷамъӣ дар нишасти матбуотӣ бо иштироки доираи васеи намояндагони воситаҳои ахбори умум баррасӣ гардид.