Шомил шудан ба сафи ҳизбҳои сиёсӣ дар асоси талаботи Қонуни Ҷумҳурии Тоҷикистон “Дар бораи ҳизбҳои сиёсӣ” ва Оинномаи ҳизбҳо амалӣ шуда, бо хоҳиши ҳар як фард сурат мегирад. Қобили зикр аст, ки дар арафаи ҷашни муқаддаси миллӣ Рӯзи Парчами давлатии Ҷумҳурии Тоҷикистон яке аз фардҳои ватадӯсту қавиирода ва содиқ ба ватану миллат Сайдамиров Баҳодур Шовалиевич — Сардори маркази ҳамкориҳои байни давлатҳои Иттиҳоди давлатҳои мустақил барои пайваст шудан ба сафи Ҳизби Халқии Демократии Тоҷикистон муроҷиат намуд. Масъалаи мазкур дар ташкилоти ибтидоии “Ташаббускор”-и Кумитаи иҷроияи Ҳизби Халқии Демократии Тоҷикистон дар ноҳияи Исмоили Сомонӣ баррасӣ гардида, қарорҳои дахлдор қабул гардиданд. Ҳамзамон Сайдамиров Баҳодур Шовалиевич — Сардори маркази ҳамкориҳои байни давлатҳои Иттиҳоди давлатҳои мустақил бо иштироки Муовини Раиси Ҳизби Халқии Демократии Тоҷикистон муҳтарам Хайринисо Юсуфӣ дар фазои ҷашнӣ ба сафи Ҳизби Халқии Демократии Тоҷикистон қабул карда шуд. Сайдамиров Б. Ш ҳамчун фарди зиёӣ, ватандӯсти кишвар, новобаста аз хориҷи кишвар будан, бо як дили гарм ва ҳисси баланди меҳанпарастӣ барои таблиғи ғояҳои созандаю бунёдкоронаи Ҳизби Халқии Демократии Тоҷикистон саҳми бориз бозидааст. Имрӯзҳо ифтихор аз он мекунем, ки Ҳизби Халқии Демократии Тоҷикистон ҳамчун як нерӯи муттаҳидкунанда рӯз то рӯз пайравони зиёд пайдо намуда истодааст.