Воқеъан Парчами давлати соҳибистиқлоли мо инъкоскунандаи таъриху фарҳанг ва расму оиниҳои деринаи давлатдории миллиамон, баёнгари мақсаду мароми сокинони мамлакат буда, ба онҳо дар роҳи бунёди ояндаи дурахшон неруву қудрати созандагӣ мебахшад.
Бо ин мақсад аз ҷониби Кумитаи иҷроияи Ҳизби Халқии Демократии Тоҷикистон дар шаҳри Душанбе бахшида ба Рӯзи Парчами давлатии Ҷумҳурии Тоҷикистон бо иштироки кормандони Кумитаи иҷроияи ҳизбии шаҳр ва аъзоёни Ташкилоти ҷамъиятии ҷавонон «Созандагони Ватан» аксияи иттилоотӣ “Парчам – рамзи садоқат ва истиқлолияти миллӣ” дар кӯчаву хиёбонҳо ва маҳаллаҳои пойтахти азизамон- шаҳри Душанбе ташкил ва баргузор карда шуд.
Дар доираи аксияи мазкур маводҳои иттилоотӣ (брошюра) шириниҳо, парчамҳои рӯйимизӣ, нишони сари синагӣ ба сокинону меҳмони пойтахт тақсим карда шуд.
Мақсад аз баргузории аксия пеш аз ҳама баланд бардоштани ҳисси ватандӯстиву ватандорӣ, худшиносию худогоҳӣ, ҳувияти миллӣ, пос доштани марзу бум ва муқаддасоти миллӣ мебошад.
