Тибқи барқияи Кумитаи иҷроияи ҲХДТ дар шаҳри Душанбе ва нақша-чорабиниҳои Кумитаи иҷроияи ҲХДТ дар ноҳияи Исмоили Сомонӣ бахшида ба Рӯзи Парчами давлатии Ҷумҳурии Тоҷикистон озмуни “Рассоми беҳтарин таҳти унвони “Парчам-муаррифгари давлату миллат” миёни кӯдакон ва наврасони муассисаҳои томактабӣ ва муассисаҳои таҳсилоти миёнаи умумии ҳудуди ноҳия баргузор гардида истодааст.
Имрӯз даври якуми озмуни мазкур дар кӯдакистони №41-и ноҳияи Исмоили Сомонӣ байни наврасони муассисаҳои томактабии ноҳия баргузор гардид.
Ҳадаф аз баргузории ин озмун ҳавасмандгардонии кӯдакону наврасони соҳибистеъдод ва лаёқатманди муассисаҳои томактабӣ ва муассисаҳои таҳсилоти миёнаи умумии ноҳия ва бо ин васила баланд бардоштани ҳисси ватандӯстӣ, арҷ гузоштан ба муқаддасоти миллӣ ва расидан ба қадри Ватан-Модар мебошад.
Дар фарҷом аз ҷониби наврасони кӯдакистон дар васфи Парчами давлатӣ шеърҳои ҷолиб суруда шуда, қисмати фарҳангӣ ба озмуни имрӯза ҳусни хотима бахшид.
