МАРОМИ ПОЙТАХТ

Навидҳо

ИҚДОМИ РАИСИ ШАҲРИ ДУШАНБЕ БА ҶОИЗАДОРОНИ БОЗИҲОИ ОЛИМПӢ

Ҳайати олимпии Тоҷикистон шоми 20-уми июл ба шаҳри Токио расид ва аъзои ҳайатро масъулони Кумитаи миллии олимпии Тоҷикистон пешвоз гирифта, дар Деҳаи олимпии Тоҷикистон ҷобаҷо карданд.

21-уми июл парчами Тоҷикистон дар Деҳаи олимпӣ парафшон карда шуда, варзишгарон ва мураббиён аз ташхиси COVID-19 гузаштанд ва натиҷаи ташхиси онҳо манфӣ буд. Онҳо аллакай дар Деҳаи олимпӣ ба тамрин шуруъ карданд. Роҳбарияти Кумитаи миллии олимпии Тоҷикистон ва Федератсияи футболи Тоҷикистон бо варзишгарон ва мураббиён мулоқот карда, ба онҳо муваффақият хостанд.

Зимни мулоқот ба маълумоти варзишгарон расонида шуд, ки аз номи Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе, муҳтарам Рустами Эмомалӣ дар пойтахти мамлакат ба варзишгароне, ки медал ба даст меоранд, хона туҳфа карда мешавад. Аз ҷумла барои медали тилло хонаи чорҳуҷрагӣ, барои медали нуқра хонаи сеҳуҷрагӣ ва барои медали биринҷӣ хонаи дуҳуҷрагӣ тақдим мегардад.

Ёдовар мешавем, ки дар асоси низомномаи Ҷоизаи Президенти Ҷумҳурии Тоҷикистон ба ғолибон ва ҷоизадорони мусобиқаҳои байналмилалии варзишӣ, аз Фонди Пешвои миллат ба варзишгароне, ки дар Бозиҳои олимпӣ ҷойҳои аввал, дуюм ва сеюмро сазовор мешаванд, мутаносибан 300 000 сомонӣ, 250 000 сомонӣ ва 200 000 сомонӣ ҷудо мешавад.

Варзишгарони Тоҷикистон қабл аз сафар ба Токио дар самти ҷамъомадҳои машқӣ-таълимӣ, иштирок дар мусобиқаҳои интихобӣ, фармакология аз ҷониби Ҳукумати ҷумҳурӣ таъмин гардиданд.

32-юм Бозиҳои Олимпиада дар шаҳри Токиои Ҷопон аз 23 июл то 8-уми август баргузор мешавад. Дар бозиҳо Ҳайати олимпии Тоҷикистон иборат аз 23 нафар, аз ҷумла 10 варзишгар – Баҳодур Усмонов, Шаббос Негматуллоев, Сиёвуш Зуҳуров (бокс), Сомон Маҳмадбеков, Акмал Муродов, Комроншоҳ Устопириён, Темур Раҳимов (ҷудо), Илдар Аҳмадиев (варзиши сабук), Анастасия Тюрина ва Олимҷон Ишанов (шиноварӣ) ширкат мекунанд.

Маросими кушодашавии бозиҳо шоми 23-юми июл дар Варзишгоҳи олимпии Токио сурат мегирад.


2021-07-23 11:28:11    58    Муфассал...


Андеша:  Ҳифзи марзу буми Ватан қарзи фарзандии мо ҷавонон аст!

Мардуми Ҷумҳурии  Тоҷикистон  бо роҳбарии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, муҳтарам Эмомалӣ  Раҳмон дар тули  30 – соли Истиқлоли миллат ба ҷанги шаҳрванди хотима бахшида, кишвари ба пораҳо таксимгардидаро ба як давлати пешрафтаи замони муоссир табдил доданд.

Мо ҷавонон бо дарки баланди масъулияти шаҳрвандӣ назди падару модар, хоку буми ин кишвар ва зери сиёсати Пешвои миллат, муҳарам Эмомалӣ Раҳмон саф кашида, сарҳади худро ҳимоя менамоем.

Чӣ тавре, ки дар кишвари ҳамсояи мо Афғонистон дар ин рӯйдодҳои вазнини давлатдорӣ қарор дорад ва мо ҳамчун нерӯи ҷавон бояд зираки сиёсии худро бедор кунем, дар ҳолати омодабошии доимӣ қарор гирем ва дар ҳар ҳолат марзи худро аз душман ҳимоя намоем.

Ба бовари гуфта метавонам, ки ҷавонони бо нагу номуси миллати тоҷик дар ҳимояи марзу бум ҷони худро фидо мекунанд ва сарҳади Тоҷикистони сулҳу амониро ҳифз месозанд.

Ба ҷавонони хушиқболи Ватан ёдрас мешавам, ки хизмат ба Ватан -Модар қарзи фарзандӣ ва имониву виҷдонии ҳар як ҷавонмарди бонангу номус буда, мактаби бузурги тарбия, ҷасорат ва ватандорӣ ба ҳисоб меравад.

Бояд ёдовари шуд, ки дар давлати ҳамсояи мо – Ҷумҳурии Исломии Афғонистон, махсусан минтақаи шимолии он, ки бо Тоҷикистон ҳамсарҳад мебошад, авзои онҳо рӯз ба рӯз мураккаб гардида истодааст. Ба ин хотир мо ҷавонон доим омодагӣ худро барои ҳифзи сарҳад ва оромию амниятӣ кишвари азизамон мебинем. Мо давлат дорем, мо соҳибистиқлолем, Бо Пешвои миллат ба суйи ояндаи дурахшон баҳри зиндагии шоиста мубориза мебарем. Нест бод терроризм! Зиндаву поянда бод сулҳу ваҳдати миллӣ.

 

Мудири шуъбаи ҷавонони КИ ҲХДТ дар ноҳияи Синои шаҳри Душанбе

Фозилзода Ш.М.


2021-07-23 09:42:20    10    Муфассал...


СИПАРИ БОЭЪТИМОДИ ДАВЛАТ

Вақте ки ба сафи Қувваҳои Мусаллаҳи Ҷумҳурии Тоҷикистон  ворид мешавӣ, Ватан, миллат, давлат, гузаштагон, имр=зу ояндагон дар назди мо як масъулияти бузругу сангин ва дар айни ҳол пурифтихорро мегузорад, ин ҳам бошад, ҳифз намудани марзу буми кишвари азизамон Тоҷикистон аст.                                                                                     Пушида нест, ки Тоҷикистони азизи мо ҳамсарҳад ба яке аз кишварҳои ҷангзадаву дорои ячейкаҳои терроризму экстремизм, гардиши ғайриқонунии маводи мухаддир ва макони садҳо созмонҳои ифротгаро, бо Ҷумҳурии Исломии Афғонистон мебошад, ки аз дигар ҳамсоядавлатҳои Афғонистон бо сарҳади Тоҷикистон ҳамсояи наздик ва сарҳади дурру дароз дорад. Ин метавонад ҳар лаҳза ба амнияти кишвари зебоманзари мо таҳдид намояд.                                                                             Аз ин рӯ Тоҷикистонро зарурат пеш омад, ки бори аввал дар таърихи навини соҳибистиқлоли кишвар бонги хатари умумидавлатӣ таҳти унвони “Марз-2021” бо иштироки зиёда аз 200 ҳазор афсарону сарбозон ва шахсони дар эҳтиёт будаи Қувваҳои Мусаллаҳи Ҷумҳурии Тоҷикистон санаи 22 июли соли 2021 соати 4:00  бо дастури Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, Сарфармондеҳи Олии Қувваҳои Мусаллаҳи Ҷумҳурии Тоҷикистон Генарали Артиш Эмомалӣ Раҳмон доир гардид. Ин баёнгари он аст, ки миллати тоҷик баҳри ҳифзи марзу буми кишвар омодаанд, ки ҷони худро сипари ҳар хасу хори Ватан намоянд.                                                Бовари комил дорем, ки мо дар масъалаи ҳифзи сарҳади давлатӣ, побарҷомондани соҳибистиқлолии кишвар, нигоҳдоштани сохтори  конститутсионии мамлакат саҳми худро мегузорем ва намегузорем, ки душмонони миллати тоҷик як ваҷаб қадами худро дохили кишвари азизи мо намояд.

 

  Усмонов Маҳмурод – мудири шуъбаи ташкилӣ ва кор бо кадрҳои КИ ҲХДТ дар ноҳияи Фирдавсӣ


2021-07-23 09:39:38    63    Муфассал...


Пайравони Пешвои миллатем, ҳомии ин миллати осудаем.

Пайравони асили Пешвои миллат имрӯз бо сарҷамъии худ дар омодабошии ҷангӣ исбот гардид. Сарбозону афсарони мо пайравӣ аз сиёсати имрӯзаи Пешвои миллат, Сарфармондеҳи Олии Қувваҳои Мусаллаҳи Тоҷикистон, генерали артиш, муҳтарам Эмомалӣ Раҳмон бо ҳисси баланди ватандӯстӣ барои ҳифзи марзу бум ва иҷрои амри Сарфармондеҳи Олӣ дар ҷойҳои муайяншуда сарҷамъшуда, ҳолати омодабошии худро санҷиданд. Мушоҳидаҳо нишон медиҳад, ки афсарону сарбозони мо дар сатҳи баланди омодабошӣ қарор дошта, намегузоранд ҳеҷ нохалафе амнияту осудагии миллати моро халалдор созад.

Мо бо Шумоем муҳтарам Пешвои миллат!

 

Д.Ҳукматов - сармутахассиси шуъбаи таблиғот ва иттилооти КИ ҲХДТ дар шаҳри Душанбе


2021-07-23 09:35:32    58    Муфассал...





Даҳсолаи байналмилалии амал «Об барои рушди устувор», солҳои 2018-2028




ВИДЕОПОРТАЛ

Ҳамаи видео



ТАҚВИМ

ПнВтСрЧтПтСбВс