МАРОМИ ПОЙТАХТ

Навидҳо

ШАРҲИ НУКТАҲОИ ПАЁМИ ПЕШВОИ МИЛЛАТ

Дар асоси нақша чорабиниҳои Кумитаи иҷроияи ҲХДТ дар ноҳияи Синои шаҳри Душанбе ҷиҳати шарҳу тавзеҳи нуктаҳои Паёми Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ба Маҷлиси Олии Ҷумҳурии Тоҷикистон, имрӯз дар толори МТМУ №92-и ноҳияи Синои шаҳри Душанбе суҳбату вохӯрӣ бо сокинон баргузор гардид.

Дар вохӯрӣ Раҷабзода Эраҷ – мудири шуъбаи таблиғот ва иттилооти Кумитаи иҷроияи ҲХДТ дар шаҳри Душанбе, Нуров М.А. – мудири шуъбаи кор бо ҷавонони Кумитаи иҷроияи ҲХДТ дар ноҳияи Синои шаҳри Душанбе, Сабуров А. - мудири кафедраи журналистикаи телевизион ва радиои Донишкадаи давлатии фарҳанг ва санъати Тоҷикистон ба номи М.Турсунзода, Муминзода Ҷ.С. – муовини директори МДТ “Коллеҷи тиббии ҷумҳуриявӣ” иштирок намуда, доир ба самтҳои мухталифи Паёми Пешвои миллат суханронӣ намуданд.

Аз ҷумла, дар вохӯрии мазкур зикр гардид, ки Паёми Пешвои миллат ин дастури рӯимизӣ барои кормандони соҳаҳои мухталиф ба ҳисоб меравад.

Аз ин рӯ, моро мебояд, ки дар ин самт масъулиятшинос буда, дар амалӣ намудани дастуру супоришҳои Президенти мамлакат, муҳтарам Эмомалӣ Раҳмон, ки зимни Паёми хеш масъалагузорӣ намуданд, ҳиссагузор бошем.


Вакти нашр: 2021-04-01 08:21:14    Хонданд: 171    Муфассал...

ПАЁМ – ДАСТУРЕ БАРОИ РУШДИ СОҲАИ ТАНДУРУСТӢ

Тибқи барқияи электронии Кумитаи иҷроияи Ҳизби Халқии Демократии Тоҷикистон дар ноҳияи Исмоили Сомонӣ аз 9-феврали соли ҷорӣ дар асоси нақша-чорабиниҳо вобаста ба шарҳу тавзеҳ ва оммафаҳм намудани нуктаҳои Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон дар ташкилоти ибтидоии ҳизбии “Ворисони Сино” вохурӣ баргузор гардид. Дар он муовини раиси Кумитаи иҷроияи Ҳизби Халқии Демократии Тоҷикистон дар ноҳияи Исмоили Сомонӣ –Ҷурахонзода Ҷумахон, Вакили маҷлиси вакилони халқи ноҳияи Исмоили Сомонӣ-Ҳаётзода Бозоралӣ Ҷабор, гуруҳи таблиғотӣ Бердиев Шоҳназар, муовини ташкилоти ибтидоии ҳизбии “Ворисони Сино” Шерматов Баҳром, Сайдализода Шоира ва аъзоёни ташкилот иштирок намуданд. Сараввал Ҷурахонзода Ҷумахон маҷлисро ифтитоҳ намуда қайд намуд,ки паём ҳамчун ҳуҷҷати барномавӣ, ҳамасола аз ҷониби Пешвои миллат Президенти Ҷумҳурии Тоҷикистон муҳтарам, Эмомалӣ Раҳмон ба Маҷлиси Олӣ ироа мегардад. Дар идома Бердиев Шоҳназар қайд намуд, ки саломатии миллат ба рушд ва нуфузи ҷомеа таъсиргузор аст. Бинобар ин дар Паём таъкид карда шуд, ки новобаста аз он ки таъсири пандемияи сироятии коронавирус, КОВИД-19 дар ҷумҳурӣ чи гуна аст, ки дар ҳама ҷо ба қоидаҳои беҳдошти шахсиву ҷамъиятӣ аҳамият дода, худ ва атрофиёнамонро ҳифз намоем. Сипас Сайдализода Шоира ишора намуд, ки паём дар доираи манфиатҳои миллии кишвар барои мустақилона муайян намудани самтҳои асосии сиёсати дохилию хориҷӣ ва дурнамои рӯшди мамлакат равона шуда, нишон аз давлатдории миллӣ ва соҳибистиқлолӣ мебошад. Дар фарҷом баёни андешаҳо миёни аъзоёни ташкилот сурат гирифт.


Вакти нашр: 2021-04-01 08:26:40    Хонданд: 147    Муфассал...

Маҷлиси Ҳукумати Ҷумҳурии Тоҷикистон

31 март таҳти раёсати Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, Раиси Ҳукумати Ҷумҳурии Тоҷикистон муҳтарам Эмомалӣ Раҳмон маҷлиси Ҳукумати Ҷумҳурии Тоҷикистон баргузор гардид.

Дар кори маҷлис “Дар бораи Барномаи аз худ намудани манбаъҳои барқароршавандаи энергия ва сохтмони нерӯгоҳҳои хурди барқи обӣ барои солҳои 2016-2020” ва тадбирҳои анҷомдодашуда дар самти сарфаҷӯии нерӯи барқ ҳисоботи вазири энергетика ва захираҳои оби Ҷумҳурии Тоҷикистон Ҷумъа Далер ва “Дар бораи сари вақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2021-2022” гузориши вазири рушди иқтисод ва савдои Ҷумҳурии Тоҷикистон Завқӣ Завқизода шунида шуд.

Барномаи аз худ намудани манбаъҳои барқароршавандаи энергия ва сохтмони нерӯгоҳҳои хурди барқи обӣ барои солҳои 2016-2020 барои беҳтар намудани “вазъи иҷтимоии аҳолӣ, рушди минтақаҳои дурдасту баландкӯҳ ва ҳавасмандгардонии аҳолӣ барои зист дар ин минтақаҳо бо роҳи ташкил намудани системаи таъминот бо нерӯи барқ аз ҳисоби манбаъҳои барқароршавандаи энергия, ҳифзи экологияи ноҳияҳои баландкӯҳ, манъи буридани ҷангалу буттаҳо барои сӯзишворӣ, рушди сайёҳӣ, баланд бардоштани сифати хизматрасонӣ дар соҳаи туризм, таъсиси ҷойҳои нави корӣ ва ғанӣ гардонидани буҷети ҷумҳурӣ аз ҳисоби рушди иқтисодии ин ноҳияҳо равона карда шудааст.

Тибқи барнома, давоми солҳои 2016-2020 бо дастгирии Ҳукумати Ҷумҳурии Тоҷикистон аз ҷониби Вазорати энергетика ва захираҳои об дар ҳамкорӣ бо ширкати саҳомии холдингии кушодаи “Барқи Тоҷик”, ҷамъияти саҳомии кушодаи “Помир Энерҷӣ” ва шарикони рушд дар шаҳру ноҳияҳои Вилояти Мухтори Кӯҳистони Бадахшон, вилояти Хатлон, Суғд ва ноҳияҳои тобеи марказ танҳо аз ҳисоби чорабиниҳои асосии барнома 9 нерӯгоҳи барқи обии хурд бо иқтидори 2 260 кВт ва арзиши умумии 127,9 млн сомонӣ сохта мавриди истифода қарор дода шуд.

Ҳамчунин дар ин давра берун аз барнома 9 неругоҳи хурди барқи обй бо иқтидори умумии 1 685 кВт ва бо арзиши умумии 31,7 млн сомонӣ сохта шудааст.

Ҳамзамон дар доираи барнома бо ҷалби шарикони рушд ва пажӯҳишгоҳҳои ватании лоиҳакаш пешнавишти асосноккунии техникию иқтисодии 45 нерӯгоҳи барқи обии хурд таҳия гардида, ҳамкориҳо бо шарикони рушд ҷиҳати дарёфти манбаъҳои сармоягузорӣ оғоз карда шудааст.

Дар натиҷаи сохта ба истифода додани нерӯгоҳҳои хурди мазкур, барои бо нерӯи барқ таъмин намудани 2231 хоҷагӣ, 21 мактаб, 15 бунгоҳи тиббӣ ва 93 иншооти гуногуни хоҷагии халқ шароит фароҳам оварда шуд.

Сарвари давлат муҳтарам Эмомалӣ Раҳмон ба масъулини вазорати энергетика ва захираҳои оби ҷумҳурӣ супориш доданд, ки барои таъмини пурра ва босифати Барномаи аз худ намудани манбаъҳои барқароршавандаи энергия ва сохтмони нерӯгоҳҳои хурди барқи обӣ барои солҳои 2016-2020, татбиқи лоиҳаҳои сармоягузории кам кардани талафоти нерӯи барқ, пардохти саривақтии ҳаққи истифодаи барқ ва ҷорӣ кардани системаи муосир дар соҳа тадбирҳои мушаххас андешанд.

Вобаста ба сари вақт омода кардани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2021-2022 Сарвари давлат ба Ҳукумати мамлакат супориш доданд, ки аз ҳозир миқдори зарурии ангишт, сӯзишворӣ, маводи хӯрокворӣ захира гардида, барои таъмини пурраи нерӯи барқ ба аҳолӣ дар давраи тирамоҳу зимистон чораҷӯӣ намоянд.

Оид ба лоиҳаи Қонуни Ҷумҳурии Тоҷикистон “Дар бораи тарбияи ҷисмонӣ ва варзиш” ҳисоботи Раиси Кумитаи кор бо ҷавонон ва варзиш Абдулло Раҳмонзода шунида шуд.

Президенти мамлакат муҳтарам Эмомалӣ Раҳмон дастур доданд, ки баҳри истиқболи сазовор аз ҷашни умумимиллӣ - 30-солагии Истиқлоли давлатӣ, барои оммавигардонии варзиш, таъмини тарзи ҳаёти солим, ҳавасмандӣ ва ҷалби ҷавонон ба варзиш дар саросари кишвар мусобиқаҳо аз руи ҳамаи намудҳои варзиш дар сатҳи баланди ташкилӣ баргузор карда шавад.

Аъзои Ҳукумати мамлакат лоиҳаҳои як қатор қонунҳо, аз ҷумла Дар бораи лоиҳаи Қонуни Ҷумҳурии Тоҷикистон “Оид ба ворид намудани тағйиру илова ба Қонуни Ҷумҳурии Тоҷикистон “Дар бораи қарзгирии давлатӣ ва қарзе, ки аз ҷониби давлат кафолат дода мешавад”, Дар бораи лоиҳаи Қонуни Ҷумҳурии Тоҷикистон “Оид ба ворид намудани тағйироту илова ба Қонуни Ҷумҳурии Тоҷикистон “Дар бораи нотариати давлатӣ”, Оид ба лоиҳаи Қонуни Ҷумҳурии Тоҷикистон “Дар бораи ворид намудани тағйиру иловаҳо ба Кодекси ҳуқуқвайронкунии маъмурии Ҷумҳурии Тоҷикистон”, Оид ба лоиҳаи Қонуни Ҷумҳурии Тоҷикистон “Дар бораи ворид намудани тағйир ба Кодекси мурофиаи ҳуқуқвайронкунии маъмурии Ҷумҳурии Тоҷикистон” ва Дар бораи лоиҳаи Қонуни Ҷумҳурии Тоҷикистон “Оид ба ворид намудани тағйирот ба Қонуни Ҷумҳурии Тоҷикистон “Дар бораи ғалла ва маҳсулоти коркарди он”-ро муҳокима карда, барои баррасӣ ба Маҷлиси намояндагони Маҷлиси Олии Ҷумҳурии Тоҷикистон ирсол намуданд.

Дар кори маҷлиси Ҳукумат ду пешниҳод - Дар бораи пешниҳоди хулосаи Ҳукумати Ҷумҳурии Тоҷикистон ба лоиҳаи Қонуни Ҷумҳурии Тоҷикистон “Оид ба ворид намудани тағйиру иловаҳо ба Қонуни Ҷумҳурии Тоҷикистон “Дар бораи хоҷагии ёрирасони шахсӣ” ва Дар бораи пешниҳоди Маҷлиси вакилони халқи ноҳияи Сангвор оид ба иваз намудани номи деҳоти Сангвор ба деҳоти Заршӯёни ноҳияи Сангвор мавриди баррасӣ қарор дода шуд.

Дар бораи Барномаи миёнамуҳлати амал оид ба амалисозии Стратегияи идоракунии молияи давлатии Ҷумҳурии Тоҷикистон барои давраи то соли 2030 дар солҳои 2021-2023, Дар бораи Барномаи давлатии дарёфт ва рушди истеъдодҳо барои солҳои 2021-2025, Дар бораи Барномаи таъмин намудани муассисаҳои таълимӣ бо кабинетҳои фаннӣ ва озмоишгоҳҳои муҷаҳҳази таълимӣ барои солҳои 2021-2025, Дар бораи Барномаи давлатии рушди муассисаҳои фарҳангии Ҷумҳурии Тоҷикистон барои солҳои 2021-2025, Дар бораи Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021-2025, Дар бораи Барномаи рушди соҳаи тухмипарварӣ дар Ҷумҳурии Тоҷикистон барои солҳои 2021-2025, Дар бораи Барномаи рушди соҳаи қолинбофӣ дар Ҷумҳурии Тоҷикистон барои солҳои 2021-2025 ва Дар бораи ба муомилот баровардани қоғазҳои қимматноки давлатии Ҷумҳурии Тоҷикистон ҳисоботи шахсони масъул шунида шуд.

Дар охири кори маҷлис Президенти мамлакат, Раиси Ҳукумати Ҷумҳурии Тоҷикистон муҳтарам Эмомалӣ Раҳмон вобаста ба масъалаҳои дар маҷлис баррасишуда, ба Ҳукумати кишвар ва роҳбарони сохторҳои давлатӣ ҷиҳати риояи қонунҳои Ҷумҳурии Тоҷикистон, татбиқи саривақтию босамари барномаҳои давлатӣ ва иҷрои дастурҳои қаблии Ҳукумати Ҷумҳурии Тоҷикистон супоришҳои мушаххас доданд.

Вобаста ба иҷрои тадбирҳои амалӣ оид ба коҳиш додани таъсири омилҳои беруна ба иқтисодиёти мамлакат, кишту кори баҳорӣ, истифодаи самараноки заминҳои наздиҳавлигӣ ва Президентӣ, истеҳсолу захираи кофии маводи хӯрокворӣ, омодагии ҳамаҷониба ба давраи тирамоҳу зимистони солҳои 2021-2022, вусъати корҳои созандагию ободонӣ ба истиқболи ҷашни 30-солагии Истиқлоли давлатӣ, риояи қоидаҳои санитарию беҳдоштӣ дар давраи пандемияи ҷаҳонӣ, риояи ҳатмии Қонуни Ҷумҳурии Тоҷикистон “Дар бораи танзими анъана ва ҷашну маросим дар Ҷумҳурии Тоҷикистон”, дастуру супоришҳо дода шуд.


Вакти нашр: 2021-04-01 08:39:28    Хонданд: 155    Муфассал...

НАШРИ НУСХАИ НАВБАТИИ "МАРОМИ ПОЙТАХТ" №12 (648) аз 31 марти соли 2021

_________________________________________________________________________________________________________________


Вакти нашр: 2021-04-01 10:18:19    Хонданд: 85    Муфассал...

ВАТАН! ҚАСАМ, КИ МАРЗУ БУМАТ ДАР АМОН АСТ! ГУСЕЛИ НАВАСКАРОН БА САФИ АРТИШИ МИЛЛӢ

Дар бинои филармонияи давлатии Тоҷикистон ба номи Акашариф Ҷӯраев имрӯз маросими тантанавии гусели наваскарон ба сафи Қувваҳои Мусаллаҳи кишвар бо шаҳомати хоса баргузор гардид. Ҷавонони синни даъватӣ аз ҳар гӯшаву канори пойтахт - ноҳияҳои шаҳри Душанбе дар чорабинии фарҳангии гусел ба сафи Артиши миллӣ иштирок намуданд. Зимнан дар барномаи фарҳангӣ рақсу сурудхонӣ намуда, бо руҳияи болида ва ифтихору шарафмандӣ раҳсипор гардиданд.

Ифтихори миллию ватандорӣ бо ҳидоятҳои Пешвои муаазами миллат дар ниҳоди ҳар фарди ҷомеа, бахусус ҷавонон хеле боло рафтааст. Гусели наваскарон ба сафи Қувваҳои Мусаллаҳи Тоҷикистон солҳост, ки бо шукуҳмандии хоса ҷараён мегирад. Имрӯз воҳиди марзию маъмурии Ватан-Тоҷикистонро комилан ҷавонони ифтихорманду меҳанпарасти миллат дифоъ мекунанд.

Ин ифтихор ва шарафи бузур аст!


Вакти нашр: 2021-04-01 14:34:05    Хонданд: 140    Муфассал...

ДАР МУАССИСАИ ДАВЛАТИИ «ҚАСРИ ТЕННИС ВА МАҶМААИ ВАРЗИШИИ ОБӢ»-И МАҚОМАТИ ИҶРОИЯИ ҲОКИМИЯТИ ДАВЛАТИИ ШАҲРИ ДУШАНБЕ ТАШКИЛОТИ ИБТИДОИИ ҲИЗБӢ ТАЪСИС ДОДА ШУД.

Имрӯз бо иштироки Файзуллозода Заррина Файзулло-раиси Кумитаи иҷроияи Ҳизби Халқии Демократии Тоҷикистон дар ноҳияи Синои шаҳри Душанбе ва Шарифзода Манучеҳр Абдурасул Директори муассисаи давлатии «Қасри теннис ва маҷмааи варзишии обӣ»-и мақомати иҷроияи ҳокимияти давлатии шаҳри Душанбе маҷлиси муассисон оид ба таъсиси ташкилоти ибтидоӣ дар муассисаи мазкур доир гардид.

Тибқи қарори маҷлиси муассисон ташкилоти ибтидоӣ “Пешсафон” номгузорӣ гардида, Шарифзода Манучеҳр Абдурасул ба ҳайси раиси ташкилоти ибтидоӣ ва Фурқатзода Мавзуна Фурқат ба ҳайси котиби ташкилоти ибтидоӣ интихоб гардиданд.

Зикр кардан ба маврид аст, ки аз ҷониби Файзуллозода Заррина Файзулло -раиси Кумитаи иҷроияи Ҳизби Халқии Демократии Тоҷикистон дар ноҳияи Синои шаҳри Душанбе ва Шарифзода Манучеҳр Абдурасул - Директори муассисаи давлатии «Қасри теннис ва маҷмааи варзишии обӣ»-и мақомати иҷроияи ҳокимияти давлатии шаҳри Душанбе ба 11 нафар кормандони муассиса, ки ҳамакнун ба узвияти Ҳизби Халқии Демократии Тоҷикистон шомил гардиданд, дар вазъияти тантанавӣ шаҳодатномаҳои ҳизбӣ супорида шуд.


Вакти нашр: 2021-04-01 14:47:59    Хонданд: 199    Муфассал...

ПАЁМИ ПЕШВОИ МИЛЛАТ-ҲИДОЯТНОМАИ ФАРДОИ ДУРАХШОН

Санаи 31 марти соли 2021 дар асоси ҷадвали баргузории вохӯрии гурӯҳҳои таблиғотии Кумитаи иҷроияи ҳизб дар ноҳияи Фирдавсӣ дар толори муассисаи таҳсилоти миёнаи умумии №5 бо сокинони Нозироти минтақавии идоракунии хоҷагии фонди манзил-2 шаҳраки 64 вохӯрӣ оид ба Паёми Пешвои миллат ба Маҷлиси Олӣ баргузор гардид, ки дар он Раиси Кумитаи иҷроия Абдураҳим Шоҳиён, муовини раиси Кумитаи иҷроияи ҲХДТ дар шаҳри Душанбе Ҷурабек Муродов ва сармуҳаррири нашрияи расмии Ҳукумати Ҷумҳурии Тоҷикистон "Народная газета" Камолова Маҳбуба иштирок намуданд.

Зимни вохӯрӣ роҷеъ ба дастуру супоришҳое, ки аз Паёми Пешвои миллат, муҳтарам Эмомалӣ Раҳмон бармеояд, суҳбату муколама анҷом ёфт. Баромадкунандагон дар бораи паҳлӯҳои Паём ҷиҳати баланд бардоштани маърифати аҳолӣ оид ба арзишҳои миллӣ, бедор намудани ҳисси ватандӯстӣ, дастоврдҳои даврони соҳибистиқлолӣ, муқаддас доштани сулҳу оромӣ ва ваҳдату ягонагии Тоҷикистон суханронӣ намуданд.


Вакти нашр: 2021-04-01 16:00:33    Хонданд: 168    Муфассал...

РАФТИ КОРҲОИ ОБОДОНИЮ БУНЁДКОРӢ ДАР ПОЙТАХТ

Дар доираи омодагиҳо ба ҷашни бузурги миллӣ, 30-солагии Истиқлолияти давлатии Ҷумҳурии Тоҷикистон дар мамлакат, хоса пойтахти он шаҳри Душанбе раванди тадбирҳои ободонӣ бо суръат идома доранд.

Вобаста ба он Амри Президенти Ҷумҳурии Тоҷикистон аз аз 22 майи соли 2018, № АП-1059 доир ба рафти корҳои ободонию бунёдкорӣ ба муносибати таҷлили ҷашни 30-солагии Истиқлолияти давлатии Ҷумҳурии Точикистон, қарори Раиси шаҳри Душанбе аз 3 октябри соли 2019, №599 «Дар бораи Нақшаи чорабиниҳои амалӣ намудани корҳои бунёдкорӣ бахшида ба таҷлили ҷашни 30-солагии Истиқлолияти давлатии Ҷумҳурии Тоҷикистон дар давраи солҳои 2019-2021» ба тасвиб расида, нақшаи чорабиниҳои амалӣ намудани корҳои ободонию бунёдкорӣ бахшида ба пешвози ин санаи муҳим дар шаҳри Душанбе таҳия гардид.

Тибқи нақшаи чорабиниҳо бо иштироки намояндагони мақомоти иҷроияи ҳокимияти давлатии шаҳри Душанбе ва намояндагони васоити ахбори омма, кушодашавии ду иншооти ҷашнӣ дар ҳудуди ноҳияи И. Сомонӣ баргузор гардиданд.

Бинои истиқоматии баландошёна бо ҷойгиронии маркази савдою хизматрасонӣ воқеъ дар кӯчаи М. Турсунзодаи пойтахт, ки аз тарафи ҶДММ «Сомонсайр» сохта шудааст, ҳамзамон бинои истиқоматии бисёрошёна бо ҷойгиронии маркази савдою хизматрасонӣ иборат аз 6 блок, воқеъ дар кӯчаи Қ. Раҳимов-46, ки аз ҷониби соҳибкори инфиродӣ С. Сайфуров сохта ба истифода дода шудааст, бо тарҳу услуби замонавӣ ва шароити хос бунёд гардидааст.

Ба истифода додани чунин иншоотҳо, ғайр аз он ки сокинонро бо биноҳои истиқоматӣ таъмин менамоянд, ҳамчунин бо ба ҷойи кори доимӣ таъмин гардидани шаҳрвандон мусоидат хоҳад кард.


Вакти нашр: 2021-04-01 16:13:14    Хонданд: 155    Муфассал...

ДАЪВАТИ ҶАВОНОН БА ХИЗМАТИ ҲАРБӢ

Ҳамасола санаи 1 апрел дар саросари кишвар маросими даъвати баҳории ҷавонон оғоз мегардад, ки дар рӯзи аввали даъвати ҷавонон ба хизмати ҳарбӣ “Рӯзи даъватшаванда” бо баргузории чорабиниҳои мухталифи тантанавӣ, фарҳангӣ–фароғатӣ ташкил ва баргузор карда мешаванд.

Дар робита ба татбиқи Фармони Президенти Ҷумҳурии Тоҷикистон аз 10 марти соли 2021, №141 «Дар бораи ба эҳтиёт рухсат додани хизматчиёни ҳарбие, ки муҳлати муқарраргардидаи хизмати ҳарбиро адо намудаанд ва даъвати навбатии шаҳрвандони солҳои таваллуди 1994-2003 Ҷумҳурии Тоҷикистон ба хизмати ҳарбӣ» маросими ботантанаи гусели ҷавонон ба хизмати ҳарбӣ оғоз гардид.

Ба ин мақсад, Қарори Раиси шаҳри Душанбе №173 аз 19 марти соли 2021 «Дар бораи даъвати навбатии шаҳрвандони солҳои таваллуди 1994-2003 ба хизмати ҳарбӣ» ба имзо расида, аз ҷониби мақомоти иҷроияи ҳокимияти давлатии шаҳри Душанбе санаи 1 апрели соли равон дар толори Филармонияи давлатии Тоҷикистон ба номи А.Ҷӯраев чорабинии тантанавӣ ва маъракаи гусели наваскарон аз шаҳри Душанбе ба сафи Қувваҳои мусаллаҳи мамлакат бо баргузории чорабиниҳои тантанавӣ ва фарҳангию фароғатӣ баргузор гардид.

Маврид ба зикр аст, ки дар чорабинии мазкур муовини Раиси шаҳри Душанбе, Раиси Комиссияи даъвати ҷавонон ба хизмати ҳарбӣ Гуреззода Умед, сардори Раёсати ташкилӣ ва сафарбарии ситоди генералии Вазорати мудофиаи Ҷумҳурии Тоҷикистон Одиназода Мусо, Раиси Кумитаи кор ҷавонон ва варзиши назди Ҳукумати Ҷумҳурии Тоҷикистон Раҳмонзода Абдулло Қурбоналӣ, Раиси Кумитаи иҷроияи Ҳизби Халқии Демократии Тоҷикистон дар шаҳри Душанбе Мирзозода Иброҳим Холмурод, муовини Раиси Кумитаи марказии ташкилоти ҷамъиятии мададгори мудофиаи Ҷумҳурии Тоҷикистон, полковник Рустамов Баҳром иштирок ва суханронӣ намуданд.

Ҳамчунин, дар чорабинӣ беш аз 900 нафар масъулин ва иштирокчиён аз ҷумла, роҳбарону масъулини сохторҳои соҳаи кор бо ҷавонон ва варзиш, фарҳанг, тандурустӣ, маориф, роҳбарони комиссариатҳои ҳарбии шаҳр ва ноҳияҳои он, ихтиёриёни ҷавон, ҷавонони синни даъватию то даъватӣ ва волидайни онҳо иштирок доштанд.

Дар маросим ба даъватшудагон, ки курсҳои кӯтоҳмуддати ронандагиро омӯхтаанд, ҳуҷҷати хатми ронандагӣ тақдим гардида, сипас намоиши машқҳои ҳарбӣ-варзишӣ аз ҷониби афсарону сарбозони Вазорати мудофиаи Ҷумҳурии Тоҷикистон ба намоиш гузошта шуда, чун анъана маросими «Нонгазон» сурат гирифт.

Сипас, барномаи рангини фарҳангиву фароғатӣ ва намоиши театрӣ баҳри болидарӯҳии наваскарон аз ҷониби ҳунармандони Раёсати фарҳанги шаҳри Душанбе пешниҳоди иштирокдорон гардонида шуд.

Қайд бояд кард, ки Ҳукумати мамлакат ҷиҳати боз ҳам рушд додан ва фароҳам сохтани шароити созгор барои сарбозону афсарони шуҷои Ватан пайваста тадбирҳои мақсаднок андешида истодааст, ки бо дарназардошти таъмини шароити мусоид дар ҷузъу томҳои қувваҳои мусаллаҳи кишвар сол то сол сафи ихтиёриёни ҷавон ба хизмати ҳарбӣ афзуда истодааст. Инаст, ки дар рӯзи аввали даъвати ҷавонон ба хизмати ҳарбӣ аз шаҳри Душанбе 510 нафар ҷавонон ихтиёран ба хизмати ҳарбӣ гусел карда шуданд.

Тавре дар Қарори Раиси шаҳри Душанбе, муҳтарам Рустами Эмомалӣ омадаст, комиссарҳои ҳарбӣ, раисони комиссияҳои даъвати шаҳри Душанбе ва ноҳияҳои он муваззаф гардидаанд, ки даъвати шаҳрвандонро аз ҳисоби даъватшавандагони ба таври дақиқ интихобшуда ба қӯшунҳои сарҳадӣ, Гвардияи миллӣ ва қисмҳои ҳарбии таъйиноти махсус, бо дарназардошти хусусияти хоси хизмат дар ин воҳидҳо ва дар навбати аввал, пуррагардонии онҳо бо иштироки намояндагони мақомоти амният ва корҳои дохилӣ амалӣ намоянд.

Ҳамчунин, тибқи қарори мазкур, раёсатҳои кор бо ҷавонон ва варзиш, фарҳанг, кор бо занон ва оилаи шаҳри Душанбе уҳдадор гардидаанд, ки миёни сокинон ва ҷавонони синни даъватӣ хизмати ҳарбиро ҳамчун вазифаи муқаддаси ҳар шаҳрванд ташвиқу тарғиб намоянд.

Таъкид гардид, ки ҷавонони сарбаланди тоҷикро мебояд ба Ватан содиқона хизмат намуда, барои ҳимояи марзу буми сарзамини аҷдодиамон бо ҳушёрию далерӣ ва мардонагӣ омода бошанд ва онро чун гавҳараки чашм ҳифз намоянд.


Вакти нашр: 2021-04-01 16:28:19    Хонданд: 193    Муфассал...

Маҷлиси умумии ташкилоти ибтидоии "Боғпарвар"

Дар асоси нақшаи баргузории мулоқоту вохӯриҳои гуруҳҳои таблиғотии Кумитаи иҷроияи ҲХДТ дар ноҳияи Шоҳмансур ҷиҳати шарҳу тавзеҳи Паёми Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон дар ташкилоти ибтидоии "Боғпарвар"-и Институти боғу токпарварӣ ва сабзавоткории Академияи илмҳои кишоварзии Ҷумҳурии Тоҷикистон бо кормандони соҳаи мазкур мулоқот баргузор гардид.

Дар он зикр карда шуд, ки бо ироа гардидани Паём мардуми кишвар бори дигар нерӯ ва илҳоми тоза гирифтанд то ба мушкилоти давру замон истодагарӣ намуда, барои зиндагии шоиста қадамҳои устувор гузоранд. Зеро маълум гардид, ки кишвари мо ба мушкилот нигоҳ накарда, то андозае ба сӯи пеш ҳаракат кардааст.

Бо итминони комил метавон гуфт, ки бо татбиқи сиёсати хирадмандонаи Ҳукумати кишвар мо ба дастовардҳои бештаре ноил хоҳем гашт.


Вакти нашр: 2021-04-01 16:47:56    Хонданд: 135    Муфассал...

ВОХӮРӢ: МАРОМИ МО СОЗАНДАГИВУ БУНЁДКОРӢ

Санаи 1 апрели соли ҷорӣ дар асоси нақша чорабиниҳои Кумитаи иҷроияи Ҳизби Халқии Демократии Тоҷикистон дар шаҳри Душанбе ва ноҳияи Синои шаҳри Душанбе оид ба баргузории мулоқоту вохӯрии гурӯҳҳои таблиѓотии кумитаҳои иљроияи ҲХДТ дар шаҳри Душанбе ва ноҳияҳи Сино бо иштироки Ҷурабек Муродов – муовини раиси Кумитаи иҷроияи ҲХДТ дар шаҳри Душанбе ва Убайдулло Қурбонзода муовини раиси Кумитаи иҷроияи ҲХДТ дар ноҳияи Сино, ҷиҳати шарҳу тавзеҳи Паёми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ба Маҷлиси Олии Ҷумҳурии Тоҷикистон ва Қарори Раиси шаҳри Душанбе, муҳтарам Рустами Эмомалӣ аз 15 феврали соли 2021, № 97 “Дар бораи таҳким бахшидани робита бо аҳли ҷомеа доир ба ҳифзу тарғиби дастовардҳо ва арзишҳои 30 соли Истиқлолияти давлатӣ, ваҳдату ҳамдилӣ, сулҳу амният, баланд бардоштани ҳувияти миллию маънавӣ ва ҳамбастагӣ ба сиёсати созандагӣ” бо сокинони маҳаллаҳои Раҳмон Набиев ва маҳаллаи Фурӯзон вохӯрӣ доир гардид.

Дар он зикр карда шуд, ки бо ироа гардидани Паём мардуми кишвар бори дигар нерӯ ва илҳоми тоза гирифтанд то ба мушкилоти давру замон истодагарӣ намуда, барои зиндагии шоиста қадамҳои устувор гузоранд. Зеро маълум гардид, ки кишвари мо ба мушкилот нигоҳ накарда, то андозае ба сӯи пеш ҳаракат кардааст.

Бо итминони комил метавон гуфт, ки бо татбиқи сиёсати хирадмандонаи Ҳукумати кишвар мо ба дастовардҳои бештаре ноил хоҳем гашт.


Вакти нашр: 2021-04-02 07:42:39    Хонданд: 137    Муфассал...

ВОХӮРИИ ГУРӮҲИ ТАБЛИҒОТӢ ОИД БА ШАРҲУ ТАВЗЕҲИ ПАЁМИ ПЕШВОИ МИЛЛАТ

Вохӯрии гурӯҳи таблиғотии Кумитаи иҷроияи ҲХДТ дар ноҳияи Исмоили Сомонӣ ҷиҳати шарҳу тавзеҳи Паёми Президенти Ҷумҳурии Тоҷикистон, таблиғи дастовардҳои Истиқлолияти давлатӣ, арзишҳои башарии миллати тоҷик дар Донишгоҳи аграрии Тоҷикистон ба номи Ш.Шоҳтемур баргузор гардид.

Дар он муовини Раиси Кумитаи иҷроияи ҳизб дар шаҳри Душанбе Исҳоқӣ Ҳусния Давлаталӣ, муовини Раиси Кумитаи иҷроияи ҳизб дар ноҳияи Исмоили Сомонӣ Ҷурахонзода Ҷумахон, Ректори Донишгоҳи аграрии Тоҷикистон ба номи Ш.Шоҳтемур Маҳмадёрзода Усмон Маъмур, вакили Маҷлиси вакилони халқи шаҳри Душанбе Абдуллозода Масъудҷон, вакилони Маҷлиси вакилони халқи ноҳияи Исмоили Сомонӣ Ғаффорзода Ҷонона ва Суярова Сарвиноз иштирок намуданд.

Вохӯриро Ҷурахонзода Ҷумахон ифтитоҳ намуда, меҳмононро ба ҳозирин муаррифӣ кард.

Сипас аъзои гурӯҳи таблиғотии Кумитаи иҷроияи ҳизб дар ноҳия, Ректори Донишгоҳи аграрии Тоҷикистон ба номи Ш.Шоҳтемур, муовини Раиси Кумитаи иҷроияи ҳизб дар шаҳри Душанбе Исҳоқӣ Ҳусния Давлаталӣ, вакили Маҷлиси вакилони халқи шаҳри Душанбе Абдуллозода Масъудҷон, вакили Маҷлиси вакилони халқи ноҳияи Исмоили Сомонӣ Ғаффорзода Ҷонона дар самтҳои афзалиятноки Паёми Президенти Ҷумҳурии Тоҷикистон ба Маҷлиси Олии кишвар, таблиғи дастовардҳои Истиқлолияти давлатӣ, арзишҳои башарии миллати тоҷик ва амалӣ намудани ҳадафи чорумӣ стратегии кишвар суханронӣ намуда, ҳамагонро ҳамчун муҳаррики асосии ин ҳадафҳо номиданд, ки меҳвари ин бовариро неруи бузурги сокинони кишвар ташкил медиҳанд. Таъкид карда шуд, ки пайравии худро мо сокинон дар саҳми бевосита гузоштан ба роҳнамоиҳои Пешвои муаззами миллат, муҳтарам Эмомалӣ Раҳмон, ки дар Паёми имсолаашон ироа намуданд нишон диҳем. Ҳамчунин гуфта шуд, ки мо бояд кору фаъолияти худро хуб ба роҳ монему баҳри фатҳи қуллаҳои нав камари ҳиммат бандем, ки Тоҷикистони мо дар солҳои наздик ҳамчун як кишвари тараққикардаи дунё гардад ва хостаҳои камтарин тоҷикистонӣ дар кишварамон бузург шаванд.

 


Вакти нашр: 2021-04-02 07:57:22    Хонданд: 139    Муфассал...

Мулоқот бо Раиси Парламенти Ҷумҳурии Корея Пак Бён Сок

Санаи 1 апрели соли 2021 Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Раиси Парламенти Ҷумҳурии Корея Пак Бён Сокро, ки бо сафари расмӣ дар Тоҷикистон қарор дорад, ба ҳузур пазируфтанд.

Дар ҷараёни сӯҳбати самимӣ ба муҳимтарин масъалаҳои ҳамкорӣ, аз ҷумла таҳкими равобити байнипарламентии Тоҷикистону Корея мароқ зоҳир карда шуд.

Ҷонибҳо зимни мулоқот вазъи кунунӣ ва дурнамои ҳамкории ду кишварро дар соҳаҳои манфиатбахши тамосҳои сиёсӣ, тиҷоративу иқтисодӣ, саноат, илмӣ-техникӣ, фарҳангӣ, гуманитарӣ ва дигар бахшҳо, баррасӣ карданд.

Таъкид гардид, ки фаъолияти минбаъдаи Комиссияи байниҳукуматӣ оид ба ҳамкориҳои тиҷоратию иқтисодӣ ва густариши равобит бо Фонди рушди ҳамкории иқтисодӣ метавонад омили таҳкими муносибатҳо дар ин самт ва афзоиши ҳаҷми сармоягузорӣ байни тарафҳо шавад.

Истифодаи иқтидори бойи захираҳои табиии Тоҷикистон, таъсиси марказҳои логистикию тиҷоратӣ дар минтақаҳои озоди иқтисодӣ, ҳамкорӣ дар соҳаи бонкдорӣ, ҷудо кардани қарзҳои имтиёзнок ба иқтисодиёти Тоҷикистон, аз самтҳои ояндадори таҳкими муносибатҳои ҳамкории ду кишвар маънидод гардид.

Аз сатҳи ҳамкории байни ҳукуматҳо, аз ҷумла фаъолияти пурсамари Агентии ҳамкориҳои байналмилалии Корея (KOIKA) изҳори қаноатмандӣ карда шуд.

Дар мулоқот ҳамчунин дурнамои муносибот дар соҳаҳои барои ҷонибҳо судманди туризм, ташкили парвозҳои мустақим байни кишварҳо, муҳоҷирати меҳнатӣ, робитаҳои илмӣ, фарҳангию гуманитарӣ, таҳкими ҳамкорӣ дар соҳаи тандурустӣ дар давраи пандемия, муҳокима гардид.

Айни ҳол дар доираи ҳамкорӣ дар соҳаи илм ва маориф беш аз 200 донишҷӯйи тоҷик дар муассисаҳои олии таълимии Корея таҳсил доранд. Дар мулоқот масъалаи зиёд кардани бурсияҳо барои Тоҷикистон ба миён гузошта шуд.

Ҷонибҳо зимни мулоқот ҳамчунин масъалаҳои ҳамкорӣ дар соҳаи амният ва вазъи сиёсии Афғонистонро баррасӣ карда, оид ба мубориза бо таҳдиду хатарҳои ҷаҳони муосир, аз қабили терроризм, экстремизм, радикализм, гардиши ғайриқонунии маводи мухаддир ва дигар шаклҳои ҷинояткории муташаккилонаи фаромиллӣ, табодули андеша намуданд.


Вакти нашр: 2021-04-02 08:13:07    Хонданд: 180    Муфассал...

ВОХӮРӢ: ХИЗМАТ БА ВАТАН ҚАРЗИ ВАТАНДОРИ МОСТ!

Рӯзи 1 апрели соли ҷорӣ дар асосии нақша – чорабиниҳои Кумитаи иҷроияи ҲХДТ дар ноҳияи Синои шаҳри Душанбе бо мақсади расонидани шарҳу тавзеҳи тағйиру иловаҳо ба Қонуни Ҷумҳурии Тоҷикистон “Дар бораи уҳдадории умумии ҳарбӣ ва хизмати ҳарбӣ” миёни хатмкунандагони Донишгоҳи давлатии молия ва иқтисоди Тоҷикистон вохӯрӣ баргузор гардид.

Дар вохӯрии мазкур Шоҳмурод Рустам – вакили Маҷлиси намояндагони Маҷлиси Олии Ҷумҳурии Тоҷикистон, Мирзозода И.Х. – раиси Кумитаи иҷроияи ҲХДТ дар шаҳри Душанбе, Файзуллозода З.Ф. – раиси Кумитаи иҷроияи ҲХДТ дар ноҳияи Синои шаҳри Душанбе, Хайрзода Ш.Қ. – Ректори Донишгоҳи давлатии молия ва иқтисоди Тоҷикистон ва Муломуродов М. – директори Ташкилоти ҷамъиятии “Тақир” иштирок ва суханронӣ намуданд.

Зимни вохӯрӣ Шоҳмурод Рустам - вакили Маҷлиси намояндагони Маҷлиси Олии Ҷумҳурии Тоҷикистон оид ба тағйиру иловаҳои Қонуни Ҷумҳурии Тоҷикистон “Дар бораи уҳдадории умумии ҳарбӣ ва хизмати ҳарбӣ”, ки чанде қабл аз ҷониби вакилони Маҷлиси намояндагони Маҷлиси Олии Ҷумҳурии Тоҷикистон тағйиру иловаҳо ворид гардида буд, ба саҳми ҳозири расонида шуд.

Инчунин, Мирзозода И.Х. – раиси Кумитаи иҷроияи ҲХДТ дар шаҳри Душанбе аз шароит ва буду боши хизматчиёни ҳарбии Қувваҳои Мусаллаҳи кишвар ёдовар шуда, қайд намуданд, ки бо дастгириҳои Асосгузори сулҳу ваҳдати миллӣ – Пешвои миллат, муҳтарам Эмомалӣ Раҳмон, Қувваҳои Мусаллаҳи ҷумҳурӣ ба як мактаби мардонагӣ ва сохтори мукаммалёфтаи соҳаи ҳарбӣ табдил ёфтааст ва имрӯз боиси ифтихор аст, ки сафи ҷавонони ихтиёрӣ ба хизмати ҳарбӣ меафзояд.

Дар фарҷом миёни иштирокчиёни вохӯрӣ музокира ва саволу ҷавоб сурат гирифт.


Вакти нашр: 2021-04-02 09:12:18    Хонданд: 157    Муфассал...

Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо Раиси Маҷлиси миллии Ҷумҳурии Корея Пак Бён Сок мулоқот намуданд

Имрӯз Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ бо Раиси Маҷлиси миллии (Парламенти) Ҷумҳурии Корея муҳтарам Пак Бён Сок, ки дирӯз бо сафари расмӣ  ба Ҷумҳурии Тоҷикистон ташриф овард, мулоқот намуданд. Дар ин бора ба АМИТ “Ховар” аз Маҷлиси миллии Маҷлиси Олии Ҷумҳурии Тоҷикистон хабар доданд.

Дар мулоқоти дуҷониба ҳамчунин ҳайатҳои васеи Маҷлиси миллии Маҷлиси Олии Ҷумҳурии Тоҷикистон ва Маҷлиси миллии (Парламенти) Ҷумҳурии Корея иштирок доштанд.

Дар оғози мулоқот ҷонибҳо аз раванди мусбати рушди муносибатҳои дӯстона ва ҳамкориҳои мутақобилан судманди миёни Ҷумҳурии Тоҷикистон ва Ҷумҳурии Корея, инчунин сатҳи нави робитаҳои байнипарламентӣ изҳори қаноатмандӣ намуданд.

Таъкид гардид, ки тақвияти робитаҳои байнипарламентӣ василаи самараноки рушди ҳамкории дуҷонибаи ҷавобгӯ ба манфиати миллии ҷонибҳо буда, дар марҳилаи кунунӣ фаъолгардонии гурӯҳҳои дӯстӣ ва ҳамкории Маҷлиси миллии Маҷлиси Олии Ҷумҳурии Тоҷикистон ва Маҷлиси миллии Ҷумҳурии Корея ба мақсад мувофиқ аст.

Рушди ҳамкориҳои иқтисодӣ миёни Ҷумҳурии Тоҷикистон ва Ҷумҳурии Корея ҳамчун самти афзалиятноки муносибатҳои дуҷониба арзёбӣ гардида, бо таваҷҷуҳ ба афзоиши батадриҷи ҳаҷми гардиши мол, ҳавасмандии ҷонибҳо ба рушди минбаъдаи тиҷорати муштарак бо истифодаи зарфиятҳои мавҷуда ва васеъгардонии сохтори молии воридотиву содиротӣ, изҳор карда шуд.

Дар ин робита, ба масъалаи тақвияти фаъолияти Комиссияи муштараки байниҳукуматӣ оид ба ҳамкории тиҷоративу иқтисодӣ ва баргузории ҷаласаи навбатии он дар шаҳри Душанбе, таваҷҷуҳи хоса нигаронида шуд.

Бо дарназардошти захираҳои табиӣ ва имкониятҳои васеи кишвар дар бахшҳои аграрӣ, саноати кӯҳӣ ва гидроэнергетика, инчунин фазои мусоиди сармоягузории минтақаҳои озоди иқтисодии кишвар,ҳавасмандии ҷониби Тоҷикистон барои ҷалби сармояи мустақими ширкатҳои кореягӣ ҷиҳати ба роҳ мондани ҳамкории мутақобилан судманд пешниҳод карда шуд.

Ҳамчунин зимни мулоқот вазъи ҳамкорӣ ва робитаҳои ду кишвар дар соҳаҳои фарҳангиву башардӯстӣ ва илмиву техникӣ, аз ҷумла масъалаи зиёд кардани бурсияҳо барои таҳсили донишҷӯёни тоҷик дар муассисаҳои олии таълимии Ҷумҳурии Корея, ба роҳ мондани ҳамкории амалӣ дар бахши муҳоҷирати меҳнатӣ, таъсиси Дафтари Агентии Корея оид ба ҳамкориҳои байналмилалӣ (KOЙКA) дар шаҳри Душанбе ва дигар масъалаҳои муҳимми рушди муносибатҳои дуҷониба, мавриди баррасии ҳамаҷониба қарор дода шуданд.

Дар баробари ин, ҷонибҳо масъалаҳои таъмини амният ва таҳкими вазъи устувори минтақа, сулҳу субот ва рушди минбаъдаи Афғонистон, ҳамоҳангсозии амалҳои муштарак дар мубориза алайҳи терроризм, экстремизм, муомилоти ғайриқонунии маводи мухаддир ва дигар хатару таҳдидҳои фаромиллиро баррасӣ карданд.


Вакти нашр: 2021-04-02 09:33:17    Хонданд: 125    Муфассал...

2-юми апрел- Рӯзи умумиҷаҳонии китоби кӯдакона

Китоб ҳифзгари ганҷинаи тамаддуни башарист.

“Китоб аст, ки таърихи куҳанбунёди мо, ганҷинаҳои тамаддуни башарӣ, дурдонаҳои назми ҳазорсолаи мо, достонҳо ва илму дониши бостонӣ, хираду заковати наслҳо ва халқҳоро зинда нигоҳ медорад”, -таъкид кардааст Асосгузори сулҳу ваҳдати миллӣ-Пешвои миллат, Президенти кишварамон, муҳтарам Эмомалӣ Раҳмон.

Бо назардошти аҳамияти бузурги китоб дар тарбияи насли наврас ва кӯдакон шуруъ аз соли 1967 бо ташаббус ва қарори Дафтари байналмилалии китоб барои насли ҷавон ба ифтихори зодрӯзи Ҳанс Кристиан Андерсен, нависандаи бузурги достонҳои кӯдакона 2-юми апрел чун Рӯзи ҷаҳонии китоби кӯдакон таҷлил карда мешавад. Ҷомеаи ҷаҳонӣ ҳамасола дар ин рӯз тавассути Дафтари байналмилалии китоб барои насли ҷавон (IBBY) маросими бошукӯҳе ба муносибати бузургдошти мақоми китоби кӯдакона ва адабиёти кӯдакону наврасон дар кишварҳое, ки узвияти ин созмон ба шумор мераванд, таҷлил карда мешавад. Бояд гуфт, ки пайдоиши адабиёти бачагона таърихи чандон кӯҳан надорад. То миёнаҳои асри 17 асосан ба кӯдакон ба таври шифоҳӣ қиссаву достонҳо нақл мекарданд ва ин тарзи гуфторро фарзандон ба насли баъдӣ идома медоданд. Дар асри 18 аллакай кӯдакон маҳсули эҷодиёти нависандагони бузурге ба монанди Даниел Дефо- «Робинзон Крузо» ва «Сайёҳати Гулливер»-и Ҷонатон Свифтро мехонданд. Танҳо дар асри 19 кӯдакон тавонистанд он асару офаридаҳоеро мутолиа намоянд, ки махсус барои онҳо навишта шуда буданд.

Адибони тоҷик низ дар радифи эҷодкорони халқу миллатҳои дигар тавассути офаридаҳои барҷаста, роману достонҳои таърихию илмӣ суннату арзишҳои миллии худро васф кардаанд. Мероси ғании суханварони мумтоз- Фирдавсӣ, Ҳоқонӣ, Низомӣ, Мавлавӣ, Саъдӣ, Айнӣ, Лоҳутӣ, Турсунзода, Назри Яздону Лоиқ, Бозор Собиру Фарзона ва даҳҳои дигар далели гуфтаҳои болоянд. Аҳли илму маърифат тавассути офаридаҳои оламшумул насли наврасро ҷониби некию накӯкорӣ, ватандӯстию хештаншиносӣ, бунёдкорию созандагӣ ва эҳтиром гузоштан ба арзишҳои миллӣ ҳидоят менамоянд.

Бояд гуфт, ки китобҳои бачагонае, ки аз ҷониби шоиру нависандагон барои кўдакон таҳия ва нашр мешаванд, дар ташаккули ҷаҳонбинӣ ва баланд гардидани завқи бадеӣ ва зебоипарастии наврасон нақши калон мебозанд. Китобхонаи давлатии бачагонаи ҷумҳуриявии ба номи Мирсаид Миршакар ин нуктаро ба инобат гирифта, баҳри тарғиби адабиёт, ҷалби наврасон ба китобу китобхона ва кашфи эҷодкорони ҷавону наврас ҳамасола Фестивали «Ҳафтаи китоби кӯдакону наврасони Тоҷикистон»-ро баргузор менамояд.

Баргузории Фестивали ҷумҳуриявии «Ҳафтаи китоби кӯдакону наврасони Тоҷикистон», ки ҳамасола аз 2-юм то 9-уми апрел дар саросари мамлакат бо шукӯҳу шаҳомати хоса таҷлил мегардад, ба ҳамин нуқта яъне тарғиби адабиёти тозанашр, кашфи падидаҳои нави фарҳангӣ, робитаи шоирону нависандагон ва олимон бо насли наврас ва ҷалби ҳарчи бештари кӯдакону наврасон ба китобу китобхона нигаронида шудааст. Имрӯз ин фестивали ҷумҳуриявӣ бо шукӯҳу шаҳомати ба худ хос оғоз гардида то 9-уми апрел идома хоҳад ёфт.

Боиси ифтихору сарафрозии мо миллати тоҷик аст, ки кӯдакону наврасони мо ба китобу китобхони майли беандоза дошт, мекушанд то меросбарони гузашҳтагони худ бошанд.

 

Ҳангома ДАВЛАТЗОДА - рӯзноманигори нашрияи “Мароми пойтахт”


Вакти нашр: 2021-04-02 10:29:06    Хонданд: 202    Муфассал...

НАТИҶАГИРӢ АЗ ФАЪОЛИЯТИ СЕМОҲАИ ТАШКИЛОТИ ИБТИДОИИ "ШАРБАТ"

Бо иштироки намояндагони Кумитаи иҷроияи ҲХДТ дар ноҳияи Шоҳмансур дар ташкилоти ибтидоии “Шарбат” маҷлиси ҳисоботӣ оид ба фаъолияти ташкилот дар семоҳаи аввали соли равон баргузор гардид. Раиси ташкилот вобаста ба фаъолияти ташкилот дар давоми щисоботӣ суханронӣ намуда, афзуд, ки ташкилот дар татбиқи ҳафҳои барномавии ҲХДТ, дастгирии сиёсати созандаи Раиси ҲХДТ, муҳтарам Эмомалӣ Раҳмон, обуна ба нашрияҳои ҳизбӣ корҳои муайянеро анҷом додааст.

Ҳамзамон, Вализода М. - мудири шуъбаи таблиғот ва иттилооти Кумитаи иҷроияи ҲХДТ дар ноҳияи Шоҳмансур бобати вусъати фаъолияти сиёсӣ-ҳизбӣ, масоили дохилиҳизбӣ сухан карда, фаъолияти ташкилоти ибтидоиро дар давраи ҳисоботӣ қонеъкунанда арзёбӣ кард.

Инчунин, қайд карда шуд, ки соли ҷорӣ дар кишвари мо ҷашни бузурги таърихӣ – 30 солагии истиқлолияти давлатии Ҷумҳурии Тоҷикистон таҷлил мегардад, моро водор месозад, ки беш аз пеш фаъолияти худро хубтару бештар намуда, содиқонаву софдилона ба Ватан-Модар хизмат намоем.


Вакти нашр: 2021-04-05 13:22:37    Хонданд: 124    Муфассал...

ИДОМАИ КУМАКҲОИ АМАЛӢ-МЕТОДӢ ДАР КУМИТАЮ ТАШКИЛОТҲОИ ИБТИДОИИ НАЗДИ КИ ҲХДТ ДАР НОҲИЯИ ШОҲМАНСУР

Ташкилоти ибтидоии "Автоколоннаи 2927" яке аз фаъолтарин ниҳодҳои бунёдии Ҳизби Халқии Демократии Тоҷикистон буда, дар татбиқи ҳадафҳои барномавии ҳизб саҳми муносиб дорад.

Бо мақсади танзими фаъолияти расмӣ-коргузорӣ ва танзими корҳо дар тамоми кумитаву ташкилотҳои ибтидоии ҳизбии ноҳияи Шоҳмансур кӯмакҳои амалӣ-методӣ роҳандозӣ гардидаанд, ки барои танзими ҳаракати аъзои ҳизб, тартиби дурусти ҳуҷҷатгузорӣ ва интизоми дохилиҳизбӣ мусоидат хоҳад кард.

Бо ин мақсад дар ташкилоти ибтидоии "Автоколоннаи 2927" кӯмаки амалӣ-методӣ расонида шуд.

 


Вакти нашр: 2021-04-05 13:33:32    Хонданд: 106    Муфассал...

ШАРҲИ НУКТАҲОИ ПАЁМИ ПЕШВОИ МИЛЛАТ

Дар асоси нақша чорабиниҳои Кумитаи иҷроияи ҲХДТ дар ноҳияи Синои шаҳри Душанбе ҷиҳати шарҳу тавзеҳи нуктаҳои Паёми Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон, санаи 2 апрели соли ҷорӣ дар МТМУ №94-и ноҳияи Синои шаҳри Душанбе вохӯрии гурӯҳҳои таблиғотӣ бо сокинон баргузор гардид.

Дар вохӯрӣ Қурбонзода У. – муовини раиси Кумитаи иҷроияи ҲХДТ дар ноҳияи Синои шаҳри Душанбе, Сабуров А. - мудири кафедраи журналистикаи телевизион ва радиои Донишкадаи давлатии фарҳанг ва санъати Тоҷикистон ба номи М.Турсунзода, Бобалиева З. – муовини ректори Донишкадаи давлатии забонҳои Тоҷикистон ба номи С. Улуғзода ва Хоҷаев Д. – омӯзгори Донишгоҳи давлатии молия ва иқтисоди Тоҷикистон иштирок намуда, доир ба самтҳои мухталифи Паёми Пешвои миллат суханронӣ намуданд.

Аз ҷумла, дар вохӯрии мазкур зикр гардид, ки Паёми Пешвои миллат ин дастури рӯимизӣ барои кормандони соҳаҳои мухталиф ба ҳисоб меравад.

Аз ин рӯ, моро мебояд, ки дар ин самт масъулиятшинос буда, дар амалӣ намудани дастуру супоришҳои Президенти мамлакат муҳтарам Эмомалӣ Раҳмон, ки зимни Паёми хеш масъалагузорӣ намуданд, ҳиссагузор бошем.


Вакти нашр: 2021-04-05 13:55:02    Хонданд: 127    Муфассал...

Минбаъд ҷавонписароне, ки хизмати ҳарбиро адо намудаанд ба муассисаҳои таҳсилоти олии ҳарбии дохил ва хориҷ бидуни озмун дохил мешаванд

Лоиҳаи Қонуни Ҷумҳурии Тоҷикистон «Оид ба ворид намудани тағйиру илова ба Қонуни Ҷумҳурии Тоҷикистон «Дар бораи вазъи ҳуқуқии хизматчиёни ҳарбӣ» бо мақсади ҳавасмандгардонии сарбозон пас аз адои хизмати ҳарбӣ, аз ҷумла муқаррар кардани имтиёзҳои муайян ба ин гурӯҳи шаҳрвандон ва дар навбати аввал ҳангоми қабул ба муассисаҳои таҳсилоти олии ҳарбии дохил ва хориҷи мамлакат бидуни озмун шомил гардидани онҳо таҳия ва пешниҳод гардидааст. Ин матлабро  раиси кумитаи Маҷлиси намояндагон оид ба тартиботи ҳуқуқӣ,  мудофиа ва амният Рустам Шоҳмурод зимни баррасии лоиҳаи Қонуни Ҷумҳурии Тоҷикистон «Оид ба ворид намудани тағйиру илова ба Қонуни Ҷумҳурии Тоҷикистон «Дар бораи вазъи ҳуқуқии хизматчиёни ҳарбӣ» иброз намуд.

Тавре котиби матбуоти Маҷлиси намояндагон Муҳаммадато Султонов ба АМИТ «Ховар» хабар дод, дар ҷаласаи Шӯрои Маҷлиси намояндагон, ки имрӯз таҳти раёсати Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода баргузор гардид, ин масъала баррасӣ карда шуд.

Шоҳмуроди Рустам ҳамчунин иброз намуд, ки кумитаҳои Маҷлиси намояндагони Маҷлиси Олии Ҷумҳурии Тоҷикистон ва раёсати ҳуқуқи дастгоҳи Маҷлиси намояндагони Маҷлиси Олии Ҷумҳурии Тоҷикистон лоиҳаи қонунро мавриди омӯзиш қарор дода, онро бо пешниҳоди хулосаҳо ҷонибдорӣ намуданд. Аз кумитаҳои Маҷлиси намояндагон ва раёсати ҳуқуқи Дастгоҳи Маҷлиси намояндагони Маҷлиси Олии Ҷумҳурии Тоҷикистон 3 таклиф пешниҳод гардид, ки дар маҷмӯъ ба инобат гирифта шуданд.

Лоиҳаи Қонуни пешниҳодгардида ба моддаи 41 Конститутсияи Ҷумҳурии Тоҷикистон, муқаррароти қонунҳои Ҷумҳурии Тоҷикистон «Дар бораи маориф», «Дар бораи мудофиа» ва «Дар бораи Қувваҳои Мусаллаҳи Ҷумҳурии Тоҷикистон», инчунин дигар санадҳои меъёрии ҳуқуқӣ мухолифат надошта, амалӣ намудани он аз буҷети давлатӣ маблағи иловагӣ талаб намекунад.

Дар ҷаласаи Шӯро ҳамчунин лоиҳаи Қонуни Ҷумҳурии Тоҷикистон «Оид ба ворид намудани иловаҳо ба Қонуни Ҷумҳурии Тоҷикистон «Дар бораи воситаҳои нашъадор, моддаҳои психотропӣ ва прекурсорҳо»,  лоиҳаи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи иттиҳодияҳои корфармоён», лоиҳаи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи мусоидат ба шуғли аҳолӣ», лоиҳаи Қонуни Ҷумҳурии Тоҷикистон «Оид ба ворид намудани тағйирот ба Қонуни Ҷумҳурии Тоҷикистон «Дар бораи иттиҳодияҳои ҷамъиятӣ»,  Созишномаи грантӣ (амалиёти махсус) байни Ҷумҳурии Тоҷикистон ва Бонки Осиёии Рушд оид ба Лоиҳаи идоракунии захираҳои об дар ҳавзаи дарёи Панҷ, маблағгузории иловагии дуюм, Созишномаи сармоягузорӣ байни Ҳукумати Ҷумҳурии Тоҷикистон ва ҷамъияти саҳомии кушодаи «Тоҷикгидроэлектромонтаж» оид ба сохтмон ва истифодаи корхонаи истеҳсоли таҷҳизоти барқӣ дар шаҳри Душанбе,  Дар бораи доир намудани муҳокимаи парлумонӣ оид ба иҷрои «Барномаи рушди сайёҳӣ дар Ҷумҳурии Тоҷикистон барои солҳои 2018-2020» мавриди баррасӣ қарор гирифтанд.

 Акс аз Маҷлиси намояндагони Маҷлиси Олии ҶТ


Вакти нашр: 2021-04-05 13:59:42    Хонданд: 161    Муфассал...

ВОХӮРӢ: ПАЁМ – РАҲНАМОИ ФАРДОИ ДУРАХШОН

Бо иштироки муовини Раиси Кумитаи иҷроияи ҲХДТ дар шаҳри Душанбе -Муродов Ҷурабек ва муовини раиси Кумитаи иҷроияи ҲХДТ дар ноҳияи Шоҳмансур -Амонуллозода Ҳамрохон оид ба тавзеҳи муҳтавои Паёми Пешвои миллат, муҳтарам Эмомалӣ Раҳмон ба Маҷлиси Олӣ вохӯрии судманд доир гардид.

Муовини Раиси Кумитаи иҷроияи ҲХДТ дар шаҳри Душанбе Муродов Ҷурабек дар суханронии худ аҳамияти Паёмро барои дурнамои сиёсати дохилӣ ва хориҷии кишвар муҳим арзёбӣ намуданд. Сипас се ҷанбаи аҳамиятноки Паём, аз ҷумла иқтисодӣ, фарҳангӣ ва иҷтимоии онро аз дидгоҳи амиқи сиёсӣ ва таҳлилӣ барои ҳозирин шарҳ доданд.

Мавсуф қайд намуданд, ки ягон паёме нест, ки Пешвои миллат дар бораи забон ва мақоми он, арҷ ва эҳтироми забони ноби тоҷикӣ сухан накарда бошанд. Ин мароми Пешвои миллат имрӯз дар ҷомеа ба сифати сиёсати давлатӣ шинохта шудааст. Муҳаббати Асосгузори сулҳу ваҳдати миллӣ – Пешвои миллат ба забон то ба ҷоест, ки онро «ойинае» маънидод кардааст, ки дар он «Симои пурҷилои миллат равшан инъикос мешавад». Зимнан бобати таъмини амнияти озуқаворӣ, саноатикунонии босуръати кишвар, рушди илму маориф, тарғиби идеологияи миллӣ, тарбияи ватанпарастии аҳли ҷомеа, таъмини амнияти давлат ва ваҳдатгароии миллат, омодагӣ ба таҷлили 30-солагии Истиқлолияти давлатӣ, тарғиб ва иштироки хонандагону аҳли ҷомеа дар озмуни ҷумҳуриявии “Фуруғи субҳи доноӣ китоб аст” ва дигар паҳлуҳои Паёми Президенти кишвар ба Маҷлиси Олӣ сухан рафт.


Вакти нашр: 2021-04-05 19:40:54    Хонданд: 140    Муфассал...

ВОХӮРӢ: МАРОМИ МО СОЗАНДАГИВУ БУНЁДКОРӢ

Санаи 5 апрели соли ҷорӣ дар асоси нақша чорабиниҳои Кумитаи иҷроияи Ҳизби Халқии Демократии Тоҷикистон дар шаҳри Душанбе ва ноҳияи Синои оид ба баргузории мулоқоту вохӯрии гурӯҳҳои таблиғотии кумитаҳои иҷроияи ҲХДТ дар шаҳри Душанбе ва ноҳияи Сино бо иштироки Убайдулло Қурбонзода муовини раиси Кумитаи иҷроияи ҲХДТ дар ноҳияи Сино ва Муминзода Ҷ.С. – муовини директори МДТ “Коллеҷи тиббии ҷумҳуриявӣ” ҷиҳати шарҳу тавзеҳи Паёми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ба Маҷлиси Олии Ҷумҳурии Тоҷикистон аз 26-уми январи 2021 ва Қарори Раиси шаҳри Душанбе, муҳтарам Рустами Эмомалӣ аз 15 феврали соли 2021, № 97 “Дар бораи таҳким бахшидани робита бо аҳли ҷомеа доир ба ҳифзу тарғиби дастовардҳо ва арзишҳои 30 соли Истиқлолияти давлатӣ, ваҳдату ҳамдилӣ, сулҳу амният, баланд бардоштани ҳувияти миллию маънавӣ ва ҳамбастагӣ ба сиёсати созандагӣ” бо сокинони маҳаллаҳои Ободкорон, Бунёдкорон ва минтақаҳои 103-104 вохӯрӣ доир гардид.

Дар вохӯрӣ мазкур нуктаҳои асосии Паём шаҳру тавзеҳ дода шуд, қайд гардид ,ки Паём дастурамал ва нақшаи кории ҳар як шаҳрванд буда, мебояд тибқи он кору пайкори худро роҳандохӣ намояд.


Вакти нашр: 2021-04-05 19:45:36    Хонданд: 150    Муфассал...

ПАЁМИ ШОДБОШИИ Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати фарорасии моҳи шарифи Рамазон

Ҳамватанони азиз!

Фардо моҳи шарифи Рамазон фаро мерасад.

Ба ин муносибат кулли сокинони кишварро табрик гуфта, ба ҳамаи онҳо нури имону маърифат, хайру баракат ва тамоми хушиҳои зиндагиро орзу менамоям.

Моҳи шарифи Рамазон дар баробари рӯзадорӣ моҳи озодагии рӯҳ ва имондориву тақво ба шумор рафта, вуҷуди инсонро аз ҳусни адабу маърифат ороста мегардонад.

Дар ин моҳ мусулмони комил фурӯтаниву шикастанафсиро пеша карда, хашму ғазабро аз худ дур месозад ва қалбашро ба макони меҳру муҳаббат табдил дода, бештар ба амали хайру савоб даст мезанад ва ба наздикону пайвандон, ҳамсояҳову дармондагон кумак расонида, мушкили онҳоро осон мегардонад.

Тоҷикон ин фаризаҳои дини мубини исломро то ба имрӯз идома дода, бо парҳезгорӣ, тоату ибодат, хайру саховат, некиву накӯкорӣ, эҳтироми падару модар ва хешовандону калонсолон шуҳрат пайдо кардаанд.

Мо фаризаҳои ин моҳи муборакро имсол дар айёми омодагӣ ба ҷашни бузурги миллӣ, яъне 30-солагии истиқлоли давлатӣ амалӣ месозем.

Ин рӯйдоди таърихӣ, яъне истиқлолу озодӣ барои ҳар як шаҳрванди кишвар мояи ифтихору саодат ба шумор меравад, зеро он чароғи зиёбахши роҳи имрӯзу ояндаи мардуми мо мебошад.

Ба шарофати соҳибистиқлолӣ мо дар ҷодаи бунёди ҷомеаи демократӣ, ҳуқуқбунёд ва дунявӣ бо қадамҳои устувор пеш меравем ва бовар дорем, ки бо азму талоши содиқонаи мардуми шарифи кишвар раванди ободкориву созандагиро вусъати бештар бахшида, дар ояндаи наздиктарин Ватани маҳбубамонро ба як мулки зебову пешрафта мубаддал мегардонем.

Воқеан, аз дидгоҳи дини мубини ислом муҳаббат ба халқу Ватан аз гӯшаи имон аст ва ҳифз кардану обод намудани он қарзи муқаддас ва вазифаи имонӣ ба шумор меравад.

Ҳамчунин, яке аз фазилатҳои дини мубини ислом покиву тозагӣ мебошад.

Дар моҳи шарифи Рамазон ҳар як шахс бояд барои покии ҷисму рӯҳ, ба хотири тозаву озода нигоҳ доштани хонаву кошона ва маҳалли зисти худ саъю кӯшиш намояд. Зеро ободонии кӯчаву маҳалли зист аз замонҳои қадим хислати мардуми заҳматдӯст ва озодаву озодипарасти мо мебошад.

Бахусус, имрӯзҳо, ки фасли баҳор аст, мо бояд аз ҳарвақта бештар кор кунем, рӯзии худ ва аҳли хонадонамонро бо заҳмати ҳалол муҳайё намоем ва дар ҳифзи амнияти озуқавории кишвар саҳми муносиб гузорем.

Дар асоси таъкиди уламои шариат ва фақеҳони дини мубини ислом шахсоне, ки дар шароити душвор кору фаъолият мекунанд, касбашон ба таъмини маводи озуқа вобаста аст ё дар соҳаҳои саноату истеҳсолоти вазнин машғул мебошанд, рӯзадорӣ барои онҳо боиси душвориву машаққат мегардад.

Аз ин лиҳоз, хӯрдани рӯза барояшон иҷозат дода шудааст ва онҳо метавонанд дар вақти мусоиди дигар рӯзаи худро анҷом диҳанд.

Саломатӣ сарвати бебаҳо ва умр неъмати бузургтарин барои ҳар як инсон мебошад ва ҳар як фарди солимфикр бояд ба қадри онҳо расад.

Соли 2021 бо тамоми аломатҳояш ва тибқи таҳлилу пешгӯиҳои коршиносон аз солҳои гузашта фарқи куллӣ дорад.

Бар асари тағйирёбии иқлим, камобиву хушксолӣ, бемориҳои гуногуни сироятӣ, аз ҷумла Ковид – 19 вазъи таъминоти аҳолии сайёра бо маводи ғизоӣ рӯз ба рӯз мураккабу печида гардида истодааст.

Дар натиҷаи болоравии нархҳо ва камчинии озуқаворӣ, аллакай аҳолии 20 кишвари дунё дар ҳолати гуруснагӣ ва фақру қашшоқӣ қарор дорад.

Дар чунин шароит мо бояд тамоми саъю талош ва захираву имкониятҳоро барои ҳарчи бештар истеҳсол кардани маҳсулот ва захираи он сафарбар созем.

Хусусан, ки Рамазони имсола ба мавсими авҷи киштукор ва гузоштани замина барои ҳосил рост омадааст, мо бояд, пеш аз ҳама, дар фикри истеҳсоли маҳсулот, таъминоти аҳли оилаи худ ва захираи маводи ғизоӣ бошем ва мушкилоти дар дунё бавуҷудомадаро ҳазл нашуморем.

Ҳамчунин, фаромӯш набояд кард, ки моҳи шарифи Рамазон моҳи эҳсону накӯкорӣ ва хайроту садақот мебошад. Яъне шахсоне, ки имкони молиявии мусоид доранд, метавонанд ба хотири соҳиби савоб гардидан, алалхусус, дар моҳи Рамазон ба ятимону маъюбон ва оилаҳои камбизоату ниёзмандон дасти хайру саховат дароз кунанд.

Ҳадяву подоши ҳар як инсон аз ҳиммати ӯ вобаста мебошад, зеро ҳиммати баланд доштану ба ниёзмандон дасти сахо дароз намудан, тибқи таълимоти ислом, ҳатман мавриди эҳсони Худованди бахшоянда қарор мегирад.

Бо қаноатмандӣ изҳор медорам, ки кумаку дастгирии ятимону маъюбон солҳои охир дар кишвари мо ба ҳукми анъанаи нек даромадааст.

Мувофиқи фармудаи дини ислом луқмаи ҳалол сабаби нозил гаштани баракати Худованд ба рӯзгор ва хонадон мегардад.

Бахусус, сарватмандону тоҷирон агар дар роҳи савоб кӯшиш намуда, дари хайру саховатро боз кунанд ва молу маҳсулоти худро бо нархи арзонтар ва бо риояи меъёрҳои инсофу инсондӯстӣ ба фурӯш гузоранд, ба ивази ин амали нек сазовори аҷри азим аз тарафи Худованд хоҳанд шуд.

Дар акси ҳол, ба хотири фоидаи бештар гирифтан арзиши молро баланд бардоштан, махсусан, дар моҳи шарифи Рамазон гуноҳест, ки дар дини мубини ислом маҳкум карда мешавад.

Дар ин маврид Паёмбари ислом фармудааст: «Агар касе дар нархгузории ризқу рӯзии мусулмонон дахолате намояд, ки сабаби боло рафтани қимати онҳо шавад, Худованд ҳатман фардо рӯзи қиёмат ӯро дар оташи ҷаҳаннам қарор хоҳад дод».

Дигар зуҳуроте, ки амали носавоб шуморида мешавад, исрофкорӣ ва зоҳирпарастӣ мебошад.

Чордаҳ сол қабл мо Қонуни Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон» -ро қабул кардем, ки самараву натиҷаҳои мусбати онро имрӯз ҳар як сокини мамлакат дар рӯзгори оилаи худ возеҳ дида истодааст.

Зарур аст, ки мардуми кишвар минбаъд низ ҳангоми баргузории маросиму маъракаҳо талаботи қонуни миллиро, ки фақат ба манфиати онҳо нигаронида шудааст, қатъӣ риоя намоянд.

Ба ҷойи баргузории маъракаҳои зоҳирпарастонаву намоишкорона ва пурдабдабаву серхароҷот мо бояд ба фароҳам овардани шароити хуби зиндагӣ барои оила ва фарзандони худ, амалҳои хайру эҳсонкорӣ, ободии маҳалли зист, бунёди муассисаҳои гуногуни иҷтимоӣ ва ободонии диёр иқдом намуда, саҳми шоистаи худро ба истиқболи ҷашни бузурги миллиамон – 30-солагии истиқлолу озодии Ватани маҳбубамон гузорем.

Бовар дорам, ки мардуми ҳимматбаланди мо баробари риояи рукнҳои моҳи муборак корҳои хайру савобро боз ҳам густариш бахшида, саҳми худро дар ободии Ватан, пешрафти давлат, оромии ҷомеа, таҳкими сулҳу субот ва ваҳдати миллӣ мегузоранд.

Бори дигар фарорасии моҳи шарифи Рамазонро ба тамоми мардуми кишвар таҳният гуфта, аз даргоҳи Худованди мутаол ба ҳар хонавода саломатӣ, хушҳоливу хушрӯзӣ, ризқу рӯзии фаровон ва иқболи нек орзу менамоям.

Ҳамеша саломату сарфароз бошед, ҳамватанони азиз!


Вакти нашр: 2021-04-12 08:14:09    Хонданд: 185    Муфассал...

Эмомалӣ Раҳмон: Соли душвор аст, бояд ҳарчи бештар маҳсулот истеҳсол ва захира намоем

Дар натиҷаи пандемияи коронавирус имрӯз ҷаҳон ба буҳрони бисёр шадиди иқтисодӣ рӯ ба рӯ омадааст. Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон чанд сол боз аҳолии кишварро даъват мекунанд, ки барои  камаш ду сол маводи ғизоӣ захира кунанд. Бори дигар Сарвари давлат дар ин бора дар Паёми шодбошии худ ба муносибати фарорасии моҳи шарифи Рамазон ишора намуданд.

Президенти мамлакат зикр намуданд, ки соли 2021 бо тамоми аломатҳояш ва тибқи таҳлилу пешгӯиҳои коршиносон аз солҳои гузашта фарқи куллӣ дорад. Бар асари тағйирёбии иқлим, камобиву хушксолӣ, бемориҳои гуногуни сироятӣ, аз ҷумла Ковид-19 вазъи таъминоти аҳолии сайёра бо маводи ғизоӣ рӯз ба рӯз мураккабу печида гардида истодааст.

Тавре қаблан АМИТ “Ховар” хабар дода буд, бино ба гузоришҳои Созмони Милали Муттаҳид, 20 кишвари ҷаҳон ба кӯмаки фаврии ғизоӣ ниёз доранд, вагарна онҳо ба гуруснагии сартосарӣ гирифтор мешаванд. Коршиносони СММ тазаккур додаанд, ки кишту кор дар бисёр минтақаҳои ҷаҳон оғоз ёфтааст ва аз фурсат истифода бурда, кишварҳо дар афзоиши истеҳсоли ғизо талош варзанд.

Президенти мамлакат муҳтарам Эмомалӣ Раҳмон зарур мешуморанд, ки барои ҳар як оила захираи дусолаи маҳсулоти ғизоӣ ба роҳ монда шавад ва ҳар порча замин оқилона истифода бурда шавад. Инчунин истеҳсоли маҳсулоти мавриди ниёзи аввал, аз ҷумла орд, равғани растанӣ, картошка ва биринҷ зиёд карда шавад.

Пешвои миллат дар Паёми шодбошӣ ба муносибати моҳи шарифи Рамазон аз сокинони кишвар даъват намуданд, имрӯзҳо, ки фасли баҳор аст, бояд аз ҳарвақта бештар кор кард, рӯзии худ ва аҳли хонадонро бо заҳмати ҳалол муҳайё намуд ва дар ҳифзи амнияти озуқавории кишвар саҳми муносиб гузошт.

“Дар асоси таъкиди уламои шариат ва фақеҳони дини мубини ислом шахсоне, ки дар шароити душвор кору фаъолият мекунанд, касбашон ба таъмини маводи озуқа вобаста аст ё дар соҳаҳои саноату истеҳсолоти вазнин машғул мебошанд, рӯзадорӣ барои онҳо боиси душвориву машаққат мегардад. Аз ин лиҳоз, хӯрдани рӯза барояшон иҷозат дода шудааст ва онҳо метавонанд дар вақти мусоиди дигар рӯзаи худро анҷом диҳанд, — зикр намуданд Сарвари давлат.

Президенти Тоҷикистон таъкид сохтанд, ки соли 2021 бо тамоми аломатҳояш ва тибқи таҳлилу пешгӯиҳои коршиносон аз солҳои гузашта фарқи куллӣ дорад. Бар асари тағйирёбии иқлим, камобиву хушксолӣ, бемориҳои гуногуни сироятӣ, аз ҷумла Ковид-19 вазъи таъминоти аҳолии сайёра бо маводи ғизоӣ рӯз ба рӯз мураккабу печида гардида истодааст. Дар натиҷаи болоравии нархҳо ва камчинии озуқаворӣ, аллакай аҳолии 20 кишвари дунё дар ҳолати гуруснагӣ ва фақру қашшоқӣ қарор дорад.

«Дар чунин шароит мо бояд тамоми саъю талош ва захираву имкониятҳоро барои ҳарчи бештар истеҳсол кардани маҳсулот ва захираи он сафарбар созем. Хусусан, ки Рамазони имсола ба мавсими авҷи киштукор ва гузоштани замина барои ҳосил рост омадааст, мо бояд, пеш аз ҳама, дар фикри истеҳсоли маҳсулот, таъминоти аҳли оилаи худ ва захираи маводи ғизоӣ бошем ва мушкилоти дар дунё бавуҷудомадаро ҳазл нашуморем», — тазаккур доданд Сарвари давлат муҳтарам Эмомалӣ Раҳмон.

Бояд гуфт, ки захираи маҳсулоти ғизоӣ дар соли ҷорӣ имрӯз дар саросари ҷаҳон хеле муҳим арзёбӣ мегардад ва  ҳар як оила бояд аз имконоти мавҷуда барои захираи маҳсулот истифода барад.

                                                                                АКС аз манбаъҳои боз


Вакти нашр: 2021-04-12 15:57:13    Хонданд: 139    Муфассал...

Ифтитоҳи Маркази хизматрасонӣ ва савдои "Аминҷон" дар шаҳри Душанбе

Санаи 13 апрел бо ташаббус ва дастгириҳои пайвастаи Раиси шаҳри Душанбе муҳтарам Рустами Эмомалӣ авҷу суръати корҳои сохтмонӣ ва ободкорӣ дар 4 ноҳияи пойтахт таъмин гардида, иншооти таъиноти гуногун бунёд ва мавриди баҳрабардорӣ қарор дода мешаванд. Дар доираи эълон гардидани солҳои 2019-2021 ҳамчун «Солҳои рушди деҳот, сайёҳӣ ва ҳунарҳои мардумӣ» ва 30 солагии истиқлоли давлатии Ҷумҳурии Тоҷикистон дар шаҳраку маҳаллаҳои пойтахт сохта ба истифода додани марказҳои хизматрасонӣ низ ба нақша гирифта шудааст. Дар ин замина сохтмони маркази хизматрасонӣ дар кӯчаи Маяковскийи ноҳияи Сино амалӣ шудааст. Дар расми ифтитоҳи Маркази хизматрасонӣ ва савдои Аминҷон муовини якуми Раиси шаҳри Душанбе Қурбонзода Амирхон, соҳибкорон ва намояндагони масъули сохторҳои шаҳриву ноҳиявӣ ширкат намуданд. Ин маркази хизматрасонӣ бо тарҳи муосир бунёд гардида, он аз сартарошхона, кошонаи ҳусн, маркази савдо ва коргоҳи дӯзандагӣ иборат мебошад. Бинои марказ аз таҳхона ва 3 ошёна иборат буда, бо истифодаи масолеҳи босифати сохтмонӣ ва тарҳи хос бунёд шудааст. Дар ошёнаи якуми бино маркази савдо ташкил шуда, ошёнаи дуюм аз сартарошхона ва кошонаи ҳусн иборат мебошад, ки дар он шароити зарурии хизматрасонӣ барои муштариён фароҳам мебошад. Зимни суҳбат соҳибкорон бунёди чунин иншоотро ба дастгирии ҳамаҷонибаи соҳибкорон аз ҷониби давлат арзёбӣ намуданд. Айни замон дар Маркази хизматрасонӣ 25 нафар бо ҷойи кори доимӣ таъмин шудаанд. Дар оянда масъулини Маркази хизматрасонии Аминҷон тасмим доранд, ки бо зиёд намудани фаъолияти дигар бахшҳои марказ шумораи ҷойҳои кориро бештар намоянд. Намуди зоҳирии иншоот низ бо тарҳи зебо ва мунаққаш сохта шуда, ба ҳусни ин мавзеи шаҳр зебогии хоса замъ намудааст. Бо пайгирӣ аз ташаббусҳои созандагиву бунёдкоронаи роҳбарияти мақомоти иҷроияи ҳокимияти давлатии шаҳри Душанбе соҳибкори маҳаллӣ Муҳаммадисо Аҳмадов саҳну атрофи муассисаро бо шинонидани дарахтони ороишӣ ва кишти алафҳои чаманӣ сарсабзу хуррам намуда, ба як гулгашти зебо табдил доддааст. Илова бар ин роҳи канори маркази хизматрасонӣ, ки кӯчаи Маяковскийро ба дохили шаҳраки 33 мепайвандад, мумфарш гардидааст. Ин ҳама ободкорӣ ба хотири истиқболи сазовори ҷашни 30-солагии Истиқлоли давлатии Ҷумҳурии Тоҷикистон амалӣ шудааст. Анҷоми чунин ташаббусҳои неку созанда барои боз ҳам ободу зебо гардидани гӯшаву канори шаҳри Душанбе мусоидати фаъол менамояд.


Вакти нашр: 2021-04-14 07:58:14    Хонданд: 163    Муфассал...

Идомаи вохӯриҳо оид ба шарҳу тавзеҳи Паёми Пешвои миллат

Санаи 13 апрели соли 2021 дар асоси ҷадвали баргузории вохӯрии гурӯҳҳои таблиғотии Кумитаи иҷроияи ҳизб дар ноҳияи Фирдавсӣ дар толори муассисаи таҳсилоти миёнаи умумии №45 бо аҳолии маҳаллаҳои Маърифат ва Қаротегин вохӯрӣ оид ба шарҳу тавзеҳи Паёми Пешвои миллат ба Маҷлиси Олӣ баргузор гардид, ки дар он Раиси Кумитаи иҷроия Абдураҳим Шоҳиён ва аъзои гурӯҳи таблиғотӣ Ҳайитов Фирдавс иштирок намуданд.

Зимни вохӯрӣ роҷеъ ба дастуру супоришҳое, ки аз Паёми Пешвои миллат муҳтарам Эмомалӣ Раҳмон бармеоянд, суҳбату муколама анҷом ёфт. Баромадкунандагон дар бораи паҳлӯҳои Паём ҷиҳати баланд бардоштани маърифати аҳолӣ оид ба арзишҳои миллӣ, бедор намудани ҳисси ватандӯстӣ, дастоврдҳои даврони соҳибистиқлолӣ, муқаддас доштани сулҳу оромӣ ва ваҳдату ягонагии Тоҷикистон, нақши барномаҳои ҳизбӣ ва саҳм гузоштан баҳри сазовор истиқбол гирифтани ҷашни 30-солагии Истиқлолияти давлатии Ҷумҳурии Тоҷикистон суханронӣ намуданд.


Вакти нашр: 2021-04-14 08:27:58    Хонданд: 126    Муфассал...

МАРОМИ МО СОЗАНДАГИВУ БУНЁДКОРӢ

Санаи 13 апрели соли ҷорӣ дар асоси нақша чорабиниҳои Кумитаи иҷроияи Ҳизби Халқии Демократии Тоҷикистон дар шаҳри Душанбе ва ноҳияи Сино оид ба баргузории мулоқоту вохӯрии гурӯҳҳои таблиғотии кумитаҳои иҷроияи ҲХДТ дар шаҳри Душанбе бо иштироки Убайдулло Қурбонзода муовини раиси Кумитаи иҷроияи ҲХДТ дар ноҳияи Сино, Қурбонбекова П.Қ. – вакили Маҷлиси вакилони халқи шаҳри Душанбе ва Каримова А.О. -вакили Маҷлиси вакилони халқи ноҳияи Синои шаҳри Душанбе ҷиҳати шарҳу тавзеҳи Паёми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ба Маҷлиси Олии Ҷумҳурии Тоҷикистон аз 26.01.2021 ва Қарори Раиси шаҳри Душанбе муҳтарам Рустами Эмомалӣ аз 15 феврали соли 2021, № 97 “Дар бораи таҳким бахшидани робита бо аҳли ҷомеа доир ба ҳифзу тарғиби дастовардҳо ва арзишҳои 30 соли Истиқлолияти давлатӣ, ваҳдату ҳамдилӣ, сулҳу амният, баланд бардоштани ҳувияти миллию маънавӣ ва ҳамбастагӣ ба сиёсати созандагӣ” бо сокинони минтақаҳои 82-101 вохӯрӣ доир гардид.

Дар фарҷоми вохӯрӣ миёни иштирокчиён мубодилаи афкор сурат гирифт.

 


Вакти нашр: 2021-04-14 08:46:47    Хонданд: 116    Муфассал...

Мусобиқаи варзишии баскетбол барои дарёфти Ҷоми Ҳизби Халқии Демократии Тоҷикистон  бахшида ба Рӯзи пойтахти Ҷумҳурии Тоҷикистон шаҳри Душанбе

Кумитаи иҷроияи Ҳизби Халқии Демократии Тоҷикистон дар шаҳри Душанбе бо мақсади амалигардонии вазифаҳои Барномаи пешазинтихоботии номзад ба мансаби Президенти Ҷумҳурии Тоҷикистон аз Ҳизби Халқии Демократии Тоҷикистон барои солҳои 2021-2027, тарғиби тарзи ҳаёти солим, ҷалб намудани сокинони пойтахт ба машғулиятҳои мунтазами тарбияи ҷисмонӣ ва варзиш мусобиқаи варзиширо аз рӯйи намуди баскетбол дар шаҳри Душанбе бахшида ба Рӯзи пойтахти Ҷумҳурии Тоҷикистон шаҳри Душанбе миёни донишҷӯдухтарони муассисаҳои таҳсилоти олии пойтахт дар толори муассисаи давлатии “Мактаби махсуси варзишии захираҳои олимпии №5 оид ба намудҳои бозиҳои варзишӣ” – и шаҳри Душанбе  баргузор намуд.

Бояд қайд намуд, ки дар маросими кушодашавии мусобиқаи мазкур муовини Раиси ҲХДТ Хайринисо Юсуфӣ, Раиси Кумитаи иҷроияи ҲХДТ дар шаҳри Душанбе Мирзозода Иброҳим ва устодону донишҷӯёни муассисаҳои таҳсилоти олии ҳудуди пойтахт иштирок намуданд.

Дар мусобиқа ҷавондухтарони муассисаҳои таҳсилоти олии пойтахт тибқи қоидаҳои федератсияи байналмилалии баскетбол иштирок менамоянд.

Дар мусобиқаи мазкур 15 дастаҳо аз ҳисоби донишҷӯйдухтарони муассисаҳои таҳсилоти олии пойтахт иштирок менамоянд.

Ғолибон ва ҷоизадороне, ки ҷойҳои 1, 2 ва 3-юмро миёни бонувон бо диплом, медал ва туҳфаҳои таъсиснамудаи Кумитаи иҷроияи Ҳизби Халқии Демократии Тоҷикистон дар шаҳри Душанбе дар вазъияти тантанавӣ сарфароз гардонида мешаванд.


Вакти нашр: 2021-04-14 17:33:02    Хонданд: 139    Муфассал...

Ширин Қурбонова: Асри муосир бе дастовардҳои илму техника тасаввурнопазир аст

Ҳамасола 14 апрел дар  Ҷумҳурии Тоҷикистон Рӯзи илми тоҷик ҷашн гирифта мешавад.

Ба ин муносибат хабарнигори АМИТ «Ховар»  бо Раиси ташкилоти ибтидоии ҳизбии «Илмпешагон»-и Ҳизби Халқии Демократии Тоҷикистон дар Академияи миллии илмҳои Тоҷикистон Ширин Қурбонова  оид ба рушди  илм ва дастоварҳои олимони тоҷик  суҳбат намуд.

Ширин Қурбонова  иброз намуд, ки  «олимони тоҷик  дастовардҳои илмиро муаррифӣ намуда, авзоро тавре баррасӣ мекунанд, ки илм наҷотбахши соҳаҳои гуногун бошад. Аммо мушоҳидаҳо исбот мекунанд, ки ҷомеаи мо ҳанӯз дар омӯзиш ва пажӯҳиши фанҳои табиӣ комёб нест. Бинобар ин, аввал ва пеш аз ҳама, суоли зайл пайдо хоҳад шуд, ки чӣ гуна метавон бартарии илмҳои ҷомеашиносиро аз улуми табиатшиносӣ ва дақиқ бартараф намуд”.

«Асри муосирро бе дастовардҳои илму техника тасаввурнопазир баррасӣ мекунем, чунки ҳама гуна рушду тараққӣ аз тафаккури техникӣ ва илмҳои дақиқ мебошад. Ҷомеаи Тоҷикистон дар замони истиқлол бештар ба омӯзиши илмҳои ҷомеашиносӣ рӯ оварда, фанҳои дақиқ, риёзӣ ва табиатшиносӣ ҷиҳати фаро гирифтан ба омӯзиш то андозае аз мадди назар дур монданд. Бинобар ин, зарурати эълон намудани солҳои 2020 – 2040 чун Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф аз ҷониби Пешвои миллат муҳтарам Эмомалӣ Раҳмон  ба миён омад.

Президенти Ҷумҳурии Тоҷикистон муҳтарам Эмомалӣ Раҳмон дар мулоқот бо аҳли илму маорифи кишвар 18 марти соли 2020 таъкид намуданд, ки минбаъд ба неруи зеҳнӣ аҳамияти беш аз пеш пайдо мешавад: «Асри ХХ1 замони пешрафти бесобиқаи илм ва техникаву технологияҳои навин мебошад. Дар чунин шароит рушди минбаъдаи ҳар кишвар аз дастгирӣ ва дар истеҳсолот ҷорӣ кардани дастовардҳои илмӣ вобастагии амиқ дорад. Вобаста ба ин, мо дар Стратегияи миллии рушди Ҷумҳурии Тоҷикистон барои давраи то соли 2030 ба сармояи инсонӣ диққати аввалиндараҷа додаем. Зеро дар шароити кунунӣ таваҷҷуҳ ба неруи зеҳнӣ ва сармояи инсонӣ аҳаммияти беш аз пеш пайдо карда, ба нишондиҳандаҳои рушди иҷтимоиву иқтисодии кишвар таъсири амиқ мерасонад. Имрӯз бе илму инноватсия, технологияҳои иттилоотиву коммуникатсионӣ ва ташаккули ҷаҳонбинии техникӣ қадаме ба пеш гузошта намешавад»»,- афзуд Ширин Қурбонова.

Тавре ба ҳамагон маълум аст, асри ХХI асри илму техника ва иттилоот эътироф шуда, аз ҳар фард тақозои ҳамқадами замон буданро талаб менамояд. Албатта, бидуни донишҳои техникӣ ва табиӣ рушди дигар илмҳо имконнопазир аст. Пешвои миллат муҳтарам Эмомалӣ Раҳмон дар ин мулоқот таъкид намуданд, ки дар замони мо бе илму инноватсия, технологияҳои иттилоотиву коммуникатсионӣ ва ташаккули ҷаҳонбинии техникӣ ба пешрафт ноил шудан ғайриимкон аст. Аз ин лиҳоз, раёсат ва институтҳои Академияи миллии илмҳо, академияҳои соҳавӣ, муассисаҳои таҳсилоти олии касбӣ, сохторҳои онҳо ва дигар вазорату кумитаҳои давлатиро лозим аст, ки барои рушди илмҳои табиатшиносӣ, дақиқ ва риёзӣ шароити мусоид фароҳам оварда, наврасону ҷавононро ба омӯзиши васеи ин илмҳо роҳнамоӣ кунанд.

Яке аз василаҳои рушди босуръати соҳаҳои ҷомеа, вусъат бахшидан ба навовариву ихтироъкорӣ ва дар амал татбиқ намудани донишҳои илмии ҳосилшуда мебошад. Олимону зиёиёни тоҷик дар давраи соҳибистиқлолӣ ба таҳқиқу арзёбии масъалаҳои мухталиф машғул гардида, таъриху фарҳанг, забон, расму оин ва дигар арзишҳои миллиро, ки ба худшиносиву худогоҳии ҳар фарди комил замина мегузорад, баррасӣ намуда истодаанд.

Дар Паёми навбатии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати омӯзиши илмҳои табиатшиносӣ, дақиқ ва риёзӣ, вусъати тафаккури техникӣ солҳои 2020 – 2040 Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф эълон гардида, аз ҷониби зиёиён ва мардуми ҷомеа ҳамовозии амиқ пайдо намудааст. Дар асоси ин пешниҳод аз ҷониби Вазорати маориф ва илми Ҷумҳурии Тоҷикистон, Академияи илмҳои Ҷумҳурии Тоҷикистон ва дигар мақомоту сохторҳои масъул нақшаи чорабиниҳо таҳияву қабул гардида, дар ин самт тадбирҳо амалӣ гашта истодаанд. Ҳамчунин Пешвои миллат муҳтарам Эмомалӣ Раҳмон дар ин мулоқот таъсиси ҷоизаи махсуси давлатиро барои олимону муҳаққиқоне, ки ба илмҳои табиатшиносӣ, дақиқ ва риёзӣ таваҷҷуҳ доранд, баён намуда, пешниҳод доштанд, ки ҳамасола то 15 нафар барои кашфиёту натиҷаҳои баланди илмӣ бо он қадршиносӣ карда шаванд.

Ба зикри Пешвои миллат, омӯзиш ва таҳлили равияҳои афзалиятноки илм дар Тоҷикистон ва муқоисаи онҳо бо кишварҳои дигар собит месозад, ки ин самт ба бознигарӣ ниёз дорад ва камбудиҳои ҷойдошта бояд ҳарчи зудтар бартараф карда шаванд,- афзуд мавсуф.

Ба андешаи Ширин Қурбонова, айни замон кормандони Академияи миллии илмҳои Тоҷикистон дар таблиғи ғояҳои асосии фарҳангу адабиёти ба оламиён муаррифишудаи миллиамон саҳм гузошта, тибқи дастуру супоришҳои Сарвари давлат барои ташвиқи ормонҳои миллӣ ба гӯшаҳои дурдасти мамлакат сафарҳо мекунанд.

Илм тавассути истеҳсолот муфид мебошад ва пайваст будани онҳо рушди кишварро таъмин менамояд. Чунонки Президенти мамлакат 18 марти соли 2020 таъкид намуда буданд: «Татбиқи дастовардҳои илмӣ дар истеҳсолот ва ҷорӣ кардани таҷрибаҳои инноватсионӣ дар корхонаву ширкатҳои саноативу истеҳсолӣ муҳаррики асосии рушди илм мебошад. Аз ин рӯ, ба мақсад мувофиқ аст, ки баъзе таҳқиқоти илмии олимони ихтироъкор, магистру аспирантҳо ва докторантҳо дар ҳамкорӣ бо субъектҳои хоҷагидор иҷро ва дар истеҳсолот амалӣ карда шаванд. Ба роҳ мондани чунин ҳамкорӣ ба таҳкими робитаи илму истеҳсолот мусоидат карда, натиҷаҳои хуб ба бор меоварад. Дар кишвар олимоне, ки соҳиби патент мебошанд, хеле зиёданд. Аммо онҳо танҳо рақамгузорӣ шуда, истеҳсолкунандагон ва ширкатҳои саноатӣ аз онҳо огоҳӣ надоранд ва ҷиҳати татбиқашон тадбире андешида намешавад».

Аз ин рӯ, олимони моро зарур аст, ки дар ин самт гомҳои устувор ниҳода, ба пажӯҳиши бештар машғул шаванд.

Холисаи АСОМИДДИН,
АМИТ «Ховар»

​​​​​​​


Вакти нашр: 2021-04-15 08:24:39    Хонданд: 109    Муфассал...

Имрӯз дар Душанбе Шабакаи нави телевизиони Тоҷикистон «Илм ва табиат» ифтитоҳ гардид

Тавре қаблан хабар додем, имрӯз бахшида ба Рӯзи илми тоҷик дар мамлакат Муассисаи давлатии  телевизиони Тоҷикистон- «Илм ва табиат» ба фаъолият оғоз намуд. Дар ин бора муовини якуми директори МД «Илм ва табиат» Аҳлиддин САЛОҲЗОДА  ба хабарнигори АМИТ «Ховар» София ШОИК  хабар дод.

Дар маросими оғози кори шабакаи мазкур муовини Сарвазири  Ҷумҳурии Тоҷикистон Матлубахон Сатториён, президенти Академияи миллии илмҳои Тоҷикистон Фарҳод Раҳимӣ, раиси Кумитаи телевизион ва радиои назди Ҳукумати Ҷумҳурии Тоҷикистон Нуриддин Саид, директори шабакаи навтаъсиси «Илм ва табиат» Зинатуллоҳ Исмоилзода, намояндагони сохторҳои давлатӣ, фарҳангиён ва донишмандон ширкат намуданд.

Зикр гардид,  ки тамоми барномаҳо ва филмҳое, ки дар ин шабака нашр мешаванд, ҳама ба забони тоҷикӣ буда, дастовардҳои олимони тоҷик, ҳамзамон табиату манзараҳои нотакрори мамлакатро инъикос менамоянд.  Аз ҷумла,  «Арса» дар мавриди навгониҳои илмии ҷаҳонӣ, «Арши илм» дар бораи нобиғаи илм, «Сайри кайҳон» дар мавриди кайҳон ва нуҷум, «Чор унсур», «Дар оғӯши табиат», «Парвезан», «Сайёраи умед», «Мададгор», «Теғи Сино» ва «Дар дили санг» барномаҳое ҳастанд, ки таҳия ва дар ин шабака нашр мешаванд.

Дар айни замон шабака 18 соати нашр дошта, қарор аст давоми сол ба 24 соат расонида шавад.

Ёдовар мешавем, ки шабакаи навтаъсис дар суроғаи кӯчаи Шероз, 31 ҷойгир аст.

Ҳадаф аз таъсис ва роҳандозии шабака- тарғиби дастовардҳои илм, ҷалби таваҷҷуҳи насли нави Тоҷикистон ба илм ва оммавӣ кардани тафаккур ва ҷаҳонбинии илмӣ мебошад.

 

Ёдовар мешавем, ки  таъсиси телевизиони мазкур бо Қарори Ҳукумати Ҷумҳурии Тоҷикистон аз 30 июли соли 2020 тибқи «Барномаи давлатии рушди телевизион ва радио дар Ҷумҳурии Тоҷикистон барои солҳои 2021-2025» тасдиқ гардид. Дар баробари ин, Қарори Ҳукумати мамлакат «Дар бораи таъсиси Муассисаи давлатии телевизиони «Илм ва табиат» ба тасвиб расида буд.

Кумитаи телевизион ва радиои назди Ҳукумати Ҷумҳурии Тоҷикистон дар солҳои соҳибистиқлолӣ бо дастгирии бевоситаи роҳбарияти олии давлату Ҳукумати Ҷумҳурии Тоҷикистон ба дастовардҳои бузург ноил гардида, дар доираи ин дастовардҳо дар Ҷумҳурии Тоҷикистон 8 шабакаи телевизионӣ ва 3 шабакаи радиои давлатӣ таъсис дода шудаанд.

Ҳоло дар Ҷумҳурии Тоҷикистон 90 телевизион ва радиои давлативу хусусӣ ва студияҳои истеҳсоли маҳсулоти аудиовизуалӣ фаъолият менамоянд. Аз ин шумора 13 телевизиони давлатӣ, 10 радиои давлатӣ, 33 телевизиони хусусӣ, 22 радиои хусусӣ ва 12 студияи истеҳсоли маҳсулоти аудиовизуалӣ мебошанд.

                                                    АКСҲО аз ТВ «Илм ва табиат»


Вакти нашр: 2021-04-15 08:30:25    Хонданд: 139    Муфассал...

ДАСТГИРИИ НАВБАТИИ РАИСИ ШАҲРИ ДУШАНБЕ МУҲТАРАМ РУСТАМИ ЭМОМАЛӢ БА НАВРАСОНУ ҶАВОНОН

ҚАРОРИ РАИСИ ШАҲРИ ДУШАНБЕ №209 АЗ 14.04.2021

Дар бораи ҳавасмандгардонии ғолибони озмуни Стипендияи Раиси шаҳри Душанбе барои хонандагону донишҷӯёни муассисаҳои таълимии таҳсилоти умумӣ, таҳсилоти ибтидоӣ ва миёнаи касбии шаҳри Душанбе

Бо мақсади иҷрои қарори Раиси шаҳри Душанбе аз 24 июни соли 2017, №363 “Дар бораи таъсис додани стипендияи Раиси шаҳри Душанбе барои хонандагону донишҷӯёни муассисаҳои таҳсилоти умумӣ, ибтидоӣ ва миёнаи касбии шаҳри Душанбе”, мутобиқи моддаҳои 11 ва 191 Қонуни Ҷумҳурии Тоҷикистон «Дар бораи ҷавонон ва сиёсати давлатии ҷавонон», моддаи 45 Қонуни Ҷумҳурии Тоҷикистон «Дар бораи маориф» ва моддаҳои 19, 20 ва 33 Қонуни конститутсионии Ҷумҳурии Тоҷикистон «Дар бораи мақомоти маҳаллии ҳокимияти давлатӣ»

ҚАРОР МЕКУНАМ:

Рӯйхати барандагони Стипендияи Раиси шаҳри Душанбе барои хонандагони муассисаҳои таълимии таҳсилоти умумии шаҳри Душанбе дар соли таҳсили 2020 – 2021 тибқи замимаи 1 тасдиқ карда шавад.

Сарраёсати молияи шаҳри Душанбе аз ҳисоби маблағҳои фонди захиравии Раиси шаҳри Душанбе ба бахши муҳосиботи дастгоҳи Раиси шаҳри Душанбе барои сарфароз гардонидани барандагони стипендияи мазкур дар соли таҳсили 2020-2021 маблағи 484 800 (чорсаду ҳаштоду чор ҳазору ҳаштсад) сомонӣ тибқи замимаи 2 ҷудо намояд.

Муовини Раиси шаҳри Душанбе, сарпарасти соҳа, шуъбаи рушди иҷтимоӣ ва робита бо ҷомеаи дастгоҳи Раиси шаҳри Душанбе, Раёсати кор бо ҷавонон ва варзиши шаҳри Душанбе ҷиҳати дар фазои тантанавӣ бо шаҳодатнома ва маблағҳои стипендияи Раиси шаҳри Душанбе сарфароз гардонидани ғолибон чораандешӣ намоянд.

Бахши муҳосиботи дастгоҳи Раиси шаҳри Душанбе истифодаи мақсаднок ва пардохти саривақтии маблағи ҷудогардидаро мувофиқи тартиби муқарраргардида, таъмин намояд.

Шуъбаи иттилооти дастгоҳи Раиси шаҳри Душанбе, муассисаҳои давлатии «Телевизиони Душанбе» ва рӯзномаи «Паёми Душанбе» инъикоси васеи қарори мазкур ва ҷараёни баргузории чорабиниҳоро тавассути воситаҳои ахбори омма таъмин намоянд.

Қарори мазкур барои тасдиқ ба Маҷлиси вакилони халқи шаҳри Душанбе пешниҳод карда шавад.

Назорати иҷрои қарори мазкур ба зиммаи муовини Раиси шаҳри Душанбе, сарпарасти соха гузошта шавад.

РУСТАМИ ЭМОМАЛӢ


Вакти нашр: 2021-04-15 10:12:44    Хонданд: 123    Муфассал...

МАҶЛИСИ ҲИСОБОТӢ-ИНТИХОБОТИИ ТАШКИЛОТИ ИБТИДОИИ "ПЕШВО"

Имрӯз бо иштироки Файзуллозода З.Ф. – раиси Кумитаи иҷроияи ҲХДТ дар ноҳияи Синои шаҳри Душанбе ва Ғайратзода Л.Д. – директори муассисаи таълимии давлатии «Литсей-интернати президентӣ барои кӯдакони болаёқати Ҷумҳурии Тоҷикистон» дар шаҳри Душанбе дар ташкилоти ибтидоии ҳизбии “Пешво” Маҷлиси ҳисоботӣ - интихоботӣ баргузор карда шуд.

Тибқи рӯзномаи Маҷлиси ҳисоботи фаъолияти ташкилоти ибтидоии “Пешво” давоми семоҳаи якуми соли 2021 шунида шуд. Ҳамчунин Исмоилзода Б.М. бинобар сабаби ба кори дигар гузаштан аз вазифаи раиси ташкилоти ибтидоии “Пешво” озод гардида, дар ҳамовози аъзои ташкилот Ғайратзода Л.Д. - директори муассисаи таълимии давлатии «Литсей-интернати президентӣ барои кӯдакони болаёқати Ҷумҳурии Тоҷикистон» дар шаҳри Душанбе раиси ташкилоти ибтидоии “Пешво” интихоб гардид.

Ҳамзамон, Файзуллозода З.Ф. – раиси Кумитаи иҷроияи ҲХДТ дар ноҳияи Синои шаҳри Душанбе суханронӣ намуда, аз аъзои ҳизб даъват ба амал оварданд, ки бо иштироки фаъолона дар чорабиниҳои сиёсӣ ва ташаббусҳои созанда дар амали намудани Барнома ва Оинномаи Ҳизби Халқии Демократии Тоҷикистон саҳмгузор бошанд. Дар идомаи суханрони ёдовари намуданд, ки ҲХДТ зодаи даврони соҳибистиқлолии кишвар буда дар сафҳои худ ҳамаи қишрҳои ҷомеаро, ки Оиннома ва Барномаи ҳизбро эътироф мекунанд, муттаҳид намудааст.

Илова бар ин, дар Маҷлис масъалаҳои таҳлили муқоисакунии аъзои ҳизб, таҳлили шумораи аъзои ҳизб, ҳаракати аъзо, қабул ва хориҷ аъзои ҳизб, пардохти саривақтии ҳаққи узвият, инчунин ҷиҳати дар сатҳи баланд истиқбол намудани ҷашни 30- солагии Истиқлолияти давлатии Ҷумҳурии Тоҷикистон мавриди баррасӣ қарор гирифт.

Дар фарҷом ба як қатор аъзои фаъоли ҳизб ифтихорномаи Кумитаи иҷроияи ҲХДТ дар ноҳияи Синои шаҳри Душанбе барои фаъолияти пурмаҳсул ва саҳми арзанда гузоштан дар корҳои ташкилию сиёсии Ҳизби Халқии Демократии Тоҷикистон, таҳким бахшидан ба корҳои таблиғотию ташвиқотӣ, мусоидат намудан баҳри баланд бардоштани мавқеъи ҳизб дар ҷомеъа сарфароз гардонида шуданд.


Вакти нашр: 2021-04-15 11:27:01    Хонданд: 104    Муфассал...

МАҶЛИСИ ҲИЗБӢ ДАР КУМИТАИ ИҶРОИЯИ ИБТИДОИИ "ТОҶИРИ АҶАМ"

Санаи 14 апрели соли 2021 дар Кумитаи иҷроияи ибтидоии "Тоҷири Аҷам"-и Донишгоҳи давлатии тиҷорати Тоҷикистон Маҷлиси ҳизбӣ баргузор гардид, ки дар он Раиси Кумитаи иҷроия дар ноҳияи Синои шаҳри Душанбе Абдураҳим Шоҳиён, сардори Раёсати кор бо ҷавонон ва варзиши шаҳри Душанбе Раҳимзода Шоҳзод раиси Кумитаи иҷроияи ибтидоии "Тоҷири Аҷам" Қурбонзода Маҳмадалӣ ва аъзои ҳизб иштирок намуданд.

Баромадкунандагон оид ба Паёми Пешвои миллат ба Маҷлиси Олии Ҷумҳурии Тоҷикистон, гаравиши ҷавонон ба ҳизбу ҳаракатҳои ифротӣ, барномаҳои давлати оид ба ҷавонон, масъалаҳои риояи талаботи оинномавию барномавии ҳизб ва натиҷагирӣ аз муқоисакунии аъзои ҳизб дар Кумитаи иҷроияи ибтидоӣ суханронӣ намуданд.


Вакти нашр: 2021-04-15 11:29:25    Хонданд: 96    Муфассал...

ОМӮЗИШИ ПАЁМ БО СОКИНОНИ НОҲИЯИ ШОҲМАНСУР

Бо сокинони маҳаллаҳои Хайробод, Ховарон, МИМ 4 бо иштироки Исҳоқӣ Ҳусния - муовини раиси Кумитаи иҷроияи ҲХДТ дар шаҳри Душанбе, Раиси Кумитаи иҷроияи ҲХДТ дар ноҳияи Шоҳмансур - Зулфиқор Гулаҳмадзода вохӯрӣ ҷиҳати шарҳу тавзеҳи Паёми Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии кишвар аз 26-уми январи соли 2021 баргузор гардид.

Нахуст Исҳоқӣ Ҳусния - муовини Раиси Кумитаи иҷроияи ҲХДТ дар шаҳри Душанбе баромад намуда, атрофи самтҳои ҷавонон ва занон дар Паём суханронӣ намуда қайд карданд, ки дар сиёсати иҷтимоии давлату Ҳукумати Тоҷикистон ба масъалаи баланд бардоштани мақоми занону бонувон дар ҳаёти ҷомеа диққати ҷиддӣ дода мешавад.

Мувофиқи натиҷаҳои интихоботи соли 2020 ба Маҷлиси миллии Маҷлиси Олӣ 8 нафар занон ё 25,8 фоиз ва Маҷлиси намояндагон 15 нафар ё 23,8 фоиз интихоб шуданд, ки нисбат ба интихоботи гузашта қариб 4 фоиз зиёд мебошад.

Шумораи занон дар маҷлисҳои вакилони халқи шаҳри Душанбе ба 41,5 фоиз, вилоятҳои Хатлон қариб 35 фоиз, Суғд беш аз 33 фоиз, Вилояти Мухтори Кӯҳистони Бадахшон зиёда аз 34 фоиз ва шаҳру ноҳияҳои тобеи ҷумҳурӣ қариб 30 фоиз расидааст.

Занону бонувони лаёқатманд ва соҳибкасбу баландихтисос ба хизмати давлатӣ ва идоракунии давлат торафт бештар ҷалб гардида истодаанд.

Ба ҳолати якуми январи соли 2021 аз шумораи умумии 19210 нафар хизматчиёни давлатӣ 4485 нафар ё 23,4 фоизро занон ташкил медиҳанд.

Саҳми занон дар рушди соҳаҳои илму маориф ва тандурустии мамлакат торафт афзуда истодааст. Имрӯз дар соҳаи маорифи кишвар 73 фоиз ва тандурустиву ҳифзи иҷтимоии аҳолӣ қариб 68 фоизро занону бонувон ташкил медиҳанд.

Ҳукумати мамлакат ташаббусҳои занону бонувони кишварро минбаъд низ дастгирӣ карда, ба хотири ҷалби бештари онҳо ба вазифаҳои роҳбарикунанда тадбирҳои иловагиро амалӣ мегардонад.

Бо ин мақсад, ба Кумитаи кор бо занон ва оила супориш дода мешавад, ки лоиҳаи қарори Ҳукумати мамлакатро дар бораи «Стратегияи миллии фаъолгардонии нақши занон дар Ҷумҳурии Тоҷикистон барои солҳои 2021 – 2030» ва нақшаи амалисозии онро барои солҳои 2021 – 2025 таҳия ва пешниҳод намояд.

Риштаи суханро Раиси Кумитаи иҷроияи ҲХДТ дар ноҳияи Шоҳмансур-Зулфиқор Гулаҳмадзода ба даст гирифта ёдоварӣ намуданд, ки ба соҳаи маориф таваҷҷуҳи Ҳукумати кишвар аввалиндараҷа буда,Роҳбари давлат Вазорати маориф ва илмро вазифадор карданд, ки дар тамоми зинаҳои таҳсилот – аз муассисаҳои томактабӣ сар карда, то гимназияву литсейҳо ва зинаҳои дигари таҳсилот ба таври ҳатмӣ омӯхтани забонҳои хориҷӣ, махсусан, забонҳои русиву англисӣ ва технологияҳои иттилоотиро ташкил карда, назорати қатъии сифати таълимро дар ин самт ба роҳ монад.

Таҳсили ҷавонон дар муассисаҳои таҳсилоти олии касбӣ ва илмии кишварҳои хориҷӣ яке аз ибтикороти муҳимми Ҳукумати мамлакат дар самти рушди илму маориф маҳсуб меёбад.

Ҳоло дар хориҷи кишвар зиёда аз 40000 нафар донишҷӯ, магистр ва аспирантҳои мо ба таълим фаро гирифта шудаанд.

Дар охир ҳозиринро бо фарорасии Моҳи Шарифи Рамазон табрик намуда, атрофи корҳои хайриявӣ ва эҳсонкор будан таъкидҳо намуданд.


Вакти нашр: 2021-04-15 11:30:57    Хонданд: 97    Муфассал...

НАШРИ ШУМОРАИ НАВИ "МАРОМИ ПОЙТАХТ" БА МУНОСИБАТИ РӮЗИ ПОЙТАХТ

-----------------------------------------------------------------------------------------------------------------------------------------------------------------------------------------------


Вакти нашр: 2021-04-15 11:52:24    Хонданд: 68    Муфассал...

Пешвои миллат Эмомалӣ Раҳмон дар ҷаласаи якуми Шӯрои илм, маориф ва инноватсияи назди Президенти Ҷумҳурии Тоҷикистон иштирок намуданд

15 апрел Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҷаласаи якуми Шӯрои илм, маориф ва инноватсияи назди Президенти Ҷумҳурии Тоҷикистон иштирок ва суханронӣ карданд.

Мавриди зикр аст, ки иқдоми таъсиси Шӯрои илм, маориф ва инноватсияи назди Президенти Ҷумҳурии Тоҷикистон соли 2020 дар Рӯзи дониш аз ҷониби Пешвои миллат муҳтарам Эмомалӣ Раҳмон ба миён гузошта шуда буд.

Сарвари давлат муҳтарам Эмомалӣ Раҳмон ҳадафи асосӣ аз таъсиси шӯрои мазкурро баррасии мушкилоти дар соҳаҳои илм, маориф ва инноватсия ҷойдошта ва мусоидат кардан ба рушди ин бахшҳои ҳаётан муҳимми ҷомеа арзёбӣ карданд.

Таъкид гардид, ки аз солҳои 2000-ум инҷониб Ҳукумати мамлакат дар сиёсати давлатӣ соҳаҳои илму маорифро аз ҷумлаи самтҳои афзалиятнок эълон карда, ислоҳоти ҷиддии соҳаҳои зикршударо оғоз намуд.

Дар ин муддат вобаста ба ислоҳоти соҳаҳои зикршуда як қатор санадҳои дахлдор қабул гардида, аз ҳисоби буҷети давлат ҷиҳати ҳалли масъалаҳои илм ва маориф тадбирҳои зарурӣ роҳандозӣ карда шуданд.

Қабули “Барномаи рушди илмҳои дақиқ дар Ҷумҳурии Тоҷикистон барои солҳои 2005 — 2008” қадами аввалин ва ҷиддӣ дар роҳи омӯзиши илмҳои бунёдӣ гардид ва барои ҷалби бештари наврасону ҷавонон ба омӯзиши фанҳои табииву риёзӣ роҳи васеъ кушод.

Қарорҳои Ҳукумати кишвар ва дигар санадҳои муҳими соҳа, аз чумла дар бораи “Стратегияи Ҷумҳурии Тоҷикистон дар соҳаи илм ва технология барои солҳои 2007 — 2015”, “Барномаи рушди нерӯ ва моликияти зеҳнии инсон дар давраи то соли 2020”, “Барномаи рушди илмҳои табиатшиносӣ, риёзию техникӣ барои солҳои 2010 — 2020”, “Барномаи давлатии таъмини муассисаҳои таълимию илмии ҷумҳурӣ бо кабинетҳои фаннӣ, озмоишгоҳҳои муҷаҳҳази таълимӣ ва илмиву таҳқиқотӣ барои солҳои 2011 — 2015”, аз иқдомҳои дигар ба шумор рафта, ҳар кадоми онҳо ба рушди ин ё он бахши соҳаҳои илму маорифи кишвар мусоидат намуданд. Инчунин қабули барномаҳо бо дарназардошти талаботи замон ва аҳаммияти бузурги илмҳо дар ҷодаи таъмин намудани пешрафти кишвар ба роҳ монда шуд.

Президенти мамлакат таъкид намуданд, ки дар асоси қабули барномаву санадҳо ва дар натиҷаи фароҳам овардани шароити зарурӣ дар марказҳои истеҳсоливу таълимӣ ҷавонон ба корҳои илмӣ бештар ҷалб гардида, завқи онҳо ба ихтироъкорӣ тавсеа пайдо кард.

Вобаста ба тасмими Ҳукумати кишвар оид ба интихоби ҳадафи чоруми стратегӣ — саноатикунонии босуръати кишвар, таъкид гардид, ки барои расидан ба ин ҳадаф, пеш аз ҳама, зарур аст, ки робитаи зичу самарабахши илм бо истеҳсолот таъмин гардида, технологияҳои муосир, дастовардҳои илму техника ва инноватсия дар истеҳсолоти кишвар ба таври васеъ истифода карда шаванд.

Қобили зикр аст, ки тайи солҳои охир Ҳукумати Тоҷикистон барои пешрафти фаъолияти инноватсионӣ дар мамлакат, ташаккули низоми самараноки инноватсионӣ, ки ба баланд бардоштани сатҳи технологӣ ва рақобатнокии истеҳсолот, ба бозори дохиливу хориҷӣ баровардани маҳсулоти инноватсионӣ, истеҳсоли молҳои ивазкунандаи воридот, суръатбахшии рушди иҷтимоиву иқтисодӣ ва расидан ба ҳадафҳои стратегии миллӣ мусоидат менамояд, заминаҳои ҳуқуқӣ ва иқтисодиро фароҳам овардааст.

Дастовардҳои солҳои охири олимони кишварро таҳлил намуда, Сарвари давлат муҳтарам Эмомалӣ Раҳмон таъкид карданд, ки пешравиҳои то имрӯз ноилшудаи олимони мо дар муқоиса бо талаботи замон, алалхусус, барои таъмин намудани рушди устувори иқтисодиёти кишвар қонеъкунанда нестанд.

Аз ин ру Пешвои миллат муҳтарам Эмомалӣ Раҳмон дар назди олимон вазифаҳои мушаххас гузоштанд.

Бо мақсади ислоҳи вазъ ва тақвият бахшидан ба нерӯи зеҳнии ҷомеа Ҳукумати мамлакат солҳои 2020 — 2040-ро бистсолаи омӯзиши илмҳои табиӣ, дақиқ ва риёзӣ дар соҳаи илму маориф эълон намуда, инчунин, ҷиҳати амалисозии ин иқдом доир ба гузаронидани озмуни ҳарсолаи “Илм — фурӯғи маърифат” қарор қабул кард.

Ҳадафи асосӣ аз иқдомоти зикршуда ташаккул додани ҷаҳонбинии илмии ҷомеа, рушди тафаккури техникӣ, пайванди илм бо истеҳсолот ва хусусан, ҷалб намудани ҷавонон ба ихтироъкорӣ ва навоварӣ ба шумор меравад.

Вобаста ба таъсиси шабакаи телевизионии “Илм ва табиат”, ки бо супориши бевоситаи Сарвари давлат ташкил ва ба фаъолият оғоз намуд, Президенти мамлакат бо итминон иброз доштанд, ки шабакаи зикршуда барои тарғиби илму инноватсия, дастовардҳои соҳаи маориф, ташвиқи табиати зебои Тоҷикистон ва сарватҳои табиии он, инчунин, амалӣ гардидани барномаи “Бистсолаи омӯзиш ва рушди илмҳои риёзӣ, дақиқ ва табиӣ барои солҳои 2020 — 2040” саҳми арзишманд мегузорад.

Дар охир Президенти мамлакат муҳтарам Эмомалӣ Раҳмон бо имтинон иброз доштанд, ки ҳамаи ин ибтикорот на танҳо ба такмили ҷиддии низоми идораи соҳа ва пайвастани илми ватанӣ бо истеҳсолот, балки дар маҷмӯъ, ба рушди минбаъдаи илм, маориф ва инноватсия дар кишвари мо мусоидат хоҳад кард.

Баъди суханронии Президенти Ҷумҳурии Тоҷикистон муҳтарам Эмомалӣ Раҳмон дар ҷаласаи якуми Шӯрои илм, маориф ва инноватсияи назди Президенти Ҷумҳурии Тоҷикистон оид ба дастовардҳои илму инноватсия, пайвандии илму истеҳсолот Президенти Академияи миллии илмҳо Фарҳод Раҳмимӣ, доктори илмҳои химия, директори Институти илмию таҳқиқотии назди Донишгоҳи миллии Тоҷикистон Сироҷиддин Раҷабов ва дотсенти кафедраи “Ҳимояи релеӣ ва автоматика”-и Донишгоҳи техникии Тоҷикистон ба номи академик М.С. Осимӣ Борбад Мирзозода бо таклифу пешниҳодҳо барои рушди илму инноватсия дар Тоҷикистон, рушди инноватсионӣ баромад карданд.


Вакти нашр: 2021-04-15 13:19:56    Хонданд: 94    Муфассал...

ТАБЛИҒИ СИЁСАТИ МАОРИФПАРВАРОНА ВА РУШДИ СОҲАИ ИҶТИМОӢ ҲАМЧУН САМТҲОИ МЕҲВАРИИ ПАЁМИ ПЕШВОИ МИЛЛАТ

Вохӯрии гурӯҳи таблиғотии Кумитаи иҷроияи Ҳизби Халқии Демократии Тоҷикистон дар ноҳияи Исмоили Сомонӣ оид оммафаҳм намудани Паёми Пешвои муаззами миллат бо сокинони маҳаллаи Шафтолузор ва устодону донишҷӯёни Донишгоҳи давлатии омӯзгори Тоҷикистон ба номи Садриддин Айнӣ санаи 14 апрели соли 2021 баргузор гардид.

Дар он Ҷурахонзода Ҷумахон- муовини Раиси Кумитаи иҷроияи ҲХДТ дар ноҳияи Исмоили Сомонӣ, Ғаффорӣ Нӯъмонҷон Усмонзода – аъзои Раёсати Кумитаи Иҷроияи Марказии ҲХДТ, Ҳомидзода Насимҷон – намояндаи Кумитаи иҷроияи ҲХДТ дар шаҳри Душанбе, аъзоёни гурӯҳи таблиғотии ҳизбӣ Аламов Ҳалимҷон номзади илми таърих, Бердиев Шоҳназар номзади илми фалсафа, вакилони Маҷлиси вакилони халқи ноҳияи Исмоили Сомонӣ – Ғуломов Абдухалил ва Убайдова Зулфия, масъалини ҳизбӣ ва намояндаи нашрияи “Омӯзгори ҷавон” иштирок намуданд.

Бо истифода аз суханони бемисли Пешвои муаззами миллат вохӯриро Ҷурахонзода Ҷумахон ифтитоҳ намуда, меҳмононро ба ҳозирин муаррифӣ кард.

Сипас аъзоёни гурӯҳи таблиғотии Кумитаи иҷроияи ҲХДТ дар ноҳияи Исмоили Сомонӣ - Аламов Ҳалимҷон номзади илми таърих, Бердиев Шоҳназар номзади илми фалсафа дар самти оммафаҳм намудани сиёсати иҷтимоӣ, маориф ва илм, тандурустӣ ва иқтисодии Паём суханронӣ намуданд.

Илова ба ин ҳифзи арзишҳои миллӣ, татбиқи сиёсати ҷавонон, бунёди оилаи солим ва ҳифзи дастовардҳои Истиқлолияти давлатии Ҷумҳурии Тоҷикистон аз ҷониби Ҳомидзода Насимҷон таблиғ карда шуд.

Ҳамчунин аз ҷониби Ғаффорӣ Нӯъмонҷон Усмонзода дар самти боварии Пешвои миллат ба ҷавонон, Паёми имсола ҳамчун дурнамои рушд ва ҲХДТ ҳамчун ҳизби мардумию перомуни андешаи Раиси муазами Ҳизби Халқии Демократии Тоҷикистон, муҳтарам Эмомалӣ Раҳмон суханҳои муфид ва саривақтӣ гуфта шуд.

Барои ҳамкориҳои судманд ва татбиқи сиёсати маорифпарварона Ҷурахонзода Ҷумахон ва Замира Мухамадуллоева бо сипосномаи Донишгоҳи давлатии омӯзгории Тоҷикистон ба номи Садриддин Айнӣ ва аъзои гурӯҳи таблиғотӣ Ҳусайнов Аҳмадҷон доктори илмҳои таърих барои саҳми арзанда дар таблиғи ҳадафҳои Барномавии ҳизб бо ифтихорномаи Кумитаи иҷроияи ҲХДТ дар ноҳияи Исмоили Сомонӣ сарфароз гардонида шуданд.

Дар фарҷом масъалаҳои рушди маҳал ва пешниҳоди рӯйхати шахсони имконияташон маҳдуди маҳалла аз ҷониби масъулини он пешниҳод карда шуд.


Вакти нашр: 2021-04-15 13:23:08    Хонданд: 122    Муфассал...

Суханронии Пешвои миллат Эмомалӣ Раҳмон дар ҷаласаи якуми Шӯрои илм, маориф ва инноватсияи назди Президенти Ҷумҳурии Тоҷикистон

Муҳтарам аъзои Шӯрои илм, маориф ва инноватсия!
Ҳозирини гиромӣ!

Соли гузашта дар Рӯзи дониш доир ба таъсиси Шӯрои илм, маориф ва инноватсияи назди Президенти Ҷумҳурии Тоҷикистон супориш дода будем.

Ҳадафи асосии мо аз таъсиси шӯрои мазкур баррасии мушкилоти дар соҳаҳои илм, маориф ва инноватсия ҷойдошта ва мусоидат кардан ба рушди ин бахшҳои ҳаётан муҳимми ҷомеа мебошад.

Аз солҳои 2000–ум инҷониб мо дар сиёсати давлатӣ соҳаҳои илму маорифро аз ҷумлаи самтҳои афзалиятнок эълон карда, ислоҳоти ҷиддии соҳаҳои зикршударо оғоз намудем.

Дар ин муддат вобаста ба ислоҳоти соҳаҳои зикршуда як қатор санадҳои дахлдор қабул гардида, аз ҳисоби буҷети давлат ҷиҳати ҳалли масъалаҳои илм ва маориф тадбирҳои зарурӣ роҳандозӣ карда шуданд.

Махсус мехоҳам хотиррасон намоям, ки қабули «Барномаи рушди илмҳои дақиқ дар Ҷумҳурии Тоҷикистон барои солҳои 2005 – 2008» қадами аввалин ва ҷиддӣ дар роҳи омӯзиши илмҳои бунёдӣ гардид ва барои ҷалби бештари наврасону ҷавонон ба омӯзиши фанҳои табииву риёзӣ роҳи васеъ кушод.

Дар ин давра қарорҳои Ҳукумати мамлакат дар бораи «Стратегияи Ҷумҳурии Тоҷикистон дар соҳаи илм ва технология барои солҳои 2007 – 2015», «Қоидаҳои ташаккул, экспертиза, тасдиқ, маблағгузорӣ ва иҷрои барномаву лоиҳаҳои илмӣ ва илмиву техникӣ» ва як силсила санадҳои дигар қабул гардиданд, ки ҳар кадоми онҳо ба рушди ин ё он бахши соҳаҳои илму маорифи кишвар мусоидат намуданд.

Мо дар ин раванд, ба пешрафти илм таваҷҷуҳи аввалиндараҷа зоҳир карда, барои рушди он заминаҳои мусоид фароҳам овардем ва бо мақсади ҳамоҳангсозии фаъолияти муассисаҳои таҳсилоти олии касбӣ ва муассисаҳои илмиву таҳқиқотӣ «Барномаи ҳамгироии илм ва таҳсилоти олии Ҷумҳурии Тоҷикистон барои солҳои 2010 – 2015»–ро қабул намудем.

Дар асоси ин санад дар сохтори муассисаҳои таҳсилоти олии касбӣ ва илмиву таҳқиқотӣ паркҳои технологӣ таъсис дода, муҳаққиқону омӯзгорони навовар ба корҳои илмиву истеҳсолӣ ҷалб карда шуданд.

Дар натиҷаи фароҳам овардани шароити зарурӣ дар марказҳои истеҳсоливу таълимӣ ҷавонон ба корҳои илмӣ бештар ҷалб гардида, завқи онҳо ба ихтироъкорӣ тавсеа пайдо кард.

Дар як муддати кӯтоҳ аз ҷониби олимону ихтироъкорон як қатор навгониҳо ва таҷҳизоту воситаҳои техникӣ ба вуҷуд оварда шуданд.

Дар баробари ин, таъкид месозам, ки сатҳи рушди илм, технологияҳо ва суръати пешрафти техникиву технологии кишварҳои рушдёфтаи дунё барои олимону ихтироъкорон ва махсусан, наврасону ҷавонони мо бояд намунаи ибрат ва омӯзиш бошад.

Бинобар ин, мо бояд ба корҳои илмӣ бисёр ҷиддӣ машғул шавем ва аз равандҳои муосири илму технологияҳои ҷаҳонӣ қафо намонем.

Ҳукумати мамлакат маҳз бо дарназардошти талаботи замон ва аҳаммияти бузурги илмҳои табиӣ, риёзӣ ва дақиқ дар ҷодаи таъмин намудани пешрафти кишвар, ҳамчунин, «Барномаи рушди нерӯ ва моликияти зеҳнии инсон дар давраи то соли 2020», «Барномаи рушди илмҳои табиатшиносӣ, риёзию техникӣ барои солҳои 2010 – 2020», «Барномаи давлатии таъмини муассисаҳои таълимию илмии ҷумҳурӣ бо кабинетҳои фаннӣ, озмоишгоҳҳои муҷаҳҳази таълимӣ ва илмиву таҳқиқотӣ барои солҳои 2011 – 2015»–ро қабул намуда, барои амалисозии онҳо шароиту имкониятҳои зарурӣ, аз ҷумла маблағгузориро муҳайё кардааст.

Ҳоло кишвари мо дар марҳалаи рушди устувори иҷтимоиву иқтисодӣ қарор дорад.

Мо тасмим гирифтаем, ки дар ин марҳала ҳадафи чоруми стратегӣ – саноатикунонии босуръати кишварро амалӣ созем.

Барои расидан ба ин ҳадаф, пеш аз ҳама, зарур аст, ки робитаи зичу самарабахши илм бо истеҳсолот таъмин гардида, технологияҳои муосир, дастовардҳои илму техника ва инноватсия дар истеҳсолоти кишвар ба таври васеъ истифода карда шаванд.

Зеро фаъолияти самарабахши илмиву технологӣ ва инноватсионӣ шарти зарурии таъмин намудани рушди иқтисодиву иҷтимоии кишвар ба ҳисоб меравад.

Машғул шудан ба фаъолияти инноватсионӣ ва ба вуҷуд овардани маҳсулоти инноватсионӣ яке аз омилҳое мебошад, ки ба пайванди илм бо истеҳсолот мусоидат карда метавонад.

Натиҷаи чунин фаъолият ба вуҷуд омадани донишҳои нави илмӣ ва амалисозии минбаъдаи онҳо дар технологияҳои нав ё маҳсулоти нави тавассути ин технологияҳо истеҳсолшуда мебошад.

Навъҳои муосири технология ва маҳсулот навовариҳое мебошанд, ки самараи иҷтимоиву иқтисодиро танҳо баъди татбиқи амалӣ, яъне дастрас гардидан ба истеъмолкунанда таъмин менамоянд.

Қобили зикр аст, ки тайи солҳои охир Ҳукумати Тоҷикистон барои пешрафти фаъолияти инноватсионӣ дар мамлакат, ташаккули низоми самараноки инноватсионӣ, ки ба баланд бардоштани сатҳи технологӣ ва рақобатнокии истеҳсолот, ба бозори дохиливу хориҷӣ баровардани маҳсулоти инноватсионӣ, истеҳсоли молҳои ивазкунандаи воридот, суръатбахшии рушди иҷтимоиву иқтисодӣ ва расидан ба ҳадафҳои стратегии миллӣ мусоидат менамояд, заминаҳои ҳуқуқӣ ва иқтисодиро фароҳам овардааст.

Аз ҷумла дар Қонуни Ҷумҳурии Тоҷикистон «Дар бораи фаъолияти инноватсионӣ», «Стратегияи рушди инноватсионии Ҷумҳурии Тоҷикистон барои давраи то соли 2020» ва «Барномаи рушди инноватсионии Ҷумҳурии Тоҷикистон барои солҳои 2011 – 2020» асосҳои ҳуқуқии фаъолияти инноватсионӣ муҳайё гардидаанд.

Масалан, имрӯз олимони соҳаҳои физика, химия, маводшиносӣ, биология ва дигар бахшҳои илмҳои табиӣ, дақиқ ва техникӣ дар доираи татбиқи «Барномаи рушди инноватсионии Ҷумҳурии Тоҷикистон барои солҳои 2011 – 2020» ба таҳияву татбиқи лоиҳаҳои инноватсионӣ, ки барои ба вуҷуд овардани технологияҳои истеҳсоли молу мавод нигаронида шудаанд, машғул мебошанд.

То имрӯз технологияи истеҳсоли нитрогени моеъ барои соҳаҳои кишоварзӣ ва тиб, технологияи истеҳсоли асбобҳои гуногуни криогенӣ барои ҷарроҳӣ, кристаллҳои сунъӣ, истеҳсоли пектин аз партовҳои саноати хӯрокворӣ, пектинҳо барои тиб ва дорусозӣ, маводи кимиёӣ (атсетат ва нитрати селлюлоза) аз партови коркарди пахта, малҳамҳои табобатии «Сино», «Фитосуман», «Ромит», технологияи коркарди тилло ва нуқра дар конҳои кишвар, истеҳсоли обгармкунакҳои офтобӣ аз алюминии аввалия, истеҳсоли кремнийи техникӣ дар асоси ашёи хоми ватанӣ, ки барои сохтани коллекторҳои офтобӣ зарур аст, технологияи истеҳсоли инулин, пектин, селлюлоза, биоэтанол ва биогаз аз растании топинамбур, технологияҳои парвариши навъҳои нави картошкаи беҷурм ва гандуми ба сардӣ тобовар, инчунин, технологияи истеҳсоли маводи доруворӣ аз гиёҳҳои шифобахши маҳаллӣ таҳия шуда, барои татбиқ дар истеҳсолот ба вазорату идораҳои дахлдор пешниҳод гардидаанд.

Дар ин раванд, миқдори зиёди патент барои ихтироот ба даст оварда шудааст.

Олимони соҳаи кишоварзӣ дар солҳои 2016 – 2020–ум 87 навъи серҳосили зироатҳои кишоварзӣ ва дарахтони мевадиҳандаро ба вуҷуд овардаанд, ки 36 навъи онҳо минтақабоб ва ҷорӣ карда шудаанд.

Олимони соҳа, инчунин, усулҳои беҳтар кардани ҳосилхезии хок, истифодаи самараноки нуриҳои минералию органикӣ, пешгирӣ намудани таназзулёбии хок ва шӯршавии дубораи заминҳои обёришавандаро таҳия намуда, дар истеҳсолот татбиқ кардаанд.

Вале таъкид месозам, ки пешравиҳои то имрӯз ноилшудаи олимони мо дар муқоиса бо талаботи замон, алалхусус, барои таъмин намудани рушди устувори иқтисодиёти кишвар қонеъкунанда нестанд.

Аз ин лиҳоз, зарур мешуморем, ки таваҷҷуҳи олимонро ба вазифаҳои зерин ҷалб намоям:

  1. Вобаста ба талаботи иқтисоди миллӣ олимони соҳаи физикаро зарур аст, ки фаъолияти илмии худро дар самти коркарди маводи нав ва кристаллҳои сунъӣ бо истифода аз ашёи хоми ватанӣ барои истифода дар соҳаҳои гуногуни техника ва технология, тақвият додани корҳои илмиву технологӣ дар соҳаи физикаи ҳастаӣ ва татбиқи технологияҳои ин соҳа дар иқтисодиёти кишвар, ҳамчунин, нанотехнология ба таври қатъӣ ҷоннок намоянд.

Инчунин, дар ҳамкорӣ бо вазоратҳои саноат ва технологияҳои нав, энергетика ва захираҳои об коркарди технологияҳои каммасраф, “энергетикаи сабз”, технологияҳои коркарди партовҳо, аз ҷумла партовҳои радиоактивиро ҷиҳати рушди техника ва технологияҳои муосир вусъат бахшанд.

  1. Вобаста ба ҳадафи чоруми стратегии кишвар – саноатикунониии босуръат олимони соҳаи математика вазифадор карда мешаванд, ки бо истифода аз имкониятҳои математикаи амалӣ моделсозии математикиро дар самти банақшагирии истеҳсолот, барномасозии компютерии ташкил ва идоракунии фаъолияти истеҳсолӣ таҳия ва ба саноатчиёни кишвар пешниҳод намуда, инчунин, таҳқиқотро дар самти лингвистикаи компютерӣ бо дарназардошти меъёрҳои забони адабии тоҷикӣ вусъат бахшанд.
  2. Олимони соҳаи химияро зарур аст, ки минбаъд фаъолияти таҳқиқотии худро доир ба татбиқи технологияҳои коркардшуда дар соҳаи хӯрокворӣ ва дорусозӣ, омӯзиши васеи хосиятҳои амалии хӯлаҳои алюминӣ ва татбиқи онҳо дар соҳаи саноат, коркарди технологияҳои муосир оид ба истеҳсоли нуриҳои маъданӣ аз ашёи хоми ватанӣ, коркарди маводи кимиёӣ бар зидди ҳашароти зараррасон, коркарди металлҳои нодир якҷо бо олимони соҳаи физика, коркарди манбаъҳои захиракунандаи энергия дар асоси натрий ва калий бо дарназардошти захираҳои кишвар тақвият бахшанд.

Ба вазоратҳои саноат ва технологияҳои нав, тандурустӣ ва ҳифзи иҷтимоии аҳолӣ, мудофиа ва дигар вазорату идораҳои дахлдор супориш дода мешавад, ки барои дар соҳаҳои саноат ва тиб татбиқ намудани технологияҳои бавуҷудовардаи олимони соҳаи химия оид ба истеҳсоли пектинҳо, фосфоритҳо, истеҳсоли маводи доруворӣ аз гиёҳҳои шифобахши ватанӣ ва дигар маҳсулоти воридотивазкунанда мусоидат намоянд.

  1. Олимони соҳаи геология вазифадор карда мешаванд, ки дар ҳамкорӣ бо мутахассисони Саридораи геология ҷиҳати омӯзиши конҳои канданиҳои фоиданок дар минтақаҳои гуногуни кишвар бо дарназардошти талабот ба ин ё он навъи ашёи минералӣ ва тартиб додани харитаҳои рақамии геологӣ барои арзёбии захираи конҳои канданиҳои фоиданок чораҳои зарурӣ андешанд.
  2. Вобаста ба тағйирёбии иқлим, болоравии ҳарорати миёнаи кураи замин ва коҳиш ёфтани ҳаҷми оби пиряхҳо, камборишӣ ва хушксолиҳои пайиҳам олимони соҳаи масъалаҳои об, гидроэнергетика ва экология ҳолат ва дурнамои рушди энергетикаи умумӣ ва гидроэнергетикаи Тоҷикистонро таҳлил намуда, захираҳои барқароршавандаи энергетикаи кишварро ҳамаҷониба омӯхта, гидроэнергетикаи хурди Тоҷикистон, ҳолат, захираҳо ва нақшаву барномаҳои истифодабарии онҳоро таҳқиқ намоянд.

Инчунин, дар тарғиби чаҳор ташаббуси ҷаҳонии Тоҷикистон дар масъалаҳои вобаста ба об фаъолона иштирок намуда, доир ба масъалаи мазкур таҳқиқоти илмӣ анҷом диҳанд ва бо баргузор намудани конфронсу симпозиумҳои байналмилалӣ аҳаммияти ташаббусҳои мазкурро ба ҷаҳониён ҳарчи бештар муаррифӣ намоянд.

  1. Олимону мутахассисони соҳаи рушди инноватсионии илм ва технологияҳои нав таҳқиқотро доир ба рушди инноватсионии илм ва технологияҳои сарфаи энергия вусъат бахшанд, инчунин корро дар самти татбиқи натиҷаҳои илмӣ дар истеҳсолот ва коркарди ашёи хоми маҳаллӣ вусъат диҳанд.
  2. Фаъолияти минбаъдаи олимони соҳаи биология, физиология ва генетикаи растаниҳо бояд ба омӯзиш, ҳифз ва идоракунии устувори гуногуннавъии биологии растаниҳо ва арзёбии захираҳои табиии онҳо дар шароити тағйирёбии иқлим ва таъсири омилҳои антропогенӣ равона карда шавад.

Олимону мутахассисони соҳа вазифадор карда мешаванд, ки бо истифодаи усулҳои биотехнологияи муосир ва роҳҳои маъмулии селексия роҳҳои баланд бардоштани ҳосилнокии зироатҳои кишоварзиро дарёфт намоянд.

Дар замони муосир масъалаи бехатарии биологӣ ва амнияти озуқаворӣ аҳаммияти торафт бештар пайдо карда истодааст.

Аз ин рӯ, олимони соҳаи биология бояд бо истифодаи усулҳои инноватсионӣ дар ин самт таҳқиқоти илмиву назариявӣ ва амалиро ҷоннок карда, роҳҳои ба ҷои ду ҳосил аз як замин дар як сол се – чор ҳосил рӯёниданро дарёфт ва пешниҳод намоянд.

  1. Илова бар ин, доир ба истеҳсоли тухмиҳои аълосифати ба иқлими кишвар мутобиқ, ба вирусҳо ва касалиҳо тобовар, инчунин, ба гардиши кишоварзӣ ворид намудани заминҳои боир, шӯршуда ва аз гардиши кишоварзӣ берунмонда таҳқиқот анҷом дода, якҷоя бо Вазорати кишоварзӣ хоҷагиҳои тухмипарварро барқарор намоянд ва дар самти офаридани чорвои хушзоти маҳаллӣ бо хоҷагиҳои деҳқонӣ ҳамкориро ба роҳ монанд.

Дар робита ба масъалаи робитаи илм ва истеҳсолот таъкид месозам, ки тибқи таҳлилҳо аз тарафи вазорату идораҳои дахлдор, корхонаҳои истеҳсолӣ ва соҳибкорон ҷиҳати татбиқ намудани технологияҳои пешниҳодшаванда ва тавассути онҳо ба роҳ мондани истеҳсоли молу маҳсулоти ватанӣ таваҷҷуҳи зарурӣ зоҳир карда намешавад.

Бо мақсади ислоҳи вазъ ва тақвият бахшидан ба нерӯи зеҳнии ҷомеа мо солҳои 2020 – 2040–ро бистсолаи омӯзиши илмҳои табиӣ, дақиқ ва риёзӣ дар соҳаи илму маориф эълон намуда, инчунин, ҷиҳати амалисозии ин иқдом доир ба гузаронидани озмуни ҳарсолаи «Илм – фурӯғи маърифат» қарор қабул кардем.

Ҳадафи асосӣ аз иқдомоти зикршуда ташаккул додани ҷаҳонбинии илмии ҷомеа, рушди тафаккури техникӣ, пайванди илм бо истеҳсолот ва хусусан, ҷалб намудани ҷавонон ба ихтироъкорӣ ва навоварӣ ба шумор меравад.

Дирӯз шабакаи телевизионии «Илм ва табиат», ки бо супориши мо таъсис дода шуда буд, ба фаъолият оғоз намуд.

Бовар дорам, ки шабакаи зикршуда барои тарғиби илму инноватсия, дастовардҳои соҳаи маориф, ташвиқи табиати зебои Тоҷикистон ва сарватҳои табиии он, инчунин, амалӣ гардидани барномаи “Бистсолаи омӯзиш ва рушди илмҳои риёзӣ, дақиқ ва табиӣ барои солҳои 2020 – 2040” саҳми арзишманд мегузорад.

Бояд гуфт, ки дар байни олимону муҳаққиқони кишвар ихтироъкорон ва навоварон кам нестанд, вале дастовардҳои онҳо дар истеҳсолот қариб, ки татбиқ намегарданд.

Ихтироот ва кашфиёти илмӣ дар шакли патенту шаҳодатномаҳои муаллифӣ дар Маркази миллии патенту иттилооти Вазорати рушди иқтисод ва савдо ба қайд гирифта мешаванд, вале аксари онҳо дар рӯи коғаз боқӣ мемонанд, зеро мо то ҳанӯз механизми татбиқи дастовардҳои илму техникаро дар истеҳсолот тарҳрезӣ ва дарёфт накардаем.

Аз ин лиҳоз, Маркази миллии патенту иттилоот вазифадор карда мешавад, ки бо ҷалби коршиносони касбӣ экспертизаи мустақили ихтирооту навовариро дар сатҳи баланд амалӣ гардонад ва дастовардҳои ихтироъкоронро барои дарёфт намудани фармоишгар ва татбиқ дар истеҳсолот мунтазам ташвиқу тарғиб намояд.

Барои рушди ояндаи навоварӣ ва ихтироъкорӣ, ҳамчунин зарур аст, ки заминаи моддиву техникии муассисаҳои илмӣ ва озмоишгоҳҳо таҳким бахшида шавад.

Ба ин мақсад бояд дар муассисаҳои илмӣ корхонаҳои хурди илмиву истеҳсолӣ ташкил карда шаванд, то ки ихтирооти муҳаққиқон ва навоварон дар марҳалаи аввал аз санҷиш, озмоиш ва таҷриба гузаронида, баъдан барои татбиқи васеъ ба истеҳсолот пешниҳод карда шаванд.

Вобаста ба ин, корхонаҳои истеҳсолии вазорату идораҳои дахлдор, хусусан вазоратҳои саноат ва технологияҳои нав, энергетика ва захираҳои об, кишоварзӣ, тандурустӣ ва ҳифзи иҷтимоии аҳолӣ бояд бо ихтироъкорон ҳамкории зичро ба роҳ монанд, дастовардҳои онҳоро омӯзанд ва дар асоси шартнома бо муассисаҳои илмӣ барои татбиқ намудани натиҷаҳои илмӣ дар истеҳсолот тадбирҳои зарурӣ андешанд.

Дар сурати ба роҳ мондани ҳамкории самараноки корхонаҳои саноатӣ бо муассисаҳои илмии ватанӣ бо харҷи кам ба натиҷаҳои баланди иқтисодӣ ноил шудан мумкин аст, зеро ворид намудани технологияҳои пешқадам аз хориҷи кишвар маблағгузории зиёдро талаб менамояд.

Инчунин, зарур аст, ки дар нақшаҳои солона ва панҷсолаи муассисаҳои илмиву таҳқиқотӣ, институтҳои соҳавӣ ва кафедраҳои дахлдори муассисаҳои таҳсилоти олии касбӣ дар қатори мавзӯъҳои бунёдӣ иҷрои мавзӯъҳои хусусияти амалидошта низ ба таври ҳатмӣ ба роҳ монда шавад.

Ба вуҷуд овардани инфрасохтори зарурии инноватсионӣ, яъне марказҳои инноватсиониву технологӣ, инкубаторҳои технологӣ, технопаркҳо, марказҳои таълимӣ ва дигари сохторҳои махсусгардонидашуда яке аз омилҳои пурзӯр намудани фаъолияти инноватсионӣ мебошад.

Таҷрибаи кишварҳои мутараққӣ нишон медиҳад, ки паркҳои технологӣ ҳамчун сохтори миёнарав бо ихтироъкорону навоварон, вазорату идораҳо ва сохторҳои марбута ҳамкории зичро ба роҳ монда, дар татбиқи дастовардҳои илму техника дар истеҳсолот нақши муҳим мебозанд.

Вале чунин паркҳо дар кишвари мо ҳанӯз пурра ташаккул наёфтаанд, ки чунин вазъ андешидани чораҳои заруриро тақозо мекунад.

Яке аз мушкилоти асосӣ, ки паркҳои технологии муассисаҳои таҳсилоти олии кишвар бо он рӯ ба рӯ мешаванд, масъалаи андозсупорӣ аз фоида мебошад.

Бояд тазаккур дод, ки парки технологӣ шахси ҳуқуқии ғайритиҷоратӣ буда, ҳамчун муассиса дар ҳудуди махсус таъсис дода мешавад, ки бо мақсади рушди илм ва истифодаи самараноки технологияҳои баланд барои қонеъ гардонидани талаботи истеҳсолот дар самти истифодаи технологияҳои навтарин ва татбиқи лоиҳаҳои инноватсиониву инвеститсионӣ фаъолият менамояд.

Яъне имрӯз вақти он расидааст, ки масъалаи аз андозсупорӣ озод намудани паркҳои технологии муассисаҳои илмиву таълимӣ мавриди баррасӣ қарор дода шавад.

Бинобар ин, Вазорати молия ва Кумитаи андоз вазифадор карда мешаванд, ки ҷиҳати ворид кардани тағйиру иловаҳо ба Кодекси андоз ва Қонуни Ҷумҳурии Тоҷикистон «Дар бораи парки технологӣ» доир ба резидентҳои парки технологӣ ва имтиёзҳо дар соҳаи андозсупорӣ чораҷӯӣ намоянд.

Мо дар солҳои истиқлоли давлатӣ барои рушди соҳаи маориф низ даҳҳо стратегия, консепсия ва барнома қабул намудем, ки дар асоси онҳо рушди соҳа ва амалигардонии ислоҳот дар ҳамаи зинаҳои таҳсилот бомаром таъмин шуда истодааст.

Ҳукумати мамлакат моҳи сентябри соли 2020 “Дар бораи самтҳои афзалиятноки таҳқиқоти илмӣ ва илмию техникӣ дар Ҷумҳурии Тоҷикистон барои солҳои 2021 – 2025” қарор қабул намуд ва муассисаҳои илмӣ ва таҳсилоти олии касбиро вазифадор кард, ки корҳои илмиву таҳқиқотиро дар асоси ин ҳуҷҷати муҳим бо сатҳу сифати нав ба роҳ монда, тамоми нерӯи илмиву зеҳниро ба иҷрои мавзӯъҳои фармоишии фарогири масъалаҳои муҳимми рушди иқтисоди миллӣ сафарбар намоянд.

Баробари эълон гардидани «Бистсолаи омӯзиш ва рушди фанҳои риёзӣ, дақиқ ва табиӣ дар соҳаи илму маориф» қарорҳои дахлдори Ҳукумати мамлакат ба тасвиб расида, Вазорати маориф ва илм вазифадор карда шуд, ки дар ҳамаи зинаҳои таҳсилот стандарт, барнома ва нақшаҳои таълимиро таҷдиди назар карда, ба баланд бардоштани сатҳу сифати таълим диққати аввалиндараҷа диҳад.

Зеро танҳо дуруст ба роҳ мондани таълими ин фанҳо ва рушди тафаккури техникӣ имкон медиҳад, ки зеҳни наврасону ҷавонони мо қавӣ гардад ва онҳо баробар бо талаботи замонаи пешрафту дигаргуниҳои имрӯзу фардо қадам гузоранд.

Бо вуҷуди қабули барномаву санадҳо барои рушди соҳаҳои маориф татбиқи на ҳамаи онҳо қаноатбахш мебошад.

Гарчанде мо барномаи таъмин намудани муассисаҳои таълимиро бо компютер иҷро кардем, аммо ҳоло низ дар баъзе шаҳру ноҳияҳо омӯзгорони фанни мазкур намерасанд ва сифати азхудкунии технологияҳои иттиллоотӣ ба талаботи рӯз ҷавобгӯ нест.

Ҳамчунин, ҳоло марҳалаи сеюми амалисозии “Барномаи давлатии такмили таълим ва омӯзиши забонҳои русӣ ва англисӣ дар Ҷумҳурии Тоҷикистон барои давраи то соли 2030” шурӯъ мешавад, вале дар ин самт то имрӯз натиҷаҳои назаррас кам ба мушоҳида мерасад.

Масалан, норасоии омӯзгорони фанҳои забони русӣ ва англисӣ дар бисёр ноҳияҳои дурдаст аз масъалаҳои ҳалталаб ба шумор меравад.

Дар кишвар ҳанӯз аз соли 2004 ислоҳоти низоми маориф шурӯъ гардида, гузариш ба низоми таълими кредитӣ дар ду донишгоҳи пилотӣ – Донишгоҳи давлатии тиҷорат ва Донишгоҳи технологӣ амалӣ карда шуд.

Имсол гузариш ба низоми кредитии таҳсилот дар ҳамаи муассисаҳои таҳсилоти олии касбӣ ба анҷом расид, вале тибқи назарсанҷиҳои Агентии назорат дар соҳаи маориф иқдоми зикршуда ҳанӯз натиҷаҳои зарурӣ ба бор наовардааст.

Бинобар ин, Вазорати маориф ва илмро зарур аст, ки вазъи иҷрои барномаҳои таълимӣ, стандартҳои давлатӣ ва дигар санадҳои қабулшударо таҳти назорати қатъӣ қарор дода, якҷо бо Шӯрои ректорони муассисаҳои таҳсилоти олии касбӣ масъалаи низоми кредитии таҳсилотро баррасӣ намояд ва доир ба беҳтар намудани сатҳу сифати таҳсилот дар ҳамаи зинаҳо чораҳои зарурӣ ва фавриро амалӣ созад.

Дӯстони азиз!

Бо дарназардошти ворид шудани Ҷумҳурии Тоҷикистон ба марҳалаи нави рушд, яъне давраи саноатикунонии босуръати кишвар талаботи ҷомеа ба соҳаҳои илм, маориф ва инноватсия, махсусан, ба робитаи илм бо истеҳсолот рӯз ба рӯз афзоиш меёбад.

Ба хотири густариш бахшидани ин раванд солҳои охир аз ҷониби Роҳбари давлат як қатор тадбирҳои иловагӣ амалӣ шуданд.

Бо фармони Президенти Ҷумҳурии Тоҷикистон ба Академияи илмҳо мақоми миллӣ дода шуд.

Илова ба Шӯрои илм, маориф ва инноватсияи назди Президенти Ҷумҳурии Тоҷикистон дар сохтори Дастгоҳи иҷроияи Президент шуъбаи илм ва инноватсия таъсис гардид.

Инчунин, дар паёми навбатии Президенти кишвар бо мақсади рушди инфрасохтори иттилоотиву коммуникатсионӣ, рақамикунонии соҳаҳои иқтисоди миллӣ ба Ҳукумати мамлакат супориш дода шуд, ки оид ба таъсиси Агентии инноватсия ва технологияҳои рақамии назди Президенти Ҷумҳурии Тоҷикистон чораҷӯӣ намояд.

Замони муосир талаб мекунад, ки тамоми равандҳои иқтисодӣ ва хизматрасонӣ тавассути истифода аз технологияҳои рақамӣ ва иттилоотиву иртиботӣ дар заминаи инфрасохтори иттилоотӣ роҳандозӣ карда шаванд.

Дар кишвари мо ташаккул додани инфрасохтори зарурӣ вазифаи асоситарин барои рақамикунонӣ мебошад, ки бояд дастрасии умум ба шабакаҳои баландсуръату бисёрхаттаи интернетӣ, ташаккули платформаҳои рақамӣ, ташкили инфрасохтор барои ҷамъоварӣ ва нигоҳдории иттилоот, истифода аз технологияҳои пешрафтаи коркарди «захираи бузурги маълумот», ташаккули фазои муътамади рақамӣ ва монанди инҳоро таъмин намояд.

Ҳамаи ин низ донишҳои муосир, пайванди илму истеҳсолот ва муносибати навоваронаву инноватсиониро тақозо мекунад, ки роҳандозии онҳо бе ҷалби олимону мутахассисони дорои сатҳи баланди касбият ғайриимкон аст.

Дар робита ба ин низ аз кормандони илму маориф фаъолияти боз ҳам бештар дар татбиқи технологияҳои инноватсионӣ ва тарбияи кадрҳои баландихтисос, инчунин, омодасозии сокинони кишвар барои истифодаи технологияҳои иттилоотиву иртиботӣ талаб карда мешавад.

Итминони комил дорам, ки ҳамаи ин ибтикорот на танҳо ба такмили ҷиддии низоми идораи соҳа ва пайвастани илми ватанӣ бо истеҳсолот, балки дар маҷмӯъ, ба рушди минбаъдаи илм, маориф ва инноватсия дар кишвари мо мусоидат хоҳад кард.

Дар ин ҷода ба ҳамаи шумо барору муваффақият мехоҳам.


Вакти нашр: 2021-04-15 13:24:05    Хонданд: 91    Муфассал...

Муаррифӣ ва эътирофи фарҳанги тоҷик аз ҷониби ҷаҳониён барои ҳар сокини Тоҷикистон ифтихор аст. Эҳдо ба Рӯзи байналмилалии фарҳанг

Аз ҷониби ҷомеаи ҷаҳонӣ эътироф гардидани мероси таърихиву фарҳангии мо дар айни замон эътирофи тоҷикон ҳамчун миллати тамаддунсозу фарҳангӣ мебошад… Моро зарур аст, ки ёдгориҳои таърихии худро ҳифз кунем, обод гардонем ва ба онҳо ҳамчун ҷузъи таркибии сарнавишти миллати куҳанбунёдамон муносибат намоем.

Ин нуктаро Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни ироаи Паёми худ ба Маҷлиси Олии Ҷумҳурии Тоҷикистон 26 декабри соли 2018 дар самти эҳёи таъриху фарҳанги миллати тоҷик  таъкид  доштанд. Имрӯз, ки дар саросари ҷаҳон  Рӯзи байналмилалии фарҳангро таҷлил менамоянд, ёдоварӣ аз  ин суханони пурҳикмати Пешвои миллат басо муфид ва бомаврид  аст.

Ҳамасола 15 апрел дар ҷаҳон  Рӯзи байналмилалии фарҳанг таҷлил карда мешавад, ки ба  санаи   дар Вашингтон ба имзо  расидани  шартнома «оид ба ҳифзи муассисаҳои илмию бадеӣ ва осори таърихӣ» алоқаманд аст.

Дар ин робита хабарнигори АМИТ «Ховар» бо  котиби масъули Комиссияи миллӣ оид ба корҳои ЮНЕСКО Зулфия Бурҳон доир  ба аз ҷониби ҷомеаи ҷаҳонӣ эътироф гардидани осори фарҳангиву таърихии миллати тоҷик суҳбат намуд.

Мавсуф иброз дошт, ки  осори мероси таърихию фарҳангии миллати тоҷик маҳсули тафаккур ва эҷоди ин миллати тамаддунофар буда, онҳо давраҳои гуногуни ҳаёти ҷамъиятии ниёгонамонро  аз давраҳои антиқа то имрӯз дар шаклҳои бошишгоҳ, маъбадҳо, қасру қалъа, мақбара, мадорис ва дигар шакли хоси фарҳанги мероси ғайриманқули миллӣ таҷассум менамоянд.
Зулфия Бурҳон иттилоъ дод, ки 6 апрели соли 1993 Ҷумҳурии Тоҷикистон ҳамчун узви комилҳуқуқи Созмони байналмилалии ЮНЕСКО расман аз ҷониби ҷомеаи ҷаҳонӣ эътироф гардида, ҳамон сол Комиссияи миллии Ҷумҳурии Тоҷикистон оид ба корҳои ЮНЕСКО дар назди Вазорати корҳои хориҷӣ таъсис дода шуд.

«Ҷумҳурии Тоҷикистон сол то сол ҳамкории худро бо ЮНЕСКО инкишоф дода, дар соҳаҳои гуногуни  ҳаёти ҷамъиятӣ лоиҳа ва барномаҳоро амалӣ менамояд. Ба хотири дастгирӣ ва татбиқи сиёсати фарҳангӣ ва илмӣ аз ҷониби давлатҳои аъзо, аз ҷумла Ҷумҳурии Тоҷикистон, номинаҳо барои ворид намудан ба феҳристҳои фарҳанги моддӣ ва ғайримоддии ЮНЕСКО, инчунин Феҳристи ҷашнвораҳои ЮНЕСКО пешниҳод мегарданд, ки он имконияти хуби муаррифии фарҳанги миллати тоҷик дар арсаи байналмилалӣ мебошад. 31 июли соли 2010 бо қарори ҷаласаи 34-уми Кумитаи мероси умумиҷаҳонии ЮНЕСКО мавзеи «Саразм» ба Феҳристи мероси умумиҷаҳонии ЮНЕСКО ворид гардид, ки ин рӯйдод яке аз муҳимтарин пешрафт ва комёбӣ дар фаъолияти Комиссияи миллии Ҷумҳурии Тоҷикистон оид ба корҳои ЮНЕСКО ба ҳисоб меравад»,- афзуд котиби масъули Комиссияи миллӣ оид ба корҳои ЮНЕСКО Зулфия Бурҳон .

Ба андешаи номбурда, имрӯз ба ҷаҳониён исбот гаштааст, ки шаҳрҳои бостонии Саразм, Ҳисор, Кӯлоб, Хуҷанд, ёдгориҳои меъмории Мадрасаи Хоҷа Машҳад, Мақбараи Муҳаммад Башоро, Мақбараи Хоҷа Нақшрон, Мақбараи Мир Саид Алии Ҳамадонӣ, инчунин девормусаввараҳо, гаҷкориҳо бо тасвирҳои набототӣ, ҳандасӣ ва зооморфӣ аз шаҳри асримиёнагии Ҳулбук, девормусаввараҳои Панҷакенти қадим ва шаҳри Бунҷикат, муҷассамаи Буддо аз ёдгории бостонии Аҷинатеппа, Қалъаи Ямчун, Маъбади Зонг, ёдгории меъмории Карон, бозёфти «Хазинаи Амударё» аз ҳудуди шаҳраки эллинистии Тахти Сангин ва ғайраҳо ҳамчун нобиғаҳои нодири мероси фарҳангӣ аз ҷониби ҷаҳон эътироф гардидаанд.

-Муаррифии фарҳанги тоҷик ва эътироф гардидани он аз ҷониби ҷаҳониён барои ҳар сокини мамлакат ифтихори бузург аст. Зеро ҳифзу нигаҳдошт, истифодаи дурусти мероси таърихию фарҳангии мамлакат баҳри баланд бардоштани рӯҳияи ватандӯстӣ, худогоҳию хештаншиносии мардум ва хусусан наврасон ва ҷавонон мавқеи муҳим дорад, -мегӯяд ӯ.

Мавриди зикр аст, ки дар Сессияи 92-юми Созмони ЮНЕСКО 11 ноябри соли 2003 мусиқии «Шашмақом» ҳамчун шоҳкории мероси шифоҳӣ ва ғайримоддии инсоният ва қуллаи баландтарини мусиқии суннатии тоҷикон шинохта шуда, ҷашни аҷдодиамон-Наврӯзи хуҷаста мақоми байналмилалӣ гирифт, аввалин ёдгории таърихии Тоҷикистон «Саразм» ба Рӯйхати муҷассамаҳои Мероси фарҳангии умумиҷаҳонӣ ва  Боғи миллии Тоҷикистон ба феҳристи Мероси умумиҷаҳонӣ ворид шуданд.

Зулфия Бурҳон иброз намуд, ки  «имсол номинаҳои муштараки  «Кирмакпарварӣ» ва «Абрешимбофӣ» бо Ҷумҳурии Афғонистон, Озарбойҷон, Эрон, Туркия, Туркманистон ва Ӯзбекистон таҳия шуда, ба Кумитаи мероси фарҳангии ЮНЕСКО манзур гардидаанд».


Вакти нашр: 2021-04-15 14:04:04    Хонданд: 76    Муфассал...

САНОАТ — МУҲАРРИКИ АСОСИИ ИҚТИСОДИЁТ. Тоҷикистон дорои заминаҳои воқеии рушди саноат аст, ки барои пешрафти истеҳсолоти миллӣ шароити мусоид фароҳам меорад

Саноат яке аз соҳаҳои калидии иқтисоди мамлакатҳо ва тавлидкунандаи асосии неъматҳои моддӣ ба ҳисоб рафта, рушди он ба пешрафти бахшҳои дигари иқтисодиёт заминаи мусоид мегузорад ва нуфузу мавқеи давлатро дар арсаи байналмилалӣ устувор менамояд. Бо дарназардошти аҳамияти соҳаи саноат дар ҳалли масъалаҳои иқтисодиву иҷтимоӣ ва таъсиси ҷойҳои корӣ 26 декабри соли 2018 Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни ироаи Паёми навбатии худ ба Маҷлиси Олии мамлакат саноатикунонии босуръати кишварро ҳадафи чоруми миллӣ эълон карданд.

Роҳбари Котиботи Шӯрои машваратии назди Президенти Ҷумҳурии Тоҷикистон оид ба беҳтар кардани фазои сармоягузорӣ Нуъмон АБДУҒАФФОРЗОДА доир ба рушди соҳаи саноат ва саҳми он дар рушди иқтисоди миллӣ  дар суҳбат бо АМИТ «Ховар» чунин ибрози андеша намуд:

 Истеҳсолоти саноатӣ назар ба дигар соҳаҳои иқтисод, аз ҷумла кишоварзӣ тадриҷан рушд намуда, саҳми он дар таъмини шуғли аҳолӣ, содироти маҳсулот, афзоиши Маҷмӯи маҳсулоти дохилӣ ва дар маҷмӯъ рушди иқтисодии кишварҳо нақши бузург пайдо кардааст. Марҳилаҳои аввали ташаккули соҳаҳои саноат асосан ба давлатҳои ИМА ва Аврупои ғарбӣ рост омада, дар натиҷаи аз доираҳои миллӣ берун омадани истеҳсолоти саноатии ин мамлакатҳо рушди он дар дигар кишварҳо низ шурўъ шуд.

Ҷумҳурии Тоҷикистон дорои заминаҳои воқеии рушди саноат, аз ҷумла захираҳои бойи табиӣ, қувваи корӣ, манбаҳои кофии энергияи сабз, мавқеи мусоиди ҷуғрофӣ, мавҷудияти бозорҳои дохиливу хориҷӣ, иқлими мусоид барои истеҳсоли маҳсулоти кишоварзӣ ва дигар омилҳои пешбарандаи истеҳсолоти саноатӣ аст, ки барои тараққиёти босуръати тамоми бахшҳои он, бахусус саноати маъдан ва металлургия, мошинсозӣ, истеҳсоли масолеҳи сохтмон, саноати сабук, хӯрокворӣ, дорусозиву кимиё ва дар ин замина ба рушди истеҳсолоти миллӣ шароити мусоид фароҳам меорад.

Барои рушди соҳаи саноат якчанд барномаву стратегия ва нақшаи чорабиниҳо, аз ҷумла Стратегияи рушди саноат дар Ҷумҳурии Тоҷикистон барои давраи то соли 2030, Барномаи рушди металлургияи ранга ва сиёҳ дар Ҷумҳурии Тоҷикистон барои давраи то соли 2025, Барномаи рушди саноати сабук дар Ҷумҳурии Тоҷикистон барои давраи то соли 2022, Барномаи рушди соҳаи кирмакпарварӣ ва коркарди пилла дар Ҷумҳурии Тоҷикистон барои солҳои 2012-2020 ва Барномаи рушди қолинбофӣ дар Ҷумҳурии Тоҷикистон барои солҳои 2014-2020, Барномаи саноатикунонии босуръати Ҷумҳурии Тоҷикистон барои солҳои 2020-2025 қабул гардиданд. Санадҳои мазкур ба афзун намудани ҳаҷми маҳсулот, таъмини рақобатнокии он, ташкили корхона ва коргоҳҳои нав, таъсиси ҷойҳои корӣ ва гузариши иқтисодиёти кишвар аз шакли тавлидкунандаи ашёи хом ба истеҳсолкунандаи маҳсулоти ниҳоӣ бо арзиши иловашудаи баланд замина мегузорад.

Дар натиҷаи тадбирҳои амалигардида саҳми соҳаи саноат дар Маҷмӯи Маҳсулоти Дохилӣ аз 12,1 фоизи соли 2014 ба 17,4 фоиз дар соли 2020 расонида шуд.

Рушди саноат ва истеҳсолоти миллӣ бо истифодаи ашёи хоми ватанӣ метавонад ба таъсиси корхонаҳои истеҳсолӣ, ташкили ҷойҳои нави корӣ, гардиши дохилии молу маҳсулот, устувории низоми иқтисодӣ ва дар маҷмӯъ ба таъмини зиндагии шоистаи аҳолӣ мусоидат намояд.

Вобаста ба ин, бахши коркарди ашёи хом ва то маҳсулоти ниҳоӣ расонидани он дар ҳамаи бахшҳои соҳаи саноати мамлакат яке аз масъалаҳои муҳим ба шумор рафта, дар ин самт чораҳои зарурӣ амалӣ шуда истодаанд.

Зарур аст, ки захираҳои дохилӣ — ашёи хоми мавҷуда то ба маҳсулоти истеъмолӣ расонида шуда, давра ба давра талаботи дохилӣ аз ҳисоби сарчашмаҳои худӣ таъмин карда шавад. Ин тадбир дар баробари пешгирии хуруҷи асъори хориҷӣ давлати воридкунандаро бомаром ба давлати содиркунандаи маҳсулоти ниҳоӣ табдил дода, инчунин вобастагии мамлкатро аз таъсири омилҳои беруна коҳиш медиҳад. Дар сурати ноустуворӣ дар бозорҳои беруна, муътадилии низоми иқтисодӣ, аз ҷумла нархҳои маҳсулоти асосӣ дар бозори дохилӣ нигоҳ дошта мешавад.

Тоҷикистон дар заминаи рушди саноати ватанӣ ҳадафҳои стратегии худро татбиқ намуда, Ҳукумати мамлакат тавассути сиёсати самараноки саноатӣ, сармоягузорони дохилӣ ва хориҷиро ҷалб менамояд ва захираҳои дохилии худро барои баланд бардоштани сатҳи некуаҳволии аҳолии кишвар бомаром истифода намуда истодааст.

Таъмини рушди босуръати саноат ба иқтисодиёти ҷумҳурӣ якчанд манфиатҳои иҷтимоию иқтисодӣ дошта, илова ба миқёси воқеии даромад, гарчанде ин омили назаррас аст, рушди саноат дигар афзалиятро доро мебошад. Аз ҷумла, гардиши молию пулии корхонаҳо ва талаботи онҳоро ба асъори миллӣ зиёд карда, барои устувор нигоҳ доштани қурби асъори миллӣ шароит фароҳам меорад; ба устувор гардидани эътимод ба низоми бонкии мамлакат, афзоиши депозитҳо дар бонкҳо, кам шудани талабот ба асъори хориҷӣ ва рушди бозори такрории коғазҳои қиматнок ва биржаҳои фондӣ замина мегузорад; имконияти содиротии мамлакатро васеъ намуда, воридоти бештари асъори хориҷиро ба иқтисодиёти миллӣ таъмин менамояд.

Рушди саноат ва муваффақ шудан ба қонеъгардонии талаботи бозори ҷаҳонӣ симои мамлакатро дар арсаи байналмилалӣ ба таври мусбат инъикос намуда, ҳар давлат бо моли истеҳсолкардааш муаррифӣ карда мешавад. Соҳаи саноат на фақат ҳамчун сарчашмаи даромад хизмат менамояд, инчунин имкониятро барои таҳкими ҷанбаҳои дигари ҳаёти иқтисодию иҷтимоии кишвар, аз ҷумла ташкили ҷойҳои кории нав, баланд намудани ҳисси ифтихори миллӣ, устувории иқтисодӣ ва густариши муносибатҳои байналмилалии иқтисодӣ фароҳам меорад.

Қобили зикр аст, ки яке аз бахшҳои муҳим саноати сабук ба ҳисоб рафта, он дар иқтисодиёти ҷаҳон саҳми муассир дорад ва дар корхонаҳои нассоҷӣ дар ҷаҳон беш аз 60 миллион кормандон фаъолият мекунанд. Дар Чин саноати сабук 19%-и ММД-ро ташкил медиҳад. Ин танҳо 2% камтар аз даромади соҳаи кишоварзӣ ва нисфи ҳиссаи умумии саноати коркард мебошад.

Саноати сабук инчунин ҳиссаи назарраси ММД-ро дар иқтисодиёти чунин кишварҳо, ба монанди Португалия-22%, Италия-12%, Германия-6%, ИМА-4% ишғол мекунад. Бо назардошти андозаи иқтисодиёти ин кишварҳо метавон гуфт, ки саноати сабук дар ММД ва шуғли умумии аҳолии қобили меҳнат саҳми назаррас дорад.

Бозори ҷаҳонии саноати бофандагӣ ва дӯзандагӣ дар соли 2019 арзиши бозори чаканаи 1.9 триллион доллари амрикоиро ташкил дод ва пешбинӣ шудааст, ки соли 2030 ба 3,3 триллион доллар расад ва бо суръати рушди солонаи 3,5% афзоиш меёбад.

Саноати ҷаҳонии нассоҷӣ тайи чанд соли охир ба яке аз соҳаҳои муҳим табдил ёфта, дар рушди иқтисодӣ саҳми назаррас дорад. Азбаски истеҳсоли нассоҷӣ як соҳаи меҳнатталаб аст, кишварҳои рӯ ба тараққӣ қодиранд, ки изофаи қувваи кории худро барои ворид шудан ба бозор ва оғози раванди бунёди иқтисоди саноатӣ истифода баранд.

Содироти нассоҷӣ ва либос дар якчанд кишварҳо ҳиссаи муҳими содиротро ташкил медиҳад: 85% дар Бангладеш, 59% дар Покистон, 12% дар Туркия ва 11% дар Миср. Ин бахши меҳнатталаб миллионҳо нафарро бо кор таъмин мекунад ва ҳиссаи шуғл дар ин бахш дар шумораи умумии неруи корӣ дар кишварҳои рӯ ба тараққӣ назаррас аст.

Дар ҷумҳурии мо низ саноати сабук яке аз соҳаҳои ояндадору таҳкимбахшандаи иқтисодиёт ба шумор меравад. Зеро дар ҷумҳурӣ заминаҳои устувори рушди ин соҳа мавҷуд буда, имкони истифодаи пурраи захираҳои ашёи хом ва истеҳсоли моли ҷавобгӯ ба талаботи замони муосир фароҳам оварда шуда истодааст.

Мутобиқи нишондиҳандаҳои омории соли 2020, шумораи корхонаю коргоҳҳои соҳаи саноати сабук қариб 490 корхонаро ташкил дода, ҳиссаи соҳа дар маҷмӯи шумораи корхонаҳои саноатӣ якҷо бо корхонаҳои хурд зиёда аз 21 фоизро ташкил медиҳад.

Бо ташаббус ва дастгириҳои пайвастаи Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон ва Ҳукумати мамлакат ба рушди соҳаи саноат, аз ҷумла саноати сабук имтиёзҳои назаррас, ба монанди озод намудан аз супоридани андоз аз фоида вобаста ба ҳаҷми сармоягузориҳо аз 2 то 5 сол, озод намудан аз АИИ ва боҷи гумрукӣ барои воридоти дастгоҳҳо ва таҷҳизоти технологӣ, ашёи хом барои истеҳсолот, ки дар ҷумҳурӣ истеҳсол карда намешавад, ба муддати 12 сол аз андози фоида, андози замин ва андози моликият озод кардани корхонаҳои нави коркади нахи пахта то маҳсулоти тайёр дар сурати бунёди занҷираи пурраи коркарди нахи пахта ва дигар имтиёзҳо фароҳам оварда шуда, фазои муосиди сармоягузорӣ муҳайё гардидааст. Тибқи қонунгузории мамлакат соҳибкорону сармоягузорони дохиливу хориҷӣ аз лиҳози ҳуқуқӣ имтиёзҳои якранг доранд.

Барои ба даст овардани нишондиҳандаҳои иқтисодӣ, ки рақобати муваффақро дар бозори ҷаҳонӣ фароҳам меоранд, суръати истеҳсоли маҳсулоти саноати сабук дар ҷумҳурӣ ба таври назаррас афзоиш дода мешавад.

Маҳсулоти соҳаи саноати сабук, аз ҷумла маҳсулоти нассоҷию дӯзандагӣ, аз қабили риштаи пахтагин, матои пахтагини хом ва тайёр, маҳсулоти кешбофӣ, ҷӯробҳо, либосҳои тайёри дӯхташуда ба якчанд  кишварҳои хориҷи дуру наздик содирот шуда истодаанд.

Дар баробари ин, бо мақсади таъмини рушди саноати сабук, амалӣ намудани якчанд тадбирҳои маҷмӯӣ, аз ҷумла ҷиҳозонидани корхонаҳои амалкунанда бо таҷҳизоти технологии муосир, тақвият бахшидани бахшҳои пахтакорӣ, пиллапарварӣ ва чорводорӣ бо мақсади таъмини корхонаҳои ватанӣ бо ашёи хом; мутобиқ намудани сифати маҳсулот ба талабот ва табъи мизоҷон, мусоид намудани арзиши маҳсулоти ниҳоӣ, ташкили брендҳои нав ва бандубаст, таъмини корхонаҳо бо мутахассисони баландихтисоси муҳандисӣ ва коргарони ихтисосҳои асосӣ, мунтазам баланд бардоштани малакаи касбӣ, васеънамоии дастрасӣ ба маблағгузорӣ барои пурра намудани фондҳои гардишӣ, ташкили кластерҳои агросаноатӣ бо занҷираи арзиши иловашудаи баланд, пайдо намудани бозорҳои нави ҷаҳонӣ ва густариши ҳамкорӣ бо корхонаҳои асосии саноати сабук дар кишварҳои дар ин соҳа пешрафта ҷиҳати қабули фармоиш барои истеҳсоли маҳсулоти ниҳоӣ муҳим арзёбӣ мегардад.

Соҳаи дигари муҳим саноати хӯрокворӣ маҳсуб ёфта, бунёди корхонаҳои саноати коркарди маҳсулоти кишоварзӣ ва истеҳсоли маводи хўрока дар Ҷумҳурии Тоҷикистон дар солҳои соҳибистиқлолӣ, махсусан аз солҳои 2000-ум то имрўз ба натиҷаҳои назаррас ноил гардид. Соҳибкорон аввалин шуда, ба бунёди корхонаҳои истеҳсоли маҳсулоти хўрока машғул шуданд.

Миқдори корхонаҳо дар ҳама соҳаҳои саноати хўрокворӣ соли 2020-ум ба зиёда аз 520 адад расонида шуда, ҳиссаи саноати хўрокворӣ дар таркиби маҷмӯи умумии маҳсулоти саноатии мамлакат қариб  23 фоиз ва дар ҳаҷми саноати коркард зиёда аз 37 фоизро ташкил дод.

Дар аксари корхонаҳо технологияи муосири коркард ҷорӣ гардида, бастабандии маҳсулот ба таври муосир роҳандозӣ гардид. Мутахассисони соҳа барои боз ҳам баланд намудани сифати маҳсулот корҳои зиёдеро ба анҷом расонида истодаанд.

Дар баробари ин, то ҳол якчанд навъҳои маҳсулоти хўрокворӣ аз дигар кишварҳо ворид гардида, дар ҳама соҳаҳои саноати хўрокворӣ истифодаи самараноки иқтидорҳои истеҳсолӣ муҳим аст.

Зеро саноати хўрокворӣ ва коркарди маҳсулоти кишоварзӣ дар рушди саноати ҷумҳурӣ саҳми калон дошта, рушди минбаъдаи он метавонад ба иҷрои ҳадафи стратегии таъмини амнияти озуқаворӣ ва ғизои босифат такони ҷиддӣ бахшад.

Барои таъмини рақобатпазирии маҳсулоти хўроквории истеҳсоли корхонаҳои ватанӣ шароити мусоид, аз қабили иқлими муътадил ва аз ҷиҳати экологӣ тоза барои парвариши маҳсулоти кишоварзӣ, сифати баланди таъму лаззати маҳсулот, мавҷудияти бозорҳои дохиливу беруна ва қувваи кории ихтисоснок фароҳам аст.

Дар баробари ин, амалисозии якчанд тадбирҳо, ба монанди роҳандозии нақшаҳои тадқиқоти маркетингӣ; истеҳсоли маҳсулоти воридотивазкунанда, тақвият бахшидани ҷоринамоии технологияҳои нав барои истеҳсоли маҳсулот, тарғибу ташвиқи васеи тамғаи молӣ, аз ҷумла коркарди сомонаҳои корпоративӣ ва ҷойгир кардани онҳо дар шабакаҳои интернетӣ, истифодаи васеи шабакаҳои иҷимоӣ, ташкил кардани намоишгоҳҳо ва ё иштирок дар онҳо, ташкили кластерҳои агросаноатӣ ва дигар чораҳо зарур аст.

Илова ба ин, барои рушди минбаъдаи саноати хўрокворӣ дар Тоҷикистон корҳои зеринро дар ду марҳила амалӣ намудан ба мақсад мувофиқ аст.

Марҳилаи якум дар асоси шартномаҳои муфиди тарафайн ба роҳ мондани ҳамкорӣ байни корхонаҳое, ки фаъолияташон аз истеҳсоли маҳсулоти кишоварзӣ вобастагӣ дорад (меваю сабзавот, гӯшт, шир, гандум ва ғайраҳо) ва хоҷагиҳои кишоварзиро фаро мегирад. Дар баробари ин, саҳмгузории корхонаҳои саноатӣ дар парвариши маҳсулоти кишоварзии худӣ дар хоҷагиҳои ёрирасони корхонаҳо, идомаи амалисозии чорабиниҳо ҷиҳати боз ҳам беҳтар намудани борҷомакунӣ ва бандубасти маҳсулот, бунёди корхонаҳои хурди меваю сабзавот, гиёҳҳои табобатӣ, коркарди шир ва гӯшт, ғалладонагиҳо ва зироати равғанидиҳанда дар минтақаҳои дурдасти ҷумҳурӣ дар заминаи ашёи хоми маҳаллӣ муҳим арзёбӣ мегардад.

Марҳилаи дуюм, ки марҳилаи ҳалкунандаи рушди соҳаҳои саноати хўрокворӣ ба шумор меравад, тадбирҳои зерин, аз ҷумла пурра иваз намудани технология ва дастгоҳҳои кӯҳнаи корхонаҳои фаъолияткунанда ба технологияи нави муосир (модернизатсияи истеҳсолот), ташкили кластерҳои агросаноатӣ ва таъмини эҳтиёҷот бо ашёи худӣ (локализатсия), паст кардани тамоюлҳои истеҳсолоти мавсимӣ бо роҳи истифодаи технологияҳои нав, ба истеҳсолот ворид намудани навъҳои гуногуни ашёи хом ва инкишофи инфрасохтори истеҳсолот, ҳавасмандгардонии соҳибкорон нисбат ба афзоиши иқтидорҳои нав ва дигар чораҳои заруриро фарогир аст.

Дар маҷмӯъ, пешравии ояндаи саноати хўрокворӣ бе тараққӣ додани заминаи ашёи хоми кишоварзӣ имконнопазир аст. Афзоиши ҳаҷми маҳсулоти кишоварзӣ ба зиёд гардидани миқдори корхонаҳои саноати хӯрокворӣ мусоидат намуда, фаъолияти муназзами корхонаҳоро давоми сол таъмин менамояд.

Дар ҳама давру замон ҳаёти инсонро бунёдкориву созандагӣ, сохтмони роҳҳою нақбҳо, биноҳои маъмурию манзилӣ ҳамроҳӣ менамоянд. Заминаи амалӣ намудани ҳамаи он ободкориҳо рушди истеҳсоли масолеҳи сохтмонӣ ба ҳисоб меравад. Имрўз аҳамияти ин соҳа дар рушди иқтисодиёти Тоҷикистон аз ҳарвақта дида муҳимтар мебошад.

Саноати масолеҳи сохтмонӣ тибқи нақшаву барномаҳои соҳавӣ рушд ёфта, барои расидан ба ҳадафҳои стратегии давлат мусоидат намуда истодааст.

Аз ин рў, дар як муддати начандон тўлонӣ, шумораи корхонаҳои саноати масолеҳи сохтмонӣ аз сӣ адади соли 2004 ба 530 корхона дар соли 2020 расонида шуд, инчунин садҳо соҳибкорони инфиродӣ ба истеҳсоли масолеҳи сохтмонӣ машғул шуданд.

Солҳои охир дар соҳа истеҳсоли маҳсулоти нави воридотивазкунанда ва ба содирот нигаронидашуда, аз ҷумла семент, пахтаи минералӣ аз санг, рангҳои аккрилӣ, қубурҳои пластикӣ, хишти ороишӣ, шиферҳои гуногун, сангҳои ороишӣ ва ғайра густариш ёфт.

Тибқи таҳлилҳо, талабот ба масолеҳи сохтмонӣ дар ҷумҳурӣ ҳамасола афзоиш ёфта, таъмини он дар заминаи рушди соҳаи масолеҳи сохтмонӣ ва истифодаи васеи ашёи хоми ватанӣ имконпазир аст.

Бо мақади идомаи ислоҳот ва ба таври назаррас баланд бардоштани саҳми бахшҳои саноат дар рушди иқтисодию иҷтимоии мамлакат дар ҷаласаи ХХ Шўрои машваратии назди Президенти Ҷумҳурии Тоҷикистон оид ба беҳтар намудани фазои сармоягузорӣ Раиси Шўрои машваратӣ, Пешвои муаззами миллат, Президенти мамлакат муҳтарам Эмомалӣ Раҳмон вобаста ба таҳлили вазъи соҳаи саноати кишвар ва муайян намудани имконияти нави баланд бардоштани иқтидорҳои соҳа ва таҳияи тавсияҳои мушаххас супориш доданд.

Дар ин замина, дар бахшҳои заминаи меъёрии ҳуқуқии соҳаи саноат, рушди бахши нассоҷӣ ва дӯзандагӣ, истеҳсоли масолеҳи сохтмон, саноати хўрокворӣ ва коркарди маҳсулоти кишоварзӣ, рушди саноати маъдан ва коркарди захираҳои табиӣ, коркарди алюминий, ҷорӣ намудани меъёрҳои байналмилалии сифат ва идоракунии корпоративӣ ва дигар ҷанбаҳои бахши саноат таҳлили ҳамаҷониба гузаронида шуда, натиҷаҳои он дар ҷаласаи XXI Шӯрои машваратӣ 25 феврали соли 2021 баррасӣ карда шуданд.

Тибқи баррасии масъалаҳо ва натиҷаҳои ҷаласа, вобаста ба якчанд  масъалаҳои муҳими таъмини рушди соҳаи саноат, аз ҷумла таҳияи лоиҳаҳои Нақшаи чорабиниҳо оид ба ҷолибгардонии фазои сармоягузорӣ дар соҳаи саноат, Қонуни Ҷумҳурии Тоҷикистон “Дар бораи паркҳои технологӣ” дар таҳрири нав бо назардошти таъсиси паркҳои технологияҳои иттилоотӣ (IT Park), Қонуни Ҷумҳурии Тоҷикистон “Дар бораи тиҷоратикунонии натиҷаҳои фаъолияти илмӣ ва илмию техникӣ”, бо роҳандозии васеи инноватсия дар истеҳолот, татбиқи пурра ва саривақтии Қонуни Ҷумҳурии Тоҷикистон “Дар бораи сиёсати давлатӣ дар соҳаи саноат”, баланд бардоштани суръати афзоиш ва васеъгардонии истеҳсолоти саноатӣ, рушди кооператсияи истеҳсолӣ, истифодаи самараноки бартариятҳои минтақавии соҳаи саноат, тақвияти истеҳсоли маҳсулоти рақобатноки ба содирот нигаронидашуда ва ивазкунандаи воридот, азнавтаҷҳизонии истеҳсолоти амалкунанда ва таъсиси кластерҳои истеҳсолӣ, таъсиси корхонаҳои нави соҳа ва таҷдиди корхонаҳои амалкунанда бо ҷалби сармояи ватанию хориҷӣ, истифодаи стандартҳои байналмиллии сифат, истифодаи васеи низоми идоракунии корпоративӣ, стандартҳои байналмилалии муҳосиботу ҳисобдорӣ, истифодаи неруи барқ дар ҷараёни истеҳсолӣ, такмил додани барномаҳои таълимии муассисаҳои таҳсилоти олӣ ва миёнаи касбӣ дар асоси талабот ва эҳтиёҷоти бозори меҳнат, густариши ҳамкориҳо бо созмонҳои байналмилалии соҳавӣ, аз ҷумла Ташкилоти СММ оид ба рушди саноат ва дигар самтҳои соҳаи саноат қарорҳои дахлдор қабул гардиданд.

Бо итминон метавон изҳор намуд, ки амалишавии қарорҳои қабулнамудаи ҷаласаи XXI Шӯрои машваратии назди Президенти Ҷумҳурии Тоҷикистон оид ба беҳтар намудани фазои сармоягузорӣ ба рушди босуръати соҳаи саноат такони нав мебахшад.

ДАР АКС: Президенти мамлакат муҳтарам Эмомалӣ Раҳмон зимни ифтитоҳи корхонаи «Ресандаи Тоҷикистон» дар шаҳри Хуҷанд 20 октябри соли 2015. Акс:Хадамоти матбуоти Президенти ҶТ/АМИТ «Ховар»


Вакти нашр: 2021-04-15 15:05:05    Хонданд: 69    Муфассал...

ПАГОҲ ИҶЛОСИЯИ ШАШУМИ МАҶЛИСИ МИЛЛИИ МАҶЛИСИ ОЛӢ ДАЪВАТИ ШАШУМ БАРГУЗОР МЕШАВАД. Гузориш дар бораи фаъолияти Раиси Маҷлиси миллии Маҷлиси Олии Ҷумҳурии Тоҷикистон муҳтарам Рустами Эмомалӣ аз иҷлосияи якум то имрӯз

Пагоҳ дар Душанбе иҷлосияи навбатии шашуми Маҷлиси миллии Маҷлиси Олии Ҷумҳурии Тоҷикистон даъвати шашум баргузор мегардад. Расо як сол пеш, 17 апрели соли 2020 иҷлосияи якуми палатаи болоии Парлумони Тоҷикистон даъвати шашум  бо иштироки Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон доир шуда буд, ки дар он 31 нафар аъзои Маҷлиси миллӣ — 25 нафар интихобшуда ва 6 нафар таъингардида иштирок намуданд. Дар он иҷлосия аъзои Маҷлиси миллӣ аз тариқи овоздиҳии пинҳонӣ номзадии муҳтарам ­Рустами Эмомалиро ба вазифаи Раиси Маҷлиси миллии Маҷлиси Олии Ҷумҳурии Тоҷикистон ҷонибдорӣ намуданд, ки ҳамчун муҳимтарин рӯйдоди сиёсии кишвар дар таърихи давлатдории навин нақш хоҳад баст.

Мақомоти олии намояндагӣ ва қонунгузор, хусусан палатаи болоии он, ҳамеша дар маркази таваҷҷуҳи доираҳои сиёсӣ, ҷомеаи шаҳрвандӣ, воситаҳои ахбори омма ва мардуми одӣ қарор дорад. Зеро вазифаи роҳбарии он аз назари конститутсионӣ ҳамчун «мақоми дуюми сиёсии кишвар» эътироф гардидааст.

Таҳлили холисонаи фаъолияти мақомоти мазкур дар раванди кор ва баҳои воқеӣ ба он аз формулаҳои қабулшудаест, ки барои муайян намудани натиҷаҳои минбаъда хидмат мерасонад.

Оид ба натиҷаи фаъолияти яксолаи Маҷлиси миллии Маҷлиси Олии Ҷумҳурии Тоҷикистон, даъвати шашум  ёвари Раиси Маҷлиси миллӣ оид ба робита бо ВАО ва созмонҳои ғайридавлатӣ Наврӯз ҚУРБОНЗОДА  ба АМИТ «Ховар» чунин  маълумоти таҳлилӣ-хронологӣ  пешниҳод намуд:

Натиҷаи фаъолияти яксолаи Маҷлиси миллии Маҷлиси Олии Ҷумҳурии Тоҷикистон даъвати шашум гувоҳи он аст, ки интихоби муҳтарам Рустами Эмомалӣ ҳамчун Раиси Маҷлиси миллии Маҷлиси Олӣ бамаврид ва шоистаи таҳсин аст. Зеро дар ин давра Маҷлиси миллии Маҷлиси Олии Ҷумҳурии Тоҷикистон таҳти сарварии  муҳтарам Рустами Эмомалӣ фаъолиятро дар асоси Конститутсия ва дигар санадҳои меъёрии ҳуқуқии Ҷумҳурии Тоҷикис­тон ба таври шоиста ба роҳ монда, натиҷаҳои назаррасро ба даст овард.

Дар доираи як соли фаъолияти муҳтарам Рустами Эмомалӣ ҳамчун Раиси Маҷлиси миллии Маҷлиси Олии Ҷумҳурии Тоҷикистон муҳимтарин маълумоти таҳлилӣ — хронологиро пешниҳод созем.

                             26 июни соли 2020

Дар шаҳри Душанбе таҳти раёсати Раиси Маҷлиси миллии Маҷлиси Олии Ҷумҳурии Тоҷикистон муҳтарам Рустами Эмомалӣ Иҷлосияи дуюми Маҷлиси миллии Маҷлиси Олии Ҷумҳурии Тоҷикистон даъвати шашум баргузор гардид, ки дар он ­аъзои Маҷлиси миллӣ 30 масъаларо баррасӣ намуданд.

Тибқи рӯзномаи иҷлосия аъзои Маҷлиси миллӣ як қонуни мукаммал: Қонуни Ҷумҳурии Тоҷикистон «Дар бораи ёрии ҳуқуқӣ» ва як қатор қонунҳои дигарро мавриди баррасӣ қарор дода, ҷонибдорӣ намуданд.

Тибқи пешниҳодҳои Президенти Ҷумҳурии Тоҷикистон, Пешвои миллат муҳтарам Эмомалӣ ­Раҳмон ва бо қарорҳои дахлдори Маҷлиси миллии Маҷлиси Олии Ҷумҳурии Тоҷикис­тон судяҳои Суди Олии Ҷумҳурии Тоҷикистон Вазирзода Гулнора, Қуватзода Турон ва Ҷуразода Насиба аз вазифа бозхонд карда шуда, ба муҳлати нав судяи Суди Олии Ҷумҳурии Тоҷикис­тон интихоб гардиданд.

Раиси Маҷлиси миллии Маҷлиси Олии Ҷумҳурии Тоҷикистон муҳтарам Рустами Эмомалӣ аз судяҳои навинтихобшуда даъват ба амал оварданд, ки баробари шарафёб гардидан ба боварии Сарвари давлат баҳри таъмини адолати судӣ ва ҳифзи ҳуқуқу озодиҳои инсон ва шаҳрванд содиқона хизмат намоянд.

Ҳамчунин, дар иҷлосия машваратчиёни халқии Суди Олии Ҷумҳурии Тоҷикистон барои солҳои 2020-2025 ва Намояндаи Маҷлиси миллии Маҷлиси Олии Ҷумҳурии Тоҷикистон дар Суди конститутсионии Ҷумҳурии Тоҷикистон интихоб гардиданд.

Дар иҷлосия Раиси Маҷлиси миллии Маҷлиси Олии Ҷумҳурии Тоҷикис­тон муҳтарам Рустами ­Эмомалӣ суханронӣ намуда, дар назди кумитаҳо, комиссия ва Дастгоҳи Маҷлиси миллӣ вазифаҳои мушаххас гузоштанд.

Аз ҷумла, қайд намуданд: «Маҷлиси миллӣ ҳамчун палатаи болоии мақоми олии намояндагӣ ва қонунгузор иродаи олии мардуми шарифи Тоҷикистонро таҷассум менамояд. Дар марҳалаи нави ҷаҳонишавӣ ва мушкилоти вобаста ба он, инчунин, дар шароити буҳрони шадиди иқтисодиву молиявии ҷаҳонӣ нақшу мақоми Маҷлиси миллӣ ва рисолати ҳар як узви он бояд ҳамқадами замон ва ҷавобгӯи талаботи ҷомеаи шаҳрвандӣ бошад.».

                               5 августи соли 2020

Таҳти раёсати Раиси Маҷлиси миллии Маҷлиси Олии Ҷумҳурии Тоҷикистон муҳтарам Рустами Эмомалӣ Иҷлосияи сеюми Маҷлиси миллии Маҷлиси Олии Ҷумҳурии Тоҷикистон даъвати шашум баргузор гардид.

Зимни он, ки рӯзномааш аз 10 ­масъала иборат буд, аз ҷониби аъзои Маҷлиси миллӣ 4 қонуни мукаммали Ҷумҳурии Тоҷикис­тон «Дар бораи муқовимат ба коррупсия», «Дар бораи сайёҳӣ», «Дар бораи суғуртаи ҳатмии ҷавобгарии гражданию ҳуқуқии соҳибони воситаҳои нақлиёт» ва «Дар бораи фаъолияти баҳодиҳӣ» ҳамаҷониба баррасӣ гардида, ҷонибдорӣ ёфтанд.

                                 6 августи соли 2020

Дар шаҳри Душанбе таҳти раё­сати Раиси Маҷлиси миллии Маҷлиси Олии Ҷумҳурии Тоҷикистон муҳтарам Рустами ­Эмомалӣ Ҷаласаи дуюми якҷояи Маҷлиси миллӣ ва Маҷлиси намо­ян­дагони Маҷлиси Олии Ҷумҳурии Тоҷикистон даъвати шашум баргузор гардид.

Дар он баробари тасдиқи фармонҳои Президенти Ҷумҳурии Тоҷикистон дар бораи аз вазифаи вазири тандурустӣ ва ҳифзи иҷтимоии аҳолии Ҷумҳурии Тоҷикистон озод намудани Олимзода Насим ва дар бораи вазири тандурустӣ ва ҳифзи иҷтимоии аҳолии Ҷумҳурии Тоҷикис­тон таъин намудани Абдуллозода Ҷамолиддин, инчунин, бо қарори якҷояи Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикис­тон 11 октябри соли 2020 рӯзи интихоботи Президенти Ҷумҳурии Тоҷикистон таъин карда шуд.

Раиси Маҷлиси миллии Маҷлиси Олии Ҷумҳурии Тоҷикистон муҳтарам Рустами Эмомалӣ изҳор доштанд, ки ин чорабинии муҳими сиёсӣ бояд дар доираи талаботи Конститутсия ва қонунгузории Ҷумҳурии Тоҷикистон, дар сатҳи баланди ташкилӣ, ба таври демократӣ ва озоду шаффоф, бо иштироки фаъолонаи халқи Тоҷикистон ва ҳизбҳои сиёсӣ сурат гирифта, ҳамчун омили муттаҳидкунандаи мардуми кишвар ва таҳкими ваҳдату субот дар ҷомеа хизмат намояд.

Раиси Маҷлиси миллии Маҷлиси Олии Ҷумҳурии Тоҷикистон муҳтарам Рустами Эмомалӣ аз аъзои Маҷлиси миллӣ ва вакилони Маҷлиси намояндагони Маҷлиси Олии Ҷумҳурии Тоҷикистон даъват ба амал оварданд, ки барои дар сатҳи баланд баргузор гардидани ин маъракаи сиёсӣ саҳмгузор бошанд.

                              11 сентябри соли 2020

Раиси Маҷлиси миллии Маҷлиси Олии Ҷумҳурии Тоҷикис­тон муҳтарам Рустами Эмомалӣ бо иштироки раиси Суди Олии Ҷумҳурии Тоҷикис­тон Шоҳиён Шермуҳаммад, прокурори генералӣ Раҳмон Юсуф ва роҳбарони дигар сохтору мақомоти дахлдор, аз ҷумла роҳбарони мақомоти ҳифзи ҳуқуқи шаҳри Душанбе, ҷаласаи корӣ доир намуданд.

Зимни он дар қатори дигар масъалаҳо санҷиши муроҷиати хешовандони духтари сесолаи таҷовузшуда аз шаҳри Турсунзода ва дигар ҳодисаҳои ба ин монанд, ки дар шабакаҳои иҷтимоӣ нашр шуда, боиси ба вуҷуд омадани сару садои зиёд гардиданд, мавриди баррасӣ қарор дода шуд.

Дар ҷаласа муҳтарам Рустами Эмомалӣ ба шахсони масъули мақомоти ҳифзи ҳуқуқ, аз ҷумла прокурори генералии Ҷумҳурии Тоҷикистон, супориш доданд, ки таҷрибаи тафтишотӣ-судии парвандаҳои ҷиноятиро ба муқобили озодӣ, обрӯ ва эътибори шахсият, ахлоқ, озодии ҷинсӣ ва дахлнопазирии ҷинсӣ нисбат ба хурдсолон ва ноболиғон, ки дар моддаҳои 138-142 Кодекси ҷиноятии Ҷумҳурии Тоҷикистон пешбинӣ шудаанд, мавриди таҳлил қарор дода, сабабу омилҳои содиршавии чунин ҷиноятҳоро муайян карда, ҷиҳати дар оянда пешгирӣ намудани содиршавии онҳо якҷо бо дигар мақомоти дахлдор чораҳои қатъӣ андешанд.

                               21 сентябри соли 2020

Раиси Маҷлиси миллии Маҷлиси Олии Ҷумҳурии Тоҷикистон муҳтарам Рустами Эмомалӣ ҳайати парламентии Олий Маҷлиси Ҷумҳурии ­Ӯзбекистонро таҳти сарварии муовини раиси Палатаи қонунгузории Олий Маҷлиси ин кишвар муҳтарам Улуғбек Иноятов ба ҳузур пазируфтанд.

Дар ҷараёни мулоқот дурнамои муносибатҳои ҳамкорӣ миёни ҷумҳуриҳои Тоҷикистону Ӯзбекис­тон мавриди баррасӣ қарор дода шуд.

Иштирокчиёни вохӯрӣ ба масъалаи рушду инкишофи ҳамкориҳо дар аксар соҳаҳо, бахусус парламентаризм, диққати хос зоҳир намуданд.

                              10 октябри соли 2020

Раиси Маҷлиси миллии Маҷлиси Олии Ҷумҳурии Тоҷикистон муҳтарам Рустами Эмомалӣ ҳайати мушоҳидони байналмилалии Ассамблеяи байнипарламентии Иттиҳоди Давлатҳои Мустақилро таҳти сарварии ҳамоҳангсози гурӯҳ, раиси Кумитаи Шӯрои Федератсияи Маҷлиси Федералии Федератсияи Россия оид ба сох­торҳои федералӣ, сиёсати минтақавӣ, худидоракунии маҳаллӣ ва корҳои Шимолӣ  Олег Мелниченко,  ки бо мақсади мушоҳидаи раванди интихоботи Президенти Ҷумҳурии Тоҷикистон ба мамлакат ташриф оварданд, ба ҳузур пазируфтанд.

Иштирокчиёни мулоқот масъалаҳои марбут ба ҳамкориҳои байни Маҷлиси миллии Маҷлиси Олии Ҷумҳурии Тоҷикистон ва  Ассамблеяи байнипарламентии Иттиҳоди Давлатҳои Мустақилро мавриди баррасӣ қарор доданд.

                                 24 ноябри соли 2020 

Раиси Маҷлиси миллии Маҷлиси Олии Ҷумҳурии Тоҷикис­тон муҳтарам Рустами Эмомалӣ бо сафари расмӣ озими шаҳри Москваи Федератсияи Россия шуданд.

Дар фурудгоҳи «Внуково-2»-и шаҳри Москва Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалиро муовини Раиси Шӯрои Федератсияи Маҷлиси Федералии Федератсияи Россия Илёс Умаханов ва дигар шахсони расмӣ самимона истиқбол гирифтанд.

                           24 ноябри соли 2020

Нимаи дуюми рӯз дар шаҳри Москва мулоқоти хосаи Раиси Маҷлиси миллии Маҷлиси Олии Ҷумҳурии Тоҷикистон муҳтарам Рустами Эмомалӣ ва Раиси Шӯрои Федератсияи Маҷлиси Федералии Федератсияи Россия муҳтарама Валентина Ивановна Матвиенко, инчунин, ҳайатҳои расмии Маҷлиси миллии Маҷлиси Олии Ҷумҳурии Тоҷикистон  ва Шӯрои Федератсияи Маҷлиси Федералии Федератсияи Россия дар қолаби васеъ доир гардиданд.

Муҳтарам Рустами Эмомалӣ муҳимияти баррасии масъалаҳои мубрами ҳамкории стратегии ҳар ду кишварро дар сатҳи роҳбарони мақомоти қонунгузор таъкид намуда, бо қаноатмандӣ изҳор доштанд, ки муносибатҳои дӯстона ва ҳамкории стратегии Тоҷикис­тону Россия ҳоло дар ҳама самт муттасил рушд ёфта, робитаҳои байнипарламентӣ мунтазам ба сатҳи сифатан нав мегузаранд.

 

Аз рӯи натиҷаи мулоқот ҷонибҳо назари некбинонаро аз дурнамои ҳамкории стратегии ҳар ду кишвар таъкид карданд ва изҳори умед намуданд, ки боздиди Раиси Маҷлиси миллии Маҷлиси Олии Ҷумҳурии Тоҷикис­тон муҳтарам Рустами Эмомалӣ ба Федератсияи Россия ба муносибатҳои бисёрсоҳаи миёни Тоҷикистону Россия неруи тоза бахшида, масъалаҳои бамиёнгузошта мавриди таваҷҷуҳи Шӯрои Федератсия қарор хоҳанд гирифт.

                                   25 ноябри соли 2020

Дар доираи сафари расмӣ ба Федератсияи Россия Раиси Маҷлиси миллии Маҷлиси Олии Ҷумҳурии Тоҷикистон муҳтарам Рустами Эмомалӣ бо муовини якуми Раиси Думаи давлатии Федератсияи Россия Александр Жуков мулоқот намуданд.

Дар ҷараёни вохӯрӣ дурнамои ҳамкориҳои дуҷонибаи Тоҷикис­тону Россия, бахусус дар самти робитаҳои байнипарламентӣ, мавриди баррасӣ қарор дода шуд.

Ҷонибҳо ба масъалаи таҳкиму густариши ҳамкориҳои мутақобилан судманд дар соҳаҳои тиҷоратӣ-иқтисодӣ, ҷалби сармоя ба иқтисодиёт таваҷҷуҳи хос зоҳир намуданд.

                                 25 ноябри соли 2020

Раиси Маҷлиси миллии Маҷлиси Олии Ҷумҳурии Тоҷикистон муҳтарам Рустами Эмомалӣ ва ҳайати ҳамроҳонашон, ҳамчун рамзи эҳтиром ва арҷгузорӣ ба муқаддасоти  миллӣ дар пояи Оромгоҳи «Сарбози номаълум» гулчанбар гузошта, бо лаҳзаи хомӯшӣ хотири шаҳидони ҷангро пос ­доштанд.

 

                               25 ноябри соли 2020

Раиси Маҷлиси миллии Маҷлиси Олии Ҷумҳурии Тоҷикис­тон муҳтарам Рустами Эмомалӣ дар ҷаласаи Комиссия оид ба ҳамкорӣ байни Маҷлиси миллӣ ва Шӯрои Федератсия иштирок намуданд.

Раиси Маҷлиси миллӣ робитаҳои байнипарламентиро нек арзёбӣ намуда, нақши дипломатияи парламентиро яке аз унсурҳои калидӣ дар таъмиқи ҳамаҷонибаи ҳамкориҳои мутақобила маънидод карданд.

Тавсеаи муносибатҳои анъанавии дӯстона ва ҳамкориҳои мутақобилан судманди Тоҷикистону Россия, на танҳо ифодаи иродаи роҳбарияти олии сиёсии ҳар ду давлат, инчунин, саҳми парламентҳо арзёбӣ гардид.

Ҷонибҳо ба дурнамои ҳамкории Тоҷикистону Россия, ки дорои иқтидорҳои ғанӣ буда, яке аз омилҳои муҳими нигоҳдорӣ ва таҳкими амнияту осоиш дар минтақа мебошад, баҳои баланд доданд.

                              25 ноябри соли 2020

Дар бинои Ҳукумати Федератсияи Россия Раиси Маҷлиси миллии Маҷлиси Олии Ҷумҳурии Тоҷикистон муҳтарам Рустами Эмомалӣ бо муовини Раиси Ҳукумати Федератсияи Россия, Ҳамраиси Комиссияи байниҳукуматии Тоҷикистону Россия оид ба ҳамкориҳои иқтисодӣ Алексей Оверчук мулоқот ­намуданд.

Муҳтарам Рустами Эмомалӣ ёдовар шуданд, ки асосҳои қарордодиву ҳуқуқии тарафайнро наздики 300 созишномаи байнидавлативу байнисоҳавӣ ташкил медиҳад, ки иҷрои босифати онҳо беҳбудии ҷиддиро тақозо мекунад.

Вобаста ба саноатикунонии иқтисоди кишвар, ки афзалияти стратегӣ эълон шудааст, таъсиси корхонаҳои муштараки истеҳсолӣ, аз ҷумла дар минтақаҳои озоди иқтисодӣ, қобили қабул арзёбӣ гардид.

Дар вохӯрӣ, ҳамчунин, манфиатдор будани ҷонибҳо ба масъалаи содироту воридоти маҳсулоти ғизоӣ ва сабзавоту мева мавриди баррасӣ қарор дода шуд.

Ҳамчунин, Рустами Эмомалӣ аз тезонидани суръати сохтмони 5 муассисаи таълимӣ дар Ҷумҳурии Тоҷикис­тон дар асоси созишномаи тарафайн изҳори назар карданд.

                               25 ноябри соли 2020

Раиси Маҷлиси миллии Маҷлиси Олии Ҷумҳурии Тоҷикистон муҳтарам Рустами Эмомалӣ дар ҳошияи сафари расмӣ ба Федератсияи Россия дар бинои Ҳукумати шаҳри Москва бо Раиси шаҳри Москва Сергей Собянин мулоқот карданд.

Маҳаки асосии вохӯриро баррасии маҷмӯи масъалаҳои марбут ба ҳамкориҳои дуҷониба миёни шаҳрҳои Душанбе ва Москва ва муайян намудани самтҳои афзалиятноки робитаҳои минбаъда ташкил дод.

Бо ҳамин нахустин сафари расмии Раиси Маҷлиси миллии Маҷлиси Олии Ҷумҳурии Тоҷикис­тон муҳтарам Рустами Эмомалӣ ба Федератсияи Россия бо натиҷаҳои назаррас ҷамъбаст гардида, дар таҳкиму густариши муносибатҳои дӯстонаи Тоҷикистону Россия саҳифаи нав боз намуд.

                                    27 ноябри соли 2020

Раиси Маҷлиси миллии Маҷлиси Олии Ҷумҳурии Тоҷикистон муҳтарам Рустами Эмомалӣ дар ҷаласаи Шӯрои Ассамблеяи байнипарламентии давлатҳои аъзои Иттиҳоди Давлатҳои Мустақил ва ҷаласаи 51-уми пленарии Ассамблеяи байнипарламентии давлатҳои иштирокчии Иттиҳоди Давлатҳои Мустақил, ки дар шакли видеоконференсия сурат гирифт, ширкат варзиданд.

Дар он як силсила масъалаҳо, аз ҷумла интихоби Раиси Шӯрои Ассамблеяи байнипарламентии давлатҳои аъзои Иттиҳоди Давлатҳои Мустақил, нақшаи кории Шӯрои Ассамблеяи байнипарламентии давлатҳои аъзои Иттиҳоди Давлатҳои Мустақил, рушди парламентаризм, робитаҳои байнипарламентӣ, дастгирии қонунгузории тадбирҳо дар кишварҳои узви ИДМ дар робита бо пандемияи COVID-19 ва дигар масъалаҳо мавриди баррасӣ қарор гирифтанд.

                                  30 ноябри соли 2020

Раиси Маҷлиси миллии Маҷлиси Олии Ҷумҳурии Тоҷикистон муҳтарам Рустами Эмомалӣ дар ҷаласаи Шӯрои Ассамблеяи парламентии Созмони аҳдномаи амнияти дастаҷамъӣ ва ҷаласаи 13-уми пленарии он, ки дар шакли видеоконференсия сурат гирифт, иштирок намуданд.

   

Раиси Маҷлиси миллии Маҷлиси Олии Ҷумҳурии Тоҷикистон муҳтарам Рустами Эмомалӣ дар ҷаласаи Ассамблеяи парламентии Созмони аҳдномаи амнияти дастаҷамъӣ суханронӣ намуда, бо дарназардошти раёсати Ҷумҳурии Тоҷикистон дар Созмони аҳдномаи амнияти дастаҷамъӣ дар соли 2021 пешниҳод карданд, ки ҷаласаи навбатии Ассамблеяи парламентии Созмони аҳдномаи амнияти дастаҷамъӣ нимсолаи якуми соли 2021 дар Ҷумҳурии Тоҷикистон доир карда шавад. Иштирокчиёни ҷаласа пешниҳодро якдилона қабул карданд.

                               9 декабри соли 2020

Нимаи дуюми рӯз дар шаҳри Душанбе таҳти раёсати Раиси Маҷлиси миллии Маҷлиси Олии Ҷумҳурии Тоҷикистон муҳтарам Рустами Эмомалӣ Иҷлосияи чоруми Маҷлиси миллии Маҷлиси Олии Ҷумҳурии Тоҷикистон даъвати шашум баргузор гардид.

Аъзои Маҷлиси миллӣ, тибқи рӯзнома, 38 масъала — қонунҳои конститутсионии Ҷумҳурии Тоҷикис­тон «Оид ба ворид намудани тағйирот ба Қонуни конститутсионии Ҷумҳурии Тоҷикистон «Дар бораи вазъи ҳуқуқии узви Маҷлиси миллӣ ва вакили Маҷлиси намояндагони Маҷлиси Олии Ҷумҳурии Тоҷикис­тон», «Оид ба ворид намудани тағйир ба Қонуни конститутсионии Ҷумҳурии Тоҷикистон «Дар бораи мақомоти прокуратураи Ҷумҳурии Тоҷикистон» ва қонунҳои дигарро ҷонибдорӣ намуданд.

Дар иҷлосия бо пешниҳодҳои Президенти мамлакат бо сабаби ба кори дигар гузаштан судяи Суди конститутсионии Ҷумҳурии Тоҷикистон Ҳошимзода Даврон ва бо сабаби расидан ба синни ниҳоии дар вазифаи судя будан судяҳои Суди Олии Ҷумҳурии Тоҷикистон Раҳматуллозода Бахтулло ва Додихудозода Давлатмо аз вазифа бозхонд карда шуданд.

Инчунин, тибқи пешниҳоди Ҳукумати Ҷумҳурии Тоҷикистон, бо дастгирии аъзои Маҷлиси миллӣ номи деҳоти «Шитхарв»-и ноҳияи Ишкошими Вилояти Мухтори Кӯҳистони Бадахшон ба деҳоти «Вахон» иваз карда шуд.

Ҳамчунин, Раиси Маҷлиси миллии Маҷлиси Олии Ҷумҳурии Тоҷикистон муҳтарам ­Рус­тами Эмомалӣ таваҷҷуҳи аъзои Маҷлиси миллиро ба як қатор масъалаҳои ҳалталаб, ки боис ба муроҷиати зиёди шахсони воқеӣ ва ҳуқуқӣ гардиданд, ҷалб намуданд.

Хусусан, бо таваҷҷуҳ ба натиҷаи таҳлили вазъи бозори дохилӣ ибрози ақида намуданд, ки миёни ширкатҳои давлатӣ, хусусӣ ва хориҷӣ дар соҳаи истеҳсоли мол, иҷрои кор ва хизматрасонӣ рақобати солим ба назар намерасад ва яке аз омилҳои чунин ҳолат камфаъолиятии сохторҳои дахлдор оид ба танзими муносибатҳои бозорӣ ба ҳисоб меравад. Инчунин, ба прокурори генералии Ҷумҳурии Тоҷикистон, директори Агентии назорати давлатии молиявӣ ва мубориза бо коррупсияи ­назди Президенти Ҷумҳурии Тоҷикис­тон ва дигар мақомоти давлатӣ дастур дода шуд, ки фаъолияти сохторҳои дахлдорро ҷиҳати пешгирӣ ва сари вақт ошкор  кардани ҳолатҳои ғасби ғайриқонунии заминҳо ва сохтмони манзили истиқомативу дигар иншоот пурзӯр намоянд.

                                           10 декабри соли 2020

Дар шаҳри Душанбе таҳти раёсати Раиси Маҷлиси миллии Маҷлиси Олии Ҷумҳурии Тоҷикис­тон муҳтарам ­Рустами Эмомалӣ Ҷаласаи якҷояи чоруми Маҷлиси миллӣ ва Маҷлиси намо­ян­дагони Маҷлиси Олии Ҷумҳурии Тоҷикистон даъвати шашум баргузор гардид.

Тибқи рӯзномаи он аъзои Маҷлиси миллӣ ва вакилони Маҷлиси намояндагони Маҷлиси Олии Ҷумҳурии Тоҷикистон фармонҳои Президенти Ҷумҳурии Тоҷикис­тонро дар бораи озод кардан ва таъин намудани аъзои Ҳукумати Ҷумҳурии Тоҷикистон ҷонибдорӣ карданд.

Раиси Маҷлиси миллии Маҷлиси Олии Ҷумҳурии Тоҷикистон муҳтарам Рустами Эмомалӣ Сарвазири Ҷумҳурии Тоҷикистон Қоҳир Расулзода, муовини якум ва муовинони ӯ, вазирон ва раисони кумитаҳои давлатии Ҷумҳурии Тоҷикистонро, ки тавассути меҳнати содиқона ва софдилона сазовори боварии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам ­Эмомалӣ Раҳмон гардида, ба мансабҳои олии давлатӣ ва пуршарафу масъулиятнок таъин гардиданд, самимона таб­рик гуфта, дар фаъолияти минбаъдаи онҳо комёбӣ таманно намуданд.

                                   25 январи соли 2021

Таҳти раёсати Раиси Маҷлиси миллии Маҷлиси Олии Ҷумҳурии Тоҷикистон муҳтарам Рустами ­Эмомалӣ Иҷлосияи панҷуми Маҷлиси миллии Маҷлиси Олии Ҷумҳурии Тоҷикистон даъвати шашум баргузор гардид.

Аъзои Маҷлиси миллӣ, тибқи рӯзнома, 23 масъала, аз ҷумла, қонунҳои мукаммали Ҷумҳурии Тоҷикис­тон «Дар бораи уҳдадории ҳарбӣ ва хизмати ҳарбӣ», «Дар бораи таъмини амнияти биологӣ ва муҳофизати биологӣ», «Дар бораи тайёр намудани мутахассисон бо назардошти талаботи бозори меҳнат» ва дигар қонунҳоро мавриди баррасӣ қарор дода, ҷонибдорӣ намуданд.

Инчунин, бо пешниҳоди Ҳукумати Ҷумҳурии Тоҷикистон лоиҳаи Қарори Маҷлиси миллии Маҷлиси Олии Ҷумҳурии Тоҷикистон «Оид ба иваз намудани номи ноҳияи Шаҳритузи вилояти Хатлон ба ноҳияи Шаҳритус» баррасӣ гардида, он аз ҷониби аъзои Маҷлиси миллӣ якдилона қабул гардид.

Тибқи пешниҳоди Президенти Ҷумҳурии Тоҷикистон бо қарори Маҷлиси миллии Маҷлиси Олии Ҷумҳурии Тоҷикистон Самадзода Турахон бо сабаби расидан ба синни ниҳоии дар вазифаи судя будан аз вазифаи судяи Суди Олии Ҷумҳурии Тоҷикистон боз­хонд карда шуд.

Ҳамчунин, ҳисоботи прокурори генералии Ҷумҳурии Тоҷикистон «Дар бораи назорати риояи дақиқ ва иҷрои якхелаи қонунҳо дар ҳудуди Ҷумҳурии Тоҷикистон дар соли 2020» шунида шуд.

Раиси Маҷлиси миллии Маҷлиси Олии Ҷумҳурии Тоҷикистон муҳтарам Рустами Эмомалӣ, бо дарназардошти корҳои анҷомдодаи мақомоти прокуратура ва таҳлили маълумоти омории вазъи ҷинояту ҷинояткорӣ дар соли сипаришуда, аз прокурори генералӣ талаб намуданд, ки назорати прокурориро дар самти пешгирӣ намудани  шомилшавии шаҳрвандони кишвар ба ҳизбу ҳаракатҳои экстремистию террористӣ, таъмини амнияти иттилоотии кишвар пурзӯр карда, ҷиҳати коҳиш додани содиршавии ҷиноятҳои авбошӣ, бахусус авбошии гурӯҳӣ аз ҷониби наврасону ноболиғон бо истифода аз силоҳи сард, ҷиноятҳои коррупсионӣ, бартараф намудани ҳолатҳои сохтакорӣ ва изофанависии ҳисоботи оморӣ дар соҳаи кишоварзӣ чораҳои иловагии қатъӣ амалӣ намояд.

Дастур дода шуд, ки Прокуратураи генералии Ҷумҳурии Тоҷикистон фаъолиятро дар самти назорати риояи дақиқ, иҷрои бечунучаро ва якхелаи қонунҳо, ошкор ва бартараф намудани мухолифати санадҳои меъёрии ҳуқуқӣ, огоҳонӣ, пешгирӣ ва ошкор намудани ҷиноятҳои марбут ба савдои одамон, муомилоти ғайриқонунии воситаҳои нашъадор, аз байн бурдани шиканҷа, муносибатҳои бераҳмона ва дигар кирдорҳои таҳқиркунандаи шаъну шарафи инсон дар рафти таҳқиқу тафтиши пешакӣ, тавқифгоҳҳои нигоҳдории муваққатию тафтишотӣ ва муассисаҳои иҷрои ҷазои ҷиноятӣ, таъмини риояи қонунгузорӣ дар соҳаҳои иқтисодиёт, бахусус ҳимояи ҳуқуқи истеъмолкунандагон ва дастгирии давлатии соҳибкорӣ, раванди муҳоҷират ва ҳифзи сиҳатии мардум, пешгирии ҷинояту дигар ҳуқуқвайронкуниҳо дар байни ноболиғон, баррасии пурра ва ҳамаҷонибаи муроҷиатҳои шахсони воқеиву ҳуқуқӣ тақвият бахшанд.

Муҳтарам Рустами Эмомалӣ аз аъзои Маҷлиси миллии Маҷлиси Олии Ҷумҳурии Тоҷикистон даъват ба амал оварданд, ки дар баробари пешбурди корҳои фаҳмондадиҳӣ, тарғибу ташвиқи сиёсати давлатӣ, шарҳу тавзеҳ ва амалигардонии қонунҳои қабулшуда, ҷиҳати амалисозии ташаб­бусҳои созанда ва нақшаҳои ватандӯс­тона дар роҳи ободу зебогардонии кишвар ба истиқболи ҷашни арзандаи 30 — солагии Истиқлолияти давлатии Ҷумҳурии Тоҷикистон азму талоши бештар равона намоянд.

                                        17 марти соли 2021

Раиси Маҷлиси миллии Маҷлиси Олии Ҷумҳурии Тоҷикистон муҳтарам Рустами Эмомалӣ бо Сафири фавқулода ва мухтори Франсия дар Ҷумҳурии Тоҷикистон Мишел Тарран мулоқот анҷом доданд.

Зимни он, бо дарназардошти таърихи бисёрсолаи муносибатҳои ҳасанаи ҳар ду кишвар, таъкид гардид, ки Ҷумҳурии Тоҷикистон ба масъалаи рушди ҳамкории бисёрҷониба бо Ҷумҳурии Франсия ҳамеша таваҷҷуҳи хоса зоҳир карда, тавсеаи муносибатҳоро бо ин кишвар аз афзалиятҳои асосии сиёсати хориҷӣ меҳисобад.

Дар баробари дигар соҳаҳо, инчунин, рушди робитаҳои байнипарламентии ҷавобгӯи талаботи муосир ҳамчун яке аз василаҳои самараноки рушди ҳамкории дуҷониба арзёбӣ ва зарурати фаъолгардонии робитаҳо миёни гурӯҳҳои дӯстӣ ва ҳамкории байни Маҷлиси миллии Маҷлиси Олии Ҷумҳурии Тоҷикистон ва Сенати Ҷумҳурии Франсия таъкид карда шуд.

                                   17 марти соли 2021

Раиси Маҷлиси миллии Маҷлиси Олии Ҷумҳурии Тоҷикистон муҳтарам Рустами Эмомалӣ сафири фавқулода ва мухтори Федератсияи Россия дар Ҷумҳурии Тоҷикистон Сергей Лякин-Фроловро бо хоҳиши ӯ ба ҳузур пазируфтанд.

Зимни мулоқот ҷонибҳо вазъ ва дурнамои муносибатҳои дуҷониба, аз ҷумла дар самти робитаҳои байнипарламентиро баррасӣ карда, дар марҳилаи муосир нақши дипломатияи парламентиро ҳамчун унсури калидии ҳамкории байнидавлатӣ арзёбӣ намуданд.

Дар ин ҷода аҳамияти муассири ҳамкорӣ дар чаҳорчӯбаи сиғаҳои нодиру самараноки бисёрҷониба, пеш аз ҳама, Ассамблеяи байнипарламентии давлатҳои аъзои Иттиҳоди Давлатҳои Мустақил ва Ассамблеяи парламентии Созмони аҳдномаи амнияти дастаҷамъӣ ва саҳми муҳими онҳо дар рушди фазои ҳуқуқӣ таъкид гардид.

                                     1 апрели соли 2021

Раиси Маҷлиси миллии Маҷлиси Олии Ҷумҳурии Тоҷикистон муҳтарам Рустами Эмомалӣ бо Раиси Маҷлиси миллии Ҷумҳурии Корея муҳтарам Пак Бён Сок, ки бо сафари расмӣ  ба Ҷумҳурии Тоҷикистон ташриф овард, ­мулоқот намуданд.

Дар мулоқот таъкид гардид, ки тақвияти робитаҳои байнипарламентӣ василаи самараноки рушди ҳамкории дуҷонибаи ҷавобгӯ ба манфиати миллии ҷонибҳо буда, дар марҳилаи кунунӣ фаъолгардонии гурӯҳҳои дӯстӣ ва ҳамкории Маҷлиси миллии Маҷлиси Олии Ҷумҳурии Тоҷикистон ва Маҷлиси миллии Ҷумҳурии Корея ба мақсад мувофиқ аст.

                                     16 апрели соли 2021

Раиси Маҷлиси миллии Маҷлиси Олии Ҷумҳурии Тоҷикис­тон муҳтарам ­Рустами Эмомалӣ Иҷлосияи шашуми Маҷлиси миллии Маҷлиси Олии Ҷумҳурии Тоҷикис­тон даъвати шашумро даъват намудаанд, ки дар он баррасии қонунҳои Ҷумҳурии Тоҷикистон «Дар бораи мақомоти адлияи Ҷумҳурии Тоҷикистон», «Дар бораи Академияи миллии илмҳои Тоҷикистон» ва дигар қонунҳои қабулнамудаи Маҷлиси намояндагон, инчунин, масъалаҳои тағйир додани сарҳади ноҳияҳои Шоҳмансур, Фирдавсӣ, Сино ва Исмоили Сомонии шаҳри Душанбе ва иваз намудани номи баъзе аз маҳалҳои аҳолинишини кишвар дар назар дошта шудааст.

Тавре аз маълумоти хронологӣ бармеояд, дар як давраи кӯтоҳ муҳтарам Рустами Эмомалӣ ҳамчун роҳбари оқилу кордон тамоми иқтидор ва ­ҳастиро баҳри амалисозии сиёсати Асосгузори сулҳу ваҳдати миллӣ — Пешвои миллат, Президенти мамлакат муҳтарам Эмомалӣ Раҳмон дар ҳама самти инкишоф, пеш аз ҳама, такмили қонунгузории мамлакат, татбиқи самараноки қонунҳои амалкунанда ва роҳандозӣ кардани ҳуқуқи ташаббуси қонунгузорӣ равона намуда, робитаҳои байнипарламентиро бо кишварҳои дуру наздик таҳкиму тавсеа бахшида, палатаи болоии парламенти мамлакатро дар арсаи ҷаҳонӣ муаррифӣ намуданд, ки аз ҷониби ҷомеа ҷонибдории амиқ ёфт.

 


Вакти нашр: 2021-04-15 16:21:25    Хонданд: 110    Муфассал...

Мулоқот бо Раиси амалкунандаи Созмони амният ва ҳамкорӣ дар Аврупо, Вазири корҳои хориҷии Подшоҳии Шветсия хонум Анн Линде

15 апрел дар Қасри миллат Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Раиси амалкунандаи Созмони амният ва ҳамкорӣ дар Аврупо, Вазири корҳои хориҷии Подшоҳии Шветсия хонум Анн Линдеро ба ҳузур пазируфтанд.

Дар вохӯрӣ маҷмуъи васеи масоили ҳамкории Тоҷикистону Подшоҳии Шветсия, ҳамчунин робитаҳо дар доираи Созмони амният ва ҳамкорӣ дар Аврупо мавриди баррасӣ қарор дода шуд.

Дар оғози мулоқот Президенти мамлакат муҳтарам Эмомалӣ Раҳмон таъкид доштанд, ки мо ба пешбурди ҳамкориҳо бо Шветсия ҳамчун шарики боэътимод дар Аврупо таваҷҷуҳи зиёд зоҳир мекунем.

Ҷонибҳо таҳкиму густариши ҳамкориҳои барои ҷонибҳо судмандро дар соҳаҳои мухталифи сиёсӣ, робитаҳои байнипарлумонӣ, иқтисоду тиҷорат, маориф, амният ва тағйирёбии иқлим, зарур шумурданд.

Дар мулоқот вазъи кунунии робитаҳои Тоҷикистон бо САҲА дар доираи се ченаки фаъолияти Созмон - сиёсию низомӣ, иқтисодию экологӣ ва инсонӣ муҳокима карда шуд.

Вобаста ба паёмадҳои короновирус пешниҳод гардид, ки дар доираи ҳамкорӣ САҲА барномаҳои марбутаи худро ба коҳиш додани пайомадҳои вируси нави сироятӣ равона сохта, кӯмакҳои амалӣ ва техникиро дар ин самт зиёд гардонад.

Зимни мулоқот ҷонибҳо оид ба ҳалли масъалаҳои доғи рӯз, пешгирӣ ва аз байн бурдани таҳдиду хатарҳои ҷаҳони муосир, аз қабили муқовимат ба терроризму экстремизм ва маблағгузории онҳо, гардиши ғайриқонунии маводи мухаддир ва силоҳи сабук, ҷиноятҳои киберӣ ва ҷинояткории муташаккили фаромиллӣ, таваҷҷуҳ зоҳир карданд.

Вазири корҳои хориҷии Подшоҳии Шветсия дар навбати худ талошҳои ҷониби Тоҷикистонро ҷиҳати иҷрои уҳдадориҳояш дар доираи созмон, ҳамчунин нақши пешсафии кишвари моро дар пешбурди масъалаҳои глобалии вобаста ба об махсус таъкид карда, ҷонибдории худро аз ташаббусҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ҷиҳати соли 2025-ро ҳамчун “Соли умумиҷаҳонии ҳифзи пиряхҳо” эълон кардан, иброз дошт.


Вакти нашр: 2021-04-15 17:37:52    Хонданд: 121    Муфассал...

Президенти мамлакат Эмомалӣ Раҳмон аз татбиқ нагардидани дастовардҳои ихтироъкорон изҳори нигаронӣ намуданд

Дар байни олимону муҳаққиқони кишвар ихтироъкорон ва навоварон кам нестанд, вале дастовардҳои онҳо дар истеҳсолот қариб, ки татбиқ намегарданд. Ин нуктаро имрӯз Президенти мамлакат муҳтарам Эмомалӣ Раҳмон зимни ҷаласаи якуми Шӯрои илм, маориф ва инноватсияи назди Президент изҳор доштанд.

«Ихтироот ва кашфиёти илмӣ дар шакли патенту шаҳодатномаҳои муаллифӣ дар Маркази миллии патенту иттилооти Вазорати рушди иқтисод ва савдо ба қайд гирифта мешаванд, вале аксари онҳо дар рӯи коғаз боқӣ мемонанд, , — изҳори нигаронӣ намуданд Сарвари давлат ва илова карданд, — Мо то ҳанӯз механизми татбиқи дастовардҳои илму техникаро дар истеҳсолот тарҳрезӣ ва дарёфт накардаем».

Дар робита ба ин Президенти мамлакат Эмомалӣ Раҳмон дастур доданд, ки корхонаҳои истеҳсолии вазорату идораҳои дахлдор, хусусан вазоратҳои саноат ва технологияҳои нав, энергетика ва захираҳои об, кишоварзӣ, тандурустӣ ва ҳифзи иҷтимоии аҳолӣ бояд бо ихтироъкорон ҳамкории зичро ба роҳ монанд, дастовардҳои онҳоро омӯзанд ва дар асоси шартнома бо муассисаҳои илмӣ барои татбиқ намудани натиҷаҳои илмӣ дар истеҳсолот тадбирҳои зарурӣ андешанд.


Вакти нашр: 2021-04-16 08:17:24    Хонданд: 142    Муфассал...

РӮ БА РӮ ВА СУДМАНД: ВОХӮРИИ ҲИЗБӢ БО СОКИНОН

Дар ташкилоти ибтидоии “Шарҳраки роҳи оҳанчиён” маҷлиси ҳизбӣ доир гардид. Намояндаи Кумитаи иҷроияи ҲХДТ дар ноҳияи Шоҳмансур Вализода Муҳаммад перомуни масъалаҳои набзи ҷомеа пешгирӣ аз падидаҳои номатлуби иҷтимоӣ дар ҷомеа, дастгирии сиёсати давлат ва Ҳукумати мамлакат, тарбияи ватанпарастии фарзандону ҷавонон, бовар накардан ба афроди тасодуфӣ ва гурӯҳҳои иғвоангезе, ки ҷомеа ва ҷавононро ба доми фиреб мекашанд. Таъкид доштанд ба волидоне, ки аъзои оилаи онҳо дар кишварҳои хориҷӣ ё дар муҳоҷират мебошанд, ба онҳо огоҳӣ намоянд, ки ба иғвову ҳангомабофиҳои гурӯҳҳои манфиатхоҳу бадхоҳ нисбати давлату миллат бовар накунанд, баланд бардоштани иродаи сиёсии мардум, тарғиби созандагию бунёдкорӣ ва омодагӣ ба истиқболи 30-солагии Итсиқлолияти миллӣ ва дигар масоили дохилиҳизбӣ нутқ карданд.


Вакти нашр: 2021-04-16 12:34:41    Хонданд: 112    Муфассал...

ЧОРАБИНИИ МАЪРИФАТИЮ ФАРҲАНГӢ ЗЕРИ УНВОНИ “ДУШАНБЕ - ШАҲРИ СУЛҲУ ВАҲДАТ”

Имрӯз дар асоси нақшаи чорабиниҳои Кумитаи иҷроияи Ҳизби Халқии Демократии Тоҷикистон дар шаҳри Душанбе дар толори муассисаи таҳсилоти миёнаи умумии №65-и ноҳияи Шоҳмансур чорабинии маърифатию фарҳангӣ зери унвони “Душанбе - шаҳри сулҳу ваҳдат” баргузор гардид.

Дар қисмати аввали чорабинӣ Ҳомидзода Н. – мудири шуъбаи ҷавонони КИ ҲХДТ дар шаҳри Душанбе, роҳбари ТҶҶ “Созандагони Ватан” дар шаҳри Душанбе, Латифзода Ш. – мудири шуъбаи ҷавонони КИ ҲХДТ дар ноҳияи Шоҳмансур, роҳбари намояндагии ТҶҶ “Созандагони Ватан” дар ноҳияи Шоҳмансур ва Ширинбекзода С. - аъзои Кумитаи иҷроияи ҲХДТ дар ноҳияи Шоҳмансур иштирок намуда, бахшида ба Рӯзи пойтахти Ҷумҳурии Тоҷикистон шаҳри Душанбе суханронӣ намуданд, қайд карда шуд, ки бо ҳидоятҳои Асосгузори сулҳу ваҳдати миллӣ, Пешвои муаззами миллат, Президенти Ҷумҳурии Тоҷикистон, муҳтарам Эмомалӣ Раҳмон ва заҳматҳои Раиси шаҳри Душанбе, муҳтарам Рустами Эмомалӣ пойтахти ҷумҳурии азизамон шаҳри Душанбе рӯз аз рӯз ободу зебо гашта, дили тамоми ҷаҳониёнро тасхир намудааст. Душанбе ба ҳайси даҳгонаи шаҳрҳои амнтарини ҷаҳон ворид гашта, макони баргузории бузургтарин ҳамоишҳои сатҳи ҷаҳонӣ, аз ҷумла, ҷаласаҳои ҳамкории СММ, СҲШ, САҲА, СААД, давлатҳои доираи эътимод ва тадбирҳои Осиё, ҷашни Наврӯзи байналмилалӣ, конференсияҳои сатҳи баланди марбути обу экология, муборизаи дастаҷамъӣ алайҳи терроризму экстремизм, гардиши ғайриқонунии маводи мухаддир ва дигар ҷиноятҳои трансмиллӣ гашта, тавсия ва пешниҳодҳои муфиди он дар сатҳи ҷаҳонӣ пазируфта шудаанд.

Ҳамзамон, пас аз суханрониҳо қисмати фарҳангӣ буд, бо хондани шеъру суруд ва рақсу бозии хонандагон руҳияи иштирокчиёнро болида намуданд


Вакти нашр: 2021-04-16 14:26:19    Хонданд: 143    Муфассал...

РУШДИ ИҚТИСОДӢ ДАР БАРНОМАҲОИ ҲИЗБИ ХАЛҚИИ ДЕМОКРАТИИ ТОҶИКИСТОН

Ҳизби Халқии Демократии Тоҷикистон (ҲХДТ) бо роҳбарии Раиси муаззами ҳизб – Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои татбиқи барномаи худ зери шиори «Барои пешрафт ва зиндагии шоистаи мардум!» ҷиҳати рушду нумӯи Тоҷикистони соҳибистиқлол, таъмини суботи иқтисодиву иҷтимоӣ дар мамлакат ва баланд бардоштани нуфузи эътибори кишвар дар арсаи байналмилалӣ пайваста сайъю кӯшиш менамояд ва тадбирҳои судмандро роҳандозӣ мекунад.

Боиси қайд аст, ки ҲХДТ тасмим гирифтааст, ки бо мақсади ноил шудан ба ҳадафи олии рушди дарозмуҳлати Тоҷикистон – баланд бардоштани сатҳи зиндагии мардум дар асоси таъмини рушди устувори иқтисодӣ саҳми босазо гузорад. Тибқи Барномаи ҲХДТ барои солҳои 2020-2025 аъзои ҳизб ҳамчунин ҷиҳати ноил шудан ба ҳадафҳои стратегии рушди кишвар – таъмини истиқлолияти энергетикӣ ва истифодаи самарабахши неруи барқ, раҳоӣ аз бунбасти коммуникатсионӣ ва ба кишвари транзитӣ табдил ёфтани мамлакат, таъмини амнияти озуқаворӣ ва дастрасии аҳолӣ ба ғизои хушсифат, саноатикунонии босуръати кишвар ва вусъатдиҳии шуғли пурмаҳсул тамоми қудрату нерӯи худро равона месозад.

Имрӯз, ки мо дар арафаи таҷлили Ҷашни бузурги миллӣ – 30-солагии Истиқлолияти давлатии Ҷумҳурии Тоҷикистон қарор дорем, бо ифтихору қаноатмандӣ гуфта метавонем, ки нақш ва мавқеи ҲХДТ дар амалӣ намудани ислоҳоти иқтисодӣ дар ин давра басо назаррас аст.

Маҳз бо татбиқи сиёсати хирадмандонаи Раиси ҲХДТ – Пешвои муаззами миллат дар ин раванд, гузариш ба низоми иқтисоди бозорӣ, таҷдиди сохтори иқтисод вобаста ба истифодаи самараноки захираву имкониятҳои истеҳсоливу хизматрасонӣ, мукаммал гардонидани низоми молия ва бонкдорӣ, ҷорӣ намудани пули миллӣ, рушди фаъолияти соҳибкорӣ, беҳтар намудани фазои сармоягузорӣ ва тараққиёти соҳаҳои иҷтимоӣ таъмин карда шуд.

Тадбирҳои зикршуда имкон доданд, ки дар ин давра суръати рушди иқтисоди миллӣ ҳамасола дар сатҳи баланд таъмин ва ҳаҷми воқеии маҷмӯи маҳсулоти дохилӣ дар соли 2020 ба 82,5 миллиард сомонӣ баробар гардад.

Дар давраи соҳибистиқлолии кишвар беш аз 1600 корхонаи саноатӣ, 2200 километр роҳи мошингарди сатҳи байналмилалӣ таҷдиду бунёд ва 220 километр роҳи оҳан сохта, ба истифода дода шуданд. Даромади пулии аҳолӣ 125 баробар афзоиш ёфта, сатҳи камбизоатӣ дар кишвар аз 83 фоизи соли 1999 то 26,3 фоиз дар соли 2020 паст гардид ва дарозумрии миёнаи аҳолӣ аз 70 сол дар соли 1991 то 75 сол боло рафт.

ҲХДТ минбаъд низ ба масъалаҳои таъмини суботи макроиқтисодӣ, рушди афзалиятноки соҳаҳои истеҳсолӣ, тавсеаи сармоягузории дохиливу хориҷӣ, таъмини шуғли пурмаҳсул ва таъсиси ҷойҳои нави корӣ, инчунин, идомаи ислоҳоти сохторӣ дар соҳаҳои мухталифи иқтисодиёт афзалият медиҳад.

Барои ноил шудан ба мақсаду афзалиятҳои зикргардидаи сиёсати иқтисодӣ, ҲХДТ дар асоси барномаи худ то солҳои 2020-2025 иҷрои тадбирҳои басо муассирро ба нақша гирифта шудааст, ки муҳимтарини онҳоро ба таври муфассал манзур менамоем:

1. Баланд бардоштани самаранокӣ ва рақобатпазирии истеҳсолоти ватанӣ тавассути такмили муназзами сохтори иқтисодиёт ҷиҳати таъмини суръати баланди рушди иҷтимоию иқтисодии кишвар, фароҳам овардани шароит барои гузариш аз модели аграрӣ-саноатӣ ба модели саноатӣ-аграрии рушди иқтисодиёт, таҳкими раванди ҷорӣ ва истифодабарии васеи технологияҳои муосир, ҷалби бештари сармоягузориҳои мустақими хориҷӣ фароҳам овардани заминаи иқтисоди рақамӣ ва савдои электронӣ.

2. Ҳавасманд гардонидани фаъолияти соҳибкориву истеҳсолӣ бо роҳи идомаи ислоҳот дар самти беҳтар намудани фазои сармоягузорӣ ва соҳибкорӣ, тақвияти механизми дастгирии давлатии соҳибкорию рушди сармоягузорӣ ва бартараф намудани монеаҳои мавҷуда, таҳкими заминаи институтсионалию молиявии рушди шарикии давлат ва бахши хусусӣ; рушди босуръати минтақаҳои озоди иқтисодӣ ва минтақаҳои саноатӣ.

3. Таъмини амнияти озуқаворӣ ва дастрасии аҳолӣ ба ғизои хушсифат тибқи идомаи ислоҳот дар самти кишоварзӣ ва дигар соҳаҳои комплекси агросаноатии кишвар, андешидани чораҳои зарурӣ дар соҳаи истифодабарии самараноки заминҳои корам ва ба гардиши кишоварзӣ ворид намудани заминҳои нав ва бекорхобида, зиёд намудани истеҳсоли меваҷот тавассути бунёди боғҳои интенсивӣ ва дигар усулҳои муосири боғу токпарварӣ.

4. Татбиқи сиёсати энергетикии кишвар тавассути ноил гардидан ба истиқлолияти пурраи энергетикии кишвар бо роҳи анҷом додани сохтмони Неругоҳи барқи обии «Роғун» ва дигар неругоҳҳо, мусоидат ба истифодабарии самараноки манбаъҳои барқароршавандаи энергия ва татбиқи рукнҳои «иқтисоди сабз».

5. Ба кишвари транзитӣ табдил додани Ҷумҳурии Тоҷикистон ба воситаи идома додани татбиқи лоиҳаҳои таҷдиду барқарорсозии роҳҳои мошингарди байналмилалӣ ва сохтмони хатҳои нави роҳи оҳан, дастгирии ҳамаҷонибаи идомаи сохтмони пулҳо ва иншооти зиддитармавӣ дар роҳҳои оҳан ва автомобилгарди кишвар, мусоидат ба афзоиши теъдоди хатсайрҳои ҳавоӣ ва ҳаҷми мусофирбариву боркашонии байналмилалии кишварҳои ҷаҳон, дастгирии давлатии рушду инкишофи хизматрасонӣ ва имкониятҳои транзитӣ дар асоси истифодабарии технологияҳои иттилоотӣ-коммуникатсионӣ.

6. Такмили низоми молиявии кишвар ва таъмини самаранокии фаъолияти бозори хизматрасониҳои молиявӣ: татбиқи пурраи низоми буҷетикунонии барномавӣ, назорати истифодаи шаффофу самараноки маблағҳои буҷавӣ; таъмини пардохтпазирӣ ва барқарор кардани сатҳи баланди эътимоднокии бонкҳо, беҳдошти дастрасии мизоҷон ба захираҳои молиявӣ, аз ҷумла қарзҳо, инчунин, васеъ ҷорӣ намудани шаклҳои муосири хизматрасониҳои бонкӣ, васеъ намудани миқёси истифодабарии пардохтҳои ғайринақдӣ, бахусус, дар савдои чакана ва хизматрасониҳо тавассути технологияҳои муосири иттилоотӣ.

7. Рушди туризм ва инкишофи инфрасохтори сайёҳӣ тавассути ташаккули асосҳои институтсионалии рушди соҳаи сайёҳӣ ва дар амал татбиқ намудани меъёрҳои қабулшудаи байналмилалӣ, ташаккули инфрасохтори муосири соҳаи сайёҳӣ, рушди инфрасохтори роҳу нақлиёт, тақвияти иқтидорҳои сайёҳии Ҷумҳурии Тоҷикистон ва ташкили тарғиби ҳаматарафаи он, тақвияти неруи инсонӣ, таъминоти кадрӣ ва шуғли пурмаҳсул дар соҳаи сайёҳӣ, ташкили омӯзиши таҷрибаи хориҷӣ, такмили ихтисос ва омода кардани кадрҳо дар хориҷи кишвар.

8. Гузариш ба иқтисодиёти рақамӣ бо роҳи татбиқи консепсия ва стратегияи “иқтисодиёти рақамӣ” дар кишвар, дастрасии аҳолӣ ва соҳибкорону сармоягузорон ба хизматрасониҳои босифати давлатӣ тавассути тавсеаи “Ҳукумати электронӣ” аз рӯи принсипҳо ва стандартҳои байналмилалӣ, татбиқи технологияҳои рақамӣ дар ҳамаи соҳаҳои иҷтимоиву иқтисодии кишвар ва омода намудани кадрҳои баландихтисос дар ин самт таъмини пайвасти шабакаҳои иттилоотии кишвар ба шабакаи ҷаҳонии Интернет бо суръати баланд.

Боварӣ дорем, ки аъзои ҲХДТ зери ҳидояту роҳбарии Раиси ҳизб – Пешвои муаззами миллат ва дастгирии мардуми шарифи кишвар метавонанд дар амалӣ намудани тадбирҳои зикршуда ба хотири таъмини рушди устувори иқтисодии ватани азизамон саҳми беандозаи худро хоҳанд гузошт.

ҚУРБОНЗОДА МАҲМАДАЛӢ РАҲМАТ – АЪЗОИ ГУРӮҲИ ВАКИЛИИ ҲИЗБИИ МАҶЛИСИ ВАКИЛОНИ ХАЛҚИ НОҲИЯИ ФИРДАВСИИ ШАҲРИ ДУШАНБЕ


Вакти нашр: 2021-04-16 14:38:49    Хонданд: 148    Муфассал...

ҶАМЪБАСТИ ФАЪОЛИЯТИ ТАШКИЛОТИ ИБТИДОИИ “ГИДРОЭНЕРГЕТИКА” ДАР СЕМОҲАИ ЯКУМИ СОЛИ 2021

Имрӯз, дар асосии дастуру супоришҳои Дастгоҳи Кумитаи Иҷроияи Марказии Ҳизби Халқии Демократии Тоҷикистон, барқияи электронии Кумитаи иҷроияи ҲХДТ дар шаҳри Душанбе аз 16 марти соли 2021 ва нақшаи кории Кумитаи иҷроияи ҲХДТ дар ноҳияи Синои шаҳри Душанбе дар ташкилоти ибтидоии “Гидроэнергетика” бо иштироки Нуров М.А. - мудири шуъбаи ҷавонони Кумитаи иҷроияи ҲХДТ дар ноҳияи Синои шаҳри Душанбе ва Замонзода М.А. – раиси ташкилоти ибтидоии “Гидроэнергетика” Маҷлиси ҷамъбастии семоҳаи якуми соли 2021 баргузор гардид.

Дар маҷлиси умумӣ масъалаҳои таҳлили муқоисакунии аъзои ҳизб, таҳлили шумораи аъзои ҳизб, ҳаракати аъзо, қабул ва хориҷ аъзои ҳизб, пардохти саривақтии ҳаққи узвият, инчунин ҷиҳати дар сатҳи баланд истиқбол намудани ҷашни 30- солагии Истиқлолияти давлатии Ҷумҳурии Тоҷикистон мавриди баррасӣ қарор гирифт.

Дар охир якчанд аъзои фаъоли ҳизб бо сипоснома ва ифтихорномаи Кумитаи иҷроияи ҲХДТ дар ноҳияи Синои шаҳри Душанбе қадрдонӣ гардиданд.


Вакти нашр: 2021-04-19 09:33:18    Хонданд: 122    Муфассал...

ҶАМЪБАСТИ ФАЪОЛИЯТИ СЕМОҲАИ ЯКУМИ КУМИТАИ ИҶРОИЯИ ИБТИДОИИ “ВОРИСОНИ СИНО” ДАР СОЛИ 2021

Имрӯз дар асосии дастуру супоришҳои Дастгоҳи Кумитаи Иҷроияи Марказии Ҳизби Халқии Демократии Тоҷикистон, барқияи электронии Кумитаи иҷроияи ҲХДТ дар шаҳри Душанбе аз 16 марти соли 2021 ва нақшаи кории Кумитаи иҷроияи ҲХДТ дар ноҳияи Синои шаҳри Душанбе дар Кумитаи иҷроияи ибтидоии “Ворисони Сино” бо иштироки Файзуллозода З.Ф. – раиси Кумитаи иҷроияи ҲХДТ дар ноҳияи Синои шаҳри Душанбе ва Сафарзода А.М. –раиси Кумитаи иҷроияи ибтидоии “Ворисони Сино” Маҷлиси ҷамъбастии семоҳаи якуми соли 2021 баргузор гардид.

Дар Маҷлиси умумӣ масъалаҳои таҳлили муқоисакунии аъзои ҳизб, таҳлили шумораи аъзои ҳизб, ҳаракати аъзо, қабул ва хориҷи аъзои ҳизб, пардохти саривақтии ҳаққи узвият, инчунин ҷиҳати дар сатҳи баланд истиқбол намудани ҷашни 30- солагии Истиқлолияти давлатии Ҷумҳурии Тоҷикистон мавриди баррасӣ қарор гирифт.

Дар фарҷом як қатор аъзои фаъоли ҳизб барои саҳми назаррас гузоштан дар татбиқи ҳадафҳои Барономавии ҲХДТ бо Сипоснома ва Ифтихорномаҳои Кумитаи иҷроияи ҲХДТ дар ноҳияи Синои шаҳри Душанбе қадрдонӣ гардиданд.


Вакти нашр: 2021-04-19 13:50:19    Хонданд: 159    Муфассал...

Барқияи изҳори тасаллии Президенти Ҷумҳурии Тоҷикистон Эмомалӣ Раҳмон ба Президенти Туркманистон Гурбонгули Бердимуҳамедов

Имрӯз Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Президенти Туркманистон Гурбонгули Бердимуҳамедов барқияи изҳори тасаллӣ ирсол намуданд, ки дар он омадааст:

«Муҳтарам Гурбангули Мяликгулиевич,

Хабари даргузашти падари соҳибэҳтироми Шумо — Мяликгули Бердимуҳамедов боиси андӯҳи амиқи мо гардид.

Дар иртибот ба ин талафоти гарон хоҳишмандам изҳори тасаллӣ ва таъзияи самимии ин ҷонибро қабул фаромед. Дар ин рӯзҳои вазнин ба Шумо ва пайвандону наздикони Шумо матонати рӯҳӣ ва сабри ҷамил хоҳонам».


Вакти нашр: 2021-04-20 07:30:26    Хонданд: 95    Муфассал...

МАҶЛИСИ ҲИЗБӢ ДАР ТАШКИЛОТИ ИБТИДОИИ “НАҚЛИЁТЧӢ”

Дар асоси барқияи Кумитаи иҷроияи ҲХДТ дар шаҳри Душанбе аз 16 марти соли 2021, №18 маҷлиси ҳизбӣ оид ба натиҷагирӣ аз фаъолияти ташкилоти ибтидоии “Нақлиётчӣ” бо иштироки Вазири нақлиёти Ҷумҳурии Тоҷикистон, аъзои Кумитаи Марказии ҲХДТ - Азим Иброҳим доир гардид. Зикр шуд, ки дар давраи ҳисоботӣ ҳизбиёни ташкилот дар ҳама кору фаъолияти касбӣ ва ҳаёти ҷамъиятии кишвар саҳми арзандаи худро гузошта, ҳамзамон баҳри дар рӯзғори имрӯза беҳтару хубтар ба роҳ мондани хизматрасониҳои нақлиётиву коммуникатсионӣ саҳми босазои худро гузошта истодаанд. Дар ин давра ташкилоти ибтидоӣ бобати амалӣ намудани Барномаи ҲХДТ, ташкили инфрасохтори муосир дар деҳоти кишвар ҷиҳати таъмини рушди устувори иҷтимоиву иқтисодӣ ва баланд бардоштани сатҳи некӯаҳолии мардум, бунёду таҷдиди роҳҳои автомобилгард, хизматрасонии нақлиётиву коммуникатсионӣ, дастгирии сиёсати созандаи Президенти кишвар, тарбияи ҷавонони худогоҳу меҳанпараст ва дигар масъалаҳои дохилиҳизбӣ як зумра корҳоро сомон додааст.


Вакти нашр: 2021-04-20 08:15:45    Хонданд: 92    Муфассал...

ҶАЛАСАИ ҲИСОБОТИ СЕМОҲАИ АВВАЛИ ТАШКИЛОТИ ИБТИДОИИ ҲИЗБИИ “КИТОБДОР” ДАР СОЛИ 2021

Ҷаласаи ҳисоботии ташкилоти ибтидоии ҳизбии «Китобдор» дар ноҳияи Исмоили Сомонӣ, санаи 19 – уми апрел дар толори маҷлисгоҳи ошёнаи сеюми Китобхонаи миллӣ баргузор гардид, ки дар он муовини Раиси Кумитаи иҷроияи Ҳизби Халқии Демократии Тоҷикистон дар шаҳри Душанбе Муродов Ҷурабек, муовини Раиси Кумитаи иҷроияи Ҳизби Халқии Демократии Тоҷикистон дар ноҳияи Исмоили Сомонӣ Ҷурахонзода Ҷумахон ва аъзои ташкилоти ибтидоии ҳизбии «Китобдор» иштирок намуданд. Мавзуъи ҷаласа “Оид ба фаъолияти ташкилоти ибтидоии ҳизбии “Китобдор” дар семоҳаи аввали соли 2021” иборат буд.

Ҷаласаро бо сухани муқадимавии муовини директори Китобхонаи миллӣ Раҷабзода Салима ифтитоҳ гардида, иштирокдорони маҷлисро барои ҳамрайъӣ дар татбиқи барномаҳои ҲХДТ ва шомил шудан ба сафи ҲХДТ табрику ташаккур намуд. Баъдан, баромади муовини раиси ташкилоти ибтидоии ҳизбии “Китобдор” Зафари Гулмурод вобаста ба ҳисоботи ташкилот дар семоҳаи аввали соли ҷорӣ шунида шуд.

Мавсуф аз ҷумла қайд намуд, ки ташкилоти ибтидоӣ дар давоми фаъолияти худ ба комёбиҳои зиёд мушарраф гардида, дар баробари ин пешрафту дастовардҳо вазифаи аввалини худро, ки ташвиқу тарғиби ғояҳои оинномавии ҳизб маҳсуб мешавад, роҳандозӣ намудааст.

Зафари Гулмурод ҳамчунин гуфт, ки ҳоло шумораи аъзои ҳизб зиёд гардида, шумори хоҳишмандон ба узвият ба ҳизб дар миёни кормандони корхона дар ҳоли афзоиш аст.

Сипас, ҷиҳати такмили фаъолияти самтҳои мухталифи ташкилоти ибтидоии ҳизбии “Китобдор” дар ноҳияи Исмоили Сомонӣ баромади муовини Раиси Кумитаи иҷроияи Ҳизби Халқии Демократии Тоҷикистон дар шаҳри Душанбе Муродов Ҷурабек ва муовини Раиси Кумитаи иҷроияи Ҳизби Халқии Демократии Тоҷикистон дар ноҳияи Исмоили Сомонӣ Ҷурахонзода Ҷумахон шунида шуда, вазифаҳо ва ҳадафҳои муайяну мушаххас гузоштанд.


Вакти нашр: 2021-04-20 08:43:11    Хонданд: 102    Муфассал...

НАТИҶАГИРӢ АЗ ФАЪОЛИЯТИ ТАШКИЛОТИ ИБТИДОИИ “ГАНҶ”

Бо иштироки Вазири маориф ва илми Ҷумҳурии Тоҷикистон Имомзода Муҳаммадюсуф ва Раиси Кумитаи иҷроияи ҲХДТ дар ноҳяи Шоҳмансур-Гулаҳмадзода Зулфиқор Маҷлиси ҳизбӣ оид ба натиҷагирӣ аз фаъолияти ташкилоти ибтидоии ҳизбӣ дар семоҳаи аввали соли равон баргузор гардид. Раиси ташкилоти ибтидоии “Ганҷ” - Вазири маориф ва илми Ҷумҳурии Тоҷикистон - Имомзода Муҳаммадюсуф ҳисобот дода афзуд, дар ин давра ташкилоти ибтидоӣ дар самти татбиқи Барномаи ҲХДТ, баланд бардоштани сатҳу сифати таълим дар ҳама зинаҳои таҳсилот, ҷорӣ намудани усулҳои фаъоли таълим ва истифодаи таҷрибаи пешқадам дар раванди таҳсилот, рушди сармояи инсонӣ ва нерӯи зеҳнӣ, баргузории озмуни ҷумҳуриявии “Фурӯғи субҳи доноӣ китоб аст”, омодагӣ ба таҷлили ҷашни фархундаи 30-солагии Истиқлолияти давлатӣ корҳои назаррасеро ба сомон расонидааст.

Гулаҳмадзода Зулфиқор-Раиси Кумитаи иҷроияи ҲХДТ дар ноҳияи Шоҳмансур роҷеъ ба масоили сиёсии набзи ҷомеа, масъалаҳои дохилиҳизбӣ, ҳаракати аъзои ҳизб, тақвияти фаъолияти сиёсии ташкилот ва омодагӣ ба ҷашни фархундаи 30 солагии истиқлоли миллӣ сухан кард.

Сипас аъзоёни ташкилоти ибтидоӣ дар музокира иштирок намуда, фаъолияти ташкилотро қаноатбахш арзёбӣ намуданд.

 


Вакти нашр: 2021-04-20 09:52:17    Хонданд: 94    Муфассал...

НАТИҶАГИРӢ АЗ ФАЪОЛИЯТИ СЕМОҲАИ АВВАЛИ ТАШКИЛОТИ ИБТИДОИИ “САДОҚАТ”

Бо иштироки Раиси Кумитаи иҷроияи ҲХДТ дар ноҳияи Шоҳмансур -Гулаҳмадзода Зулфиқор ва Директори телевизиони “Ҷаҳоннамо” -Шамсуддинзода Садриддин Маҷлиси ҳибӣ доир гардид. Сароғоз раиси ташкилоти ибтидоӣ Шамсуддинзода Садриддин вобаста ба фаъолияти ташкилот дар ин давра ҳисобот дода афзуд, ки дар ҳамдастӣ бо ҳамаи аъзоёни ҳизб дар чорабиниҳои муҳими сиёсиву фарҳангӣ иштирок ва саҳм гирифта, руйдодҳои муҳиму набзи сиёсии имрӯзи ҷомеаро саривақт инъикос намудем.

Ҳамзамон, дар тарғиби идеологияи миллӣ, тарғиби арзишҳои миллӣ, худшиносию худогоҳӣ ва баланд бардоштани иродаи сиёсии мардум як зумра корҳо ба сомон расонидааст.

Сипас Раиси Кумитаи иҷроияи ҲХДТ дар ноҳияи Шоҳмансур -Гулаҳмадзода Зулфиқор зимни суханронии худ афзуд, ки дар Ҷумҳурии Тоҷикистон давоми солҳои соҳибистиқлолӣ равандҳои демократӣ хеле рушд намуданд. Ин нуктаро мавҷудияти ҳизбҳои сиёсӣ, созмонҳои ҷомеаи шаҳрвандӣ, рушди гуногунандешии сиёсӣ ва озодии баён дар ҷомеа гувоҳӣ медиҳад. Дар ин росто ҲХДТ бо амалӣ намудани барномаҳои худ дар ҷомеаи кишвар дар самти тарбияи ватанпарастии ҷавонон, таҳкими худшиносию худогоҳии миллӣ ва тарғиби идеологияи солими миллӣ нақши арзишманд дорад.

Таъкид шуд, ки ба хотири таъмини амнияти миллӣ ва сулҳу суботи ҷомеа ба муқобили ҳама гуна зуҳуроти номатлуб, ифротгароӣ, терроризм, вуруди идеологияи тахрибкор ва ҷараёну равияҳои тафриқаангези ҷомеаи кишвар ҲХДТ мубориза бурда, дар таҳкими пояҳои давлатдории миллӣ саҳми хешро мегузорад.

 


Вакти нашр: 2021-04-20 12:50:42    Хонданд: 76    Муфассал...

Дар Душанбе маҷмааи нави биноҳои истиқоматии баландошёнаи бунёд мегардад

Дар бурриши хиёбони Рӯдакӣ ва  кӯчаи Умари Хаёми ноҳияи Исмоили Сомонии шаҳри Душанбе маҷмааи нави биноҳои истиқоматии баландошёна бо ҷойгиршавии  муассисаи томактабӣ ва марказҳои савдою хизматрасонӣ бунёд мегардад. Дар ин бора Қарори Раиси шаҳри Душанбе Рустами Эмомалӣ аз 7 апрели соли 2021 ба имзо расид.

Тавре аз Сарраёсати меъморӣ ва шаҳрсозии шаҳри Душанбе ба АМИТ «Ховар»  хабар доданд, лоиҳаи ангоравии сохтмони маҷмааи  мазкур  дар доираи тадбиқи   Нақшаи  генералии шаҳри Душанбе таҳия гардидааст.                                                                                     

Ёдовар мешавем, ки Нақшаи мазкур бо Қарори Ҳукумати Ҷумҳурии Тоҷикистон аз 28 апрели соли 2017 тасдиқ гардид.

Айни замон  тибқи қарори мазкур   Мақомоти иҷроияи ҳокимияти давлатии шаҳри Душанбе  дар пойтахт  нақшаи дурнамои вайронкунии биноҳои фарсуда, дар навбати аввал, биноҳои камошёнаи дар ҳолати садамавӣ қарордоштаро  тартиб дода, онро давра ба давра  то соли 2025 амалӣ   намуда,    сохтмони инфрасохтори шаҳр, маҷмааҳои шаҳрофар, иншооти варзишӣ, биноҳои намоишӣ, боғҳои фарҳангию фароғатӣ  ва майдонҳоро мутобиқи Нақшаи генералии тасдиқшудаи шаҳри Душанбе ба роҳ  мондааст.

Аксҳо аз сомонаи расмии Сарраёсати меъморӣ ва шаҳрсозии шаҳри Душанбе


Вакти нашр: 2021-04-20 14:13:27    Хонданд: 110    Муфассал...

Ҷаласаи Шӯрои доимии СААД таҳти раёсати Намояндаи доимии Тоҷикистон баргузор шуд

Таҳти раёсати Намояндаи доимии Ҷумҳурии Тоҷикистон Ҳасан Султонов 19 апрел ҷаласаи Шӯрои доимии Созмони Аҳдномаи Амнияти Дастаҷамъӣ бо иштироки Дабири кулли СААД Станислав Зас дар шакли конфронси видеоӣ баргузор гардид, иттилоъ медиҳад сомонаи расмии СААД.

Дар доираи омодагиҳо ба ҷаласаҳои қарибулвуқӯи мақомоти оинномавии Созмон дар моҳҳои апрел-май Нақшаи машваратҳои намояндагони кишварҳои узви СААД оид ба сиёсати хориҷӣ, амният ва мудофиа барои нимаи дуюми соли 2021 — нимаи аввали соли 2022 баррасӣ ва мувофиқа карда шуд.

Инчунин лоиҳаи Қарори Шӯрои вазирони корҳои хориҷии кишварҳои узви Созмони Аҳдномаи Амнияти Дастаҷамъӣ, ки ба  иқдомоти муштараки намояндагиҳои дипломатии кишварҳои узви СААД дар мавриди тезонидани корҳои иттилоотӣ оид ба фаъолияти Созмони Аҳдномаи Амнияти Дастаҷамъӣ дахл дорад, мувофиқа карда шуд.

Шӯрои доимӣ тасмим гирифт, ки асноди мазкур бо тартиби муқарраршуда барои баррасӣ ба ҷаласаҳои ояндаи мақомоти оинномавии СААД ирсол карда шаванд.

Ҳамчунон якчанд изҳорот ва асноди муҳими сиёсӣ баррасӣ шуданд, ки кор болои онҳо дар ҷаласаҳои минбаъдаи Шӯрои доимии СААД идома хоҳад ёфт.

АКС: СААД


Вакти нашр: 2021-04-20 14:18:28    Хонданд: 90    Муфассал...

Дар Душанбе музокироти Тоҷикистон ва Россия оид ба масъалаҳои муҳоҷират баргузор шуданд

19 апрел дар Душанбе музокироти намояндагони вазорату идораҳои Тоҷикистон ва Россия  ҷиҳати баррасии маҷмӯи масъалаҳои ҳамкории ду кишвар дар соҳаи муҳоҷират баргузор гардиданд.

Тавре АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад, ҳайатҳои тарафҳоро муовини Вазири меҳнат, муҳоҷират ва шуғли аҳолии Ҷумҳурии Тоҷикистон Шаҳноза Нодирӣ ва муовини Вазири корҳои хориҷии Федератсияи Россия Андрей Руденко роҳбарӣ намуданд.

Зимни гуфтушунидҳо вазъи кунунӣ ва дурнамои ҳамкории Тоҷикистон ва Россия дар соҳаи муҳоҷират муфассал муҳокима шуда, масъалаҳое, ки ҳалли фавриро тақозо мекунанд, баррасӣ гардиданд. Ҳамчунин дар мулоқот доир ба лоиҳаҳои санадҳои ҳамкорӣ, ки дар баррасии ҷонибҳо қарор доранд, мубодилаи афкор сурат гирифт.

Дар фарҷоми музокирот протокол ба имзо расид.

 

АКСҲО аз ВКХ ҶТ


Вакти нашр: 2021-04-20 14:24:29    Хонданд: 98    Муфассал...

НАҚШИ ВАКИЛИ ХАЛҚ ДАР НИЗОМИ ИДОРАКУНИИ МАҚОМОТИ МАҲАЛЛӢ

Дар замони муосир дар рушди ҳамаи соҳаҳои ҳаёти иҷтимоӣ нақши идоракунӣ ва менеҷмент хеле мубрам гардидааст. Равандҳое, ки дар ҷомеа ба вуқӯъ мепайванданд, талаб менамоянд, ки назорат кардан ва танзими доимии онҳо дар рӯҳияи инсондӯстӣ ва принсипҳои демократия бояд пайваста таҷдиди назар карда шаванд.

Дар робита ба ин, авлавияти инсон ҳамчун шахсият ва қувваи асосии истеҳсолкунанда дар чаҳор соҳаи асосӣ - сиёсӣ, иқтисодӣ, иҷтимоӣ ва фарҳангӣ мавриди омӯзиш ва таваҷҷуҳ қарор мегирад. Боло бардоштани нақши шахсият дар низомҳои гуногуни идоракунӣ омили асосии рушди зеҳният, фаъолияти инсон, истифодаи имкониятҳои иҷтимоӣ, талабот ба арзишҳои ҳаётӣ мебошад.

Таҳлили вазъи низоми ҷомеадории Тоҷикистони муосир низ ба он далолат мекунад, ки масъалаҳои характери маҳаллидошта аз ҷониби мақомоти худидоракунии маҳал бо ҷалби сокинон ҳал карда шуда, барои рушди минбаъдаи деҳа ва ё шаҳрак равона карда мешавад.

Дар низоми идоракунии мақомоти давлатӣ дар сатҳи маҳал, имрӯз нақши вакили Маҷлиси маҳаллии вакилони халқ бағоят мубрам ва назаррас мебошад. Зеро вакили Маҷлиси вакилони халқ ё ба ибораи дигар намояндаи халқро Қонуни конститутсионии Ҷумҳурии Тоҷикистон “Дар бораи мақомоти маҳаллии ҳокимияти давлатӣ” як қатор салоҳият ва ваколатҳо дар соҳаҳои гуногун, аз ҷумла иқтисодиёту иҷтимоиёт, маорифу фарҳанг ва дигар соҳаҳои калидӣ додааст.

Умуман, вакил ё намояндаи халқ будан ифодаи олии бавоситаи ҳокимияти халқ ба ҳисоб меравад, ки дар моддаи 6, Конститутсияи Ҷумҳурии Тоҷикистон “....халқ баёнгари соҳибихтиёрӣ ва сарчашмаи ягонаи ҳокимияти давлатӣ буда, онро бевосита ва ё ба воситаи вакилони худ амалӣ мегардонад.” дарҷ гардида аст.

Вакилони Маҷлиси маҳаллии вакилони халқ тибқи талаботҳои қонунгузории Ҷумҳурии Тоҷикистон тариқи овоздиҳии пинҳонӣ дар асоси принсипҳои умумӣ, баробар ва мустақим ба мӯҳлати 5 сол аз ҷониби интихобкунандагон интихоб мегардад.

Дар ин давра, ваколати вакилони Маҷлиси маҳаллии вакилони халқ оғоз гардида, дар рушду нумуъ ва ҳаёти иҷтимоиву иқтисодии маҳал саҳми вакилон оғоз меёбад.

Аз ҷумла, дар доираи вакилотҳои худ вакилони Маҷлиси маҳаллии вакилони халқ яке аз масъалаҳои муҳим буҷети маҳаллиро қабул мекунанд, ҳангоми зарурат ба он тағйиру иловаҳо ворид менамоянд, иҷрои онро назорат намуда, ҳисоботи онро тасдиқ мекунанд.

Инчунин бо мақсади ба ҷойи кор фаро гирифтани истиқоматкунандагони маҳаллӣ бо ҷалби соҳибкорон роҳҳои инкишофи иқтисодию иҷтимоии маҳалро муайян намуда, барномаҳои рушди иқтисодӣ – ичтимоии минтақаи дахлдорро тасдиқ ва иҷрои онҳоро назорат мекунад.

Ҳамзамон, дар ин самт Маҷлиси маҳалли вакилони халқ, андоз ва пардохти маҳаллиро мувофиқи қонун муқаррар намуда, дар доираи қонун тарзи идора ва ихтиёрдории моликияти коммуналии ҳудуди марзию маъмурии дахлдорро муайян менамояд ва истифодаи самараноки онро назорат мекунад.

Маҷлиси маҳалли вакилони халқ ё умуман намояндагони халқ дар доираи ваколати худ барномаҳои ҳифзи муҳити зист ва истифодаи оқилонаи сарватҳои табиии ҳудуди воҳиди марзию маъмурии дахлдорро тасдиқ ва иҷрои онҳоро назорат мекунад.

Умуман, ҳар як вакил ё Маҷлиси маҳалли вакилони халқ дар доираи ваколати худ барномаҳои мусоидат ба шуғли аҳолӣ ва паст кардани сатҳи камбизоатиро тасдиқ ва иҷрои онҳоро назорат намуда, муносибатҳои вобаста ба истифодаи об, замин ва дигар сарватҳои табииро тибқи санадҳои меъёрии ҳуқуқии Ҷумҳурии Тоҷикистон танзим менамояд.

Бо дарназардошти мисолҳои болозикр метавон гуфт, ки нақши вакилон дар низоми идоракунии мақомоти маҳаллӣ муҳим арзёбӣ гардида, иштироки бевоситаи намояндагии халқ дар рушду инкишофи ин ва ё он соҳаи афзалиятноки кишвар дар сатҳи маҳал, яъне деҳа ва ё шаҳрак мусоидат хоҳад намуд.

 

Вакили Маҷлиси вакилони халқи

ноҳияи Синои шаҳри Душанбе

аз Ҳавзаи интихоботии №2 М.Зувайдуллозода


Вакти нашр: 2021-04-20 14:28:47    Хонданд: 111    Муфассал...

ВОХӮРӢ ДАР РАЁСАТИ МИНТАҚАВИИ ГУМРУК ДАР ШАҲРИ ДУШАНБЕ

Санаи 20 апрели соли ҷорӣ дар маҷлисгоҳи Раёсати минтақавии гумрук дар шаҳри Душанбе бо кормандони ин сохтор оид ба шарҳу тавзеҳи Паёми Пешвои миллат ба Маҷлиси Олии Ҷумҳурии Тоҷикистон вохӯрӣ баругзор гардид, ки дар он раиси Кумитаи иҷроияи ҳизб дар ноҳияи Фирдавсии шаҳри Душанбе Шоҳиён Абдураҳим иштирок ва суханронӣ намуд.

Мавсуф дар баромад, қайд намуд, ки дар ҳаёти ҷамъиятӣ, сиёсӣ, иқтисодӣ ва иҷтимоии кишвар Паёми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳачун ҷароғи фурӯзон, дастури доимамалкунанда ва пешбарандаи ҷомеа баромад намуда, тули ду даҳсола амалӣ гардидани нақшаю вазифаҳои гузошташудаи имрӯзу фардои ҷомеаи шаҳрвандии Тоҷикистон ва пеш аз ҳама мутобиқ ба талаботи замон дар ҳамбастагӣ бо ин роҳу усулҳои навтаринро баёну таҳрезӣ ва пешниҳод намудааст. Инчунин оид ба ҳадафҳои стратегии кишвар, саҳми сохторҳои Хадамоти гумрук дар рушди иқтисодиёт, имтиёзҳои соҳибкорон оид ба ворид намудани технологияҳои нави истеҳсолӣ ва саҳм гузоштан ҷиҳати сазовор пешвозгирии ҷашни 30-солагии Истиқлолияти давлатии Ҷумҳурии Тоҷикистон баромад намуд.

 


Вакти нашр: 2021-04-20 14:40:58    Хонданд: 93    Муфассал...

ҶАМЪБАСТИ ФАЪОЛИЯТИ ТАШКИЛОТИ ИБТИДОИИ “НОҚИЛИ ТАЛКО” ДАР СЕМОҲАИ ЯКУМИ СОЛИ 2021

Имрӯз, дар асосии дастуру супоришҳои Дастгоҳи Кумитаи Иҷроияи Марказии Ҳизби Халқии Демократии Тоҷикистон, барқияи электронии Кумитаи иҷроияи ҲХДТ дар шаҳри Душанбе аз 16 марти соли 2021 ва нақшаи кории Кумитаи иҷроияи ҲХДТ дар ноҳияи Синои шаҳри Душанбе дар ташкилоти ибтидоии “Ноқили Талко” бо иштироки Нурзод Р.М. - сармутахассиси шуъбаи ташкилӣ ва кор бо кадрҳои Кумитаи иҷроияи ҲХДТ дар ноҳияи Синои шаҳри Душанбе ва Исматзода М.М. – раиси ташкилоти ибтидоии “Ноқили талко” Маҷлиси ҷамъбастии семоҳаи якуми соли 2021 баргузор гардид.

Дар маҷлиси умумӣ масъалаҳои таҳлили муқоисакунии аъзои ҳизб, таҳлили шумораи аъзои ҳизб, ҳаракати аъзо, қабул ва хориҷи аъзои ҳизб, пардохти саривақтии ҳаққи узвият, инчунин ҷиҳати дар сатҳи баланд истиқбол намудани ҷашни 30- солагии Истиқлолияти давлатии Ҷумҳурии Тоҷикистон мавриди баррасӣ қарор гирифт.


Вакти нашр: 2021-04-20 14:46:36    Хонданд: 113    Муфассал...

ИНТИХОБИ РАИСИ НАВИ ТАШКИЛОТИ ИБТИДОИИ ҲИЗБИИ "МЕҲРГОН"

19-уми апрели соли 2021 дар ташкилоти ибтидоии ҳизбии "Меҳргон"-и ҶСП “Маркази савдои Истиқлол”, Маҷлиси ҳизбӣ доир гардид.

Дар он Директори ҶСП “Маркази савдои Истиқлол” – Сатторов Ҳусейн, муовини Раиси Кумитаи иҷроияи ҲХДТ дар ноҳияи Исмоили Сомонӣ – Ҷурахонзода Ҷумахон, мудири шуъбаи таблиғот ва иттилооти Кумитаи иҷроия – Хайём Амонов ва аъзоёни фаъоли ҲХДТ иштирок намуданд.

Ҷурахонзода Ҷумахон маҷлисро ифтиттоҳ намуда, ба кормандоне, ки мавқеи сиёсии худро муайян карда ба сафи ҲХДТ пайвастанд дар фазои тантанавӣ шаҳодатномаи ҳизбиашонро супорид.

Сипас Хайём Амонов ҳамаи ҳозирини гиромиро аз номи Роҳбарияти Кумитаи иҷроияи ҲХДТ дар ноҳияи Исмоили Сомонӣ-Расулзода Насимҷон бо ҷашнгирии 30 солагии Истиқлолияти давлатии Ҷумҳурии Тоҷикистон табрик намуда, дар кору фаъолияти кормандони соҳаи ҳаётан муҳимӣ кишвар барору комёбӣ таманно кард. Ҳамчунин таъкид намуд, ки баҳри пойдорию ташаккули соҳаи бозоргонӣ ва рушди бемайлони соҳибкории хурд аз мутахассисони пуртаҷриба умеди зиёд дорем. Гуфта шуд, ки боварии комил дорем, ки Маркази савдои Истиқлол бо корҳои беназири баанҷомрасонидаву банақшагирифтаи худ ва стратегияи пешбурди соҳа метавонад зери роҳбарии Сатторов Ҳусейн рушди дучандро касб намояд.

Дар идома Ҷурахонзода Ҷумахон суханронӣ карда, қайд кард, ки тибқи талаботҳои Оинномаи ҲХДТ аз сабаби ба дигар кор гузаштани собиқ раиси ташкилоти ибтидоии ҳизбӣ зарурат пеш омад, ки раиси ташкилоти ибтидоиро интихоб намоем. Бо дарназардошти таклифу пешниҳодҳои аъзоёни ҲХДТ дар ташкилот, муҳтарам Сатторов Ҳусейнро ба вазифаи Раиси ташкилоти ибтидоии ҳизбии "Меҳргон" пешниҳод намуданд ва бо тариқи овоздиҳии якдилонаи аъзоёни ҳизб Раиси ташкилоти ибтидоии ҳизбии "Меҳргон" интихоб гардид.

Раиси тозаинтихоб дар назди аъзои ҳизб суханронӣ намуда, бо боварии зиёд иброз дошт, ки бо меҳнати софдилона ва дастгирии аъзои ҳизби ташкилот барои амалишудани ҳадафҳоии олии ҲХДТ ва тарбият намудани ҷавонон дар роҳи арҷ гузоштан ба арзишҳои миллӣ саҳм хоҳам гузошт.

Бо мақсадҳои нек ба маҷлис ҳусни анҷом бахшида шуд.

 


Вакти нашр: 2021-04-20 15:04:06    Хонданд: 89    Муфассал...

ШИНОХТИ МИЛЛӢ. АЗ ХЕШТАНШИНОСӢ ТО ХУДОГОҲӢ

Шинохти миллӣ хештаншиносӣ ва худогоҳии миллӣ аст, маънои тафсири таърихи пурғановати гузаштаро дорад. Пайрезии воқеият шинохти миллиро дар пояи истиқлол густариш медиҳад. Асарҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон «Фарҳанг ҳастии миллат аст», «Тоҷикон дар ойинаи таърих» ва амсоли инҳо маҳз ба хотири баланд бардоштани савияи худшиносиву худогоҳии миллӣ таълиф гардидаанд, ки ба таҳкими истиқлол ва истиқлолиятхоҳӣ мусоидат менамоянд. Пешвои миллат чун муаррифгари таърихи гузашта, адабиёти миллӣ ва забони давлатӣ пояҳои шинохти миллиро бо истиқлол ҳамоҳанг намуданд ва нақши худро ҳамчун сиёсатмадори дурандеш ба миён гузоштанд.

Роҳпаймоии мо дар шоҳроҳи истиқлол таҳти роҳбарии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон шинохт баҳри худшиносӣ барои худсозӣ аст. Афзунтарин мақоми истиқлол барои шинохти миллӣ дӯст доштан ва эҳтироми Ватан аст. Ватан пурҳикматтарин каломи рӯи Замин аст, дӯстдориаш на дар одоб аст ва на дар хок, дӯстдории Ватан дар дил аст, Ватан танҳо хоке нест, ки мо рӯи он зиндагӣ мекунем, Ватан мероси арзишҳои маънавӣ аст, ки аз ниёгон ба мо расидааст, яъне ҳам таърих, ҳам адабиёт ва ҳам забон. Ватан манзумаи арзишҳоест, ки симои ҳақиқии миллат ва шахсияти бузургашро месозад.

Хештаншиносӣ шинохти воқеияти гузашта аст, ки тариқи пажӯҳишҳои муназзам, бо ҳавсала ва эҳтиёт, бо тасвири дуруст ба арзишҳои миллӣ бояд арҷ гузошт.

Тоҷикистон баъди Истиқлолияти давлатӣ сарнавишти худро дар даст гирифт, фурсат ёфт ва фурсате ҳам дорад, ки ниҳодҳои ҷомеаро оҳанги пурарзиши миллӣ диҳад. Лозим аст, ки нерумандии миллӣ, равонӣ, арзишҳои фарҳангӣ ва маънавӣ судманд эҳё гашта, дар кӯтоҳтарин муддат дастовардҳои маънавии ҷадид шинохта шаванд. Шинохти таҳаввулоти фарҳангӣ ба тариқи муқоиса бо рӯйдодҳои соири ҷомеа баррасӣ гардида, идеологияи миллӣ то азамат ва волоият тақвият ёбад. Шинохти осори фарҳангӣ дар муқоиса бо арзишҳои моддӣ коре аст, ки бояд анҷом пазирад. Истиқлол собит сохт, ки парастиши арзишҳои миллӣ низом ва оҳанги пешрафти ҷомеаро идора мекунад. Фарҳанг, ахлоқ ва маънавиёт дар густариши ҷомеа, бо вижаҳои миллӣ шинос намудани мардум ба маънии зиндагӣ дар роҳи худшиносӣ гом гузоштан аст.

Тоҷикистон пас аз касби Истиқлолияти давлатӣ дар пайи эҷоди ниҳодҳое аст, ки арзиши миллиро тавсия медиҳанд. Имрӯз Тоҷикистон фарҳангофаринӣ ва маънавиётпарастиро чун рағбати миллӣ дониста, дар ҳаводиси пурошӯби сиёсии асри XXI ба эҳёи арзишҳои миллӣ шурӯъ кард. Ҷомеаи Тоҷикистон, ки айёме кохи бузурги фарҳанг дошт, кӯшиш ба харҷ медиҳад дар низоми давлатдорӣ қудрат ва сурури тамаддуни хешро густариш диҳад. Ин таҳаввулот дар Тоҷикистони имрӯз дар шахсият аст. Роҳбари иқтидогаро ва қудратманд дар низоми мазкур муҳим аст. Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон шахсияте аст, ки дар бунёди ниҳодҳои давлатдорӣ нобиғаи сиёсӣ ва фарҳангист. Ҳамеша ва дар ҳама вазъ дар ҷодаи давлатдорӣ неруҳои фарҳангӣ ва маънавии гузаштаро дар амал тавсия медиҳад.

Марҳилаи таърихие, ки Тоҷикистон давлатдории хешро тақвият мебахшад, дар давраи ҳассоси фикрӣ қарор дорад. Бояд ба он муваффақ шавем, ки бо ҳифзи суннатҳои фикрӣ арзишҳои миллии хешро такмил ва фарҳанги маънавии мероси гузаштаро бо мақсади такомули aқли имрӯз мавриди тавсия қарор диҳем.

Имрӯз Тоҷикистон баъди касби Истиқлолияти сиёсӣ амнияти фикрии мардумро таъмин намуд ва арзишҳои истиқлолро барои дарки онҳо тавсия дод. Маҳз тавассути баррасии арзишҳои истиқлол дар амал, хештаншиносӣ ва худогоҳӣ ривоҷ ёфтанд ва ҷамъгароӣ ташвиқ гардид. Расонаҳои ҷомеаи имрӯз ва аҳли эҷод, ки мазҳари маънавиёти мардуманд, бештар таваҷҷуҳи мардумро ба шиносоӣ ва дарки воқеияти арзишҳои миллӣ ҷалб намуданд ва ҳаёти ҷомеаро аз ҷиҳати маънавӣ ва ахлоқӣ тараннум карданд.

Тоҷикистон баъди соҳибистиқлолии миллӣ рушди иқтисодӣ ва иҷтимоиро вусъат бахшид. Барои касби истиқлоли комили энергетикӣ ва саноатӣ талошҳои густурдаро анҷом дод. Дар асоси барномаҳои миллӣ асъори миллии хешро ба ҳаёт ворид сохт. Тоҷикистон дар гузашта вобастаи низоми сиёсию иқтисодии Иттиҳоди Шӯравӣ буд.

Тоҷикистон бо тавсеаи тиҷорат бо дигар ҷумҳуриҳо ба мубодилаи пайдарпай пардохт ва тавонист тиҷорати кишоварзӣ ва маҳсулоти мавриди ниёзи худро ба даст оварад. Тавсеаи робита дар миёни ҷумҳуриҳо, дар навбати худ, дастбандиҳоеро дар миёни кишварҳои мустақил ба вуҷуд овард. Сарфи назар аз баъзе мушкилоти иқтисодӣ ва иҷтимоӣ мавзӯи муҳими рӯз густариши арзишҳои миллии гузашта дар дарёфти фалсафаи давлатдорӣ буд. Бо тақвияти қудрати арзишҳои миллӣ дар ҷомеа, афкори олӣ ва зариф ба миён меояд. Ҳар қадар сатҳи арзишҳои миллӣ дар ниҳодҳои давлатдорӣ вусъат ёфт, ба ҳамон қадар неъматҳои зиндагӣ афзунтар гардид.

Истиқлоли Тоҷикистон имрӯз аз нигоришҳои бунёдӣ, яъне истиқлол аз шинохт (ҳастишиносӣ) ва роҳшиносӣ иборат аст. Ин марҳила як давраи муқаддамотӣ барои сохтмони сарнавишт ба воситаи амали ихтиёрдошта аст. Ин давраи роҳшиносӣ (ҳастишиносӣ) собит кард, ки арзишҳои истиқлол метавонанд, огоҳии миллиро манбаи шинохт намоянд, зеро роҳнамои мо имрӯз шинохт аст, ки густариш меёбад ва аз ҳеҷ назар маҳдуд нест. Хитобҳои эҳсосӣ, ҳадафҳои сиёсидошта вобаста ба зиндагии мардум, ҳар чи қадаре авҷ гиранд, ҳамон қадар бухлу хусумат ва нотавонбинӣ ошкор мегарданд. Акнун медонем, ки ҳеҷ назарияпардоз, ҳар чи қадаре шиддат дошта бошад ҳам, наметавонад бигӯяд, ки истиқлол қудрату нуфуз надорад ва нақшофарини шинохти миллӣ нест.

Истиқлол шинохти миллӣ аст, барои мо, бақои мо, ҳастии мо, вуҷуди мо ва зиндагии мо.

Каримҷон ҚОДИРОВ, ДМТ, профессор


Вакти нашр: 2021-04-20 15:16:59    Хонданд: 294    Муфассал...

Заҳматҳои пайвастаи Пешвои миллат баҳри пойдории миллат

Саҳми Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар бунёди давлати навини тоҷикон воқеан беандоза аст. Маҳз бо заҳмату талошҳои шабонарӯзии ин абармарди хирад ва родмарди сулҳи тоҷикон Тоҷикистони ба ҳама азизу маҳбуб аз парокандашавӣ эмин ёфт.

Он рӯзҳои сахту нангини солҳои 90-уми асри гузашта бо сар задани ҷанги хонумонсӯз қариб ба парокандашавии миллати тоҷик оварда мерасонид. Мардуми шарифи Тоҷикистон аз тарсу ваҳм ва наҷоти ҳаёти худ ба кишварҳои ҳамсоя паноҳ бурданд. Он солҳо Тоҷикистон ҳамчун кишвари ноором дар сархати воситаҳои ахбори омма қарор гирифта буд. Дар он шабу рӯзҳои ноором наҷотбахши миллат муҳтарам Эмомалӣ Раҳмон ба сари қудрат омад. Барои ба эътидол овардани вазъияти ноороми кишвар, раиси Шӯрои Олӣ Эмомалӣ Раҳмон қавл доданд, ки ба мардуми шарифи Тоқикистон сулҳ меорад ва то гурезаи охиринро ба Ватан барнагардонад, худро ором намешуморад. Албатта, мо ҳама шоҳиди он ҳастем, ки муҳтарам Эмомалӣ Раҳмон мардонавор дар гирдоби ин бесарусомониҳои печида ба қавлашон бо сари баланд вафо намуданд. Бо мақсади ба эътидол овардани вазъияти сиёсӣ, иқтисодӣ ва иҷтимоии кишвар Президенти навинтихоби Тоҷикистон муҳтарам Эмомалӣ Раҳмон ҷони худро дареғ надошта, дар он давраи ноором якчанд маротиба ба Ҷумҳурии Исломии Афғонистон сафар намуда, аз мардуми шарифи тоҷик даъват ба амал оварданд, ки ба ватани аҷдодиашон баргарданд. Ҳамзамон бо нерӯҳои гуногуни сиёсӣ ва мухолифин якчанд гуфтушунидҳо анҷом дода, ниҳоят санаи 27 июни соли 1997 дар шаҳри Москваи Федератсияи Россия бо ташаббус ва ҷоннисориҳои Президенти Ҷумҳурии Тоҷикистон Эмомалӣ Раҳмон Созишномаи умумии истиқрори сулҳ ва ризоияти миллӣ дар Тоҷикистон ба имзо расид, ки ин воқеаи муҳими таърихӣ садсолаҳо дар қалби тоҷикон боқӣ хоҳад монд.

Албатта, бо ин ҳама Сарвари давлат муҳтарам Эмомалӣ Раҳмон қонеъ нагардида, баҳри пешравии Тоҷикистон ва некуаҳволии мардуми шарифи он пайваста талош меварзанд. Имрӯз Тоҷикистон – ватани маҳбубамон таҳти роҳбарии Асосгузори сулҳу ваҳдати миллӣ, Пешвои миллат муҳтарам Эмомалӣ Раҳмон дар арсаи ҷаҳонӣ бо қадамҳои устувор ба пеш меравад. Нуфузу эътибори Ҷумҳурии Тоҷикистон миёни ҷомеаи башарӣ ҳамчун давлати ташаббускор ва созанда дар пешниҳодҳои беназири Сарвари давлат муҳтарам Эмомалӣ Раҳмон, аз ҷумла татбиқи ташаббуси чорум дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмааи умумии Созмони Милали Муттаҳид ва ҳамкориҳои зич бо Созмони Милали Муттаҳид, Иттиҳоди Аврупо, Созмони Амният ва Ҳамкорӣ дар Аврупо ва дигар шарикони рушд, инчунин баргузории конфронсҳои сатҳи баланди байналмилалӣ, аз қабили муборизаи муштарак бо терроризму ифротгароӣ ва тундгароии хушунатомез асос меёбад. Дар ин радиф давлат ва Ҳукумати Ҷумҳурии Тоҷикистон дар самти мубориза бо ин вабои аср аз тамоми имконот истифода мебарад. Президенти кишвар муҳтарам Эмомалӣ Раҳмон дар суханронии худ зимни кушодашавии конфронси байналмилалии сатҳи баланд дар шаҳри Душанбе дар мавзӯи “Муқовимат бо терроризм ва экстремизм” қайд намуданд, ки яке аз омилҳои паҳншавии терроризм интернет мебошад. Бар ин асос, ташкилотҳои террористӣ технологияҳои иттилоотии замонавиро фаъолона истифода мебаранд. Аз ҷумла, онҳо шабакаҳои интернетиро барои ташвиқу тарғиби экстремизм, ҷалби насли наврас ва ҷавонон ба сафҳои худ, омода ва роҳбаладии онҳо барои амалҳои зишт ва харобиовар истифода мебаранд. Вобаста ба ин, Сарвари давлат муҳтарам Эмомалӣ Раҳмон қайд менамоянд, ки “Терорризм ватан, забон, нажот ва дин надорад. Ин бадбахтии оламшумуле гардидааст, ки ба муқобили он якҷоя мубориза бурда, ба ҳамдигар кӯмак расонида, тадбирҳоро мувофиқ сохтан зарур аст”.

Қобили зикр аст, ки бо заҳматҳои шабонарӯзии Пешвои миллат муҳтарам Эмомалӣ Раҳмон ҷиҳати расидан ба ҳадафҳои рушд ва барои зиндагии шоистаи мардум дар мамлакат бо мақсади таъмини рушди устувори иқтисодиёти кишвар ва дар ин замина амалишавии чор ҳадафи тақдирсози стратегии Ҳукумати мамлакат: истиқлолияти энергетикӣ, раҳоӣ аз бумбасти коммуникатсионӣ, амнияти озуқаворӣ, саноатикунонии босуръати кишвар корҳои зиёде ба анҷом расида истодаанд. Вобаста ба амалишавии ҳадафҳои расидан ба истиқлолияти энергетикӣ ва саноатикунонии босуръати кишвар санаи 16 ноябри соли 2018 ба кор андохтани аввалин агрегати НБО “Роғун” ва 9 сентябри соли 2019 ба кор андохтани агрегати дуюми НБО “Роғун” аз ҷониби Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қадами устувор дар рушди на танҳо Тоҷикистон, балки манотиқи Осиёи Марказӣ гардид. Ин рӯйдоди воқеан муҳим дар таърихи миллат бо хатҳои заррин асрҳо боќї мемонад.

Бешубҳа, заҳматҳои шабонарӯзии Сарвари давлат муҳтарам Эмомалӣ Раҳмон барои миллат беандоза аст. Мутаассифона, ин талошҳои Пешвои миллат баҳри пойдории миллат аз ҷониби нотавонбинони бенангу номус ва хоинони миллат дар хориҷи кишвар бо дастгирии хоҷагонашон тариқи шабакаҳои иҷтимоии интернетӣ мавриди навиштаҳои муғризона қарор гирифтааст ва мардуми меҳнатдӯсту ватандӯсти тоҷикро баҳри амалишавии ниятҳои нопок ва манфиатҳои ғаразноки худ ба гумроҳӣ меандозанд. Албатта, мардуми бо нангу номус, фарҳангсолор ва шарафманди тоҷик ба ин даъватҳо дода нашуда, дар партави Пешвои миллат устуворона ќадам мениҳанд ва Ватани маҳбубро боз ҳам ободу зебо намуда истодаанд. Шаҳодати ин гуфтаҳо дар дигаргуниҳои куллӣ дар рушди соҳаҳои мухталифи ҳаёти сиёсӣ, иқтисодӣ, иҷтимоӣ ва фарҳангӣ дида мешавад. Бахусус, ба истиқболи ҷашни бузург – 30-солагии Истиқлолияти давлатии Ҷумҳурии Тоҷикистон дар тамоми шаҳру ноҳияҳои мамлакат сохтмони иншоотҳои замонавӣ, таъсиси корхонаҳои саноатию истеҳсолӣ ва дар ин замина бо кор таъмин намудани аҳолӣ, сохтмони мактабҳои замонавӣ ва бо ашёҳои муосири хониш таъмин намудани онҳо ва ғайра амалӣ гардида истодааст. Инчунин, дар фазои сулҳу оромӣ ва амният дар шаҳри Душанбе таҳти раёсати Ҷумҳурии Тоҷикистон баргузор гардидани чорабиниҳои сатҳи байналмималӣ дар кишвар, аз ҷумлаи 20-солагии Созмони ҳамкории Шанхай ва Созмони Паймони Амнияти Дастаҷамъӣ, ки дар назар аст, далели ҳамкориҳои судманд, сиёсати муваффақонаи хориҷӣ ва тинҷиву оромии Ватани маҳбубамон мебошад.

Қайд кардан ба маврид аст, ки ҳар як фарди бо нангу номуси миллат бояд аз заҳматҳои Пешвои миллат ибрат гирифта, сиёсати хирадмандонаи Сарвари давлатро пеша намояд ва фаъолияти худро ба нафъу пешравии ҷомеа равона созад. Истиқболи ҷашни бузурги миллӣ – 30-солагии Истиқлолияти давлатиро дар сатҳи баланди сиёсию фарҳангӣ баргузор намуда, зери шиори “Тоҷикистон бо Пешвои миллат ба пеш!” ҳаракат намоем.

 

Фирузҷон Ғафоров,

узви фаъоли ҲХДТ,

вакили Маҷлиси вакилони халқи

ноҳияи И.Сомонии шаҳри Душанбе


Вакти нашр: 2021-04-20 15:23:28    Хонданд: 100    Муфассал...

ОЗМУНИ "РАССОМИ БЕҲТАРИН" БАРГУЗОР ГАРДИД

Кумитаи иҷроияи ҲХДТ дар ноҳияи Фирдавсӣ дар доираи нақшаи чорабиниҳои бахшида ба Рӯзи Пойтахти Ҷумҳурии Тоҷикистон шаҳри Душанбе бо ҷалби намояндагии ТҶҶ "Созандагони Ватан" дар ноҳияи Фирдавсӣ озмуни "Рассоми беҳтарин" миёни донишҷӯёни муассисаҳои олӣ ва хонандагони муассисаҳои таҳсилоти миёнаи умумӣ баргузор гардид, ки дар даври аввали он зиёда аз 200-нафар иштирокчиён иштирок намуда, 65-нафар ба даври дуюм роҳхат гирифтанд, ки санаи 20 апрели соли 2021 дар муассисаи давалтии "Коллеҷи ҷумҳуриявии рассомӣ ба номи Олимов М." баргузор гардид.

Баъд аз анҷоми озмун аз ҷониби комиссия ғолимон муайян гардида, бо сипоснома ва туҳфаҳои Кумитаи иҷроияи Ҳизби Халқии Демократии Тоҷикистон дар ноҳияи Фирдавсӣ қадрдонӣ гардиданд.


Вакти нашр: 2021-04-20 17:05:48    Хонданд: 108    Муфассал...

МАҶЛИСИ ҲИЗБӢ ДАР ТАШКИЛОТИ ИБТИДОИИ “НАВОВАРИ ҶАВОН”

Дар дашкилоти ибтидоии “Навовари ҷавон” бо иштироки Ҳабибзода Зоир – мудири шуъбаи ташкилӣ ва кор бо кадрҳои Дастгоҳи Кумитаи Иҷроияи Марказии ҲХДТ ва Раиси Кумитаи иҷроияи ҲХДТ дар ноҳияи Шоҳмансур - Гулаҳмадзода Зулфиқор Аҳмад оид ба натиҷагирӣ аз семоҳаи аввали соли равон маҷлиси ҳизбӣ доир гардид.

Ҳисоботи Раиси ташкилот шунида шуда, қайд гардид, ки дар ин давра як зумра чорабиниҳои сиёсию фарҳангӣ, озмунҳо ва чорабиниҳои варзишӣ гузаронида шуд. Дар татбиқи Оиннома ва Барномаи ҲХДТ, риояи талаботҳои Одобномаи ҲХДТ аъзоёни ташкилот саҳми муносиб доранд. Дастовардҳои кормандону аъзоёни ҳизб дар ин давра назаррас буда, дар озмунҳои “Фурӯғи субҳи доноӣ” ва “Илм фурӯғи маърифат” фаъолона иштирок менамоянд.

Ҳабибзода Зоир- мудири шуъбаи ташкилӣ ва кор бо кадрҳои Дастгоҳи Кумитаи Иҷроияи Марказии ҲХДТ зимни суханронии худ афзуд, ки дар амалӣ намудани ҳадафҳои олии Раиси ҲХДТ муҳтарам Эмомалӣ Раҳмон, тарғиби идеологияи миллӣ, ҳимояи Истиқлолияти давлатӣ дар шароити равандҳои мураккаби авзъои сиёсии ҷомеаи ҷаҳон, ҳимояи манфиатҳои миллии Ҷумҳурии Тоҷикистон, нигоҳдории ризоияти ҷомеа ва устувории сиёсӣ дар кишвар, тарбияи ватандӯстӣ ва таҳкими ягонагии халқ ҲХДТ нақши бориз дорад.

Раиси Кумитаи иҷроияи ҲХДТ дар ноҳияи Шоҳмансур Гулаҳмадзода Зулфиқор афзуд, ки дар баргузории чорабиниҳои сиёсӣ, фарҳангӣ, гузаронидани корҳои созандагию бунёдкорӣ ташкилоти ибтидоӣ саҳми назаррас дорад. Ҳамзамон, бобати вусъат бахшидани фаъолияти сиёсии ташкилоти ибтидоӣ, ҳаракати аъзои ҳизб, омодагӣ ба истиқболи 30-солагии Истиқлолияти давлатӣ ва дигар масоили дохилиҳизбӣ ҳидоятҳои судманд доданд.

Дар фарҷом ба як қатор фаъолоне, ки иродаи сиёсии худро муайян намуда, ба сафи ҲХДТ шомил шуданд, дар лаҳзаи тантанавӣ шаҳодатномаи ҳизбӣ супорида шуда, фаъолони ҳизбӣ бо ифтихорнома ва сипосномаҳо қадрдонӣ гардиданд.

 


Вакти нашр: 2021-04-21 12:58:31    Хонданд: 101    Муфассал...

Мақомоти шаҳри Душанбе эълон менамояд: шахсони ҳуқуқӣ ва соҳибкорони ватаниву хориҷӣ метавонанд «Боғи ҳайвонот»-ро ҳамчун моликияти хусусӣ бунёд намоянд

Мақомоти иҷроияи ҳокимияти давлатии шаҳри Душанбе ба таваҷҷуҳи шаҳрвандон мерасонад, ки шахсони ҳуқуқӣ ва соҳибкорони ватаниву хориҷӣ метавонанд бо пешниҳоди лоиҳаҳои дахлдор ва ё дар асоси лоиҳаи таҳиягардида  «Боғи ҳайвонот»-ро ҳамчун моликияти хусусӣ бунёд намоянд. Иқдоми мазкур аз ҷониби Мақомоти иҷроияи ҳокимияти давлатии шаҳри Душанбе  ҳамаҷониба дастгирӣ меёбад.

Тавре аз Мақомоти иҷроияи ҳокимияти давлатии шаҳри Душанбе ба АМИТ «Ховар» хабар доданд, хоҳишмандон  барои гирифтани маълумоти муфассал  метавонанд ба телефонҳои 221-94-38, 221-27-19 занг зананд.

Ёдовар мешавем, ки  дар асоси Қарори Раиси шаҳри Душанбе аз 14 декабри соли 2020  барои сохтмони «Боғи ҳайвонот» дар бурриши хиёбонҳои Рӯдакӣ ва Ҳофизи Шерозии ноҳияи Исмоили Сомонии шаҳри Душанбе дар масоҳати 13 (сенздаҳ) гектар қитъаи замин ҷудо карда шудааст.

Дар асоси қарор ва дастуру супоришҳои  Раиси шаҳри Душанбе муҳтарам Рустами Эмомалӣ Сарраёсати меъморӣ ва шаҳрсозии  пойтахт лоиҳаи ангоравии боғи мазкурро аз рӯи технологияи  муосир ва бо назардошти фикру мулоҳизаҳои мутахассисони аврупоӣ таҳия намудааст.

Мавзеи  ҷудогардида   барои ташкили ҳама гуна имконияти нигоҳдорӣ, аз ҷумла ҷойгиронии ҳайвонот,  парандаҳо ва хазандаҳо мувофиқ буда, инчунин фароҳам овардани  шароити озоди гашту гузори  ҷонварон, ки талаботи замони муосир мебошад,  ба назар гирифта шудааст.


Вакти нашр: 2021-04-21 13:03:11    Хонданд: 92    Муфассал...

Пешвои миллат Эмомалӣ Раҳмон ба якчанд қонунҳо имзо гузоштанд

Санаи 20 апрели соли ҷорӣ Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба якчанд қонунҳо, аз ҷумла қонунҳо “Дар бораи мақомоти адлияи Ҷумҳурии Тоҷикистон”, “Дар бораи Академияи миллии илмҳои Тоҷикистон”, оид ба ворид намудани тағйиру иловаҳо ба Қонуни конститутсионии Ҷумҳурии Тоҷикистон “Дар бораи судҳои Ҷумҳурии Тоҷикистон”, ба қонунҳо “Дар бораи воситаҳои нашъадор, моддаҳои психотропӣ ва прекурсорҳо”, “Дар бораи ниҳолпарварӣ”, кодексҳои ҷиноятӣ ва мурофиавии ҷиноятии Ҷумҳурии Тоҷикистон имзо гузоштанд.

Қонунҳои Ҷумҳурии Тоҷикистон “Дар бораи мақомоти адлияи Ҷумҳурии Тоҷикистон” ва “Дар бораи Академияи миллии илмҳои Тоҷикистон” қонунҳои мукаммал буда, асосҳои ташкиливу ҳуқуқӣ ва самтҳои фаъолияти онҳоро танзим менамоянд.

Тағйиру иловаҳои воридгардида ба Қонуни конститутсионии Ҷумҳурии Тоҷикистон “Дар бораи судҳои Ҷумҳурии Тоҷикистон”, кодексҳои ҷиноятӣ ва мурофиавии ҷиноятии Ҷумҳурии Тоҷикистон ба такмили сохтори мақомоти судӣ, беҳдошти фаъолияти он, ҳимояи ҳуқуқу озодиҳои иштирокчиёни мурофиа ва паҳлуҳои дигари соҳа нигаронида шудаанд.

Қонунҳои баимзорасида ба ҳифзи ҳамаҷонибаи ҳуқуқу озодиҳои инсон, таъмини амнияти давлату ҷамъият, пешгирии ҳуқуқвайронкуниҳо, рушди соҳаи илм ва беҳдошти зиндагии мардум равона шудаанд.

Қонунҳо дар матбуот нашр мегарданд.


Вакти нашр: 2021-04-21 13:06:40    Хонданд: 87    Муфассал...

ТАЪСИРИ АМАЛИ ҚОНУНИ ҶУМҲУРИИ ТОҶИКИСТОН “ДАР БОРАИ МАСЪУЛИЯТИ ПАДАРУ МОДАР ДАР ТАЪЛИМУ ТАРБИЯИ ФАРЗАНД” БА АХЛОҚИ ҶОМЕА

Башарият дар тӯли таърих давраҳои гуногуни сохтори ҷамъиятиро аз сар гузаронидааст. Дар давраҳои гуногуни таърихӣ вобаста ба дидгоҳ, ҷаҳонбинӣ ва пешрафти ҷомеа муносибатҳои ҷамъиятӣ бо қонуну қоидаҳои муайян танзим карда мешуданд. Ва ин ҳамчун пайвандгари робитаи таҷрибаи инсонҳо, шаклҳои гуногуни шуури ҷамъиятиро, ки аз насл ба насл гузаштааст, идора менамояд.

Фарзанд ҳамчун идомадиҳандаи насли калонсол барои падару модар азиз мансуб меёбад. Бо назардошти ибораи фарзанд азиз, вале одоби ӯ азизтар, таълиму тарбияи фарзанд дар осори гузаштагони мо мавқеи хосса дорад. Мардуми соҳибтамаддуни мо ба таълиму тарбияи фарзанд аҳамияти махсус зоҳир намуда, барои дар рӯҳияи ватандӯстиву хештаншиносӣ, донишандӯзиву маърифатнокӣ, ҷавонмардиву ахлоқи ҳамида ва нангу номус ба воя расонидани он пайваста талош меварзанд. Маҳз таҳкими арзишҳои оиладоӣ, тарбияи насли солиму соҳибмаърифат ва дорои ахлоқи ҳамида кафили рушду нумӯи ҷомеа, мустаҳкамии қудрати мамлакат ва побарҷойии арзишҳои миллӣ ба шумор меравад.

Тарбия ин ташаккули шахсияти комил дар ҷомеа мебошад. Аз ин рӯ, он ба маънои васеъ ҳамчун зуҳуроти ҷамъиятї, чун воситаи таъсири ҷамъият ба шахс фаҳмида мешавад. Тарбиятгарро лозим аст, раванди тарбияро тибқи талаботи ҷомеа ба роҳ монад. Албатта муҳити оила ва ҷомеа ба таълиму тарбияи фарзанд таъсир мерасонад. Дар муҳити равонии мусоид фарзандон руҳан ва ҷисман солим ба воя мерасанд. Дар тарбияи дурусти насли наврас оғоз аз оила, мактаб, давлат, ҷомеаи шаҳрвандӣ нақшгузор ва манфиатдор аст.

Мутаассифона, имрӯз баъзе падару модарон барои ба таълиму тарбия дуруст фаро гирифтани фарзандон фориғболӣ намуда, нисбати ҳаёту зиндагии онҳо беаҳамиятӣ зоҳир мекунанд. Ҳамин сабаб буд, ки дар ҷомеаи навини мо чанд сол қабл амалҳои номатлуби ҳуқуқвайронкунию ҷиноятӣ бештар аз ҷониби наврасону ҷавонон ба чашм мерасид. Барои аз миён бардоштани мушкилиҳои дар ин самт ҷойдошта, садди роҳи ин падидаи номатлубро гирифтан, инчунин ҷавонону наврасонро дар рӯҳияи ватандӯстию ватанпарастӣ тарбият намудан ва ба хотири боз ҳам баланд бардоштани масъулияти падару модар дар таълиму тарбияи фарзанд роҳбарияти давлату Ҳукуматро лозим омад, то ки Қонуни муайянро батавсиб расонад. Ҷиҳати тарбияи фарзандон дар руҳияи худшиносиву худогоҳӣ, ватандӯстиву ватанпарастӣ, эҳтироми арзишҳои милливу умумибашарӣ, риояи меъёрҳои одобу ахлоқи ҳамида, омода намудани фарзандон ба ҳаёти мустақилона ва ба роҳи рост ҳидоят намудани онҳо дар кишвар Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» қабул гардидааст. Ин Қонун барои беҳдошти ҳаёти кӯдакон, коҳиши сатҳи ҷинояткорӣ дар миёни онҳо замина гузошта, масъулияти падару модарро дар таълиму тарбияи фарзанд боз ҳам зиёдтар мегардонад.

Донишмандон бар он назаранд, ки бояд волидону омӯзгорон, ки дар таълиму тарбияи фарзандон бештар масъул ҳастанд, пеш аз ҳама бояд ба тарбияи ақлонӣ ва инкишофи зеҳнии онҳо аҳамияти махсус зоҳир намоянд. Мазмуни асосии лоиҳаи қонунро уҳдадориҳои падару модар дар таълиму тарбияи фарзанд ташкил медиҳад ва ин уҳдадориҳо аз он иборат мебошанд, ки падару модар ва омӯзгорон бояд тамоми донишу малакаи худро барои тарбияи дурусти фарзандон равона намоянд, тамоми восита ва шароитро муҳайё созанд, то ки фарзандон бештар ба донишандӯзӣ ва азхудкунии касбу ҳунар машғул шаванд.

Оила, ки дар заминаи муносибатҳои никоҳии байни марду зан ба миён меояд, ҳамчун зуҳуроти мураккаби иҷтимоӣ, фарҳангӣ ва ҳуқуқӣ унсури зарурии ташаккули ҷомеа маҳсуб меёбад. Падару модар вазифадоранд, ки тибқи арзишҳои миллӣ ба фарзандони худ номи нек гузоранд, барои саломатӣ, инкишофи ҷисмонӣ, маънавӣ ва ахлоқии онҳо ғамхорӣ намоянд ва фарзандро дар рӯҳияи эҳтиром ба Ватан, эҳтироми падару модар ва риояи арзишҳои милливу умумибашарӣ тарбия намуда, барои онҳо шароити хуби таълиму тадрисро фароҳам оваранд. Чунки дар ҳама давру замон илмомӯзию маърифатпарварӣ аз омилҳои тақдирсози миллату давлат ба шумор рафта, омили асосии пешгирии ҳамагуна ушкилот мансуб меёбад.

Омӯзгорон, мақомоти давлатӣ, муассиса ва дигар ташкилотҳое, ки масъалаҳои вобаста ба таълиму тарбияи кӯдакро танзим мекунанд уҳдадоранд, ки оид ба пешгирии ҳуқуқвайронкуниҳо аз тарафи кӯдакон тадбирҳо андешанд” - ин меъёр аз Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» бар меояд. Қонуни мазкур аз соли ба тавсиб расиданаш то ҳол натиҷаҳои назарраси пешгиркунандаи ҳуқуқвайронкунии кӯдакону наврасонро нишон додаст. Аз ҷумла, дар ҷомеаи имрӯзаи кишвар сатҳи оворагардию ҳуқуқвайронкунӣ ва содир гардидани ҷиноят аз ҷониби ҷавонону наврасон нисбат ба солҳои гузашта хеле паст шуда, падару модарон низ барои ба таълиму тарбия фаро гирифтани фарзандон тамоми чораҳои заруриро андешида, шароити хуби маърифатнок намудани онҳоро ба роҳ монда истодаанд. Аммо бо вуҷуди ин, барои боз ҳам коҳиш додани сатҳи ҷинояткорӣ дар миёни насли ҷавони ҷомеа ва ба ҳаёти осудаву арзанда роҳнамоӣ кардани онҳо аз мақомоти дахлдор ва пеш аз ҳама аз падару модар масъулияти бештар тақозо мегардад.

Бар асоси омори расмии мақомоти интизомӣ дар соли 2020 барои риоя накардани талаботи ин Қонун нисбати волидон ва масъулини муассисаҳои таълимӣ дар кишвар 13 ҳазор парвандаҳои ҳуқуқвайронкунии маъмурӣ тартиб дода шудааст.

Дар ин росто, волидайн вазифадоранд, ки инкишофи қобилияти фарзандонро фароҳам оварда, шаъну шарафи инсонии онҳоро эҳтиром намуда, ба муомилаи бераҳмона нисбат ба онҳо роҳ надиҳанд, бо муассисаҳои таълимӣ ҳамкорӣ намоянду пайваста аз ҷараёни донишандӯзии фарзандони худ бохабар бошанд.

Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» на танҳо падару модарро барои таълиму тарбияи фарзанд масъул менамояд, инчунин ба фарзандони болиғу қобили меҳнат вазифаҳои махсусро вогузор карда аст. Бар асоси Қонуни мазкур: “Фарзандони болиғу қобили меҳнат вазифадор карда шуданд, ки падару модари худро нигоҳубин намуда, онҳоро аз ҷиҳати моддӣ ва маънавӣ дастгирӣ намоянд”. Дар ҳолати иҷро накардани уҳдадориҳои мазкур фарзанди болиғу қобили меҳнат бо тартиби муқаррарнамудаи қонунгузории Ҷумҳурии Тоҷикистон ба ҷавобгарӣ кашида мешавад.

Қабили кайд аст, ки эҷоди Қонуни мазкур баёнгари таваҷҷуҳи хоссаи миллати тоҷик дар самти таълиму тарбия буда, арзишмандтарин омиле, ки бақову устувории миллатро кафолат медиҳад, тарбияи насли наврас ва ташаккули эҳсоси худшиносиву худогоҳии онҳо мансуб ёфта, ҷиҳати амалӣ намудани сиёсати Ҳукумати Ҷумҳурии Тоҷикистон, баҳри рушду устувории оилаҳо, ҳифзи манфиатҳои насли наврас ва умуман, бунёди ҷомеаи шаҳрвандию баланд бардоштани маърифати ҳуқуқӣ равона гардидааст.

Ин Қонун рисолати таърихию аҷдодии моро дар самти тарбияи дурусти фарзанд ва эҳтироми падару модар қавитар менамояд.

 

ҒАФУРОВА ҶАМИЛА

АЪЗОИ ГУРӮҲИ ВАКИЛИИ ҲХДТ ДАР МАҶЛИСИ ВАКИЛОНИ ХАЛҚИ НОҲИЯИ ФИРДАВСИИ ШАҲРИ ДУШАНБЕ


Вакти нашр: 2021-04-21 13:13:00    Хонданд: 82    Муфассал...

ҶАМЪБАСТИ ФАЪОЛИЯТИ СЕМОҲАИ ЯКУМИ ТАШКИЛОТИ ИБТИДОИИ “НАЗОРАТИ НАҚЛИЁТ” ДАР СОЛИ 2021

Имрӯз дар асосии дастуру супоришҳои Дастгоҳи Кумитаи Иҷроияи Марказии Ҳизби Халқии Демократии Тоҷикистон, барқияи электронии Кумитаи иҷроияи ҲХДТ дар шаҳри Душанбе аз 16 марти соли 2021 ва нақшаи кории Кумитаи иҷроияи ҲХДТ дар ноҳияи Синои шаҳри Душанбе дар ташкилоти ибтидоии “Назорати нақлиёт” бо иштироки Файзуллозода З.Ф. – раиси Кумитаи иҷроияи ҲХДТ дар ноҳияи Синои шаҳри Душанбе ва Ганҷалзода Ш.Р. - раиси ташкилоти ибтидоии “Назорати нақлиёт” Маҷлиси ҷамъбастии семоҳаи якуми соли 2021 баргузор гардид.

Дар Маҷлиси умумӣ масъалаҳои таҳлили муқоисакунии аъзои ҳизб, таҳлили шумораи аъзои ҳизб, ҳаракати аъзо, қабул ва хориҷи аъзои ҳизб, пардохти саривақтии ҳаққи узвият, инчунин ҷиҳати дар сатҳи баланд истиқбол намудани ҷашни 30- солагии Истиқлолияти давлатии Ҷумҳурии Тоҷикистон мавриди баррасӣ қарор гирифт.

 


Вакти нашр: 2021-04-21 13:19:42    Хонданд: 107    Муфассал...

“30-СОЛАГИИ ИСТИҚЛОЛИЯТ ” ТАЪСИС ЁФТ

Санаи 20–уми апрели соли ҷорӣ дар КВД “Оид ба ташкили фуруши амволи давлатӣ” маҷлиси масъулини Ҳизби Халқи Демократии Тоҷикистон доир гардид. Дар маҷлиси мазкур Наҳтуллозода Давлатмурод – Директори КВД “Оид ба ташкили фуруши амволи давлатӣ”, Сайдализода Шоира мудири шуъбаи ташкили ва кор бо кадрҳои Кумитаи иҷроияи ҲХДТ дар ноҳияи Исмоили Сомонӣ, Амонов Хайём– мудири шуъбаи таблиғот ва иттилооти Кумитаи иҷроияи ҳизбии ноҳия ва кормандони корхона иштирок намуданд. Нахуст Наҳтуллозода Давлатмурод – Директори КВД “Оид ба ташкили фуруши амволи давлатӣ” маҷлисро ифтитоҳ намуда, меҳмононро ба ҳозирин муаррифӣ кард. Ҳамчунин тибқи рӯзномаи маҷлис 8-нафар кормандони КВД “Оид ба ташкили фуруши амволи давлатӣ”, ки мавқеи сиёсии худро дар ҷомеа муайян намуда, ба аъзогии ҲХДТ дохил шуданд, ташкилоти ибтидоии ҳизбӣ таъсис дода шуд. Бо ҷонибдории ҳамаи аъзоёни ҳизбии ташкилот номи ташкилот “30-солагии Истиқлолият” номгузорӣ карда шуда, Наҳтуллозода Давлатмурод раиси ташкилоти ибтидоии ҳизбии “30-солагии Истиқлолият” интихоб карда шуд. Ҳамчунин барои пеш бурдани корҳои таблиғотӣ- сиёсӣ бо дастгирӣ ва овоздиҳии аъзоёни ҳизб ва раиси ташкилоти ибтидоии ҳизбии “30-солагии Истиқлолият”, Каримзода Маҳмадшариф котиби раиси ташкилоти ибтидоӣ интихоб карда шуд. Сипас Амонов Хайём– мудири шуъбаи таблиғот ва иттилооти Кумитаи иҷроияи Ҳизби Халқии Демократии Тоҷикистон дар ноҳияи Исмоили Сомонӣ аз ҳадафҳои барномавии ҲХДТ ёдовар шуда, иброз дошт, ки ҲХДТ зодаи даврони соҳибистиқлолии кишвар мебошад.

 Маҳз истиқлолияти сиёсии мамлакат буд, ки мардуми сарбаланди тоҷик ба дастовардҳои зиёде дар ҳамаи соҳаҳо комёб гардиданд. Раиси тозаинтихоб Наҳтуллозода Давлатмурод дар назди аъзоёни ҳизб бо ҳисси баланди масъулият аз ҷонибдорӣ ба Ҳизби Халқии Демократии Тоҷикистон ва дастгирӣ намудани сиёсати пешгирифтаи давлату ҳукумат суханронӣ намуда, ҳамагонро бовар кунонид, ки бо дасту дили гарм баҳри боз ҳам пешрафти корҳои сиёсӣ–таблиғотии ҲХДТ содиқона хизмат хоҳад кард.

Дар фарҷоми маҷлис ба кормадони аъзогашта шаҳодатномаи ҳизбӣ супорида шуд.

 


Вакти нашр: 2021-04-21 13:43:37    Хонданд: 54    Муфассал...

МАҶЛИСИ ҲИСОБОТӢ ДАР ТАШКИЛОТИ ИБТИДОИИ «БУНЁДИ ОИЛА»

Маҷлиси ҳисоботӣ семоҳаи аввали соли ҷорӣ оид натиҷагирӣ аз фаъолияти ташкилоти ибтидоии "Бунёди оила" дар соли 2021 баргузор гардид.

Нахуст муовини раиси ташкилоти ибтидоӣ Мирзоева Саодат ҳисобот дода, оид ба фаъолияти сиёсии ҳизбӣ дар соли 2021 тазаккур дод, ки аъзо ва ҷонибдорони ҲХДТ дар ташкилоти ибтидоӣ дар соли сипаригардида дар чорабиниҳои сиёсӣ ва фарҳангӣ иштирок намуданд. Инчунин, бобати пешгирии пошхӯрии оилаҳои ҷавон, ташаккули тарзи ҳаёти солим миёни ҷавонон вохӯриҳои судманд анҷом доданд.

Сипас намоядаи Кумитаи иҷроияи ҲХДТ дар ноҳияи Шоҳмансур суханронӣ намуда, барои боз ҳам хубтару беҳтар намудани корҳо миёни ҷомеа маслиҳатҳои муфид доданда, барои созовор таҷлил намудани 30-солагии Истиқлолияти давлатии Ҷумҳурии Тоҷикистон даъват намуданд, ки бо иқдомҳои созандаи худ саҳмгузор бошем.

 


Вакти нашр: 2021-04-21 13:54:54    Хонданд: 110    Муфассал...

НАТИҶАГИРӢ АЗ ФАЪОЛИЯТИ ТАКШИЛОТИ ИБТИДОИИ "ФАРҲАНГ" ДАР ДАВАРИ СЕМОҲАИ АВВАЛИ СОЛИ 2021

Дар асоси талаботи Оинномаи ҳизб ва дастури Кумитаи иҷроияи Ҳизби Халқии Демократии Тоҷикистон дар шаҳри Душанбе дар ташкилоти ибтидоии "Фарҳанг" Маҷлиси ҳизбӣ баргузор гардид, ки дар он Раиси Кумитаи иҷроияи ҲХДТ дар ноҳияи Фирдавсӣ - Абдураҳим Шоҳиён иштирок ва суханронӣ намуд.

Дар Маҷлис ҳисоботи ташкилоти ибтидоӣ шунида, оид ба Паёми Пешвои миллат ба Маҷлиси Олӣ, муқоисакунии аъзои ҳизб дар ташкилот ва риояи талабот Оиннома ва низомноаҳои ҳизбӣ корҳои фаҳмондадиҳӣ гузаронида шуда, барои созовор таҷлил намудани 30-солагии Истиқлолияти давлатии Ҷумҳурии Тоҷикистон даъват карда шуд, ки бо иқдомҳои созандаи худ саҳмгузор бошем.

Дар охир ба як қатор кормандоне, ки ба сафи ҳизб дохил шудаанд, шаҳодатномаи ҳизбӣ супорида шуд.


Вакти нашр: 2021-04-21 14:07:12    Хонданд: 95    Муфассал...

ҶАМЪБАСТИ ФАЪОЛИЯТИ СЕМОҲАИ ЯКУМИ ТАШКИЛОТИ ИБТИДОИИ “НУРИ ПЕШВО” ДАР СОЛИ 2021

Имрӯз дар асосии дастуру супоришҳои Дастгоҳи Кумитаи Иҷроияи Марказии Ҳизби Халқии Демократии Тоҷикистон, барқияи электронии Кумитаи иҷроияи ҲХДТ дар шаҳри Душанбе аз 16 марти соли 2021 ва нақшаи кории Кумитаи иҷроияи ҲХДТ дар ноҳияи Синои шаҳри Душанбе дар ташкилоти ибтидоии “Нури Пешво” бо иштироки Файзуллозода З.Ф. – раиси Кумитаи иҷроияи ҲХДТ дар ноҳияи Синои шаҳри Душанбе ва Зувайдуллозода М.Ҳ - раиси ташкилоти ибтидоии “Нури Пешво” Маҷлиси ҷамъбастии семоҳаи якуми соли 2021 баргузор гардид.

Дар Маҷлиси умумӣ масъалаҳои таҳлили муқоисакунии аъзои ҳизб, таҳлили шумораи аъзои ҳизб, ҳаракати аъзо, қабул ва хориҷи аъзои ҳизб, пардохти саривақтии ҳаққи узвият мавриди баррасӣ қарор гирифт.

Ҳамзамон, оид ба Паёми Пешвои миллат ба Маҷлиси Олӣ, риояи талабот Оиннома ва низомноаҳои ҳизбӣ корҳои фаҳмондадиҳӣ гузаронида шуда, барои созовор таҷлил намудани 30-солагии Истиқлолияти давлатии Ҷумҳурии Тоҷикистон даъват карда шуд, ки бо иқдомҳои созандаи худ саҳмгузор бошем.

 

 


Вакти нашр: 2021-04-21 14:33:43    Хонданд: 105    Муфассал...

МАҶЛИСИ ҲИЗБӢ ДАР ТАШКИЛОТИ ИБТИДОИИ “ДАНДОНПИЗИШКИ КӮДАКОНА”

Дар ташкилоти ибтидоии “Дандонпизишки кӯдакона” бо иштироки Раиси Кумитаи иҷроияи ҲХДТ дар ноҳияи Шоҳмансур Гулаҳмадзода Зулфиқор Аҳмад маҷлиси ҳизбӣ доир гардид.

Нахуст ҳисоботи раиси ташкилот дар давраи фаъолияти семоҳаи аввали соли равон шунида шуд.

Сипас Гулаҳмадзода Зулфиқор вобаста ба тарғиби тарзи ҳаёти солим, ҳимояи солимии миллат, ҳафзи генофонди миллӣ, пешгирӣ аз падидаҳои номатлуб дар ҷомеа, ҳифзи арзишҳои миллӣ, Истиқлолияти давлатӣ, пешбинӣ ва таҳлили равандҳои гуногуни глобализатсия дар шароити мураккаб гаштани авзои сиёсӣ ва иқтисодии ҷаҳон, тарбияи ватанпарастии ҷавонон, равнақ додани бунёдкориҳо ва омодагӣ ба истиқболи сазовори 30-солагии Истиқлолияти давлатӣ, тақвият бахшидани фаъолияти ҳизбӣ дар ташкилот ва дигар масоили дохилиҳизбӣ суханронӣ намуданд.

 


Вакти нашр: 2021-04-21 16:36:00    Хонданд: 99    Муфассал...

ИЛМ - ФУРУҒИ МАЪРИФАТ

Дар Кумитаи иҷроияи ибтидоии “Муҳандис”-и Донишгоҳи техникии Тоҷикистон ба номи академик М. Осимӣ бо иштироки Раиси Кумитаи иҷроияи ҲХДТ дар ноҳияи Шоҳмансур Гулаҳмадзода Зулфиқор даври якуми озмуни “Илм-фурӯғи маърифат” дар номинатсияи ихтироъкорӣ ва навоварӣ дар доираи амалисозии “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф” баргузор гардид.

Гулаҳмадзода Зулфиқор зимни суханронии худ афзуд, ки бобати рушди тафаккури техникии насли ҷавон, тарбияи ватанпарастии онҳо, баланд бардоштани сатҳи донишу малакаи касбии мутахассисони ҷавон Пешвои миллат муҳтарам Эмомалӣ Раҳмон пайваста тадбирҳо ва ибтикороти наҷибу созандаро руйи кор меорад. Дар доираи ибтикороти навбатии Пешвои миллат ихтироъкорони ҷавони Ватан бо истифода аз фазои босуботи ваҳдати миллӣ ба дастовардҳои нави илмиву техникӣ мушарраф мегарданд.

Дар намоиш донишҷӯёну ихтироъкорон дастоварду ихтирооти худро ба маърази намоиш гузорштанд.


Вакти нашр: 2021-04-22 07:44:00    Хонданд: 49    Муфассал...

МАҶЛИСИ ҲИСОБОТИИ СЕМОҲАИ АВВАЛИ СОЛИ 2021 ДАР ТАШКИЛОТИ ИБТИДОИИ “ҚОНУНГУЗОР”

Бо садо додани Суруди миллии Ҷумҳурии Тоҷикистон маҷлиси ҳисоботии ташкилоти ибтидоии “Қонунгузор” ифтитоҳ гардид.

Дар кори маҷлис Амонулозода Ҳамрохон - муовини Раиси Кумитаи иҷроияи ҲХДТ дар ноҳияи Шоҳмансур иштирок ва суханронӣ намуданд.

Нахуст ҳисоботи раиси ташкилоти ибтидоии “Қонунгузор” Саидзода Иззатулло шунида шуда, музокирачиён бо ҳамовозии аъзоёни ҳизб ҳисоботро қаноатбахш арзёбӣ намуданд.

Ҳамзамон, тибқи рӯзномаи маҷлис Амонулозода Ҳамрохон - муовини Раиси Кумитаи иҷроияи ҲХДТ дар ноҳияи Шоҳмансур роҷеъ ба дастгирии сиёсати давлату Ҳукумати мамлакат суханронӣ намуда, афзуд, ки Раиси муаззами ҲХДТ дар сиёсати худ қонунгузориро дар ҷойи аввал гузошта, тадбирҳои судмандро мунтазам амалӣ менамояд.


Вакти нашр: 2021-04-22 07:59:55    Хонданд: 113    Муфассал...

ОҒОЗИ КОНФЕРЕНСИЯИ ҶУМҲУРИЯВИИ ИЛМӢ-НАЗАРИЯВӢ ДАР АКАДЕМИЯИ ИДОРАКУНИИ ДАВЛАТӢ

Санаи 21 апрели соли 2021 дар Академияи идоракунии давлатии назди Президенти Ҷумҳурии Тоҷикистон конференсияи ҷумҳуриявии апрелии илмӣ-назариявӣ таҳти унвони “Таҳкими давлатдории миллии Тоҷикистон дар даврони соҳибистиқлолӣ” бахшида ба 30-солагии Истиқлоли давлатӣ баргузор гардида, то рӯзи 24 апрели соли ҷорӣ идома меёбад.

Кори конференсияро Ректори Академияи идоракунии давлатии назди Президенти Ҷумҳурии Тоҷикистон доктори илмҳои ҳуқуқшиносӣ, профессор Ғафурзода Абдухалил Давлаталӣ ифтитоҳ намуда, қайд намуд, ки мардуми шарифи Тоҷикистон имсол 30-солагии Истиқлоли давлатиро бо эҳсоси баланди миллӣ таҷлил менамояд. Дар давоми солҳои соҳибистиқлолӣ Ҷумҳурии Тоҷикистон таҳти роҳбарии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба дастовардҳои беназир ноил гардид. Тӯли солҳои соҳибистиқлолӣ ҳадафҳои стратегии Ҳукумати Ҷумҳурии Тоҷикистон татбиқ ёфта, сатҳи камбизоати дар кишвар ба тадриҷ коҳиш ёфт.

Сипас, дар кори конференсия Азизӣ Абдуҷаббор Абдуқаҳор, муовини якуми раиси Ҳизби Халқии Демократии Тоҷикистон иштирок ва баромади пурмуҳтаво намуданд.

Ҳамчунин, дар кори конференсия Абдураҳмон Хонов, роҳбари Дастгоҳи Кумитаи иҷроияи Марказӣ Ҳизби Халқии Демократии Тоҷикистон ва Мирзозода Иброҳим Холмурод - Раиси Кумитаи иҷроияи Ҳизби Халқии Демократии Тоҷикистон дар шаҳри Душанбе иштирок намуданд.

Дар ҷараёни кори конференсия олимону муҳаққиқони Академия, аз ҷумла Бобоев Олимҷон – доктори илмҳои иқтисодӣ, профессори кафедраи идораи давлатӣ ва иқтисоди миллӣ дар мавзўи “Нақши Пешвои миллат дар созмонёбии зербинои ҷомеаи тоҷик”, Ғоибназарзода Саид Муҳаммадназар – номазади илмҳои иқтисодӣ, дотсент, директори Пажӯҳишгоҳи идоракунии давлатӣ ва хизмати давлатӣ дар мавзўи “Моҳияти иқтисодии стратегияи миллии рушди Ҷумҳурии Тоҷикистон барои давраи то соли 2030”, Сайдаҳмадзода Дилором – номазади илмҳои педагогӣ, директори Маркази омӯзиши “Мактаби давлатдории Эмомалӣ Раҳмон” дар мавзӯи “Нақши низоми давлатӣ дар раванди рушди тарбияи маърифати экологии ҷомеа”, Соибов Зайниддин Маҳмадшарифович – номзади илмҳои ҳуқуқшиносӣ, дотсент декани факултети идоракунии давлатӣ дар мавзўи “Мақсад ва вазифаҳои идоракунии давлатии фаъолияти гумрукӣ дар шароити Тоҷикистони соҳибистиқлол”, Қодирзода Далер Сайфулло – номзади илмҳои ҳуқуқшиносӣ, дотсент, декани факултети дипломатия ва сиёсат дар мавзўи “Таъсири коррупсия ба раванди идоракунии давлатӣ дар шароити муосир” ва Исматуллозода Фаридун Исматулло – сардори шуъбаи магистратура дар мавзӯи “Масоили таҳсили хизматчиёни давлатии Ҷумҳурии Тоҷикистон ва самтҳои асосии такмили он” баромад намуданд.

Бояд тазаккур дод, ки дар конференсия олимон, муҳаққиқони пажӯҳишгоҳҳои илмӣ-таҳқиқотӣ, муассисаҳои таҳсилоти олии касбии дохили кишвар, ҳамзамон аз мақомот ва идораҳои давлатии Ҷумҳурии Тоҷикистон иштирок менамоянд.

Кори конференсия санаҳои 21 - 24 апрел дар бахшҳо идома меёбад.


Вакти нашр: 2021-04-22 08:19:23    Хонданд: 133    Муфассал...

Шароф Рашидов: «Мирзо Турсунзода танҳо Мирзои тоҷикон не, балки Мирзои мо, ӯзбекон низ ҳаст»

Тоҷикистон ва Ӯзбекистон аз қадим бо ҳам робитаҳои устувори ҳамҷаворӣ дошта,  бо шарофати сиёсати хирадмандонаи Сарварони давлатҳо имрӯз ин равобит густариши тоза касб намудааст. Мардуми тоҷику ӯзбекро суннатҳои бисёрасраи дӯстӣ, ҳамсоягии нек ва эҳтироми якдигар муттаҳид месозанд. Дӯстии онҳо аз давраҳои қадим сарчашма мегирад.

Яке аз шахсиятҳое, ки ба дӯстӣ арҷ мегузошту бо адибони миллати ӯзбек дӯстии ногусастанӣ дошт, Шоири халқии Тоҷикистон Мирзо Турсунзода мебошад. Имсол дар сарзамини тоҷикон 110-солагии зодрӯзи ин шоири ватансаро, Қаҳрамони Тоҷикистон Мирзо Турсунзода таҷлил мешавад.

Вақте ки сухан дар бораи дӯстии халқҳои тоҷику ӯзбек меравад, бамаврид аст, ки аз дӯстии  арбоби шинохтаи Ӯзбекистон, адиби забардасти ӯзбек Шароф Рашидов ва Шоири халқии Тоҷикистон, Қаҳрамони Тоҷикистон Мирзо Турсунзода   ёдовар шавем.

Дар зер  «Дӯсти мо, бародари мо» ном  мақолаи собиқ котиби якуми КМ ҳизби коммунисти  Ӯзбекистон, адиби маъруфи ӯзбек Шароф Рашидовро, ки ба сифати сарсухан дар китоби Мирзо Турсунзода бо номи «Оташ посбони» (соли 1981 ба забони ӯзбекӣ) чоп шудааст,  дар тарҷумаи узви Иттифоқи нависандагони Тоҷикистон Сулаймон ЭРМАТОВ  манзури хонандагон  менамоем.

«Решаҳои  дӯстии халқҳои  тоҷику ӯзбек ба қаъри асрҳо рафта мерасанд. Дар ин бора андеша кунем, фавран дӯстии  ду шахси  бузург –Алишери Навоӣ ва Абдураҳмони  Ҷомӣ ба ёд меояд.  Образнок карда гӯем, ин ду инсони муътабар ду боли азими дӯстии халқамон ва фарҳангамон ба ҳисоб мераванд. Дӯстии мо бо ёрии  ана ҳамин болҳои бузург  ва хастанашаванда асрҳо боз дар қуллаҳои баланд парвоз мекунад.  Ин симоҳои азими рӯҳияти тафаккури инсоният ба ҷангу мубоҳисаҳо  қудрати  бародарӣ, сулҳ, дӯстӣ ва ҳамкориро зид гузошта, барои бахту саодат бо матонати  якҷоя мубориза бурданро ҳадаф қарор додаанд…

Ҳар як давр ташбеҳи шоиронаи худро тақозо мекунад. Вале ҳумои муқаддаси дӯстии халқҳои тоҷику ӯзбек  парвози баланди худро давом дода, намунаҳои эҷоди амиқи халқҳои бо якдигар наздик, азиз ва  муътабарро дар замони нав муҷассам  намуда, онро тараннум карда истодааст. Худро болу пари тиллоии мурғи бахт эҳсос намудан барои ҳар шоир саодати бузург аст. Ва бо боварии калон гуфтан мумкин аст, ки дӯсти азизам –Мирзо Турсунзода, ки  ҳоло ман таърифаш дорам,  шоҳпари зебо ва ноёби  ана ҳамин мурғи бахт мебошад.

Калимаи «пар»  ду маъно дорад: маънои якумаш – қалам. Вақте ки дар бораи қалами нависанда сухан меравад, боварии комил дорам, ҳар гавҳаре,  ки аз қалами  Мирзо Турсунзода  чакидааст,  дар хазинаи фарҳанги халқамон ҷои намоёнро ишғол мекунад. Шеърияти дилбаронаи шоири бозаковат ва соҳибдил аз сарҳадҳои кишвараш гузашта, ба мамлакатҳои дуру наздик парвоз кард. Орому осуда ва бародарона зистани халқҳои сайёраро  чун гавҳараки чашм нигоҳ доштан болу пари пӯлодии эътиқоди шоир буд. Ӯ халқҳои ҷаҳонро барои бар зидди империализм ва нажодпарастӣ мубориза бурдан ба якдилӣ ва  муттаҳидӣ даъват намуд. Мирзо Турсунзода давоми қариб ним аср дар ҷодаи адабиёти советӣ ҳамчун шоир, драматург ва публисист содиқона, монда нашуда хизмат кард. Истеъдоди бисёрпаҳлӯи худододи худро ба халқ, Ватан, ҷамъият ва миллат пурра сафарбар намуд.

Шиносоии мо аз соли 1949 оғоз ёфт. Он вақтҳо ҳардуи мо ба ҳайати Иттифоқи нависандагони ҷумҳуриямон раисӣ мекардем. Мирзо Турсунзода  дар вохӯрии  нахустин дар дили ман таассуроти самимӣ ва амиқ гузошт. Арбоби боғайрат ва фаъол, доираи фикру мулоҳизаҳояш васеъ, санъаткори асил будани ӯ аз нигоҳи тез ва  суханҳои буррою ширадораш  маълум шуда меистод. Ман дар бораи Мирзо Турсунзода пеш аз шинос шудан низ бисёр суханҳои нағз шунида, асарҳояшро бо завқ мутолиа карда будам. Мисраъҳои пурҳаяҷон ва таъсирбахши  ӯро, ки  ба ҷанговарони тоҷик бахшида  буд ва   онҳоро бар зидди фашистон  чӣ тавр рӯҳбаланд месохт, дар ёд дорам. Шеърҳои пурмазмун ва нафиси шоир, ки аз онҳо ҳарорати гражданӣ баръало ҳис карда мешуд,  дар дил ҳиссиёти ватандӯстиро ба ҷунбиш меоварданд, фикрҳои пурмағзи  шоир  шахсро дар ҳайрат мегузоштанд. Баъди  шахсан бо шоир вохӯрдан ҳамаи навиштаҳои ӯро аз нав  хонда баромадам. Бисёр шеърҳояшро, ки  бо маҳорати калон, ҳиссиёти  баланд  навишта шуда буданд, такрор ба такрор мутолиа  мекардам.

Соли 1957 дар Тошканд  барои даъват намудани Конференсияи якуми  нависандагони  Осиё ва Африқо  кумитаи ташкилӣ таъсис ёфт, ки камина раис, Мирзо Турсунзода аъзои фаъолтарини ин кумита будем. Алоқаи эҷодӣ ва муносибатҳои шахсии Мирзо Турсунзода бо нависандагони тараққипарвари Осиё ва Африқо кори моро аз ҳар ҷиҳат осон гардонд. Зеро  Мирзо Турсунзода аллакай бо асарҳои «Ман аз Шарқи озод», «Садои Осиё» ва достони «Ҳасани аробакаш» дар Шарқ маълум ва машҳур буд.  Масалан «Ман аз Шарқи озод» ном силсилашеърҳояш, ки дар принсипи  қиёс намудани кӯҳнаву нав навишта шуда буд, дар бораи ҷамъиятро аз нав сохтану  роҳҳои мубориза бурдан барои   бахту саодати халқро ба ҳама фаҳмо  нақл мекунад. Мирзо Турсунзода бо ин асарҳои худ дар пеши чашми хонандаҳо  фақат шоири моҳири лирик не,  балки публисисти оташинсухан ва шоири муборизи сулҳ ва адолат низ намоён гашта буд.

Дар сафари якҷоя ба мамлакатҳои Осиё ва Африқо ошиқони  шеърият чӣ тавр Мирзо Турсунзодаро бо меҳру муҳаббати бузург ва беҳамто пешвоз гирифта, ба оғӯш кашиданашонро дида, аз дӯсти азизам  фахр мекардам. Ба ӯ гул ва табассум ҳадя намуда, барояш бо хушнудӣ ва аз самими қалб чаппак мезаданд, оламро фаромӯш карда, бо ҷону дил суханрониашро гӯш мекарданд. Офаридаи шоир образи Ҳасани  аробакаш барои ҳазорон  нафар ба ҳақиқати реалӣ, ки инкор карда намешуд, табдил ёфта буд. Дар шахсияти ин писари тоҷик, ки давоми асрҳои зиёд  азобу машаққат кашида, дар роҳи ҳақиқат, адолат ва саодат ҷонбозиҳо нишон додааст, халқаш ифодаи  худро ёфтааст. Охир худи Мирзо Турсунзода низ солҳои кӯдакӣ меҳнати сахти ҷисмонӣ ва рӯзҳои мудҳиши муҳтоҷиро аз сар гузаронида буд. Ба Мирзо Турсунзода–писари дуредгари одӣ роҳи баланди маърифат  ва фарҳангро гузаштан насиб гардид ва фарзанди фарзонаи  миллати тоҷик гашт.

Мирзо Турсунзода ба маънои том шоири ҳақиқии ватани худ буд. Ӯ дар шеърҳояш аз иқболи халқи тоҷик ҳарф мезад. Аз муваффақиятҳои кишвараш бо  меҳру муҳаббат сухан мегуфт, бо  ҳиссиёти баланд тараннум мекард. Овози таъсирбахш ва даъваткоронаи ӯ дар ҳама гӯшаҳои ҷаҳон шунида мешуд. Зеро қалби шоир аз  меҳру муҳаббати одамони одӣ, ки нисбат ба ӯ доштанд, моломол буд. Фикру зикр, ташвишу тараддуд ва азобу машаққатҳои меҳнаткашони Ҳиндустон ва Покистон, Эрон ва Миср, Ветнам ва Корея  ба шоир ором намедод, ӯ дар ин бора андеша мекард. Шеърҳои силсилаи «Қиссаи Ҳиндустон» аз ин гувоҳӣ медиҳанд. Фикру мулоҳизаҳои шоир дар бораи тақдири  мардуми одии  ҳинд, афғон, араб, эронӣ ҳеҷ касро бепарво намегузошт. Аз ин  сабаб иштироки Мирзо Турсунзода дар кумитаи ташкилии таърихии форуми нависандагон, ки моҳи октябри соли 1958 дар Тошканд гузашта буд, муваффақияти онро  таъмин намуд. Дар конференсия бисёр адибони Шарқ ҳозир буданд.  Фаъолияти беандоза ва обрӯю эътибори калони Мирзо Турсунзода дар байни адибони Шарқ ва Африқо ҳамфикрӣ ба вуҷуд овард ва нависандагони ду қитъаи бузургро муттаҳид намуд. Ӯ давоми 20 сол раиси  Шӯрои Кумитаи якдилии халқҳои  Осиё ва Африқо  буд. Каломи илҳомбахшу ҷозибадори ӯ дар Деҳлӣ, Қоҳира, Алҷазоир, Стокголм, Конакри, Гавана, Бейрут садо медод.

Сафарам ба Куба, ки бо Мирзо Турсунзода доштам, ҳеҷ гоҳ аз хотирам намебарояд. Дар он ҷо Конфронси  якуми якдилии халқҳои  Осиё, Африқо ва Америкаи Лотинӣ  мегузашт. Ба Гавана дар арафаи соли нави 1966 дохил шудем. Дар меҳмонхона ҷой гирифта, ба тамошои шаҳр баромадем. Роҳ ва хиёбонҳои шаҳр, ки  бо шиору плакатҳо, байрақҳои  ҳархела ва транспарантҳо  оро дода шуда буд, гӯё либоси идона дошт. Аз чор тараф садоҳои  сурудхонӣ  ба гӯш мерасид. Дӯсти тоҷикам Мирзо Турсунзода ба рӯҳияи халқи баҳодур ва меҳмондӯсти Куба, ки ҳафтсолагии  инқилобро ид мекард,  нигоҳ намуда, аз шодӣ сараш ба осмон мерасид, чеҳрааш гул-гул мешукуфт.

Мирзо Турсунзода дар бораи дидаю шунидаҳояш бо рӯҳи баланд нақл мекард, ҳар замон ба даст қалам гирифта, дар дафтарчааш тез-тез сатрҳои нав менавишт. Дар қалби ҳассоси  шоир шеър бунёд мешуд. Рӯзи 3 январ конференсия кушода шуд. Дар кори конференсия аз 82 мамлакати Осиё, Африқо ва Америкаи Лотинӣ 512 нафар вакилон иштирок доштанд. Кори конференсия дар шароити басо вазнин ва мураккаб давом мекард. Душманони сулҳу пешрафт дар байни вакилон низоъ меандохтанд, ба якдилии онҳо рахна ворид месохтанд. Аз  минбарҳои конференсия, ҳуҷраҳо ва кӯчаҳо овозаҳои ғаразнок шунида мешуданд. Онҳо  «муттаҳид намудани халқҳои се қитъа бефоида»,–гӯён иғво паҳн мекарданд. Кӯшиш мекарданд, ки  ин ҷамъомад баргузор нагардад, дар байни вакилон парокандагӣ рӯй диҳад. Муборизи оташинсухан будани Мирзо Турсунзода ба ин хел иғвоҳо зарбаи сахт зад, ки то ҳозир аз пеши чашмам  дур нарафтааст. Дар рӯйи замин бори аввал якдилии халқҳои Осиёю Африқо ва Америкаи Лотинӣ ба вуҷуд омад, ки дар ин кор хизмати шоистаи дӯсти азизам Мирзо Турсунзода беназир аст.

Оре, дар ҷаҳон дӯстҳои Мирзо Турсунзода беҳисоб буданд. Вале душманони ӯ, мухолифони ғоявиаш низ кам набуданд. Ӯ мавридаш ояд, бо душманони худ  кушоду  равшан ва сахт мубориза мебурд, муросо намекард. Айни  ҳол ин корро ӯ фақат аз минбари конференсия, анҷуман, форумҳо не, балки бо шеърҳои худ давом  медод. Ба баҳсу мунозираҳо бо ҷӯшу хурӯш ворид шудан, бо  рақибони ғоявӣ бемуросо мубориза бурдан, ба одамони одӣ ҳақиқатро рӯирост нишон додан ба рафтор ва эҷодиёти  ӯ тамоман хос буд. Дар байни асарҳои лирикӣ ва публисистикии шоир фарқият ба чашм намерасад. Садои ӯ, ки ба халқҳои Шарқ нигаронида шудааст– садои шоири оташин, нотиқ аст. Ин садо вақте,   ки ғоратгарони Исроил  бар зидди Миср таҷовузро сар карданд, дар байни Ҳиндустону Покистон ҷанҷоли ҳарбӣ ба вуҷуд омад, низ  шунида шуд. Ӯ халқҳои қаҳрамони Ветнаму Куба, Ҷазоиру Конгоро ҳамчун хешу табори наздик  дастгирӣ мекард. Мафтун будан ба ҷасорати Фидел Кастро ва  Патрис Лумумбаро изҳор менамуд. Бо бисёр арбобони тараққипарвари ҷаҳон муносибатҳои дӯстӣ дошта, ҳиссиёти  дӯстиро ҳамчун гавҳараки чашм нигоҳ медошт.

Дар бораи воқеаҳои  байналмилалӣ ва дар эҷодиёти Мирзо Турсунзода чӣ тавр акси худро ёфтанашон боз бисёр сухан рондан мумкин. Ба асарҳои ӯ муроҷиат мекунем. Агар аз китобҳои шоир сатри хостагиамонро хонем, таппиши дили инсонро чӣ тавр зираконаю ҳушёрона гӯш карданашон, аз ғаму ташвишҳои одамҳои одии сайёра огоҳ гаштанашон, бо онҳо якҷоя дилсӯзӣ карданашон, ба мушкилоти муҳими даврони имрӯза то чӣ дараҷа наздик буданашонро фаҳмидан душвор нест.

Мирзо Турсунзода ба мукофотҳои Ленин ва давлатӣ, ҳамчунин мукофоти Ҷавоҳирлаъл Неру мушарраф гардид. Ӯ Қаҳрамони Меҳнат, узви ҳақиқии Академияи фанҳои РСС Тоҷикистон буд, халқ ӯро чандин маротиба депутати Шӯрои Олии СССР ва Тоҷикистон интихоб намуд.  Барои  густариш ёфтани адабиёти тоҷик ва мубориза бурдан дар роҳи сулҳу тараққиёти иҷтимоии халқ саҳми Мирзо Турсунзода  бебаҳост.

Аз рӯзҳои  аввали дӯстии мо то лаҳзаҳои охирини ҳаёти шоир моро решаҳои боқии ҳамкории эҷодӣ ва муносибатҳои инсонӣ фаро гирифта буданд. Ин решаҳо аз шираю шарбати кишвари азизамон  баҳра мегирифт, ин решаҳо аз шарофати  дӯстии  файзбор ва  баракати халқамон рӯз аз рӯз мустаҳкамтар мегашт. Дар мамлакатамон гузаронидани  ҳафтаю даҳаҳои адабиёт ва санъат, алоқаҳои доимии фарҳанг, аз неъматҳои маънавӣ баҳраманд шудан дар байни халқамон ба анъанаи бузург табдил ёфта буд. Рӯзҳои адабиёт ва санъати тоҷик дар Ӯзбекистонро, ки соли 1968 баргузор гашта буд, то ҳозир ёд дорам. Вохӯриҳо, муҳокимаҳои эҷодӣ, суҳбатҳо танҳо дар вазъияти расмӣ не, балки дар атрофи дастурхон, дар Душанбе дар хонадони Мирзо Турсунзода, дар Тошканд дар хонаи камина баргузор гашта буданд. Вохӯриҳое, ки бо Мирзо Турсунзода мешуд, фаромӯшнашаванда буда, ҳам дар қалби ман, ҳам  дар хотираи ман муҳри абадӣ гузоштаанд. Ӯ танҳо Мирзои тоҷикон не, балки Мирзои мо–ӯзбекон  низ ҳаст. Дӯстам хислати аҷиб дошт, бағоят хоксор ва одӣ, оқилу доно   буд,  суҳбаташ завқ мебахшид. Дониши ғанӣ дошт. Вазифа ва масъулияти худро ба дараҷаи олӣ ҳис мекард. Ҳар як суханаш, ҳар як сатрашро бо ҳаёти одамони одӣ, бо манфиати онҳо андозаву қиёс  мекард. Ӯ дар ин бора андеша намуда, дӯстии халқҳои тоҷику ӯзбекро васф мекард, на танҳо дар бораи дастовардҳои фарҳангӣ, адабиёту санъат, балки саноат ва хоҷагии қишлоқи  ин ду халқ   низ бо ҳиссиёти оташин изҳори назар мекард.

Мирзо Турсунзода бо халқи азизи худ якдилу ҳамқадам, ба тақдири ӯ, ба ҳаёти имрӯза ва фардои ӯ масъул буданашро аниқ ҳис мекард. Ба зидди мустамликадорӣ мубориза бурда, давлатҳои навтаъсиси Африқоро, ки озодӣ ба даст оварда истода буданд,  хайра мақдам мегуфт,  мадҳ мекард,  таманниёти аз ҳама беҳтаринро ба онҳо изҳор менамуд.

Устод Садриддин Айнӣ анъанаҳои баланди адабиёти классикии Шарқи бузургро  ба дараҷаи аъло аз худ карда, онро бо ҷилваҳои нав ғанӣ гардондааст. Мирзо Турсунзода ҳамчун шогирди  содиқи домулло Айнӣ чашми тафаккури худ, сухани шоиронаи худро  танҳо ба тоҷикон не, балки  ба меҳнаткашони Афғонистону Покистон низ нигаронида буд. Ӯ орзу мекард, ки меҳнаткашони ин мамлакатҳо низ ба по хеста, сохти кӯҳнаро аз решааш канда партофта, дар роҳи муборизаи ҳаёти нав баҳодурона қадам гузоранд. Шоир дар ин бора шеърҳо менавишт. Суханҳои рӯҳбаландкунандаи ӯ ба тамоми ҷаҳон паҳн гашта, дар қалбу шуури одамони одӣ роҳ ёфтанд, ҷой гирифтанд, ба дилҳо барои аз занҷири асорат халос шудан неруи нав, боварӣ ва умед  бахшиданд.

Ҳоло  ба эҷодиёти дӯсти азизам Мирзо Турсунзода, ки ба аҳли ҷаҳон бисёр асарҳои олиҷаноб ҳадя кардааст, баҳо дода, роҳи тайкардаи умри ӯро пеши чашм оварда, аз  халқи тоҷик, ки ин истеъдоди бузургро ба воя расондааст, ифтихор дорам. Ҳаёти фаромӯшнашавандаи Мирзо Турсунзода ифодаи тантанаи ғояҳои дӯстии халқҳо, муборизаи  мустаҳкам бурдан барои сулҳу субот буд ва хоҳад монд».


Вакти нашр: 2021-04-22 09:20:11    Хонданд: 137    Муфассал...

НАТИҶАГИРӢ АЗ ФАЪОЛИЯТИ ТАКШИЛОТИ ИБТИДОИИ "ПАРАСТУ" ДАР ДАВАРИ СЕМОҲАИ АВВАЛИ СОЛИ 2021

Дар асоси талаботи Оинномаи ҳизб ва дастури Кумитаи иҷроияи Ҳизби Халқии Демократии Тоҷикистон дар шаҳри Душанбе дар ташкилоти ибтидоии "Парасту"-и муассисаи давлатии “Шифохонаи шаҳрии парастории ҳамшираҳои шафқат” Маҷлиси ҳизбӣ баргузор гардид, ки дар он Раиси Кумитаи иҷроияи ҲХДТ дар ноҳияи Фирдавсӣ Абдураҳим Шоҳиён, раиси ташкилоти ибтидоӣ Шукурова Зулфия ва маслиҳатчии калони шифохона Ниҳолбӣ Ҳасанова иштирок ва суханронӣ намуданд.

Дар Маҷлис ҳисоботии ташкилоти ибтидоӣ шунида, оид ба Паёми Пешвои миллат ба Маҷлиси Олӣ, муқоисакунии аъзои ҳизб дар ташкилот ва риояи талабот Оиннома ва низомноаҳои ҳизбӣ корҳои фаҳмондадиҳӣ гузаронида шуд.


Вакти нашр: 2021-04-22 10:07:25    Хонданд: 132    Муфассал...

МАҶЛИСИ ҲИЗБӢ ДАР ТАШКИЛОТИ ИБТИДОИИ “ҲАМДИЛӢ”

Бо иштироки Гулаҳмадзода Зулфиқор Аҳмад-Раиси Кумитаи иҷроияи ҲХДТ дар ноҳияи Шоҳмансур дар ташкилоти ибтидоии “Ҳамдилӣ” маҷлиси ҳизбӣ доир гардид.

Нахуст ҳисоботи раиси ташкилоти ибтидоӣ шунида шуда, бобати вусъат бахшидани фаъолияти сиёсии ташкилот қарорҳои дахлдор қабул гардид. Гулаҳмадзода Зулфиқор - Раиси Кумитаи иҷроияи ҲХДТ дар ноҳияи Шоҳмансур суханронӣ намуда, афзуд, ки ҲХДТ дар низоми идоракунии кишвар нақши созгор дошта, дар тарғиби идеологияи миллӣ, тарғиби дастовардҳои даврони соҳибистиқлолӣ саҳми муносиб дорад.

 Бо дастгирии Раиси муаззами ҲХДТ, низоми давлатдории миллӣ рушд ёфта, мақоми кишвари мо дар арсаи байналмилалӣ боло меравад. Бобати расидан ба зиндагии шоистаи мардум, дастгириҳои ҷавонону занон ва гурӯҳҳои иҷтимоии ҷомеа мунтазам ибтикороти наҷибу судманди Пешвои миллат руйи кор омада, амалӣ мешаванд.


Вакти нашр: 2021-04-22 17:02:36    Хонданд: 113    Муфассал...

Хониши сиёсӣ: "Ошён гар мегӯзорӣ, дар дили инсон гузор"

Дар асоси нақшаи чорабиниҳо вобаста ба таҷлили 110-солагии Қаҳрамони Ҷумҳурии Тоҷикистон Мирзо Турсунзода дар МТМУ №6 вохӯрӣ бо хонандагони синфҳои болоӣ таҳти унвони "Ошён гар мегӯзорӣ, дар дили инсон гузор" доир гардид. Дар чорабинӣ Раҳмонов Ҷ- мудири шуъбаи кор бо ҷавонони Кумитаи иҷроияи ҲХДТ дар ноҳияи Исмоили Сомонӣ ҳамзамон, роҳбари намояндагии ТҶҶ “Созандагони Ватан” дар ноҳияи Исмоили Сомонӣ ва Имонов Зокирҷон- аъзои фаъоли намояндагии ТҶҶ “Созандагони Ватан”, омӯзгорони муассиса иштирок намуданд.

Раҳмонов Ҷ. -роҳбари намояндагии ТҶҶ "Созандагони Ватан" дар ноҳияи Исмоили Сомонӣ зимни суханронии худ аз мақсади вохӯрӣ сухан намуда, зикр намуданд, ки ҳаёти рангини шоири Халқии Тоҷикистон, Қаҳрамони меҳнати сотсиалистӣ, дорандаи ҷоизаи давлатии ба номи А. Рудакӣ барои мо ҷавонон мактаби ташаккули худшиносӣ ва ватандӯстиро мемонад, ки ҳамеша мебояд сабақ гирем.

Баргузории чунин мулоқоту вохӯриҳо баҳри баланд бардоштани рӯҳияи насли наврас ва шинохти бештари онҳо аз шоирону нависандагон мусоидат мекунад.

 


Вакти нашр: 2021-04-22 17:20:25    Хонданд: 126    Муфассал...

Дар ноҳияи Шоҳмансури шаҳри Душанбе маҳаллаи замонавии «Баҳор» бунёд мегардад

Дар ноҳияи Шоҳмансури шаҳри Душанбе маҳаллаи замонавии  «Баҳор» бунёд мегардад, ки дар ҳудуди он биноҳои  истиқоматӣ,  муассисаи томактабӣ ва марказҳои савдою хизматрасонӣ  тибқи талаботи муосири меъморӣ сохта мешаванд. Дар ин бора аз Сарраёсати меъморӣ ва шаҳрсозии шаҳри Душанбе ба АМИТ «Ховар»  хабар доданд.

«Лоиҳаи ангоравии сохтмони маҳаллаи   мазкур  тибқи супориши Раиси шаҳри Душанбе  муҳтарам Рустами Эмомалӣ дар доираи татбиқи  Нақшаи генералии шаҳри Душанбе таҳия гардида, он дар ҳамкорӣ бо Сарраесати меъморӣ ва шаҳрсозии шаҳри Душанбе аз ҷониби КВД «Лоиҳакаш» омода шудааст» ,- афзуд манбаъ.

Ёдовар мешавем, ки Нақшаи мазкур бо Қарори Ҳукумати Ҷумҳурии Тоҷикистон аз 28 апрели соли 2017 тасдиқ гардид.

Айни замон тибқи қарори мазкур, Мақомоти иҷроияи ҳокимияти давлатии пойтахт нақшаи дурнамои вайронкунии биноҳои фарсуда, дар навбати аввал, биноҳои камошёнаи дар ҳолати садамавӣ қарордоштаро тартиб дода, онро давра ба давра то соли 2025 амалӣ   намуда, сохтмони инфрасохтори шаҳр, маҷмааҳои шаҳрофар, иншооти варзишӣ, биноҳои намоишӣ, боғҳои фарҳангию фароғатӣ ва майдонҳоро мутобиқи Нақшаи генералии тасдиқшудаи шаҳри Душанбе ба роҳ  мондааст.


Вакти нашр: 2021-04-23 08:48:57    Хонданд: 98    Муфассал...

Имсол дар Душанбе барои баргузории Озмуни «Фурӯғи субҳи доноӣ китоб аст» як миллиону чорсаду чилу панҷ ҳазор сомонӣ ҷудо мегардад

Бо қарори Раиси шаҳри Душанбе муҳтарам Рустами Эмомалӣ  аз 22 апрели соли равон  барои баргузории Озмуни ҷумҳуриявии «Фурӯғи субҳи доноӣ китоб аст» дар пойтахт дар соли 2021   1 445 000 (як миллиону чорсаду чилу панҷ ҳазор) сомонӣ ҷудо  мегардад.

Тавре аз мақомоти иҷроияи ҳокимияти давлатии шаҳри Душанбе ба АМИТ “Ховар” хабар доданд, тибқи қарори дахлдор ҳайати комиссия ва ҷоизаҳои озмуни мазкур  тасдиқ гардида, масъули соҳа вазифадор шудаанд, ки баҳри дар сатҳи баланд доир намудани озмуни мазкур тадбирҳои зарурӣ андешанд.

Ёдовар мешавем,ки бо ташаббуси Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон соли сеюм аст, ки дар мамлакат  Озмуни ҷумҳуриявии «Фурӯғи субҳи доноӣ китоб аст» баргузор гардида истодааст. Тибқи дастуру ҳидоятҳои Пешвои миллат  барои боз ҳам ҷолибу шавқовартар  ба роҳ мондани озмуни мазкур ба Низомномаи он соли равон тағйиру иловаҳо ворид карда шуданд.

Имсол барои баргузории озмуни мазкур аз ҳисоби маблағҳои фонди захиравии Президенти Ҷумҳурии Тоҷикистон 2 835 000 (ду миллиону ҳаштсаду сию панҷҳазор) сомонӣ ба таври нақд ҷудо мегардад. Ин маблағ  соли 2020 1 646 400 (як миллиону шашсаду чилу шаш ҳазору чорсад) сомонӣ ва соли 2019  310000 (сесаду даҳ ҳазор) сомониро ташкил медод.

 Акс аз бойгонии АМИТ «Ховар»


Вакти нашр: 2021-04-23 08:53:34    Хонданд: 119    Муфассал...

ҶАМЪБАСТИ ФАЪОЛИЯТИ СЕМОҲАИ ЯКУМИ ТАШКИЛОТИ ИБТИДОИИ “ОМОР”

Дар асоси дастуру супоришҳои Дастгоҳи Кумитаи Иҷроияи Марказии Ҳизби Халқии Демократии Тоҷикистон, барқияи электронии Кумитаи иҷроияи ҲХДТ дар шаҳри Душанбе аз 16 марти соли 2021 ва барқияи Кумитаи иҷроияи ҲХДТ дар ноҳияи Исмоили Сомонӣ ба кумитаву ташкилотҳо оид ба баргузории маҷлисҳои ҷамъбастӣ, имрӯз дар ташкилоти ибтидоии “Омор” – Агенти омори назди Президенти Ҷумҳурии Тоҷикистон бо иштироки Ҷурахонзода Ҷумахон –муовини раиси Кумитаи иҷроияи ҲХДТ дар ноҳияи Исмоили Сомонӣ, Давлатзода Қиёмиддин –муовини Директори Агенти омори назди Президенти Ҷумҳурии Тоҷикистон ва аъзоёни ташкилот Маҷлиси ҷамъбастии семоҳаи якуми соли 2021 баргузор гардид.

Нахуст хисоботи ташкилоти ибтидоӣ дар семоҳаи аввали соли 2021 баррасӣ гардида, нисбати вусъати фаъолияти минбаъда вазифагузорӣ карда шуд.

Инчунин барои созовор таҷлил намудани 30-солагии Истиқлолияти давлатии Ҷумҳурии Тоҷикистон даъват карда шуд, ки бо иқдомҳои созандаи худ саҳмгузор бошем.

Ҷурахонзода Ҷумахон. - дар баромади худ қайд намуд, ки мо бо кори созандаву арзанда, ҳамчун азъви ҲХДТ дар тадбиқи ҳадафҳои оинномавӣ ва барномавӣ саҳми муносиб гузорем.


Вакти нашр: 2021-04-23 09:44:49    Хонданд: 125    Муфассал...

ҶАМЪБАСТИ ФАЪОЛИЯТИ СЕМОҲАИ ЯКУМИ ТАШКИЛОТИ ИБТИДОИИ “АВИАТСИЯИ МИЛЛӢ” ДАР СОЛИ 2021

Имрӯз дар асоси дастуру супоришҳои Дастгоҳи Кумитаи Иҷроияи Марказии Ҳизби Халқии Демократии Тоҷикистон, барқияи электронии Кумитаи иҷроияи ҲХДТ дар шаҳри Душанбе аз 16 марти соли 2021 ва нақшаи кории Кумитаи иҷроияи ҲХДТ дар ноҳияи Синои шаҳри Душанбе дар ташкилоти ибтидоии “Авиатсияи миллӣ” бо иштироки Файзуллозода З.Ф. – раиси Кумитаи иҷроияи ҲХДТ дар ноҳияи Синои шаҳри Душанбе ва Субҳонзода И.С. - раиси ташкилоти ибтидоии “Авиатсияи миллӣ” Маҷлиси ҷамъбастии семоҳаи якуми соли 2021 баргузор гардид.

Дар Маҷлиси умумӣ масъалаҳои таҳлили муқоисакунии аъзои ҳизб, таҳлили шумораи аъзои ҳизб, ҳаракати аъзо, қабул ва хориҷи аъзои ҳизб, пардохти саривақтии ҳаққи узвият, инчунин ҷиҳати дар сатҳи баланд истиқбол намудани ҷашни 30- солагии Истиқлолияти давлатии Ҷумҳурии Тоҷикистон мавриди баррасӣ қарор гирифт.


Вакти нашр: 2021-04-23 14:12:35    Хонданд: 111    Муфассал...

МАҶЛИСИ ҲИСОБОТӢ ДАР ТАШКИЛОТИ ИБТИДОИИ “ДИЗАЙН”

Дар дашкилоти ибтидоии “Дизайн” бо иштироки Раиси Кумитаи иҷроияи ҲХДТ дар ноҳияи Шоҳмансур - Гулаҳмадзода Зулфиқор Аҳмад оид ба натиҷагирӣ аз семоҳаи аввали соли равон Маҷлиси ҳизбӣ доир гардид.

Ҳисоботи раиси ташкилот шунида шуда, оид ба риояи талаботҳои Одобномаи ҲХДТ ва барномаиҳои ҳизбь, устувории сиёсӣ, тарбияи ватандӯстӣ ва таҳкими ягонагии халқ ибрози ацида намуданд.

Раиси Кумитаи иҷроияи ҲХДТ дар ноҳияи Шоҳмансур Гулаҳмадзода Зулфиқор афзуд, ки дар баргузории чорабиниҳои сиёсӣ, фарҳангӣ, гузаронидани корҳои созандагию бунёдкорӣ ташкилоти ибтидоӣ саҳми назаррас дорад. Ҳамзамон, бобати вусъат бахшидани фаъолияти сиёсии ташкилоти ибтидоӣ, ҳаракати аъзои ҳизб, омодагӣ ба истиқболи 30-солагии Истиқлолияти давлатӣ ва дигар масоили дохилиҳизбӣ ҳидоятҳои судманд доданд.

Дар фарҷом ба як қатор фаъолоне, ки иродаи сиёсии худро муайян намуда, ба сафи ҲХДТ шомил шуданд, дар лаҳзаи тантанавӣ шаҳодатномаи ҳизбӣ супорида шуда,

 


Вакти нашр: 2021-04-23 14:25:05    Хонданд: 72    Муфассал...

ФАЪОЛИЯТИ ПУРСАМАРИ ТАШКИЛОТИ ИБТИДОИИ “ТОҶИКСАРМОЯГУЗОР”

Дар асоси барқияи Кумитаи иҷроияи ҲХДТ дар ноҳияи Шоҳмансур Маҷлиси ҳисоботии ташкилоти ибтидоии “Тоҷиксармоягузор” баргузор гардид.

Нахуст ҳисоботи раиси ташкилот оид ба фаъолият дар семоҳаи аввали соли 2021 шунида шуда, цайд гардид, ки аъзоёни ташкилоти ибтидоӣ дар асоси нақшаи корӣ тавонистанд, ки вазифаҳои бадушдоштаашонро саривақт ва бо сифати баланд ба анҷом расонанд. Ҳамзамон, ёдовар гардид, ки 92% аъзоёнро ҷавонон ташкил медиҳанд, ки аз дастгириҳои пайвастаи Ҳукумати кишвар ва Ҳизби Халқии Демократии Тоҷикистон дилгарм буда, баҳри волоияти қонун, татбиқи қонунҳои миллӣ ва иҷрои вазифаҳои кориву шаҳрвандӣ камари ҳиммат бастаанд.

Амонуллозода Ҳамрохон - муовини раиси Кумитаи иҷроияи ҲХДТ дар ноҳияи Шоҳмансур фаъолияти ташкилоти ибтидоиро дар давраи ҳисоботӣ назаррас арзёбӣ намуда, оид ба саҳми ташкилот дар рушди иқтисодиёти мамлакат ибрози ацида намуданд.

Барои татбиқи босамари ҳадафҳои оинномавии Ҳизби Халқии Демократии Тоҷикистон дар ташкилотӣ ибтидоии "Тоҷиксармоягузор" бо садоқатмандӣ ба кору меҳан ҳидоят намудан, раиси ташкилоти ибтидоӣ Маҳмадалӣ Илҳом Ғоибназар бо ифтихорномаи Кумитаи иҷроияи ҲХДТ дар ноҳияи Шоҳмансур сарфароз гардид.


Вакти нашр: 2021-04-23 14:39:46    Хонданд: 59    Муфассал...

Ҷамъбасти мусобиқаи варзишии баскетбол барои дарёфти Ҷоми Ҳизби Халқии Демократии Тоҷикистон  бахшида ба Рӯзи пойтахти Ҷумҳурии Тоҷикистон шаҳри Душанбе

Кумитаи Иҷроияи Марказии Ҳизби Халқии Демократии Тоҷикистон дар якҷоягӣ бо Кумитаи иҷроияи шаҳри Душанбе бо мақсади амалигардонии вазифаҳои Барномаи пешазинтихоботии номзад ба мансаби Президенти Ҷумҳурии Тоҷикистон аз Ҳизби Халқии Демократии Тоҷикистон барои солҳои 2021-2027, тарғиби тарзи ҳаёти солим, ҷалб намудани сокинони пойтахт ба машғулиятҳои мунтазами тарбияи ҷисмонӣ ва варзиш мусобиқаи варзиширо аз рӯйи намуди баскетбол дар шаҳри Душанбе бахшида ба Рӯзи пойтахти Ҷумҳурии Тоҷикистон шаҳри Душанбе миёни донишҷӯдухтарони муассисаҳои таҳсилоти олии пойтахт барои дарёфти Ҷоми Ҳизби Халқии Демократии Тоҷикистон дар толори муассисаи давлатии “Мактаби махсуси варзишии захираҳои олимпии №5 оид ба намудҳои бозиҳои варзишӣ” – и шаҳри Душанбе аз санаи 14 то 21 апрел идома ёфта, имрӯз дар вазъияти тантанавӣ ҷамъбаст гардид.

Бояд қайд намуд, ки дар маросими ҷамъбастии мусобиқаи мазкур муовини Раиси ҲХДТ Хайринисо Юсуфӣ, Раиси Кумитаи иҷроияи ҲХДТ дар шаҳри Душанбе Мирзозода Иброҳим ва устодону донишҷӯёни муассисаҳои таҳсилоти олии ҳудуди пойтахт иштирок намуданд.

Маврид ба зикр аст, ки дар мусобиқаи мазкур 15 даста аз ҳисоби донишҷӯйдухтарони муассисаҳои таҳсилоти олии пойтахт миёни ҳам қувваозмоӣ намуда, аз миёни онҳо дастаи донишҷӯйдухтарони Донишгоҳи давлатии омӯзгории Тоҷикистон ба номи Садриддин Айнӣ ҷойи сеюм, Донишкадаи давлатии забонҳои Тоҷикистон ба номи Сотим Улуғзода ҷойи дуюм ва Донишкадаи тарбияи ҷисмонии Тоҷикистон ба номи Саидмуъмин Раҳимов ҷойи якум ва соҳиби Ҷоми Ҳизби Халқии Демократии Тоҷикистон гардид.

Ғолибон ва ҷоизадороне, ки ҷойҳои 1, 2 ва 3-юмро ишғол намуданд бо Ҷом, диплом, медал ва туҳфаҳои таъсиснамудаи Кумитаи тадорукот сарфароз гардонида шуданд.

Ҳамзамон, барои мусоидат дар сохтмони иншоотҳои варзишӣ, тарғиби тарзи ҳаёти солим ва фаъолияти назаррас дар соҳаи тарбияи ҷисмонӣ ва варзиш мудири шуъбаи таблиғот ва иттилооти Кумитаи иҷроияи ҲХДТ дар шаҳри Душанбе - Раҷабзода Эраҷ Раҷабалӣ бо фармоиши Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон аз 25 декабри соли 2020, №334 шаҳодатномава ва медали Корманди шоистаи тарбияи ҷисмонӣ ва варзиши Ҷумҳурии Тоҷикистон сарфароз гардонида мешавад.

 


Вакти нашр: 2021-04-23 15:07:56    Хонданд: 133    Муфассал...

ВОХӮРӢ ДАР АГЕНТИИ НАЗОРАТИ МАВОДИ НАШЪАОВАРИ НАЗДИ ПРЕЗИДЕНТИ ҶУМҲУРИИ ТОҶИКИСТОН

Санаи 23 апрели соли 2021 дар Маҷлисгоҳи Агентии назорати маводи нашъаовари назди Президенти Ҷумҳурии Точикистон бо кормандони ин сохтор оид ба омӯзиши Паёми Пешвои миллат ба Маҷлиси Олии Ҷумҳурии Тоҷикистон вохӯрӣ баругзор гардид, ки дар он Хушвахтзода Шамшод Сафар - сардори Шуъбаи кадрщои Агентии назорати маводи нашъаовари назди Президенти Ҷумҳурии Тоҷикистон, подполковники хизмати назорати маводи нашъаовар, Хоыамиров Муслищиддин - мутахассиси пешбари Раёсати танзими Кумитаи дин, танзими анъана ва ҷашну маросими назди Ҳукумати Ҷумщурии Тоҷикистон ва раиси Кумитаи иҷроияи ҳизб дар ноҳияи Фирдавсии шаҳри Душанбе Шоҳиён Абдураҳим иштирок ва суханронӣ намуданд.

Зимни вохӯрӣ роҷеъ ба дастуру супоришҳое, ки аз Паёми Пешвои миллат муҳтарам Эмомалӣ Раҳмон бармеоянд, суҳбату муколама анҷом ёфт.

Баромадкунандагон дар бораи паҳлӯҳои Паём ҷиҳати баланд бардоштани маърифати аҳолӣ оид ба арзишҳои миллӣ, бедор намудани ҳисси ватандӯстӣ, дастоврдҳои даврони соҳибистиқлолӣ, муқаддас доштани сулҳу оромӣ ва ваҳдату ягонагии Тоҷикистон, нақши барномаҳои ҳизбӣ ва саҳм гузоштан баҳри сазовор истиқбол гирифтани ҷашни 30-солагии Истиқлолияти давлатии Ҷумҳурии Тоҷикистон суханронӣ намуданд. Қайд гардид, ки дар ҳаёти ҷамъиятӣ, сиёсӣ, иқтисодӣ ва иҷтимоии кишвар Паёми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳачун ҷароғи фурӯзон, дастури доимамалкунанда ва пешбарандаи ҷомеа баромад намуда, тули ду даҳсола амалӣ гардидани нақшаю вазифаҳои гузошташудаи имрӯзу фардои ҷомеаи шаҳрвандии Тоҷикистон ва пеш аз ҳама мутобиқ ба талаботи замон дар ҳамбастагӣ бо ин роҳу усулҳои навтаринро баёну таҳрезӣ ва пешниҳод намудааст.


Вакти нашр: 2021-04-23 15:52:54    Хонданд: 101    Муфассал...

НАТИҶАГИРӢ АЗ ФАЪОЛИЯИ КОРИИ КУМИТАИ ИҶРОИЯИ ИБТИДОИИ "СОҲИБКОР" ДАР СЕМОҲАИ ЯКУМИ СОЛИ 2021

Дар асоси талаботи Оинномаи ҳизб ва дастури Кумитаи иҷроияи Ҳизби Халқии Демократии Тоҷикистон дар шаҳри Душанбе санаи 23 апрели соли 2021 дар Кумитаи иҷроияи ибтидоии "Соҳибкор"-и Донишкадаи сайёҳӣ, соҳибкорӣ ва хизмат Маҷлиси ҳизбӣ баргузор гардид, ки дар он Ректори донишкада Асрорзода Убайдулло ва Раиси Кумитаи иҷроия Абдураҳим Шоҳиён иштирок ва суханронӣ намуданд.

Вобаста ба масъалаи якуми рӯзнома Ҳаитов Фирдавс-муовини раиси Кумитаи иҷроияи ибтидоӣ ба сухан баромада, оид ба фаъолияти семоҳаи аввали соли 2021 ҳисобот дод.

Абдураҳим Шоҳиён оид ба масъалаи дуюми рӯзнома дар бораи Паёми сарвари давлат, Асосгузори сулҳу ваҳдати миллӣ, Пешвои миллат Президенти Ҷумҳурии Тоҷикистон муҳтарам Эмомалӣ Раҳмон суханрони намуда, аз дастовардҳои даврони соҳибистиқлолӣ ва фаъолияти ҲХДТ иқтибосҳо овард. Мавсуф қайд намуд, ки дар ҳаёти ҷамъиятӣ, сиёсӣ, иқтисодӣ ва иҷтимоии кишвар Паёми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳачун ҷароғи фурӯзон, дастури доимамалкунанда ва пешбарандаи ҷомеа баромад намуда, тули ду даҳсола амалӣ гардидани нақшаю вазифаҳои гузошташудаи имрӯзу фардои ҷомеаи шаҳрвандии Тоҷикистон ва пеш аз ҳама мутобиқ ба талаботи замон дар ҳамбастагӣ бо ин роҳу усулҳои навтаринро баёну таҳрезӣ ва пешниҳод намудааст.

Дар фарҷом ба як қатор кормандоне, ки ба сафи ҲХДТ шомил гардидаанд, дар фазои тантанавӣ шаҳодатномаи ҳизбӣ супорида шуд.

 


Вакти нашр: 2021-04-23 16:25:10    Хонданд: 126    Муфассал...

НАТИҶАГИРӢ АЗ ФАЪОЛИЯТИ ВУСЪАТБОРИ ТАШКИЛОТИ ИБТИДОИИ ҲИЗБИИ "НАСЛИ СОЛИМ"

Бо мақсади дар амал татбиқ намудани ҳадафҳои Оинномавии ҲХДТ, Маҷлиси ҳисоботии ташкилоти ибтидоии ҳизбии "Насли солим" дар семоҳаи аввали соли 2021 тибқи ҷадвали тасдиқнамудаи Кумитаи иҷроияи ҲХДТ дар ноҳияи Исмоили Сомонӣ санаи 22 апрели соли равон баргузор гардид.

Дар он Моҳинав Шарипова - Раиси ташкилоти ибтидоии ҳизбии "Насли солим", Ҳомидзода Насимҷон - мудири шуъбаи кор бо ҷавонони Кумитаи иҷроияи ҲХДТ дар шаҳри Душанбе, Хайём Амонов мудири шуъбаи таблиғот ва иттилооти Кумитаи иҷроияи ҳизб дар ноҳияи Исмоили Сомонӣ ва сармутахассиси шуъба Фурқат Муродов бо фаъолони ҳизб иштирок ва суханронӣ намуданд.

Моҳинав Шарипова маҷлисро ифтитоҳ намуда, меҳмононро ба ҳозирин муаррифӣ кард ва аз фаъолияти ташкилоти ибтидоӣ дар давраи ҳисоботӣ гузориш дод.

Ҳамчунин, аз корҳо дар самти рушди соҳаи тандурустии ташкилот Сафарзода Муслим Сафар дар назди кормандони ҳизбӣ ҳисоботи мухтасар дод.

Дар идома Хайём Амонов оид ба самтҳои афзалиятноки Барномаи ҳизб, пешбурди фаъолияти ҳизбӣ аз ҷониби масъулини ташкилоти ибтидоӣ, ҳадафҳои меҳварии Оинномавӣ ва ҷонибдорию таблиғгари ҳамешагии сиёсати комилу мукаммали ҲХДТ будан суханронӣ кард.

Илова баин Ҳомидзода Насимҷон дар доираи тарбият намудани ҷавонон дар роҳи худшиносии миллӣ, пешгирии занон аз бегонапарастӣ, шукргузорӣ аз фазои осудаву ороми кишвар, ҳифзи саломатии аҳолӣ ва ҳифзи ҳамешагии манфиатҳои давлату миллат дар арсаи байналмилалӣ сухан гуфт.

Дар фарҷом фаъолияти ташкилоти ибтидоии ҳизбӣ қаноатбахш ва қарорҳои дахлдор барои фаъолияти минбаъда қабул карда шуд.


Вакти нашр: 2021-04-23 17:16:38    Хонданд: 145    Муфассал...

Президенти Ҷумҳурии Тоҷикистон Эмомалӣ Раҳмон бо Президенти Федератсияи Россия Владимир Путин суҳбати телефонӣ анҷом доданд

23 апрел Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Федератсияи Россия муҳтарам Владимир Путин суҳбати телефонӣ анҷом доданд.

Дар рафти суҳбат маҷмӯи муносибатҳои дуҷонибаи Тоҷикистон ва Россия, аз ҷумла ҷанбаҳои мухталифи ҳамкориҳои тиҷоративу иқтисодӣ ва фарҳангиву гуманитарӣ мавриди баррасӣ қарор доштанд.

Дар ин зимн, Сарвари давлати мо ба масъалаҳои ҳамкориҳои ҷонибҳо дар соҳаҳои тиҷорат, маориф, муҳоҷирати меҳнатӣ ва тандурустӣ, бахусус дар арсаи мубориза бо пандемияи КОВИД-19 диққати махсус доданд.

Ҷонибиҳо ҳамчунин ҷиҳати зиёд кардани ҳаҷми тиҷорати мутақобила ва содироти маҳсулоти мевагию сабзавоти аз лиҳози экологӣ тозаи Тоҷикистон ба бозори Россия ибрози ақида намуданд.

Инчунин масъалаҳои татбиқи лоиҳаи сохтмони 5 мактаб бо таҳсилоти забони русӣ дар Тоҷикистон, бозгашти донишҷӯёни тоҷик ба донишгоҳҳои Федератсияи Россия ва зиёд кардани теъдоди парвозҳо миёни ду кишвар баррасӣ гардиданд.

Дар рафти суҳбати телефонӣ ҳамчунин мубодилаи афкор атрофи масъалаҳои мубрами минтақавию ҷаҳонӣ сурат гирифт.

Аз ҷумла, мавзӯи қазияи Афғонистон ва ҷараёни рушди вазъият дар минтақа муҳокима карда шуд.

Президенти ду кишвар зарурати андешидани чораҳои минбаъдаро ҷиҳати дар амал татбиқ намудани имкониятҳои васеи муносибатҳои шарикии стратегии Тоҷикистон ва Россия бо шумули ҳамоҳанг сохтани иқдомҳои ду ҷониб дар чорчӯбаи созмонҳои байналмилаливу минтақавӣ таъкид карданд.

Ҷонибҳо ҷиҳати ҳамкории зич дар омода ва дар сатҳи муносиб баргузор намудани саммити ҷашнии Созмони ҳамкории Шанхай ва мулоқоти навбатии сарони давлатҳои аъзои Созмони Аҳдномаи амнияти дастаҷамъӣ, ки соли равон дар пойтахти Тоҷикистон баргузор мешаванд, ба мувофиқа расиданд.

Дар фарҷоми суҳбат Президенти Федератсияи Россия муҳтарам Владимир Путин сокинони Тоҷикистонро бо моҳи мубораки Рамазон табрик гуфта, ба мардуми кишвари мо некӯаҳволӣ ва шукуфоӣ орзу карданд.

 


Вакти нашр: 2021-04-23 17:42:26    Хонданд: 128    Муфассал...

Маҷлиси кумитаи иҷроияи ибтидоии ҳизбии “Пайванд” дар семоҳаи аввали соли 2021

Маҷлиси кумитаи иҷроияи ибтидоии ҳизбии “Пайванд” дар ноҳияи Исмоили Сомонии шаҳри Душанбе санаи 23 апрели соли 2021 дар толори ҶСК “Сементи тоҷик” баргузор гардид.

Дар он Муродов Ҷурабек муовини Раиси Кумитаи иҷроияи Ҳизби Халқии Демократии Тоҷикистон дар шаҳри Душанбе, Ҷурахонзода Ҷумахон муовини Раиси Кумитаи иҷроияи Ҳизби Халқии Демократии Тоҷикистон дар ноҳияи Исмоили Сомонӣ, вакили Маҷлиси вакилони халқи ноҳияи Исмоили Сомонӣ Мансурхонова Наима ва аъзои кумитаи иҷроияи ибтидоӣ иштирок намуданд.

Саидзода Алишер Раиси кумитаи иҷроияи ибтидоии ҳизбии “Пайванд” маҷлисро ифтитоҳ намуда, меҳмононро ба иштирокчиён муаррифӣ кард.

Ҳамчунин, вобаста ба масъалаи рӯзнома дар бораи фаъолияти кумитаи иҷроияи ибтидоии ҳизбии “Пайванд” дар семоҳаи аввали соли 2021 ва вазифаҳои минбаъда барои соли 2021 Саидзода Алишер гузориши мухтасар дод. Қайд карда шуд, ки кумитаи иҷроияи ибтидоии ҳизбии “Пайванд” дар ноҳияи Исмоили Сомонӣ фаъолияти худро баҳри ҳадафмандона таблиғ намудани мақсаду мароми ҲХДТ дар семоҳи аввали соли 2021 ҷиҳати иҷрои дастуру супориш, нақшаву чорабиниҳои ҳизбӣ бо роҳи расонидани иттилооти мукаммалу саривақти ба аъзоён, масъулин ва ҷонибдорони ҳизб дар кумитаи ибтидоӣ ба роҳ мондааст. Гуфта шуд, ки дар идҳои давлатию миллӣ аз ҷониби кумитаи иҷроияи ибтидоии ҳизбии “Пайванд” чорабиниҳои калон гузаронида шуда, кумакҳои яквақтаинаи молиявию озуқаворӣ ҳамеша расонида мешавад.

Ҷурахонзода Ҷумахон ва Муродов Ҷурабек доир ба фаъолияти вусъатбори кумитаи иҷроияи ибтидоии ҳизбии “Пайванд” музокирот намуда, фаъолияти онро дар давраи ҳисоботӣ қаноатбахш арзёбӣ намуданд.

Қарорҳои дахлдор баҳри фаъолияти минбаъда ва нақшаҳо бо назардошти тағйиру иловаҳои пешниҳодшуда қабул карда шуд.

Барои фаъолияти пурмаҳсул ва саҳми арзанда гузоштан дар корҳои ташкилию сиёсии ҳизбӣ, таҳким бахшидан ба корҳои таблиғотию ташвиқотӣ, баҳри баланд бардоштани мавқеъи ҳизб дар корхона ба кормандони фаъол шаҳодатномаҳои ҳизбӣ ва фаъолони кумитаи иҷроияи ибтидоии ҳизбии “Пайванд” бо сипосномаву ифтихорномаи ҳизбӣ сарфароз гардонида шуданд.

 


Вакти нашр: 2021-04-23 18:02:58    Хонданд: 142    Муфассал...

НАТИҶАГИРӢ АЗ ФАЪОЛИЯТИ ТАШКИЛОТИ ИБТИДОИИ "БОЙГОНӢ" ДАР СЕМОҲАИ ЯКУМИ СОЛИ 2021

Дар асоси талаботи Оинномаи ҳизб ва дастури Кумитаи иҷроияи Ҳизби Халқии Демократии Тоҷикистон дар шаҳри Душанбе санаи 24 апрели соли 2021 дар ташкилоти ибтидоии "Бойгонӣ"-и Саридораи бойгонии назди Ҳукумати Ҷумҳурии Тоҷикистон Маҷлиси ҳизбӣ баргузор гардид, ки дар он Сардори Саридораи бойгонии назди Ҳукумати Ҷумҳурии Тоҷикистон Лангарӣ Ҷамила ва Раиси Кумитаи иҷроияи ҲХДТ дар ноҳияи Фирдавсӣ Абдураҳим Шоҳиён иштирок ва суханронӣ намуданд.

Вобаста ба масъалаи якуми рӯзнома Лангарӣ Ҷамила- раиси ташкилоти ибтидоӣ ба сухан баромада, оид ба фаъолияти семоҳаи аввали соли 2021 ҳисобот дод.

Баъд аз он Шоҳиён Абдураҳим оид ба Паёми Пешвои миллат ба Маҷлиси Олии Ҷумҳурии Тоҷикистон суханронӣ намуда, қайд кард, ки яке аз муҳимтарин ҳуҷҷатҳои барномавие, ки дар муддати зиёда аз ду даҳсолаи охир дастовардҳои миллиро дар иқтисодиёт, иҷтимоиёт, сиёсат, илм, фарҳанг, маориф ва таъмини амнияти кишвар таҳлил, баррасӣ ва арзёбӣ мекунанд, нақшаҳои наздиктаринро коркард ва дар асоси онҳо дурнамои рушди давлатдорӣ муайян мегардад, Паёмҳои Сарвари давлат ба Парлумони кишвар мебошад. Паёми навбатӣ муҳимтарин ҷанбаҳои ҳаёти давлати тоҷиконро дар соли 2020, ҳамчун натиҷаҳое, ки наздик ба ду даҳсолаи ахир ба он замина гузошта шуда буд, баррасӣ кард. Мароми созандагии давлати тоҷиконро барои соли таърихии ҷашни сисолагии Истиқлолият тарҳрезӣ намуд.

Инчунин, ба якчанд нафар кормандон, ки ба сафи ҲХДТ дохил шуданд, шаҳодатномаи ҳизбӣ супорида шуд.

 


Вакти нашр: 2021-04-26 09:50:47    Хонданд: 105    Муфассал...

26-уми апрел- Рӯзи умумиҷаҳонии моликияти зеҳнӣ

Моликияти зеҳнӣ-маҳсули кори мағзи сар

Бо иқдоми Созмони Умумиҷаҳонии Моликияти Зеҳнӣ ҳар сол 26-уми апрел Рӯзи байналмилалии моликияти зеҳнӣ қариб, ки дар тамоми мамолики ҷаҳон таҷлил мегардад.  

Моликияти зеҳнӣ офаридаи андешаву тафаккури инсон, маҳсули кори мағзи сари вай аст, ки дар шакли донишу маълумоти нав зоҳир мешавад. Боиси қайди махсус аст, ки дар замони ҷаҳонишавии тамаддунҳо моликияти зеҳнӣ дорои мақом ва манзалати назаррас буда, ҷиҳати риоя ва дарёфти мақоми хеш дар ҷомеа ба як самти муҳими фаъолияти корӣ табдил ёфтааст.

Ин санаро шуруъ аз соли 1970 Созмони Умумиҷаҳонии Моликияти Зеҳнӣ бо конвенсияи худ,  эълон карда буд, ки мақсади он ҷалби таваҷҷуҳи умум ва беҳтар намудани тафаккур дар бораи моликияти зеҳнӣ ва нақши он дар ҳаёти имрӯзаи кишварҳо маънидод мегардад.  Боиси хушнудист, ки дар сатҳи ҷаҳонӣ ҳифз шудани моликияти зеҳнӣ омили барангезандаи неруи эҷодкории инсон гардида, сарҳади илму техникаро фарохтару дунёи адабиёту санъатро бою пурмуҳтаво мегардонад.

Ҷумҳурии Тоҷикистон дар соҳаи моликияти зеҳнӣ бетараф намбуда,

тибқи Қонуни Ҷумҳурии Тоҷикистон «Дар бораи рӯзҳои ид» ҳар сол санаи 26-уми апрел дар кишвари мо низ  Рӯзи байналмилалии моликияти зеҳнӣ таҷлил мегардад.

Хотирнишон бояд кард, ки Ҷумҳурии Тоҷикистон аз замони эълони истиқлолият пояҳои асосии қонунгузории худро дар соҳаи моликияти зеҳнӣ бунёд намуда, шомили муҳимтарин созишномаю шартномаҳои байналмилалии ин соҳа гардидааст. Дар моддаи 40 Конститутсияи Ҷумҳурии Тоҷикистон чунин омадааст: «Моликияти зеҳнӣ дар ҳимояи қонун аст».

Метавон гуфт, ки дар кишвари биҳиштосои мо бо шарофати сиёсати хирадмандонаи Асосгузори сулҳу ваҳдати миллӣ-Пешвои миллат, Президенти кишварамон, муҳтарам Эмомалӣ Раҳмон тамоми заминаҳои ҳуқуқӣ, техникӣ, илмӣ ва ғайра барои вусъати корҳои ихтироъкорӣ, истеҳсоли маҳсулоти ватанӣ, эътирофи ҳуқуқҳои муаллифӣ ва соҳибият ба моликияти зеҳнӣ  муҳайё мебошад. Таваҷҷуҳи рӯзафзуни мутахассисони соҳаҳои гуногуни Ҷумҳурии Тоҷикистон ба мавзӯи моликияти зеҳнӣ ҳам маҳз бо аҳамияти дар солҳои охир касбнамудаи он вобаста аст. Шароиту имконияти мавҷудае, ки аз ҷониби Ҳукумати кишвар дар ин самт равона гардидааст,  ба аҳли илму зиё, ихтироъкорону соҳибкорони ватанӣ имконият фароҳам овард, ки ба дастовардҳои назаррас дар ин самт ноил гарданд.

Боиси ифтихору сарфарозии мо-тоҷикон аст, ки дар солҳои соҳибистиқлолӣ пешрафти техникаву технологияи нави муосир имкон дод, ки дар муддати кӯтоҳтарин маҳсули эҷоди моликияти зеҳнӣ- асарҳои муаллифони дохиливу хориҷӣ сабт ва бо тарзҳои гуногун истифода карда шаванд.  


Вакти нашр: 2021-04-26 10:54:43    Хонданд: 93    Муфассал...

Бо мақсади пешгирии СOVID-19 шартҳои воридшавии мусофирон ба Ҷумҳурии Тоҷикистон пурзӯр гардонида шуданд

Бо мақсади пешгирӣ намудани бемории СOVID-19 ва риоя намудани назорати санитарӣ вуруди мусофирон ба Ҷумҳурии Тоҷикистон пурзӯр гардид.

Тавре сардори Раёсати амнияти санитарӣ-эпидемиологии  ҳолатҳои фавқулода ва кумаки фаврию тиббии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон Наврӯз Ҷаъфаров  ба АМИТ «Ховар» иттилоъ дод, шаҳрвандони ҳамаи давлатҳо имкони тариқи роҳи ҳавоӣ ба Тоҷикистон ворид шуданро доранд. Вале мусофироне, ки аз Истанбул ва Кобул меоянд, аз санҷиши махсус гузашта, бояд аз СOVID-19 тести иловагӣ супоранд ва то муайян шудани натиҷаи тест муддати 3 рӯз дар карантини хонагӣ нишинанд.

Ба зикри номбурда, барои ворид шудан ба Тоҷикистон мусофирон бояд маълумотнома дар бораи надоштани  сироят  ба СOVID-19 пешниҳод намоянд. Мусофироне, ки аз Россия, ИМА, Қазоқистон, Қирғизистон ва Ӯзбекистон меоянд, бо тести манфӣ аз коронавирус ба мамлакат  роҳ дода мешаванд.

«Дар сурати зарурияти омадани шаҳрвандони хориҷӣ бо мақсади  сафарҳои корӣ ба Тоҷикистон намояндагиҳои дипломатии он давлат ё ширкатҳо ба Ситоди ҷумҳуриявии Тоҷикистон барои гирифтани иҷозатнома муроҷиат мекунанд. Дар ин ҳолат шаҳрвандони зикршудаи хориҷӣ метавонанд бо истифода аз хатсайрҳои мавҷуда ва парвозҳои чартерии бо ситод мувофиқашуда ба Тоҷикистон ворид шаванд»,-  гуфт Наврӯз Ҷаъфаров.

Акс аз манбаъҳои боз


Вакти нашр: 2021-04-26 11:18:46    Хонданд: 81    Муфассал...

КӮР ЯК БОР АСОЯШРО ГУМ МЕКУНАД! Ба гумроҳоне, ки санг сӯи миллат меандозанд

Ба тафсил овардани ин нақл аз рӯзгори нобасомон дарсест барои ҳамаи мо, бахусус ҷавонон. Барои фазои ором, ба зиндагии осоишта шукрона бояд кард. Сарвари давлат муҳтарам Эмомалӣ Раҳмон бо тамоми ҳастиаш барои некуаҳволии халқ ва мамлакат заҳмат мекашанд. Истиқлолияти Ватанро арҷ бояд гузошт, ки ин ҳама ба осонӣ ба даст наомадааст. Кӯр як бор асояшро гум мекунад. Ба иғвову дасисаи душманони миллат дода нашавем. Ҳушёриро аз даст надиҳем. Шукронаи соҳибистиқлолии Ватани хешро бикунем.

Чунин ёдоварӣ намудааст доктори илми тиб, профессор Шералӣ РАҶАБАЛИЕВ аз  рӯзҳои вазнини  солҳои 90-ум дар ҷумҳурӣ зимни як нигоштааш, ки онро  рӯзномаи «Ҷумҳурият»  22 апрели соли равон таҳти унвони   «КӮР ЯК БОР АСОЯШРО ГУМ МЕКУНАД! БА ГУМРОҲОНЕ, КИ САНГ СӮИ МИЛЛАТ МЕАНДОЗАНД» ба нашр расонидааст.

Номбурда дар идомаи мақола чунин  ёдоварӣ  намудааст:

Ибтидои солҳои 90 — уми асри гузашта дар кишвар бо пош хӯрдани давлати шӯравӣ нобасомониҳо рух доданд. Дар гӯшаҳои гуногуни шаҳри Душанбе садои тирпарронӣ ба гӯш мерасид. Ин садо ҳодисаи маъмул гашта буд. Аз хона баромадан хатар дошт, таваккал ба кӯча мебаромадӣ, гумон буд, ки саломат ба хона баргардӣ ё на.

Ману ҳамсарам дар манзили худ мезистем. Ду зани руси ҳамсоя низ аз тарси ҷон дар хонаи мо паноҳ бурда буданд. Яке аз онҳо Е. Е. Рассолова сардори шуъбаи бонки ноҳияи Фрунзе (ҳоло Сино), дигарӣ Т.И.Баум момодоя, ки шавҳари олмонӣ дошт, буданд. Дар хона маводи ғизоӣ надоштем, ҳайрон ва низор менишастем. Баногоҳ садои зангӯлаи дар садо дод. Аз чашмак нигаристам, ки пушти дар ду марди тоҷик истодаанд. Занҳо аз тарс илтиҷо мекарданд, ки дарро накушоям. Ҳар чи бодо бод, гӯён дарро во кардам.

Яке худро Қурбон, аз ноҳияи Орҷоникидзеобод (ҳоло Ваҳдат) муаррифӣ кард. Гуфт, ки хоҳарам бемори вазнин асту дар ноҳия духтур намондаст. Ошное «адреси» (нишонии) шуморо дод. Ҷон, акаҷон, илтимос бо мо ба ноҳия равем.

Ҳамсар ва занҳои ҳамсоя барои рафтанам монеъ шуданд. Фаҳмондам, ки инҳо ҳам ночор монда, ба назди ман омадаанд.

Ба мошини онҳо савор шудему бо роҳи канори пойтахт — кӯчаи Карамов ба роҳ баромадем. Зеро аз маркази шаҳр садои тирпарронӣ шунида мешуд. Дар чорроҳаи донишгоҳи кишоварзӣ як даста ҷавонони силоҳдор мошинро манъ карда, моро фуроварданд. Вазъиятро фаҳмондам. Бачаҳо ночор иҷозати ҳаракатро доданд. Таъкид карданд, набошад дар ягон  ҷои мошин,  ягоп  пора латаи сафед бандед. Хушбахтона, рӯймолчаи сафеде доштам ва як гӯшаи онро дар сими антенаи мошин бастам. Мувофиқи  маслиҳат бо роҳи кӯчаи «Дӯстии халқҳо» роҳамонро идома додем.

То ба шаҳри Ваҳдат расидан дар роҳ боз дар ду — се дидбонгоҳ моро нигоҳ доштанд. Чун мефаҳмиданд, ки куҷо ва барои чи меравем, рухсат медоданд.

Дар беморхонаи шаҳр ягон духтур набуд. Ҳамаро барои ёрӣ ба захмдоршудагон, ба шаҳри Душанбе сафарбар карда буданд. Ҳамшираи тиббӣ маро ба палатаи (ҳуҷраи) бемор раҳнамоӣ намуд. Дар он ҷо зани зебои ба тахмин 25 — сола беёд мехобид. Муоина гузарондам, маълум шуд, ки бемор ба илтиҳоби шадиди пардаи майнаи сар (менингит) мубталост. Дар берун ба наздикон вазъияти беморро фаҳмондам.

Ҳангоми бозгашт аз бозори шаҳри Ваҳдат дидан кардем. Дар як бозори калон фақат як кас сабзӣ мефурӯхт. Аз он кас сабзӣ харидам. Аз пули дарёи Кофарниҳон гузаштем. Чашмам ба дари нонвойхонае афтид, ки во буд. Нонвой гуфт: «Ака танҳо 3 дона нони сӯхтагӣ дорам». Гуфтам, мешавад. Ман он нонҳоро чун гавҳараки чашм, боэҳтиёт дар ҷузвдони хеш ҷо кардам.

Дар маҳаллаи ДОК — и шаҳри Душанбе мошини моро сарбозони рус манъ карданд. Баъд аз тафтиш рухсати ҳаракат доданд.

Бародарон маро сиҳату саломат ба хонаам расонданд. Аҳли байт маро бардам дида, бо оби дидаву хушҳолӣ истиқбол гирифтанд. Зеро онҳо ба баргаштанам бовар надоштанд.

Се рӯз кам — кам сабзиҳоро ҷӯшонда, бо нон истеъмол кардем.

Он рӯзҳои ноамнӣ пои пиёда соатҳои 9 дар ҷои кор ҳозир мешудам ва соатҳои 11 — 12 ба хона бармегаштам. Дар шуъбаи бачагонаи беморхона, ки 45 кат дошт, 6 — 7 кӯдаки бемори вазнин доштем. Дар шуъбаи калонсолон аксарият ярадорон бистарӣ буданд.

Ҳамсояам Е. Е.Рассолова ба зудӣ хонаашро фурӯхта ба шаҳри Москва кӯчид. Баум Яков мошини сабукрави «Жигули» ва хонаашро фурӯхт. Бору бандашро ба контейнер бор карда, тавассути қатора ба Германия роҳӣ кард. Ва худаш низ Тоҷикистонро тарк гуфт.

Баъд аз 6 моҳ Баум аз Германия занг зада гуфт, ки анҷомҳояш наомадаанд. Ман аз роҳиоҳанчиён ҷӯё гаштам. Гуфтанд, як гурӯҳ силоҳдорон омада контейнерҳоро шикаста, бору анҷоми онро ғорат карданд.

Соли 1998 Бауми олмонӣ ба Душанбе омад ва ду шаб дар хонаи мо меҳмон шуд. Сабаби омаданашро фаҳмидам. Вай нияти бозгашт ба Душанберо доштаст, аммо вазъиятро дида, ашк рехт ва гуфт: «Обод шудани ин кишвари зебо дар гумон аст…». Баум дилу бедилон Душанберо тарк намуд…

Ҷанги шаҳрвандӣ даҳҳо ҳазор одамонро бехонумон кард. Сухан на танҳо дар бораи тоҷикон, балки дар бораи дигар халқиятҳо низ меравад, ки дар Тоҷикистон мезистанд. Онҳо ночор Тоҷикистонро тарк мекарданд. Афсӯс мехӯрданд, ки аз чунин ҷойи ободу зебо, беҳтарро намеёбанд. Аммо чи чора…

Вазъият ҳамоно нотинҷ буд. Табибон ва ҳамшираҳои шафқат намерасиданд. Дуздӣ дар шаҳр зиёд буд. Яке аз рӯзҳо зане тарозуи беморхонаро, ки бо он вазни беморонро месанҷидем, бароварданӣ шуд. Вақте посбон хост ӯро аз ин роҳ баргардонад, вай гуфт: «Тарозӯи худам ҳаст…». Муайян шуд, ки он тарозуи коргоҳ будааст.

26 декабри соли 1996, соати 9 — и шаб ба хона баргаштам, ки дар хона дуздҳо будаанд. Омаданамро фаҳмида, аз тиреза парида гурехтанд. Ба ҳуҷра даромада бинам, дар болои миз як қолин аст. Милисаҳоро даъват кардам, онҳо омада панҷараи хонаро часпонда гуфтанд, ки ариза нависед. Муҳим гуфтам, ки ягон чизро имкон наёфтанд, ки бубаранд…

Ҳамин хел, мисли ҳарвақта ба кор мерафтем. Рӯзе фармуданд, ки ҳамроҳи ҷарроҳи асаб Самад Давлатов ба шаҳри Қӯрғонтеппа (ҳоло Бохтар) биравем. Падари яке аз фармондеҳон бемор будааст. Ронандаамон ҷавон буду бо суръати баланд мошин меронд. Ҳар замон таъкид мекардам: «Оҳиста ҳай кун». Ӯ дар посух ироа мекард: «Мо бо камандир дар 40 дақиқа ба Душанбе мерасем». Ба ӯ гуфтам, ки мо духтурем. Сухан ба ӯ таъсир намекард.

Ба Қӯрғонтеппа расида, беморро муоина кардем. Дар бозгашт ҳамон ронанда мошинро бо суръати баланд меронд. Дар ағбаи Фахробод корманди БДА ишорачӯбашро боло кард. Ронанда эътибор надода ҳаракаташро идома дод. Дар даромадгоҳи шаҳри Душанбе кормандони бозрасӣ мошинро манъ карданд. Аммо ӯ боз наистод. Ҳамин асно садои тир баланд шуд. Ронандаро маҷбур кардам, ки мошинро дорад. Аз мошин фуромадем. Борони майда меборид. Се нафар корманди бозрасии мусаллаҳ давида омаданд. Яке аз онҳо капитан Сафаров — ҳамсояам маро шинохт. Ӯ маро дида гуфт: «Ако умратон дароз будааст, агар мошин намеистод маҷбур мешудем, тир холӣ кунем. Тирҳои якум ба шумо мерасид, зеро шумо дар курсии қафо қарор доштед…».

Пурсидам, чаро? Гуфт, мошин бо суръати бениҳоят баланд аз ағбаи Фахробод фуромада, ба ишораи кормандони мо итоат накардааст. Баъд рақамҳои пушти мошин нест. Ҳоло вақти нооромӣ, ҷинояткорон бисёр. Дар постгоҳи Фахробод афсари олирутбае будааст. Ин корро дида тавассути «ратсия» ба постгоҳи онҳо хабар додааст, ки мошинро манъ кунед, наистад, парронед…

Онҳо ронандаро бо мошинаш ба майдони ҷаримавии шаҳр бурданд. Ба мо амр шуд, ки ба хонаҳоятон равед.

Хулоса, то соли 2000 силоҳбадастон дар ҳар қадами шаҳр меистоданд. Ва ҳар доим ба беморхона омада, ҳар чиз талаб мекарданд. Оҳиста – оҳиста вазъият дар кишвар бо талошҳои Сарвари давлат муҳтарам Эмомалӣ Раҳмон ба эътидол омад. Тоҷикистон обод шуд, аз будаш ободу зеботар гашта истодааст. Мо акнун дар фазои сулҳу субот метавонем кору зиндагӣ кунем, Шукри истиқлолу оромии кишвар.


Вакти нашр: 2021-04-26 13:08:47    Хонданд: 116    Муфассал...

ҲИФЗИ СУЛҲУ ОРОМӢ МАРОМИ МОСТ!

Дар тӯли 30 соли соҳибистиқлолӣ Тоҷикистони мо зери роҳбарии фарзанди фарзонаи миллат Асосгузори сулҳу ваҳдати миллӣ - Пешвои миллат, Президенти маҳбуби кишвар муҳтарам Эмомалӣ Раҳмон ба рушду тараққиёти зиёде ноил гардид. Албатта, дар ин самт заҳмату талоши мардуми кишвар нақши муҳим дошта, аз сиёсати хирадмандона ва халқпарваронаи роҳбари давлат шаҳодат медиҳад.

Чуноне огоҳ ҳастем, Пешвои миллат дар баробари дигар қишрҳои ҷомеа нигоҳи аввалинро ба ҷавонон андӯхта, ҳамеша таъкид менамоянд, ки неруи ояндасозро тарбия бояд кард. Ҷавононе, ки соҳиби илму маърифати комил ҳастанд, ин таъкидҳои падаронаро ҳалқа ба гӯш намуда, барои расидан ба ҳадафҳои олӣ ҷидду ҷаҳд карда, ба боварии давлату миллати хеш сазовор мешаванд. Лек на ҳама ҷавонон аз ҷӯйи одобу ахлоқи ҳамида об менӯшанд, баръакс бо ашхоси бадкирдоре ҳамроҳӣ менамоянду худро ба чоҳи зулмат меафкананд.

Мутаассифона, дар ҷомеаи имрӯза гурӯҳҳои ифротгарое ҳастанд, ки тавассути шабакаҳои иҷтимоӣ ба ҳаёти ҷавонон дахолат менамоянд. Онҳоро ба роҳҳои нодуруст ҷалб карда, дар охир аз шаҳди айёми ҷавонӣ маҳрум месозанд.

Чӣ тавре ки Пешвои муаззами миллат таъкид намуданд, соли 2021 барои мардуми сарбаланди тоҷик соли басо муҳим ва хотирмон аст, яъне ҷашни бузурги 30 - солагии Истиқлоли давлатӣ мебошад ва ин ҷашни муқаддаси миллӣ пешорӯи мо масъулиятҳои бузургу дучанд мегузорад.

Ҳамавақт мо бояд зираку ҳушёр бошем. На танҳо ба доми он худбохтагон наафтем, балки дигар бояд ба онҳо маҷоли даҳон кушодан надиҳем. Бояд ҳар кадоми мо мавқеи шаҳрвандии худро дар шабакаҳои иҷтимоӣ низ равшан намоем, барои нигаҳдошти истиқлол ва ваҳдати миллӣ худро вазифадор донем.

Мо - мардуми Тоҷикистон дигар ба ин гуна афсонаҳо ва суханҳои беасоси хоинон бовар намекунем ва намегузорем, ки ақидаҳои ғалату бемантиқ ва куҳнашуда ба ҷомеаи мо роҳ ёбанд. Мо кӯшиш мекунем, ки ҷавонону наврасонамонро дар руҳияи ватандӯстӣ, илмдӯстӣ ва кашшофиву навоварӣ тарбия карда, аз ҷаҳолату нодонӣ дур нигоҳ дорем.

Имрӯзҳо мо шоҳиди гуфтаҳои хоинони миллат, ки тавассути шабакаҳои интернетӣ нисбати давлату миллати худ тафриқаҳои иғвоангезонаро пахш менамоянд огоҳ буда, онҳоро намегузорем, ки бори дигар номи миллату давлати тоҷикро доғдор созанд.

Роҳбарони ҳизби ифротгарои террористии наҳзат мақсади нопоки худро мекӯшиданд аз мардум пинҳон доранд. Ба номи ҳизб ҳамроҳ намудани калимаи “ислом” як воситаи хуби ҷалб намудани таваҷҷуҳи одамон ба ҳизби террористӣ ва пардапӯш намудани мақсади аслии ҳизбу роҳбарони он буд. Вале фаромӯш кардаанд, ки амали бад ҳеҷгоҳ пинҳон намемонад. Рӯзе мерасад, ки новобаста аз кӯшиши касе он ошкор мегардад ва боиси рӯсиёҳии шахсоне мешавад, ки бо амалҳои бадкирдоронаи худ ба сари мардум мусибатҳои гӯшношунид овардаанд.

Моро мебояд, ки бо ақли солим ва рафтору гуфтори оқилона ба сӯйи ояндаи дурахшони Тоҷикистон, қиблаи умеди ҳама тоҷикистониёну тоҷикони рӯи олам қадам занем, то ваҳдату ҳамдилӣ, Истиқлоли давлатӣ пойдор ва ягонагии мардумро ҳифз ва устувор нигоҳ дорем.

Мо аз ҳама он бадбахтиҳое, ки ин миллати бузургу тамаддунофар аз сар гузаронидааст, сабақи хуб бардошта, онро дар рӯҳу ҷони худ озмудаем ва ҳеҷ гоҳ ба хатокорӣ роҳ намедиҳем. Ҳушёру зирак ва муҳофизи арзишҳои миллӣ мебошем. Чун имрӯз ба бахти мо сулҳи пойдор дар кишвар мақом дорад, онро чун вориси ояндасоз ҳифз мекунем. Бар зидди нохалафоне, ки бар хилофи давлатдории мо сар боло мекунанд, мубориза мебарем. Мо оромию осудагӣ ва ҳифзи сулҳи гаронбаҳои хешро мароми ягонагиамон дониста, намегузорем, ки нохалафе бо чашми ҳасад ба он нигарад.

Саид ҒОИБНАЗАРЗОДА

директори Пажӯҳишгоҳи идоракунии давлатӣ

ва хизмати давлатии Академия


Вакти нашр: 2021-04-26 13:25:50    Хонданд: 113    Муфассал...

Иштирок ва суханронӣ дар иҷлоси 77-уми Комиссияи иқтисодӣ ва иҷтимоии Созмони Милали Муттаҳид барои кишварҳои Осиё ва Уқёнуси Ором оид ба татбиқи Ҳадафҳои рушди устувор

26 апрели соли 2021 Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар иҷлоси 77-уми Комиссияи иқтисодӣ ва иҷтимоии Созмони Милали Муттаҳид барои кишварҳои Осиё ва Уқёнуси Ором оид ба татбиқи Ҳадафҳои рушди устувор дар мавзӯи “Барқарорсозӣ пас аз буҳрон дар асоси усули “аз пештара ҳам хубтар” ва ҳамкориҳои минтақавӣ дар Осиё ва Уқёнуси Ором”, ки дар шакли маҷозӣ баргузор гардид, иштирок ва суханронӣ карданд.

Дар кори иҷлос ҳамчунин, Раиси Маҷмаи Умумии СММ Волкан Бозкир, Раиси Шӯрои иқтисодӣ-иҷтимоии СММ Мунир Акрам, Котиби иҷроияи Комиссияи иқтисодӣ ва иҷтимоии СММ барои кишварҳои Осиё ва Уқёнуси Ором Армида Алишахбону, президентҳои Афғонистон, Озарбойҷон, Индонезия, Кирибати, Қирғизистон, Ҷазираҳои Маршал, Муғулистон, сарвазирҳои Таиланд, Тувалу, Бангладеш, Бутан, Камбоҷа, Фиҷи, Покистон, Шри-Ланка, Ӯзбекистон иштирок ва суханронӣ карданд.

Иҷлоси 77-ум ба масъалаҳои таҳлили таъсири иҷтимоию иқтисодии пандемия дар кишварҳои Осиё ва Уқёнуси Ором, натиҷагирии тадбирҳои то ҳол дар ин самт андешидашуда, муҳайёсозии тасмимҳои сиёсӣ барои бозсозии беҳтар бар асоси ҳамкориҳои минтақавӣ дар чор бахши ҳаётии бо ҳам пайваста, густариши ҳамкориҳои иҷтимоӣ, сармоягузорӣ барои барқарорсозии устувор, таҳкими иттисол ва занҷираи таъминот ва эҳёи равобит бо табиат, бахшида шуда буд.

Зимни суханронӣ Президенти мамлакат муҳтарам Эмомалӣ Раҳмон баргузории чорабиниро бо дарназардошти таҳдидҳои муосир ва таъсири пандемияи КОВИД-19, ки дар аксари кишварҳои ҷаҳон ҳанӯз ҳам идома дорад, хеле муҳим ва саривақтӣ арзёбӣ карданд.

Таъкид гардид, ки имрӯз дар дунё давлат ва соҳае нест, ки аз таъсири пандемияи КОВИД-19 эмин монда бошад. Рушди иқтисодӣ, буҷети давлатӣ, гардиши тиҷорати хориҷӣ, қурби асъори миллӣ ва фаъолияти корхонаҳои саноативу муассисаҳои хизматрасонии тамоми кишварҳои дунё аз таъсири манфии пандемия зарар дида истодаанд. Ҳамзамон бо ин, пандемия омили ба таври бесобиқа боло рафтани сатҳи бекорӣ дар миқёси ҷаҳонӣ шудааст, ки метавонад кишварҳои мухталифро бо мушкилоти таъмини амнияти озуқаворӣ дучор гардонад.

Сарвари давлат муҳтарам Эмомалӣ Раҳмон иброз доштанд, ки шиддат гирифтани пандемияи КОВИД-19 дар ҷаҳон моро низ водор сохт, ҷиҳати пешгирӣ аз ин беморӣ, коҳиш додани зарари иҷтимоиву иқтисодӣ ва дастгирии соҳаҳои ҳаётан муҳимми ҷомеа чораҳои мушаххас, аз ҷумла бознигарии буҷети давлатӣ барои соли 2020, омода кардани беш аз 30 беморхона бо 7000 кат ва 5400 нафар табибону кормандони тиббӣ, ташкили 16 ҳазор кат дар 92 муассисаи тандурустӣ барои табобати пурра ва саривақтии шахсони гирифтори бемории сироятии КОВИД-19, ҷудо кардани маблағҳои иловагӣ ба соҳаи тандурустӣ барои харидорӣ намудани таҷҳизоти тиббӣ ва доруворӣ, бунёди беморхонаҳои муваққатӣ ва дастгирии кормандони тибро дар кишвар амалӣ созем.

Дастгирии бахши хусусӣ бо ҷорӣ кардани сабукиҳои зиёди андозиву қарзӣ ва имтиёзу ҷубронпулиҳо ба соҳибкорон ва корхонаҳои хурду миёнаи истеҳсолӣ, пардохти кумакпулиҳои иҷтимоӣ ба гурӯҳҳои осебпазири аҳолӣ дар давраи пандемия, ташкил кардани зиёда аз 193 ҳазор ҷойҳои кори доимӣ ва мавсимӣ дар ин давра, барои беҳтар намудани шароити иҷтимоии аҳолӣ, дар ҳаҷми 15 фоиз зиёд кардани нафақа, музди меҳнати кормандони ташкилоту муассисаҳои буҷетӣ, бахусус кормандони соҳаи тандурустӣ ва стипендияҳо, 10 фоиз маоши кормандони мақомоти ҳифзи ҳуқуқ ва хизматчиёни ҳарбӣ 50 фоиз нафақаи маъюбоне, ки ба нигоҳубин ниёз доранд ва бо мақсади ҳифзи амнияти озуқавории кишвар ва боло бурдани ҳаҷми истеҳсоли маҳсулоти худӣ афзоиш додани масоҳати даҳҳо ҳазор гектар майдони кишти асосӣ ва такрории зироатҳои кишоварзӣ, аз тадбирҳои дигари мушаххас ва арзишманди Ҳукумати Ҷумҳурии Тоҷикистон дар ин самт мебошад.

Сарвари давлат таъкид карданд, ки бо дарназардошти самти иҷтимоӣ доштани буҷети давлатӣ, соли гузашта барои соҳаи иҷтимоӣ 48 фоизи қисми хароҷоти буҷет ҷудо гардид.

Илова бар ин, ҷиҳати бартараф кардани пайомадҳои пандемияи КОВИД-19 Ҳукумати Тоҷикистон бо мақсади татбиқи барнома ва лоиҳаҳои дахлдор ҳамкории судмандро бо шарикони рушд, бахусус, бо Хазинаи байналмилалии асъор, Бонки Ҷаҳонӣ, Бонки осиёии рушд ва дигар институтҳои байналмилалии молиявӣ густариш бахшид.

Президенти мамлакат муҳтарам Эмомалӣ Раҳмон бо истифода аз фурсат, ба тамоми кишварҳо ва созмонҳои байналмилалӣ, аз ҷумла Созмони Милали Муттаҳид ва сохторҳои тахассусии он, бахусус Созмони ҷаҳонии тандурустӣ, шарикони рушд ва ниҳодҳои молиявии байналмилаливу минтақавӣ барои дастгирии Тоҷикистон дар давраи пандемия изҳори сипос карданд.

Зимни суханронӣ дар иҷлоси 77-уми Комиссияи иқтисодӣ ва иҷтимоии Созмони Милали Муттаҳид барои Осиё ва Уқёнуси Ором Сарвари давлат муҳтарам Эмомалӣ Раҳмон таъкид карданд, ки дар давоми соли 2020, сарфи назар аз чораҳои андешидашуда, афзоиши ниҳоии маҷмӯи маҳсулоти дохилии кишвари мо дар қиёс ба соли 2019 се фоиз коҳиш ёфт. Сатҳи таваррум дар ин давра аз 7,9 фоизи соли 2019 ба 9,4 фоиз расид. Нархи хӯрокворӣ низ дар кишвари мо, ба мисли тамоюли болоравии нархи маводи хӯрокӣ дар саросари ҷаҳон, 13 фоиз боло рафт. Нархҳои маҳсулоти ғайрихӯрокворӣ аз аввали сол 5,8 фоиз ва тарифҳои хизматрасонӣ 4 фоиз афзоиш ёфанд.

Таъкид гардид, ки бо вуҷуди тадбирҳои андешидаи Ҳукумат, иқтисоди Ҷумҳурии Тоҷикистон ҳанӯз ҳам зери таъсири манфии оқибатҳои пандемияи КОВИД-19 қарор дорад. Ҳарчанд, ки ибтидо аз аввали соли равон дар қаламрави Тоҷикистон ҳолатҳои сироятшавӣ бо бемории КОВИД-19 ба қайд гирифта нашудааст.

Аз ин лиҳоз, барқарорсозии иқтисодиёт пас аз давраи КОВИД-19, ҳавасмандгардонии тиҷорати хурд ва миёна, дастгирии гурӯҳҳои осебпазири аҳолӣ, татбиқи чораҳои зидди эпидемиологӣ, алалхусус, барномаи эмкунӣ аз тамоми кишварҳо, аз ҷумла кишварҳои минтақаи Осиё ва Уқёнуси Ором ҷалби захираҳои иловагии молиявиро талаб мекунад.

Сарвари давлат зарур шумурданд, ки дар чунин вазъият кишварҳои минтақаи мо дар баробари тавсеаи ҳифзи иҷтимоии аҳолӣ ба сармоягузорӣ ҷиҳати барқарорсозии устувори иқтисодиёт, нигоҳ доштани гардиши молу маҳсулот, таъмини ҳамлу нақли бемамониати молҳои ниёзи аввалиндараҷа, бахусус маводи ғизоӣ ва доруворӣ, ҳамчунин ҳифзи муҳити зист таваҷҷуҳи хосса зоҳир намоянд.

Дар охири суханронӣ Президенти мамлакат муҳтарам Эмомалӣ Раҳмон вобаста ба пандемия ва давраи пас аз он бо дарназардошти таъсиру пайомадҳои тӯлонии КОВИД-19 дар ҷаҳон аз кишварҳои минтақаи Осиё ва Уқёнуси Ором даъват намуданд, ки ҳамкории минтақавиро дар самтҳои зикргардида, инчунин, барои муқовимат ба таҳдиду буҳронҳои эҳтимолии оянда, таъмин намудани гуногунсамтии иқтисодиёт, густариши раванди рақамикунонӣ, мутобиқшавӣ ба пайомадҳои тағйирёбии иқлим ва гузариш ба “иқтисоди сабз” тақвият бахшанд, зеро дар ин давраи ҳассосу мушкил барои тамоми ҷомеаи ҷаҳонӣ амалҳои ҳамоҳангшуда ва дастгирии ҳамдигар басо муҳимму зарур мебошад.


Вакти нашр: 2021-04-26 15:06:34    Хонданд: 114    Муфассал...

ДУШАНБЕ - ШАҲРИ ҶАВОНОН

Душанбе маркази Ҷумҳурии Тоҷикистон, шаҳри пайвандгари дилҳо, макони меҳру шафқат ва маскани тоҷикони бузург аст. Мо ифтихор аз он дорем, ки сокини шаҳри Душанбе ҳастем. Душанбе кишварест, ки барои аз хурд то бузурги ин сарзамин Ватан аст. Ватане, ки мисли модари ғамхор дӯсташ медорем. Меҳане, ки сар то сар гул – гулшукуфону ободу зебову бофароғат аст. Даме, ки дар кӯчаҳои ин шаҳри дилҳо қадам мезанем, беихтиёр аз зебогии муҳити атрофаш ҳаловат мебарем. Имрӯз ҳамчун бошандагони ин сарзамини бузург моро лозим меояд, ки бо тамоми дастовардҳояш онро васфу ситоиш намоем. Ҳар фарде, ки дар Душанбешаҳр зиндагонӣ мекунад, аллакай мушоҳида карда метавонад, ки худ, ин зебогӣ ва ободонии шаҳр сокинонро ба тағйир додани феълу рафтору гуфтори худ дар кӯчаву хиёбон ва гулгаштҳо, мутобиқ намудани тарзи пӯшидани сару либос дар чунин фазои зебогӣ ва истифода намудани забони модарии аз дашному ҳақорат орӣ водор месозад. Сабаби ин ҳама тағйироти назаррас ва вазъи мусбат, албатта дар кӯшишҳои Ҳукумати Ҷумҳурии Тоҷикистон, вазорату идораҳои дахлдор, раиси мақомоти иҷроияи ҳокимияти давлатии шаҳри Душанбе муҳтарам Рустами Эмомалӣ ва бахусус, саъю талоши худи сокинони шаҳр ва ташаббусҳои соҳибкорони бонангу номуси пойтахт дар ҳар як кори неку хайр дида мешавад.

Тасдиқи ин гуфтаҳо азнавсозӣ ва сохтмони майдончаҳои варзишӣ-фароғатӣ бо шумораи 312 адад, иншооту биноҳои замонавӣ бо шумораи 401 адад, объектҳои маишию хизматрасонӣ, сабзу хуррамгардонии кӯчаю хиёбонҳо, боғу гулгаштҳо ва амалӣ намудани аксияҳои ниҳолшинонӣ, гулшинонӣ ва ғайра мебошад.

Дар самти ободонӣ ва боз ҳам сабзу хуррамгардонии кӯчаю хиёбонҳо, боғу гулгаштҳо ва мавзеъҳои кабудизори шаҳри Душанбе Нақшаи чорабиниҳои навбатӣ оид ба ниҳолшинонию сабзкорӣ дар мавсими тирамоҳи соли 2020 ва баҳори соли 2021 дар шаҳри Душанбе бо қарори раиси шаҳри Душанбе муҳтарам Рустами Эмомалӣ таҳти №437 аз 31 августи соли 2020 тасдиқ карда шуд, имрӯз натиҷаи ин санадро бо чашми сар мебинем.

Боиси ифтихор аст, ки дар баробари кӯшишҳои Ҳукумати кишвар, инчунин корхона, ташкилоту муассиса ва дигар субъектҳои хоҷагидории дар шаҳри Душанбе фаъолияткунанда новобаста аз шакли моликият ва тобеияти идоравӣ дар гирду атрофи мавзеи худ бо риояи талаботи агротехникӣ, бо тавсияи мутахассисони соҳа шинонидани ниҳоли дарахтону буттаҳо ва гулҳои мавсимию бисёрсоларо ба роҳ мондаанд.

Тибқи маълумоти пешниҳоднамудаи ташкилоту муассисаҳои соҳаи ободонии шаҳр то ба имрӯз дар ҳудуди шаҳри Душанбе дар кӯчаву хиёбонҳо, гулгаштҳо, шаҳраку маҳаллаҳо ба миқдори 22287 бех ниҳолу дарахтони сояафкану ороишӣ шинонда шуданд.

Аз гулҳои мавсимию бисёрсола 9 700 000 дона гулҳои бисёрсолаи мавсимӣ шинонда шудаанд, ки аз ин шумора 5 684 000 донаи онро гулҳои лола ташкил медиҳад.

Дар воқеъ, Душанбе ҳамчун пойтахти ватани соҳибистиқлол бо азму талошҳои пайвастаи Пешвои миллат, муҳтарам Эмомалӣ Раҳмон ва тадбирҳои созандаи мақомоти иҷроияи ҳокимияти давлатии шаҳри Душанбе симои муосиру замонавӣ ба худ касб карда, дар он бинову иншооти маишиву идоравӣ ва истиқоматии баландошиёнаи дорои санъати меъмории миллию аврупоӣ қомат баланд намуда, роҳу пулҳо, хизматрасонии нақлиёти ҷамъиятӣ, боғу гулгашт, майдончаҳои варзишӣ, китобхонаву кинотеатр, театр, даҳҳо муассисаҳои дигари фарҳангию фароғатӣ ва муассисаҳои маорифу тандурустӣ онро барои зиндагиву кор ҳамчун шаҳри дорои инфрасохтори зарурии шаҳрдориву шаҳрнишинӣ муаррифӣ намудаанд.

Ҳоло пойтахти мо, шаҳри Душанбе пойтахти фарҳангии Иттиҳоди Давлатҳои Мустақил дар соли 2021 пазируфта шудааст.

Аз ин лиҳоз, ҷавонони шаҳри Душанберо зарур аст, ки дар пешрафту ташаккули тамоми соҳаҳои сарзамини худ неруи зеҳнӣ ва қувваю бозуи ҷисмонии худро дареғ надошта, кӯшиш намояд то дар ҷаҳони зудтараққӣ аз пойтахтҳои дигар пас намонда, рушди баробарро бо онҳо дар тамоми соҳаҳои ҳаёти ҷамъиятӣ ба роҳ монанд.

Ҷалби неруи ҷавонон ба корҳои созандагиву бунёдкорӣ, тақвияти таъмини ширкати фаъоли онҳо дар ҳаёти сиёсиву ҷамъиятӣ, ҷалби ин табақаи неруманди ҷомеа ба сафҳои хеш барои устувор намудани рукнҳои давлатдории навин, ҳимояи марзу буми Ватани азизамон ва мутобиқат намудан ба ҷараёни таҳаввулоти босуръати ҷаҳон ва эмин нигоҳ доштани давлату миллат аз тазодҳову таҳдидҳои замони муосир мусоидат менамояд.

Давлати мо яке аз кишварҳои аз лиҳози шумораи аҳолӣ ҷавонтарин (70% аҳолиро шахсони то 30-сола) дар дунё ба шумор рафта, аксарияти аҳолии онро ҷавонон ташкил медиҳанд ва онҳо неруи бузурги мутаҳаррики рушди кишвар мебошанд.

Тавре Асосгузори сулҳу ваҳдати миллӣ - Пешвои миллат муҳтарам Эмомалӣ Раҳмон зикр намудаанд, “Мо бо ҷавонони созандаи худ ифтихор мекунем, чунки ҷавонони даврони соҳибистиқлол имрӯз бо нангу номуси миллӣ, ташаббусҳои шоиста ва эҳсоси баланди ватандорӣ дар рушди Тоҷикистони азиз ҳиссаи арзишманд мегузоранд”. Маҳз барои ҳамин бояд ҷавонон дар одоби шаҳрдорӣ ҳамчун парчамбардори миллат омода бошанду зиндагии хешро мутобиқ ба диду назар, хоставу ормони хеш бунёд намуда, обрӯву эътибори макони худ – Душанбеи азизро дар арсаи байналмилалӣ боло бардоранд ва мояи ифтихори наслҳои оянда бошанд.

Душанбе ҳамчун маркази бузурги Тоҷикистони азизу соҳибистиқлол ҳар рӯзу ҳар соат дар айни шукуфтанҳост ва рӯз то рӯз онро ободу зебо, бофароғату дилнишин дидан метавон. Кист он бузургдиле, ки аз обу ҳавои ин макони азалӣ бебаҳра монда бошад? Кист он родмарде, ки қудрати бузурги ин сарзаминро ба мардумони баору номусаш дастгир набуд? Нест нафаре, нест тоҷике, ки бузургии ин макони шаҳдрезро эҳсос накарда бошад.

Нест лаҳзае, ки бӯи атромези Душанбеи дилнишин қалби саршор аз меҳру муҳаббат ва машоми муаттари он димоғи мардумашро шефта нагардонад.

ҚОДИРОВА Г.Т. - н.и.и., дотсент, ходими илмии Пажӯҳишгоҳи равандҳои сиёсӣ, дипломатия ва масоили ҷаҳонишавии Академия


Вакти нашр: 2021-04-26 15:29:05    Хонданд: 83    Муфассал...

Барқияи изҳори тасаллии Президенти Ҷумҳурии Тоҷикистон Эмомалӣ Раҳмон ба Президенти Ҷумҳурии Индонезия Ҷоко Видодо

Имрӯз Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Президенти Ҷумҳурии Индонезия муҳтарам Ҷоко Видодо барқияи изҳори тасаллӣ ирсол намуданд, ки дар он омадааст:

«Ҷаноби Олӣ,

Хабари ғарқи киштии зериобии Қувваҳои низомии баҳрии  Ҷумҳурии Индонезия дар баҳри Балӣ ва талафоти зиёди ҷонӣ дар натиҷаи он моро андӯҳгин намуд.

Ҳамдардии амиқи худ ва тамоми мардуми Тоҷикистонро ба мардуми дӯсти Индонезия изҳор намуда, бо арзи тасаллиёти самимӣ ба наздикону пайвандони қурбоншудагон аз даргоҳи Худованди мутаъол сабри ҷамил хоҳонам.

Инно лиллоҳи ва инно илайҳи роҷеъун».


Вакти нашр: 2021-04-26 16:01:02    Хонданд: 87    Муфассал...

ИДОМАИ КОРҲОИ СОЗАНДАГИВУ БУНЁДКОРӢ ДАР ПОЙТАХТ

Бо ташаббуси Пешвои миллат муҳтарам Эмомалӣ Раҳмон авҷи воқеии бунёдкорӣ бо маром идома дошта, шаҳру деҳоти мамлакат ба ҷабҳаи бузурги созандагӣ табдил ёфтаанд. Дар ин замина шаҳри Душанбе ҳамчун симои мамлакат бо ташаббусҳои созандаи Раиси шаҳри Душанбе муҳтарам Рустами Эмомалӣ ба шаҳри озодаву зебо ва пешрафта табдил ёфтааст.

Бунёди бинои истиқоматӣ дар кӯчаи Нусратулло Махсуми ноҳияи Сино яке аз бандҳои нақша-чорабиниҳои мақомоти иҷроияи ҳокимияти давлатии шаҳри Душанбе ба истиқболи ҷашни 30-солагии Истиқлолияти давлатии Ҷумҳурии Тоҷикистон мебошад. Бинои мазкур аз ҷониби соҳибкор Салима Шерова бунёд гардида, имрӯз бо иштироки намояндагони мақомоти иҷроияи ҳокимияти давлатии ноҳияи Синои пойтахт мавриди баҳрабардорӣ қарор гирифт. Тавре аз ҷониби соҳибкорон итилоъ дода шуд, бино аз ду даромадгоҳ ва 58 ҳуҷра иборат мебошад ва бо сифати баланд аз ҷониби сохтмончиёни маҳаллӣ бунёд шудааст. Ҳамин аст, ки аз сифати корҳои анҷомшуда ва ободиву созандагиҳои шаҳр истиқоматкунандагони ин бинои навбунёд низ қаноатманданд. Корҳои сохтмонии иншооти мавриди назар аз ҷониби ҶСП “Синотоҷикстар” анҷом дода шудааст. Ин бинои истиқоматӣ мувофиқ ба нишондоди лоиҳа сохта шудааст ва дар баробари онки 58 оилаи пойтахт соҳиби хонаҳои хуштарҳу замонавӣ гардидаанд, ҳамзамон қомат афрохтани иншоот барои боз ҳам зебо гардидани ин гӯшаи пойтахт мусоидат намудааст. Тавре иттилоъ дода шуд, дар баробари сохтмони бинои мазкур ҳамзамон аз ҷониби соҳибкор таъмири биноҳои атроф ҳам амалӣ шудааст.

Дар идома бинои дигари истиқоматӣ низ бо иштироки намояндагони мақомоти иҷроияи ҳокимияти давлатии ноҳияи Сино мавриди баҳрабардорӣ қарор дода шуд, ки он мувофиқ ба нишондоди нақшачорабиниҳои 30-солагии Истиқлолияти давлатии Ҷумҳурии Тоҷикистон дар шаҳри Душанбе сохта шудааст. Намуди зоҳирии бино низ ҷавобгу ба талаботи замони муосир буда, шомгоҳон бо истифода аз лампаҳои светадиодӣ чароғон мешавад. Соҳибкорони ватанӣ бо сохтани чунин биноҳо пайи вусъат бахшидани корҳои созандагиву ободонӣ кӯшиш намуда, дар баробари дигар шахсони ободкор ва бунёдгар баҳри сарсабзиву хуррамии пойтахти мамлакат шаҳри Душанбе саҳми босазо гузоштаанд.

Қобили зикр аст, ки дар ҳошияи тадбирҳои созандагӣ дар шаҳри Душанбе, дар суроғаҳои Зарафшон 222/1, 222/2 ва 222/3 низ 3 бинои истиқоматӣ бунёд шудааст. Барои таъмини сокинон бо манзили зист сохтмони чунин иншоот дар шаҳраку маҳаллаҳо замина фароҳам намудаанд. Бинои баландошёнаи истиқоматӣ бо ҷойгиронии маркази савдо дар ошёнаи якум ва таваққуфгоҳи зеризаминӣ дар таҳхонаи он, воқеъ дар шахраки 84 н. Сино ҳам яке аз иншооти нақшавӣ ба муносибати омодагӣ ва таҷлили сазовори ҷашни 30-солагии Истиқлоли давлатии Ҷумҳурии Тоҷикистон дар пойтахт мебошад. Бинои мазкур дар муҳлати пешбинишуда аз ҷониби ҶДММ «Тибби Суҳайб», соҳибкор Абдураҳмон Баҳриддинов бунёд шудааст. Иншооти мавриди назар дар 3-юм гузаргоҳи кӯчаи Бобоҷон Ғафуров 3/1 сохта шуда, он аз 13 ошёна ва 125 ҳуҷра иборат мебошад. Тамоми ҳуҷраҳои бинои истиқоматӣ ба пуррагӣ таъмир гардида, сокинон бо истифода аз шароити муносиби зист дар он истиқомат намуда истодаанд.


Вакти нашр: 2021-04-27 08:03:08    Хонданд: 110    Муфассал...

БИСТСОЛАИ ОМӮЗИШ ВА РУШДИ ФАНҲОИ ТАБИАТШИНОСӢ, ДАҚИҚ ВА РИЁЗӢ. Писарбачаи 14-сола аз шаҳри Панҷакент трактори хурди ҳамакора ихтироъ кард!

Хонандаи синфи 7 мактаби №14-и шаҳри Панҷакенти вилояти Суғд Дилшод Ойматов трактори хурд ихтироъ карда, номи онро «Трактори ҳамакора» унвон гузоштааст, хабар медиҳад мухбири АМИТ «Ховар».

Дилшод ихтироашро барои даври вилоятии Олимпиадаи техникони наврас, ки 22 апрели соли равон баргузор шуд, пешниҳод намуда, таваҷҷуҳи ҳамагонро ба худ ҷалб кард ва дар ҳайати даставии шаҳри Панҷакент сазовори яке аз 9 ҷойи ифтихорӣ гардид.

Ба гуфтаи Дилшод, ӯ трактори мазкурро дар муддати як сол бо падар ва устодаш сохтааст.

«Мақсади сохтани ин мини-трактор он аст, ки мо ҳар сол ба хотири кишт ва ғундоштани ҳосил маблағи калон сарф мекунем, ки ба буҷаи оилаи мо зарар мерасонад. Аз ин лиҳоз тасмим гирифтам  чизе ихтироъ кунам, ки ба оилаамон фоиданок бошад», — мегӯяд Д. Ойматов.

Барои ихтирои ин трактор тақрибан 30 ҳазор сомонӣ маблағ сарф шудааст.

Трактори ихтироъкардаи ӯ нуҳ намуди корҳоро анҷом дода, дорои ҳамворкунак (дарозиаш 150 см), чизел барои кофтани замин (дарозиаш 120 см, бараш 50 см ва чуқурии лимехҳои он 40 см), сартиракгирак (бараш 50 см ва чуқуриаш 40 см), сихмола (дарозиаш 120 см ва бараш 100 см), ҷӯягирак (дарозиаш 120 см, бараш 60 см ва чуқуриаш 40) см ва фреза ё таҷҳизоти резакунӣ(дарозиаш 120 см) мебошад.

  

Ин трактор ҳамчунин притсепи (тарёли) дорои 1 тонна борро мекашад ва борҳои вазнашон то 300 килограмро мебардорад.

Вазифаи трактори мазкур дар фосилаи кӯтоҳ ба кишт омода намудани заминҳои ҳаҷман хурд ва калон мебошад.

Ин навраси ихтироъкор ният дорад, ки дар оянда алафдаравак, чимзанак, картошкаканак ихтироъ кунад, ки бо газ кор карда тавонанд…

Чанде пеш АМИТ «Ховар» иттилоъ дода буд, ки Президенти мамлакат муҳтарам Эмомалӣ Раҳмон дар ҷаласаи якуми Шӯрои илм, маориф ва инноватсияи назди Президенти Ҷумҳурии Тоҷикистон, ки 15 апрел дар шаҳри Душанбе баргузор гардида буд, аз татбиқ нагардидани дастовардҳои ихтироъкорон изҳори нигаронӣ намуданд.

Аз ҷумла, Пешвои миллат изҳор доштанд, ки дар байни олимону муҳаққиқони кишвар ихтироъкорон ва навоварон кам нестанд, вале дастовардҳои онҳо дар истеҳсолот қариб, ки татбиқ намегарданд.

«Ихтироот ва кашфиёти илмӣ дар шакли патенту шаҳодатномаҳои муаллифӣ дар Маркази миллии патенту иттилооти Вазорати рушди иқтисод ва савдо ба қайд гирифта мешаванд, вале аксари онҳо дар рӯи коғаз боқӣ мемонанд, — изҳори нигаронӣ намуданд Сарвари давлат ва илова карданд, — Мо то ҳанӯз механизми татбиқи дастовардҳои илму техникаро дар истеҳсолот тарҳрезӣ ва дарёфт накардаем».

Дар робита ба ин Президенти мамлакат Эмомалӣ Раҳмон дастур доданд, ки корхонаҳои истеҳсолии вазорату идораҳои дахлдор, хусусан вазоратҳои саноат ва технологияҳои нав, энергетика ва захираҳои об, кишоварзӣ, тандурустӣ ва ҳифзи иҷтимоии аҳолӣ бояд бо ихтироъкорон ҳамкории зичро ба роҳ монанд, дастовардҳои онҳоро омӯзанд ва дар асоси шартнома бо муассисаҳои илмӣ барои татбиқ намудани натиҷаҳои илмӣ дар истеҳсолот тадбирҳои зарурӣ андешанд.

Лозим ба таъкид аст, ки ҳамасола ба хотири дарёфти ихтирооти нав ва ҷалби кӯдакону наврасон ба ихтироъкорӣ ва навоварӣ ва ташаккули тафаккури техникии насли наврас бо ташаббуси Маркази таҳсилоти иловагии вилояти Суғд байни хонандагони муассисаҳои таълимии вилоят дар асоси фармоиши Раёсати маорифи вилояти Суғд Олимпиадаи техникони наврас ташкил ва баргузор мегардад.

Аввалин маротиба олимпиадаи мазкур ҳанӯз соли 1968 аз ҷониби стансияи техникони наврас баргузор гардида, бетанаффус 53 сол инҷониб байни хонандагони муассисаҳои таълимии вилоят  доир карда мешавад.

Бояд гуфт, ки соли гузашта аз рӯи ҷамъбасти даставии озмун дастаи шаҳри Панҷакент бо ишғоли 9 ҷойи ифтихорӣ дар вилоят мақоми аввалро соҳиб гардид.

Олимпиадаи имсола бахшида ба Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф эълон  шудани солҳои 2020-2040  баргузор гардида, омодагӣ ба  Озмуни ҷумҳуриявии «Илм-фурӯғи маърифат» маҳсуб меёбад.

                                                                                         Акрамхоҷа АКБАР,
                                                                                           АМИТ «Ховар»

АКСҲО аз рӯи навор


Вакти нашр: 2021-04-27 08:09:20    Хонданд: 72    Муфассал...

МОЛИКИЯТИ ЗЕҲНӢ ВА РУШДИ САРМОЯИ ИНСОНӢ

Бо иштироки Гулаҳмадзода Зулфиқор Аҳмад-Раиси Кумитаи иҷроияи ҲХДТ дар ноҳияи Шоҳмансур ва Абдураҳмонзода Сафаралӣ-муовини Вазири рушди иқтисод ва савдо дар ташкилоти ибтидоии “Нерӯи зеҳнӣ” ба муносибати рӯзи байналмилалии моликияти зеҳнӣ маҷлиси тантанвӣ доир гардид.

Меҳмонон ҳайъати кормандони Маркази миллии патенту иттилоот ва аъзоёни ҳизбро ба муносибати иди касбиашон таҳният намуда иброз доштанд, ки дар рушди илму инноватсия, дастовардҳои аҳли эҷод, навоварону ихтироъкорон ва олимон саҳми кормандони Маркази миллии патенту иттилоот назаррас аст.

Маврид ба зик аст, ки Ҷумҳурии Тоҷикистон аз замони эълони истиқлолият пояҳои асосии қонунгузории худро дар соҳаи моликияти зеҳнӣ бунёд намуда, шомили муҳимтарин созишномаю шартномаҳои байналмилалии ин соҳа гардидааст. Дар моддаи 40 Конститутсияи Ҷумҳурии Тоҷикистон чунин омадааст: «Моликияти зеҳнӣ дар ҳимояи қонун аст».

Метавон гуфт, ки дар кишвари биҳиштосои мо бо шарофати сиёсати хирадмандонаи Асосгузори сулҳу ваҳдати миллӣ-Пешвои миллат, Президенти кишварамон, муҳтарам Эмомалӣ Раҳмон тамоми заминаҳои ҳуқуқӣ, техникӣ, илмӣ ва ғайра барои вусъати корҳои ихтироъкорӣ, истеҳсоли маҳсулоти ватанӣ, эътирофи ҳуқуқҳои муаллифӣ ва соҳибият ба моликияти зеҳнӣ муҳайё мебошад. Таваҷҷуҳи рӯзафзуни мутахассисони соҳаҳои гуногуни Ҷумҳурии Тоҷикистон ба мавзӯи моликияти зеҳнӣ ҳам маҳз бо аҳамияти дар солҳои охир касбнамудаи он вобаста аст. Шароиту имконияти мавҷудае, ки аз ҷониби Ҳукумати кишвар дар ин самт равона гардидааст, ба аҳли илму зиё, ихтироъкорону соҳибкорони ватанӣ имконият фароҳам овард, ки ба дастовардҳои назаррас дар ин самт ноил гарданд.

 Дар интиҳо як қатор фаъолон бо ифтихорнома ва сипосномаҳо қадрдонӣ гардиданд.


Вакти нашр: 2021-04-27 08:23:23    Хонданд: 122    Муфассал...

Фестивал – озмуни “Кумитаи беҳтарин”, “Ташкилоти беҳтарин”, “Вакили беҳтарин”, “Таблиғотчии беҳтарин”, “Корманди беҳтарин” ва “Хабарнигори беҳтарин” дар шаҳри Душанбе баргузор мегардад

Кумитаи иҷроияи Ҳизби Халқии Демократии Тоҷикистон дар шаҳри Душанбе бо мақсади боз ҳам баланд бардоштани нуфузи ҳизб миёни вазорату идора, муассисаву корхона Фестивал – озмуни “Кумитаи беҳтарин”, “Ташкилоти беҳтарин”, “Вакили беҳтарин”, “Таблиғотчии беҳтарин”, “Корманди беҳтарин” ва “Хабарнигори беҳтарин” доир карда мешавад эълон менамояд.

Фестивал – озмуни мазкур дар ду марҳила ба нақша гирифта шудааст, марҳилаи аввал дар ноҳияҳои пойтахт то санаи 20 май дар ноҳияҳои худ озмуни мазкурро ҷамъбаст намуда, номзадҳои беҳтаринро барои иштирок дар марҳилаи дуюм, даври шаҳрӣ бо замимаи маълумотномаи муфассали ҳар як номзад, тибқи шартҳои низомномаи озмун ба унвонии Кумитаи иҷроияи шаҳрӣ ирсол менамояд (Низомнома замима мегардад).

Кумитаи иҷроияи ҲХДТ дар шаҳри Душанбе аз миёни номзадҳо дар ҳар як наминатсия се ҷой муайян намуда, дар вазъияти тантанавӣ бо туҳфаҳои хотиравии Кумитаи тадорукот сарфароз мегардонад.   

Бояд қайд намуд, ки Ҳизби Халқии Демократии Тоҷикистон ҳамчун ташкилоти ҷамъиятии сиёсӣ таҳти роҳбарии фарзанди фарзонаи миллат, муҳтарам Эмомалӣ Раҳмон бо диду назари нав ба саҳнаи сиёсат ворид шуда, дар муддати начандони тӯлонӣ дар ҷомеа нуфузу ҷойгоҳи арзандаро соҳиб гашт. Аз оғози таъсисёбии худ то имрӯз дар пешрафти кишвари азизамон нақши сазовор гузошта истодааст.

Барои амалигардонии барномаву стратегияҳои ҳизбӣ дар тамоми вазорату идораҳо ва ташкилоту муассисаҳои давлатӣ ва ғайридавлатӣ кумитаю ташкилотҳои ибтидоии ҳизбӣ таъсис гардида, фаъолияти мунтазам доранд.

Кумитаю ташкилотҳои ибтидоии ҳизбӣ ячейкаи асосии ҲХДТ ба шумор рафта, барои ноил шудан ба муваффақияту музаффариятҳо саҳми арзанда мегузоранд ва дар амалигардонии Барнома ва Оинномаи ҲХДТ нақши калидӣ доранд.

Ҳамин аст, ки рӯз то рӯз сафи аъзоёни ҳизб зиёд гардида,  бо ҷалби аъзоёни пурифтихори худ барои зиндагии шоистаи мардум ва ободу зебо гардонидани ватани азизамон – Тоҷикистон чораандешӣ намуда истодааст.


Вакти нашр: 2021-04-27 11:11:21    Хонданд: 38    Муфассал...

Фестивал – озмуни “Кумитаи беҳтарин”, “Ташкилоти беҳтарин”, “Вакили беҳтарин”, “Таблиғотчии беҳтарин”, “Корманди беҳтарин” ва “Хабарнигори беҳтарин” дар шаҳри Душанбе баргузор мегардад

Кумитаи иҷроияи Ҳизби Халқии Демократии Тоҷикистон дар шаҳри Душанбе бо мақсади боз ҳам баланд бардоштани нуфузи ҳизб миёни вазорату идора, муассисаву корхона Фестивал – озмуни “Кумитаи беҳтарин”, “Ташкилоти беҳтарин”, “Вакили беҳтарин”, “Таблиғотчии беҳтарин”, “Корманди беҳтарин” ва “Хабарнигори беҳтарин” доир карда мешавад эълон менамояд.

Фестивал – озмуни мазкур дар ду марҳила ба нақша гирифта шудааст, марҳилаи аввал дар ноҳияҳои пойтахт то санаи 20 май дар ноҳияҳои худ озмуни мазкурро ҷамъбаст намуда, номзадҳои беҳтаринро барои иштирок дар марҳилаи дуюм, даври шаҳрӣ бо замимаи маълумотномаи муфассали ҳар як номзад, тибқи шартҳои низомномаи озмун ба унвонии Кумитаи иҷроияи шаҳрӣ ирсол менамояд (Низомнома замима мегардад).

Кумитаи иҷроияи ҲХДТ дар шаҳри Душанбе аз миёни номзадҳо дар ҳар як наминатсия се ҷой муайян намуда, дар вазъияти тантанавӣ бо туҳфаҳои хотиравии Кумитаи тадорукот сарфароз мегардонад.   

Бояд қайд намуд, ки Ҳизби Халқии Демократии Тоҷикистон ҳамчун ташкилоти ҷамъиятии сиёсӣ таҳти роҳбарии фарзанди фарзонаи миллат, муҳтарам Эмомалӣ Раҳмон бо диду назари нав ба саҳнаи сиёсат ворид шуда, дар муддати начандони тӯлонӣ дар ҷомеа нуфузу ҷойгоҳи арзандаро соҳиб гашт. Аз оғози таъсисёбии худ то имрӯз дар пешрафти кишвари азизамон нақши сазовор гузошта истодааст.

Барои амалигардонии барномаву стратегияҳои ҳизбӣ дар тамоми вазорату идораҳо ва ташкилоту муассисаҳои давлатӣ ва ғайридавлатӣ кумитаю ташкилотҳои ибтидоии ҳизбӣ таъсис гардида, фаъолияти мунтазам доранд.

Кумитаю ташкилотҳои ибтидоии ҳизбӣ ячейкаи асосии ҲХДТ ба шумор рафта, барои ноил шудан ба муваффақияту музаффариятҳо саҳми арзанда мегузоранд ва дар амалигардонии Барнома ва Оинномаи ҲХДТ нақши калидӣ доранд.

Ҳамин аст, ки рӯз то рӯз сафи аъзоёни ҳизб зиёд гардида,  бо ҷалби аъзоёни пурифтихори худ барои зиндагии шоистаи мардум ва ободу зебо гардонидани ватани азизамон – Тоҷикистон чораандешӣ намуда истодааст.


Вакти нашр: 2021-04-27 11:16:37    Хонданд: 127    Муфассал...

ВОХӮРӢ ДАР СУДИ НОҲИЯИ ФИРДАВСИИ ШАҲРИ ДУШАНБЕ

Дирӯз дар маҷлисгоҳи Суди ноҳияи Фирдавсии шаҳри Душанбе бо кормандони ин сохтор оид ба омӯзиши Паёми Пешвои миллат ба Маҷлиси Олии Ҷумҳурии Тоҷикистон вохӯрӣ баругзор гардид, ки дар он судяи Суди ноҳияи Фирдавсӣ Абдуллозода Музафар ва раиси Кумитаи иҷроияи ҳизб дар ноҳияи Фирдавсии шаҳри Душанбе Шоҳиён Абдураҳим иштирок ва суханронӣ намуданд.

Баромадкунандагон қайд намуданд, ки дар ҳаёти ҷамъиятӣ, сиёсӣ, иқтисодӣ ва иҷтимоии кишвар Паёми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ҳачун ҷароғи фурӯзон, дастури доимамалкунанда ва пешбарандаи ҷомеа баромад намуда, тули ду даҳсола амалӣ гардидани нақшаю вазифаҳои гузошташудаи имрӯзу фардои ҷомеаи шаҳрвандии Тоҷикистон ва пеш аз ҳама мутобиқ ба талаботи замон, бо ин роҳу усулҳои навтарин баёну таҳрезӣ ва пешниҳод гардидааст.

 Инчунин оид ба ҳадафҳои стратегии кишвар ва саҳм гузоштан ҷиҳати сазовор таҷлил намудани ҷашни 30-солагии Истиқлолияти давлатии Ҷумҳурии Тоҷикистон баромад намуданд.


Вакти нашр: 2021-04-27 11:32:07    Хонданд: 108    Муфассал...

Мулоқот бо роҳбарони ҳайатҳои ҷаласаи Шӯрои вазирони мудофиаи давлатҳои аъзои Созмони Аҳдномаи амнияти дастаҷамъӣ

27 апрел дар Қасри миллат Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон роҳбарони ҳайатҳои ҷаласаи Шӯрои вазирони мудофиаи давлатҳои аъзои Созмони Аҳдномаи амнияти дастаҷамъӣ, вазирони мудофиаи ҷумҳуриҳои Беларус, Қазоқистон, Қирғизистон, Федератсияи Россия, Ҷумҳурии Тоҷикистон, Дабири кулли СААД ва ҳамчунин намояндаи комилҳуқуқи Ҷумҳурии Арманистон дар назди СААД-ро ба ҳузур пазируфтанд.

Ҷаласаи имрӯзаи Шӯрои вазирони мудофиа нахустин чорабиниест, ки дар давраи раёсати кунунии Тоҷикистон дар Созмони Аҳдномаи амнияти дастаҷамъӣ дар қаламрави Тоҷикистон баргузор мешавад.

Президенти мамлакат муҳтарам Эмомалӣ Раҳмон ин тадбирро ҳамчун яке аз марҳилаҳои муҳими омодагӣ ба иҷлосияи навбатии Шӯрои амнияти дастаҷамъии Созмон арзёбӣ карданд.

Таҳия ва тасдиқи заминаи меъёрӣ, ташкили нерӯҳои дастаҷамъӣ, гурӯҳҳои минтақавии қӯшунҳо, нерӯҳои посдори сулҳ ва мақомоти фармондеҳии онҳо аз вазифаҳои асосии Шӯрои вазирони мудофиаи Созмон арзёбӣ гардид.

Дар мулоқот масъалаҳои ҳамкории давлатҳои аъзо дар самти сиёсӣ, ҳарбӣ, ҳарбӣ-техникӣ, муборизаи муштарак бар зидди таҳдиду хатарҳои ҷаҳонӣ, аз қабили терроризм, экстремизм, гардиши ғайриқонунии маводи нашъаовар, дигар ҷиноятҳои муташаккили фаромиллӣ, таъмини амнияти минтақа, вазъи Афғонистони ҳамсоя ва мустаҳкам кардани ҳифзи сарҳади давлатӣ байни Тоҷикистону Афғонистон, мавриди баррасӣ қарор дода шуд.

Таъкид гардид, ки дар мисоли пандемияи COVID-19, мо дидем, ки бо паҳншавии босуръати бемориҳои гуногуни сироятӣ дар ҷаҳон ба амнияти мо чӣ таҳдид мекунад.

Аз ин рӯ, зарур шумурда шуд, ки бо дарназардошти мавқеи ҷонибҳо ҷиҳати таҳияи масъалаи ташкили механизми таъмини амнияти биологии кишварҳои аъзои СААД чораҳои мушаххас амалӣ гардад.


Вакти нашр: 2021-04-27 12:06:46    Хонданд: 108    Муфассал...

Дар Душанбе ҷаласаи Шӯрои вазирони мудофиаи кишварҳои узви СААД баргузор шуд

Ҷаласаи Шӯрои вазирони мудофиаи Созмони Аҳдномаи амнияти дастаҷамъӣ (СААД) 27 апрел дар Душанбе таҳти раёсати Вазири мудофиаи Ҷумҳурии Тоҷикистон, генерал-полковник Шералӣ Мирзо баргузор гардид.

Дар кори он вазирони мудофиаи Ҷумҳурии Беларус, Ҷумҳурии Қазоқистон, Ҷумҳурии Қирғизистон, Федератсияи Россия, намояндаи Вазорати мудофиаи Ҷумҳурии Арманистон, Дабири кулли СААД Станислав Зас ва сардори Ситоди муштараки СААД, генерал-полковник Анатолий Сидоров иштирок намуданд.

Масъалаҳои баррасишуда аз вазъ дар минтақаҳои гуногуни давлатҳои аъзои Созмони Аҳдномаи амнияти дастаҷамъӣ, чолишҳо ва таҳдидҳои ҷаҳони муосир, чораҳои безараргардонии онҳо, инчунин масъалаҳои рушди ҷузъи низомии Созмон, ки бо дарназардошти воқеиятҳои имрӯза аҳамият ва муҳимияти хос пайдо мекунанд, иборат буданд.

 

Дар ҷаласаи пленарӣ Созишнома дар бораи салоҳият ва расонидани ёрии ҳуқуқӣ дар ҳолатҳои марбут ба ҳузури муваққатии қувваҳо ва воситаҳои системаи амнияти дастаҷамъӣ дар қаламрави кишварҳои узви СААД, Нақшаи чорабиниҳо бахшида ба 30-юмин солгарди имзои Созишномаи Амнияти Дастаҷамъӣ ва 20 — солагии Созмони Аҳдномаи амнияти дастаҷамъӣ, рушди минбаъдаи ҳамкории СААД бо Иттиҳоди Давлатҳои Мустақил ва Созмони Ҳамкории Шанхай, муҷаҳҳаз кардани неруҳои дастаҷамъии вокуниши сареъи СААД бо аслиҳаи муосир, техникаи низомӣ ва махсус, воситаҳои махсус, Нақшаи омодагии муштараки мақомоти фармондеҳӣ ва ташаккули неруҳо ва воситаҳои системаи амнияти дастаҷамъии Созмони аҳдномаи амнияти дастаҷамъӣ барои соли 2022 маъқул дониста шуданд.

Вазирони мудофиа инчунин лоиҳаи Қарори Шӯрои амнияти дастаҷамъии Созмони Аҳдномаи амнияти дастаҷамъиро дар бораи вақт ва ҷои ҷаласаи навбатии Шӯрои вазирони мудофиаи Созмони Аҳдномаи Амнияти Дастаҷамъӣ ва сохтори қолабии Фармондеҳии Неруҳои дастаҷамъии вокуниши фаврии Созмони Аҳдномаи амнияти дастаҷамъӣ, ки дар ҷараёни тамрини даставӣ — ситодӣ озмоиш ва бо дарназардошти натиҷаҳои мувофиқасозии дохилӣ коркард шудаанд, баррасӣ карданд.  

София ШОИК,
АМИТ «Ховар»

 АКС аз АМИТ «Ховар»


Вакти нашр: 2021-04-27 16:11:29    Хонданд: 105    Муфассал...

Миёни Тоҷикистон ва Россия Созишнома оид ба системаи ягонаи минтақавии мудофиаи зиддиҳавоӣ ба имзо расид

Имрӯз дар ҷараёни ҷаласаи Шӯрои вазирони мудофиаи Созмони Аҳдномаи Амнияти Дастаҷамъӣ (СААД) мулоқоти дуҷонибаи Вазири мудофиаи Ҷумҳурии Тоҷикистон, генерал-полковник Шералӣ Мирзо ва вазири мудофиаи Россия, генерали артиш Сергей Шойгу сурат гирифт.

Тавре хабарнигори АМИТ «Ховар» бо истинод ба маркази матбуоти Вазири мудофиаи Тоҷикистон  иттилоъ медиҳад, дар ҷараёни мулоқот масъалаҳои ҳамкории ҳарбӣ ва ҳарбӣ-техникӣ байни ду кишвар дар муборизаи муштарак бар зидди таҳдидҳо ва хатарҳои ҷаҳонӣ, таъмини амнияти минтақавӣ, вазъ дар Афғонистони ҳамсоя ва таҳкими ҳифзи сарҳади давлатӣ байни Тоҷикистон ва Афғонистон баррасӣ карда шуданд.

Сипас маросими имзои “Созишнома байни Ҷумҳурии Тоҷикистон ва Федератсияи Россия дар бораи ташкили системаи ягонаи минтақавии мудофиаи зиддиҳавоӣ” сурат гирифт. Созишномаро Вазири мудофиаи Ҷумҳурии Тоҷикистон, генерал-полковник Шералӣ Мирзо ва вазири мудофиаи Федератсияи Россия, генерали артиш Сергей Шойгу ба имзо расониданд.


Вакти нашр: 2021-04-27 16:13:51    Хонданд: 129    Муфассал...

Дар Маҷлиси намояндагон Лоиҳаи Қонун «Дар бораи захираҳои генетикии Ҷумҳурии Тоҷикистон» баррасӣ шуд

Имрӯз таҳти раёсати раиси кумитаи Маҷлиси намояндагони Маҷлиси Олии Ҷумҳурии Тоҷикистон оид ба масъалаҳои аграрӣ, захираҳои об ва замин Рустам Латифзода бо  иштироки вакилони Маҷлиси намояндагон, олимону коршиносон аз Академияи миллии илмҳои Тоҷикистон, Академияи илмҳои кишоварзии Тоҷикистон ва Кумитаи ҳифзи муҳити зисти назди Ҳукумати Ҷумҳурии Тоҷикистон   оид ба муҳокимаи лоиҳаи Қонуни Ҷумҳурии Тоҷикистон «Дар бораи захираҳои генетикии Ҷумҳурии Тоҷикистон» суҳбати “мизи мудаввар” баргузор гардид.

Тавре котиби матбуоти Маҷлиси намояндагон Муҳаммадато Султонов  ба АМИТ «Ховар» хабар дод, Рустам Латифзода иброз намуд, ки Ҳукумати Ҷумҳурии Тоҷикистон сиёсати ҳифзи гуногунии биологиро дар сатҳи байналмилалӣ, минтақавӣ ва миллӣ фаъолона пеш бурда, дар ҳалли проблемаҳои ҳифз ва истифодаи оқилонаи онҳо ва расидан ба ҳадафҳои рушди устувор тадбирҳои мушаххас меандешад.

Дар давраи соҳибистиқлолии Тоҷикистон як силсила корҳои назаррас оид ба истифодаи оқилонаи гуногунии биологӣ ва захираҳои табиӣ ба анҷом расонида шудаанд. Қабули қонунҳои Ҷумҳурии Тоҷикистон «Дар бораи ҳифзи муҳити зист», «Дар бораи олами наботот», «Дар бораи олами ҳайвонот», «Дар бораи ҷамъоварӣ, нигоҳдорӣ ва истифодабарии оқилонаи захираҳои генетикии набототи корам», Стратегияи миллӣ ва нақшаи амал оид ба нигоҳдорӣ ва истифодаи оқилонаи гуногунии биологӣ барои солҳои 2014-2020, дигар санадҳои меёрии ҳуқуқӣ барои ҳифзи муҳити зист ва гуногунии биологӣ дар сатҳи миллӣ ва ҳамкории байналмилалӣ заминаи устувор фароҳам овардаанд.

Дар ин самт Академияи миллии илмҳои Тоҷикистон, Академияи кишоварзии Тоҷикистон ва Маркази гуногунии биологии Кумитаи ҳифзи муҳити зисти назди Ҳукумати Ҷумҳурии Тоҷикистон корҳои мушаххасро амалӣ намуда, ба дастовардҳои назаррас ноил гардиданд.

Доир ба масъалаи мазкур вакили Маҷлиси намояндагон Зоир Раҳмонзода иброз намуд, ки “мақсад аз таҳияи лоиҳаи Қонун муайян намудани заминаи ҳуқуқии муносибатҳои ҷамъиятӣ оид ба ҳифз ва истифодаи гуногунии захираҳои биологии кишвар, ҳамчунин танзими муносибатҳои байнидавлатӣ вобаста ба муомилот ва истифодаи устувори онҳо, аз ҷумла дар истеҳсолоти ватанӣ мебошад”.

Дар раванди такмили лоиҳаи қонуни мазкур ҳамаи таклифу пешниҳодҳои иштирокчиёни мизи мудаввари қаблӣ, ки дар муҳокимаҳои алоҳида баён гардида буданд, инчунин нуқтаи назари олимони Академияи миллии илмҳои Тоҷикистон, Академияи илмҳои кишоварзӣ нисбат ба варианти баррасишаванда ба инобат гирифта шудаанд.

Ба варианти баррасишавандаи лоиҳаи қонуни мазкур аз ҷониби олимони Академияи миллии илмҳои Ҷумҳурии Тоҷикистон, Академияи илмҳои кишоварзии Тоҷикистон ва коршиносони соҳавӣ 41 таклифу пешниҳод ирсол гардиданд, ки зимни таҳрир ва такмили лоиҳаи қонун истифода бурда шуданд.

Дар раванди такмили лоиҳаи қонун, пеш аз ҳама, талаботи Қонуни Ҷумҳурии Тоҷикистон «Дар бораи санадҳои меъёрии ҳукуқӣ» ба инобат гирифта шуданд.

Дар моддаи 1 лоиҳаи Қонуни мазкур 20 мафҳуми асосӣ пешбинӣ гардидаанд, ки дар слайдҳои аз 3 — юм то 10 — ум оварда шудаанд. Ҳамаи ин мафҳумҳо дар кумитаи Маҷлиси намояндагон оид ба масъалаҳои аграрӣ, захираҳои об ва замин бо дарназардошти таклифу пешниҳодҳои қаблан ироагардида мавриди омўзишу баррасӣ қарор дода шудаанд.

-Дар вақти таҳияи қонуни мазкур ҳамаи талаботи Қонуни Ҷумҳурии Тоҷикистон «Дар бораи забони давлатии Ҷуҳурии Тоҷикистон» ба инобат гирифта шуда, матни он бо риояи услуби расмии забон такмил дода шудааст,-гуфт дар интиҳо Зоир Раҳмонзода.

Дар фарҷоми мизи мудаввар баъди саволу ҷавоб ва таклифу пешниҳодҳо аз рӯи масъалаи баррасишуда қарори дахлдор қабул карда шуд.

АКС аз Маҷлиси намояндагон


Вакти нашр: 2021-04-27 16:15:23    Хонданд: 105    Муфассал...

Мирзо Турсунзода – вассофи сулҳу дӯстӣ

Бо ибтикори Кумитаи Иҷроияи Марказии Ҳизби Халқии Демократии Тоҷикистон таҳти ин унвон имрӯз дар шаҳри Турсунзода конфронси ҷумҳуриявии илмӣ-адабӣ бахшида ба 110-солагии Қаҳрамони Тоҷикистон, Шоири халқии Тоҷикистон Мирзо Турсунзода баргузор гардид.

Бо мақсади иҷрои дастури Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати қадрдонӣ ва гиромидошти 110 - солагии Қаҳрамони Тоҷикистон, Шоири халқии Тоҷикистон Мирзо Турсунзода дар шаҳри Турсунзода конференсияи ҷумҳуриявии илмию адабӣ таҳти унвони “Мирзо Турсунзода – вассофи сулҳу дӯстӣ” бо иштироки доираи васеи олимону донишмандон ва аҳли қалам баргузор гардид.

Нахуст, иштирокчиёни конфренсия дар оромгоҳи устод Мирзо Турсунзода воқеъ дар мазори Лучоби шаҳри Душанбе гулчанбар гузоштаанд.

Сипас, боздиди ҳайат аз Осорхонаи марказии шаҳри Турсунзода ва намоишгоҳи асарҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, Раиси муаззами Ҳизби Халқии Демократии Тоҷикистон муҳтарам Эмомалӣ Раҳмон ва устод Мирзо Турсунзода сурат гирифт.

Кори конференсия дар толори “Кохи Дӯстӣ”-и шаҳри Тунсунзода идома ёфт, ки дар он раисони кумитаҳои иҷроияи Ҳизби Халқии Демократии Тоҷикистон дар шаҳри Душанбе, ноҳияҳои он, шаҳру ноҳияҳои тобеи ҷумҳурӣ, аъзои фаъоли Ташкилоти ҷамъиятии ҷавонон “Созандагони Ватан”, кормандони касбу кори гуногун ва сокинони заҳматқарину шарафманди шаҳри Турсунзода ширкат варзиданд.

Муовини якуми Раиси ҳизб Азизӣ Абдуҷаббор Абдуқаҳҳор зимни баромади худ қайд намуд, ки мо зери таъсири ҷашни бузурги миллӣ - 30 - солагии истиқлоли давлатии Тоҷикистон қарор дорем. Ин ҷашн ва рўҳияи тавонои созандагӣ дар саросари мамлакат устувории сулҳу ваҳдат ва муттаҳидии мардуми шарифамонро ба таври мўътамад собит сохт.

Ҷашнвораи имрўза, ки ба ифтихори 110-солагии Қаҳрамони Тоҷикистон, арбоби барҷастаи ҷамъиятӣ, мунодии сулҳу дўстӣ устод Мирзо Турсунзода барпо мегардад, метавон идомаи мантиқии тантанаҳои истиқлолияти давлатиамон арзёбӣ кард.

Тавре Раиси муаззами ҲХДТ, муҳтарам Эмомалӣ Раҳмон иброз доштанд, шеъри Мирзо Турсунзода шеъри миллат ва шеър барои инсоният аст. Тамоми зиндагии ў тимсоли дурахшони хизмати содиқонаи як фарди зиёӣ ба нафъи халқу Ватани хеш мебошад. Меҳри ў дар ошёни баландтарин – дили халқ маъво гирифтааст ва халқ хотираи неки фарзанди маҳбуби хешро то абад ҳифз хоҳад кард.

Остоназода Саидамин – муовини якуми Раиси шаҳри Турсунзода зимни баромади худ қайд намуд, ки каломи муассиру ҷозибадори Қаҳрамони Тоҷикистон, устод Мирзо Турсунзода дар ақсои олам аз минбарҳои баланд садо дода, дар байни оламиён маҳбубияти хоса касб кардааст.

Зимни маърўзаи худ Хайринисо Юсуфӣ – Муовини Раиси Ҳизби Халқии Демократии Тоҷикистон зикр намуд, ки Мирзо Турсунзода, пеш аз ҳама, шоири миллии халқи тоҷик аст. Агар ҷараёни зиндагии ўро аз ибтидо то охир аз назар гузаронем, равшан мебинем, ки он намунаи олии пайванди шоир бо ҳаёти халқ мебошад. Шоир аз мавзўъҳои миллӣ то масоили байналмилалӣ изҳори андеша карда, шеъру достон, асарҳои саҳнавӣ, филмномаҳо, мақолаҳои илмиву адабии худро ба нерўи азими маънавӣ мубаддал намуд. Мероси гаронбаҳои адабии Мирзо Турсунзода дар давраи мо ба муҳимтарин ва мубрамтарин масъалаҳои ҳаёти халқ ва давлат ҷавобгў мебошад. Шеъри ў ҳамроҳи мардуми Тоҷикистони соҳибистиқлол қадам мезанад, шодиву нишоти моро ифода мекунад ва бо қалбҳои мо ҳамсадо мешавад. Воқеан, дар ашъори устод Мирзо Турсунзода мавзўи зан-модар мавқеи меҳварӣ дорад. Ситоиши ин сарчашмаи ҳаёт дар ашъори шоир бисёр барҷастаю шоиста аст,

Фарзанди устод Мирзо Турсузода, номзади илми фалсафа, профессор Фирӯза Турсунзода, Президенти Акдемияи миллии илмҳои Ҷумҳурии Тоҷикистон, академик Фарҳод Раҳимӣ, Раиси Иттифоқи нависандагони Тоҷикистон, Шоири халқии Тоҷикистон Низом Қосим ва Шоири халқии Тоҷикистон Гулрухсори Сафӣ дар кори конференсия бо маърўзаҳои илмӣ баромад намуданд.

Конференсияи ҷумҳуриявии илмӣ-адабӣ бахшида ба 110 - солагии Мирзо Турсунзода бо пешкаш намудани барномаи пуршукўҳи фарҳангӣ, ки саросар дар асоси осори пурғановати адабию фарҳангии шоир таҳия гардидааст, идома ёфт.

Мавриди тазаккур аст, ки Ҳизби Халқии Демократии Тоҷикистон аз бонуфузтарин ҳизбҳои сиёсии кишвар буда, имрўз ҳудуди 494 ҳазор аъзо дорад. 48,6 фоизи аъзои ҳизбро занон ва 37,2 фоизашро ҷавонон ташкил медиҳанд.


Вакти нашр: 2021-04-27 16:37:17    Хонданд: 134    Муфассал...

Таъиноти кадрӣ

Имрӯз Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон кадрҳоеро, ки ба вазифаҳои масъул дар сохторҳои Вазорати корҳои хориҷӣ, Вазорати маориф ва илм, Кумитаи давлатии сармоягузорӣ ва идораи амволи давлатӣ, намояндагиҳои Ҷумҳурии Тоҷикистон дар назди созмонҳои байналмилалӣ, Хадамоти зиддиинҳисорӣ ва сохторҳои низомӣ таъин гардиданд, барои суҳбат ба ҳузур пазируфтанд.

Зимни мулоқот Президенти Ҷумҳурии Тоҷикистон муҳтарам Эмомалӣ Раҳмон аз вазъи имрӯзаи мураккабу печидаи сиёсиву иқтисодии ҷомеаи ҷаҳонӣ, пешгирии паҳншавии ақидаҳои ифротгароёна ва тағирёбии иқлим ёдовар шуда, таъкид намуданд, ки кадрҳои ба вазифаҳои роҳбарикунанда таъиншуда бо донишу маҳорати касбӣ ва таҷрибаи андӯхтаашон метавонанд дар татбиқи сиёсати дохилӣ ва хориҷии Ҳукумати Ҷумҳурии Тоҷикистон бо назардошти ҳимояи манфиатҳои миллӣ мусоидат намоянд.

Сардори давлат дастур доданд, ки зимни иҷрои вазифаҳои хизматӣ поквиҷдонона ва бо садоқат ба арзишҳои миллӣ муносибат намуда, баҳри татбиқи ҳадафҳои стратегии мамлакат кӯшиш намоянд ва манфиатҳои давлату миллатро аз дигар манфиатҳо боло гузоранд.

«Бо ҳисси баланди масъулият, содиқона ва поквиҷдонона хизмат кардан ба халқу Ватани худ аз вазифаҳои аввалиндараҷаи ҳар як хизматчии давлатӣ ба ҳисоб меравад,» – таъкид намуданд Президенти Ҷумҳурии Тоҷикистон муҳтарам Эмомалӣ Раҳмон дар фарҷоми суҳбат.


Вакти нашр: 2021-04-27 16:45:46    Хонданд: 149    Муфассал...

ҶАМЪБАСТИ ФАЪОЛИЯТИ СЕМОҲАИ ЯКУМИ ТАШКИЛОТИ ИБТИДОИИ “ДАРДОШНО” ДАР СОЛИ 2021

Дирӯз дар асосии барқияи Кумитаи иҷроияи ҲХДТ дар шаҳри Душанбе аз 16 марти соли 2021 оид ба иҷрои дастуру супоришҳои Дастгоҳи Кумитаи Иҷроияи Марказии Ҳизби Халқии Демократии Тоҷикистон дар доираи нақшаи кории Кумитаи иҷроияи ҲХДТ дар ноҳияи Синои шаҳри Душанбе дар ташкилоти ибтидоии “Дардошно” бо иштироки Қурбонзода У.М. – муовини раиси Кумитаи иҷроияи ҲХДТ дар ноҳияи Синои шаҳри Душанбе ва Муродзода С.Ҳ. –раиси ташкилоти ибтидоии “Дардошно” Маҷлиси ҷамъбастии семоҳаи якуми соли 2021 баргузор гардид.

Дар Маҷлиси умумӣ масъалаҳои таҳлили муқоисакунии аъзои ҳизб, таҳлили шумораи аъзои ҳизб, ҳаракати аъзо, қабул ва хориҷи аъзои ҳизб, пардохти саривақтии ҳаққи узвият, инчунин ҷиҳати дар сатҳи баланд истиқбол намудани ҷашни 30- солагии Истиқлолияти давлатии Ҷумҳурии Тоҷикистон мавриди баррасӣ қарор гирифт.

Дар фарҷом ба як қатор кормандони ҷавонони муассиса, ки ҳамакнун ба узвияти ҲХДТ қабул гардиданд, дар вазъияти тантанавӣ шаҳодатномаи ҳизбӣ супорида шуда, ба аъзои фаъол сипоснома ва ифтихорномаҳои Кумитаи иҷроияи ҲХДТ дар ноҳияи Синои шаҳри Душанбе тақдим карда шуд.


Вакти нашр: 2021-04-28 08:09:34    Хонданд: 87    Муфассал...

МАҶЛИСИ ҲИЗБӢ ДАР ТАШКИЛОТИ ИБТИДОИИ “БОҶУ ХИРОҶ”

Дирӯз дар асосии барқияи Кумитаи иҷроияи ҲХДТ дар шаҳри Душанбе аз 16 марти соли 2021 оид ба иҷрои дастуру супоришҳои Дастгоҳи Кумитаи Иҷроияи Марказии Ҳизби Халқии Демократии Тоҷикистон дар доираи нақшаи кории Кумитаи иҷроияи ҲХДТ дар ноҳияи Шоҳмансури шаҳри Душанбе Маҷлиси ҳисоботӣ оид ба натиҷагирӣ аз фаъолияти кори ташкилоти ибтидоии “Боҷу хироҷ” дар семоҳаи аввали соли 2021 баргузор гардид.

Маҷлис бо иштироки муовини Раиси Кумитаи иҷроияи ҲХДТ дар ноҳияи Шоҳмансур Амонуллозода Ҳамрохон ва роҳбарияту  кормандони ташкилоти мазкур баргузор гардида, нахуст ҳисоботи раиси ташкилот дар давраи фаъолияти семоҳаи аввали соли равон шунида шуд.

Сипас Амонуллозода Ҳамрохон вобаста ба тарғиби тарзи ҳаёти солим, ҳимояи солимии миллат, ҳафзи генофонди миллӣ, пешгирии падидаҳои номатлуб дар ҷомеа, ҳифзи арзишҳои миллӣ, Истиқлолияти давлатӣ, пешбинӣ ва таҳлили равандҳои гуногуни глобализатсия дар шароити мураккаб, авзои сиёсӣ ва иқтисодии ҷаҳон, тарбияи ватанпарастии ҷавонон, равнақ додани бунёдкориҳо ва омодагӣ ба истиқболи сазовори 30-солагии Истиқлолияти давлатӣ, тақвият бахшидани фаъолияти ҳизбӣ дар ташкилот ва дигар масоили дохилиҳизбӣ суханронӣ намуданд.


Вакти нашр: 2021-04-28 08:44:25    Хонданд: 84    Муфассал...

ИЛМ-АСОСИ РУШДИ ИННОВАТСИЯ

Дар Кумитаи иҷроияи ибтидоии “Муҳандис”-и Донишгоҳи техникии Тоҷикистон ба номи академик М.Осимӣ конференсияи илмӣ-амалӣ таҳти унвони “Илм-асоси рушди инноватсия” доир гардид.

Намояндаи Кумитаи иҷроияи ҲХДТ дар ноҳияи Шоҳмансур Вализода Муҳаммад дар кори конференсия иштирок ва суханронӣ намуд. Зикр рафт, ки дар доираи татбиқи ибтикороти наҷиби Пешвои миллат оид ба амалӣ намудани “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф” конфронси мазкур як қадами устувор арзёбӣ мегардад. Аъзоёни ҳизб бо маърӯзаҳои илмӣ баромад намуда, дар интиҳо ғолибони даври аввали озмуни “Илм фӯруғи маърифат” бо сипоснома ва туҳфаҳои Кумитаи иҷроияи ҲХДТ дар ноҳияи Шоҳмансур қадрдонӣ гардиданд.


Вакти нашр: 2021-04-28 09:18:38    Хонданд: 101    Муфассал...

МАҶЛИСИ ҲИСОБОТӢ-ИНТИХОБОТИИ ТАШКИЛОТИ ИБТИДОИИ "НАЗОРАТИ ЭНЕРГЕТИКА"

Дирӯз бо иштироки Қурбонзода У.М. – муовини раиси Кумитаи иҷроияи ҲХДТ дар ноҳияи Синои шаҳри Душанбе ва Убайдуллозода Ғ.Х. – сардори Хадамоти давлатӣ оид ба назорат дар соҳаи энергетика дар ташкилоти ибтидоии ҳизбии “Назорати энергетика” Маҷлиси ҳисоботӣ - интихоботӣ баргузор карда шуд.

Тибқи рӯзномаи Маҷлис ҳисоботи фаъолияти ташкилоти ибтидоии “Назорати Энергетика” давоми семоҳаи якуми соли 2021 шунида шуд. Ҳамчунин, Қурбонзода А.А.- бинобар сабаби ба кори дигар гузаштан аз вазифаи раиси ташкилоти ибтидоии “Назорати энергетика” озод гардида, дар ҳамовозии аъзои ташкилот Убайдуллозода Ғ.Х. - сардори Хадамоти давлатӣ оид ба назорат дар соҳаи энергетика раиси ташкилоти ибтидоии “Назорати энергетика” интихоб гардид.

Ҳамзамон, Қурбонзода У.М. – муовини раиси Кумитаи иҷроияи ҲХДТ дар ноҳияи Синои шаҳри Душанбе суханронӣ намуда, аз аъзои ҳизб даъват ба амал оварданд, ки бо иштироки фаъолона дар чорабиниҳои сиёсӣ ва ташаббусҳои созанда дар амалӣ намудани Барнома ва Оинномаи Ҳизби Халқии Демократии Тоҷикистон саҳмгузор бошанд. Дар идомаи суханронӣ ёдоварӣ намуданд, ки ҲХДТ зодаи даврони соҳибистиқлолии кишвар буда дар сафҳои худ ҳамаи қишрҳои ҷомеаро, ки Оиннома ва Барномаи ҳизбро эътироф мекунанд, муттаҳид намудааст.

Илова бар ин, дар Маҷлис масъалаҳои таҳлили муқоисакунии аъзои ҳизб, таҳлили шумораи аъзои ҳизб, ҳаракати аъзо, қабул ва хориҷ аъзои ҳизб, пардохти саривақтии ҳаққи узвият, инчунин ҷиҳати дар сатҳи баланд истиқбол намудани ҷашни 30- солагии Истиқлолияти давлатии Ҷумҳурии Тоҷикистон мавриди баррасӣ қарор гирифт.


Вакти нашр: 2021-04-28 09:31:15    Хонданд: 107    Муфассал...

Маҷлиси умумии ташкилоти ибтидоии ҳизбии “Омӯзгор”

Дирӯз дар асосии барқияи Кумитаи иҷроияи ҲХДТ дар шаҳри Душанбе аз 16 марти соли 2021 оид ба иҷрои дастуру супоришҳои Дастгоҳи Кумитаи Иҷроияи Марказии Ҳизби Халқии Демократии Тоҷикистон дар доираи нақшаи кории Кумитаи иҷроияи ҲХДТ дар ноҳияи Шоҳмансури шаҳри Душанбе Маҷлиси ҳисоботӣ оид ба натиҷагирӣ аз фаъолияти кори ташкилоти ибтидоии “Боҷу хироҷ” дар семоҳаи аввали соли 2021 бо иштироки Ғаффорӣ Нуъмонҷон- раиси ташкилоти ибтидоӣ, Ҷурахонзода Ҷумахон –муовини раиси Кумитаи иҷроияи ҲХДТ дар ноҳияи Исмоили Сомонӣ, Ҳомидзода Насим – мудири шуъбаи кор бо ҷавонони Кумитаи иҷроияи ҲХДТ дар шаҳри Душанбе, Раҷабов Дилшод – муовини раиси ташкилоти ибтидоии ҳизбии “Омӯзгор” ва аъзоёни ташкилот баргузор гардид.

Сараввал раиси ташкилоти ибтидоии ҳизбии “Омӯзгор” Ғаффорӣ Нуъмонҷон меҳмононро ба ҳозирин муаррифӣ намуда, қайд намуд, ки ташкилоти ибтидоии ҳизбии “Омӯзгор” фаъолияти пурсамари худро дар асоси Оиннома ва Барномаи Ҳизби Халқии Демократии Тоҷикистон инчунин зери сиёсати созандаю бунёдкоронаи роҳбарияти болоии ҳизб ба роҳ монда, яке аз ташкилотҳои намунавӣ дар ноҳияи Исмоили Сомонӣ ба ҳисоб меравад. Сипас муовини раиси ташкилоти ибтидоӣ – Раҷабов Дилшод ҳисоботи семоҳаи ташкилотро ироа намуда, қайд кард, ки роҳбарияти ташкилот тавонист бо бурдани корҳои ташвиқотию таблиғотӣ миқдори зиёди кормандон ва донишҷӯёни фаъолро ба сафи ҲХДТ ҷалб намояд, ки дар маҷмуъ шумораи умумии аъзоён ба 1164 нафар расид, ки аз ин шумора бонувон 453 нафар ё 38,9 %, ҷавонон 582 нафар ё 50%-ро ташкил медиҳанд. Инчунин зикр карда шуд, ки дар доираи шарҳу тавзеҳи нуктаҳои Паёми Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон ба Маҷлиси Олии Ҷумҳурии Тоҷикистон дар самтҳои асосии сиёсати дохилӣ ва хориҷии Ҷумҳурии Тоҷикистон инчунин барои сазовор пешвоз гирифтани ҷашни умумиллии 30-солагии Истиқлолияти давлатии Ҷумҳурии Тоҷикистон вохӯрии гурӯҳҳои таблиғотии Кумитаи иҷроияи ҳизб дар ноҳияи Исмоили Сомонӣ ва фаъолони ташкилоти ибтидоии ҳизбии “Омӯзгор” роҳандозӣ гардид, ки дар он нақшаҳои минбаъда байни сокинон ва аъзоёни ташкилот оммафаҳм гардонида шуд. Дар идома Ҷурахонзода Ҷумахон қайд намуд, ки мо бо кори созандаву арзанда, ҳамчун азъви ҲХДТ дар тадбиқи ҳадафҳои оинномавӣ ва барномавӣ саҳми муносиб гузорем.

Дар фарҷом бо як чанд нафар фаъолони ҳизб ҷиҳати саҳми бесобиқа доштанашон дар корҳои таблиғотиву ташвиқотии ҳизб бо ифтихорнома ва сипоснома сарфаро гардонида шуданд.


Вакти нашр: 2021-04-28 12:47:20    Хонданд: 105    Муфассал...

Президенти Ҷумҳурии Тоҷикистон Эмомалӣ Раҳмон бо Президенти Туркманистон Гурбонгулӣ Бердимуҳамедов суҳбати телефонӣ анҷом доданд

Имрӯз Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон Эмомалӣ Раҳмон бо Президенти Туркманистон Гурбонгулӣ Бердимуҳамедов суҳбати телефонӣ анҷом доданд.

Дар рафти сӯҳбат Сарвари давлати мо ба Президенти Туркманистони дӯст таъзия ва тассалиёти амиқи худро дар робита ба талафоти гарон – фавти падарашон Мяликгули Бердимуҳамедович Бердимуҳамедов изҳор намуданд.

“Дар ин рӯзҳои ғамангез ба Шумо ва пайвандону наздиконатон матонати рӯҳӣ ва сабри ҷамил мехоҳам”, таъкид доштанд Пешвои миллат.

Ҳамчунин, ҷонибҳо атрофи ҳолат ва дурнамои муносибатҳои Тоҷикистону Туркманистон мубодилаи афкор анҷом доданд.

Дар ин зимн, президентҳои ду кишвар ба мувофиқа расиданд, ки дар ояндаи наздик мулоқоти машваратии вазирони корҳои хориҷӣ, инчунин ҷаласаи навбатии комиссияи муштаракаи байниҳукуматиро оид ба ҳамкориҳои тиҷоративу иқтисодӣ бо мақсади баррасии ҳамаи ҷанбаҳои ҳамкориҳои дуҷониба баргузор намоянд.


Вакти нашр: 2021-04-28 13:02:25    Хонданд: 116    Муфассал...

Дар кӯчаҳои Шотемур ва Пушкини ноҳияи Исмоили Сомонии пойтахт маҷмааи нави биноҳои истиқоматии баландошёна бунёд мегардад

Дар  кӯчаҳои Шотемур ва Пушкини  ноҳияи Исмоили Сомонии шаҳри Душанбе сохтмони маҷмааи нави биноҳои истиқоматии баландошёна бо ҷойгиронии марказҳои савдою хизматрасонӣ ва боғчаи кӯдакона пешбинӣ шудааст.

Тавре аз  Сарраёсати меъморӣ ва шаҳрсозии шаҳри Душанбе ба АМИТ «Ховар» хабар доданд,  дар асоси Қарори Раиси шаҳри Душанбе муҳтарам Рустами Эмомалӣ  аз 19 марти соли 2020  лоиҳаи ангоравии сохтмони маҷмааи  мазкур  таҳия гардидааст. Лоиҳаи мазкур дар доираи Нақшаи генералии шаҳри Душанбе аз ҷониби  ҶДММ «Партнёр» дар якҷоягӣ бо Сарраёсати меъморӣ ва шаҳрсозии шаҳри Душанбе омода шудаааст.

Ёдовар мешавем, ки Нақшаи мазкур бо Қарори Ҳукумати Ҷумҳурии Тоҷикистон аз 28 апрели соли 2017 тасдиқ гардид.

Айни замон тибқи қарори мазкур, Мақомоти иҷроияи ҳокимияти давлатии пойтахт нақшаи дурнамои вайронкунии биноҳои фарсуда, дар навбати аввал, биноҳои камошёнаи дар ҳолати садамавӣ қарордоштаро тартиб дода, онро давра ба давра то соли 2025 амалӣ   намуда, сохтмони инфрасохтори шаҳр, маҷмааҳои шаҳрофар, иншооти варзишӣ, биноҳои намоишӣ, боғҳои фарҳангию фароғатӣ ва майдонҳоро мутобиқи Нақшаи генералии тасдиқшудаи шаҳри Душанбе ба роҳ  мондааст.


Вакти нашр: 2021-04-28 13:57:33    Хонданд: 110    Муфассал...

ДАВРИ ЯКУМИ ОЗМУНИ “МО БО ШУМОЕМ” МИЁНИ КӮДАКОНУ НАВРАСОНИ МАЪЮБИ СИННИ АЗ 6 ТО 18 СОЛАИ НОҲИЯИ СИНОИ ШАҲРИ ДУШАНБЕ

Имрӯз аз ҷониби Кумитаи иҷроияи ҲХДТ дар ноҳияи Синои шаҳри Душанбе дар асоси фармоиши Муовини якуми Раиси Ҳизби Халқии Демократии Тоҷикистон аз 5 апрели соли 2021, №24 ва барқияи электронии Кумитаи иҷроияи ҲХДТ дар шаҳри Душанбе аз 13 апрели соли 2021, №27 даври якуми Озмуни “Мо бо шумоем” миёни кӯдакону наврасони маъюби аз 6 то 18 солаи ноҳияи Синои шаҳри Душанбе дар муассисаи таҳсилоти миёнаи умумии №80– и ноҳия баргузор гардид.

Дар озмуни мазкур Муродов Ҷ.Қ. – муовини раиси Кумитаи иҷроияи ҲХДТ дар шаҳри Душанбе, Файзуллозода З.Ф. – раиси Кумитаи иҷроияи ҲХДТ дар ноҳияи Синои шаҳри Душанбе, аъзои Кумитаи иҷроияи ҲХДТ дар ноҳияи Синои шаҳри Душанбе, вакилони Маҷлиси вакилони халқи шаҳри Душанбе, вакилони Маҷлиси вакилони халқи ноҳияи Синои шаҳри Душанбе ва аъзои намояндагии ТҶҶ “Созандагони Ватан” дар ноҳияи Сино иштирок намуанд.

Ҳайати ҳакамон озмуни «Мо бо шумоем” Исмоилзода Б.М. – Сардори сарраёсати маорифи шаҳри Душанбе , Эргашев Ҷ. - муовини якуми директори МД “Филармонияи давлатии Тоҷикистон ба номи А. Ҷураев”, Иброҳимзода У.У.- муовини директори МД “Итиҳодияи давлатии гуруӯҳҳои эҷодию консертӣ” ва Сафарова Г. - омӯзгори фанни забон ва адабиёти тоҷик дар Донишкдаи давлатии забонҳои Тоҷикистон ба номи С. Улуғзода интихоб гардида буданд.

Озмуни мазкурро Файзуллозода З.Ф. – раиси Кумитаи иҷроияи ҲХДТ дар ноҳияи Синои шаҳри Душанбе оғоз намуда, ёдоварӣ намунанд, ки дар асоси фармоиши Муовини якуми Раиси Ҳизби Халқии Демократии Тоҷикистон бо мақсади татбиқи дастуру ҳидоятҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, Раиси муаззами Ҳизби Халқии Демократии Тоҷикистон муҳтарам Эмомалӣ Раҳмон дар самти дастгирии ҷавонони лаёқатманд, қишрҳои осебпазири ҷомеа, инкишофи қобилияти эҷодӣ, таҳкими эҳсоси худогоҳию худшиносӣ ва баланд бардоштани завқи бадеии кӯдакону наврасони маъюб, арҷ гузоштан ба арзишҳои миллию фарҳангӣ ташвиқу таблиғи ғояҳои созандаи ҳизб ва сазовор истиқбол намудани ҷашни 30- солагии Истиқлоли давлатии Ҷумҳурии Тоҷикистон дар се давр ноҳиявӣ, шаҳрӣ ва ҷумҳуриявӣ Озмуни “Мо бо шумоем” – ро аз рӯзи се номинатсия, маҳорати суханварӣ ва қироати шеър, маҳорати сурудхонӣ ва маҳорати навохтани асбобҳои мусиқии муосир ва халқӣ баргузор карда мешавад.

Муродов Ҷ.Қ. – муовини раиси Кумиати иҷроияи ҲХДТ дар шаҳри Душанбе дар рафти суханронии худ аз сиёсати инсонпарваронаи Асосгузории сулҳу ваҳдати миллӣ – Пешвои миллат Раиси муаззами ҲХДТ муҳтарам Эмомалӣ Раҳмон ёдоварӣ намуда, изҳор намуданд, ки ин қишри ҷомеа ҳамеша зери таваҷҷуҳи Ҳукумати Ҷумҳурии Тоҷикистон ва Ҳизби Халқии Демократии Тоҷикистон қарор доранд.

Исмоилзода Б.М. – сардори Сараёсати маорифи шаҳри Душанбе дар зимни суханронии худ қайд намуданд, ки баргузории чунин озмунҳо ин яке аз ҳадафҳои барномавии ҲХДТ мебошад, ки чунин иқдомҳои наҷибу инсондӯстона пайваста миёни ҷавонони имкониятошон маҳдуд баргузор карда мешавад.

Озмуни мазкур тибқи Низомнома сурат гирифта аз ҷониби ҳайати ҳакамон ғолибон муайан гардиданд.

Дар фарҷом ғолибони озмун бо Диплом, тӯҳфаи молиявӣ ва гул аз рӯзи се номинатсия қадрдонӣ гардиданд. Инчунин иштирокчиёне, ки дар озмун фаъолона иштирок намуданд бо Сипоснома ва тӯҳфаҳои таъсиснамудани Кумитаи иҷроияи ҲХДТ дар ноҳияи Синои шаҳри Душанбе сарфароз гардонида шуданд. Илова бар ин аз ҷониби вакили Маҷлиси вакилони халқи шаҳри Душанбе, аъзои Кумитаи иҷроияи ҲХДТ дар ноҳияи Сино Баҳронова Н.Ш. ба ҳар як иштирокчии озмун ба тӯҳфаҳои молиявӣ тақдим карда шуд.


Вакти нашр: 2021-04-29 08:09:01    Хонданд: 155    Муфассал...

НАҚШИ ЭМОМАЛӢ РАҲМОН ДАР ТАҲКИМИ СИЁСАТИ ХОРИҶИИ ТОҶИКИСТОН

 

Таърих сиёсатмадоронеро зиёд дидааст, ки давлати худро дар ҷаҳон муаррифӣ кардаанд. Эмомалӣ Раҳмон ҳамчун Раиси Шӯрои Олии Ҷумҳурии Тоҷикистон моҳи сентябри соли 1993 нахустин бор аз минбари Созмони Милали Муттаҳид суханронӣ намуда, ҷомеаи ҷаҳониро бо нияту нақшаҳои бунёдкорона, ҳадафҳои сиёсии сулҳҷӯёна, расидан ба ваҳдати миллӣ, инчунин таҳкиму тақвияти ҳамкориҳо бо ҳама кишварҳои сулҳпарвари ҷаҳон ошно намуд.

Имрӯз Ҷумҳурии Тоҷикистон бо аксарияти кишварҳои ҷаҳон муносибатҳои дипломатӣ барқарор намуда, Истиқлоли давлатии кишвари моро расман эътироф кардаанд. Тоҷикистон дар ҳамаи созмонҳои минтақавӣ ва аксар созмонҳои байналмилалӣ узвият дошта, аз арзишҳо ва манофеи миллӣ дифоъ мекунад, дар масоили ҷаҳонӣ назари худро матраҳ месозад ва пешниҳодҳои мушаххасро дар бораи ҳалли ин масоил ба миён мегузорад. Акнун ҳеҷ гуна тасмимгириҳои дастаҷамъиро дар минтақа бе ҳузури фаъоли Тоҷикистон наметавон тасаввур кард.

Ин аст, ки Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз рӯзҳои аввал то имрӯз заминаҳои ҳуқуқии робитаҳои хориҷиро мувофиқ ба талаботи замон ва ниёзҳои Тоҷикистон ба вуҷуд оварда, тадриҷан мукаммал намуд, ки ҳамчун намуна ба чанде аз онҳо метавон ишора кард: Қонуни Ҷумҳурии Тоҷикистон “Дар бораи шартномаҳои байналмилалӣ” (1999), Қонуни Ҷумҳурии Тоҷикистон “Дар бораи хизмати дипломатӣ” (2014), Консепсияи сиёсати хориҷии Ҷумҳурии Тоҷикистон (2015) ва Фармони Президенти Ҷумҳурии Тоҷикистон “Дар бораи таъмини татбиқи сиёсати ягонаи хориҷӣ” (2015).

Соли 2001 Консепсияи сиёсати хориҷии Ҷумҳурии Тоҷикистон асосҳои равобити байналмилалии кишварамонро дар давраи нави баъди бозгашти сулҳу оромиш муайян кард. Пас аз чордаҳ сол, бо таваҷҷуҳ ба шароити нави ҷаҳонӣ ва хусусиятҳову афзалиятҳои муосири Тоҷикистон Консепсияи нави сиёсати хориҷии Ҷумҳурии Тоҷикистон дар соли 2015 қабул гардид.

Дар шаҳри Душанбе дар як вақт баргузор шудани ҳамоишҳои cарони давлатҳои cе созмони қаламрави собиқ Иттиҳоди Шӯравӣ - Иттиҳоди Давлатҳои Мустақил, Иттиҳоди иқтисодии АвруОсиё ва Созмони Аҳдномаи амнияти дастаҷамъӣ (5 - 6 октябри соли 2007), ҷаласаи навбатии Шӯрои саро¬ни давлатҳои аъзои Созмони ҳамкории Шанхай ва мулоқоти сеҷонибаи сарони давлатҳои Тоҷикистон, Афғонистон, Эрон (28 августи соли 2008), мулоқотҳои сеҷонибаи сарони давлатҳои Тоҷикистон, Афғонистон, Покистон ва чорҷонибаи Тоҷикистон, Афғонистон, Покистон ва Федератсияи Русия (30 июли соли 2009), Конфронси илмии байналмилалӣ бахшида ба 800 - солагии Ҷалолиддини Румӣ (6 - 8 сентябри соли 2007), Симпозиуми байналмилалии “Мероси Абуҳанифа ва аҳамияти он дар муколамаи тамаддунҳо” бо иштироки зиёда аз 500 олиму мутафаккир ва шахсиятҳои барҷастаи олами сиёсат ва илму маърифат аз 50 кишвари ҷаҳон (5 октябри соли 2009), иҷлосияи 37-уми Шӯрои вазирони корҳои хориҷии давлатҳои аъзои Созмони ҳамкориҳои исломӣ (18-20 майи соли 2010), Конфронси байналмилалии РЕККА оид ба Афғонистон бо ширкати намояндагони 75 кишвар ва созмони байналмилалӣ (26-27 марти соли 2012), барои аввалин бор дар Тоҷикистон баргузор шудани ҷашни байналмилалии “Наврӯз” бо ширкати роҳбарони чор давлат, намояндагони беш аз 35 мамлакати ҷаҳон ва 40 созмони минтақавию байналмилалӣ (25 марти соли 2012), Конфронси байналмилалии сатҳи баланд доир ба раванди татбиқи амалии Даҳсолаи байналмилалии амалиёти “Об барои ҳаёт” дар солҳои 2005 - 2015 бо ҳузури беш аз 1500 нафар аз 100 кишвари ҷаҳон ва даҳҳо созмони байналмилалию минтақавӣ (9 -11 июни соли 2015), ҳамчунин баргузории конфронсу семинар ва симпозиумҳои сершумори дигар гувоҳи возеҳи табдил ёфтани Тоҷикистон ба маркази баргузории чорабиниҳои минтақавию ҷаҳонист.

Шакке нест, ки пешвоёнро дар ҷаҳон бо ташаббусҳои фарогир ва нақшгузорӣ дар ҳалли мушкилоти глобалӣ мешиносанд. Дар ин бахш низ Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон яке аз сиёсатмадорони фаъоли ҷаҳонӣ ба шумор меравад. Ӯ муаллифи се ташаббуси бузургест, ки дар сатҳи ҷаҳонӣ ва аз тарафи СММ амалӣ шудаанд: “Соли байналмилалии оби тоза, 2003”, “Соли байналмилалии ҳамкорӣ дар соҳаи об, 2013” ва “Даҳсолаи байналмилалии амалиёти “Об барои ҳаёт, 2005-2015”. Пешниҳоди дигари Президенти мамлакати мо дар хусуси эълон намудани Даҳсолаи байналмилалии “Об барои рушди устувор, 2015-2025” низ ҳамовозии ҷаҳонӣ ёфта, заминаи иҷрои он дар ҳоли баррасист. Бо ташаббуси Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва роҳбарони чанд кишвари дигар 23 феврали соли 2010 Маҷмаи умумии Созмони Милали Муттаҳид дар иҷлосияи навбатии 64-уми худ таҳти унвони “Фарҳанги ҷаҳон” бо аксарияти раъйҳо рӯзи 21 мартро “Рӯзи байналмилалии Наврӯз” эълон кард.

Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон тайи солҳои гуногун, ҳамзамон бо ташаббусҳои оламгир ва баромаду суханрониҳо аз минбарҳои бузурги ҷаҳонӣ, бо таълифи китобҳои арзишманд, ки бо чандин забон тарҷума ва дар саросари олам паҳн гаштаанд, тоҷикон ва Тоҷикистонро барои ҷаҳониён муаррифӣ кардааст. Аз ҷумла, “Тоҷикистон: чаҳор соли истиқлолият ва худшиносӣ” (1995), “Тоҷикистон: дар роҳи демократия ва ҷомеаи мутамаддин» (1996), «Тоҷикон дар ойинаи таърих: аз Ориён то Сомониён”, “Тоҷикистон дар остонаи фардо” (1997), “Истиқлолияти Тоҷикистон ва эҳёи миллат” (2002).

Дар баробари ин Эмомалӣ Раҳмон ба он даст зад, ки заминаҳои ҳуқуқӣ ва сохторӣ, инчунин дигар шароит барои пешбурди сиёсати хориҷӣ ба вуҷуд оварда шаванд. Дар ин ҷода корҳо дар чанд самт сурат гирифта, оқибат пойгоҳи мустаҳкамеро барои амалӣ намудани сиёсати хориҷӣ ба вуҷуд оварданд:

• ба вуҷуд овардани асосҳои ҳуқуқӣ ва назариявии сиёсати хориҷӣ;

• мушаххас намудани салоҳияти мақомоту сохторҳои давлатӣ роҷеъ ба масъалаҳои сиёсати хориҷӣ;

• рушди Вазорати корҳои хориҷӣ ва таъсис додани муассисаҳои хориҷии ҷумҳурӣ;

• мушаххас намудани амалияи ягонаи ташрифоти давлатӣ;

• ба вуҷуд овардани шароит барои баргузор намудани чорабиниҳои байналмилалӣ;

• ба вуҷуд овардани асосҳои ҳуқуқӣ ва назариявии сиёсати хориҷӣ.

Шурӯъ аз соли 1993 бо ташаббуси Роҳбари давлат як қатор санадҳои меъёрию ҳуқуқӣ таҳия ва қабул гардиданд, ки ба масъалаҳои рушди сиёсати хориҷӣ, таъминоти ташкилӣ ва сохтории он бахшида шудаанд.

Пас аз мавриди истифода қарор гирифтани Қасри Миллат чорабиниҳои муҳими ташрифотӣ, аз қабили маросими истиқболи расмии роҳбари давлати хориҷӣ (ҳангоми сафарҳои давлатӣ ва расмӣ) аз ҷониби Президенти Тоҷикистон, мулоқотҳои Роҳбари давлат бо ҳамтоёни хориҷиаш бо иштироки ҳайатҳо ё тариқи хоса (як ба як), маросими ба имзо расидани санадҳои ҳамкорӣ, нишастҳои матбуотӣ баъд аз анҷоми гуфтушунидҳо, инчунин аз ҷониби Сарвари давлат қабул намудани эътимодномаҳо аз сафирони давлатҳои хориҷӣ дар ҳамин иморати пуршукӯҳ баргузор мегарданд.

Бояд гуфт, ҷомеаи ҷаҳонӣ ба Тоҷикистон ва азму иродаи давлати он, бавижа ташаббусҳо ва пешниҳодоти созандаву некбинонаи Эмомалӣ Раҳмон дар ҷодаи ободию осоиштагии на танҳо Тоҷикистон, балки минтақа ва ҷаҳон нигоҳи боэътимоду хайрхоҳона дорад. Бешак, ин навъи нигариш ба Тоҷикистон роҳро барои барқарории равобити созанда бо кишвару созмонҳои байналмилалӣ ва нақшофарии мамлакати мо дар арсаи минтақаву ҷаҳон дар оянда низ ҳамвор месозад.

ВАҲОБОВ Р.Қ. - магистранти Академияи идоракунии давлатии назди Президенти Ҷумҳурии Тоҷикистон


Вакти нашр: 2021-04-29 08:50:54    Хонданд: 93    Муфассал...

Маҷлиси кумитаи иҷроияи ибтидоии ҳизбии “Ориёфар” дар семоҳаи аввали соли 2021

Маҷлиси кумитаи иҷроияи ибтидоии ҳизбии “Ориёфар” дар ноҳияи Исмоили Сомонии шаҳри Душанбе санаи 28 апрели соли 2021 дар толори ҶСП “Ориёнбонк” баргузор гардид.

Дар он Ҷурахонзода Ҷумахон муовини Раиси Кумитаи иҷроияи Ҳизби Халқии Демократии Тоҷикистон дар ноҳияи Исмоили Сомонӣ ва аъзоёни кумитаи иҷроияи ибтидоӣ иштирок намуданд.

Турахонова Ҳалқамо-муовини кумитаи иҷроияи ибтидоии ҳизбии “Ориёфар” маҷлисро ифтитоҳ намуда, меҳмононро ба иштирокчиён муаррифӣ кард.

Ҳамчунин, вобаста ба масъалаи рӯзнома дар бораи фаъолияти кумитаи иҷроияи ибтидоии ҳизбии “Ориёфар” дар семоҳаи аввали соли 2021 ва вазифаҳои минбаъда Турахонова Ҳалқамо гузориши мухтасар дода, қайд намуданд, ки кумитаи иҷроияи ибтидоии ҳизбии “Ориёфар”дар ноҳияи Исмоили Сомонӣ фаъолияти худро баҳри ҳадафмандона таблиғ намудани мақсаду мароми ҲХДТ дар семоҳи аввали соли 2021 ҷиҳати иҷрои дастуру супоришҳо ва нақшаву чорабиниҳои ҳизбӣ бо роҳи расонидани иттилооти мукаммалу саривақтӣ ба аъзоён, масъулин ва ҷонибдорони ҳизб дар кумитаи ибтидоӣ ба роҳ мондааст. Гуфта шуд, ки дар идҳои давлатию миллӣ аз ҷониби кумитаи иҷроияи ибтидоии ҳизбии “Ориёфар” чорабиниҳои калон гузаронида шуда, кумакҳои яквақтаинаи молиявию озуқаворӣ ҳамеша расонида мешавад.

Ҷурахонзода Ҷумахон доир ба фаъолияти вусъатбори кумитаи иҷроияи ибтидоии ҳизбии “Ориёфар” музокирот намуда, фаъолияти онро дар давраи ҳисоботӣ қаноатбахш арзёбӣ намуданд.

Қарорҳои дахлдор баҳри фаъолияти минбаъда ва нақшаҳо бо назардошти тағйиру иловаҳои пешниҳод шуда, қабул карда шуд.

Барои фаъолияти пурмаҳсул ва саҳми арзанда гузоштан дар корҳои ташкилию сиёсии ҳизбӣ, таҳким бахшидан ба корҳои таблиғотию ташвиқотӣ, баҳри баланд бардоштани мавқеъи ҳизб дар Бонк, ба кормандони фаъол шаҳодатномаи ҳизбӣ ва фаъолони кумитаи иҷроияи ибтидоии ҳизбии “Ориёфар” бо сипосномаву ифтихорномаи ҳизбию давлатӣ сарфароз гардонида шуданд.

Ба нафарони бо ифтихорнома ва сипосномаи КИ ҲХДТ дар ноҳияи Исмоили Сомонӣ сарфароз гардида аз ҷониби намояндагони ҳизб бурдбориҳо таманно карда шуд.


Вакти нашр: 2021-04-29 11:09:05    Хонданд: 88    Муфассал...

АҶАБ ШАҲРИ ДИЛОРОИ ДУШАНБЕ

Имрӯз Кумитаи иҷроияи Ҳизби Халқии Демократии Тоҷикистон дар ноҳияи Шоҳмансури шаҳри Душанбе бахшида ба истиқболи шоистаи 30-солагии Истиқлолияти давлатии Тоҷикистон ва таҷлили Рӯзи пойтахт миёни донишҷӯёни Донишкадаи санъати тасвирӣ ва дизайни Тоҷикистон озмуни “Расми беҳтарин” доир гардид. Иштирокдорон ва аъзоёни фаъоли ТҶҶ “Созандагони Ватан” дар ноҳияи Шоҳмансур дар боғи фарҳунгу фароғатии “Куруши Кабир” табиати дилфиреб, зебоиҳои дилписанд ва озодагию гулгаштҳои зебои Душанберо рӯйи кағаз таҷассум намуда, ба маърази дид гузоштанд.


Вакти нашр: 2021-04-29 12:23:39    Хонданд: 93    Муфассал...

МАҶЛИСИ ҶАМЪБАСТИИ ҲИСОБОТӢ ДАР ТАШКИЛОТИ ИБТИДОИИ “СОХТМОН ВА МЕЪМОРӢ”

Дар ташкилоти ибтидоии “Сохтмон ва меъморӣ” маҷлиси ҷамъбастӣ оид ба натиҷагирӣ аз фаъолияти ташкилот дар семоҳаи аввали соли 2021 баргузор гардид.

Оид ба фаъолияти ташкилот ҳисобот пешниҳод гардида, тазаккур дода шуд, ки дар татбиқи ҳадафҳои созандаи ҲХДТ аъзо ва ҷонибдорони ҲХДТ дар ташкилот саҳми хешро гузоштанд. Дар рушди давлати миллӣ ва сохтмони биноҳои мутобиқ ба санъати меъмории миллӣ, бунёдкорию созандагӣ дар пойтахт ва баланд бардоштани малакаи касбии мутахассисони ҷавон, тарбияи худогоҳии миллӣ, дастгирии сиёсати бомароми давлат ва Ҳукумати кишвар саҳми аъзоёни ташкилот назаррас аст.

Ҳисобот аз ҷониби меҳмонон ва кормандон қаноатбахш арзёбӣ гардида, дигар масъалаҳои дохилиҳизбӣ ҳаракати аъзои ҳизб, тақвият бахшидани фаъолияти сиёсии ташкилот, баланд бардоштани иродаи сиёсии ҳамаи кормандону ҷонибдорони ҲХДТ ва амсоли ин мавзӯҳо мавриди баррасӣ қарор гирифтанд.


Вакти нашр: 2021-04-29 12:36:00    Хонданд: 97    Муфассал...

Президенти Ҷумҳурии Тоҷикистон Эмомалӣ Раҳмон роҳбарони ҳайатҳо — иштирокчиёни ҷаласаи Кумитаи котибони шӯроҳои амнияти кишварҳои аъзои СААД-ро ба ҳузур пазируфтанд

29 апрел дар Қасри миллат Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон роҳбарони ҳайатҳо — иштирокчиёни ҷаласаи Кумитаи котибони шӯроҳои амнияти кишварҳои аъзои Созмони Аҳдномаи амнияти дастаҷамъиро ба ҳузур пазируфтанд.

Сарвари давлат муҳтарам Эмомалӣ Раҳмон дар оғози суҳбат таъкид доштанд, ки мо ба ҳамкории байни кишварҳоямон дар доираи Созмони Аҳдномаи амнияти дастаҷамъӣ аҳамияти аввалиндараҷа медиҳем ва пайванди муҳими талошҳои муштараки мо барои расидан ба ҳадафҳо фаъолияти пурсамари котибони Шӯроҳои Амният мебошад.

Дар робита ба вазъи мураккаби ҷомеаи ҷаҳонӣ, шиддат гирифтани таҳдиду хатарҳои муосир ва таъсири онҳо ба амнияти давлатҳои аъзои СААД, афзоиши ташаннуҷи байналмилалӣ вобаста ба рақобати геополитикӣ ва дигар омилҳои халалдоркунандаи амну суботи кишварҳо, Президенти мамлакат муҳтарам Эмомалӣ Раҳмон зарурати таҳкиму тавсеаи ҳамкориҳоро дар доираи Созмон, ки ҷониби Тоҷикистон соли равон раёсати онро ба ӯҳда дорад, ишора карданд. Дар ин зимн, ҳамчунин, вазъияти имрӯзаи кишвари ба мо ҳамсояи Афғонистон мавриди баррасӣ қарор дошт.

Зимни мулоқот масъалаҳои вобаста ба мубориза бар зидди дигар хатарҳо, аз ҷумла хавфҳои марбут ба пандемияи COVID-19, бӯҳрони шадиди ҷаҳонии иҷтимоию иқтисодӣ ва молиявӣ, таъсири онҳо ба амният ва иқтисодиёти кишварҳо, бехатарии биологӣ ва гардиши ғайриқонунии маводи нашъаовар баррасӣ гардид.

Дар ин зимн, фаъолияти муштараки давлатҳои аъзои СААД, ҳамоҳангсозии амалҳои хадамоти махсус, аз ҷумла дар соҳаи мубориза бо киберҷиноятҳо зарур шумурда шуд.

Дар охир Президенти мамлакат муҳтарам Эмомалӣ Раҳмон ба кори ҷаласаи Кумитаи котибони шӯроҳои амнияти кишварҳои аъзои СААД комёбӣ орзу карда, изҳори умед намуданд, ки натиҷаҳои ин ҳамоиш барои расидан ба ҳадафҳои дар пеш гузошта, пурсамар хоҳад буд.

Мулоқот бо роҳбарони ҳайатҳо - иштирокчиёни ҷаласаи Кумитаи котибони шӯроҳои амнияти кишварҳои аъзои СААД 29.04.2021


Вакти нашр: 2021-04-29 14:17:48    Хонданд: 97    Муфассал...

Суханронии Президенти Ҷумҳурии Тоҷикистон Эмомалӣ Раҳмон дар маҷлиси Ҳукумат дар бораи натиҷаҳои рушди иқтисодиву иҷтимоии кишвар дар семоҳаи якуми соли 2021

Муҳтарам аъзои Ҳукумат!
Ҳозирини гиромӣ!

Тавре ки аз ҳисоботу гузоришҳои пешниҳодгардида бармеояд, дар семоҳаи якуми соли 2021 дар натиҷаи тақвияти корҳо дар самти пешгирии таъсири хавфҳои эҳтимолӣ ба иқтисоди миллӣ, истифодаи имконияту захираҳои мавҷуда, ба кор андохтани иқтидорҳои нав ва фаъол гардонидани иқтидорҳои амалкунанда устувории макроиқтисодии кишвар таъмин гардида, афзоиши воқеии маҷмӯи маҳсулоти дохилӣ 7,5 фоизро ташкил додааст.

Бо вуҷуди ин, дар фаъолияти баъзе вазорату идораҳо ва мақомоти иҷроияи маҳаллии ҳокимияти давлатӣ як қатор камбудиву норасоиҳо вуҷуд доранд.

Дар ин самт, пеш аз ҳама, таъкид месозам, ки то ҳанӯз на ҳамаи имконияту воситаҳо пурра истифода шуда истодаанд.

Бинобар ин, роҳбарони вазорату идораҳо, вилоятҳо ва шаҳру ноҳияҳоро зарур аст, ки фаъолияти худро дар самти пешгирӣ ва муқовимат ба таҳдиду буҳронҳо, ташаккули имконияту захираҳои молиявии ба рушд нигаронидашуда, таъмини иҷрои саривақтӣ ва босифати ҳуҷҷатҳои стратегӣ ва барномавӣ барои ноил шудан ба ҳадафҳои гузошташуда ва ҳалли масъалаҳои иҷтимоии аҳолӣ вусъат бахшанд.

Ҳарчанд нақшаи даромади буҷети давлатӣ дар семоҳаи якуми соли ҷорӣ барзиёд иҷро шудааст, вале нақшаи 4 намуди андоз ва пардохтҳо дар ҳаҷми умумии 73 миллион сомонӣ таъмин нагардида, бақияпулиҳои андоз 815 миллион сомонӣ, аз ҷумла 320 миллион сомониро бақияпулиҳои корхонаҳои давлатӣ ташкил медиҳанд, ки андешидани тадбирҳои заруриро тақозо менамояд.

Дар ин давра корхонаҳои азими кишвар уҳдадориҳои андозии худро аз рӯи нақшаи пешбинишуда дар назди буҷет ба маблағи 176 миллион сомонӣ таъмин карда натавонистаанд, ки ин бевосита ба иҷрои сифатноки қисми даромади буҷет таъсири манфӣ расонид.

Дар 16 шаҳру ноҳия таъмин нагардидани қисми даромади буҷетҳои маҳаллӣ ба маблағи 10 миллион сомонӣ дигар масъалаи нигаронкунанда мебошад.

Аз ин лиҳоз, ба роҳбарони Вазорати молия, Кумитаи андоз, Хадамоти гумрук супориши қатъӣ дода мешавад, ки якҷо бо дигар вазорату идораҳо, раисони вилоятҳо ва шаҳру ноҳияҳо иҷрои пурраву сифатноки қисми даромади буҷети давлатиро дар соли 2021 таъмин намоянд.

Вазорати молия якҷо бо роҳбарони вилоятҳо ва шаҳру ноҳияҳо ҷиҳати иҷрои босифати нақшаи буҷетҳои маҳаллӣ, бахусус, нақшаи воридоти андозҳо, ояндабинии манбаъҳои воқеии андоз ва пайдо намудани манбаъҳои нави даромад пайваста чораҷӯӣ намояд.

Ба Сарвазири мамлакат, муовини якум, муовини Сарвазир – сарпарасти соҳа ва вазири молия супориш дода мешавад, ки дар ҳамкорӣ бо роҳбарони вазорату идораҳо ҷиҳати беҳтар гардонидани фаъолияти молиявии корхонаҳои азим, сари вақт пардохт намудани андозҳо ва кам кардани қарзи онҳо дар назди буҷет тадбирҳои фаврӣ андешанд.

Инчунин, Вазорати молия вазифадор аст, ки барои иҷрои уҳдадориҳои иҷтимоии давлат, махсусан, доир ба пардохти пурраи музди меҳнати кормандони сохторҳои буҷетӣ, нафақа, ҷубронпулию кумакпулиҳо ва беҳсозии хизматрасониҳои тиббӣ чораҳои бетаъхир андешида, нақшаи маблағгузории соҳаҳои иҷтимоиву иқтисодиро сари вақт таъмин намояд.

Масъалаи дигари ташвишовар қарздорӣ аз музди меҳнат мебошад, ки ба ҳолати 1 марти соли 2021 бо дарназардошти қарзҳои пешина 86 миллион сомониро ташкил медиҳад ва асосан аз ҳисоби субъектҳои хоҷагидори ғайридавлатӣ ба вуҷуд омадааст.

Вобаста ба ин, Вазорати меҳнат, муҳоҷират ва шуғли аҳолӣ, Прокуратураи генералӣ, Агентии назорати давлатии молиявӣ ва мубориза бо коррупсияро зарур аст, ки якҷо бо дигар сохтору мақомоти марбута масъалаи пардохти саривақтии музди меҳнатро дар ҳамаи ташкилоту муассисаҳо, сарфи назар аз шакли моликият ва намуди фаъолияти онҳо, ҳал карда, барои пешгирии пайдоиши қарздорӣ аз музди меҳнат пайваста чораҷӯӣ намоянд.

Дар низоми бонкӣ дар баробари тамоюлҳои мусбат як қатор масъалаҳо ҷой доранд, ки ба рушди устувори иқтисоди миллӣ, хусусан, дар самти дастрасии соҳибкорон ба воситаҳои молиявии дарозмуҳлат ва арзон, рушди фаъолияти истеҳсолӣ, пардохтпазириву рақобатнокии молистеҳсолкунандагони ватанӣ ва амалигардонии ҳадафҳо дар самти саноатикунонии босуръат таъсири манфӣ расонида истодааст.

Аз ин рӯ, Бонки миллиро зарур аст, ки ҷиҳати боз ҳам зиёд намудани ҳаҷми қарз ба соҳаҳои иқтисоди миллӣ, алалхусус, ба соҳибкории истеҳсолӣ, паст намудани фоизи қарзҳо, ҷалби ҳарчи бештари сармояи дохиливу хориҷӣ ба соҳаи бонкӣ, ҷорӣ кардани хизматрасониҳо бо истифода аз технологияҳои рақамӣ ва зиёд намудани сарчашмаҳои қарзии ташкилотҳои молиявии қарзӣ тамоми имкониятҳои мавҷударо равона созад.

Тибқи ҳисоботи оморӣ таваррум дар моҳҳои январ – марти соли 2021 ба 3,3 фоиз расидааст.

Чунин вазъ аз ҳисоби зиёдшавии нархи озуқаворӣ 4,4 фоиз, молҳои ғайриозуқаворӣ 2,4 фоиз ва арзиши хизматрасониҳои пулакӣ 1,3 фоиз ба вуҷуд омадааст.

Дар давраи ҳисоботӣ сатҳи баланди таваррум дар вилояти Хатлон – 4,2 фоиз ва вилояти Суғд – 3,5 фоиз ба қайд гирифта шудааст.

Муовини якуми Сарвазири мамлакат, роҳбарони Бонки миллӣ, вазоратҳои рушди иқтисод ва савдо, молия, Кумитаи давлатии сармоягузорӣ ва идораи амволи давлатӣ, Агентии омор, раисони вилоятҳо ва шаҳру ноҳияҳо вазифадоранд, ки барои дар сатҳи пешбинишуда нигоҳ доштани таваррум тадбирҳои муассир андешанд.

Ҳарчанд дар маҷлиси Ҳукумати мамлакат доир ба натиҷаҳои соли гузашта вобаста ба фаъолияти марказҳои татбиқи лоиҳаҳои сармоягузории давлатӣ ва ислоҳи камбудиҳои ҷойдошта супоришҳои мушаххас дода шуда буданд, вале дар раванди татбиқи баъзе лоиҳаҳо то ҳанӯз камбудиҳои ҷиддӣ ба назар мерасанд.

Вобаста ба ин, Кумитаи давлатии сармоягузорӣ ва идораи амволи давлатӣ, вазорату идораҳои соҳавӣ ва марказҳои татбиқи лоиҳаҳои сармоягузории давлатиро зарур аст, ки камбудиҳои ҷойдоштаро бартараф карда, дар ҳамкорӣ бо шарикони рушд корҳоро доир ба татбиқи саривақтӣ, сифатнок ва шаффофи лоиҳаҳо, хусусан, доир ба азхудкунии самараноки маблағҳо густариш диҳанд.

Хотиррасон менамоям, ки татбиқи ҳадафҳои стратегии давлат бо дарназардошти ҷалби сармоя, бахусус, сармояи хориҷӣ пешбинӣ гардидааст.

Вале таҳлилҳо нишон медиҳанд, ки ҳаҷми ҷалби сармояи хориҷӣ сол ба сол коҳиш ёфта истодааст.

Соли 2020 сармояи хориҷӣ ба кишвар нисбат ба соли 2019–ум 29,4 фоиз, аз ҷумла сармояи мустақим 53 фоиз кам ворид шудааст, ки чунин вазъ нигаронкунанда мебошад.

Аз ин рӯ, ба муовини якуми Сарвазир, роҳбарони Кумитаи давлатии сармоягузорӣ ва идораи амволи давлатӣ, вазорату идораҳо, раисони вилоятҳо ва шаҳру ноҳияҳо супориш дода мешавад, ки фаъолиятро дар самти беҳтар намудани фазои сармоягузориву соҳибкорӣ ҷоннок намуда, ҷиҳати ҷалби бештари сармояи дохиливу хориҷӣ, махсусан, сармояи мустақим ба соҳаҳои иқтисоди миллӣ чораҳои мушаххас андешанд.

Инчунин, сохтору мақомоти дахлдорро зарур аст, ки дар ҳамкорӣ бо сармоягузорон корро дар самти ташкили корхонаҳои нави истеҳсолӣ вусъат бахшанд.

Тавре борҳо таъкид карда будам, дар шароити имрӯза яке аз тадбирҳои муҳимми зиддибуҳронӣ бамаротиб афзоиш додани ҳаҷми истеҳсоли маҳсулоти саноативу кишоварзӣ, бахусус, маҳсулоти ниёзи аввал барои ҳифзи амнияти озуқавории аҳолӣ мебошад.

Дар семоҳаи якуми соли 2021 ҳиссаи маҳсулоти хӯрокворӣ дар таркиби воридоти кишвар ҳоло ҳам зиёд боқӣ монда, 21 фоизро ташкил додааст.

Бо вуҷуди пешниҳоди имтиёзҳо барои соҳаҳои алоҳидаи истеҳсоли маҳсулоти саноатӣ ва коркарди ашёи хоми ватанӣ, вазъи корҳо дар самти ташкили иқтидорҳои истеҳсолӣ дар шаҳру ноҳияҳои кишвар моро қонеъ гардонида наметавонад.

Дар семоҳаи аввал дар таркиби ҳаҷми истеҳсоли маҳсулоти саноатии кишвар ҳиссаи вилояти Суғд 53,3 фоиз, вилояти Хатлон 25,8 фоиз, Вилояти Мухтори Кӯҳистони Бадахшон 0,4 фоиз, шаҳри Душанбе 10,2 фоиз ва шаҳру ноҳияҳои тобеи ҷумҳурӣ 10,3 фоизро ташкил намудааст.

Бинобар ин, Вазорати саноат ва технологияҳои навро зарур аст, ки якҷо бо роҳбарони вазорату идораҳо ва мақомоти иҷроияи маҳаллии ҳокимияти давлатӣ барои таъмин намудани рушди мутавозини соҳаи саноат дар минтақаҳои кишвар бо дарназардошти дастрасии ашёи хоми ватанӣ тадбирҳои судманд андешад.

Илова бар ин, бо мақсади ноил гардидан ба нишондиҳандаҳои дар Барномаи миёнамуҳлати рушди Ҷумҳурии Тоҷикистон барои солҳои 2021 – 2025 пешбинигардида вазорату идораҳои марбута бояд ҷиҳати истифодаи манбаъҳои иловагии рушд, истеҳсоли маҳсулоти дорои арзиши баланди иловашуда ва тавассути он барои татбиқи ҳадафи саноатикунонии босуръати кишвар тадбирҳои зарурӣ андешанд.

Гарчанде дар семоҳаи якуми соли 2021 дар кишвар 36 корхонаи нави саноатӣ бо 460 ҷойи корӣ ба истифода супорида шудааст, аммо 110 корхонаи амалкунанда бо 1700 ҷойи корӣ фаъолият накардааст, ки боиси ташвиш мебошад.

Дар ҳамин давраи соли 2020 дар кишвар 53 корхонаи нави саноатӣ бо 940 ҷойи нави корӣ сохта, ба истифода дода шуда буд.

Бо вуҷуди ин, ки суръати рушди соҳаи саноати истихроҷ дар семоҳаи якум 32,4 фоиз таъмин гардидааст, зарур аст, ки корҳо дар самти фаъолияти мунтазами корхонаҳои соҳа, коркарди пурраи ашёи хом ва истеҳсоли маҳсулоти содиротӣ дар ин корхонаҳо тақвият бахшида шаванд.

Бинобар ин, ба роҳбарияти Вазорати саноат ва технологияҳои нав супориш дода мешавад, ки бо мақсади таъмин намудани рушди босуръати соҳаи саноат ва бо ҳамин роҳ афзоиш додани ҳаҷми истеҳсоли маҳсулоти ниҳоии дорои арзиши баланди иловашуда ва ивазкунандаи воридот, таъсиси ҷойҳои нави корӣ ва дарёфти сарчашмаҳои иловагии даромади буҷети давлатӣ чораҳои зеринро амалӣ намоянд:

— дар ҳамкорӣ бо роҳбарони вазорату идораҳо, вилоятҳо, шаҳру ноҳияҳо ва соҳибкорону сармоягузорон корҳоро дар самти бунёди корхонаҳои нав дар соҳаҳои саноати мошинсозӣ, сабук, хӯрокворӣ ва дорусозӣ суръат бахшад;

— якҷо бо мақомоти иҷроияи маҳаллии ҳокимияти давлатӣ ва соҳибкорон барои дар муҳлатҳои кӯтоҳ таҷдид кардану ба кор андохтани корхонаҳои аз фаъолият бозмондаро, сарфи назар аз шакли моликияти онҳо, таъмин созад;

— якҷо бо роҳбарони вилоятҳо, шаҳру ноҳияҳо ва сармоягузорон масъалаи то маҳсулоти ниҳоӣ коркард намудани ашёи истеҳсолкардаи корхонаҳои соҳаи саноати истихроҷро ҳаллу фасл намояд;

— дар ҳамкорӣ бо Вазорати кишоварзӣ оид ба вусъат бахшидани корҳо доир ба зиёд кардани истеҳсол ва коркарди маҳсулоти кишоварзӣ, аз ҷумла зироатҳои равғандиҳанда, меваю сабзавот ва маҳсулоти гӯштиву ширӣ чораҳои муассир андешад;

— бо мақсади навсозӣ ва такмили инфрасохтори корхонаҳо, тақвияти фаъолияти инноватсионӣ дар корхонаҳои саноатӣ, татбиқи маҷмӯи тадбирҳо ҷиҳати таъмини рақобатнокӣ ва сифати маҳсулот якҷо бо Кумитаи давлатии сармоягузорӣ ва идораи амволи давлатӣ барои фароҳам овардани фазои мусоиди сармоягузорӣ ва ҷалби сармоягузорон чораҳои заруриро роҳандозӣ намояд.

Илова бар ин, бори дигар супориш дода мешавад, ки раисони вилоятҳо ва шаҳру ноҳияҳо якҷо бо Вазорати саноат ва технологияҳои нав то моҳи сентябр тавассути ташкили корхонаву коргоҳҳои дӯзандагӣ бо кор таъмин намудани бонувон ва истеҳсоли либосҳои мактабиро дар ҳамаи шаҳру ноҳияҳо ба роҳ монда, талаботро ба ин намуди маҳсулот аз ҳисоби истеҳсоли дохилӣ қонеъ гардонанд.

Ҳамзамон бо ин, ба мақсади таъмин намудани бозори истеъмолӣ бо маҳсулоти истеҳсоли ватанӣ ба вазири молия ва роҳбарони вазорату идораҳои дахлдор супориш дода мешавад, ки ҷиҳати аз 1 майи соли 2021 аз 18 то 10 фоиз кам кардани меъёри андоз аз арзиши иловашуда барои истеҳсол ва фурӯши маҳсулоти макаронии истеҳсоли худӣ тадбирҳои фаврӣ андешанд.

Соли 2020 ба кишвар қариб 16 ҳазор тонна маҳсулоти макаронӣ ба маблағи 20 миллион доллар ворид шудааст.

Дар семоҳаи якуми соли ҷорӣ ҳаҷми воридоти ин намуди маҳсулот 4,4 ҳазор тонна ва маблағи 6,2 миллион доллари амрикоиро ташкил додааст.

Ҳарчанд ки солҳои охир дар гардиши савдои хориҷии кишвар тамоюли тадриҷан зиёд шудани ҳиссаи содирот ба назар мерасад, вале бояд таъкид кард, ки барои рушди содирот ва истеҳсоли молҳои ивазкунандаи воридот то ҳанӯз на ҳамаи имкониятҳои мавҷуда пурра истифода шуда истодаанд.

Дар семоҳаи якуми соли 2021 вазни хоси содироти кишвар асосан аз ҳисоби фурӯши фулузот ва сангҳои қиматбаҳо (75 фоиз), маъдану консентратҳо (8 фоиз), нахи пахта (7 фоиз) ва алюминийи аввалия (4 фоиз) ташаккул ёфтааст, ки бе коркарди ниҳоӣ дар намуди ашёи хом содирот карда шудаанд.

Таъкид месозам, ки дар ин ҷода имкониятҳои истифоданашудаи рушди содироти молҳои саноатӣ ва кишоварзӣ хеле зиёданд.

Хусусан, камшавии содироти шарбату маҳсулоти меваю сабзавот ва аз соли 2018 то инҷониб умуман содирот нагардидани маҳсулоти бофандагӣ гувоҳи равшани истифодаи нокифояи имкониятҳои мавҷуда мебошад.

Дар робита ба ин, ба вазоратҳои рушди иқтисод ва савдо, саноат ва технологияҳои нав, кишоварзӣ, Кумитаи давлатии сармоягузорӣ ва идораи амволи давлатӣ, Агентии содирот, Бонки миллӣ, раисони вилоятҳо, шаҳру ноҳияҳо, “Саноатсодиротбонк” ва “Амонатбонк” супориш дода мешавад, ки барои расидан ба нишондиҳандаҳои барномавии афзоиши ҳаҷми истеҳсол ва содироти молҳои ватанӣ, беҳтар гардонидани сохтори онҳо, тарғиби ҳамаҷонибаи тамғаҳои молии ватанӣ дар бозорҳои ҷаҳонӣ ва дарёфти харидорон, инчунин, пешниҳоди қарзҳои дастрас дар ин самт чораҷӯӣ намоянд.

Бо мақсади баланд бардоштани нишондиҳандаҳои содироти молу маҳсулоти ватанӣ дар доираи занҷираи «ашёи хом – истеҳсоли маҳсулоти ниҳоӣ – дарёфти бозори фурӯш» таҷрибаи ҷаҳониро дар самти коркарди фулузоти қиматбаҳою нимқиматбаҳо, нахи пахта, алюминийи аввалия ва маъданҳо то маҳсулоти тайёр бо арзиши иловагии баланд, инчунин, меваю сабзавот ҳамаҷониба омӯхта, ҷиҳати татбиқи он дар кишвар тадбирҳои заруриро амалӣ созанд.

Вазорату идораҳои дахлдор ва дигар мақомоти масъули давлатиро зарур аст, ки бо мақсади сари вақт ва пурра ба низом даровардани расмиёт оид ба додани иҷозат ва сертификатҳо дар самти содирот, воридот ва транзити молҳо ба субъектҳои фаъолияти иқтисодии хориҷӣ, инчунин, ворид намудани тағйироти зарурӣ ба қонунгузории амалкунанда дар ин самт барои пурра ташаккул додани низоми миллии «Равзанаи ягонаи барасмиятдарории амалиёти содиротию воридотӣ ва транзитӣ дар Ҷумҳурии Тоҷикистон» тадбирҳои муассир андешанд.

Вобаста ба бартараф намудани мушкилот ва ислоҳи камбудиву норасоиҳо дар бахши энергетикаи кишвар ба Вазорати энергетика ва захираҳои об супориш дода мешавад, ки:

— ислоҳоти сохтории соҳаро тақвият бахшида, дар ин замина фаъолияти самараноки низоми энергетикии кишварро таъмин намояд;

— танзими самарабахши идоракунии обанборҳои кишварро ба роҳ монда, ҷиҳати дар фасли тирамоҳу зимистон пурра таъмин намудани аҳолӣ бо нерӯи барқ чораҳои зарурӣ андешад;

— корро дар доираи лоиҳаҳои таҷдиди нерӯгоҳҳои барқи обии “Норак”, “Қайроққум”, “Сарбанд” ва лоиҳаи минтақавии CASA – 1000 тақвият бахшад;

— якҷо бо Ширкати «Шабакаҳои тақсимоти барқ» ва дигар мақомоти марбута барои ҷорӣ кардани низоми муосири назорат ва баҳисобгирии нерӯи барқ дар шаҳру ноҳияҳои кишвар тадбирҳои заруриро роҳандозӣ намояд.

Бо мақсади таъмини рушди устувори соҳаи кишоварзӣ то имрӯз аз ҷониби Ҳукумати мамлакат барои дастгириву ҳавасмандгардонии хоҷагиҳои кишоварзӣ як қатор тадбирҳо андешида шуда, якчанд барномаи соҳавӣ, аз ҷумла “Барномаи рушди соҳаи боғу токпарварӣ барои солҳои 2016 – 2020” ва “Барномаи маҷмӯии рушди соҳаи чорводорӣ барои солҳои 2018 – 2022” қабул гардидаанд, ки татбиқи онҳо барои бамаротиб зиёд шудани ҳаҷми истеҳсоли маҳсулоти соҳа, ғанӣ гардидани бозори истеъмолии кишвар ва афзоиши содирот мусоидат намуд.

Дар доираи нақшаи “Барномаи рушди соҳаи боғу токпарварӣ барои солҳои 2016 – 2020” дар панҷ соли охир 15780 гектар боғ (105 фоизи нақшаи барнома), аз он 571 гектар боғҳои интенсивӣ (114 фоизи нақшаи барнома) ва 1658 гектар токзор (69 фоизи нақшаи барнома) бунёд карда шудааст.

Тайи се соли татбиқи “Барномаи маҷмӯии рушди соҳаи чораводорӣ барои солҳои 2018 – 2022” саршумори чорвои калони шохдор 60,5 ҳазор сар, чорвои хурд 238 ҳазор сар, асп 1530 сар, паранда 3 миллиону 161 ҳазор сар ва 14 ҳазор оилаи занбӯри асал зиёд гардида, истеҳсоли маҳсулот дар соли 2020 нисбат ба соли 2018, аз ҷумла гӯшт 38 ҳазор тонна, шир 40 ҳазор тонна, тухм 533 миллион дона, гӯшти паранда 23,5 ҳазор тонна, моҳӣ 1,5 ҳазор тонна ва асал 39 тонна афзоиш ёфтааст.

Дар семоҳаи якуми соли ҷорӣ 716 гектар боғ, аз он 75 гектар боғи интенсивӣ бунёд гардида, саршумори чорвои калони шохдор нисбат ба аввали сол 18,6 ҳазор сар, чорвои хурд 180 ҳазор сар, паранда 664 ҳазор сар, занбӯри асал қариб 1200 оила зиёд шудааст ва нисбат ба ҳамин давраи соли гузашта истеҳсоли гӯшт 3,2 ҳазор тонна, шир 5,2 ҳазор тонна, тухм 9,5 миллион дона, гӯшти паранда 1,7 ҳазор тонна ва моҳӣ 72 тонна афзоиш ёфтааст.

Барои идома додани дастгирии давлатии соҳаи кишоварзӣ ва таъмини фаровонии бозори истеъмолӣ тамоми хоҷагиҳои кишоварзии мамлакат дар соли 2021 аз пардохти андози ягонаи замин озод карда шуданд.

Иқдоми мазкур боиси ҳавасманд шудани кишоварзон гардида, ба афзоиши ҳаҷми истеҳсоли маҳсулоти кишоварзӣ мусоидат менамояд.

Бояд гуфт, ки дар чор моҳи аввали соли ҷорӣ кишти баҳории зироатҳои кишоварзӣ дар майдони 337 ҳазор гектар ё 73 фоизи дурнамо гузаронида шудааст, ки нисбат ба ҳамин давраи соли гузашта 28 ҳазор гектар ё 9 фоиз зиёд мебошад.

Бори дигар таъкид менамоям, ки вазъи ҷаҳони муосир вобаста ба пайомадҳои пандемияи коронавирус, низоъҳои сиёсиву тиҷоратӣ, болоравии нархҳои маҳсулоти ниёзи аввал, тағйирёбии иқлим, ки имрӯзҳо баръало эҳсос мегардад, инчунин, номуайянии дурнамои онҳо дар соли 2021 мураккаб боқӣ мемонад.

Бинобар ин, барои ҳифзи амнияти озуқавории кишвар ва бо ҷойи кор таъмин намудани шаҳрвандон бояд корҳо дар самти оқилона истифода намудани ҳар як ваҷаб замин ва гирифтани 3 – 4 ҳосил, афзоиш додани майдони кишти картошка, ҷамъоварии беталафи ҳосили маҳсулоти кишоварзӣ, таъмини муттасили бозори дохилӣ, содироти меваю сабзавот, омодагӣ ба кишти такрорӣ ва бунёди корхонаҳои коркарди маҳсулоти кишоварзӣ тақвият бахшида, захира намудани озуқаворӣ барои давраи тирамоҳу зимистони солҳои 2021 – 2022 дар ҳар як оила таъмин карда шавад.

Аз ин рӯ, ба роҳбарони Вазорати кишоварзӣ, дигар вазорату идораҳои марбута, раисони вилоятҳо ва шаҳру ноҳияҳо супориш дода мешавад, ки фаъолияти худро доир ба истифодаи самараноки обу замин, зиёд намудани майдони кишти зироатҳо, ташкили гармхонаҳои доимамалкунанда, ба роҳ мондани парвариши тухмиҳои репродуксионии баландсифат ва ба тағйирёбии иқлим тобовар, бунёду барқарорсозии боғу токзор, алалхусус, боғҳои интенсивӣ, таъмин намудани хоҷагиҳои кишоварзӣ бо нуриҳои минералӣ ва дастгирии ҳаматарафаи онҳо тақвият бахшанд.

Илова бар ин, ҷиҳати таъмини рушди босуръати соҳаҳои чорводорӣ, парандапарварӣ, моҳидорӣ ва занбӯриасалпарварӣ ва ба ин васила афзоиш додани ҳаҷми истеҳсоли маҳсулоти соҳаҳои зикршуда иҷрои саривақтиву босифати барномаҳои қабулгардидаро ҷиддӣ назорат карда, бо дарназардошти камобиву хушксолии баамаломада барои захира кардани хӯроки чорво бо истифода аз имкониятҳои ноҳияҳои кӯҳистон (Шамсиддини Шоҳин, Муъминобод, Ховалинг, Балҷувон, Темурмалик) чораҳои бетаъхир андешанд.

Тибқи маълумоти оморӣ гарчанде дар семоҳаи аввали соли 2021 ҳаҷми умумии боркашонӣ дар кишвар нисбат ба ҳамин давраи соли гузашта 2,1 фоиз афзоиш ёфтааст, вале ин нишондиҳанда тавассути нақлиёти роҳи оҳан қариб 21 фоиз кам шудааст.

Тавре борҳо таъкид карда будам, самаранок истифода накардани роҳҳои оҳани кишвар сабаби пеш аз муҳлат хароб гардидани роҳҳои мошингард аз ҳисоби мошинҳои гаронвазн мебошад.

Маълумоти оморӣ нишон медиҳад, ки ҳаҷми борҳои тавассути роҳи оҳан дар моҳҳои январ – марти соли 2021 кашонидашуда нисбат ба нақлиёти автомобилӣ 16,4 миллион тонна ё 14,7 баробар кам мебошад.

Идома ёфтани ин раванд ба пеш аз муҳлати муқарраршуда фарсуда гардидани роҳҳои мошингард ва зиёд шудани садамаҳои нақлиётӣ оварда мерасонад.

Вобаста ба ин, ба Вазорати нақлиёт зарур аст, ки:

— якҷо бо мақомоти масъул ҷиҳати самаранок истифода бурдани иқтидорҳои боркашонии нақлиёти роҳи оҳан ва нигоҳдории таносуби ҳаҷми боркашониро байни ин намуди нақлиёт ва нақлиёти автомобилӣ мавриди омӯзиш қарор дода, хулосаҳои худро оид ба зиёд намудани интиқоли борҳо тавассути нақлиёти роҳи оҳан ба Ҳукумати мамлакат пешниҳод намояд;

— дар ҳамкорӣ бо Корхонаи воҳиди давлатии «Роҳи оҳани Тоҷикистон» ва вазорату идораҳои дахлдор оид ба дарёфти маблағгузорӣ барои омода намудани асосноккунии техникиву иқтисодӣ, лоиҳакашӣ ва оғози сохтмони роҳи оҳани нав дар қитъаи Ҷалолиддини Балхӣ – Ҷайҳун –Панҷи Поён бо ҷалби шарикони рушд чораҳои зарурӣ андешад;

— якҷо бо вазорату идораҳои дахлдор ва мақомоти иҷроияи маҳаллии ҳокимияти давлатӣ оид ба рақамикунонии соҳаи нақлиёти автомобилӣ, аз ҷумла хизматрасонии логистикӣ чораҳои заруриро амалӣ созад.

Ҳозирини муҳтарам!

Имрӯз дар низоми таҳсилоти кишвар истифодаи технологияҳои муосир, аз ҷумла технологияҳои рақамӣ васеъ гардида истодааст ва муассисаҳои таҳсилоти олӣ ва миёнаву ибтидоии касбӣ мутобиқи талаботи давлатӣ ба шабакаи интернет пайваст мебошанд.

Аммо сифати барномаҳои таълимӣ ва мутахассисони дорои таҳсилоти касбӣ ба талаботи иқтисоди рақамӣ ҷавобгӯ набуда, дар ҳамаи зинаҳои таҳсилот норасоии омӯзгорони соҳибтахассуси соҳаи технологияҳои иттилоотиву коммуникатсионӣ, инчунин ба кишварҳои хориҷӣ барои кор рафтани чунин мутахассисон мушоҳида мешавад.

Бинобар ин, Вазорати маориф ва илм вазифадор аст, ки бо мақсади беҳтар намудани сифати таълим дар ҳама зинаҳои таҳсил ҷиҳати навсозӣ намудани нақшаву барномаҳои таълимӣ дар асоси стандартҳои таҳсилоти касбӣ, технологияҳои рақамӣ ва мутобиқ ба талаботи бозори меҳнат чораҳои ҷиддӣ андешад.

Ҳамзамон бо ин, ҷиҳати таъмини ҳадафҳои стратегии муайянгардида, аз ҷумла саноатикунонии босуръати кишвар ва шуғли пурмаҳсул вазоратҳои маориф ва илм, меҳнат, муҳоҷират ва шуғли аҳолӣ, саноат ва технологияҳои навро зарур аст, ки барои тақвияти ҳамкорӣ байни муассисаҳои таҳсилоти касбӣ ва корхонаҳои саноатӣ бо дарназардошти ҷойҳои кории таъсисшаванда барои омода кардани мутахассисони соҳибкасб, ташкили таҷрибаомӯзии донишҷӯён ва минбаъд бо кор таъмин намудани онҳо чораҷӯӣ намоянд.

Ҳамчунин, норасоии омӯзгорони соҳибкасб дар муассисаҳои таҳсилоти миёнаи умумӣ ба назар мерасад ва аз шумораи умумии омӯзгорон 1758 нафарашон (1,4 фоиз) бо маълумоти миёнаи умумӣ фаъолият карда истодаанд.

Вазорати маориф ва илм бояд ҷиҳати ҳалли мушкилоти зикршуда, махсусан, ба ҷойи кор ҳозир шудани хатмкунандагони муассисаҳои таҳсилоти олӣ ва миёнаи касбии равияи омӯзгорӣ чораҳои фаврӣ андешад.

Бо мақсади ташкил ва гузаронидани иммунизатсия бар зидди бемории сироятии КОВИД – 19 дар кишвар аз 22 марти соли ҷорӣ иммунизатсияи аҳолӣ оғоз шуд, ки давра ба давра амалӣ карда мешавад.

Вобаста ба ин, Вазорати тандурустӣ ва ҳифзи иҷтимоии аҳолиро зарур аст, ки корҳои фаҳмондадиҳиро дар самти иммунизатсия бар зидди бемории сироятии КОВИД – 19 пурзӯр намуда, барои ҳарчи бештар ба иммунизатсия фаро гирифтани табақаҳои осебпазири аҳолӣ чораҳои амалӣ андешад.

Вазоратҳои саноат ва технологияҳои нав, тандурустӣ ва ҳифзи иҷтимоии аҳолӣ, Кумитаи давлатии сармоягузорӣ ва идораи амволи давлатӣ бо мақсади рушди соҳаи дорусозӣ ва бо ҳамин роҳ таъмин намудани талабот ба маводи доруворию молҳои тиббӣ барои ташкили корхонаҳои истеҳсоли доруворӣ ва лавозимоти тиббӣ, хусусан, бо истифода аз гиёҳҳои шифобахш ва ашёи хоми маҳаллӣ тадбирҳои фаврӣ ва мушаххасро амалӣ намоянд.

Муҳтарам аъзои Ҳукумат!

Ҳозирини гиромӣ!

Аз баррасии натиҷаҳои рушди иқтисодиву иҷтимоии кишвар дар семоҳаи якуми соли 2021–ум бармеояд, ки имконоту захираҳои мавҷуда ба таври пурра ва самаранок истифода нагардидаанд.

Бинобар ин, бори дигар Ҳукумати мамлакат, вазорату идораҳо ва мақомоти иҷроияи маҳаллии ҳокимияти давлатӣ вазифадор карда мешаванд, ки тамоми имконияту иқтидорҳои мавҷудаи дохилиро самаранок истифода бурда, то охири сол фаъолияти мунтазам ва пурраи соҳаҳои иқтисоди миллӣ, бахусус, соҳаҳои кишоварзӣ ва саноатро таъмин намоянд.

Ҳамзамон бо ин, зарур аст, ки барои дар сатҳи баланд истиқбол гирифтани ҷашни 30 – солагии истиқлоли давлатӣ ҳамкориро бо соҳибкорону шахсони саховатпеша ҷиҳати идома додани тадбирҳои ободкориву созандагӣ тақвият бахшида, корро вобаста ба тозаву озода ва зебо гардонидани ҳар як манзили зист, кӯчаву хиёбон ва маҳалҳои аҳолинишин густариши боз ҳам бештар бахшанд.

Бори дигар хотирнишон месозам, ки аз рӯйи пешгӯиҳо соли 2021 нисбат ба соли қаблӣ аз лиҳози таъминот бо маводи ғизоӣ қариб дар тамоми дунё яке аз солҳои вазнинтарин ва тибқи изҳороти созмонҳои бонуфузи байналмилалӣ ҳатто ҳалокатбор хоҳад буд.

Болоравии нархҳо, пастшавии ҳаҷми истеҳсоли маҳсулот, тағйирёбии иқлим ва пайомадҳои ногувори он – хушксолӣ, камобӣ, инчунин, бемориҳои сироятӣ, аз ҷумла пандемияи коронавирус ва бекорӣ ба сатҳи зиндагии қариб тамоми мардуми дунё таъсири манфии худро расонида истодааст.

Дар кишвари мо, тавре ки мушоҳида мегардад, таъсири раванди тағйирёбии иқлим баръало эҳсос шуда, сардиҳои баҳори имсола ба соҳаи боғдорӣ, яъне ҳосили дарахтони мевадиҳанда, ба монанди зардолу, бодом ва дарахтони дигар зарари ҷиддӣ расониданд.

Инчунин, камборишии вақтҳои охир боиси камобӣ ва хушксолӣ гардида, ба соҳаҳои зироаткориву боғдорӣ ва чорводорӣ талафоти зиёд мерасонад.

Бинобар ин, бо истифода аз фурсат, бори дигар ба тамоми мардуми шарифи Тоҷикистон, муроҷиат карда, таъкид месозам, ки мо бояд аз ҳар як ваҷаб замин, пеш аз ҳама, заминҳои наздиҳавлигиву президентӣ ва заминҳои байни боғҳоро самаранок истифода карда, тамоми кӯшишу ғайрати худро барои рӯёнидани се – чор ҳосил ва дар кишти такрорӣ ҳарчи бештар истеҳсол кардани картошка, ғалладонагӣ ва лӯбиёгиҳо (шолӣ, ҷуворимакка, мош, лӯбиё) равона созем.

Ҳоло, ки фасли баҳор, яъне мавсими кишту кор идома дорад, бояд ҳар шахсе, ки бо замин сару кор дорад, барои истеҳсоли маҳсулот саъю талош намояд ва ҳар як оила низ дар фикри истеҳсоли маҳсулот, таъмин намудани аҳли оила, фарзандони худ ва захираи маводи ғизоӣ бошад, то мардуми мо дар фасли тирамоҳу зимистон танқисӣ накашанд ва дар шароити вазнини соли ҷорӣ муҳтоҷи дигарон нашаванд.

Аз тамоми сокинони кишвар хоҳиш мекунам, ки вазъияти ҷаҳони имрӯза ва мушкилоти бавуҷудомадаро саҳл нашуморанд ва ба ин масъала бисёр ҷиддӣ муносибат намоянд.

Вобаста ба ин, такроран иброз менамоям, ки мо бояд минбаъд низ талаботи қонун дар бораи танзими расму ойинҳоро риоя кунем, ба зиёдаравӣ ва исрофкорӣ, махсусан, ба исрофи нон ва дигар маводи ғизоӣ роҳ надиҳем.

Раисони вилоят ва шаҳру ноҳияҳо, роҳбарони вазорату идораҳо, тамоми хизматчиёни давлатӣ ва ҳар як шаҳрванди бонангу номуси ҷомеа бо дарназардошти он, ки то ҷашни бузурги миллиамон ҳамагӣ чор моҳ боқӣ мондааст, иҷрои пурра ва саривақтии супоришҳои имрӯза ва қаблан додашударо бо дарки баланди масъулият дар назди Ватани азизамон бояд таъмин намоянд.

Нақшаҳои Ҳукумат ва вазифаҳо барои соли 2021 дар паёми Президент, супоришҳои Роҳбари давлат дар маҷлисҳои Ҳукумати кишвар ва сафарҳои корӣ ба вилоятҳо ва шаҳру ноҳияҳо мушаххас карда шудаанд.

Бори дигар таъкид менамоям, ки вазифаи муҳимтарини раисони вилоятҳо, шаҳру ноҳияҳо ва сарпарастоне, ки аз ҳисоби аъзои Ҳукумат, роҳбарони сохтору мақомоти марказӣ ба шаҳру ноҳияҳо вобаста шудаанд, инчунин, роҳбарони ҷамоатҳои шаҳраку деҳот дар вақти то ҷашни сисолагии истиқлоли давлатӣ боқимонда ба вусъатбахшии корҳои ободониву созандагӣ, аз ҳар хонаи истиқоматӣ сар карда, то кӯчаву хиёбон, майдону гулгашт ва ҳар як маҳалли аҳолинишин сафарбар намудани соҳибкорону тоҷирон, шахсони хайрхоҳу саховатпеша ва тамоми мардум мебошад.

Ҳамчунин, хотиррасон месозам, ки таъмини фаъолияти бонизому самараноки соҳаҳои иқтисоди миллӣ, махсусан, бахшҳои истеҳсолӣ, суботи молиявӣ, шуғл ва саломатии аҳолӣ, инчунин, фаровонии бозори дохилӣ бо маҳсулоти зарурати аввалия ва ҳифзи иҷтимоии гурӯҳҳои осебпазири ҷомеа вазифаи аввалиндараҷаи шумо – аъзои Ҳукумати мамлакат, роҳбарони вазорату идораҳо, махсусан, раисони вилоятҳо ва шаҳру ноҳияҳо ба ҳисоб рафта, аз ҳар яки шумо қобилияти ташкилотчигӣ ва масъулияти баланди кориро тақозо менамояд.

Саломат бошед!


Вакти нашр: 2021-04-29 18:01:13    Хонданд: 91    Муфассал...

Маҷлиси Ҳукумати Ҷумҳурии Тоҷикистон баргузор гардид

29 апрел таҳти раёсати Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон, Раиси Ҳукумати мамлакат муҳтарам Эмомалӣ Раҳмон маҷлиси Ҳукумати Ҷумҳурии Тоҷикистон баргузор гардид.

Дар кори маҷлис нахуст Дар бораи натиҷаҳои рушди иҷтимоию иқтисодии Ҷумҳурии Тоҷикистон дар семоҳаи якуми соли 2021 ҳисоботи вазири рушди иқтисод ва савдо Завқӣ Завқизода шунида шуд.

Таъкид гардид, ки дар семоҳаи якуми соли 2021 рушди маҷмӯи маҳсулоти дохилии кишвар дар сатҳи 7,5 фоиз таъмин гардида, ҳаҷми он ба 17,4 млрд сомонӣ баробар шуд. Рушди мусбати иқтисодиёти миллӣ аз ҳисоби афзоиши истеҳсоли маҳсулоти саноатӣ 17,4 фоиз, маблағгузорӣ ба сармояи асосӣ 7,4 фоиз, гардиши савдои дохилӣ 6,5 фоиз, кишоварзӣ 6,1 фоиз, боркашонӣ 2,1 фоиз, мусофиркашонӣ 2,6 фоиз ва ҳаҷми гардиши савдои хориҷӣ 33,9 фоиз, аз ҷумла содирот 1,9 маротиба таъмин гардидааст.

Сатҳи таваррум дар моҳҳои январ-марти соли 2021 3,3 фоизро ташкил дод, ки ин аз ҳисоби баландшавии нархи маҳсулоти озуқа 4,4 фоиз, молҳои ғайриозуқа 2,4 фоиз ва тарофаҳои хизматрасонӣ 1,3 фоиз ташаккул ёфтааст. Даромади буҷети давлатӣ дар семоҳаи якуми соли 2021 дар сатҳи 104,5 фоиз иҷро гардида, ба буҷет 6,1 млрд сомонӣ ворид шуд, ки нисбат ба маҷмӯи маҳсулоти дохилӣ 34,9 фоизро ташкил менамояд.

Таъкид шуд, ки дар давраи ҳисоботӣ сарфи назар аз таъсири манфии омилҳои беруна, бахусус ноустувории вазъи сиёсию иқтисодӣ, пастравии нархҳои ҷаҳонӣ ба молҳои асосии содиротии кишвар ва дигар тамоюлоти манфӣ, суръати мусбии рушди иқтисодӣ ва суботи макроиқтисодӣ дар ҷумҳурӣ таъмин шуд.

Дар баррасии натиҷаҳои рушди иқтисодию иҷтимоии Ҷумҳурии Тоҷикистон дар семоҳаи якуми соли 2021 ҳамчунин оид ба иҷрои нақшаҳои даромади буҷет, пардохти маошу нафақа,  ҳисоботи вазири молияи ҷумҳурӣ Файзиддин Қаҳҳорзода, раиси Кумитаи давлатии андоз Нусратулло Давлатзода, сардори Хадамоти гумрук Хуршед Каримзода, Раиси Кумитаи давлатии сармоягузорӣ ва идораи амволи давлатӣ Саъдӣ Қодирзода, Раиси Бонки миллии Тоҷикистон Холиқзода Ҳоким, раиси Раёсати Бонки давлатии амонатгузории Ҷумҳурии Тоҷикистон “Амонатбонк” Сироҷиддин Икромӣ ва дигар шахсони масъул шунида шуд.

Баъди ҳисоботи шахсони масъул Президенти Ҷумҳурии Тоҷикистон муҳтарам Эмомалӣ Раҳмон бо таҳлилҳои амиқ оид ба натиҷаҳои рушди иҷтимоию иқтисодии кишвар дар семоҳаи якуми соли 2021 суханронӣ карда, барои ислоҳи камбудиҳо дар назди Ҳукумати Ҷумҳурии Тоҷикистон, вазорату идораҳои давлатӣ, роҳбарияти мақомоти иҷроияи ҳокимияти давлатии вилоятҳо ва шаҳру ноҳияҳо вазифаҳои мушаххас гузоштанд.

Ҳамчунин зимни суханронӣ Пешвои миллат муҳтарам Эмомалӣ Раҳмон оид ба таъсири вазъи сиёсӣ, иқтисодӣ ва иҷтимоии ҷаҳон ба иқтисодиёти кишвар, паёмадҳои КОВИД-19, камобӣ, тағйирёбии иқлим, норасоии маводи озуқа, ҷиҳати истифодаи самараноки ҳар як ваҷаб замини кишт, истеҳсолу захираи кофии маводи хӯрока ва сарфакорӣ дар рӯзгор ба шаҳрвандони мамлакат муроҷиат карданд.

Президенти Ҷумҳурии Тоҷикистон муҳтарам Эмомалӣ Раҳмон вазорату идораҳо, мақомоти иҷроияи ҳокимияти давлатӣ, корхона, муассиса ва ташкилотҳои дигари ҷумҳуриро вазифадор карданд, ки фаъолиятро дар самти муқовимат ба таҳдиду бӯҳронҳо, ташаккули имконияту захираҳои молиявии ба рушд нигаронидашуда, таъмин намудани гуногунсамтии иқтисодиёт, густариши раванди рақамикунонӣ, дастрасии молиявию дастгирии соҳибкорӣ, ҳалли масъалаҳои иҷтимоии аҳолии кишвар ва омодагӣ ба пайомадҳои тағйирёбии иқлим тақвият бахшанд.

Дар кори маҷлис лоиҳаи Қонуни Ҷумҳурии Тоҷикистон “Дар бораи муқовимат ба терроризм”, оид ба лоиҳаи Қонуни Ҷумҳурии Тоҷикистон “Дар бораи ҷавонон ва сиёсати давлатии ҷавонон”, Дар бораи пешниҳоди хулосаи Ҳукумати Ҷумҳурии Тоҷикистон ба лоиҳаи Қонуни конститутсионии Ҷумҳурии Тоҷикистон “Оид ба ворид намудани тағйиру иловаҳо ба Қонуни конститутсионии Ҷумҳурии Тоҷикистон “Дар бораи Маҷлиси Олии Ҷумҳурии Тоҷикистон” ва Дар бораи пешниҳоди хулосаи Ҳукумати Ҷумҳурии Тоҷикистон ба лоиҳаи Қонуни конститутсионии Ҷумҳурии Тоҷикистон “Оид ба ворид намудани тағйиру иловаҳо ба Қонуни конститутсионии Ҷумҳурии Тоҷикистон “Дар бораи вазъи ҳуқуқии узви Маҷлиси миллӣ ва вакили Маҷлиси намояндагони Маҷлиси Олии Ҷумҳурии Тоҷикистон”-ро муҳокима карда, барои баррасӣ ба Маҷлиси намояндагони Маҷлиси Олии Ҷумҳурии Тоҷикистон ирсол намуданд.

Аъзои Ҳукумати мамлакат дар маҷлиси навбатӣ ҳамчунин, масъалаҳо Дар бораи пешниҳоди Маҷлиси вакилони халқи ноҳияи Нуробод оид ба иваз намудани номи баъзе маҳалҳои аҳолинишини ноҳияи Нуробод, Дар бораи Стратегияи омӯзиш ва рушди фанҳои риёзӣ, дақиқ ва табиӣ дар соҳаи маориф ва илм дар давраи то соли 2030, Дар бораи Стратегияи сиёсати давлатии ҷавонон дар Ҷумҳурии Тоҷикистон барои давраи то соли 2030, Дар бораи Стратегияи миллии фаъолгардонии нақши занон дар  Ҷумҳурии Тоҷикистон барои солҳои 2021-2030, Дар бораи лоиҳаи Барномаи миёнамуҳлати рушди Ҷумҳурии Тоҷикистон барои солҳои 2021-2025, Дар бораи Барномаи давлатии рушди содироти Ҷумҳурии Тоҷикистон барои солҳои 2021-2025, Дар бораи Барномаи давлатии мақсадноки рушди илмҳои риёзӣ, дақиқ ва табиӣ барои солҳои 2021-2025, Дар бораи Барномаи давлатии рушди Академияи илмҳои кишоварзии Тоҷикистон барои солҳои 2021-2025, Дар бораи Барномаи давлатии рушди соҳаи геологияи Ҷумҳурии Тоҷикистон барои солҳои 2021-2030, Дар бораи номгузорӣ ва номивазкунии баъзе аз объектҳои ҷуғрофии ҳудуди Ҷумҳурии Тоҷикистон ва Дар бораи Тартиби гузаронидани муоинаҳои тиббии ҳатмиро муҳокима карданд.

Дар охири кори маҷлис Раиси Ҳукумати Ҷумҳурии Тоҷикистон муҳтарам Эмомалӣ Раҳмон бори дигар таваҷҷӯҳи аъзои Ҳукумат, роҳбарони вазорату идораҳо, мақомоти маҳаллии ҳокимияти давлатии шаҳру ноҳияҳо ва дигар ташкилоту муассисаҳоро ба иҷрои ҳатмӣ ва бечунучарои дастуру супоришҳои Президент ва Ҳукумати мамлакат ҷалб карданд.

Ба раисони вилоятҳои Суғду Хатлон, шаҳри Душанбе ва ноҳияҳои тобеи марказ дастур дода шуд, ки ҷиҳати татбиқи ҳадафҳои стратегии Ҳукумати кишвар, амалисозии барномаҳои давлатӣ, коҳиш додани таъсири омилҳои беруна ба иқтисодиёти мамлакат, истифодаи самараноки заминҳои наздиҳавлигӣ ва президентӣ, кишти зироатҳои лубиёгӣ, истеҳсолу захираи зарурии маводи хӯрока, таъмини сӯзишворӣ барои соҳаҳои иҷтимоӣ, тайёрӣ ба давраи тирамоҳу зимистони солҳои 2021-2022, вусъати корҳои созандагию ободонӣ, истиқболи сазовори ҷашни умумимиллӣ — 30 — солагии Истиқлоли давлатии Ҷумҳурии Тоҷикистон, тадбирҳои мушаххас андешида, аз натиҷааш ба Ҳукумати Ҷумҳурии Тоҷикистон ҳисобот диҳанд.


Вакти нашр: 2021-04-29 18:02:23    Хонданд: 96    Муфассал...

Изҳороти Тоҷикистон ва Қирғизистон дар бораи қатъ намудани низои мусаллаҳона

Ҳайатҳои Тоҷикистон ва Қирғизистон дар шаҳри Исфараи вилояти Суғд музокирот намуда,  изҳороти муштарак  интишор намуданд ва дар он нияти қатъ кардани низои мусаллаҳонаро, ки 29 апрел дар марзи Тоҷикистон ва Қирғизистон сурат гирифт, тасдиқ карданд. Изҳоротро раиси Кумитаи давлатии амнияти миллии Тоҷикистон Саймумин Ятимов ва намояндаи ваколатдори ҳукумати Қирғизистон Омурбек Суваналиев имзо карданд. Матни изҳоротро АМИТ «Ховар» шаби гузашта нашр кард.

Дар он гуфта шудааст, ки комиссияҳои бо ташаббуси ҳукуматҳои Тоҷикистон ва Қирғизистон таъсисшуда оид ба ҳалли низои мусаллаҳона дар минтақаҳои наздисарҳадии ҳарду кишвар, ки 29 апрели соли 2021 ба вуқӯъ омада буд, «сабабҳо ва пайомадҳои ин воқеаро баррасӣ карда, ба тафоҳуми дутарафа дар бораи қатъ кардани  низои мусаллаҳона, бозгардонидани ҳайатҳои шахсӣ ва техникаҳои ҳарбӣ ба ҷойҳои доимии онҳо дастёб шуданд.

Инчунин комиссияҳо мувофиқа карданд, ки «ҷиҳати пешгирии  ташаннуҷи вазъ гурӯҳи кории муштарак аз ҳисоби кормандони мақомоти ҳифзи ҳуқуқ ва масъулони мақомоти иҷроияи ду кишвар барои татбиқи пурраи тадбирҳои пешбинишуда ва фароҳам овардани шароити босубот барои раванди музокироти пурсамар ба нафъи ду халқ ва давлатҳои дӯст тадбирҳо андешанд».

Тоҷикистон ва Қирғизистон инчунин протоколи муштарак имзо карданд, ки дар он гуфта шудааст:

«29 апрели соли 2021 мулоқоти кории намояндагони Тоҷикистон ва Қирғизистон оид ба танзими низои мусаллаҳона дар ҳайати зерин баргузор гардид:

Ҷониби Тоҷикистон: Раиси Кумитаи давлатии амнияти миллии Ҷумҳурии Тоҷикистон С. Ятимов, муовини якуми раиси Кумита — фармондеҳи ҚС КДАМ ҶТ Р. Раҳмоналӣ, Раиси вилояти Суғд Р. Ахмадзода;

Ҷониби Қирғизистон: Намояндаи ваколатдори Ҳукумати Ҷумҳурии Қирғизистон дар вилояти Ботканд О. Суваналиев, муовини якуми раис — директори Хадамоти сарҳадии КДАМ ҶҚ  У. Шаршеев, муовини якуми Вазири корҳои дохилии ҶҚ С. Омурзоқов, муовини раиси КДАМ ҶҚ А. Шаменов.

Ҷонибҳо бар бунёди муносиботи неки ҳамсоягӣ ва татбиқи созишномаҳои қаблан қабулшудаи байнидавлатӣ оид ба масъалаҳои зерин ба тафоҳуми мутақобил  расиданд:

  1. Фаъолиятҳои ҷангӣ дар минтақаҳои наздисарҳадии вилояти Суғд ва вилояти Ботканд аз соати 18.30-и 29 апрели соли равон бо вақти Душанбе (аз соати 19.30-и 29 апрел бо вақти Бишкек) қатъ карда шаванд.
  2. Қӯшунҳо ва техникаи ҳарбӣ аз минтақаҳои наздисарҳадии вилояти Суғд ва вилояти Бодканд ба ҷойҳои доимияшон баргардонида шаванд.
  3. Раванди музокирот ҷиҳати ба субот овардани вазъ дар минтақаҳои наздисарҳадии вилояти Суғд ва вилояти Бодканд идома дода шавад.

Аз ҳисоби кормандони қӯшунҳои сарҳадӣ, мақомоти амният ва корҳои дохилии ҳарду давлат гурӯҳи корӣ оид ба назорати раванди татбиқи мувофиқаҳои ҳосилшудаи дар ҳамин протокол дарҷшуда гурӯҳи корӣ ташкил карда шавад.

Протоколи муштаракро ҳайатҳо аз Тоҷикистон: С.Ятимов, Р. Раҳмоналӣ, Р.Аҳмадзода, инчунин аз Қирғизистон: О.Суваналиев, У.Шаршеев, С.Омурзоқов имзо карданд».

Дирӯз СММ аз нияти ҷонибҳо дар бораи қатъ кардани оташ истиқбол намуд.

«Мо бо нигаронӣ инро (вазъро дар марзи Тоҷикистон ва Қирғизистон) пайгирӣ мекунем, ин хабарҳоро мебинем. Мо инчунин хабар дорем, ки ҳарду давлат — Тоҷикистон ва Қирғизистон эълом доштанд, ки онҳо дар бораи қатъи оташ ба мувофиқа расиданд. Агар дарвоқеъ чунин бошад, мо аз он истиқбол хоҳем кард», — гуфт муовини намояндаи расмии Дабири кулли СММ Фархан Ҳақ зимни брифинг 29 апрел.

АКС аз бойгонии «Ховар»


Вакти нашр: 2021-04-30 13:13:11    Хонданд: 62    Муфассал...

Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Ӯзбекистон Шавкат Мирзиёев суҳбати телефонӣ анҷом доданд

30 апрел Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Ҷумҳурии Ӯзбекистон муҳтарам Шавкат Мирзиёев суҳбати телефонӣ анҷом доданд.

Дар ҷараёни сӯҳбат сарони ду давлат рӯйдодҳои як рӯз пеш дар марзи Тоҷикистону Қирғизистон ба амал омадаро муҳокима карданд.

Пешвои миллат ба Президенти Ҷумҳурии Ӯзбекистон дар бораи чораҳои андешидаи ҷониби Тоҷикистон дар самти рафъи ташаннуҷ дар хатти сарҳад ва ҳалли вазъ бо роҳҳои дипломатӣ маълумот доданд.

Зимни суҳбат инчунин, баъзе ҷанбаҳои муносибатҳои дӯстӣ ва робитаҳои Тоҷикистону Ӯзбекистон баррасӣ шуда, оид ба масъалаҳои мубрами рӯзномаи ҳамкории байналмилалӣ ва минтақавӣ, мубодилаи афкор сурат гирифт.

  •  
  •  
  •  


Вакти нашр: 2021-04-30 14:56:00    Хонданд: 70    Муфассал...

Бо худододагон ситеза макун

Имрӯз баъзе нохалафони қирғиз хоҳиши аз худ кардани нуқтаи обтақсимкунии «Головной», воқеъ дар болои дарёи Исфараро доранд, ки ин аз нохалафӣ ва бемаърифатии онҳост. Қайд кардани онро зарур медонам, ки тибқи харитаи солҳои 1924-1927 ва 1989 иншооти мазкур пурра дар ҳудуди Ҷумҳурии Тоҷикистон қарор дошта, соли 1968 дар давраи Иттиҳоди Шӯравӣ барои обёрии шаҳру ноҳияҳои наздисарҳадии ҷумҳуриҳои Тоҷикистон, Қирғизистон ва Ӯзбекистон истифода мешуд. Яъне ин нуқтаи обтақсимкуни аз азал моли тоҷикон буд, ҳаст ва мемонад. Чихеле, ки гузургони сухан гуфтаанд: “Бо худодагон ситеза макун, ки моро худо додааст”


Вакти нашр: 2021-04-30 15:34:48    Хонданд: 81    Муфассал...

Бисёр талаб макун, ки ба кам зор шавӣ

“Бисёр талаб макун, ки ба кам зор шавӣ”, -гуфтаанд, бузургони сухан. Кишвари биҳиштосои мо зери роҳбарии Сарвари хирадмандаш на танҳо ҳамеша ғамхору ғамгусори мардуми сарзамини хеш, балки ҳамсоякишварҳо низ ҳаст. Санаи 29-уми апрели соли 2021, дар нуқтаи обтақсимкунии «Головной», воқеъ дар болои дарёи Исфара ва ҳудуди деҳаи Хоҷаи Аълои ҷамоати Чоркўҳи шаҳри Исфара, низомиёни Ҷумҳурии Қирғизистон ба сӯи сарҳадбонони Ҷумҳурии Тоҷикистон оташ кушоданд. Онҳо дар майнаҳои харобу кучаки худ нақшаи забти нуқтаи обтақсимкунии «Головной»-ро мепарвариданд, ки бо азму талоши сарҳадбонони мо ин муясарашон нагашт. Аҳсану офарин ба сарбозону афсарони шуҷои Ватан.


Вакти нашр: 2021-04-30 15:36:25    Хонданд: 71    Муфассал...

Тангчашмоне, ки дилтанганд

Рӯзҳои охир хабари шуми муноқишаи Ҷумҳурии Тоҷикистон ва Ҷумҳурии Қирғизистон дар сарҳад барои як нуқтаи обтақсимкуни мардуми ҷаҳонро ба ханда овардааст. Мардуми қирғиз дар ин моҳи муборак ба ташнагӣ тоб наоварданд чӣ? эй тангчашмоне, ки дилтангангед! мо миллати тоҷик серу пур ҳастем роҳи обро набастаем, чаро барои ин меҷангеду дар ин моҳи муборак хуни мардуми бегуноҳро мерезонед. Миллати мо аз азал саховатпеша буд, аммо ба нохалафоне, ки   ба моликияташ  чашм аъло нанамояд, ҳеҷ гоҳ раҳм нахоҳад кард. Ин нуқтаи обтақсимкуние, ки даъвои аз худ кардани онро доред, мероси гузаштагони мост. Мо меросбарон ҳеҷ гоҳ онро ба касе намедиҳем.


Вакти нашр: 2021-04-30 15:38:35    Хонданд: 69    Муфассал...

Аз ҷӯе, ки об мехӯрӣ, набояд дар он туф кард

Ҳар як қатраи обе, ки эй қирғизҳо менушед, аз ҷӯйи поки сарзамини биҳиштосои Тоҷикистон аст. Мо миллати тоҷик чашмгурусна нестем сари роҳи онро набастаему шумо аз он фаровон истифода мебаред, ин басиатон накарду боз ба чашми тамаъ ҷониби мероси гузаштагони мо менигаред. Худо накарда ин маркази обтақсимкуни дар сарзамини шумо мебуд сарироҳашро мебастеду, дар он худ ғарқ мешудед. Худовандҳам медонад, ки дар сарзамини чӣ гуна абармардоне чи чизеро ато фармояд. Ба он чизе, ки ба мо Худованди бузург ато намудааст, ситеза нанамоед.


Вакти нашр: 2021-04-30 15:40:35    Хонданд: 84    Муфассал...

Носипосони давр

Ҷумҳурии мо зери роҳбарии абармарди сиёсат, Пешвои миллат, муҳтарам Эмомалӣ Раҳмон ҳамеша ба ҳамсоякишварҳо эҳтиром намудааст. Аз ҷумла бо қирғизҳо дар асоси риояи принсипҳои ҳамзистии осоишта, эҳтиром мегузошт. Аммо мутаассифона мақомоти низомии қирғиз бо ҳамла ба марзҳои Тоҷикистон нишон доданд, ки онҳо ба ин шакл муносибат намеарзанд, бояд бо ин носипосони давр бо лафзи тунд муносибат кард.


Вакти нашр: 2021-04-30 15:43:16    Хонданд: 96    Муфассал...

Тоҷикони сарҷаму муттаҳид метавонанд, сарҳади нангу номуси худро ҳифз намоянд

Тоҷикистони азизи мо таҳти сарварии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон аз рӯзҳои нахустини соҳибихтиёрӣ сиёсати дарҳои боз ва эҳтироми ҳамдигариро дар асоси принсипҳои умумиэътирофнамудаи байналмилалӣ дар муносибат ба ҳамаи кишварҳо, бахусус ҷамоҳири ҳамсарҳад ба роҳ монда, ҳамеша ҷонибдори сулҳу созиш мебошад. Аммо мутаассифона замон нишон дод, ки ҳамсоякишвари мо Қирғизистон ин гуна ақида ва сиёсати ҷавобгу ба сатҳи байналмилалӣ надошта, сиёсати духураро пеш гирифтааст. Аз инсондӯстӣ, эҳтироми ҳамсоякишвар ва дигар хислатҳои инсонии мо тоҷикон сӯйиистифода намудан мехоҳад, чун худ ин хислатҳои наҷибро надоранду ба рафторҳои ғайриинсонӣ даст мезананд. Қирғизҳо бояд дуруст дарк кунанд, ки Тоҷикистон имрӯз давлати мустаҳакам ва дорои Қувваҳои Мусаллаҳи пешрафта аст ва мардумаш сарҷаму мутаҳид ва фидоӣ мебошад, дар дилхоҳ ҳолати таҳдид марзи худро аз нохалафон ҳимоя намояд.


Вакти нашр: 2021-04-30 15:46:17    Хонданд: 113    Муфассал...

Ин амали қирғизҳо беҷавоб нахоҳад монд!

Мардуми қирғиз имрӯзҳо аз инсондӯстӣ, марърифатпарастии мо- тоҷикон сӯистифода намуда, эҳтиром гузоштани моро ба ҳамсоякишвар нишонаи заъф гумон намуда, бар хилофи муқаррароти байналмилалӣ ва тавофуқи бавуқӯъомада амал намудаанд. Аммо онҳо бо ин бемаърифатии худ ҳеҷ дарк мекарда бошанд, ки ин рафторашон, яъне бар хилофи созиш ва маслиҳати тарафҳо амал кардан, баръакс заифии мақомоти марказии ҷониби Қирғизистонро нишон медиҳад. Чунин ба назар мерасад, ки барои онҳо на мақомоти болоии марказӣ вуҷуд дораду на ҳокимият. Ба қавле худашон ҳокими мутлақанду деҳаашон як ҳудуди мустақили мухтор. Аз ин рӯ, агар дар Қиғизистон ҳокимият вуҷуд медошт, ҷониби қирғиз дар аҳду паймон устувор мебуданд, ба ин амал даст намезаданд.


Вакти нашр: 2021-04-30 15:47:43    Хонданд: 105    Муфассал...

Зи ҷӯе, ки хӯрди аз ӯ оби пок, нашояд фигандан дар ӯ сангу хок.

Бояд тазаккур дод, ки амалҳои иғвоангезонаи шаҳрвандони Ҷумҳурии Қирғизистон ва сангпартоии онҳо ҷониби шаҳрвандони Тоҷикистон ва дар миёни шаҳрвандони Қирғизистон ҳузур доштани хизматчиёни воҳиди таъйиноти махсус бо либоси шаҳрвандӣ ин нишонаи заифии мақомоти ин кишварро нишон медиҳад. Ин тангчашмони ақлгумкарда, бо санг партофтан ҷониби нуқтаи обтақсимкунии “Головной”, нишони он аст, ки онҳо мисли саге ҳастанд, ки дасти ба кумак ҷонибашон дарозшударо мегазанд. Сангпартоии онҳо ҷониби мардум ва ҳамлаашон ба нуқтаи обтақсимкуни  беихтиёр мисраҳои шоирирро ба ёд меорад, ки гуфтааст:

Из ҷӯе, ки хӯрди аз ӯ оби пок,

Нашояд фигандан дар ӯ сангу хок.


Вакти нашр: 2021-04-30 15:50:19    Хонданд: 92    Муфассал...



Даҳсолаи байналмилалии амал «Об барои рушди устувор», солҳои 2018-2028




ВИДЕОПОРТАЛ

Ҳамаи видео



ТАҚВИМ

ПнВтСрЧтПтСбВс