МАРОМИ ПОЙТАХТ

Навидҳо

Ба ҳар фаслу, ба ҳар васли сиёсат, бар Ватан шайдо, Адолатпешаву дар миёни дидаву дил ҷо!

фармудааст, шоире, ки ба сирати Асосгузори сулҳу ваҳдати миллӣ-Пешвои миллат, Президенти кишвар, Раиси муаззами ҲХДТ, муҳтарам Эмомалӣ Раҳмон рост меояд. Ҳақиқати ин нигошта ва шабеҳ додани ҳар як каломашро ба сирату рафтори Пешвои миллат мардуми кишвар солҳои ҷангӣ шаҳрванди алакай эҳсос намуда буданд ва имрӯз бори дигар мутмаин шуданд, ки Ӯ дар тамоми ҳолатҳо омодааст, ки кишвараш миллаташ ва сарзаминашро аз васвасаи аҳримани наҷот диҳад. Ба пеш Раиси муаззами ҲХДТ, муҳтарам Эмомалӣ Раҳмон, мо ҳайати аъзоён ва ҷонибдорони ҲХДТ бо Шумоем ва ҳеҷ гоҳ ба ҳеҷ кас иҷозаи онро намедиҳем, ки оромӣ, ободӣ, муттаҳидии моро халалдор созанд.

МО БО ШУМОЕМ!

 

Ҳ.Давлатзода – мудири шуъбаи умумии КИ ҲХДТ дар шаҳри Душанбе


2021-07-23 08:52:01    77    Муфассал...


Пешвои мо – Ҳомии давлату миллати мост!

Имрӯз мо шоҳиди руйдоди таърихӣ гаштем, ки зери Роҳбарии Сарфармондеҳи Олии Қувваҳои Мусаллаҳи Тоҷикистон, генерали артиш муҳтарам Эмомалӣ Раҳмон ҳолати омодабошии ҷангӣ зери унвони “МАРЗ-2021” бо иштироки 230 ҳазор нафар, 100 ҳазор нафар хизматчиёни ҳарбии Қувваҳои Мусаллаҳ ва мақомоти ҳифзи ҳуқуқ ва 130 ҳазор нафар афсарону сарбозони ҳайати захираҳои сафарбарӣ бо бонги хатар дар маҳалҳои муайяншудаи самтҳои амалиётӣ ҷамъ омада, ҳолати омодабошии ҷангии онҳо санҷида шуд.

Ин шаҳодати он мебошад, ки мо ҳамеша атрофи сиёсати пешгирифтаи Пешво-Ҳомии давлату миллати худ сарҷамъ буда, барои пос доштани марзу буми кишвари азизамон Тоҷикистон сина сипар менамоем.

Аҳсан ба мардуми ҷасури Тоҷикистон.

 

Э.Раҷабзода - мудири шуъбаи таблиғот

ва иттилооти КИ ҲХДТ дар шаҳри Душанбе

 

 


2021-07-23 08:47:23    67    Муфассал...


ПЕШГИРӢ - БЕҲТАР ЗИ ТАБОБАТ!

Дирӯз бо ташаббуси Кумитаи иҷроияи Ҳизби Халқии Демократии Тоҷикистон дар ноҳияи Фирдавсӣ ба хотири солимгардонӣ, ҳифзи иҷтимоии аҳолӣ, пешгирӣ аз ҳар намуд вирусҳои паҳншаванда, аз ҷумла навъи КОВИД-19 дар доираи дастуру супоришҳои Ситоди умумиҷумҳуриявӣ оид ба муқовимат бар зидди КОВИД-19 бо ҷалби волонтёрони Ташкилоти ҷамъиятии ҷавонон «Созандагони Ватан»-и ноҳияи Фирдавсӣ дар ҳудуди маҳаллаи Ҳосилоти ноҳияи Фирдавсӣ аксия таҳти унвони «Пешгирӣ - беҳтар зи табобат!» гузаронида шуд.

Дар аксияи мазкур беш аз 100 адад ниқоби яккарата ба сокинон ва меҳмонони маҳаллаи Ҳосилот тақсим карда шуд, ки ин пеш аз ҳама ба хотири солимии ҷомеа, пешгирӣ аз ҳар намуд бемориҳои гуногуни сироятӣ ва ба ҳамин тарз тарғиб намудани тарзи ҳаёти солим мусоидат менамояд.

Чунин аксияҳо то аз байн рафтани пандемияи ҷаҳонӣ  аз ҷониби Кумитаи иҷроияи ҲХДТ дар ноҳияи Фирдавсӣ идома меёбад.


2021-07-23 08:35:18    37    Муфассал...


Президенти Ҷумҳурии Тоҷикистон Эмомалӣ Раҳмон бо Президенти Федератсияи Русия Владимир Путин суҳбати телефонӣ анҷом доданд

Дирӯз Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Федератсияи Русия Владимир Путин суҳбати телефонӣ анҷом доданд.

Дар оғози суҳбат Президенти Федератсияи Русия дар иртибот ба даргузашти хоҳари Сарвари давлати мо изҳори тасаллии амиқ карданд.

Дар ҷараёни суҳбат ҷонибҳо оид ба маҷмӯи масъалаҳои мубрами муносибатҳои шарикии стратегии Тоҷикистон ва Русия мубодилаи афкор намуданд.

Таваҷҷуҳи хосса ба мувофиқа кардани ҷадвали мулоқот ва тамосҳои дар сатҳи олӣ пешбинишуда ҳам дар асоси дуҷониба ва ҳам дар сиғаи ҳамкориҳои бисёрҷониба зоҳир карда шуд.

Дар ин замина, ҷонибҳо ҷараёни омодагиро ба сафари расмии қарибулвуқӯи Президенти Федератсияи Русия муҳтарам Владимир Путин ба Тоҷикистон мавриди муҳокима қарор доданд. Аҳамияти татбиқи минбаъдаи амалии иқтидори азими ҳамёрии Тоҷикистон ва Русия дар тамоми соҳаҳои ҳамкорӣ таъкид карда шуд.

Сарони ҳарду давлат оид ба талошҳои минбаъдаи тарафҳо ҷиҳати таҳкими ҳамкориҳо дар доираи созмонҳои байналмилалӣ ва минтақавӣ ибрози ақида намуданд. Дар ин замина масъалаҳои марбут ба баргузории ҷаласаи навбатии Шӯрои амнияти дастаҷамъии Созмони Аҳдномаи амнияти дастҷамъӣ ва саммити ҷашнии Созмони ҳамкории Шанхай дар Душанбе баррасӣ шуданд. Бояд зикр кард, ки Тоҷикистон соли равон вазифаи раисиро дар созмонҳои бонуфузи минтақавии зикршуда иҷро мекунад.

Зимни суҳбати телефонӣ мубодилаи афкор оид ба масъалаҳои мубрами рӯзномаи байналмилалӣ ва минтақавӣ низ сурат гирифт.

Аз ҷумла, мушкилоти Афғонистон баррасӣ шуд. Муҳтарам Эмомалӣ Раҳмон ва муҳтарам Владимир Путин бо изҳори нигаронӣ дар бораи рушди ташвишовари вазъ дар ин кишвар суҳбат карданд. Дар ин зимн ҷонибҳо ҷиҳати минбаъд ҳам ҳамоҳангсозии зичи амалҳои ҷонибҳо дар ин самт ба мувофиқа расиданд.

  •  
  •  
  •  
  •  
  •  
  •  
  •  

2021-07-23 07:40:51    28    Муфассал...





Даҳсолаи байналмилалии амал «Об барои рушди устувор», солҳои 2018-2028




ВИДЕОПОРТАЛ

Ҳамаи видео



ТАҚВИМ

ПнВтСрЧтПтСбВс