МАРОМИ ПОЙТАХТ

Навидҳо

СЕМИНАРИ ОМӮЗИШӢ БО ВОЛОНТЁРОН

  Субҳи  имрӯз бо ташаббуси Кумитаи иҷроияи ҲХДТ дар шаҳри Душанбе дар Муассисаи давлатии «Душанбе - Плаза» вобаста ба   баргузории интихоботи Маҷлиси Олии Ҷумҳурии Тоҷикистон ва маҷлисҳои маҳаллии вакилони халқ семинари омӯзишӣ дар мавзӯи «Волонтёрӣ ва   фаъолияти таблиғотии онҳо дар чорабиниҳои  ҳизбӣ» бо волонтёрон аз ҲХДТ  доир гардид.

 

       Дар он  Хонов Абдураҳмон Умарович -  роҳбари  Дастгоҳи  КИМ  ҲХДТ, Наимов Маҳмадулло Раҳимович – мудири шуъбаи таҳлилӣ ва таблиғоти  Дастгоҳи  КИМ  ҲХДТ, Раиси  Кумитаи  иҷроияи ҲХДТ дар шаҳри Душанбе  Раҳмонзода Зоир Файзалӣ, раисони кумитаҳои иҷроияи ҲХДТ дар ноҳияҳои шаҳри Душанбе, кормандони сохторҳои ҳизбии   пойтахт ва намояндагони васоити ахбори омма иштирок доштанд.

 

       Ҳозирин бобати фаъолияти волонтёрӣ, қонунҳои танзимкунандаи соҳа ҷанбаҳои мусбии фаъолият ва уҳдадориҳои онҳо дар раванди маъракаҳои муҳими сиёсии дарпешистода маълумот дода, иштирокчиëнро барои саҳм гузоштан дар корҳои ободонӣ, созандагӣ ва бунёдкорӣ даъват намуданд.

 

Дар анҷоми чорабинӣ таъкид карда шуд, ки Ҳизби Халқии Демократии Тоҷикистон ҳамаи ташаббусҳои ҷавононро мунтазам  дастгирӣ намуда, ҷиҳати баланд бардоштани самаранокии сиёсати давлатии ҷавонон ва фаъолгардонии иштироки онҳо дар ҳаёти иҷтимоию иқтисодӣ тадбирҳои судмандро роҳандозӣ менамояд.

 

        Ҳамин тариқ дар хотима миёни иштирокчиён ва баромадкунандагони  семинари мазкур мубодилаи афкори  судманд сурат гирифт.

 

 

 

 

 

 

 

 

 

 

 

 

 

 


2020-02-27 20:30:21    170    Муфассал...


СОАТИ СИЁСӢ ДАР ТАШКИЛОТИ ИБТИДОИИ «БОНУВОНИ САРВАР»

       Бо дарназардошти наздик омадани маъракаи муҳими сиёсӣ- интихоботи Маҷлиси намояндагони Маҷлиси Олии Ҷумҳурии Тоҷикистон ва Маҷлисҳои маҳаллии вакилони халқи шаҳриву ноҳиявӣ дар ташкилоти ибтидоии ҳизбии “Бонувони сарвар” соати сиёсӣ доир гардид.
       Раиси ташкилоти ибтидоӣ - Камолова Сабоҳат доир ба маъракаи сиёсии дарпешистода – интихоботи Маҷлиси Олии Ҷумҳурии Тоҷикистон  ва маҷлисҳои  маҳаллии  вакилони  халқ  суханронӣ  намуда, аз кормандон даъват ба амал овард, ки дар интихоботе, ки   1-уми  марти соли равон баргузор мегардад, фаъолона иштирок намоянд ва ба номзадҳои арзанда аз ҲХДТ раъйи худро диҳанд.
Ҳизби Халқии Демократии Тоҷикистон зери шиори «Барои пешрафт ва зиндагии шоистаи мардум!» садоқати худро ба арзишҳои умумимиллии соҳибихтиёрӣ, демократия, баробарҳуқуқӣ ва ошкорбаёнӣ изҳор карда, барои пешрафти ҳамаҷонибаи Тоҷикистон тамоми тадбирҳои имконпазирро амалӣ месозад.

 

 

  


2020-02-27 17:39:46    117    Муфассал...


СЕМИНАРИ ОМӮЗИШӢ БО МУШОҲИДОНИ МИЛЛӢ

       Субҳи имрӯз бо ибтикори Кумитаи иҷроияи ҲХДТ дар шаҳри Душанбе дар Муассисаи давлатии «Душанбе - Плаза» бо иштироки 572 мушоҳидони миллӣ аз ҲХДТ барои баргузории интихоботи Маҷлиси Олии Ҷумҳурии Тоҷикистон ва маҷлисҳои маҳаллии вакилони халқ семинари омӯзишӣ дар мавзӯи «Мақом ва ваколатҳои мушоҳидони миллӣ»  доир гардид.

 

       Дар он  Хонов Абдураҳмон Умарович -  роҳбари  Дастгоҳи  КИМ  ҲХДТ, Наимов Маҳмадулло Раҳимович – мудири шуъбаи таҳлилӣ ва таблиғоти Дастгоҳи КИМ ҲХДТ  ва   Раиси  Кумитаи  иҷроияи ҲХДТ дар шаҳри Душанбе Раҳмонзода Зоир  Файзалӣ, раисони кумитаҳои иҷроияи ҲХДТ дар ноҳияҳои шаҳри Душанбе, кормандони сохторҳои ҳизбии   пойтахт, намояндагони васоити ахбори омма иштирок доштанд.

 

      Нахуст, Раҳмонзода Зоир Файзалӣ оид ба ташкили семинари имрӯза суханронӣ карда, зикр дошт, ки бо мақсади тақвияти корҳои омӯзишию фаҳмондадиҳӣ, ҷиҳати муайян намудани вазифа ва уҳдадориҳои мушоҳидони миллӣ дар маъракаҳои муҳими сиёсии дарпешистода, Кумитаи иҷроияи шаҳрии ҳизб ин навбат тасмим гирифт, ки семинари омӯзиширо бо мушоҳидони миллӣ аз ҲХДТ дар мавзӯи «Мақом ва ваклотаҳои мушоҳидони миллӣ» доир намояд. 

 

      Сипас Хонов Абдураҳмон Умарович вобаста ба вазифаҳои мушоҳидони миллӣ дар рафти интихоботи Маҷлиси Олии Ҷумҳурии Тоҷикистон ва маҷлисҳои маҳаллии вакилони халқ» суханронӣ намуда, қайд кард, ки фаъолияти мушоҳидони миллӣ мутобиқи Қонуни конститутсионии Ҷумҳурии Тоҷикистон “Дар бораи интихоботи Маҷлиси Олии Ҷумҳурии Тоҷикистон”  ба роҳ монда шуда, мушоҳиди миллӣ ҳуқуқ дорад, ки бо рӯйхати интихобкунандагон шинос шуда, дар хонаи овоздиҳӣ аз оғоз то анҷоми кори комиссия ҳузур дошта бошанд, супоридани блютенҳои овоздиҳиро ба интихобкунандагон мушоҳида кунад ва дигар вазифаҳои, ки қонуни мазкур муайян кардааст, ибрози назар кард.

 

         Дар ин асно, Наимов Маҳмадулло Раҳимович доир ба мақом ва ваклотаҳои мушоҳидони миллӣ маърӯза кард.

 

         Дар фарҷом миёни иштирокчиён ва баромадкунандагони семинари мазкур мубодилаи афкори судманд сурат гирифт.

 

 

  


2020-02-27 17:20:10    158    Муфассал...


ИНТИХОБОТ ИШТИРОКИ ФАЪОЛОНАРО ТАҚОЗО МЕКУНАД

Интихобот чун унсури давлати демократӣ дар ҳифзу амалинамоии ҳуқуқҳои инсон мақом ва нақши бориз дорад. Интихобот аз ибтидои мавҷудияти хеш вазифаи ташаккули ҳокимияти ҳалқ ва ҳимояи манфиятҳои ҷомеаро иҷро намудаасту менамояд. Дар ҷомеаи мутамаддин интихобот аз ҳарвақта дида бештар ин вазифаро иҷро менамояд. Рушду инкишофи равандҳои гуногунии ҷомеа аз чунин маъракаи муҳими сиёсӣ вобастагӣ дорад. Дар давлатҳои демократӣ интихобот василаи таъмину такмил ва таҷдиди сохторҳои сиёсию ҷамъиятӣ мегардад. Қайд кардан бамаврид аст, ки интихобот сабаби рушди давлат ва ташаккулу инкишофи ҷомеаҳои мутамаддин мегардад. Одамон маҳз ба воситаи интихобот метавонанд ҳуқуқу озодиҳои хешро дар амал татбиқ намоянд.

 

Дар шароити муосир ва марҳалаи ҷаҳонишавӣ ба таври самаранок идоранамоии давлат кори басо муҳим ва ҳассос буда, аз ниҳодҳои сиёсии давлат фаъолияти мунтазам ва ҷиддиро талаб менамояд. Дар ин раванд нақши қонунҳо, ки дар давлат ҳамчун танзимкунандаи муносибатҳо баромад менамоянд, хеле муҳим аст.  Конститутсияи Ҷумҳурии Тоҷикистон, ки ҳамчун ҳуҷҷати асосӣ ва заминаи муҳими давлатдории миллӣ ба ҳисоб меравад, меъёрҳои бунёдӣ ва муҳими ташаккулу рушди ҷомеаи демократиро дар худ фаро гирифтааст. Конститутсия халқро ҳамчун сарчашмаи асосӣ ва ягонаи ҳокимият эътироф намудааст. Чунон ки дар моддаи 6-и Конститутсия дарҷ гардидааст: “Дар Тоҷикистон халқ баёнгари соҳибихтиёрӣ ва сарчашмаи ягонаи ҳокимияти давлатӣ буда, онро бевосита ва ё ба воситаи вакилони худ амалӣ мегардонад. Ифодаи олии бевоситаи ҳокимияти халқ раъйпурсии умумихалқӣ ва интихобот аст.

 

Таъкид намудан бамаврид аст, ки тартиби ташкил ва баргузор намудани интихоботро дар Ҷумҳурии Тоҷикистон санадҳои меъёрию ҳуқуқии мушаххас ба танзим медарорад. Бояд зикр намуд, ки имрӯз дар ҷумҳурӣ як қатор санадҳои махсусе ба имзо расидаанд, ки баргузории маъракаи интихоботро дар мамлакат ба низом медарорад. Дар ин раванд нақши Қонуни конститутсионии Ҷумҳурии Тоҷикистон “Дар бораи интихоботи Маҷлиси Олии Ҷумҳурии Тоҷикистон”, Қонуни конститутсионии Ҷумҳурии Тоҷикистон “Дар бораи интихоботи вакилон ба маҷлисҳои маҳалии вакилони халқ ва дигар ҳуҷҷатҳои муҳиме, ки Ҷумҳурии Тоҷикистон онҳоро эътироф кардааст, хеле муассир аст.

 

Ҳамзамон, тибқи муқаррароти пешбининамудаи қисми сеюми моддаи 27-и Конститутсияи Ҷумҳурии Тоҷикистон шаҳрванде, ки синнаш ба 18-солагӣ расидааст, ҳуқуқи дар раъйпурсӣ иштирок кардан, интихоб намудан, инчунин аз синни муқаррарнамудаи Конститутсия ва санадҳои меъёрии ҳуќуќӣ, ҳуқуқи интихобшуданро дорад. Аз ин лиҳоз, мувофиқи муқаррароти ин модда ҳар як шаҳрванди Ҷумҳурии Тоҷикистон ҳуқуқ ба интихоби намояндаи худ дар Маҷлиси Олӣ ва Маҷлисҳои маҳаллиро дорад.

 

Интихобот ҳамчун падида шакли зарурии инъикоси ҳуқуқи инсон ва шаҳрванд аст. Он воситаи асосӣ ва ҳатто дар баъзе давлатҳо шакли беҳтарин ё ягонаи иштироки воқеӣ дар сиёсат ва идораи корҳои ҷамъиятию давлатӣ мебошад. Интихобот воситае мегардад, ки шаҳрванд дар ин раванд бевосита иштирок намуда, номзади фаъол ва арзандаи худро интихоб намоёд, ё худ мавриди интихоби дигарон қарор гирад ва ба василаи интихобот ба ҳокимияти марҳилаҳои сиёсӣ ворид гардад.

 

Маврид ба таъкид аст, ки раванди интихобот аз марҳилаҳои гуногун иборат аст. Як ҷиҳати муҳими баргузории интихобот раванди омодагӣ ба  он аст. Дар раванди омодагӣ ба интихобот нақши комиссияҳои интихоботӣ хеле бузург аст. Маҳз комиссияҳои интихоботӣ ҳамчун мақомоти пешбари интихобот дар эълон, бақайдгирӣ ва ташкили ҳавзаҳои интихоботӣ бевосита иштирок намуда, ҳамчунин онро назорат менамоянд. Муҳим аст, қайд кардан, ки омодагӣ ва гузаронидани интихобот аз ҷониби комиссияҳои интихоботӣ ба таври шаффоф ва ошкоро сурат мегирад. Чунин ҷиҳати баргузории интихобот принсипи шаффофиятро дар Ҷумҳурии Тоҷикистон инъикос менамояд.

 

Дар раванди интихобот яке аз марҳилаи ҳассос ва муҳим раванди иштирок ва раъйдиҳӣ ба номзадҳо мебошад. Дар ин марҳала ҳар як шахс ҳуқуқ дорад ба номзади мувофиқи худ ба таври пинҳонӣ ва озод раъй ё овози худро диҳад.  Дахолат накардан ба ҳуқуқи овоздиҳии шахс яке аз принсипҳои ҳуқуқи интихоботӣ ба ҳисоб меравад. Бояд зикр намуд, ки дар марҳилаи овоздиҳӣ принсипи баробарӣ хеле аҳамиятнок аст. Яъне ҳама шаҳрвандон аз роҳбарон сар карда то шаҳрвандони қаторие, ки ҳуқуқи иштирок дар интихоботро доранд, тибқи принсипи  “Як шахс як овоз” дар интихобот  ширкат меварзанд. Ба ҳамин хотир ҳар як шаҳрвандро зарур аст, ки дар ин маъракаи муҳими сиёсӣ фаъолона ширкат варзад. Фаъолнокии сиёсии шаҳрвандон боиси ба таври демократӣ ва шаффоф баргузор гардидани интихобот дар ҷомеа мегардад.

 

Марҳалаи дигаре, ки дар раванди маъракаи интихоботӣ муҳим аст, марҳилаи натиҷагирӣ ё худ эълони ниҳоии раъйҳои додашуда ба номзадон аст. Дар ин марҳала нақши нозирон, шахсони боэтимоди номзадон ва воситаҳои ахбори омма муҳим аст. Чун онҳо бевосита раванди ташкил, баргузор ва натиҷагирӣ аз интихоботро назорат менамоянд. Нозирон, ки аз ҷониби ҳизбҳои сиёсӣ, давлатҳо ва созмонҳои байналмилалӣ барои назорати маъракаи интихоботӣ сафарбар карда мешаванд, вазифаи назорат карданро иҷро менамоянд.

 

Ниҳоят, Ҷумҳурии Тоҷикистон дар арафаи маъракаи муҳими интихобтӣ қарор дорад. Ҷиҳати дар сатҳи зарурӣ баргузор намудан ва даъвати интихоботкунандагон ба интихоботи дарпешистода дар шаҳру ноҳияҳои ҷумҳурӣ шиору овезаҳо овехта шудаанд. Ҳамчунин, дар сатҳи маҳал, шаҳру ноҳияҳо ҷиҳати дар сатҳи зарурӣ гузаронидани интихобот мутасаддиёни соҳаҳои гуногунро дар ҳавзаҳои интихоботии масъул гузоштаанд ва онҳо дар гузаронидани ин чорабиниҳо таҷрибаро аз солҳои қаблӣ омӯхтаанд.

 

Ҳамин тавр, ҳар як шаҳрванди кишварро зарур аст, ки дар ин маъракаи муҳими сиёӣ фаъолона ширкат варзида, раъйи худро ба номзади арзандаи худ диҳад ва дар рушди устувори  минбаъдаи Ҷумҳурии Тоҷикистон саҳми муносиби худро гузоранд, зеро иштироки фаъоли шаҳрванд дар интихобот ва раъйи вай ояндаи рушди давлатро муайян мекунад.

 

   Хусрав АЛИЗОДА,

 

корманди Маркази тадқиқоти стратегии

 

назди Президенти Ҷумҳурии Тоҷикистон

 

 

  


2020-02-27 16:22:16    46    Муфассал...





Даҳсолаи байналмилалии амал «Об барои рушди устувор», солҳои 2018-2028




ВИДЕОПОРТАЛ

Ҳамаи видео



ТАҚВИМ

ПнВтСрЧтПтСбВс