МАРОМИ ПОЙТАХТ

Навидҳо

Ватан ишқи ту ифтихорам Ватан дар раҳат ҷон супорам!...

 Тамоми сокинони биҳиштосоямон субҳи 22-юми июли соли равон бо ифтихор аз меҳри Ватан барои ҳимояи он дар баробари ҷонашон омодагии хешро бо амалашон, яъне тайёрӣ ба ҷанг нишон доданд. Дар ҷараёни он маълум буд, ки ҳар як хурду бузург, бо ишқи саршор ба Ватан, бо ифтихори миллӣ ва дигар эҳсосоти наҷиби инсонӣ онҷо ҷамъ омада буданд, ки марзу буми кишвари худро ҳимоят намоянд. Бо бовари метавон гуфт, ки ҷое, ки иттифоқ аст, ҳама чиз ҳалшаванда аст. Ҳеҷ гоҳ ҷамъи иттифоқро ҳеҷ ягон лашкари бузург пароканда карда наметавонад. Мо миллати тоҷик аз абад бо иттифоқии худ аз тамоми мушкилотҳо раҳои ёфта, ҳамеша рӯ ба рушди кишварамон қадам мондаем. Имрӯз низ бо иттифоқии худ метавонем дилхоҳ мушкилоти пешомадаро пушти сар намуда, як ояндаи зебое барои насли минъбадаамон созем. Ба пеш миллати бо ҳам  иттифоқ!


2021-07-23 17:03:13    6    Муфассал...


Ту магу ҳама ба ҷанганду зи сулҳи ман чӣ ояд, Ту яке найи, ҳазорӣ, ту чароғи худ барафрӯз!

Шояд ҳар як шаҳрванде, ки субҳи дирӯз барои ҳимои Ватан гом бардошта буд, ин мисраҳоро зери лаб барои худ зам-зама мекард. Барои ҳимояи Ватан ва марзу буми он тайёр будани худро бо ба ҳозир шудан дар омодагии ҷангӣ нишон доданд. Ҳар яки онҳо на як балки ҳазорро мемонад. Зеро бо ғурури ватандорӣ, ҳисси баланди миллатдӯстӣ дар он ҷо ҳозир шуда буданд. Дилхоҳ душман бо дидани ин гуна миллати меҳандӯсту ватанпараст, сад маротиба андеша карда, аз  тарси ҷони худ ба хоки ин фарзонафарзандон чашм намедузад. Ба пеш миллати ватандӯсти ман!


2021-07-23 16:45:17    70    Муфассал...


Мазан бар хоки мо бебок дандон, Ки дар ҳар порааш сангест пинҳон

Ба маънои маҷозии ин мисраҳо субҳи 22-юми июли соли равон шоҳид гардидем, ки ҳама ҳамватанонамон барои ҳифзи марзу бум ва якпорчагии он бархостанд. Маълум буд, ки онҳо ҳеҷ як бадгумонеро, ки дарфикр орзӯи нотинҷ кардани ин кишвари биҳиштосоро мепарварад ба хок яксон хоҳанд намуд. Бо дидани он саҳна ва тайёрии ҳарбӣ метавон ором ба кору пайкор ва зиндагии рӯзъмараи худ давом дод. Зеро мо ҳомиёне дорем, ки дар тамоми вазъият барои ҳимояи Ватан омодаанд. Ташаккур ба Шумо! Мо халқи тоҷик ба қадри ин бедорхобиҳои Шумо хоҳем раисид! Мо бо Шумоем!


2021-07-23 16:41:47    45    Муфассал...


МУЛОҚОТИ АБДУҶАББОР АЗИЗӢ ВА СЯН ХУНШАН

23 июли соли ҷорӣ бо дархости Ҳизби Коммунистии Чин мулоқоти онлайнии Муовини якуми Раиси Ҳизби Халқии Демократии Тоҷикистон Азизӣ Абдуҷаббор Абдуқаҳҳор бо муовини мудири шуъбаи муносибатҳои байналмилалии Дастгоҳи Марказии Ҳизби Коммунистии Чин, ҷаноби Сян Хуншан баргузор гардид.

Дар мулоқоти видеоӣ аз ҷониби ҲХДТ, инчунин мудири шуъбаи таблиғот ва ташвиқоти КИМ ҲХДТ Ҳамидиён Илҳомҷон Иномзода ва раиси Ташкилоти ҷамъиятии ҷавонон «Созандагони Ватан» Оятулло Аҳмадзода ва аз ҷониби чинӣ хонум Ван Мин – муовини директори Раёсати шашуми шуъбаи муносибатҳои байналмилалии Дастгоҳи Марказии Ҳизби коммунистии Чин, ҷаноби Ли Тзюнфу – муовини директори Раёсати шашуми шуъбаи муносибатҳои байналмилалии Дастгоҳи Марказии Ҳизби коммунистии Чин, кормандони бахши Раёсати шашуми шуъбаи муносибатҳои байналмилалии Дастгоҳи Марказии Ҳизби коммунистии Чин иштирок намуданд.

Зимни суханронӣ ҷаноби Сян Хуншан мардуми шарафманди кишварро ба муносибати 30-юмин солгарди Истиқлоли давлатии Тоҷикистон ва иштироки фаъолонаи аъзои ҳизбро дар Саммити Ҳизби коммунистии Чин ва ҳизбҳои сиёсии ҷаҳон самимона шодбош гуфт.

Муовини мудири шуъбаи муносибатҳои байналмилалии Дастгоҳи Марказии Ҳизби Коммунистии Чин, ҷаноби Сян Хуншан инчунин дуруди самимии роҳбарияти раёсати байналмилалии Ҳизби коммунистии Чинро ироа намуд.

Муовини якуми Раиси ҲХДТ Абдуҷаббор Азизӣ бо эҳсоси қаноатмандӣ барои муносибатҳои дӯстона ва ҳамсоягии нек қайд намуд, ки дар тӯли сад соли муборизаи ҷасурона Ҳизби коммунистии Чин ҳамеша ба рисолат ва ҳадафи аслии худ – некуаҳволии халқ содиқ монд.

- Ҳамчун ҳамсояи наздик мо хеле мутаассир ҳастем, ки аз соли 2012 инҷониб Ҷумҳурии Мардумии Чин тақрибан 100 миллион нафар мардуми деҳотро аз камбизоатӣ раҳо намуда, барои расидан ба ҳадафи Рӯзномаи СММ оид ба рушди устувор 10 сол пеш аз муҳлат шарафёб гардид, - таъкид намуд Абдуҷаббор Азизӣ.

Гуфта шуд, ки таърихи якасраи Ҳизби коммунистии Чин инчунин таърихи рушди муносибатҳои Тоҷикистону Чин мебошад, ки ба давраи нав қадам гузоштанд.

Ба шарофати сиёсати оқилонаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, Раиси ҲХДТ, муҳтарам Эмомалӣ Раҳмон, бо итминон метавон гуфт, ки кишварҳои мо минбаъд низ ҳамкории бисёрҷабҳаро тавсеа намуда, намунаи ҳамсоягии нек боқӣ мемонанд ва ҳамчун кафили субот ва амнияти минтақавӣ талошҳои муштаракро барои густариш додани муносибатҳои байналмилалӣ талош менамоянд

Гуфта шуд, ки аз рўзҳои нахустини паҳншавии пандемияи коронавирус кишварҳо дар паҳлўи ҳамдигар буда, ба аҳолӣ хизмати баландсифати тиббӣ мерасонанд ва ин нишонаи олии ҳамкорӣ ва ҳамҷаворӣ маҳсуб меёбад.

Оид ба муҳим будани тақвияти иртиботи доимии кишварҳо роҷеъ ба масъалаҳои муҳимтарини ҷомеаи башар дар самти мубориза бо бемориҳои сироятӣ, таъмини амнияти минтақавӣ ва суботи ҷомеа табодули афкор сурат гирифт.

Зимни суханронӣ Абдуҷаббор Азизӣ оид ба самтҳои серпаҳлўи ҳамкориҳои ду шарикони стратегӣ ибрози назар намуда, тақвият бахшидани ҳамкориҳои ҳизбиро байни ҲХДТ ва ҲКЧ дар самтҳои мушаххас бо ироаи таклифҳои мақсаднок зарур донист.

Дар ҷараёни мулоқот ҷонибҳо оид ба самтҳои гуногуни шарикии стратегии кишварҳои ҳамҷавор ва ҳизбҳои сиёсӣ мулоқоти самимӣ анҷом доданд.

Зимни мулоқоти видеоӣ ҷонибҳо ба ҳамкориҳои ҲХДТ бо ҲКЧ баҳои баланд дода, идома додани ин иртиботи ҳасана ва мутақобиларо ба манфиати ҷонибҳо донистанд.

Ҳамчунин, дар рафти суҳбат дигар масъалаҳои ҳамкориҳои ҳизбӣ ва пайдо кардани роҳҳои муосири идома додани муколама байни ҳизбҳои сиёсӣ баррасӣ гардида, он дар руҳияи ҳасана ҷамъбаст шуд.


2021-07-23 16:35:57    85    Муфассал...





Даҳсолаи байналмилалии амал «Об барои рушди устувор», солҳои 2018-2028




ВИДЕОПОРТАЛ

Ҳамаи видео



ТАҚВИМ

ПнВтСрЧтПтСбВс