Бахшида ба 13-солагии фаъолияти телевизиони “Ҷаҳоннамо” дар ташкилоти ибтидоии “Садоқат” маҷлиси тантанавӣ доир гардид. Дар маҷлис Мирзозода Иброҳим-Раиси Кумитаи иҷроияи ҲХДТ дар шаҳри Душанбе ва Гулаҳмадзода Зулфиқор-Раиси Кумитаи иҷроияи ҲХДТ дар ноҳияи Шоҳмансур иштирок ва суханронӣ намуданд.

Зимни суҳбат зикр гардид, ки телевизиони “Ҷаҳоннамо” ба сифати як пойгоҳи иттилоотии муътамад, шабакаи сартосарӣ ва пахши барномаҳои бетанафус тули 24-соат дар миёни васоити ахбори оммаи Тоҷикистон ҷойгоҳи махсус дорад. Шабакаи “Ҷаҳоннамо” бо иттилои тоза, саривақтӣ, дақиқ ва саҳеҳ аз дохил ва хориҷи кишвар, таблиғи ғояҳои Ваҳдати миллӣ, таҳкими Истиқлоли давлатӣ, якпорчагии сарзамин, баланд бардоштани иродаи сиёсии мардум, афзалият додан ба арзишҳои умумибашарӣ, демократия, сулҳу субот, инсонпарварӣ, мусоидат ба равандҳои созандаи сиёсӣ, иқтисодиву иҷтимоӣ ва фарҳангии миллату давлати Тоҷикистон фаъолияти назаррас дорад.

Инчунин як гурӯҳ фаъолон дар лаҳзаи тантанавӣ бо ифтихорномаву сипосномаҳо ва туҳфаҳои хотирравӣ сарфароз гардиданд.