МАРОМИ ПОЙТАХТ

Навидҳо

КОРОНАВИРУС ЧӢ ГУНА СИРОЯТ МЕКУНАД

КОРОНАВИРУС ЧӢ ГУНА СИРОЯТ МЕКУНАД ВА “ТАМОСИ НАЗДИК БО БЕМОР” ГУФТА ЧӢ ДАР НАЗАР ДОШТА МЕШАВАД?
КОРОНАВИРУС ЧӢ ГУНА АЗ ИНСОН СИРОЯТ МЕКУНАД?
   Коронавируси нав, вируси роҳҳои нафас аст, ки асосан ба сабаби тамоси наздик бо фарди бемор сироят мекунад. Роҳҳои асосии сироят инҳоянд:
Оби даҳон, сулфа ва атсаи фарди бемор;
Тамоси мустақим бо фарди бемор;
Даст задан ба даҳон, бинӣ, чашм, агар дасти шумо баъди тамос бо бемор ё ашёи олуда ба вирус ношуста бошад. Барои ҳамин муҳим аст, ки фарди бемор меъёрҳои беҳдоштиро риоя кунад, аз ҷумла вақти сулфаву атса задан, даҳону  бинии  худро  бо дастмол ва агар надошта бошад, бо остин пӯшонад.
КАДОМ АМАЛ ТАМОСИ НАЗДИК БО ФАРДИ БЕМОР БА ҲИСОБ МЕРАВАД?
  Маркази Аврупоии Пешгирӣ ва назорат бар бемориҳо тамоси наздикро чунин маънидод кардааст:
1. Истодан дар рӯ ба рӯи фарди сироятшуда дар масофаи камтар аз 2 метр ва то 15 дақиқа;
2. Ҳамроҳ будан бо фарди сироятшуда дар муҳити камтар аз 2 метр ва ҳадди аққал 15 дақиқа;
3. Зиндагӣ бо инсони гирифтор дар як хона;
4. Тамоси мустақим бо фарди гирифтор, масалан даст фишурдан, салом кардан;
5. Тамос бо ашёе, ки фарди гирифтор олуда кардааст, масалан даст задан ба дастмол, ё сачоқи ӯ. 
КОРОНАВИРУС ДАР РӮИ АШЁ ЧӢ ҚАДАР ЗИНДА МЕМОНАД?
  Бар асоси иттилооти ҳанӯз нокомил, вирус мумкин аст, то чанд соат фаъол бимонад.
   Истифодаи маҳлулҳои соддаи безарарсозӣ (антисептикҳо) вирусро мекушад, ё қудрати сирояти онро аз байн мебарад. Мисли маҳлулҳое, ки дар таркибашон 75 дар сад спирт (спирти этанол) ё 0.5 дар сад хлор доранд. 
   Дар ёд доред, ки ашёи зарурии худ ба мисли телефонро пайваст бо дастмол, ё матои намнок аз маҳлулҳои безараргардонӣ пок кунед.
ОЁ ВИРУС МЕТАВОНАД АЗ ФАРДИ СИРОЯТШУДА, КИ АЛОМАТҲОИ БЕМОРИРО НАДОРАД, БА КАСИ ДИГАР БИГЗАРАД?
    Бар асоси гуфтаҳои Созмони Ҷаҳонии Тандурустӣ, вирус аксаран аз афроде, ки аломатҳои бемориро доранд, ба дигарон сироят мекунад. Айни замон гуфта шудааст, ки баъзан афроде, ки дар марҳилаи аввали беморӣ ҳастанд, онҳое, ки аломатҳои бемориро надоранд ва ё аломатҳои сабуке доранд, метавонанд ба дигарон сироят кунанд.
КӢ ИНСОНИ КОМИЛАН ШИФОЁФТА АЗ БЕМОРӢ БА ҲИСОБ МЕРАВАД?
   Инсонеро шифоёфта меҳисобанд, ки аз луоби бинии ӯ ду даъфа ва 24 соат баъд аз озмоиши аввалӣ маҳз барои коронавирус озмоиш мегиранд ва дар он оби бинӣ аз вирус нишоне нест.
ОЁ КОРОНАВИРУСИ НАВ АЗ ҒИЗО ҲАМ МЕГУЗАРАД?
    Маъмулан бемориҳои роҳҳои нафас аз ғизо сироят намекунанд. Айни замон хӯрок ҳам бояд бо назардошти тамоми меъёрҳои беҳдоштӣ дуруст пухта шавад. Пажӯҳишҳо барои беҳтар фаҳмидани роҳҳои сирояти вирус идома доранд...

СОДИҚОВ УМЕД - мутахассиси шуъбаи ташкилии
Кумитаи иҷроияи ҲХДТ дар ноҳияи Шоҳмансур


2020-05-19 15:54:38    28    Муфассал...


КЎМАКИ ХАЙРХОҲОНАИ ВАКИЛ

   Дар доираи ҳидоятҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, Раиси муаззами ҲХДТ, муҳтарам  Эмомалӣ  Раҳмон ва дастури  Раиси  шаҳри Душанбе, муҳтарам Рустами Эмомалӣ ҷиҳати дастгирии  табақаҳои ниёзманди аҳолӣ бо иштироки Зуҳурова Заррина - мудири шуъбаи кор бо занони Кумитаи иљроияи ХХДТ дар шаҳри Душанбе Кумитаи иҷроияи Ҳизби Халқии Демократии Тоҷикистон дар ноҳияи Фирдавсӣ дар ҳамкорӣ бо вакили Маҷлиси вакилони халқи шаҳри Душанбе, аз ҳавзаи интихоботии №70, Умаралӣ Ниёзов дар арафаи моҳи  шарифи Рамазон ба 100 нафар сокини камбизоату ниёзманд, маъюбу бепарастори маҳаллаҳои Машъал ва Гулбуттаи ноҳияи Фирдавсӣ ёриии озуқаворӣ аз қабили орд, равған, шакар, картошка, пиёз, сабзӣ, макарон ва биринҷ расонида шуд.

     Ҳамзамон ба мактаб-интернати №2 барои кӯдакони имконияташон маҳдуд ёрии озуқаворӣ, аз қабили 2 халта орд, 70 кг гӯшт, 2 халта биринҷ, 2 халта шакар ва 30 кг равған  расонида шуд. Сокинони маҳаллаҳо аз дастгириҳои пайвастаи шаҳрдорӣ ва вакилони мардумӣ изҳори сипосу миннатдории бепоён намуданд.  


2020-05-19 15:51:15    28    Муфассал...


Аксия таҳти унвони "Вакилон бо мардуманд"

  Дар доираи дастуру ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, Раиси муаззами ҲХДТ, муҳтарам Эмомалӣ Раҳмон ва дастгириҳои Раиси шаҳри Душанбе, муҳтарам  Рустами Эмомалӣ оид ба дастгирии табақаҳои ниёзманд  бо  ташаббуси  вакили Маҷлиси вакилони халқи ноҳияи Исмоили Сомонӣ аз ҳавзаи интихоботии №5 Ғаффоров Фирӯзҷон Муҳридинович дар ҳамдастӣ бо Кумитаи иҷроияи Ҳизби Халқии Демократии Тоҷикистон дар ноҳияи Исмоили Сомонӣ  дар арафаи моҳи шарифи Рамазон ба Муассисаи давлатии тахсилоти миёнаи умумии «Мактаб-интернати №1 барои кӯдакони ятим ва бепарастор»-и шаҳри Душанбе маводи хӯрокворӣ аз қабили картошка, пиёз, равған, биринҷ, шакар ва макарон кӯмак расонида шуд.

       Инчунин ба кормандони мактаб-интернат дастурҳои пешгирикунанда аз бемории сироятии Covid - 19 аз ҷумла «Муроҷиатномаи Ҳизби Халқии Демократии Тоҷикистон», «Муроҷиати Доктор Ораш Алой аз ИМА ба шаҳрвандони Ҷумҳурии Тоҷикистон дар бораи воситаҳои мубориза бар зидди коронавируси Covid-19» тақсим карда шуд. 
     


2020-05-19 15:41:05    34    Муфассал...


ПЕШГИРӢ, ПЕШГИРӢ ВА БОЗ ҲАМ ПЕШГИРӢ

Вазъи ноороми ҷомеа, ки рӯз ба рӯз дар пайи зуҳурёбии бемории коронавирус  ба амал омада  истодааст, инсони комилро бетараф гузошта наметавонад.  Вазъи доман паҳн кардани ин беморӣ дар ҷаҳон, аз ҷумла Амрико, Аврупо ва кишварҳои узви ИДМ тавассути шабакаҳои интернетӣ ва дигар  ВАО ба ҷомеаи ҷаҳонӣ расонда мешавад. Шабакаҳои иттилоотии Ҷумҳурии Тоҷикистон дар иттилорасонию маълумотгирӣ,  бо истифода аз техникаю технологияи муосир, дар сафи давлатҳои тарақикарда қарор доранд ва мавқеи онҳо дар ҷомеа ба таври мусбат назаррас аст.

Имрӯз мо дар ҷомеае зиндагӣ мекунем, ки  баробар донистани  тамоми халқу миллатҳо ифодакунандаи  принсипи инсондӯстиамон дониста мешавад. Ин  принсип моро водор месозад, ки ба ҳамаи ҳодисаҳо воқеъбинона назар  андозем ва вобаста ба вазъи қарордошта ҳақиқати воқеиро баён намоем. Дар ҷаҳони пуртазод сар задани ҳар гуна падидаҳои хуб, бешубҳа, ба муваффакияту пешрафт ва зуҳуроти  номатлуб ба ташвишу изтироб ва нооромиҳо оварда мерасонад. Аз ин рӯ, мо тоҷиконро лозим меояд, ки таъкиди ҳамешагии Сарвари давлат муҳтарам Эмомалӣ Раҳмон — зиракии сиёсиро аз даст надиҳедро дар ҳар ҳолат ба манфиати  Ватану халқу миллат ба кор барем.

  Маъмулан атрофи паҳн шудани ҳар гуна ҳодиса дар ҷомеаи ҷаҳонӣ фарзияҳо пайдо мешаванд, вале то чӣ андоза онҳо таҳқиқ шудаанд ва ё тахминианд нуқтаи назарҳо мухталифанд. Дар ин замина баъзан чунин нуқтаи назар миёни мардум паҳн мешавад ва боиси барангехтани  ҳар гуна  низоъҳо, тарсу ҳарос аз воқеа ва ё ҳодисаи баамаломада мегардад. Бархостани овозаҳои беасос ва суханбофиҳо аз ғаразҳои бади ашхосе  дарак медиҳад, ки дар роҳи таъсир расондан ба ҳолати рӯҳии ҷомеа  таҷрибаи беш дошта, чӣ тавр тавассути дурӯғ дар ниҳоди онҳо таъсир расондан ва назари онҳоро бо чӣ тарз тағйир доданро, омӯхтаанд.

Бояд иқрор шуд, ки   атрофи бемории коронавирус дар ҷумҳурии мо ҳам аз ҷониби ин гуна ашхос овозаҳо бисёранд. Гарчанде  журналистон- ҳақиқатнигорони телевизиону радио ва матбуот аз вазъияти кунунии ҷомеаи мо иттилоотро бо роҳҳои мусоҳиба, суҳбат ва барномаҳои телевизионӣ бо кормандону соҳаи тандурустӣ анҷом дода, манзури хонандагон, шунавандагон ва тамошобинон мегардонанд, бо вуҷуди ин овозаҳои бардурӯғ бо роҳҳои шифоҳӣ паҳн мегарданд.

Аз ин рӯ, мо бояд ба ҳар гуна овозаҳои бардурӯғ, ки ба манфиати ашхоси бадкин аст, бовар накунем, зеро ин зудбоварӣ  метавонад оқибатҳои нохуб дошта бошад. Бо ин мақсад мо, пеш аз ҳама, ҳимояи рӯҳию равонии худро тақвият дода, насли наврасу ҷавон ва онҳое, ки дониши кифоятӣ дар нигоҳ доштани саломатӣ надоранд, маслиҳатҳо диҳем ва шояд ба саволи он ки «агар ин беморӣ дар мо набошад, пас  барои чӣ ҳама гуна чорабиниҳо манъ, масҷидҳо ва муассисаҳои таълимӣ мувақатан баста шудаанду мо бояд бо ниқоб мегардем?», чунин аст: Ҳадафи мо пешгирӣ, пешгирӣ ва боз ҳам пешгирӣ!                                                                              

Бобоҷон РАҲИМОВ, узви фаъоли  ҲХДТ

 


2020-05-19 15:36:31    34    Муфассал...





Даҳсолаи байналмилалии амал «Об барои рушди устувор», солҳои 2018-2028




ВИДЕОПОРТАЛ

Ҳамаи видео



ТАҚВИМ

ПнВтСрЧтПтСбВс