Тибқи нақша-чорабиниҳои Кумитаи иҷроияи Ҳизби Халқии Демократии Тоҷикистон дар ноҳияи Исмоили Сомонӣ бахшида ба Рӯзи Парчами давлатии Ҷумҳурии Тоҷикистон дар ташкилоти ибтидоии ҳизбии “Суғуртаи Душанбе”-и Филиали КВД “Тоҷиксуғурта” дар шаҳри Душанбе дар мавзӯи “Парчам — рамзи соҳибдавлатӣ ва соҳибихтиёрӣ” соати сиёсӣ баргузор гардид. Дар соати сиёсии мазкур Раиси ташкилоти ибтидоӣ Абдуллозода Музаффар ва аъзоёни фаъоли ташкилоти ибтидоии мазкур иштирок доштанд. Абдуллозода Музаффар қайд намуд, ки «моҳи ноябри соли 1992 дар Иҷлосияи таърихии 16 Шӯрои Олии Тоҷикистон, ки дар он такдири ояндаи давлати миллии тоҷикон тарҳрезӣ гардида, ба сӯи ҳадафҳои бузурги умумимиллӣ, сулҳу суббот ва вахдати миллӣ қадамҳои нахустин гузошта шуданд ва дар он рамзи нахустини давлати соҳибистиқлоламон Парчам қабул карда шуд».

Ҳадаф аз баргузор намудани чунин соати сиёсӣ, эҳтиром ба муқаддасоти миллӣ ва бузургдошти парчами миллӣ дар зеҳну вуҷуди ҳар як шаҳрванди мамлакат мебошад.