Кумитаи иҷроияи ҲХДТ дар ноҳияи Синои шаҳри Душанбе дар асоси дастуру супоришҳои Дастгоҳи Кумитаи Иҷроияи Марказии ҲХДТ ва Кумитаи иҷроияи шаҳрии ҳизб бо мақсади баланд бардоштани маърифати ҳуқуқии занону духтарон ва татбиқи Қонуни Ҷумҳурии Тоҷикистон «Дар бораи пешгирии зуроварӣ дар оила», пешгирии пошхурии хонаводаҳо, тарбияи комили насли ҷадид, таблиғу ташвиқ ва амалигардонии қонунҳои Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» ва «Дар бораи масъулияти падару модар дар таълиму тарбияи фарзанд» дирӯз дар Донишкадаи фарҳанг ва санъати Тоҷикистон ба номи М.Турсунзода вохӯрӣ доир намуд.Дар вохӯрӣ Қурбонзода У.М. – муовини раиси Кумитаи иҷроияи ҲХДТ дар ноҳияи Синои шаҳри Душанбе, Каримова А.О. – муовини Раиси ноҳияи Синои шаҳри Душанбе, Ҳомидзода Н.Ҳ – мудири шуъбаи ҷавонони Кумитаи иҷроияи ҲХДТ дар шаҳри Душанбе, Шарифзода С. — судяи Суди ноҳияи Синои шаҳри Душанбе, Раҷабзода М. – намояндаи САҲШ-и ноҳияи Синои шаҳри Душанбе ва Наимзода Д.Н. — муовини ректори Донишкадаи давлатии фарҳанг ва санъати Тоҷикистон ба номи М.Турсунзода оид ба корҳои тарбиявӣ иштирок ва суханронӣ намуданд.