МАРОМИ ПОЙТАХТ

Навидҳо

Ҳифзи марзу бум – ҳифзи нангу номуси миллат

Соати чори субҳи дирӯз бо Фармони Президенти Ҷумҳурии Тоҷикистон, Пешвои миллат, Сарфармондеҳи Олии Қувваҳои Мусаллаҳи Тоҷикистон, генерали артиш, муҳтарам Эмомалӣ Раҳмон бо ҳадафи санҷидани омодабошии ҷангии ҷузъу томҳо бори аввал дар таърихи давлати соҳибистиқлоли Тоҷикистон афсарону сарбозони Қувваҳои Мусаллаҳ, кормандони мақомоти ҳифзи ҳуқуқ, афсарону сарбозони ҳайати захираҳои сафарбарӣ ва сокинони шарафманди диёрамон   дар тамоми қаламрави мамлакат бо бонги хатар ҷамъ омада, омодабошии ҷангии худро санҷиданд.

Дар чорабинии зикршуда, ки таҳти унвони «Марз-2021» гузаронида шуд, маълуми ҳамагон гардид, ки ҳеҷ як душмане наметавонад, якпорчагии мо-тоҷиконро халалдор созад. Зеро мо чун ҳарвақта аз як гиребон сар бароварда барои ҳимояи Ватан-Модари худ омодааем. Бо дидани ин чорабинии омодабоши бори дигар шоҳиди он гардидем, ки хурду бузурги миллати тоҷик ватандӯст ва миллатдӯст аст. Офарин, мо ҷавонон ҷонибдори Шумоем, ҳамватанони азиз ба пеш!

 

Ҳ.Давлатзода – мудири шуъбаи умумии КИ ҲХДТ дар шаҳри Душанбе


2021-07-23 09:31:50    82    Муфассал...


Офарин ба заноне, ки марданд

Фидокорӣ дар роҳи Ватан аз ҳама донишҳо боарзиштар аст. Мо-Тоҷикон фидокориро дар роҳи Ватан аз ҳама болотару авлотар медонем. Ҳақиқати ин каломро метавон дар омодабошии сокинони чумҳурӣ субҳи имрӯз барои ҳимояи марзу бум дарёфт. Миллати тоҷик бо қадами фарзонафарзандонаш ҳамеша кишвар, миллат, забон ва дигар муқаддасоти худро ҳифзу нигаҳдори мебошад. Дар миёни ин фарзонафарзандон ҳастанд занони миллатдӯсту ватанпараст, ки онҳо ҳамеша омодаанд, барои ҳифзи Ватан на танҳо шеърмардҳоро ба дунё оварда ба воя расонанд, балки дар қатори мардон барои ҳифзи ватану миллат мардонавор ҷо истанд. Дар маросими омодабоши субҳи имрӯз мо шоҳиди он будем, ки занони мо низ аз вазъияти Ватан бетафовут набуда, барои ҳимояи он омодаанд. Офарин ба заноне, ки марданд. Ба пеш модарони тоҷик!

 

Амробекова Р. – мудири шуъбаи ташкилӣ ва кор бо кадрҳои КИ ҲХДТ дар шаҳри Душанбе


2021-07-23 09:26:01    92    Муфассал...


Ҳомиёни шуҷои Ватан

Тӯли солҳои соҳибистиқлолӣ зери роҳбарии Сарфармондеҳи Олии Қувваҳои Мусаллаҳи Тоҷикистон, генерали артиш, муҳтарам Эмомалӣ Раҳмон артиши мо рӯ ба рушд ниҳода, қудрату тавонои ҳимояи марзу буми кишварро дорост. Субҳи дирӯз мо бо чашми сар аз қудрату тавоноӣ, шуҷоату матонат ва сарсупурдагии ин ҳомиёни Ватан бори дигар огоҳ гардидем. Бо бовари метавон гуфт, ки марзу буми Ватан бо чунин ҳомиёнаш дар амон аст. Ба пеш ҳомиёни шуҷоъи Ватан!

Саидов Нуралӣ – муиахассиси шуъбаи ташкилӣ ва кор бо кардҳои КИ ҲХДТ дар шаҳри Душанбе


2021-07-23 09:22:18    67    Муфассал...


Афсарону сарзобозони мо сипари боэътимоди кишваранд

Шукронаи Истиқлолияту Ваҳдати миллӣ имрӯз дар Тоҷикистон тамоми ҷузу тамҳои Олии Қувваҳои Мусаллаҳ дар сатҳи баланди омодабошӣ қарор доранд. Тавассути шабакаҳои иҷтимоӣ ва оинаи нилгун мо шоҳиди он шудем, ки имрӯз зиёда аз 230 ҳазор афсарону сарбозо ва ҳайати захиравӣ ба ҳолати омодабошии ҷангӣ саф кашида, сипари боэътимод будани худро исбот намуданд.

Мо боварии комил дорем, ки бо чунин сарбозону афсарони шуҷои Ватан аз ҳама ҳолатҳои ногувори ҷангӣ баромада, ҳифзи марзу буми кишварро таъмин менамоем.

Тоҷикистон ба пеш!

 

Э.Раҷабзода - мудири шуъбаи таблиғот ва иттилооти КИ ҲХДТ дар шаҳри Душанбе


2021-07-23 09:19:48    75    Муфассал...





Даҳсолаи байналмилалии амал «Об барои рушди устувор», солҳои 2018-2028




ВИДЕОПОРТАЛ

Ҳамаи видео



ТАҚВИМ

ПнВтСрЧтПтСбВс