МАРОМИ ПОЙТАХТ

Навидҳо

НАМОЯНДАИ ЗАБОНИ БОСТОНӢ БУДАН ИФТИХОРУ ШАРАФ АСТ

      30 сентябри соли равон дар Кумитаи иҷроияи ибтидоии “Тоҷири Аҷам” бахшида ба Рӯзи забони давлатӣ чорабинии фарҳангӣ-фароѓатї доир гардид.   Раиси КИИ “Тоҷири Аҷам” Фақеров Ҳамидуллохон ба сухани ифтитоҳӣ баромада,  иштирокчиёнро бо Рўзи забон табрику шодбош намуд.  Сипас, оид ба  дастовардҳои донишҷӯён  дар давоми сол ибрози андеша намуда,  таъкид кард, ки меросбарони ин забону фарҳанги бостонӣ насли ҷавон буда ба онҳо умеди зиёд аст. Нангу номус ва ғурури баланди миллии ҷавонон дар ҳифзу таҳкими забону фарҳанг нақши бориз мебозад. Аз ин рӯ, насли ҷавонро ғуруру номус ва эҳсоси худшиносии баланд лозим аст.

        Дар ин миён Шарифзода Зебогул донишҷӯи курси чоруми ин донишгоњ  дар  мавриди  нақши забон дар рушди фарҳангу адабиёт сухан кард.

     Дар қисмати фарҳангӣ аз ҷониби донишҷӯён шеър,  суруд ва рақсҳои ҷолибу диданӣ иҷро гардид.


Вакти нашр: 2019-10-01 13:43:46    Хонданд: 35    Муфассал...

«Забони миллат - ҳастии миллат»

Таҳти ҳамин унвон 2-юми октябри соли 2019 бо ибтикори факултети филологияи тоҷики ДМТ ва Кумитаи иҷроияи ҲХДТ дар шаҳри Душанбе бахшида ба Рўзи забони давлатӣ семинари илмӣ дар толори фарҳангии ба номи профессор Шарифҷон Ҳусейнзода баргузор гардид.

Дар он мудири шуъбаи луғат ва истилоҳоти Институти забон ва адабиёти Академияи илмҳои Ҷумҳурии Тоҷикистон Сайфиддин Назарзода, декани факултети филологияи тоҷик Сироҷиддини Эмомалӣ, сармуҳаррири нашрияи «Мароми пойтахт» Ҳақназар Каримзода, мудири шуъбаи таблиғот ва иттилооти КИ ҲХДТ дар шаҳри Душанбе Қурбонгул Қурбонмамадова ва устодону донишҷўёни донишгоҳи мазкур иштирок доштанд.

Семинарро бо сухани ифтитоҳӣ Сироҷиддини Эмомалӣ оғоз бахшид.

Гардонандаи маҳфил, мудири кафедраи забони адабии муосири тоҷикӣ Ҳамрохон Дўстов иброз дошт, ки дар таърихи ҷаҳон забони тоҷикӣ яке аз забонҳои қадимтарин ба шумор меравад. Муҳимтарин рукни фарҳанги миллии тоҷикон - забони тоҷикӣ буда, баҳри бақои миллӣ, тавсеаи ҳисси миллӣ ва худшиносии миллӣ муҳим мебошад. Таваҷҷуҳ ва эҳтиром ба забони тоҷикӣ ва гиромидошти он барои инсони бархурдор аз ҳувияти миллӣ меҳвари худшиносии ў қарор мегирад.

Сайфиддин Назарзода зимни ироаи маърўзаи худ дар мавзўи «Фарҳанги забони тоҷикӣ ва рушди фарҳангнигории тоҷик дар асри XX» гуфт, ки фарҳанги забони тоҷикӣ марҳилаҳои гуногуни таърихиро аз сар гузаронида, бо шарофати соҳибистиқлол гардидани кишвари азизамон дубора зинда гашту имрўз китоби рўйимизии ҳар яки мо гардид, ки мо аз он ба таври васеъ истифода мебарем.

Забони модарии мо инъикоскунандаи илму фарҳанги мо буда, яке аз қадимтарин ва ширинтарин забонҳои ҷаҳон мебошад. Забон ба халқ тааллуқ дорад ва соҳиби забон низ халқ аст. Шоирон ва олимони тавоно чун Рўдакӣ, Фирдавсӣ,  Берунӣ, Ибни Сино, Носири Хисрав, Умари Хайём, Ҷалолиддини Балхӣ, Аҳмади Дониш, Айнӣ, Турсунзода ва садҳо адибони дигар бо ин забон осори ҷовидонӣ офаридаанд, ки имрўз бо шарофати он забони модарии мо  бою ғанӣ мегардад, - иброз дошт дар навбати худ Қурбонгул Қурбонмамадова.

Ҳақназар Каримзода оид ба таърихи пайдоиши забон ва марҳилаҳои тайнамудаи он сухан гуфта, таъкид намуд, ки мо бояд забони ноби тоҷикиро чун гавҳараки чашм ҳифз намоем ва барои пойдор ва устувор мондани он кўшишу талошҳои ҳамешагӣ дошта бошем.

Зикр гадид, ки яке аз муқаддасоте, ки муаррифгари миллат асту моро бо ҷаҳониён мепайвандад, ин забони миллати мо мебошад.

Гуфта шуд, ки забони тоҷикӣ новобаста ба ҳама он ҳодисаҳои ба сараш омада, ҳамеша рисолати таърихии худро дар назди халқу Ватан иҷро намудааст. Баъди садсолаҳо Истиқлол барои рушду такомули забони тоҷикӣ заминаи мусоидро фароҳам овард, ки самараи онро мо имрўз баръало мушоҳида мекунем.

Ҳамин тариқ, қироати шеърҳо дар васфи забони тоҷикӣ аз тарафи  донишҷўён анҷомбахши семинари илмӣ гардид.


Вакти нашр: 2019-10-02 17:55:23    Хонданд: 60    Муфассал...

Вохўрӣ бо донишҷўёни Коллеҷи тарбияи ҷисмонии Тоҷикистон

Дар Коллеҷи тарбияи ҷисмонии Тоҷикистон дар асоси нақшаи мулоқоту вохӯриҳои тасдиқнамудаи Кумитаи иҷроияи ҲХДТ дар шаҳри Душанбе вобаста ба иҷрои барқияи Дастгоҳи КИМ ҲХДТ аз 08.01.2019 ва қарори Раиси шаҳри Душанбе аз 29.01.2019 №42 бо  омўзгорон ва донишҷўён вохўрӣ  доир гардид.

Дар он Қурбонмамадова Қ.Н.-мудири шуъбаи таблиғот ва иттилооти Кумитаи иҷроияи ҲХДТ дар шаҳри Душанбе, Мањмадназар Нуров- мудири шуъбаи кор бо ҷавонони Кумитаи иҷроияи ҲХДТ дар ноҳияи Сино иштирок ва суханронӣ намуданд.

       Баромадкунандагон зимни баромади хеш њозиринро бо Рўзи забони давлатӣ самимона табрику шодбош намуда, сипас роҷеъ ба дастовардҳои даврони истиқлолият, фарҳанги муосир ва анъанаҳои неки мардумӣ, амалишавии қонунҳои Ҷумҳурии Тоҷикистон «Дар бораи масъулияти падару модар дар таълиму тарбияи фарзанд», «Дар бораи танзими анъана ва ҷашну маросим дар Ҷумҳурии Тоҷикистон», пешгирии ҷавонон аз гароиш ба ҷараёну равияҳои бегона, мубориза бар зидди тақлидкорию хурофотпарастӣ, тарғибу ташвиқи одоби шаҳрнишинӣ, густариши корҳои ободонӣ ва баланд бардоштани маърифати ҳуқуқии сокинони шаҳри Душанбе ибрози назар намуданд.

 


Вакти нашр: 2019-10-03 16:54:11    Хонданд: 86    Муфассал...

Вохўрӣ бо сокинони маҳаллаи Дўстӣ

     Дар муассисаи таҳсилоти миёнаи умумии №17-и ноҳияи Фирдавсӣ дар асоси нақшаи мулоқоту вохӯриҳои тасдиқнамудаи Кумитаи иҷроияи ҲХДТ дар шаҳри Душанбе вобаста ба иҷрои барқияи Дастгоҳи КИМ ҲХДТ аз 08.01.2019 ва қарори Раиси шаҳри Душанбе аз 29.01.2019 №42 бо сокинони маҳаллаи  Дӯстӣ суҳбату вохӯрӣ доир гардид.

      Бойалӣ Ҳусейнов, аъзои фаъоли ҲХДТ, устоди ДДТТ роҷеъ ба дастовардҳои замони соҳибистиқлолӣ ҳарф зада, изҳор дошт, ки Тоҷикистон аз як давлати ҷангзада ба як давлати рушдкардаистода табдил ёфт. Давоми 28 сол таҳти роҳбарии хирадмандонаи Пешвои миллат, муҳтарам Эмомалӣ Раҳмон мо аз бӯҳронҳои азими иқтисодиву иҷтимоӣ баромада, ба марҳилаи нави рушд ворид гардидем. Сатҳи камбизоатӣ аз 85 дарсад то 27 дарсад коҳиш ёфт. Бунёди нақбу пулҳо ва бунёди ҳазорҳо километр роҳҳо имрӯз мардумро ба ҳам наздик кард, омаду рафти шаҳрвандонро ба пойтахти кишвар осон намуд. Садҳо муассисаҳои таҳсилоти миёна, миёнаи касбӣ ва олӣ барои донишандӯзиву ҳунару касбомӯзии ҷавонон имкониятҳои васеъ фароҳам овард. Мавсуф дар бораи хизматҳои шоёну беназири Асосгузори сулҳу ваҳдати миллӣ-Пешвои миллат, Президенти Љумҳурии Тољикистон, муҳтарам Эмомалӣ Раҳмон баҳри ин миллату сарзамин, маърифати шаҳрнишинӣ ва ҷалби ҷавонон ба хизмати ҳарбӣ  ибрози андеша намуд.
     Заррина Зуҳурова, мудири шуъбаи кор бо занони Кумитаи иҷроияи ҲХДТ дар шаҳри Душанбе роҷеъ ба ҳифзи фарҳанги миллӣ, забони давлатӣ, тарбияи насли наврас дар рӯҳияи худшносии миллӣ, забону ҳунаромӯзии занону бонувон  сухан кард.


Вакти нашр: 2019-10-03 17:03:00    Хонданд: 92    Муфассал...

Забон рукни асоситарини давлатдорист

Забони миллӣ яке аз рукнҳои асосии давлатдорӣ аст. Бинобар ин дар таҳким бахшидани сохторҳои идораи давлатӣ ба рушди забони расмӣ ва умумии давлат бояд аҳамияти зиёде дода шавад. Забони тоҷикӣ дар қаламрави Тоҷикистон баъд аз қабули қонуни забон дар соли 1989 ба ҳайси забони давлатӣ амал мекунад. Махсусан баъд аз ба истиқлол расидани Тоҷикистони азиз барои инкишофи забони тоҷикӣ шароити мусоиде фароҳам гардид ва забони давлатӣ дар Тоҷикистон барои рушду нумӯ ва инкишоф имкониятҳои хеле васеъ пайдо кардааст. Пеш аз ҳама шароити мусоиди сиёсӣ имкон додааст, ки забони тоҷикӣ дар риштаҳои гуногуни ҳаёти сиёсӣ иқтисодӣ ва иҷтимоӣ бедуни маҳдудиятҳо мавриди истифода қарор гирад. Масалан, имрӯз забони тоҷикӣ ҳамчун забони давлатӣ дар сохторҳои ҳарбӣ, бонкдорӣ ва ҳисобдорӣ истифода шуда истодааст, ки дар даврони шӯравӣ ғайриқобили тасаввур буд. Инчунин Ҳукумати Ҷумҳурии Тоҷикистон сиёсати забонии худро тавре ба роҳ мондааст, ки омӯзиши забонҳои англисӣ, русӣ ва ғайра бояд ба воситаи забони давлатӣ сурат гирад. Ин нуҚта дар суханрониҳои Асосгузори сулҳу ваҳдати миллӣ Пешвои миллат, муҳтарам Эмомалӣ Раҳмон низ борҳо таъкид шудааст.
Тавре маълум аст асосҳои забони адабии муосири тоҷик дар солҳои сиюм тарҳрезӣ шуда буд. Давлати шӯравӣ алорағми идомаи ҷангҳои дохилӣ, ки дар Тоҷикистон тақрибан дар нимаи аввали солҳои сиюм анҷом ёфт, барои меъёрсозӣ ва ба як мизони муайяни илмӣ даровардани забони тоҷикӣ саъю кушишҳои зиёде мекард ва барои татбиқи он ҳама чораҳоро медид. То анҷумани аввали забоншиносони Тоҷикистон, ки моҳи августи соли 1930 дар шаҳри Сталинобод (Душанбеи имрӯза) доир гардид, дар ҳавзаҳои гуногуни тоҷикзабон (Тошканд, Самарқанд ва ғайра) якчанд маҷлису машваратҳо доир гардид, ки дар онҳо масъалаҳои гузариш ба алифбои лотинӣ, таъйини принсипҳои истилоҳсозии забони тоҷикӣ муайян кардани меъёрҳои забони адабии тоҷикӣ масъалаи асосӣ буд. Бояд қайд кард, ки ин иқдомҳо бо ширкати васеи донишмандони рус, шоирон ва нависандагони тоҷик, намояндагони барҷастаи давлатию сиёсӣ, хулоса бо иштироки аксарияти равшанфикрон ва зиёиён доир гардида нахустин кӯшишҳои созмонёфта ва муназзам барои тартибу танзими меъёрҳои забони адабӣ буданд.

       Мо ба ихтилофи назарҳо ва муборизаҳои оштинопазири ҷараёнҳои гуногун дар муайян кардани меъёрҳои забони адабӣ дахл накарда фақат ҳаминро гуфтанӣ ҳастем, ки ба таври умум сиёсати умумии забонӣ дар муайян кардани ин принсипҳо асосан аз қонунӣ кардани истилоҳоти русӣ ва интернатсионалӣ ба забон ва ба забони гуфтугӯӣ ва лаҳҷа наздик кардани забони адабӣ иборат буд. Ва бояд гуфт, ки дар татбиқи ин сиёсат аз ҳеҷ гуна воситаҳо мухолифон рӯй намегардонданд. Оҳиста – оҳиста дар нимаи дуввуми солҳои сиюм бо нашри «Установкаи терминологияи забони тоҷикӣ» (соли 1936) ва «Дар бораи баъзе масъалаҳои забони тоҷикӣ» (соли 1939) сиёсати русикунонии забон ва истилоҳоти он ва оммиёна кардани забони адабӣ пурра ба пирӯзӣ расид ва тадбирҳои баъдӣ оид ба табдили алифбо ва махсусан русикунонии истилоҳот барои тағйири сарфиву наҳвӣ (грамматикӣ) ва фонетикии забон роҳи васеъ кушод.

      Яке аз масъалаҳои мураккаби дигар, ки ба рушди забони тоҷикӣ алоқаи ногусастанӣ дорад, ин фазои иттилоотӣ мебошад. Тавре, ки ба ҳамагон маълум аст, дар Тоҷикистон фазои иттилоотӣ ба забони тоҷикӣ пурқувват шуда истодааст. Матбуот, радиову телевизион ва фазои иттилоотии компютерӣ, ки се унсури асосии иттилоотӣ мебошанд, бештар аз ҷанбаи забони русӣ ба забони точикӣ гузариш карда истодаанд. Имрӯз дар саросари ҷаҳон иттилооти компютерӣ ва технологияи компютерӣ аҳамияти бештар пайдо карда дар бисёр ҳолат иттилооте, ки ба воситаи компиютерҳо гирифта мешавад, аз дигар расонаҳои дида бартарӣ ва афзалият дорад, ва забони тоҷикӣ то имрӯз дар ин бахш ҷои худро пайдо кардааст. Бояд тазаккур дод, ки бо паҳн шудани технологияи компиютерӣ ва пайванд шудани тамоми манотиқи Тоҷикистон ба як маркази умумии компиютерӣ барои рушди забони тоҷикӣ саҳифаи нав кӯшода истодааст.

      Тавре, ки Президенти кишвар, Асосгузори cулҳу ваҳдати миллӣ-Пешвои миллат, муҳтарам Эмомалӣ Раҳмон мефармоянд «Забон дар паноҳи давлат ва давлат дар паноҳи забон аст». Бинобар ин таҳкими давлат ва давлатдории миллӣ бидуни инкишофу густариши забони тоҷикӣ номумкин аст. Мо ҳама хуб медонем, ки забони давлатӣ ғамхории давлатӣ мехоҳад ва ҷои шукру қадрдонӣ ҳаст, ки сарвари давлати мо имрӯз ҳомии забон аст. Фаромӯш накунем, ки дар ҳамин солҳои истиқлол муносибати душманона ва бадқасдона нисбат ба забони давлатӣ ва ба дараҷаи давлатӣ баровардани забонҳои бегона вуҷуд дошт ва кӯшишҳои собитқадамона ва дурандешонаи Президенти кишвар буд, ки пеши роҳи ин дассисаву иғвогариҳо гирифта шуд.
 

КИ ҲХДТ дар ноҳияи Исмоили Сомонӣ


Вакти нашр: 2019-10-03 17:40:50    Хонданд: 27    Муфассал...

Ташкилоти ибтидоии “Бонкдор” таъсис ёфт

Дар Филиали Бонки Эсхата-и ноҳияи Шоҳмансур маҷлиси ҳизбӣ бо иштироки масъулини Кумитаи иҷроияи ҲХДТ дар ноҳияи Шоҳмансур доир гардид.

       Муовини директори Филиали Бонки Эсхата дар ноҳияи Шоҳмансур – Ниёзов Алишер сухани ифтитоҳӣ намуда, меҳмононро ба ҳозирин муаррифӣ намуд. Сипас масъулини ҳизбӣ оид ба ҳадафҳои Ҳизби Халқии Демократии Тоҷикистон сухан карда, ба шахсоне, ки дар асоси аризаи шахсиашон иродаи сиёсиашонро муайян намуда ба сафи ҲХДТ пайвастаанд дар ҳолати тантанавӣ шаҳодатномаи ҳизбӣ супорида шуд.

      Бо дастгирии аъзоёни ҳизб ташкилоти ибтидоӣ таъсис дода шуда, «Бонкдор» номгузорӣ карда шуд. Ниёзов Алишер - раиси ташкилоти ибтидоӣ ва Қиёмиддинова Парвина - котиби ташкилоти ҳизбӣ  интихоб гардиданд.


Вакти нашр: 2019-10-04 09:46:42    Хонданд: 36    Муфассал...

ВОХӮРӢ БО ГИРАНДАГОНИ ИДРОРПУЛӢ

        Раиси Кумитаи иљроияи ҲХДТ дар ноҳияи Шоҳмансур Гулаҳмадзода Зулфиқор Аҳмад бо  донишҷӯёни фаъол ва ғолибони озмуну олимпиадаҳои фаннӣ,  гирандагони идрорпулии ҳизбии ноҳия вохўрӣ доир  намуд.

        Гулаҳмадзода З.А. ҳозиринро ба муносибати Рӯзи забони давлатӣ ва Рӯзи омӯзгор табрику шодбош намуд ва дар идомаи сухан оид  ба баланд бардоштани ҳисси худшиносиву худогоҳӣ,  ифтихор  доштан  аз давлатдории  навини  худ, роҳ надодан ба хурофотпарастӣ, эҳтироми насли калонсол, хониши хубу  аъло,  саҳмгузорӣ дар корҳои ҷамъиятӣ ва аз худ намудани донишу технологияи  муосири нав  таъкид карданд.

      Ҳамзамон,  қайд кард,  ки бо ғамхории Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, Раиси муаззами ҲХДТ муҳтарам Эмомалӣ Раҳмон ҷавонон ба зинаҳои роҳбарӣ таъин гардида, аҳлона кору фаъолияти созанда карда истодаанд. Дар давраи соҳибистиқлолии мамлакат соҳаи маориф ба тадриҷ рушд карда, шароити  арзанда муҳайё карда шудааст. Дар вохӯрии мазкур дар доираи озмуни ҷумҳуриявии "Фурӯғи субҳи доноӣ..." маҳфил  доир карда шуд, ки дар он ҳайати кормандон ва гирандагони идрорпулии Кумитаи иҷроияи ҲХДТ дар ноҳияи Шоҳмансур шеърҳо дар васфи Ватан, Истиқлолият, забони давлатӣ ва ғайра қироат намуданд.
 


Вакти нашр: 2019-10-04 13:42:32    Хонданд: 52    Муфассал...

«Паймони миллӣ»-паймони зидди миллӣ ва радикалист

Ҷаҳонишавӣ, ки  яке аз  равандҳои муосири ҷаҳони  имрўза ба шумор меравад, дар асоси  он  ташкилшавии низомҳои нави иқтисодӣ, сиёсӣ, фарҳангӣ ба амал  омадааст, ки аз доираи  давлатҳои алоҳида  берун  баромадаанд. Ин раванд ба инкишофи нобаробарии  иқтисодиёти кишварҳо, аз байн рафтан ва заиф гардидани мақоми арзишҳои  фарҳангӣ, динӣ  ва миллӣ меоварад. Аз ин рў, барои давлатҳо, ки дар маҷмўъ гирдоварандаи (муттаҳидкунандаи) арзишҳои фарҳангӣ ва миллӣ мебошанд,  зарурият пеш омад, ки  барои  пойдорӣ ва бақои худ саъйу талош кунанд, то  дар гирдоби  ҳалокатбори  ин  раванди ҷаҳонӣ намонанд.

Яке аз падидаҳое, ки ба ҷомеаҳои пасошўравӣ, аз он ҷумла ҷомеаи Тоҷикистон таҳдид мекунад ин рушди радикализм дар миёни ҷавонон мебошад. Мафҳуми радикализм ҳамчун истилоҳ дар  доираҳои  асарҳои  илмӣ ва мақолаҳои матбуоти даврӣ  ба таври гуногун инъикос мегардад, зеро ин мафҳум дар асоси фаҳмиши ҷаҳонбинӣ  ба таври гуногун арзёбӣ  шудааст. Аз ҷумла, зери ин мафҳум таҳаммулнопазирӣ, эътироф накардани ҳақиқат ва қонуниятҳои иҷтимоӣ, таассубгароӣ, падидае, ки аз қонуниятҳо ва меъёрҳои иҷтимоӣ ба куллӣ фарқ мекунад, фаҳмида мешавад. Албатта, падидаи радикализм дар ҷомеаи мо  падидаи навзуҳур аст ва он асосан дар ҷомеаҳое зуҳур мекунад, ки  ин ҷомеаҳо давраи гузаришро аз сар мегузаронанд.

Вожаи радикализм аз забони лотинӣ «radix» гирифта шуда, ба маънои «реша», «бех» далолат мекунад. Радикализм ҳамчун истилоҳ  идеяҳо ва ҳаракатҳои  иҷтимоӣ-сиёсӣ аст, ки барои дигаргун сохтан,  сарнагун сохтани (аз беху бун, реша) институтҳои сиёсӣ ва иҷтимоии  ҷомеа сафарбар шудааст. Яъне дигаргуниҳои  фаврӣ ва  қатъӣ ворид намудан,  ҳатто агар лозим шавад бо тариқи зўрӣ. Ин мафҳум ҳамчун истилоҳи илми сиёсӣ ҳанўз  дар асри 18 аввалин бор дар Англия истифода гардид, ки он вобаста ба Ислоҳоти интихоботӣ дар соли 1832 буд.

Баъдтар дар ақидаҳои Ҷ. Локк, Ж.Ж. Руссо ва  У. Годвин ҳамчун истилоҳ истифода гардид. Мафҳуми радикализмро  дар муносибат  бо ҷомеашиноси англис Ҷереми Бентам (1748- 1832 гг.) – асосгузори фалсафаи утилитаризми англис ва яке аз назарияпардозони либерализми сиёсӣ истифода  мекарданд, ки пайравони ўро «файласуфони радикал» мегуфтанд.

Дар асри 19 бошад  радикализм ҳамчун ҳаракати сиёсӣ, фалсафӣ, динӣ, ислоҳотӣ ва фарҳангӣ  рушд намуд.  Дар асри 20  радикализм  ҳамчун  пояи асосии  идеологии якқатор қувваҳои сиёсии чап ва рост қабул шуда буд. Бо ироа намудани ақидаҳои худ радикализм мақсадҳои худро доро мебошанд, ки он  иборат аст аз муносибати номатлуб бо режими сиёсии мавҷудбуда ва роҳҳои баромад аз ин вазъият танҳо бо роҳи барҳам додани сохти мавҷуда.

Ҳамин тариқ, радикализм ҳамчун як қувваи шайтонӣ  дар баробари вориди  майдонҳои сиёсӣ ва динӣ шудан, ҳадафҳои худро мегузорад. Радикализм  ҳаракатест, ки бо сохти мавҷуда ҳама вақт дар мубориза аст, кўшиш мекунад, ки авзоъро дар ҷомеа ноором созад. Мисоли равшани инро мо имрўзҳо дар фаъолияти як тоифа гурўҳҳои ифротию террористӣ, ки раисии онро хоини давлату миллат  Муҳиддин Кабирӣ бар ўҳда дорад бараъло мушоҳида дорем. Ин гурўҳҳои бадсиришт бисоти худро кунҷи хонаи аврупоиҳо партофта, ба суи миллату давлати хеш баҳри ноил шудани хоҷагонашон ба ҳадафу ормонҳои хеш ҳаргуна иттиҳомоти подарҳаворо раво донистаанд.  

     Ин бадзодҳо имрўз таҳти номи ҳаргуна паймонҳои зидди миллии худ, ки миёни чанд нафар аз дўстону ошноҳои худ ва саркардаҳои гурўҳҳои террористию экстремистӣ ба монанди ТЭТ ҲНИ, гурўҳи 24 ва ғ. ба ҳар роҳу васила ба суи ин миллат, ки як маротиба дар солҳои 90-ум зиёда аз 100 ҳазор шаҳрвандони маъсуми онро қурбон карда буданд, имрўз низ аз зери бағали гарми хоҷагонашон  санг зада истодаанд.

Дар равандҳои сиёсӣ-иҷтимоӣ ин гурўҳҳои шайтонсифат чунин фаъолиятҳоро иҷро менамоянд:

- иттилоърасонии ҷомеа бо хабарҳои дурўғу подарҳавои худ барои нобасомон кардани вазъи орому осудаи кишвар. «Обро лой куну моҳи гир»;

- Таблиғу ташвиқи бўҳронҳои иҷтимоӣ, ба ин васила бедор намудани норозигии мардум, ва фишор овардан нисбати сохти сиёсии мавҷуда. «Яъне аз мурча фил сохтан»;

- Вонамуд намудани майли норозигӣ ба меъёрҳои мавҷуда  ва кўшиши навоварӣ ва дигаргунӣ даровардан.

Аслан инҳо як тўда ба монанди ҳашаротҳои зараррасоне ҳастанд, ки мехоҳанд чаману бустони сарсабзу хуррами Тоҷикистонро, ки бо заҳмату талошҳои ин халқи наҷиб таҳти сарварии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар тўли 28 сол бунёд ёфтааст, бо нешҳои заҳролуди хеш ба хазонистон табдил диҳанд. Аммо инҳо ҷуз хобҳои кўдакона чизе беш нест.

Инҳо зархаридоне ҳастанд, ки ба хотири манфиати шахсиашон манфиатҳои ҷамъият ва давлату миллатро зери по мегузоранд. Бубинед, ҳатто номуси мардонагии худро инҳо фурўхтаанд. То имрўз бо истифода аз номи ислом ва гўё ҳизби исломӣ мардумро фиреб намуда, чандин падару модарро бе фарзанд ва чандин фарзандонро бе падару модар намуданд. Бо истифода аз номи поки ислом аз хоҷагони хеш низ маблағҳои ҳангуфтеро ба даст оварда истодаанд. Аммо имрўз, чун Тоҷикистон он ниқобро аз чеҳраашон баркашид ва тамоми ҷомеаи ҷаҳонӣ аз ҳадафҳои нопокашон огаҳ гардиданд, дарҳол (думро каҷ карданд)  тағйири мавқеъ карданд. Яъне ҳизби шайтониашонро барҳам дода, як паймони зидди миллии нав таъсис доданд. Имрўзҳо дар нишастҳои конфронси САҲА, ки дар шаҳри Варшава чун ҳарсола баргузор гардид, бо ниқоби нави худ ин гурўҳи зиддиинсонӣ зери роҳбарии Муҳиддин Кабирӣ, Муҳаммадҷони Нурӣ, Муҳаммадиқболи Садридин, Темур Варқӣ ва ғ. бар зидди миллати тоҷик баромад намуда истодаанд ва ба ин васила аз ҳомиён ва бунёдгузорони ташкилотҳои ҳамхўи худ, яъне террористию экстремистӣ миллионҳо доллар ба даст меоранд.

Баъд аз мушоҳидаи нишастҳо, барои ҳар як фарди зираку воқеъбин маълум мегардад, ки тақрибан хазинаи шайтонии ин қорунҳо ба завол расидааст. Зеро онҳо дигар сухани мегуфтанӣ надоранд, агар ба баромади Бешараф Гадоев назар андозем мебинем, ки модератори нишаст (гардонанда) тақрибан 4 ё 5 маротиба ин Гадои ғарбро аз суханронияш боз дошта, мегўяд то дар доираи мавзўи муайяншуда суҳбат намояд. Ҳамчунин, мавриди ҳуҷум қарор гирифтани шахсиятҳо, на ин ки воқеиятҳо, ба монанди Мулло Абдурраҳим, Камол Самиев, далели ин гуфтаҳост.

Хулоса, Паймони зидди миллӣ мисли бародари мурдагии  худ ТЭТ ҲНИ ва дигар ҳизбу ҳаракатҳо дар хизмати давлатҳои абарқудрат ҳамчун абзори амалисозии манфиатҳои фаромиллӣ ва фароминтақавии онҳост. Аз ин лиҳоз, ин паймон аз рўи табиати худ хусусияти миллӣ надошта, сирф хусусияти экстремистию террористӣ дорад, ки имрўз чунин ташкилотҳо ба яке аз василаҳои харобсозии ҷаҳон табдил ёфтаанд, ки мисоли инро дар чандин кишварҳои олам аллакай мушоҳида намудаем.

Самадов Д., коршиноси

масоили сиёсӣ, аъзои фаъоли ҲХДТ

 

 


Вакти нашр: 2019-10-04 13:54:14    Хонданд: 29    Муфассал...

РОҒУН-ОЯНДАИ ДУРАХШОНИ МИЛЛАТ

Агар ба таърихи гузаштаи мардуми тоҷик назар андозем, маълум мегардад, ки мардуми тамаддунофари мо аз қадим то имрӯз пайи ободиву зиндагии шоиста гом гузошта, бо накӯкориву иродатмандӣ ном баровардааст. Агар ба 70-соли даврони Шӯравӣ назар андозем, мебинем ки як давлати абарқудрат барои беҳбуди зиндагии мардуми мо корҳои зиёдеро сомон надодааст. Аммо дар даврони истиқлолияти давлатӣ мардуми ба ору номуси Тоҷикистон ба як қатор музаффариятҳо ноил гардидаанд. Сохтани роҳҳо, ки умеди аввалини мардуми тоҷик буд, кандани нақбҳо, ки ҷануб ва шимоли кишварро ба ҳам пайваст аз аввалин ҳадафҳои роҳбарияти олии кишварамон ба ҳисоб мерафт. Имрӯз пиру барнои миллат шукргузорӣ аз сиёсати тамаддунофари Пешвои миллат мекунад, ки моро аз зулумот ба нур роҳнамоӣ намуданд. Дар давраи ҷанги шаҳрвандӣ дар хонадони мардуми тоҷик гурӯҳҳое силоҳбадаст ба кӯчабоғҳои Душанбе ҷамъ омада, мардумро ба гурӯҳҳову қисмҳо ҷудо намуданд. Мақсадашон на ободӣ, балки бо роҳи зӯрӣ ба сари қудрат расидану давлатро ба қисматҳо ҷудо намудан буд. Шукрона, ки ба орзӯҳои бадашон нарасиданд. Чунки зимоми давлатро ҷавони бо нангу номуси тоҷикидошта ба даст бигрифт. Ба сари қудрат омадани Пешвои муаззами миллат ба дили мардум, ба хонадони ҳар тоҷикистонӣ умеди зиндагиро бахшид. Аз рӯзи аввал то ба имрӯз ҳадафи асосӣ ва ягонаи Пешвои миллат , фарзанди фарзонаву оқил Эмомалӣ Раҳмон дар хидмати мардум қарор гирифтан аст. Хушбахтона Тоҷикистон бо роҳбари муаззами худ имрӯз дар миқёси олам ҳамчун давлати пешраванда шинохта шудааст.

         Яке аз ҳадафҳои стратегии мамлакат ин расидан ба истиқлолияти энергетикӣ буд, ки мо сарбаландона ба он расидем. Ба кор шурӯъ кардани аввалин агрегати НБО-Роғун  аз он шаҳодат дод, ки ояндаи миллату давлати мо пур аз хурсандиву шодист. Роғун умеду ормонҳои мардуми тоҷикро дар арсаи ҷаҳон бароварда месозад. Маҳз бо шарофати Истиқлолияти давлатӣ ва бо сиёсати созандаву самимонаи Пешвои миллат мардуми шарафманди тоҷик қадам ба қадам ба сӯйи амалӣ сохтани ормонҳои миллии худ гом мебардоранд. Роғун – кохи нур, умеди 10- солаҳои мардуми тоҷик аст. Боиси хушнудист, ки имсол дар арафаи таҷлили 28-солагии Истиклолияти давлатӣ чархаи дуюми Роғун бо иштироки Пешвои миллат ва намояндагони корпусҳои дипломатӣ, хабарнигорони дохиливу хориҷӣ ба кор дароварда шуд. Пешвои муаззами миллат бори дигар дар тамоми ҷаҳон исбот намуданд, ки мардуми тоҷик метавонад бузургтарин сохтмонҳои сатҳи ҷаҳониро бунёд намояд. Дар сархати ВАО-и  ҷаҳон қарор гирифтани кушодашавии агрегати 2-юми Роғун шаҳодати гуфтаи болост. Мо аз он шукргузор ҳастем, ки  сиёсати хирадмандонаи Пешвои миллатро пайравӣ намуда баҳри осоиштагии мардуми сарбаланди тоҷик хидмат менамоем.

Розиқова Моҳира мутахассиси шуъбаи ташкилии КИ ҲХДТ дар ноҳияи Синои шаҳри Душанбе

 


Вакти нашр: 2019-10-04 14:13:45    Хонданд: 33    Муфассал...

Ҷамъбасти озмуни «Иншои беҳтарин»

        Субҳи имрўз бо ташаббуси Кумитаи иҷроияи ҲХДТ дар  шаҳри Душанбе дар муассисаи таҳсилоти миёнаи умумии №100-и ноҳияи Шоҳмансур даври ҷамъбастии озмуни «Иншои беҳтарин» миёни хонандагони синфҳои болоии муассисаҳои таҳсилоти миёнаи умумии  пойтахт,    бахшида ба Рӯзи забони давлатии Ҷумҳурии Тоҷикистон   дар се мавзӯъ: "Истиқлолияти давлатии Ҷумҳурии Тоҷикистон", "Забон-поя ва шиносномаи миллат»   ва "НБО - Роғун ва нақши он дар рушди кишвар" баргузор гардид.

      Мақсад аз баргузор намудани озмуни мазкур  ин  баланд  бардоштани  савияи донишу малакаи хонандагон, дарёфти соҳибистеъдоди ҷавон ва ба ин васила  таќвият бахшидани ҳисси ватандӯстии онҳо мебошад.

      Тибқи хулосаи ҳайати комиссия беҳтаринҳо муайян гардида, бо тўҳфаҳои хотиравии Кумитаи иҷроияи ҲХДТ дар шаҳри Душанбе ҳавасманд гардонида мешаванд.


Вакти нашр: 2019-10-04 14:40:37    Хонданд: 42    Муфассал...

Пешвои миллат Эмомалӣ Раҳмон бори дигар ба рӯйхати мусулмонони бонуфузтарини олам шомил шуданд

 Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бори панҷум ба рӯйхати 500 мусулмони бонуфузтарини олам (The Muslim 500) шомил шуданд. Рӯйхати навбатии The Muslim 500-2019-ро Маркази шоҳигарии тадқиқоти стратегии исломӣ мустақар дар шаҳри Уммони Урдун тартиб додааст, хабар медиҳад АМИТ «Ховар».

Муаллифони раддабандӣ Эмомалӣ Раҳмонро муаррифӣ намуда, навиштаанд, ки ӯ аз соли 1994 Президенти Тоҷикистон буда, тавофи Каъба намуда, насабашро аз Раҳмонов ба Раҳмон табдил додааст. Дар рӯйхати The Muslim 500 раиси Шӯрои уламои Тоҷикистон Саидмукаррам Абдулқодирзода низ шомил аст. Ба панҷоҳгонаи беҳтарин Президенти Туркия Реҷеп Тайип Эрдуғон, Президенти Озарбойҷон Илҳом Алиев, Подшоҳи Арабистони Саудӣ Салмон ибни Абдулазиз, Подшоҳи Урдун Абдуллоҳи II ибни ал-Ҳусейн, сарварони Туркманистон ва Чеченистон — Гурбонгулӣ Бердимуҳаммедов ва Рамзон Қодиров, муфтии Ӯзбекистон Усмон Алимов ҳам шомиланд.

Инчунин ба чемпиони кунунии UFC Ҳабиб Нурмагомедов ва мусиқинавоз, овозхон ва оҳангсози машҳури муқими Британия Самӣ Юсуф муяссар шуд, ки ба ин рӯйхат шомил шаванд.  Дар ин рӯйхат яке аз олимони пешсафи ислом дар замони мо, коршиноси соҳаи фиқҳи исломӣ, иқтисод, илми ҳадис ва тасаввуф Шайх Муҳаммад Тақӣ Усмонӣ пешсаф аст.

Пас аз ӯ фаъоли мазҳабӣ ва роҳбари олии Эрон Оятуллоҳ Сайид Алии Хоманаӣ қарор дорад. То имрӯз ӯ тавонистааст, ки дар бораи мавзӯъҳои мухталиф доир ба ислом корҳои зиёдеро анҷом диҳад ва муаллифи беш аз шаст китоб мебошад. Мавриди зикр аст, ки раддабандии The Muslim 500 тайи нуҳ сол боз ҳамасола аз ҷониби Маркази шоҳигарии тадқиқоти стратегии исломии Уммон бо дастгирии Маркази ҳамдигарфаҳмии мусалмонону масеҳиёни Ҷорҷтаун тартиб дода мешавад.

 Бознашр аз  /АМИТ «Ховар»/.


Вакти нашр: 2019-10-04 17:47:31    Хонданд: 47    Муфассал...

Душанбе ба даҳгонаи беҳтарин шаҳрҳои ИДМ барои саёҳати тирамоҳӣ шомил гардид

Пойтахти Тоҷикистон–шаҳри Душанбе ба даҳгонаи беҳтарин шаҳрҳои Иттиҳоди Давлатҳои Мустақил барои саёҳати тирамоҳӣ шомил гардид. Дар ин бора АМИТ «Ховар» бо истинод ба портали сайёҳии «ТурСтат», ки рейтинги беҳтарин шаҳрҳо барои сайёҳати тирамоҳӣ пешниҳод кардааст, хабар медиҳад. Тибқи рейтинги мазкур, ба даҳгонаи беҳтарин шаҳрҳо барои саёҳати тирамоҳӣ инчунин Минск, Остона, Ереван, Алмаато, Боку, Тошканд, Кишинёв, Бишкек ва Ашқобод шомил гардидаанд.

Мутахассисон ин рейтингро дар асоси маъруфияти шаҳрҳо дар байни сайёҳон таҳия намуданд. Сайёҳони рус кадом шаҳрҳоеро, ки барои саёҳат зиёдтар ба нақша гиранд, ҳамон қадар ин шаҳрҳо дар рӯйхати мазкур дар мақоми болотар ҷой мегиранд. Ҳамин тариқ, байни сайёҳон давлатҳои барои сайёҳӣ машҳури ИДМ — Тоҷикистон, Қазоқистон, Ӯзбекистон, Қирғизистон, Арманистон ва Озарбойҷон мебошанд. Тибқи иттилои «TourStat», сайёҳони мустақил дар тирамоҳ ба шаҳрҳои ИДМ ба муддати кӯтоҳ — аз ду то се рӯз барои истироҳат меоянд. Аммо русҳо тавассути ин ширкат бо истифода аз саёҳатҳои ҳарҳафтаинаи сайёҳӣ аз тамошои зебоиҳои шаҳрҳои ИДМ лаззат бурданро афзалтар медонанд.

 Асосан дар кишварҳои ИДМ сайёҳон барои хӯрок ва истиқомат аз 40 то 100 доллар сарф мекунанд.

Бознашр аз  /АМИТ «Ховар»/.


Вакти нашр: 2019-10-04 17:52:32    Хонданд: 48    Муфассал...

УСТОД - ОМЎЗГОР - ОМЎЗАНДАИ ИЛМУ ДОНИШ, ФАРҲАНГУ АДАБ ВА РОҲНАМО ДАР КОРУ ЗИНДАГӢ!

Ҳамасола  дар  кишвар  кормандони соҳаи маориф ва аҳли ҷомеа ба хотири арҷгузорӣ ва гиромидошт аз хизматҳои арзишманди устод-омўзгор ҳафтаи аввали моҳи октябрро, ҳамчун Иди касбии Рўзи омўзгорон таҷлил менамоянд.

Дар робита ба ин, имрўз Кумитаи иҷроияи ҲХДТ дар шаҳри Душанбе дар якҷоягӣ бо ТҶҶ “Созандагони Ватан” дар ноҳияҳои пойтахт бо мақсади  қадршиносӣ аз заҳмату ранҷи устод – омўзгор, ба камол расонидани насли инсон бахшида ба таҷлили Рӯзи омўзгорон  аксияи табрикотиро таҳти унвони “Устод-омўзгор - омўзандаи  илму дониш, фарҳангу адаб ва роҳнамо дар кори зиндагӣ” дар муассисаҳои таълимӣ, донишгоҳу донишкадаҳо ва коллеҷу литсейҳо баргузор намуданд.

Дар доираи ин аксияи аъзои ТҶҶ “Созандагони Ватан” устодону омўзгоронро ба муносибати Рўзи иди касбиашон табрику шодбош гуфта, барояшон дар татбиқи яке аз самтҳои Барномаи Ҳизби Халқии Демократии Тоҷикистон, ки ҳадафи аслии он рушди соҳаи илму маориф  нигаронида шудааст, ба онҳо рўҳи қавию азми матин, фатҳи қуллаҳои баланди илму дониш, хони ободу осуда ва комёбиҳои беназири зиндагиву кориро таманно намуданд.

Омўзгорони пойтахт аз иқдоми роҳандозӣ намудаи Кумитаи иҷроияи ҲХДТ дар шаҳри Душанбе изҳори хушнудӣ намуда миннатдории худро баён доштанд.


Вакти нашр: 2019-10-05 14:04:36    Хонданд: 39    Муфассал...

МАКТАБИ ХОНИШИ СИЁСИИ “БОНУВОН ДАР СИЁСАТ” ДАР КОХИ НАВРӮЗ

      Бо ташаббуси Кумитаи иҷроияи ҲХДТ дар ноҳияи Шоҳмансур бо мақсади шиносоӣ бо таъриху фарҳанг ва тарғиби маконҳои таърихии кишвар дарси хониши сиёсӣ бо дархосту пешниҳоди шунавандагон дар “Кохи Наврӯз”  доир гардид.

     Дар толори бақайдгирӣ шунавандагони дарс чамъ омада, аз кандакориҳо ва меъмори сатҳи баланд шинос гардиданд. Дар толори сангин баъд аз тамошо ва шиносоиву бархурдор шудан аз шукуҳу шаҳомати қаср сӯҳбати бонувон бо роҳбалади “Кохи Наврӯз” оид ба ифтитоҳи сохтмон, кандакорӣ ва аз сангҳои рангин омода намудани манзараҳо аз осори гузаштагон доир гардид. Шунавандагони дарси хониши сиёсӣ бо роҳбалад оид ба манзараҳои бо санг сохташуда, толори сангин, толори пешвози меҳмонони хориҷӣ ва толори кандакорӣ саволу ҷавоб карданд.


Вакти нашр: 2019-10-07 15:21:00    Хонданд: 28    Муфассал...

Кӯмаки амалӣ-методӣ дар ташкилоти ибтидоии “Шуғл”

      Бо иштироки кормандони Кумитаи иҷроияи ҲХДТ дар ноҳияи Шоҳмансур дар ташкилоти ибтидоии “Шуғл” ҷиҳати танзими фаъолияти расмӣ-коргузорӣ, кӯмаки амалӣ-методӣ расонида шуд. Гуруҳи корӣ тавассути саволномаи пешакӣ омодагардида, аз рафти фаъолияти ташкилоти ибтидоӣ ва ҳуҷҷатгузории ҳизбии он дидан намуда, барои беҳбуд бахшидани корҳои ҳизбӣ ва зиёд гардонидани сафи аъзоёни ҳизб тавсияву маслиҳатҳои муфид доданд. Бояд қайд кард, ки ташкилоти ибтидоии “Шуғл” дар пешбурди кори ҳизбӣ саҳмгузор буда, барои дастгирии сиёсати пешгирифтаи давлату Ҳукумат нақши назаррас дорад.


Вакти нашр: 2019-10-07 15:51:25    Хонданд: 30    Муфассал...

ТАШКИЛОТИ ИБТИДОИИ “МЕҲВАРИ ДУШАНБЕ” ТАЪСИС ЁФТ

       Бо иштироки  Убайдулло Қурбонзода, муовини раис-роҳбари дастгоҳи Кумитаи иҷроияи ҲХДТ дар ноҳияи Фирдавсӣ дар ҶДММ “Меҳвари Душанбе” маҷлиси њизбӣ доир карда шуд.

      Убайдулло Қурбонзода дар бораи ғояву сиёсати созандаву бунёдкорона ва барномаи ҲХДТ ибрози андеша намуда, таъкид кард, ки маҳз дар доираи ин сиёсат ва ҳадафҳои созанда дар мамлакат бисёр самтҳо рушду тавсеа ёфт. Нақши аъзои ҳизб дар ҳифзи манфиатҳои давлату миллат, таблиғу ташвиқи ғояҳои миллӣ, ҳифзи арзишҳову муқаддасоти миллӣ низ беназир аст.  Сипас, ба чанде аз кормандони ба тозагӣ ба сафи ҳизб шомилгардида шаҳодатномаи ҳизбӣ тақдим гардида, тариқи овоздиҳии аъзои ҳизб номи ташкилот “Меҳвари Душанбе”  номгузорӣ карда шуд. Раиси ташкилоти ҳизбӣ Ғаниев Комилҷон ва муовини раиси ташкилоти њизбӣ Муминҷонов Соҳибҷон интихоб гардиданд.


Вакти нашр: 2019-10-08 08:15:54    Хонданд: 49    Муфассал...

ДУРӮҒПАРОКАНИИ ИФРОТИҲО Ё АЗ АНҶУМАНҲОИ ВАСВАСАВӢ ТО ҲУВИЯТСИТЕЗИИ НАҲЗАТИҲО

      Як гурӯҳ ҷинояткорони ифротӣ, муздурони беҳувият, хоинони ватанфурӯш аз ташкилоти террористӣ - экстремистии ҲНИ ва “Гурӯҳи - 24” бо ёрии сарпарастону хоҷагони зиддитоҷикияшон дар кишварҳои мухталифи ғарбӣ паноҳандагӣ ва лонаи истироҳат ёфтаанд. Онҳо барои ноором намудани авзои дохилии Тоҷикистон ва бадном кардани сиёсати одилонаи Ҳукумат аз ҳама гуна усули муқовимат ва методу фишангҳои сиёсӣ барои расидан ба мақсадҳои шум, ноҷавонмардона, ғаразолуди худ талош доранд. Ҳаёти мардуми тоҷик ва муқаддасоти дини мубини ислом назди ин гурӯҳҳои ифротӣ, ки яксолагии таъсиси ташкилоти ҷаълии террористии як паймони шикаста ва барбодрафтаро дар шаҳри Варшава ҷашн гирифтанд, ягон арзиш надорад. Саркардагони ин бадхоҳон ва даҳҳо ифротии дигар дар солгарди ташкилоти террористии худ мақсад ва ҳадафи аслиашонро фош намуда, изҳор доштанд, ки мо барои мансабу курсӣ ва барои бадастовардани қудрати сиёсӣ мубориза бурда истодаем. Аз ягон намуди мубориза ва хунрезӣ даст намекашем. Ин гумгаштагон зери унвони фейк, яъне бо номгузории “Паймони миллӣ” кишварҳои аврупоиро фиреби сиёсӣ намуда, мақсадашон тиҷорат ва дарёфти грантҳои хориҷӣ ва лонаи роҳат дар Аврупо аст.
М. Садриддин сухангӯ ва миссионери салафимаслаки ТТЭ ҲНИ ва Фирӯзи Муъмин дар шабакаҳои иҷтимоии интернет ақоиди ботил ва идеологияи муҳлику тавтиапардоз ва зидди фарҳанги тоҷикиро рангу тобиши “динӣ” дода, барои фиреби чашми мардум, аз ҷумла муҳоҷирони меҳнатӣ, раванди ҷанги иттилоотӣ ва шустушӯи мағзиро, тақвият бахшидаанд.

       Агар ба фаъолияти эмиссарии М. Садриддин аз ибтидо чашм бидӯзем, дармеёбем, ки мавсуф дар ибтидо аз муболлиғони ғояҳои ифротии салафия ва афкору ақидаи ташкилоти террористии “Давлати исломӣ” буда ва дар ин ҷода даҳҳо ҷавони тоҷикро ба эмиссарҳои Абубакри Бағдодӣ дар ивази беномусии худ фурӯхтааст. Ӯ бо сармоягузории бевоситаи “Давлати исломӣ” ва ҷабҳаи размандаи “Аннусра”- и террористони Сурия ба Туркия, Афғонистон ва шаҳри Москва сафар намуда, бо хадамоти террористӣ ва саркардаҳои ҳаракатҳои ифротӣ байъат ва машварат намуда, барои анҷом додани амалҳои зиддибашарӣ бо лордҳои хориҷӣ ҳамнишину ҳамтабақ аст.
Таҳлил ва ковишҳои тахассусӣ нишон медиҳанд, ки дигар шарафи инсонӣ, имон ва нангу номуси миллӣ дар пайкараву тафаккури ифротии ин муздурони беҳувият боқӣ намондааст. М. Садриддин ва ҳамҷинсони хоину бемуруввати он дар сангари душманӣ алайҳи миллат ва давлати худ қарор гирифта, чун репраққосаҳои бешарму ҳаё барои бадном кардани Ҳукумати Ҷумҳурии Тоҷикистон дар зердолонҳои САҲА ҳузур пайдо намуда, ин саҳнаро барои паҳн намудани маълумоти бардурӯғу беасос ва буҳтон нисбат ба Тоҷикистон истифода мебаранд.

      А. Бобоев як ифротии дигар аз ҷумлаи дурӯягоне мебошад, ки худро раиси “Кумитаи шаҳрвандии наҷоти гаравгонҳо ва зиндониёни сиёсӣ” ҳисобида, тавассути ин ниҳоди террористии ҲНИ пайваста маводи бемантиқ ва аз воқеият дур ба табъ мерасонад. Албатта, шеваҳои аблаҳона ва ихтилофангези гумроҳшудагони ТТЭ ҲНИ дар арсаи байналмилалӣ зуҳуроти тоза ва нав нест. Бобоев Абдусаттор дар асоси барномаи тарроҳинамудаи ТТЭ ҲНИ дар шонздаҳуми июни соли 2016 дар шаҳри Варшава - пойтахти Лаҳистон ҳамоиши сиёсиеро бо номи “ Ёдбуди шуҳадои зиндон” баргузор намуда буд. А. Бобоев тавассути ин ниҳоди зидди Тоҷикистонии худ аз хоҷагонаш пулҳои муфт ба даст оварда, дар майхонаву раққосахонаҳои репӣ бо айшу ишрат рӯз мегузаронад.
       Аъзои ТТЭ ҲНИ ҳаргиз дар фикри ягон зиндонӣ ва маҳбус нестанд, балки онҳо бо гузарондани чунин ҳамоиш ва конфронсҳои ҷаълӣ талош доранд, ки Ҳукумати Ҷумҳурии Тоҷикистонро дар арсаи байналмилалӣ бадном карда, ҳамзамон, чеҳраи сиёҳ ва террористии ҲНИ ва саркардагони ҷинояткори онро ҳамчун омили мусбат ва хайрхоҳ муаррифӣ намоянд. Тавассути ин аъмоли манфурашон инҳо аз бархӯрдор шудан ва истифодаи маблағҳои ташкилотҳои байналмилалӣ манфиат мебаранд. Инҷо саволе пайдо мешавад, ки чаро А. Бобоев ва ҳаммаслакону ҳамҷинсони ӯ дар ҳоли фаъолиятҳои қаблиашон, умуман, дар бораи зиндонӣ фикре ҳам намекарданд ва ба ёдашон низ ҳеҷ як нафаре ба ҷуз айшу ишрат намеомад? Имрӯз бошад, барои манфиатҳои шахсӣ, пайдо намудани лонаи роҳат дар кишварҳои хориҷ, даст ба эҷоди тафриқаву низоъ дар байни миллат задаанд. Ӯ фаромӯш кардааст, ки мардуми тоҷик дигар бозичаи дасти ин авбошони сиёсӣ ва мансабхоҳу мансабталош намегарданд.
Тавре ҳамагон огоҳанд, садҳо тан аз размандагони ТТЭ ҲНИ дар рафти амалиётҳои террористии худашон қурбон гашта, садҳо тани дигар аз дасту по маҳрум гашта буданд. Аммо раҳбарону масъулини наҳзат, ба монанди М. Кабирӣ, Ш. Алимов, М. Садриддин ва А. Бобоев, ягон маротиба ба онҳо кумак нарасонданд, балки хазинаҳои молию пулии ТТЭ ҲНИ-ро ғорат карда, ба яғмо бурданд ва дар хориҷ аз кишвар барои аҳли байти худ марказҳои тафреҳӣ ва хонаву маишатгоҳҳо хариданд. Ягон саркардаи ТТЭ ҲНИ дар фикри ислом ва ҳаёти мусалмонҳои Тоҷикистони азиз нестанд.

     Ҳоло мардуми шарифи тоҷик ин ҳама найрангҳоро медонанд ва симои аслии душманони хешро мешиносанд. Аз ин рӯ, талошҳои бесуботсозии ҷомеа, оростани анҷуманҳои васвасасозе, ки пушти лоиҳаҳои он манфиатҳои молии хоинони миллат меистанд, ба амну осоиши кишвари рӯ ба тараққиёти мо ҳеҷ таъсире нахоҳанд гузошт.

 

Фирӯз НОСИРОВ, коршиноси масоили сиёсӣ


 

 


Вакти нашр: 2019-10-08 09:02:12    Хонданд: 45    Муфассал...

«Паймони миллӣ» хиёнат ба миллат аст!

      Агар ба таърихи 27 солагии Иҷлосияи XVI Шӯрои Олӣ назар афканем, манзараи пур аз шебу фарози ватандории мо тоҷикон, ки барои наслҳои оянда як сабақи пурарзиши таърихист, пеши чашм меояд. Аз санаи аз ҷониби Шӯрои Олии Ҷумҳурии Тоҷикистон расман эълон доштани соҳибистиқлолии давлатии миллати тоҷик, авҷгирии баъдинаи мубоҳисаҳои доманадору муташанниҷ гардидани вазъи сиёсии мамлакат, оғозу бар души мардуми кишвар бор гардидани ҷанги шаҳрвандии харобовар, сипас оғози музокирот, барқароршавии сулҳ ва муваффақ гаштан ба ризоияти миллӣ то рӯзҳои мо, мушкилотҳои зиёде рафъ шуда, ҷомеаи имрӯзаи тоҷик дар фазои сулҳу ваҳдат озодона умр ба сар бурда истодааст. Таҳкурсии сиёсию қонунии дигаргуниҳои азими минбаъда дар кишвар маҳз дар Иҷлосияи XVI Шӯрои Олӣ таҳрезӣ шуданд. Аз ин рӯ он Иҷлосия оғози саҳифаи нави пешравии гуногунҷабҳаи ҷомеаи Тоҷикистон ва ташкилёбии фаъолияти амалии мақомоти олии қонунбарори мамлакат - Маҷлиси Олии Ҷумҳурии Точикистон гардид. Ба замми ҳама заҳматҳои кашидашуда аз рӯзҳои аввали соҳибистиқлолӣ дар дохили кишвар хоинҳо ва микробҳои зархариди миллӣ дар пайи тағйир додани режими сиёсии давлат ва ноором сохтани вазъ дар кишвар пайваста бо хоҷаҳои хориҷии худ кор ва ташвиқот мебурданд. Дар воқеъ яке аз қисматҳои асосии нақшаи хоинҳои зархариди миллат ин пеш аз ҳама руи рост ғорат кардани аҳолӣ ва афзоиш додани сатҳи фасодкорӣ буд. Воқеан дар бисёри ҳолатҳо мардум шоҳиди ғоратҳои руирости лошахурҳои дар ниқоби ислом буд, ки аз фурсати нооромиҳои кишвар истифода бурда, ҳадафи асосиашон ғорати аҳолӣ буд. Беҳуда вақтро довар нагуфтаанд, чунки хоинони бадабахти миллат дар ниқоби ислом тамоми корҳои ғайриахлоқиро пешаи асосии худ қарор дода, бояд бо ҳар роҳ ба хоҷаҳои хориҷии худ исбот менамуданд, ки ба онҳо ва пули додаи онҳо содиқанд. Барои исботи амаҳои палидонаи худ чандин маротиба бо роҳи гумроҳ кардани баъзе аз ҷавонон кӯшиши анҷом додани табаддулоти давлатиро карданд, ки мақсади ин табаддулотҳо порча-порча кардани давлат ва миллат, куштор, зино ва ғорат буд. Инсоне, ки зархарид аст ин гуна инсон пеш аз ҳама номуси худро мефурушанд. Ба ин гуна ашхос дигар арзишҳои миллӣ , ватан ва миллат дигар аҳамияте надорад, танҳо онҳо як шиори итоат ба хоҷаҳои хориҷии худро доранд. Воқеан зери пардаи наҳзат бадхоҳон ва бадбахтони миллат ба корҳои сиёҳ машғул буда, бештар ба падидаҳои нангину нафратовар даст мезананд ва то ҳол дар ҳаракати исбот намудани содиқии худ дар назди хоҷаҳои худ мебошанд. Имрӯз чун оина аён аст, ки бо замми чораҳои қатъии андешидаи ҳукумати кишвар гирифтани пеши роҳи ҳодисаҳои нангин ин гурӯҳи ҷиноятпеша аз амалҳои нанговари худ даст накашида, бо қавли худ Паймони миллӣ ташкил намуданд. Паймон шаҳодат аз он медиҳад, ки Кабирӣ бо ҳаммаслаконаш то ҳол ба хоҷаҳои худ содиқ буда, ин навбат ба таври ошкоро исбот намуданд, ки то ҳол намояндагони Ҳизби мамнуи экстремистиву террористии наҳзат ба паймони додаи худ ва пулҳои ҳароми гирифтаашон содиқ аст. Бояд ҳар як шахси соҳибхирад донад, ки чаро Кабирӣ ба қавли худ ва ҳамаслаконаш ин навбат Паймон таъсис дод. Паймони ин хоини беномус ба миқдори як донаи арзан манофеи миллӣ надорад, ин бадбахт танҳо хоҳиши табдил додани давлатро ба як кишвар ҷангзада дорад ба монанди Сурия, Ироқ, Либия ва монандӣ инҳо. Ин гуна ашхоси беномус ба Модар, хоҳар бародар фарзанд ва миллати худ раҳм надоранд, чунки номуси худро ба таври қонунӣ ба хоҷаҳои хориҷӣ фурухта, Паймони як умра бастаанд. Ин Паймон ягон зарра паймони миллӣ нест ин Паймонӣ Кабирӣ ва ҳаммаслаконаш ба хоҷаҳои хориҷист. Марг, нафрат ба ин гуна Паймони терористӣ ва экстремистӣ.
       Агар ба таърих дақиқтар назар афканем, дар ин дунёи гузарон чизе абадӣ нест. Сиёсатмадорон низ меоянду мераванд, вале ҳар кадом ба қадри ҳиммати худ ба рафти воқеаҳо ва рӯйдодҳо чӣ дар кишвари худ ва чӣ берун аз он таъсир мерасонанд ва бо аъмоли неку ва тақдирсоз номи худро дар саҳифаҳои таърих ҷовидонӣ месозанд. Чунин накшро дар таърихи давлатдории тоҷикон Эмомалӣ Раҳмон ҷавонмардона бозид. Ин абармарди дунёи сиёсат чун Авраам Линколн, ки дар замони худ барои нигоҳ доштани ягонагии ҷомеаи амрикоӣ талошҳо варзида буд, тавонист дар вазъияти бисёр мураккабу печидаи сиёсӣ сулҳро барқарор намояду суннатҳои давлатдорӣ ва тамомияти арзии Точикистонро таъмин созад ва моро месазад, ки то доштани қувват дар бадан дар зери чунин сиёсати озод, созанда ва тақдирсоз ба сар барем ва нагузоем, ки чунин ҳизбу ҳаракатҳои хусусияти терористию экстремистидошта вазъияти давлати моро халалдор созанд.

Машғулов Саидхуҷа,

аъзои фаъоли ҲХДТ

дар ноҳияи Сино

 

 


Вакти нашр: 2019-10-08 16:33:48    Хонданд: 47    Муфассал...

ТААССУРОТ АЗ СУХАНРОНИҲОИ МУҲТАРАМ ПЕШВОИ МИЛЛАТ ДАР РӮЗИ ЗАБОН

Дар санаи чаҳоруми октябри соли равон дар маҷмааи бузурги фарҳангии Кохи “Борбад” бахшида ба 30- солагии Рӯзи забон вохӯрии Асосгузори сулҳу ваҳдати миллӣ – Пешвои миллат муҳтарам Эмомалӣ Раҳмон бо аҳли зиёи кишвар баргузор гардид. Вохӯрии мазкур шахсан барои ман басо хотирмон  буд ва боварї дорам, ки  иштирокдорони ин вохӯрӣ таассуроти бузурге аз он гирифтанд. Агар дар асрҳои гуногуни таъриху тамаддуни тоҷикон абармардоне монанди Исмоили Сомонӣ, устод Абӯабдуллоҳи Рӯдакӣ, Ҳаким Фирдавсӣ, Асадии Тӯсӣ, устод Садриддин Айнӣ ва Бобоҷон Ғафуров пуштибонӣ аз забони тоҷикӣ карда бошанд, дар асри ХXI муҳтарам Эмомалӣ Раҳмон бузургтарин чеҳрае дар ҷаҳон аст, ки дар мавзӯи пуштибонӣ аз забони тоҷикӣ назире ба худ надорад.

     Исмоили Сомонӣ миёни намояндагони хонадони худ аввалин нафарест, ки дар дарбори Сомониён забони тоҷикиро дар ҷойи забони арабӣ гузошта, бар он рутбаи олии дарӣ-дарбориро лоиқ донист. Ба туфайли хидмати Исмоил шеваи мовароуннаҳрии забони порсӣ, яъне забоне, ки тоҷикон бо он сухан меронанд, дар тамоми ҳудуди истиқомати форсизабонони он рӯз – Эрону Хуросон ва Варорӯд ба ҳайси забони илму адаб шоеъ гардид ва тамоми форсигӯён бо шеваи тоҷикӣ, яъне тоҷикона ба эҷоди ашъор ва навиштани китобҳои насрӣ пардохтанд. Устод Рӯдакӣ аввалин шоири порсигӯст, ки бо шеваи тоҷикӣ нахустдевони худро дар таърихи шеъру адаби порсии дарӣ ба вуҷуд овард ва тавассути суханони тозаву асили тоҷикии худ забони порсии дариро ба насҷу тартиб даровард. Хидмати устод Рӯдакӣ аст, ки имрӯз тамоми форсизабонони дунё ба шеваи тоҷикона шеър эҷод менамоянд. Бинобар ин, устод Рӯдакӣ, барҳақ, падари забон ва адаби порсии дарист, зеро ҷамеи шеъру адаби зиёда ҳазорсолаи бо забони порсии дарӣ эҷодшуда ба шева, забон, сабк ва услуби устод аст! Ҳаким Фирдавсӣ, он чи устод Рӯдакӣ оғоз кард, чи дар гузиниш ва истифодаи вожаҳои ноб ва чи дар сабку услуби баёни тоҷикона, онро ба нуқтаи ғояти худ баровард ва мақоми осмонӣ дод. Ширинии забони порсии дарӣ, яъне шеваи тоҷикӣ, ҳамчунин, вуҷуди ҳазорон вожаҳои ноби таърихӣ,   яъне ба мақоми бас воло сарфароз гардидани он - ҳама ба туфайли хидмати Фирдавсӣ аст! Агар Фирдавсӣ шеваи тоҷикиро бар осмон савқ намедод, Муҳаммад Албухорӣ ҳеҷ вақт чунин гуфта наметавонист: “Забони аҳли биҳишт арабӣ ва порсии дарист”. Хидмати бузурги Фирдавсӣ иборат аз он аст, ки таърихномаи миллати тоҷик ва ҷамеи Эрони Бостонро бо шеваи ноби тоҷикӣ (на шеваҳои дигари забонҳои эронӣ!) рӯйи сафҳаи назм овард.     Ин ҳаққи ӯст, ки гуфта: “Аҷам зинда кардам бад-ин порсӣ”.   Тафаккури вай ба ҳадде пештоз ва убурулмобаъд, яъне сипарикунандаи замонҳои баъд аз худаш буд, ки он чиро, ки мо имрӯз бар зиддаш мубориза мебурдем, вай дар асри Х ба муқобилаш муборизаи беамон мебурд. Гурӯҳе аз зиёиёни аъроби мутаасибу нажодпараст дар асри вай бар зидди дигар милали мусулмон бо эҳсосоти худхоҳиву нажодманишона бархоста, онҳоро бефарҳангу безабон мехонданд. Онҳо миллатҳои ғайриараб, аз ҷумла тоҷиконро бо таҳқир аҷамӣ, яъне гунг мехонданд. Вожаи Аҷам, ки Фирдавсӣ бар он ҳусни маънӣ бахшид, аслан, маънияш сарзамини гуногон, яъне безабонон аст. Асадӣ дар қасоиди маъруфи худ бар зидди мафкураи ғайириинсон ин гурӯҳи мутаассиб бархоста, исбот кард, ки ҳамаи забонҳо баробаранд! Ӯ исбот намуд, ки ончунон, ки дар забони порсии дарӣ вожагони зиёди арабӣ дида мешаванд, дар забони арабӣ ҳам вожаҳои ҳангуфти порсӣ мавриди истифода қарор доранд. Ҳатто, ӯ як-як собит сохт, ки дар Қуръони карим ба иродати Худо чандин вожаи порсӣ чида шуда ва, ҳатто, сурае низ бо забони порсӣ мавҷуд аст! Устод Садриддин Айнӣ дар пуртаҳлукатарин сарнавишти миллати тоҷик бар ҳимояи забони тоҷикӣ бархоста, дар ҳангомаи муқовимати сахти пантуркистон дифоъ аз марзу буми тоҷикон кард ва дар марҳалаҳои тағйироти алифбоҳо барои аз нестӣ наҷот додани забони адабии тоҷикӣ ҳама осори назмиву насрии худро бо алифбоҳои навбунёд бинавишт ва забони тоҷикиро бо ҳуруфоти навтаъсис комилан мутобиқ сохт! Бобоҷон Ғафуров дар таърихи тоҷикон ба ҳайси Фирдавсии навини миллат ливои ҳувият барафрошт ва таърихи пайдоиши миллатро аз аввал то даврони худ ба силки наср кашид. Бобоҷон Ғафуровро тамоми порсизабонони дунё эътироф кард, зеро “Тоҷикон”- и вай дар арзиши илмиву фарҳангӣ, вазни хештаншиносӣ ва наҷоти тамаддуни порсиён камтар аз таърихномаҳои Байҳақӣ ва Табарӣ нест! Пешвои муҳтарами тоҷикон дар  охири асри ХХ ва асри XXI сиёсати худро дар хатти тоҷикӣ, хатти фарҳангу тамаддуни тоҷикӣ ва хатти дифои бемонанду бесобиқа аз забони тоҷикӣ равона сохт. Ҳар сол дар Рӯзи забон мо шоҳидем, ки ин марди фидоии миллат то чи ҳад нисбат ба ҳимоят ва бузургдошти забони тоҷикӣ кӯшишу эҳтимом менамоянд. Дар вохӯрии имсола низ ғамхории муҳтарам Эмомалӣ Раҳмон нисбат ба забони тоҷикӣ ба нуқтаи авҷи худ эҳсос гардид. Суханронии он кас дар мавриди имлои нави забони тоҷикӣ, баргардонишу нашри кутуби луғат ва эҳёи луғатнигории обоии тоҷикӣ қобили тавсиф аст. Ҳар кас, ки дар қалб меҳри миллат, модар ва забон дорад, ҳатман таҳтушшуои суханони ғамхоронаи Пешвои азизамон қарор гирифта, ба василаи он суханон эҳсосоти хештаншиносияш ба таҳрик медарояд. Агар дар асри Х Исмоили Сомонӣ гуфта буд “То ман ҳастам, бораи Бухоро ман бувам!”, имрӯз тамоми тоҷикони дунё (бале дунё, на танҳо тоҷикони Тоҷикистони азизи мо!) мутмаин бошанд, ки “То Эмомалӣ Раҳмон бувад, бораи забони шевои тоҷикӣ Ӯ бувад!”

 

Бораи шаҳди дарӣ аст Эмоми мо,

Пораи қалби дарӣ аст Эмоми мо.

 

Саидҷаъфаров Озод Шоҳвалиевич,                                                                             аъзои фаъоли ҲХДТ ноҳияи Сино

 


Вакти нашр: 2019-10-09 09:17:55    Хонданд: 43    Муфассал...

МАҶЛИСИ ТАНТАНАВӢ ДАР ТАШКИЛОТИ ИБТИДОИИ “САДОҚАТ”

       Дар ташкилоти ибтидоии “Садоқат” ба ифтихори 60 - умин солгарди таъсиёбии телевизиони тоҷик бо ҳайати кормандону аъзоёни ташкилоти ибтидоӣ маҷлиси тантанавӣ доир гардид.

       Вализода Муҳаммад - намояндаи Кумитаи иҷроияи ҲХДТ дар ноҳияи Шоҳмансур ҳайати рӯзноманигоронро ба ин муносибат аз номи Раёсати Кумитаи иҷроияи ҲХДТ дар ноҳияи Шоҳмансур таҳният намуда, иброз дошт, ки телевизион як рукни муҳиму дастгоҳи идеологии давлат маҳсуб мегардад. Дар тарғиби дастовардҳои истиқлолият, тарғиби арзишҳои миллӣ, ҳидояти насли ҷавон дар рӯҳияи ватанпарастӣ ва таҳкими Истиқлолияти давлатӣ телевизион нақши арзишманд дорад. Аз дастоварди истиқлоляти давлатӣ шумораи шабакаҳои телевизионӣ ба маротиб афзуда, сифати барномаҳо, сабт ва пахши онҳо низ хеле хуб гардида, барномаҳои мустақим, рӯ ба рӯ бо бинанда, тарбиявӣ ва фарҳангию сиёсӣ низ бою рангин гардидааст.

        Дар интиҳо ба cобиқадорону фаъолон туҳфаҳои хотиравӣ тақдим гардид.


Вакти нашр: 2019-10-09 10:07:21    Хонданд: 40    Муфассал...

Бонувон дар сиёсат

  Бо ташаббуси Кумитаи иҷроияи ҲХДТ дар ноҳияи Исмоили Сомонӣ дар ташкилоти ибтидоии ҳизбии "Истеъдод" миёни бонувони фаъоли кумитаву ташкилотҳои ибтидоии ҳизбии ноҳия курси омӯзишӣ таҳти унвони "Сарвариро меомӯзем"  доир гардид. Дар  он мудири шуъбаи кор бо занони Кумитаи иҷроияи ҲХДТ дар шаҳри Душанбе Заррина Зуҳурова, раиси собиқадорони ҲХДТ дар шаҳри Душанбе Умринисо Казакова, мутахассиси шуъбаи кор бо  занони Кумитаи иҷроияи ҲХДТ дар ноҳияи Исмоили Сомонӣ Шарипова Лайло иштирок ва суханронӣ намуданд.

          Нахуст Шарипова Л.-ба курси омӯзишӣ ҳусни ифтитоҳ бахшида, дар доираи баргузории курс ва иштироки занони болаёқату фаъолро дар сиёсат бобарор арзёбӣ намуданд. Заррина Зуҳурова-нисбати дастгириҳои давлату Ҳукумати мамлакат нисбат ба занон ва масъалаҳои марбут ба ҳаёти имрӯзаи бонувони мамлакат баланд унвон карда, нақши онҳоро дар тарбияи қадрҳои баландихтисос, хештаншинос, худогоҳ ва ватандӯст асосӣ шумориданд. Зикр гардид, ки Президенти Ҷумҳурии Тоҷикистон муҳтарам Эмомалӣ Раҳмон дар мавриди баланд бардоштани нақши занон дар ҷомеа ҳамеша таъкид менамоянд. Ба андешаи Сарвари давлат: «Занону модарони бонангу номуси мо ҳанӯз дар даврони ниҳоят мушкили оғози истиқлолият обрӯ ва шарафи мамлакатро ҳифз намуданд, ба хотири ҳифзи ҳуқуқи худ мисли гурдофаридҳо ба қиём баромаданд, дар таҳкими давлат, сулҳу субот ва ваҳдати миллӣ саҳми бисёр арзишманд гузоштанд».

       Казакова У.-дар баромади хеш қайд намуданд, ки хушбахтона, яке аз санадҳои нодир ва тақдирсоз оид ба тадбирҳои баланд бардоштани мақоми зан дар ҷомеа нақши калидӣ бозид, Фармони Президенти Ҷумҳурии Тоҷикистон аз 3 декабри соли 1999 «Дар бораи тадбирҳои баланд бардоштани мақоми зан дар ҷомеа» мебошад.Фармони мазкур таъмини иштироки фаъолонаи занонро дар ҳаёти ҷамъиятӣ ва идоракунии давлат, баланд бардоштани мақоми иҷтимоии зан ва солим гардонии генофонди миллӣ ва баланд бардоштани нақши занро дар таҳкими пояҳои ахлоқию маънавӣ ва сулҳу ваҳдат муқаррар намуд.
Чорабинӣ бо натиҷагирӣ аз суханрониҳои иштирокчиён ҷиҳати ҳаллу баррасии муаммоҳои ҷойдошта дар самти баланд бардоштани фаъолнокии иҷтимоӣ ва сиёсии занон ва таҳлилу баррасии иҷрои барномаҳои давлатӣ дар ин самт ҷамъбаст гардид.

 


Вакти нашр: 2019-10-10 09:25:29    Хонданд: 76    Муфассал...

АВВАЛИН ФОРУМИ ҶУМҲУРИЯВИИ ЗАНОН

9-уми октябри соли 2019 дар Китобхонаи мил­лии Тоҷикистон зери сарпарастии сафири Созмо­ни байналмилалии «Занони сиёсатмадори роҳбар» Раҳмон Озода Эмомалӣ аввалин Форуми ҷумҳуриявии занон дар таърихи Тоҷикистон таҳти унвони «Баланд бардоштани маърифати сиёсиву ҳуқуқии занону ҷавондухтарон – омили рушди суботи

ҷомеа» доир гардид.

Форуми мазкур, ки аз ҷониби Кумитаи кор бо ҷавонон ва варзиши назди Ҳуку­мати Ҷумҳурии Тоҷикистон дар ҳамкорӣ бо вазорату идораҳо ва шарикони рушд роҳандозӣ шуд, бо сухани ифтитоҳии раиси Кумитаи кор бо ҷавонон ва вар­зиш Аҳтам Абдуллозода ба кори худ оѓоз кард.

Дар он сардори раёсати илму маъ­рифати Дастгоҳи иҷроияи Президенти Ҷумҳурии Тоҷикистон Руқия Абдухолиқ­зода, муовини Раиси Маҷлиси намоян­дагони Маҷлиси Олии ҶТ Хайринисо Юсуфӣ, вазири меҳнат, муҳоҷират ва шуғли аҳолӣ Сумангул Тағойзода, раи­сони кумитаҳои кор бо занон ва оила, рушди сайёҳии назди Ҳукумати ҶТ Иди­гул Қосимзода, Нўъмон Абдуѓаффорзо­да, роҳбари барномаҳои СММ Пратибҳа Мехта, муовини Раиси шаҳри Душанбе Мавсума Муинӣ, инчунин намояндаго­ни як қатор вазорату идораҳои давлатӣ иштирок ва суханронӣ карданд.

Маърўзачиён асосан ба масоили мар­бут ба занон, аз ҷумла гаравиши занону бонувон ба омилҳои номатлуби иҷтимоӣ, фаъолияти онҳо дар идоракунии дав­латӣ, нақши эшон дар илм ва инноват­сия, рушди соҳаи сайёҳӣ ва фаъолияти соҳибкорӣ дахл намуда, фикру мулоҳи­заҳои ҷолиб манзур карданд.

Нотиқон ҳадаф аз баргузории Форуми ҷумҳуриявии занону бонувонро ин татбиқи амалии дастгириҳои Ҳукумати Ҷумҳурии Тоҷикистон нисбат ба занону бонувон маъ­нидод карданд.

Гуфта шуд, ки тўли 28 соли соҳибистиқлолӣ дар заминаи сиёсати оқилонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон барои занону бонувони кишвар имконоти мусоид фароҳам оварда, мавқеи Зан – Модар дар ҷомеа бо қабули қарору қо­нунҳои мушаххас баланд бардошта шуд.

Дар қисми дуюми Форум, ки аз ҳафт бахш иборат буд, коршиносони соҳа масъалаҳои вобаста ба занон ва муш­килоти ҳаёти онҳоро мавриди баррасӣ қарор доданд.

Бояд гуфт, ки дар қисми дуюми Фо­рум дар баробари намояндагони дигар сохторҳои давлатӣ муовини раиси Куми­таи иҷроияи ҲХДТ дар шаҳри Душанбе Дилбар Абдураҳимова баромад намуда, атрофи пешгирии шомилшавии занону ҷавондухтарон ба гурўҳҳои ифротӣ ибро­зи андеша кард.

Ҳамин тариқ, қабули қатъномаи Фо­руми ҷумҳуриявии занон дар соли 2019 анҷомбахши кори он гардид.


Вакти нашр: 2019-10-10 10:15:22    Хонданд: 93    Муфассал...

ВАҚТЕ ҚАВЛ БО АМАЛ ЯК АСТ...

       Асосгузори сулҳу ваҳдати миллӣ Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон пайваста таъкид менамоянд, ки ҳар қадар солҳо сипарӣ шаванд, ҳамон қадар аҳамияти сулҳу ваҳдати миллӣ барои халқу давлати Тоҷикистон равшантар мешавад. Ҳадафҳои созандагӣ, ҷаҳду талошҳои пайгирона, ормонҳои волои истиқлолият ва сулҳу ваҳдат ҳидоятгари мо ба сӯи ояндаи нек ва зиндагии осоиштаву осудаҳолона мебошанд. Мо бояд масъалаи сарҷамъиву иттиҳоди миллат, ваҳдати миллӣ, инчунин аҳамият ва зарурати ҳифзи ин неъматҳои ниҳоят муқаддаси халқамонро ҳеҷ гоҳ аз мадди назар дур насозем. Таърихи Истиқлолияти давлатии Ҷумҳурии Тоҷикистон собит намуд, ки кору пайкори Пешвои миллат бо каломи оташину созандаи ӯ пайванди ногусастанӣ доранд. Тавъам будани гуфтору амал аз волотарин сифатҳои сарварист. Пешвои миллат бо эҳсоси бузурги ватандӯстӣ ва меҳру муҳаббати бепоён ба халқу диёр гуфта буданд: «Ман қасам ёд мекунам, ки тамоми донишу таҷрибаамро барои дар ҳар хона ва ҳар оила барқарор шудани сулҳ равона карда, барои гулгулшукуфии Ватани азизам садоқатмандона меҳнат мекунам. Барои ноил шудан ба ин нияти муқаддас, агар лозим шавад, ҷон нисор мекунам, чунки ман ба ояндаи неки Ватанам ва ҳаёти хушбахтонаи халқи азияткашидаам бовар дорам». Дар он лаҳзаҳои ҳассоси сарнавиштсоз, дар он рӯзҳои мудҳише, ки оқибати рӯзгор ва давлатдории тоҷикон норӯшан буд, на ҳар сарвар ба изҳори чунин савганди бузург ҷуръат мекард. Табиист, ки дар он рӯзҳо бисёр сарварони дигар аз ҷуръати ин ҷавонмарди акнун пой ба остонаи мақоми роҳбарии давлат гузошта ангушти ҳайрат газиданд. Пас аз анҷоми Иҷлосияи таърихии XVI Шӯрои Олии Ҷумҳурии Тоҷикистон нахуст гуфтушунидҳо, ҷалби сиёсатдонҳо, зиёиёни пешқадам, адибон ва мардуми бофарҳанги ватандӯст ба сари мизҳои музокироти сулҳу оштӣ, ба Ватан баргардондани гурезагон, даъват ва бовар кунондани ҷомеаи ҷаҳонӣ ба ниятҳои неку созандаи давлату миллати шарафманди тоҷикон оғоз ёфт ва ниҳоят, 27-уми июни соли 1997 дар шаҳри Москва Созишномаи умумии истиқрори сулҳ ва ризоияти миллӣ ба имзо расид. Ниятҳо ва ҷаҳду талошҳои Пешвои миллат саршори маъниҳои сулҳу субот, таҳкими ваҳдати миллӣ, дӯстию рафоқат, таъмини якпорчагии Тоҷикистони азиз мебошанд. «Ҳамаи моро зарур аст, ки, - гаштаю баргашта таъкид мекунанд Пешвои миллат, - баробари шукронаву ифтихор кардан аз Ватани аҷдодиву давлати соҳибистиқлоламон тамоми азму талоши худро ба таҳкими ваҳдати миллӣ ва сарҷамъии миллат равона карда, ободии имрӯзу фардои кишварро таъмин намоем ва нагузорем, ки андешаҳои бегонапарастӣ, ифротгароиву тахрибкорӣ, тундравию таассуб ба тафаккури мардуми мо, бахусус ҷавонон, нуфуз пайдо кунанд».
      Муҳимтар аз ҳама, Пешвои миллат муҳтарам Эмомалӣ Раҳмон ин маъниҳоро ҳамчун мураббӣ ва раҳнамои маънавии миллат тавассути суханрониҳои ҳикматомӯзу раҳнамунсози худ ба мардум омӯзонд, дар шуури хурду калон ҷойгузин намуд, ҳисси миллиро дар зеҳни мардум бедор кард ва ҳоло ҳеҷ қуввае наметавонад меҳру муҳаббат ва садоқати дар дилу ҷони мардум решадавондаро нисбат ба Ватан, дастовардҳои истиқлолият, арзишҳои миллӣ ва билохира, эътиқоду эътимоди нисбат ба шахсияти Сарвари хирадманди давлат доштаи халқро аз ниҳоди онҳо берун созад. Оре, мардум ҳамеша беҳтарин маъниҳои зиндагиро аз хирадмандон – раҳбару раҳнамои худ меомӯзад. Ҳар як гуфтор, рафтор ва пиндори неки Пешвои миллат сабақи бузурги ҳаётист барои намояндагони наслҳои он солҳои мудҳиш ва намояндагони даврони имрӯзи гулгулшукуфони Тоҷикистони маҳбуб. Халқи таърихан ва табиатан сулҳдӯсту фарҳангпарвари мо ба донишу фарҳанги аз суннату оинҳои гузаштагонамон ба мерос гирифтаи худ, ки таҷассумгари орзую ормонҳои миллӣ буда, аз андешаҳои миллӣ – дӯстию рафоқат, сулҳу осоиш, ваҳдату ҳамдигарфаҳмӣ сарчашма мегиранд, торафт таҳким мебахшад.
     Имрӯз ҳамагон ба хубӣ дарк менамоянд, ки неъмате волотар аз истиқлолияту озодӣ, давлати миллӣ ва таъмини якпорчагии Ватани маҳбуб нахоҳад буд. Созандагию бунёдкорӣ ҳадафҳои аслии насли имрӯзу ояндаро ташкил медиҳанд. Маҳз сулҳу субот имкон фароҳам овардаанд, ки тамоми соҳаҳои хоҷагии халқи мамлакат баробар рушд намоянд, барномаву нақшаҳои нав ба нави тараққиёти иқтисодиву иҷтимоии кишвар мунтазам татбиқ гарданд. Имрӯз дар ҷомеа ва ҳар хонавода фарҳанги сулҳ ва ваҳдати бадастомада, ки арзишҳои муқаддаси миллӣ маҳсуб меёбанд, хеле хуб қадр ва ҳифз карда мешаванд. Зеро пойдории Истиқлолияти давлатӣ ва баланд шудани обрӯю нуфузи байналмилалии тоҷикон бар ҳамин арзишҳо асос ёфтаанд.

А.ШАРИФОВ, аъзои ҲХДТ
 

 


Вакти нашр: 2019-10-10 15:05:23    Хонданд: 33    Муфассал...

ВОХӮРИИ СУДМАНД ҶИҲАТИ ПЕШГИРИИ ҶУДОШАВИИ ОИЛАҲОИ ҶАВОН

       Кумитаи иҷроияи Ҳизби Халқии Демократии Тоҷикистон дар ноҳияи Синои шаҳри Душанбе ҷиҳати дар амал  татбиқ намудани дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, Раиси муаззами Ҳизби Халқии Демократии Тоҷикистон муҳтарам Эмомалӣ Раҳмон дар Маҷлиси Кумитаи Иҷроияи Марказии Ҳизби Халқии Демократии Тоҷикистон, ки 27 сентябри соли 2019 баргузор гардид, ҷадвали баргузории суҳбату вохӯриҳоро “Оид ба пешгирии ҷудошавии оилаҳои ҷавон” таҳия ва тасдиқ намуд.

      Дар асоси нақшаи мазкур,  дар толори Донишгоҳи давлатии молия ва иқтисоди Тоҷикистон  бо иштироки Юнусова Р.С.-мудири шуъбаи кор бо занони КИ ҲХДТ дар ноҳияи Синои шаҳри Душанбе, Қодирова Б.-ноиби ректори Донишгоҳи давлатии молия ва иқтисоди Тоҷикистон, Шарифзода С.-судяи Суди ноҳияи Синои шаҳри Душанбе, Раҳмон Г.- мудири бахши САҲШ-и ноҳияи Синои шаҳри Душанбе ва Латипова Г.-вакили Маҷлиси вакилони халқи ноҳияи Синои шаҳри Душанбе бо донишҷӯдухтарони Донишгоҳи мазкур вохӯрӣ доир гардид.

      Баромадкунандагон  зимни баромади хеш қайд карданд, ки вакте, мо оила мегуем, зери ин мафҳум мухимтарин ячейкаи ҷамъияту давлатро мебинем. Ин аст, ки интихоби дуруст дар бунёди оила омили мухими мустаҳкамии ҷамъият ва ободии давлат аст. Аз ин рў пеш аз барпо намудани оила ҳар шаҳрванд бояд паҳлуҳои гуногунҷабхаи ҳаёти оилавиро мавриди омузиш қарор дода, урфу одатҳои миллї, ҳурмату эҳтироми тарафҳо, муносибати хуби зану шавҳарї ва маънои зиндагиро хуб дарк карда тавонад. Эҳтиёткор будану ҳамқадами ҳаётро ҳамаҷониба омухтан барои онҳое, ки бори нахуст ба зиндагї қадам мегузоранд гумон мекунем, ки талаботи аввалиндараҷа аст.  

 


Вакти нашр: 2019-10-10 15:14:09    Хонданд: 81    Муфассал...

ҲИЗБЕ, КИ ҲАДАФҲОЯШ НАҶИБУ ОЛИЯНД

Мутобиқи супориши протоколии маҷлиси назоратии назди Кумитаи иҷроияи ҲХДТ дар шаҳри Душанбе ва нақша-чорабиниҳои Кумитаи иҷроияи ҳизбии ноҳияи Фирдавсӣ ҷиҳати тарғибу ташвиқи дастовардҳои замони соҳибистиқлолӣ дар ташкилоти ибтидоии “Ирфон” соати сиёсӣ  доир  гардид.

       Убайдулло Қурбонзода, муовини раис-роҳбари дастгоҳи Кумитаи иҷроияи ҳизбии ноҳияи Фирдавсӣ роҷеъ ба дастовардҳои замони соҳибистиқлолӣ ибрози назар намуда,  қайд кард, ки дар ин давра даҳҳо неругоҳҳои хурду бузург, бахусус, иншооти аср НБО - “Роғун”, ҳазорҳо киломметр роҳҳо, садҳо муассисаҳои таълимӣ бунёд гардиданд. Ҷараёни корҳои созандагиву бунёдкорӣ имрӯз идома дошта, ҷиҳати татбиқи ҳадафи чоруми миллӣ-саноатикунонии мамлакат ҳадафу иқдомҳои наҷиб амалӣ гардида истодаанд. Мавсуф, ҳамзамон роҷеъ ба нақши ҲХДТ дар таҳкими сулҳу субот ва рушду пешрафти мамлакат ибрози андеша намуд.


Вакти нашр: 2019-10-11 11:08:11    Хонданд: 27    Муфассал...

ХОИНОНИ ШИКАСТАВУ РЕХТА

Ташкилоти экстремистию террористии Ҳизби наҳзати исломӣ (ТЭТ ҲНИ) ҳизби тундгарову сузанда буда, сабаби ҷангу хунрезӣ ва ҷанги шаҳрвандӣ дар Тоҷикистон буда, гунаҳгори асосии фалаҷ гардидани низоми сиёсию иқтисодии кишвар дар солҳои навадуми асри гузашта мебошад. Ин ташкилот аз оғози фаъолияташ зидди манфиатҳои миллии Тоҷикистон ва ҳуқуқу озодиҳои инсон мебошад. Амалҳои роҳбарият ва фаъолони ин ҳизб ҳамагӣ ҷиноятҳое буданд, ки бар зарари миллати тоҷик равона гардидаанд. Куштори шумораи зиёди зиёиён ва озодандешоне, ки ба онҳо аз ҷониби саркардагон ва тарафдорони ТЭТ ҲНИ тамғаи кофир зада шуда буд, далели гуфтаҳои болост. Ҳадафи асосии ин ҳизб на бар пояи демократия ва адолати иҷтимоӣ, балки бар пояи хушунату бадбинӣ ва бартариҷӯии динию мазҳабӣ устувор аст.
Бозӣ кардан бо эҳсосоти диниву мазҳабии мардум усули асосии фаъолияти таърибкоронаи ин ҳизб буд. Онҳо мехостанд бо роҳи моҷароҳои мазҳабиву динӣ асос ва пояҳои давлатдории навини тоҷиконро хароб карда, Тоҷикистонро ба мустамликаи нав табдил диҳанд. Вазъи давлатҳои Сурияву Ироқро таҳлил карда, ба хулосае омадан мумкин аст, ки бояд дар масъалаи мазҳаб ҳеҷ гоҳ бегонапарастӣ накунем. Он низоми мазҳабие, ки дар сарзамини мо садсолаҳо амал мекунад, бояд ҳифз карда шавад. Низомеро, ки дар Тоҷикистон аст ва дар он суннимазҳабон ва шиамазҳабон дар ваҳдати комил умр ба сар мебаранд, бояд чун гавҳараки чаши нигоҳ дорем. Имрӯзҳо мо шоҳид ҳастем, баъзе ҳизбу ҳаракатҳои ифротию терористӣ бо дастгирии давлатҳои дигар мехостанд ва ҳоло ҳам кӯшиш карда истодаанд, ки унсурҳои мазҳаби бегонаро ба давлати мо ворид кунанд ва сенарияи Сурияро дар Тоҷикистон роҳандозӣ кунанд. Хушбахтона зери роҳбарии хирадмандона ва дурандешонаи Пешвои миллат ва корҳои шабонарӯзии мақомотҳои қудратии кишвар ба душманони давлати мо муяссар намегардад, ки дар Тоҷикистони азизи мо ҷанги мазҳабиро роҳандозӣ кунанд. Давлату ҳукумат ҳамаи чораҳои имконпазирро андешида истодаанд. Аммо ҳар як шаҳрванди мамлакат бояд дар раванди мубориза бо бегонапарстӣ фаъол бошанду саҳми худро дар таъмини амнияти миллӣ гузоранд.

      Намунаи олии ваҳдати мазҳабӣ дар кишвари мо бо ибтикори Пешвои миллат соли 2009 эълон гаштани соли Имоми Аъзам мебошад, ки ҳанӯз бояд ҳадафҳои гузоштаи ин сол садсолаҳои дигар барои мо тоҷикистониён дарси ибрат бошад. Аммо чунин оромӣ ва пешравиҳои моро на ҳама қувваҳо қудрати дидан доранд. Душманони давлати тоҷикон махсусан Ҳизби наҳзат, ки сирф экстремистию террористӣ аст, бо ҳар роҳ мехост ва ҳоло ҳам мехоҳад ба сари мардуми тоҷик мазҳаби бегонаро бор карда, ваҳдату якдилии миллати тоҷикро аз байн барад. Худи наҳзатиҳо алалхусус роҳбарияти олии он ҳамагӣ бар ивази маблағгузориҳо ва кумакҳои роҳбарияти баъзе давлатҳои «дӯст» мазҳаби дигарро қабул карданд ва ба хоҷагони худ ваъда додаанд, ки ин мазҳабро ба сари мардуми тоҷик бор мекунанд. Лекин мо-мардуми оддӣ ба душманон муроҷиат карда, гуфтанием, ки шумо ҳеҷ гоҳ ба мақсадҳои нопоки худ намерасед. Зеро мо қадри ин тинҷиву оромӣ ва суботу пешравиҳоро медонем ва намегузорем, ки ягон қувваи аҳриманӣ ниятҳои ифлоси худро дар ватани мо амалӣ кунад.


Зулфия Мирзоева
Нигора Файзуллоева
аъзои фаъоли ҲХДТ ноҳияи Сино

 

 


Вакти нашр: 2019-10-11 13:41:52    Хонданд: 34    Муфассал...

Маҷлиси ҳизбӣ дар ташкилоти ибтидоии «Қомуснигор»

        Бо иштироки масъулини Кумитаи иҷроияи ҲХДТ дар ноҳияи Фирдавсӣ   дар ташкилоти ибтидоии “Қомуснигор” маҷлиси ҳизбӣ доир гардид.

        Нахуст,  Фаридун Маҳмадуллоев, раиси ташкилоти ибтидоӣ роҷеъ ба фаъолияти  нуҳмоҳаи ташкилоти ибтидоии мазкур иттилоъ дода,  таъкид намуд, ки ҲХДТ ҳизбест, ки аз оғоз то имрӯз аз манфиатҳои миллӣ ҳимоя намуда, дар таҳкими сулҳу субот, ваҳдату якдилӣ, рушди иқтисодиву иҷтимоӣ нақши муассир ва хоса дорад. Мо аъзоён,  заҳматҳои  шабонарӯзии  Ҳукумати  мамлакат ва Пешвои миллат, муҳтарам Эмомалӣ  Раҳмонро  баҳри  ин давлату  миллат қадр мекунем ва мекӯшем дар фаъолияти ҳамарӯза дар татбиқи ҳадафҳои созандаву бунёдкорона ва барномаи бисёрҷанбаву судманд чун як аъзои ҳизб ва чун як шаҳрванд саҳм гузорем.

        Убайдулло Қурбонзода, муовини раис-роҳбари дастгоҳи Кумитаи иҷроияи ҳизбии ноҳияи Фирдавсӣ роҷеъ ба дастовардҳои соҳибистиқлолӣ  ҳарф  зада,  таъкид намуд, ки дар ин давраи кӯтоҳ   Тоҷикистон ба дастовардҳои бузург ноил гардид, ки дар таърих бесобиқа аст.  Мавсуф,  дар мавриди татбиқи ҳадафҳои стратегӣ, ҳадафи чоруми миллӣ-саноатикунонии мамлакат, ҳифзи дастовардҳои соҳибистиқлолӣ, фарҳанги миллӣ, тарбияи насли наврас дар рӯҳияи худшиносии миллӣ ва ватандӯстӣ ибрози андеша намуд.


Вакти нашр: 2019-10-11 14:46:57    Хонданд: 34    Муфассал...

МАҶЛИСИ ҲИСОБОТИИ ИНТИХОБОТИИ ТАШКИЛОТИ ИБТИДОИИ “ ҲАРАКАТИ ОЛИМПӢ”

      Бо иштироки Гулаҳмадзода Зулфиқор Аҳмад-Раиси Кумитаи иљроияи ҲХДТ дар ноҳияи Шоҳмансур дар ташкилоти ибтидоии «Ҳаракати олимпӣ» маљлиси ҳисоботӣ-интихоботӣ доир гардид.

     Абдуллозода Маҳмадшоҳ-раиси ташкилоти ибтидоии “Ҳаракати олимпӣ” вобаста ба фаъолияти  ташкилот ҳисобот дода, зикр кард, ки ҳар сол  дар доираи сиёсати варзишпарваронаи Раиси муаззами ҲХДТ муҳтарам Эмомалӣ Раҳмон намудҳои гуногуни бозиҳои олимпӣ ба мусобиқаҳои байналмилалӣ сафарбар гардида, шарафи варзиши Тоҷикистонро боло мебардоранд. Иқдоми бамавриди соҳа ин аст, ки баъди бозгашт аз мусобиқоти байналмилаливу байнидавлатӣ варзишгарон дар фурудгоҳи байналмилалӣ  бо шукуҳи хоса истиқбол   мегарданд.

      Сипас,  аъзоёни ташкилот дар музокира ба сухан баромада, ҳисоботро қаноатбахш арзёбӣ намуданд. Бо овоздиҳии кушод ва ҷонибдории аъзоёни ташкилоти ибтидоӣ раис ва муовини ӯ интихоб гардиданд.
      Ҳизби Халқии Демократии Тоҷикистон ягона ҳизби сиёсиест, ки дар давраи Истиқлолияти давлатӣ сиёсати идеологии солими миллиро тарғиб ва татбиқ  мекунад. Ин нуктаро дар баромади худ Гуҳмадзода Зулфиқор Аҳмад хуб арзёбӣ намуда, таъкид кард, ки як варзишгар барои ба ҳадаф расидан тамоми имконот ва қудрати дар дастдоштаро истифода мебарад, яъне садоқат ба Ватан, миллат ва Раиси муаззами ҲХДТ, Президенти  кишвар  муҳтарам Эмомалӣ Раҳмон аз ҳар аъзои ҳизб тақозо мегардад ва барои якпорчагии давлату миллат талош бояд кард.

 


Вакти нашр: 2019-10-14 14:54:11    Хонданд: 54    Муфассал...

Кӯмаки амалӣ-методӣ дар ташкилоти ибтидоии “Наврасон”

Бо иштироки кормандони масъули Кумитаи иљроияи ҲХДТ дар ноҳияи Шоҳмансур  дар   ташкилоти ибтидоии “Наврасон” ҷиҳати танзими фаъолияти расмӣ-коргузорӣ, кӯмаки амалӣ-методӣ расонида шуд. Гуруҳи корӣ тавассути саволномаи пешакӣ омодагардида, аз рафти фаъолияти ташкилоти ибтидоӣ ва ҳуҷҷатгузории ҳизбии он дидан намуда, барои беҳбуд бахшидани корҳои ҳизбӣ ва зиёд гардонидани сафи аъзоёни ҳизб тавсияву маслиҳатҳои муфид доданд. Бояд қайд кард, ки ташкилоти ибтидоии “Наврасон” дар пешбурди кори ҳизбӣ саҳмгузор буда, барои дастгирии сиёсати пешгирифтаи давлату Ҳукумат ва таълиму тарбияи насли наврас нақши назаррас дорад.

 


Вакти нашр: 2019-10-14 15:01:22    Хонданд: 26    Муфассал...

МАҶЛИСИ ҲИСОБОТӢ-ИНТИХОБОТӢ ДАР ТАШКИЛОТИ ИБТИДОИИ «НОҚИЛИ ТАЛКО»

Дар ташкилоти ибтидоии “Ноқили ТАЛКО” бо иштироки мутахассиси Кумитаи иҷроияи Ҳизби Халқии Демократии Тоҷикистон дар ноҳияи Синои шаҳри Душанбе - Розиқ Нурзод, раиси ташкилоти ибтидоии ҳизбӣ - Исматзода М., ва аъзои ҳизб маҷлиси ҳисоботӣ-интихоботии ташкилоти ибтидоӣ  доир гардид.

      Дар он сараввал ҳисоботи муовини раиси ташкилоти ибтидоии “Ноқили ТАЛКО” оид ба фаъолияти ташкилоти ибтидоӣ шунида шуд.
 Сипас,  Нурзод Р. оид ба дастуру супоришҳои Асосгузори сулҳу ваҳдати миллӣ – Пешвои миллат, Раиси муаззами Ҳизби Халқии Демократии Тоҷикистон муҳтарам Эмомалӣ Раҳмон дар Маҷлиси Кумитаи Иҷроияи Марказии ҲХДТ, ки санаи аз 27 сентябри соли 2019 баргузор гардид, суханронӣ намуд.

       Ҳамзамон, дар асоси талаботҳои Оинномаи Ҳизби Халқии Демократии Тоҷикистон доир ба масъалаҳои гузошташуда дар маҷлиси ҳисоботӣ-интихоботӣ қарорҳои дахлдор қабул гардид.


Вакти нашр: 2019-10-14 15:58:15    Хонданд: 31    Муфассал...

ДАЪВОИ ОЗОДӢ ВА ТИҶОРАТИИ ҲУҚУҚИ БАШАР

      Рӯзҳои 16 - 26 сентябр дар Варшава - пойтахти Лаҳистон нишасти Созмони амният ва ҳамкории Аврупо оид ба вазъи ҳуқуқи башар баргузор гардид, ки дар он ҳайати Ҳукумати Тоҷикистон ва мухолифони он (дурусттараш ҷинояткорони фирорӣ) ширкат варзиданд. Пас аз кӯшиши табаддулоти соли 2015, ин чорумин нишастест, ки ба майдони баҳси намояндагони Ҳукумат ва мухолифон табдил мешавад. Онҳое, ки хешро мухолифин эълон карданд, аксаран, нафаронеанд, ки ба ҷиноятҳои сахт ва зиддиинсонӣ даст зада, аъзои ташкилоти террористии дар Тоҷикистон мамнӯи наҳзатӣ мебошанд ва барои худро аз қабзаи ҷиноят орӣ нишон додан ва пайдо намудани сармоягузорӣ, дастрасӣ ва тамдид намудани мақоми паноҳандагии сиёсӣ ҳамасола нишастҳои САҲА - ро мавриди баҳс ва пархош қарор медиҳанд.

      Мусаллам аст, ки ташкилоти террористии дар Тоҷикистон мамнӯи наҳзатӣ аз бунёд зидди озодии инсон буда, дар замони фаъолияти хеш ҳазорон ҷиноётеро муртакиб шудааст, ки бар алайҳи ҳуқуқу озодиҳои инсонанд. Инҳо чанд рӯ доранд ва ба мисли буқаламун дар ҳар шароит ранги хешро иваз мекунанд. Муддате, ки дар дохили кишвар буданд, хешро дифогари арзишҳо ва ормонҳои исломӣ вонамуд месохтанд, ҳарчанд пас аз касби истиқлол ва аз байн рафтани идеологияи шӯравӣ озодиҳои динию мазҳабӣ дар кишвар ба тарзи густурда ба роҳ монда шуда, дар ин муддат ҳазорон масҷид ва маконҳои ибодат ба вуҷуд омада, мардум ҳамасола маросиму маносики динию мазҳабии хешро озодона анҷом медоданд ва айни ҳол низ озодона анҷом медиҳанд. Вале барои ин гурӯҳи шайёд ва тоҷир озодиҳои мазҳабӣ ба як шиор табдил ёфта, тавассути он худро мудофеи аслии дину мазҳаб на танҳо дар Тоҷикистон, балки дар минтақа эълон намуда, аз кишварҳо ва созмонҳои исломӣ маблағҳои ҳангуфт даромад мекарданд. Он замон, дар дохили кишвар аз ин роҳ ҳазорон бозору дукон ва ширкатҳои хешро фаъол намуда буданд. Зиёдшавии сармоя хоҳиши онҳоро боз ҳам боло бурда, кор то ба ҳадде расид, ки барои ба даст овардани қудрати сиёсӣ ба тариқи зӯрӣ ва аслиҳа даст ба чунин ҷиноят заданд.
Пас аз шикасти кӯшиши табаддулоти сентябрии соли 2015 ва ошкор шудани аъмоли ҷиноятии ин гурӯҳ, иддае аз онҳо боздошт ва иддаи дигар фирорӣ гашт. Гурӯҳи фирорӣ чун ба идеологияи худашон содиқ набуданд ва хуб медонистанд, ки кишварҳои низоми динӣ ба онҳо паноҳгоҳ нахоҳанд дод, рӯ ҷониби Аврупо оварданд. Бо расидан ба Аврупо ба таъмири косметикии зоҳири худ гузаштанд. Ором - ором ҷелаку дастор ва шалвору риши охундии хешро канор гузошта, худро ба шароити Аврупо мутобиқ намуданд. Акнун барои онҳо ҳуқуқи башар ва озодиҳои инсон ба шиор табдил ёфта, роҳҳои ба бизнес табдил додани онро андеша намуданд. Ҳамин аст, ки дар чор соли охир барои гул задани аврупоиҳо, махсусан дар соли 2018 гурӯҳҳои наҳзатиро ба қисмҳо тақсим карда, гӯё созмонеро бо номи «Паймони миллии Тоҷикистон» таъсис доданд. Яъне сарварони наҳзатӣ дар Аврупо ба натиҷае расиданд, ки дигар дар дукони Аврупо исломи сиёсӣ чандон харидоре надорад ва пас аз воқеаҳои 11 сентябри 2001 дар Амрико, ки терроризми динӣ дар шакли бисёр хашин зуҳур кард, аврупоиён ва, умуман, ҷомеаи ҷаҳонӣ аз ҳизбу ҳаракатҳои исломӣ як андоза тарс ва нобоварӣ доранд. Ҳамин буд, ки ин гурӯҳ 180 дараҷа тағйири зоҳирӣ намуда, гӯиши хешро аз арзишу озодиҳои динӣ ба арзишу озодиҳои инсонӣ кашонданд. Яъне, акнун барои нафароне, ки ҳамеша дар зарфи фаъолияти хеш аз табъизи динӣ, ҷинсӣ кор гирифта буданд, ҳуқуқу озодиҳои инсон тӯтивор ба гӯиши ҳамасола табдил ёфт. Касоне, ки дирӯз дар навиштаҳояшон дигарандешу бовармандони дигар дину мазҳабҳоро мавриди таҳқир қарор медоданд, акнун аз озодиҳои динӣ ҳарф мезаданд ва худро мутамаддину мудофеи ҳуқуқи башар ба ҷилва дармеоварданд. Ҳамон собиқ аъзои наҳзат ва ҳаводорони онҳо бо номҳои болохонадор аз қабили «анҷумани озодандешон», «анҷумани муҳоҷирон», «ислоҳот ва рушд» ва амсоли ин номгузорӣ карданд. Сарони наҳзатӣ гумон мекунанд аз чунин номгузорӣ гӯё воқеияти онҳо тағйир меёбад ва ҳама мардуми ҷаҳон қабул меварзанд, ки афкору андешаи ин гурӯҳ дигар шуда ва ба сатҳи мутамаддину ҳуқуқи башар расида бошад. Акнун тайи ин чанд соли ахир онҳо ҳуқуқу озодиҳои инсонро ба шиори хеш табдил дода, пушти дари САҲА - ро ба охурчаи хеш табдил додаанд. Ҳамин аст, ки чор соли ахир шайёдони тоҷири ҳуқуқи башар давоми як сол нақша мекашанд ва тарроҳӣ мекунанд, ки дар саҳнаи САҲА кӣ ва чӣ гуна нақшро ба иҷро дароварад.

      Нишасти соли ҷорӣ ҳам давоми ҳамон мазҳакаҳои наҳзатӣ буд. Ин бор низ роҳбари фирории ташкилоти террористии наҳзатӣ ва ҳампаймононаш нишасти САҲА - ро ба мазҳака табдил доданд, ба ҷуз аз доду вой, бечоранолӣ ва таҳқиру ҳақорат чизи дигаре дар ин нишаст вуҷуд надошт. Дар бахши аввал, ки барои гуфтушуниди тарафҳо имкони баҳс фароҳам буд, пайравони наҳзат аз доираи одоби баҳс берун шуда, онро ба майдони пархош табдил доданд. Шояд гумон мекунанд, ки доду вой гуфтан ва пархошгарӣ кардан натиҷаи пирӯзӣ бошад. Дарвоқеъ пархошгарӣ яке аз хусусиятҳои меҳварии ин гурӯҳ аст, ки он аз тарзи андешаву тафаккур ва идеологияву ҷаҳонбинии онҳо маншаъ мегирад. Дар ин нишаст роҳбари фирории ташкилоти террористии наҳзатӣ кӯшиш намудааст, баъзе аз чеҳраҳоеро ба хотири собит намудани «дигар шудани ширкатдорон» ҳамроҳ намояд. Вале ин «дигарҳо» низ ҳамонҳоеанд, ки гумроҳона бо папулизми сарони наҳзатӣ дода шудаанд ва дар хаёлашон худро инсонҳои бартари сайёра ва озодибахши башарият тасаввур мекунанд. Лекин, рӯзе ба ин натиҷа хоҳанд расид, ки онҳоро ба ҳайси васила истифода намудаанд. Ин шеваро наҳзатиҳо борҳо такрор карда, махсусан дар даҳаи навади садаи гузашта даҳҳо донишмандону шахсони варзидаро суиистифода ва беобрӯ кардаанд.

      Ҳамаи баромадҳои наҳзатӣ пур аз дурӯғу тавтеа бечоранолӣ ва судҷӯӣ буд. Дар баромадҳои Насрулло Раҳмонов, ки бобати озодии матбуот ҳарф зад, аз баста шудани расонаҳое аз қабили «Озодагон» ва «Тоҷнюс» - у дигарон ёд кард ва даъво пеш овард, ки гӯё онҳо бо таъсир ва фишору таъзйиқи Ҳукумат ва ниҳодҳои амниятӣ баста шуда бошанд. Мусаллам аст, ки то замони фаъолият дар дохили кишвар, вобаста аз пулу даромадҳои хеш ташкилоти террористии дар Тоҷикистон мамнӯи наҳзатӣ чандин оҷонсӣ ва нашрияву рӯзномаҳоро ба воситаву бевосита сарпарастӣ мекард. Ва далели ин гуфтаҳо метавонанд, матолиби нашркардаи он замони ин расонаҳо дар тамҷид ва таърифи ин ҳизб бошад. Ва табиист, ки пас аз мамнӯъ шудани фаъолияти ҳизби мазкур дар кишвар онҳо дигар имкони молиявии фаъолият надоштанд. Ҳамин буд, ки аз фаъолият бозмонданд ва имрӯз ба ҷуз аз ин расонаҳо дигар расонаҳо фаъоланд. Ин оҷонсиҳо ва хабаргузориҳои басташуда дар шакли дигар ва номи дигар хориҷ аз кишвар фаъолият доранд. Ҳамин тавр, ин масъаларо Азиза Шерова ва Темури Варқӣ низ пайгирӣ карданд ва ҳамон як маром озору гилояро гӯё дар набуди фазои бози иттилоотӣ ба оҳу нола кашиданд. Агар ба умқи нолаҳои онҳо гӯш диҳӣ, фақат як сир ниҳон аст, имрӯз дар дохил расонаи озод нест ва бояд барои расонаҳои берунӣ пулу сармоя ба даст оваранд, то фазои дурӯғпардозии хешро тақвият бахшанд ва аз тарафи дигар пул кор кунанд. Ҳамчунин, оҳу нолае, ки гӯё ниҳодҳои давлатӣ шахсиятҳо ва хабарҳои фейкӣ ё маҷозиро дуруст карда бошанд. Вале боре ба худ суоле намекунанд, ки ин ҳама номҳои гумноми бешахсият, ки аз тарафи онҳо дуруст шуда, шабонарӯзӣ бори таҳқиру маломатро бар сари дигарон меборанд, мутааллиқи кианд ва барои онҳо кӣ бояд посух бигӯяд?

      Яке аз амалҳои хандахариши наҳзатӣ ин тӯтивор халалрасонии Ҳумайрои Бахтиёр ба дигарон буд ва аз ҷониби дигар надонистани ном ва унвону вазифаи ҳампаймонони худ, ки ба онҳо «господин молодой человек, сейчас очередь просит» гуфта муроҷиат менамуд.
Масъалаи дигаре, ки чун ҳамешагӣ сари забони ҳайати наҳзатӣ буд, ин ҷой доштани шиканҷа дар зиндонҳои Тоҷикистон унвон шуда буд. Ин мавзӯъро низ солиёнест наҳзатиён ба шиор табдил додаанд ва боре аз зиндонҳои ғайриқонунии худ, ки солҳои 1990 - 2000 дар минтақаҳои зери нуфузи хеш сохта буданд ва инсонҳоро бо бераҳмонатарин усулҳо: аз қабили ба дор кашидан, сангсор кардан, зинда ба зинда дар даҳон муми гарм рехтан, дар даруни бочка ва систернаҳо зиндонӣ намудан ба қатл расонда буданд, аз ёд бурдаанд. Имрӯз аз «шиканҷа» дар зиндонҳои Тоҷикистон тавтеа сохта, доду бедодро роҳандозӣ мекунанд. Ростӣ ин гуна амалкард сахт тааҷҷуббарангез ва хандадор аст, касоне ки мазҳари андешаи онҳоро арзишҳои асримиёнагии мазҳабӣ ташкил медиҳад ва даъвояшон бунёди кишвари шариатмеҳвар аст, ки то имрӯз чунин навъи кишварҳо бадтарин шеваҳои нигоҳдории зиндониёнро доранд, аз он ёд намекунанд ва низоми зиндонҳои Тоҷикистонро ба чолиш мекашанд. Ҳарчанд аз тарафи Маҳмадалӣ Ҳайит, муовини зиндонии ташкилоти террористии дар Тоҷикистон мамнӯи наҳзатӣ, баёноте ирсол шуда буд, ки ӯро то санаи 11 сентябри соли 2019 касе шиканҷа накардааст, вале яке аз ҳаммаслакони роҳбари фирории ташкилоти террористии наҳзатӣ Мирзораҳим Кузов боз даъвою ғавғои хешро роҳандозӣ карда, пофишорӣ мекунад, ки гӯё ин навъи баёнот ҷаълӣ ва ҳеҷ асосе надошта бошад. Кузов намеандешад, ки ҳазорон нафарро дар солҳои 90 - ум ба хотири ҳарфе, ё ҳиҷое, ё пӯшише маҳкум карда, ба қатл расонданд. Саҳнаи дигари сохтаи наҳзатиён он буд, ки писари Ҳайитро ба ҳайси баромадкунанда ба сухан оварданд. Дар ин саҳна аз шеваҳои ҳамешагии таъсири равонӣ расондан, ки солиёнест роҳбари ташкилоти террористии наҳзати исломӣ ва ҳампаймоёнаш аз он истифода мебаранд, бечоранолӣ ва мазлумнишондиҳӣ истифода шуд. Ростӣ ин ҷавони таҷрибанодидаро сӯиистифода намуданд ва мехостанд аз он барои таъсиррасонӣ ва ҷалби таваҷҷуҳ истифода намоянд.

     Зиндагӣ аҷаб таззодҳое дорад. Роҳбари ташкилоти террористии наҳзати исломӣ дар сентябри соли 2015 тарҳи кудаторо роҳандозӣ намуда, худ ба хориҷи кишвар фирор намуд ва дигар аъзои риёсат, аз ҷумла Ҳайитро ба кунҷи зиндон бурд. Ҳарфҳои ин писар фаҳмиданӣ ва қобили қабуланд, зеро ҳар фарзанд падари хешро дӯст медорад ва падараш барояш беҳтарин падари дунёст, вале бояд ин ҷавон ва аҳлу пайвандонаш ин суолро аввалтар ба роҳбари фирории ташкилоти террористии наҳзатӣ диҳанд, ки ту чӣ рӯзеро бар сари хонаводаи мо овардӣ?! Ва имрӯз падари ман дар зиндон асту аз зиндонӣ будани ӯ низ барои худат дукони тиҷорат дуруст мекунӣ. Аз тарафи дигар набояд бигзорад, ки худ низ ба мисли падар қурбонии бозиҳо ба хотири тиҷорати ин тоҷир гардад. Гумони ғолиб он аст, ки гоҳҳо саркардаи ин ҳизб ба хотире, ки пайвандони онҳоеро, ки ба зиндон афканд аз ӯ суол накунанд, ки падар ё саробони хонадони моро ба чи рӯз афкандӣ ин гуна бозиҳоро ба хотири гурез аз масъулият дуруст мекунад.
Хулласи калом роҳбари фирории ташкилоти террористии дар Тоҷикистон мамнӯи наҳзатӣ бо пайравонаш дар Варшава боз саҳнасозӣ, боз ҳамгомаҷӯӣ, боз доду бедод, боз даъво аз ҳуқуқи башар, боз даъво аз озодии матбуот, боз даъво аз кам кардани шиканҷа ва амсоли ин мекунанд. Ғолибан дар ҳамаи ин амалкардҳо, бозиҳо, саҳнасозиҳо як ҳадаф пинҳон аст: дарёфти сарпараст ё сармоягузор барои идомаи иқомати пурзарқ дар Аврупо ва маъшуқабозиву истироҳат дар ҳутелҳои (меҳмонхонаҳои) аврупоӣ. Чунин ба назар мерасад, ки роҳбари фирории ташкилоти террористии дар Тоҷикистон мамнӯи наҳзатӣ тоҷирест, ки ҳуқуқи башарро ҷузъе аз бизнеси худ қарор додааст. Ҳамаи ин баромадҳо ва даъвою бечоранолиҳои наҳзатиро метавон ба як ҷумла ҷамъбаст намуд: «Даъвои озодӣ ва тиҷорати ҳуқуқи башар».

Эҳсони ИЛҲОМ, таҳлилгари масоили сиёсӣ

 


Вакти нашр: 2019-10-14 16:12:52    Хонданд: 34    Муфассал...

Ҷамъбасти фаъолияти сохторҳои шаҳрии ҳизб дар нуҳ моҳи соли 2019

Имрўз, 15.10.2019. бо иштироки  Бобоҷониён Рано Маҳмудзода - муовини Раиси ҲХДТ, Наимов Маҳмадулло-мудири шуъбаи таблиғот ва таҳлили Дастгоҳи Кумитаи иҷроияи Марказии Ҳизби Халқии Демократии Тоҷикистон,  Раиси Кумитаи иҷроияи шаҳрии ҳизб - Раҳмонзода З.Ф., аъзои Кумитаи ҲХДТ дар шаҳри Душанбе, раисон ва мудирону кормандони кумитаҳои иҷроияи ноҳиявии ҳизб ва намояндагони васоити ахбори омма дар Муассисаи давлатии «Душанбе Плаза» Маҷлиси Кумитаи иҷроияи Ҳизби Халқии Демократии Тоҷикистон дар шаҳри Душанбе  доир  гардид.

          Мутобиқи рӯзномаи маҷлис гузориши Раиси КИ ҲХДТ дар шаҳри Душанбе - Раҳмонзода З.Ф. “Оид ба ҷамъбасти натиҷаҳои фаъолияти сохторҳои шаҳрии ҳизб дар  нуҳ моҳи соли 2019, корҳои ташкиливу омодагӣ ба маъракаҳои сиёсии интихоботи вакилони Маҷлиси Олии Ҷумҳурии Тоҷикистон ва маҷлисҳои маҳаллии вакилони халқ”,  даъвати Конференсияи XVIII ҳисоботӣ - интихоботии Ҳизби Халқии Демократии Тоҷикистон дар шаҳри Душанбе ва масъалаҳои ҷорӣ оид ба қадрдонӣ намудани ғолибони озмуни «Ташкилоти ҳизбии маҳаллаи беҳтарин» ва “Иншои беҳтарин”  мавриди  баррасӣ  қарор  дода  шуданд.

 Мутобиқи масъалаи якуми рўзномаи маҷлис Раиси КИ ҲХДТ дар шаҳри Душанбе - Раҳмонзода З.Ф. “Оид ба ҷамъбасти натиҷаҳои фаъолияти сохторҳои шаҳрии ҳизб дар  нуҳ моҳи соли 2019 ва корҳои ташкиливу омодагӣ ба маъракаҳои сиёсии интихоботи вакилони Маҷлиси Олии Ҷумҳурии Тоҷикистон ва маҷлисҳои маҳаллии вакилони халқ” гузориш дода, қайд кард, ки Кумитаи иҷроияи шаҳрии ҳизб бо мақсади тақвияти мактаби сиёсии Пешвои миллат ва омодагиҳо ба маъракаҳои муҳими сиёсии дарпешистода бори дуюм аст, ки семинару курсҳои омўзиширо барои кормандони масъули ҳизбӣ ва раисони ташкилотҳои ибтидоии ҳизбии пойтахт бо иштироки олимону коршиносон баргузор  менамояд.

 Дар ин муддат сохторҳои ҲХДТ дар шаҳри Душанбе 2444 мулоқоту вохўриро оид ба шарҳу тавзеҳи Паёми Президенти Ҷумҳурии Тоҷикистон, тарғиби  ҳадафҳои Оиннома ва Барномаи ҳизб, дастовардҳои даврони Истиқлоли давлатӣ ва одоби шаҳрнишинӣ баргузор намуданд. Инчунин сохторҳои ҳизбӣ  123 ҳашари дастаҷамъӣ доир намуда, дар доираи онҳо зиёда аз  3500 бех ниҳоли сояафканро шинониданд.Дар ин асно беш аз  1274 чорабинии гуногуни фарҳангию варзишӣ, аксияҳо, фестивалҳо, озмуну семинарҳо ва конференсияҳои илмӣ – амалӣ дар самти кор бо ҷавонону занон роҳандозӣ карда шуд.

Ҳамзамон, бо мақсади дастгирӣ ва амалӣ намудани ташаббуси навбатии Раиси шаҳри Душанбе оид ба низоми электронии пардохти роҳкиро дар нақлиёти мусофирбарӣ ва ҳавасмандгардонии ҷавонон бо ибтикори Кумитаи иҷроияи шаҳрии ҳизб ба 110 нафар ғолибону иштирокчиёни озмуну маҳфилҳо аз қабили, донандаи беҳтарин забонҳои хориҷӣ, хонандагону донишҷўён ва фаъолҷавонони ҳизбии шаҳри Душанбе бо корти нақлиётӣ таъмин гардиданд.

Мавриди зикри хос аст, ки соли дуюм мешавад, ки дар арафаи соли нави хониш, Кумитаи иҷроияи шаҳрии ҳизб дар ҳамбастагӣ бо кумитаҳои иҷроияи ҳизбии ноҳияҳо бо ҷалби шахсони эҳсонкору саховатпеша аксияи хайриявии “Роҳ ба сўйи мактаб”-ро бо тақдими сару либоси мактабӣ, лавозимоти хониш, барномаи фарҳангӣ - фароғатӣ ва хӯроки нисфирўзӣ бо фарогирии беш аз 100 нафар  кудакони ятиму бепарастор  доир менамояд.       

Инчунин, кумитаҳои иҷроияи ноҳиявии ҳизб дар арафаи ҷашнҳои миллию давлатӣ бо ҷалби шахсони эҳсонкору саховатманд ба 2011 оилаи ниёзманду бепарастор, собиқадорони ҷангу меҳнат ва ятимону барҷомондагон кумакҳои моддиву молиявӣ расониданд.

  Илова бар ин, дар давраи ҳисоботӣ 483 нафар шаҳрвандон ба кумитаҳои иҷроияи шаҳриву ноҳиявӣ муроҷиат карданд, ки ҷиҳати ҳалли саривақтии дархости онҳо аз ҷониби масъулин чораҳои зарурӣ андешида шуд.

Ҳамзамон, мавсуф оид ба рафти омодагиҳо ба маъракаҳои муҳими сиёсии дарпешистода таъкид дошт, ки мо бояд дар интихобу пешбарии номзадҳо   диққати ҷиддӣ дода, номзадҳо бояд аз ҳисоби фаъолону масъулиятшиносон ва ҷавонону занон пешбарӣ карда, барои баргузор шудани интихоботи озоду шаффоф мусоидат намоянд.

Дар музокира Насимҷон Расулзода-Раиси Кумитаи иҷроияи ҲХДТ дар ноҳияи Исмоили Сомонӣ, Гулаҳмадзода Зулфиқор Аҳмад-Раиси Кумитаи иҷроияи ҲХДТ дар ноҳияи Шоҳмансур, Файзуллозода Заррина-Раиси Кумитаи иҷроияи ҲХДТ дар ноҳияи Сино, Азизхўҷа Азизов –Раиси Кумитаи иҷроияи ҲХДТ дар ноҳияи Фирдавсӣ оид ба  ҷамъбасти натиҷаҳои фаъолияти сохторҳои ноҳиявии ҳизб дар  нуҳ моҳи соли 2019, корҳои ташкиливу омодагӣ ба маъракаҳои сиёсии интихоботи вакилони Маҷлиси Олии Ҷумҳурии Тоҷикистон ва маҷлисҳои маҳаллии вакилони халқ баромад намуданд.

Дар ин миён Наимов Маҳмадулло-мудири шуъбаи таблиғот ва таҳлили Дастгоҳи Кумитаи иҷроияи Марказии Ҳизби Халқии Демократии Тоҷикистон сухан карда, оид ба вусъат бахшидани корҳои таблиғотӣ-ташвиқотӣ дар шаҳраку маҳаллаҳо, омодагиҳо ба маъракаҳои муҳими сиёсии дар пешистода,  ҷоннок намудани корҳои ташкилӣ дар кумитаву ташкилотҳои ибтидоии ҳизбӣ  ибрози андеша намуд.

Ҳамин тариқ, мутобиқи масъалаи дуюми рўзномаи маҷлис Конференсияи XVIII ҳисоботӣ - интихоботии Ҳизби Халқии Демократии Тоҷикистон дар шаҳри Душанбе 12-уми ноябри соли 2019 даъват гардид.

Дар рафти маҷлис ғолибони озмунҳои «Ташкилоти ҳизбии маҳаллаи беҳтарин», “Иншои беҳтарин” ва  фаъолони ҳизб, ки дар пешбурд ва амалӣ намудани ҳадафҳои Оиннома ва Барномаи  ҲХДТ нақши намоён доранд, бо ифтихорномаву сипосномаи  Кумитаи иҷроияи ҲХДТ дар шаҳри Душанбе сарфароз гардонида шуданд.

Дар фарҷом аз рўи масъалаҳои муҳокимашаванда қарорҳои дахлдор қабул гардид.

 

 


Вакти нашр: 2019-10-15 19:10:26    Хонданд: 142    Муфассал...

Бояд рангу тобиши динӣ аз созмонҳои террористӣ ва ифротӣ бардошта шавад

     Ҳолиё ҷаҳони исломро оташи ҷангу ихтилофи зиёди мусаллаҳона фаро гирифтааст, ки дар бисёре аз онҳо ба ғайр аз неруҳои мусаллаҳи хориҷӣ мусалмонҳои камфаҳму бесавод ва ноогоҳ аз дину мазҳаб низ «ҳиссагузоранд». Онҳо баъзе аз ҷавонони тоҷикро, ки ба хотири муҳоҷират ба Федератсияи Россия мераванд, бо фиреб ва суиистифода аз дину мазҳаб ба дом афтондаву ба тарафи худ даъват мекунанд ва авзоъро дар ин самт боз ҳам печидатар мегардонанд. Тавре дар гузориши СММ омадааст, беш аз 25000 ҷангии хориҷӣ аз 100 кишвар ба гурӯҳҳои исломии террористӣ ва ҷангҷӯ пайвастаанд. Аз ҷумла, дар Сурия ва Ироқ 22000 ҷангҷӯи хориҷӣ қарор доранд, 6500 нафар дар Афғонистон ва садҳои дигар дар Яман, Ливия, Покистон ва Сомалӣ амал мекунанд.

      Тибқи маълумоти ҳамоҳангсози Иттиҳоди Аврупо, дар мубориза алайҳи терроризм Жил де Кершов, ки коршинос Владимир Одинсов гуфтаҳои ӯро иқтибос овардааст «…аз кишварҳои гуногуни Аврупо айни замон 3000 нафар дар ҷанг ба ҷонибдории ДИИШ иштирок мекунанд. Бар асоси маълумоти ин корманди Иттиҳоди Аврупо «Камаш аз ёздаҳ кишвари аврупоӣ рафтани шаҳрвандон ба Ироқ ва Сурия барои ҷанг ба тарафдории ДИИШ ба қайд гирифта шудааст». Мутобиқи иттилои Жил де Кершов, баъд аз эъломияи моҳи июни соли 2014-и ДИИШ дар бораи таъсиси хилофати исломӣ, яъне қаламраве, ки онро роҳбарони мазҳабӣ идора мекунанд, вуруди исломиҳо аз Аврупо ба ин минтақа афзуд: — Ин ҷараён то ҳол анҷом наёфтааст ва ба ин хотир эҳтимол дорад, ки эълон гаштани таъсиси хилофат ба ин вазъият таъсири худро расондааст, — менависад ӯ.

     Ҳассосият ва ҷиддияти масъала боз дар он аст, ки ДИИШ аз номи шариат сиёсати «поксозии дин», яъне такфирро пеш гирифтааст. Шариат нисбат ба қатли инсон хеле ҷиддӣ бархӯрд менамояд. Арзиши ҳаёти инсон дар «Қуръон» ба такрор зикр гардидааст. Аз ҳама даҳшатовар ва амали нобахшиданӣ ин аст, ки мусулмон бар зидди мусулмон ва бародар ба муқобили бародар бархезад. Мутаассифона, мусулмонон ҳар чӣ бештар даргири ихтилофоти мусаллаҳонаи дохилӣ мешаванд, дар қатлу куштори мусулмонони дигар даст доранд. Чаро онҳо ба чунин амали нораво даст мезананд ва чаро аз рӯйи фармудаҳои «Қуръон»-и маҷид амал намекунанд?. Дар «Қуръон» дар сураи «Нисо» равшану возеҳ омадааст: «Ва ҳар ки муъминеро бикушад, пас, ҷойи ӯ дӯзах аст, дар он ҷовид бошад ва Худо бар ӯ хашм гирифтааст ва ӯро лаънат кардааст ва азоби бузург ба ӯ омода сохтааст» (ояти 93).

      Ҳеҷ як фарди мусулмон, ки бо қалбу ақли хеш дини мубини исломро қабул кардааст, қатли инсон, хоҳ мусулмон, хоҳ ғайри мусулмонро раво намебинад. Дар яке аз ҳадисҳои паёмбари Худо (с) омадааст: «Мусулмон касест, ки ба мусулмони дигар бо забону дастони худ осеб нарасонад». Тағйироти солҳои охир дар минтақа ва ҷаҳон вобаста ба густариши терроризми байналмилалӣ, ифротгаройӣ ва пайванд додани ин зуҳуроти манфӣ бо дини мубини ислом ашхоси солимфикрро ба он водор менамояд коре кунанд, ки рангу тобиши динӣ аз созмонҳои террористӣ ва ифротӣ, аз ҷумла, ДИИШ, Ҳизби наҳзати исломӣ, «Ҳизбуллоҳ» зудуда шавад, зеро онҳо бо дини ислом иртиботе надоранд. Рӯйдодҳои охири ҷаҳон, яъне, боз ҳам тезутунд гардидани вазъ дар Шарқи Наздик, Осиё, Африқои Шимолӣ, Аврупо ва дигар минтақаҳои дунё нишон медиҳанд, ки терроризм ва экстремизм ба хатарҳои аввалиндараҷаи ҷаҳони муосир табдил ёфтаанд. Доманаи фаъолияти созмонҳои террористӣ торафт васеъ мешавад. Фаъолшавии онҳо, аз ҷумла, дар ҳамсоякишвар — Афғонистон вазъиятро боз ҳам мураккабтар гардонидааст.

     Мубориза бо терроризм ва экстремизм фароҳам овардани фазои боварӣ, эҳтиром ба манфиатҳои ҳамдигар ва муттаҳид шудани кишварҳоро дар пешорӯи ин хатари умумӣ тақозо менамояд. Истифодаи «сиёсати дугона» нисбат ба терроризм ва экстремизм самаранокии кӯшишҳои ҷомеаи ҷаҳониро дар муборизаи муштарак бо ин зуҳурот ҷиддан коҳиш медиҳад ва баръакс, мухолифатҳои наверо байни эътилофҳои ҳарбиву сиёсӣ эҷод мекунад ва авзои ҷаҳонро боз ҳам ноором месозад. Боиси таассуф аст, ки баъзе аз созмонҳои байналмилалӣ аз ҷониби як қатор давлату фондҳо ошкоро маблағгузорӣ гардидани созмонҳои террористиву ифротгаро, поймолшавии ҳуқуқи инсон, аҳволи тоқатфарсо ва дар роҳи муҳоҷират дар баҳрҳо ғарқ шудани ҳазорон нафар гурезаҳо, аз ҷумла, занону кӯдаконро нодида мегиранд. Вусъати торафт афзояндаи терроризму экстремизм аст, ки вазъи ҳуқуқи байналмилалӣ хеле заиф шуда, истиқлолияти давлатҳои миллӣ осебпазир гардидааст. Намуна ва пайомадҳои чунин вазъро дар мисоли Сурия, Ироқ, Либия, Яман ва Афғонистон ба осонӣ мушоҳида мекунем.

      Тоҷикистони соҳибистиқол, ки солҳои навадуми асри гузаш­та даврони фоҷиабори муқовимат ба экстремизм ва терроризмро аз сар гузаронида, дар ин роҳ даҳҳо ҳазор талафоти ҷонӣ дод, ҳамеша дар сафи пеши мубориза бо ин зуҳуроти даҳшатноку нафратовар қарор дорад.

        Ҳодисаҳо, равандҳои муосири сайёра ва вазъи минтақа ҳушдор медиҳанд, ки ҳаргиз зиракии сиёсиро аз даст надиҳем ва барои ҳимояи амният, ваҳдати миллӣ, сулҳу субот, волоияти қонун, оромиву осудагии кишвар ҳамеша омода бошем.

ТОВУС ҚУРБОНҶОНОВА-узви фаъоли ҲХДТ

 

 


Вакти нашр: 2019-10-16 15:09:39    Хонданд: 21    Муфассал...

Маҷлиси ҳизбӣ дар Кумитаи иҷроияи ибтидоии «Маорифчиён»

Дар Кумитаи иҷроияи ибтидоии “Маорифчиён”-и ҲХДТ дар ноҳияи Синои шаҳри Душанбе бо иштироки мудири шуъбаи ташкилии Кумитаи иҷроияи Ҳизби Халқии Демократии Тоҷикистон дар ноҳияи Синои шаҳри Душанбе Камолов Т.Ш., раиси Кумитаи иҷроияи ибтидоии “Маорифчиён” Носирзода М.Н. ва аъзоёни ҳизб маҷлиси Кумитаи иҷроияи ибтидоӣ баргузор гардид.

       Кори маҷлиси Кумитаи иҷроияи ибтидоиро раиси Кумитаи иҷроияи ибтидоӣ Носирзода М.Н. ифтитоҳ намуда, масъалаҳои баррасишавандаро ба ҳозирин расонид.

       Сипас,  Камолов Т.Ш. оид ба дастуру супоришҳои Асосгузори сулҳу ваҳдати миллӣ –Пешвои миллат, Раиси муаззами Ҳизби Халқии Демократии Тоҷикистон муҳтарам Эмомалӣ Раҳмон дар Маҷлиси Кумитаи Иҷроияи Марказии ҲХДТ, ки 27 сентябри соли 2019 баргузор гардид,  ибрози назар намуд.

      Дар фарҷоми маҷлис, мутобиқи талаботҳои Оинномаи Ҳизби Халқии Демократии Тоҷикистон доир ба масъалаҳои гузошташуда, қарорҳои дахлдор қабул гардида, Конференсияи ҳисоботӣ-интихоботии Кумитаи иҷроияи ибтидоии “Маорифчиён” даъват карда шуд.


Вакти нашр: 2019-10-16 15:30:10    Хонданд: 70    Муфассал...

МАҶЛИСИ КУМИТАИ ИҶРОИЯИ ҲХДТ ДАР НОҲИЯИ СИНОИ ШАҲРИ ДУШАНБЕ

        Дар ҶДММ “Ноқили ТАЛКО”  бо иштироки роҳбари Дастгоҳи Кумитаи иҷроияи ҲХДТ дар шаҳри Душанбе - Муродов Ҷурабек, муовини Раиси ноҳияи Синои шаҳри Душанбе – Саидмуминзода Абос, Раиси Кумитаи иҷроияи ҲХДТ дар ноҳияи Синои шаҳри Душанбе - Файзуллозода Заррина Файзулло, аъзои Кумитаи иҷроия ва як қатор раисони кумитаву ташкилотҳои ибтидоии ҳизбии ноҳияи Синои шаҳри Душанбе маҷлиси Кумитаи иҷроияи ҲХДТ дар ноҳияи Сино баргузор гардид.

       Дар  он сараввал Файзуллозода Заррина  оид  ба   дар амал татбиқ намудани дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, Раиси муаззами Ҳизби Халқии Демократии Тоҷикистон муҳтарам Эмомалӣ Раҳмонро дар маҷлиси Кумитаи Иҷроияи Марказии Ҳизби Халқии Демократии Тоҷикистон аз 27 сентябри соли 2019  сухан карданд.

      Сипас, ҳисоботҳои раисони Комиссияҳои доимии назди Кумитаи иҷроияи ҳизбӣ оид ба “Ташкилотҳои ғайриҳукуматӣ ва ҷомеаи шаҳрвандӣ”, “Таҳлил ва омӯзиши афкори омма”, “Мусоидат ба шуғли аҳолӣ, муҳоҷирати меҳнатӣ ва паст кардани сатҳи камбизоатӣ”, “Кор бо занон ва саломатии оила” ва “Кор бо ҷавонон” шунида шуд.

      Муродов Ҷурабек зимни баромади хеш қайд кард, ки то интихоботи вакилони Маҷлиси Олии Ҷумҳурии Тоҷикистон ва маҷлисҳои маҳаллӣ муҳлати кӯтоҳ мондааст. Вобаста ба ин, моро зарур аст, ки ба маъаракаи муҳими сиёсӣ тайёрии ҷиддӣ дида, мулоқоту вохӯриҳо, корҳои иттилоотиву фаҳмондадиҳӣ, семинару курсҳои омӯзиширо ба роҳ монем.        

      Дар ин миён дар кори маҷлис аз ҷониби аъзои Кумитаи иҷроия Конференсияи XXXVIII-уми ҳисоботӣ-интихоботии кумитаву ташкилотҳои ибтидоии ноҳияи Синои шаҳри Душанбе даъват гардид.
Дар фарҷоми маҷлис ғолибони озмунҳои ноҳиявии “Кумитаи иҷроияи беҳтарин”, “Ташкилоти ибтидоии беҳтарин” ва “Ташкилоти ибтидоии беҳтарини маҳалла” аз ҷониби Кумитаи иҷроияи ҲХДТ дар ноҳияи Синои шаҳри Душанбе бо ифтихорнома ва тӯҳфаҳои хотиравӣ қадрдонӣ гардиданд.

 


Вакти нашр: 2019-10-17 09:15:42    Хонданд: 89    Муфассал...

МАҶЛИСИ КУМИТАИ ИҶРОИЯИ ҲХДТ ДАР НОҲИЯИ ИСМОИЛИ СОМОНӢ

Дар  Агентии омори назди Президенти Ҷумҳурии Тоҷикистон бо иштироки Абдураҳимова Дилбар Ҳабибуллоевна-Муовини Раиси Кумитаи иҷроияи ҲХДТ дар шаҳри Душанбе, Самӣ Шариф Ҳамид-Раиси ноҳияи Исмоили Сомонӣ,  Расулзода Насимҷон-Раиси Кумитаи иҷроияи ҲХДТ дар ноҳияи Исмоили Сомонӣ, Ғаффорӣ Нуъмонҷон Усмонзода-Ректори ДДОТ ба номи С.Айнӣ, Салимзода Амонулло Файзулло-Ректори ДАТ ба номи Шириншоҳ Шоҳтемур, Ғаффурзода Абдухалил Давлаталӣ-Ректори Академияи идоракунии назди Президенти Ҷумҳурии Тоҷикистон, Расулов Нуралӣ Сангакович-ноиби Ректор оид ба корҳои таълими Донишгоҳи Славиянии Россияву Тоҷикистон, раисону кумитаву ташкилотҳои ибтидоии ҳизбии ноҳия иштирок намуданд.

       Тибқи рӯзномаи маҷлис гузориши Раиси КИ ҲХДТ дар ноҳияи Исмоили Сомонӣ Расулзода Н.“Оид ба ҷамъбасти натиҷаҳои фаъолияти сохторҳои  ноҳиявии ҳизб дар  нуҳ моҳи соли 2019”, тасдиқи қарорҳои маҷлисҳои умумии ташкилотҳои ибтидоии ҳизбӣ оиди қабул ба сафи ҳизб, даъвати Конференсияи ҳисоботӣ-интихоботии Кумитаи иҷроияи ҲХДТ дар ноҳияи Исмоили Сомонӣ барассӣ карда шуд,

       Мутобиқи масъалаи якуми рўзномаи маҷлис Раиси КИ ҲХДТ дар ноҳияи Исмоили Сомонӣ Расулзода. Н. “Оид ба ҷамъбасти натиҷаҳои фаъолияти сохторҳои шаҳрии ҳизб дар  нуҳ моҳи соли 2019” гузориш дода, қайд кард, ки Кумитаи иҷроияи ҲХДТ дар ноҳияи Исмоили Сомонӣ фаъолияти худро оид ба дастуру супоришҳои роҳбарияти ҳизб сафарбар намуда, ҷиҳати амалӣ намудани Барномаи ҲХДТ ва иҷрои саривақтии сиёсати комилу беназири Раиси муаззами ҲХДТ муҳтарам Эмомалӣ Раҳмон то ин муддат фаъолияти густурда ба роҳ монда, як қатор чорабиниҳоро амалӣ намуд.

           Абдураҳимова  Дилбар  Ҳабибуллоевна зимни баромади хеш қайд кард,  ки  то интихоботи вакилони Маҷлиси Олии Ҷумҳурии Тоҷикистон  ва  маҷлисҳои маҳаллӣ   моро зарур аст, ки   тайёрии ҷиддӣ дида, мулоқоту вохӯриҳо, корҳои иттилоотиву фаҳмондадиҳӣ, семинару курсҳои омӯзиширо ба роҳ монем.

      Дар  ин миён Самӣ Шариф Ҳамид-Раиси ноҳияи Исмоили Сомонӣ, Ғаффурзода Абдухалил Давлаталӣ-Ректори Академияи идоракунии назди Президенти Ҷумҳурии Тоҷикистон, Ғаффорӣ Нуъмонҷон Усмонзода-Ректори ДДОТ ба номи С.Айнӣ баромад намуда, пешниҳодҳои муфиду саривақтиро барои тақвият бахшидани корҳо зикр намуданд.   

 

 


Вакти нашр: 2019-10-17 11:07:49    Хонданд: 121    Муфассал...

Вохўрӣ бо хонандагони муассисаҳои таҳсилоти миёнаи умумӣ

       Бо иштироки Шамсов Саидалӣ-мудири шуъбаи кор бо ҷавонони Кумитаи иҷроияи ҲХДТ дар шаҳри Душанбе, Маҳмадназар Нуров-мудири шуъбаи кор бо ҷавонони КИ ҲХДТ дар ноҳияи Сино дар муассисаи таҳсилоти миёнаи умумии №87-и ноҳияи Сино бо хонандагон вохўрӣ доир гардид.

        Баромадкунандагон зимни вохўрии мазкур  оид ба дастовардҳои даврони Истиќлолият, амалишавии Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд», муроҷиатномаи Раёсати Вазорати корҳои дохилии Ҷумҳурии Тоҷикистон дар шаҳри Душанбе ба сокинони пойтахт ҷиҳати пешгирии ҳуқуқвайронкунии байни ноболиғону ҷавонон, риояи одоби шаҳршинӣ, тартиботи ҳуқуқӣ ва муносибатҳои ҷамъиятӣ, пешгирии ҷавонон аз гароиш ба ҷараёну равияҳои бегона, мубориза бар зидди тақлидкорию хурофотпарастӣ, густариши корҳои ободонӣ ва баланд бардоштани маърифати ҳуқуқии сокинони  шаҳри  Душанбе  ибрози  назар  намуданд.

 


Вакти нашр: 2019-10-17 15:02:24    Хонданд: 40    Муфассал...

Маҷлиси Кумитаи иҷроияи ҲХДТ дар ноҳияи Шоҳмансур

 17-уми октябри соли ҷорӣ дар Вазорати фарҳанги Ҷумҳурии Тоҷикистон Маҷлиси  Кумитаи  иҷроияи  Ҳизби  Халқии  Демократии Тоҷикистон дар ноҳияи Шоҳмансур  доир гардид.

Дар  кори он муовини раиси КИ ҲХДТ дар шаҳри Душанбе Дилбар Абдураҳимова,  Раиси Кумитаи иҷроияи ҲХДТ дар ноҳияи Шоҳмансур Гулаҳмадзода З.А., вакили Маҷлиси намояндагони Маҷлиси Олии Ҷумҳурии Тоҷикистон Баҳром Абдуалимов, Вазири фарҳанги Ҷумҳурии Тоҷикистон Орумбекзода Шамсиддин, собиқадорони ҳизб, раисони кумитаву ташкилотҳои ибтидоии ҳизбӣ  ва  кормандони масъули  Кумитаи иҷроияи ҳизбии ноҳия ширкат варзиданд.

Дар маҷлис масъалаҳои татбиқи амалии дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, Раиси муаззами ҲХДТ, муҳтарам Эмомалӣ Раҳмон, қарорҳои Маҷлиси Кумитаи Иҷроияи Марказии ҲХДТ аз 27-уми сентябри соли 2019 ва қарорҳои Маҷлиси Кумитаи иҷроияи ҲХДТ дар шаҳри Душанбе аз 15-уми октябри соли 2019, ҳисоботи раисони комиссияҳои доимоамалкунандаи кор бо матбуот, тарғибот ва фарҳанг, кор бо занон ва оилаи назди КИ ҲХДТ дар ноҳияи Шоҳмансур, ҳисоботи вакили Маҷлиси вакилони халқи ноҳияи Шоҳмансур «Оид ба дар  амал татбиқ намудани барномаи пешазинтихоботӣ, омўхтан ва ба мақомотҳои дахлдор пешниҳод намудани таклифу дархостҳои интихобкунандагон» ва даъвати Конференсияи ХХ1Х ҳисоботӣ-интихоботии ташкилотҳои ҲХДТ дар ноҳияи Шоҳмансур мавриди баррасӣ қарор гирифтанд.

 Сараввал, раиси Кумитаи иҷроияи ҲХДТ дар ноҳияи Шоҳмансур Гулаҳмадзода З. А. “Дар бораи натиҷаҳои фаъолияти кумитаву ташкилотҳои ибтидоӣ дар нуҳ моҳи соли 2019 ” гузориш дод. Дар гузориш қайд карда шуд, ки Кумитаи иҷроияи Ҳизби Халқии Демократии Тоҷикис­тон дар  ноҳияи Шоҳмансур фаъо­лияти кориашро тибқи Низомнома ва Оинномаи ҲХДТ, дастуру супоришҳои Кумитаи Иҷроияи Марказии Ҳизби Халқии Демок­ратии Тоҷикистон,  Кумитаи иҷроияи Ҳизби Халқии Демократии Тоҷикистон дар шаҳри Душанбе ва нақшаи чорабиниҳо ба роҳ монда, корҳои зиёдеро ба анҷом расонидааст.

 Дар ин миён, Дилбар  Абдураҳимова-муовини Раиси Кумитаи иҷроияи ҲХДТ дар шаҳри Душанбе суханронӣ намуда, фаъолияти  нуҳмоҳаи  КИ ҲХДТ дар  ноҳияи Шоҳмансурро  қаноатбахш арзёбӣ намуд.

 Мавсуф, ҳамчунин, аз ташаббусҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, Раиси муаззами ҲХДТ, муҳтарам Эмомалӣ Раҳмон ёдовар шуда, соли 2019-ро барои миллати тоҷик ҳамчун давраи таърихӣ, пур аз муждаҳои фараҳбахши  сиёсию  фарҳангӣ,  рушди  ҳунарҳои мардумӣ ва созандагию бунёдкорӣ маънидод кард.

 Ҳамзамон  аз раисони тамоми ташкилоту кумитаҳои ҳизбии ноҳияи Шоҳмансур даъват ба амал овард, ки дар раванди омодагиҳо ба маъракаҳои муҳими сиёсии интихоботи вакилони Маҷлиси Олии Ҷумҳурии Тоҷикистон ва маҷлисҳои маҳаллии вакилони халқ ҳушёрю зиракии сиёсиро аз даст надода, тамоми саъю талоши худро ба ин маъракаҳои муҳими сиёсӣ равона намоянд. 

Дар охир ғолибони озмунҳои «Ташкилоти ҳизбии маҳаллаи беҳтарин», «Иншои беҳтарин» ва як қатор аъзои фаъоли кумитаву  ташкилотҳои  ибтидоии ҳизбӣ  бо Ифтихорнома ва Сипосномаи Кумитаи иҷроияи ҲХДТ дар ноҳияи Шоҳмансур сарфароз гардонида шуданд.

 

 


Вакти нашр: 2019-10-18 14:22:48    Хонданд: 147    Муфассал...

ЧОРАБИНИИ ВАРЗИШИИ ТЕННИСИ РЎЙИМИЗӢ

         Бо ташаббуси Кумитаи иҷроияи ҲХДТ дар шаҳри Душанбе субҳи имрўз дар КВД «Қасри теннис» миёни хонандагони муассисаҳои таҳсилоти миёнаи умумии пойтахт мусобиқаи варзишии тенниси рўйимизӣ доир гардид. Мақсад аз баргузор намудани чорабинии варзишӣ тарғибу ташвиқи тарзи ҳаёти солим ва оммавигардонии варзиш, тарғибу ташвиқи тенниси рӯйи миз, баланд бардоштани ҳисси миллии наврасон, мустаҳкам намудани дўсти байни наврасон, ҷалби наврасон ба варзиши риштаи тенниси рӯи миз, дарёфти чеҳраҳои нав мебошад.

          Дар фарҷоми  чорабинии варзишӣ аз ҷониби Кумитаи иҷроияи Ҳизби Халқии Демократии Тоҷикистон дар шаҳри Душанбе ба ғолибон Ифтихорнома ва тўҳфаҳои хотиравӣ супорида шуд.


Вакти нашр: 2019-10-18 15:10:59    Хонданд: 40    Муфассал...

Аз бадон ҳазар бояд кард!

     Афзоиши хатарҳои терроризм ва экстремизм сабаби ташвиши ҷомеаи ҷаҳонӣ гардидааст, ки аз таҳдидҳои ин зуҳуроти номатлуби аср Тоҷикистон низ истисно нест. Ҷомеаи имрӯзаи моро равияҳои номатлубе фаро гирифтаанд, ки ба зеҳну андешаи ҷавонон бетаъсир буда наметавонад. Маълум аст яке аз хатарноктарин зуҳуроти ҷомеаи муосир ин терроризму экстремизм аст, ки онро вабои аср низ мехонанд. Мутаассифона, ин зуҳуроти номатлуб ба худ хислати фаромиллӣ ва глобалиро касб менамояд. Ҳамин аст, ки бо сабаби зуҳури ин таҳаввулоти номатлуби замони муосир давлатҳои алоҳида зери хатар қарор мегиранд ва ҳаёти осоиштаи мардуми сайёра ба мушкилоти зиёде рӯ ба рӯ мегардад, ки дар танҳоӣ онҳоро рафъ карда наметавонанд.
Муборизаи беамон бо экстремизму терроризм, оштинопазирӣ бо ҳама гуна шакли зоҳиршавии он, хусусан дар шароити кунунӣ, ки ин навъи фаъолият тобиши сиёсӣ гирифтааст, ҳаётан муҳим ба назар мерасад. Имрӯз неруву ҳаракатҳои гуногун маҳз тавассути аъмоли ифротгароёна ниятҳои сиёсии худро пиёда кардан мехоҳанд. Таассуфовар ин аст, ки роҳбарону гумоштагони зархариди чунин ҳаракатҳо пеш аз ҳама ҷавононро гирифтори доми ақоиди ифротии худ мекунанд. Истифода аз роҳу равиши экстремистӣ баҳри расидан ба аҳдофи сиёсӣ дар кирдорҳои бади ҷинояткорона, аз қабили ташкилу иҷрокунии амалҳои террористӣ, исёну бетартибиҳои оммавӣ барои зӯран тағйир додани сохти конститутсионии кишвар ва як қатор аъмоли дигари ғайриқонунӣ зоҳир мешавад.
       Пӯшида нест, ки ин тоифа барои амалӣ намудани кирдору ниятҳои нопоки худ ниқоби дини мубини исломро ба бар карда, мардумро гумроҳ мекунанд. Яке аз ин намояндагони ин тоифа гуруҳҳои сиёсӣ ташкилоти экстремистию террористии ҳизби наҳзати исломӣ мебошад, ки бо фармони хоҷагони хориҷии худ берун аз Тоҷикистон истода, нисбати кишвари маҳбуби мо ҳар гуна суханҳои ноҷо ва иғвоангезона мегӯянд. Бо иғвою туҳмат давлатро сиёҳ карда, дастовардҳои истиқлолияти давлатиро нодида мегиранд, ки ин нотавонӣ ва ноҷавонмардонагии онҳоро нишон медиҳад. Бешубҳа, халқи тоҷик аз таърихи ҷанги таҳмилии шаҳрвандӣ ва оқибатҳои он сабақҳо бардошта, барои такрори он ҳеҷ гоҳ роҳ ва имконият ҳам намедиҳанд. Барои боз ҳам самаранок ба роҳ мондани муқовимат алайҳи экстремизми динӣ, ҷавононро дар руҳияи хайрхоҳию ватандӯстӣ, таҳаммулпазирӣ, шукргузорӣ аз ҳаёти осоиштаву осмони беғубори кишвари маҳбубамон тарбия кардан муҳим аст. Пайравӣ аз ақидаҳои бегона ва ифротӣ, оқибатҳои хунбор дорад ва инро мо дар мисоли ҳодисаҳои даҳсолаи охир, ки дар кишварҳои Шарқи Наздик то имрӯз давом доранд, ба хубӣ мушоҳида карда истодаем. Ин рӯйдодҳо нишон медиҳанд, ки чӣ тавр мардуми осоиштаи минтақаро ба ваъдаҳои пучу холӣ дар хусуси сохтани давлати динии адолатпарвар, таъмини рӯзгори муносиб барои аҳолӣ, ғалабаи ҳақ бар ботил, сохтани биҳишт дар рӯи замин ва дигар суханони дурӯғинашон бовар карда, ба ошӯб хестанд ва акнун марзу бумашон вайрону валангор шудаасту аз осоиштагию сатҳи баланди зист, ки пешвоёни зархарид ваъда карда буданд, дараке нест. Ин як дарси ибрат ва ҳам муштест ба даҳони онҳое, ки ақидаҳои ифротии хешро бо шиору аҳкоми муқаддаси динӣ рӯйпӯш намуда, ҳаёти осудаи моро халалдор кардан мехоҳанд.
Террористону экстремистон аксаран зери даъвату шиорҳои диниву мазҳабӣ паноҳ бурда, худро ҳомиёни дину шариат эълон намуда, исломро ҳамчун воситаи расидан ба ҳокимият медонанд. Ҳоло ин ки дини мубини ислом аз терроризму экстремизм фарсахҳо дур буда, ба он ҳеҷ иртиботе надошту надорад. Мебинем ва шоҳид ҳам мешавем, ки исломро ба таври сунъӣ сиёсӣ мекунонанд. Бо истифода аз дини поки ислом ғаразҳои сиёсиву нопоки худро амалӣ месозанд. Бо ваъдаҳову хабарҳои бардурӯғ майнаҳои ҷавонон ва вуҷудашонро заҳролуд месозанд. Ин гуна ҷавонони манқуртшуда фирефтаи ваъдаҳои онҳо гардида, ба Ватану модари худ хиёнат мекунанд ва даст ба куштору ғорат мезананд.

      Мусаллам аст, ки дар ягон давру замон одамони дорои фикри солим аз ҷангу моҷаро ҷонибдорӣ накардаанд. Ҳатто дар ҳамин рӯзҳо агар ду нафар бо ҳам муноқишае дошта бошанд, фикри кадоме аз онҳо солим бошад, мекӯшад, ки муноқишаро бас кунаду оштӣ намояд. Барои дорои фикри солиму созанда будан, бешак донишу ҷаҳонбинӣ ва андеша лозим аст. Аз ин рӯ, дар оилаву муассисаи таълимӣ ва дар ҷомеа талқини китобхониву забономӯзӣ ва кӯшиши мукаммалшавӣ ба ҳар як ҷавон метавонад натиҷаи мусбӣ ба бор оварад ва аз каҷрафторӣ ӯро боз дорад. Бузурге мефармояд:

Ҷаҳонро ба дониш тавон ёфтан,

Ба дониш тавон риштану тофтан

    Хулоса, мубориза бо ин зуҳурот фақат кори мақомоти қудратӣ набуда, аз ҳар фарди худогоҳу хештаншинос масъулияти ҷиддӣ талаб мекунад. Яке аз роҳҳои асосии мубориза бо терроризм ва экстремизм баланд бардоштани маърифату дониши мардум, хусусан ҷавонон мебошад. Барои пешгирии ин зуҳуроти номатлуб аҳли зиё, махсусан мо омӯзгорон бояд фаъол бошем ва дар ҳар дарс аз пешгирии ин амали номатлуб ва ҳушёрию зиракии ҷавонон бо онҳо суҳбат кунем ва воқеиятро ба онҳо фаҳмонем, то рисолати шаҳрвандии худро иҷро карда бошем.

 

Маҳина Илчибекова - узви фаъоли ҲХДТ

дар ноҳияи Сино

 

 


Вакти нашр: 2019-10-21 08:38:43    Хонданд: 28    Муфассал...

ҲАДАФИ ҲХДТ СОЗАНДАГИВУ БУНЁДКОРИСТ

Дар ташкилоти ибтидоии “Саховат” маҷлиси ҳисоботӣ-интихоботӣ бо иштироки Убайдулло Қурбонзода, муовини раис-роҳбари дастгоҳи Кумитаи иҷроияи ҲХДТ дар ноҳияи Фирдавсӣ  доир гардид.

        Сайвалӣ Сабзаев-раиси ташкилоти ибтидоӣ  вобаста ба фаъолияти  ташкилот ҳисобот дода, изҳор дошт, ки дар фаъолияти ҳамарӯза мекӯшанд, ки аз сиёсати созанда ва барномаи ҳадафноки ҲХДТ дастгирӣ намуда, дар ин самт корҳои амалиро сомон диҳанд. Мавсуф, изҳор дошт, ки дар ин давра тибқи нақша ва дар ҳамкорӣ бо Кумитаи иҷроияи ҲХДТ дар ноҳияи Фирдавсӣ вохӯрӣ ва соатҳои сиёсӣ дар мавзӯъҳои ҳифзи дастовардҳои замони соҳибистиқлолӣ, Қонунҳои ҶТ “Дар бораи танзими анъана ва ҷашну маросим дар Ҷумҳурии Тоҷикистон ”, “Дар бораи масъулияти падару модар дар таълиму тарбияи фарзанд”, ҳифзи фарҳанги миллӣ, пешгирии омилҳои номатлуб-терроризму экстремизм, бегонапарастӣ ва ғайра доир гардиданд. Ҳамзамон ҷиҳати дастгирии қишри ниёзманди ҷомеа иқдомҳои хайриявӣ низ анҷом дода шуданд.
        Убайдулло Қурбонзода гузориши раиси ташкилоти ибтидоиро қаноатбахш арзёбӣ намуда, таъкид намуд, ки минбаъд низ дар самти татбиқи сиёсати созанди ҳизб фаъол бошанд ва ҷиҳати дар сатҳи баланд баргузор гардидани маъракаҳои дарпешистодаи сиёсӣ саҳми хешро гузоранд. Мавсуф, роҷеъ ба дастовардҳои замони соҳибистиқлолӣ ибрози андеша карда, қайд кард, ки дар як давраи кӯтоҳ расидан ба як қатор дастовардҳои азим кори ҳазлу осон нест. Заҳмату талошҳои шабонарӯзии Пешвои миллат, Раиси муаззами ҲХДТ муҳтарам Эмомалӣ Раҳмон ва Ҳукумати мамлакат моро муваффақу шарафёб намуд.

 


Вакти нашр: 2019-10-21 08:58:20    Хонданд: 28    Муфассал...

МАҶЛИСИ КУМИТАИ ИҶРОИЯИ ҲХДТ ДАР НОҲИЯИ ФИРДАВСӢ

        Бо иштироки Абдураҳимова Дилбар Ҳабибуллоевна-муовини Раиси Кумитаи иҷроияи ҲХДТ дар шаҳри Душанбе, Азизов Азизхўҷа-Раиси Кумитаи иҷроияи ҲХДТ дар ноҳияи Фирдавсї Маҷлиси Кумитаи иҷроияи Ҳизби Халқии Демократии Тоҷикистон дар ноҳияи Фирдавсӣ доир гардид.

         Дар он 5 масъала- дар бораи баррасӣ ва дар амал татбиқ намудани дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, Раиси ҲХДТ, муҳтарам Эмомалӣ Раҳмон ва қарорҳои маҷлиси Кумитаи Иҷроияи Марказии ҲХДТ аз 27 сентябри соли 2019, гузориши комиссияҳои доимоамалкунандаи назди Кумитаи иҷроияи ҳизбии ноҳияи Фирдавсӣ оид ба ҳамкорӣ бо собиқадорони ҳизбу меҳнат, оид ба кор бо занон ва саломатии оила, кор бо матбуот, тарғибот ва фарҳанг, тасдиқи қарорҳои маҷлиси умумии ташкилотҳои ибтидоии ҳизбӣ оиди қабул ба сафи ҳизб, тасдиқи қарорҳои маҷлиси муассисони ташкилотҳои ибтидоии ҳизбӣ оид ба таъсиси ташкилотҳои ҳизбӣ мавриди баррасӣ қарор гирифт.

       Сараввал Азизов Азизхўҷа  оид  ба   дар амал татбиқ намудани дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, Раиси муаззами Ҳизби Халқии Демократии Тоҷикистон муҳтарам Эмомалӣ Раҳмонро дар маҷлиси Кумитаи Иҷроияи Марказии Ҳизби Халқии Демократии Тоҷикистон аз 27 сентябри соли 2019  сухан карданд.

       Сипас, Зариф Сафаров, раиси комиссияи доимоамалкунандаи оид ба ҳамкорӣ бо собиқадорони ҳизбу меҳнат, раиси Шӯрои собиқадорони ҲХДТ дар ноҳияи Фирдавсӣ дар мавриди фаъолияти комиссия ва шӯро дар давоми нӯҳмоҳаи соли ҷорӣ гузориш дод. Мавсуф изҳор дошт, ки дар давоми ин муддат ҷиҳати тарғибу ташвиқи масъалаҳои мубраму доғи рӯз, аз қабли пешгирии омилҳои номатлуб-терроризму экстремизм, бегонапарастӣ, бемории норасоии масъунияти одам, нашъамандӣ, миёни сокинони маҳаллаву шаҳракҳои ноҳия, шарҳу тавзеҳи Паёми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон ба Маҷлиси Олии мамлакат ва ғайра суҳбату вохӯриҳо доир намуданд.
      Гулрухсор Амирова, раиси комиссияи доимоамалкунандаи оид ба кор бо занон ва саломатии оила дар фаъолияти комиссия изҳор дошт, ки дар ин давра бо сокинони маҳаллаву шаҳракҳо оид ба масъалаҳои пешгирии ҷудошавии оилаҳо, хушунату зӯроварӣ дар оила, ҳифзи фарҳанги миллӣ, расму одатҳои нек, ҳунарҳои мардумӣ ва дигар масоили мубрам корҳои тарғиботӣ бурда, ба оилаҳои ниёзманду маъюб ёрии моддӣ намудем.

     Бойалӣ Ҳусейнов, раиси комиссияи доимоамалкунандаи кор бо матбуот, тарғибот ва фарҳанг низ роҷеъ ба фаъолияти комиссияи номбурда гузориш дода, таъкид намуд, ки кори мо раисони комиссия ва аъзоёни ҳизб дар арафаи маъракаҳои бузурги сиёсӣ бояд ҷоннок кунем ва бо дарки масъулияти баланди ватандориву шаҳрдорӣ дар ин вазъи ҳассоси сиёсии ҷаҳон аз манфиатҳои миллӣ бо тамоми ҳастӣ ҳифозат карда шавад.

      Дилбар Абдураҳимова - муовини раиси Кумитаи иҷроияи ҲХДТ дар шаҳри Душанбе гузориши раисони комиссияҳои доимоамалкунандаро қаноатбахш арзёбӣ намуда, таъкид кард, ки мо, аъзоён симову сирати ҳизбем ва дар арафаи чорабиниҳои муҳими сиёсӣ бояд масъулият ва сатҳи баланди сиёсиямонро зоҳир намоем. Ҳамзамон, ќайд кард, ки  то интихоботи вакилони Маҷлиси Олии Ҷумҳурии Тоҷикистон  ва  маҷлисҳои маҳаллї   моро зарур аст, ки   тайёрии ҷиддї дида, мулоқоту вохӯриҳо, корҳои иттилоотиву фаҳмондадиҳӣ, семинару курсҳои омӯзиширо ба роҳ монем. Қарорҳои лоиҳаҳои масоили баррасишаванда аз ҷониби аъзои Кумитаи иҷроияи ҳизбии ноҳия тарафдорӣ ва қабул гардид.        

      Дар фарҷом ба иштирокчиёни озмуни “Ташкилотҳои маҳаллаи беҳтарин” аз ҷониби Кумитаи иҷроияи ҲХДТ дар ноҳияи Фирдавсӣ Ифтихорнома ва туҳфаҳои хотиравӣ тақдим гардид.

 


Вакти нашр: 2019-10-21 10:52:07    Хонданд: 81    Муфассал...

Рушди туризми байналмилалӣ

    Кишвари мо дорои имконияти васеъ аз ҷиҳати минтақаҳои сайёҳӣ буда, истифодаи самараноки он боиси болоравии сатҳи зиндагии аҳолии ҷумҳурӣ хоҳад шуд.


                                                                                                                   Эмомалӣ Раҳмон


      Асри XX баъзе минтақаю давлатҳои ҷаҳонро ба маркази муҳими тараққиёти туризм ва азхудкунии захираҳои рекреатсионӣ табдил дод. Дар баъзе давлатҳои ҷаҳон (Миср, Юнон, Италия, Швейтсария, Туркия ва ғайра) туризм соҳаи муҳими даромади аҳолӣ, таъмин ба ҷойи кор ва пешрафти иқтисодиётро ташкил медиҳад. Бояд ёдовар шуд, ки ҳамасола дар бисёр давлатҳои ҷаҳон 27-уми сентябр ҳамчун Рӯзи байналмилалии туризм таҷлил мегардад. Ин иқдом бори нахуст дар Ассамблеяи Генералии СММ соли 1979 дар шаҳри Торремолиноси Испания пешниҳод гардид, ки он аҳамияти ҷаҳонии Созмони байналмилалии туристиро инъикос менамояд. Аз соли 1983 Иттиҳоди Шӯравӣ, аз ҷумла Тоҷикистон дар қатори дигар ҷумҳуриҳои бародарӣ онро қайд мекард. Мақсади таҷлили Рӯзи байналмилалии туризм ин тарғиб намудани туризм, рушди робитаҳои байналмилалист. Он муносибатро байни давлатҳо мустаҳкам намуда, ба иқтисоди ҷаҳонӣ даромади зиёд меорад. Инчунин, диққати ҷомеаи ҷаҳониро ба муҳиммияти туризм ва аҳамияти иҷтимоӣ, иқтисодӣ, маданӣ ва фарҳангии он ҷалб менамояд. Туризм хотиррасон менамояд, ки ҳар як шаҳрванд ҳуқуқи ҳаловат бурдан аз табиати зебои ҷаҳон дорад. Бинобар ин, дар Рӯзи байналмилалии туризм ҳамаро ба он даъват менамояд, ки ба нафъи туризми дастрас диққат диҳанд.


     Ҷумҳурии соҳибистиқлоли мо аз соли 2007 инҷониб аъзои комилҳуқуқи Созмони умумиҷаҳонии туристӣ мебошад ва намояндагони бахши туризми кишвар дар доираи Барномаи давлатии рушди туризм аз соли 2011 дар чорабиниҳои сиёсии ин созмони бонуфузи ҷаҳонӣ иштирок намуда, сифати маҳсулоти тарғиботию иттилоотии худро баланд бардошта истодаанд. Шомилшавии Тоҷикистон ба ЮНЕСКО роҳро барои рушди сайёҳӣ дар кишвари мо боз намуд. Ҳукумати Ҷумҳурии Тоҷикистон ба рушди сайёҳӣ таваҷҷуҳи хосса зоҳир намуда, мавзеъҳои бойи таърихӣ, қуллаҳои баланди кӯҳӣ ва табиати нотакрори худро барои ҷалби бештари сайёҳон истифода бурда истодааст. Вобаста ба ин раванд Пешвои миллат муҳтарам Эмомалӣ Раҳмон дар Паёмҳои ба Маҷлиси Олии Ҷумҳурии Тоҷикистон пешниҳод кардаашон соли 2018-ро ҳамчун “Соли рушди сайёҳӣ ва ҳунарҳои мардумӣ» ва солҳои 2019-2021-ро “Солҳои рушди деҳот, сайёҳӣ ва ҳунарҳои мардумӣ» эълон карданд, ки ин барои рушду равнақ ва вусъату ривоҷи бомайлони ин соҳаи сердаромади ҷумҳурӣ заминаи созгоре мебошад.


     Бинобар ин, Роҳбари давлат ба Кумитаи рушди сайёҳӣ супориш доданд, ки барои инкишофи намудҳои гуногуни сайёҳї, таъсиси инфрасохтори зарурӣ, омода намудани маводи иттилоотӣ ва хатсайрҳои нав дар мавзеъҳои гуногуни кишвар, инчунин, такмили қонунгузории танзимкунандаи фаъолияти соҳа чораҳои зарурӣ андешида, лоиҳаи Стратегияи рушди сайёҳиро барои давраи то соли 2030 омода ва барои баррасӣ ба Ҳукумати мамлакат пешниҳод намояд. Тоҷикистони муосир метавонад бо истифода аз таҷрибаи пешқадами ҷаҳонӣ дар соҳаи сайёҳӣ муваффақ шавад. Баҳри пешрафти соҳаи туризм дар ҷумҳурӣ омӯхтани таҷрибаи кишварҳои дар ин самт муваффақ ва зудтар амалӣ кардани таҷрибаи пешқадами онҳо самараи нек хоҳад дод. Зеро аз таҳқиқоти назариявии олимон ва таҷрибаи ҷаҳонӣ бармеояд, ки инкишофи соҳаҳои иҷтимоиву фарҳангӣ ва инфрасохторӣ аз инкишофи соҳаи сайёҳӣ вобастагии калон дорад.


     Дар Ҷумҳурии Тоҷикистон барои ҷалби сайёҳони хориҷӣ шароити мусоид - инфрасохтори бахши сайёҳӣ фароҳам оварда шудааст. Фаъолияти беш аз 100 ширкати сайёҳӣ, 4 фурудгоҳи байналмилалӣ, 2 ширкати ҳавопаймоии миллӣ, 3 меҳмонхонаи дорои бренди ҷаҳонӣ, 170 меҳмонхонаи ҷавобгӯ ба меъёрҳои байналмилалӣ, марказҳои сайёҳии иттилоотӣ далели рушди бахши сайёҳӣ маҳсуб меёбанд. Ҷанбаи муҳими ҳамкории байналмилалӣ дар соҳаи туризм таҳкими ҳамкории мутақобил бо Созмони умумиҷаҳонии туристӣ ба ҳисоб меравад. Ҷумҳурии Тоҷикистон ҳамчун аъзои комилҳуқуқи ташкилот бо мақсади истифодаи самараноки имкониятҳои худ дар чорабиниҳое, ки таҳти сарпарастии Созмони умумиҷаҳонии туристӣ баргузор мешаванд, фаъолона иштирок менамояд.


      Пас, мақсади асосии рушди туризм дар кишвар - ташкили саноати фоидаовар ва рақобатпазир мебошад. Бинобар ин, ҷиҳати расидан ба талаботи замонавии хизматрасониҳои туристӣ, таъминоти даромади маблағҳои иловагӣ ба буҷети давлатӣ ва таъсиси ҷойҳои нави корӣ бояд кӯшиш ба харҷ дод. Мо итминон дорем, ки давра ба давра бо андешидани чораву тадбирҳои муассир мушкилоти мавҷуда ҳалли худро меёбад.


Дилшод Қосимов – узви фаъоли

ҲХДТ дар ноҳияи Сино

 

 


Вакти нашр: 2019-10-21 11:01:17    Хонданд: 25    Муфассал...

Дурустнависӣ аз мутолиаи зиёд маншаъ мегирад

     Имсол аз қабули Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон» 30 сол пур шуд ва бахшида ба ин муносибат мулоқоти Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо аҳли зиё ва маориф баргузор гардид, ки басо хотирмону гуворо буд.
Ин вохӯрӣ бозгӯи мақоми баланди забони тоҷикӣ дар давлат ва пуштибонии он буд. Зеро аз суханронии Пешвои муаззами миллат бори дигар эҳсос мегардид, ки Сарвари давлат ғамхору ҳомии забони модарист, ба он эҳтироми беандоза ва барои нигаҳдошти мақоми он таваҷҷуҳ ва кӯшишҳои назаррас доранд. Сухани ноб ва ширину шевои тоҷикӣ бори нахуст дар баландтарин минбарҳои ҷаҳон аз забони Пешвои миллат садо дод ва ба ҷаҳониён аз ҳастии миллати тоҷик паём расонд.

    Аслан бо қабули Қонун «Дар бораи забони давлатии Ҷумҳурии Тоҷикистон» муносибат ба забони тоҷикӣ комилан тағйир ёфт ва сатҳи забондонии аҳли ҷомеа тадриҷан боло рафта, забони тоҷикӣ забони илм гардид. Барҳақ, забон ҳамчун нахустунсури мустақилият ва ваҳдати миллӣ, сарвати бебаҳои фарҳангӣ, яке аз шохаҳои асосӣ ва шиносномаест, ки дар ҷаҳон миллатҳоро тавассути он мешиносанд. Забони тоҷикӣ ҳамчун забони сиёсату қонунгузорӣ ва муоширату коргузорӣ дар ҳамаи соҳаҳои ҳаёти ҷамъиятӣ истифода мешавад, омӯзишу донистани он барои ҳар як сокини ҷумҳурӣ зарур ва ҳатмист, ки тадбир низ бо пешниҳоди Пешвои муаззами миллат рӯи кор омадааст.
      Пешвои миллат дар суханронии хеш дар бораи баъзе ғалатҳои забони васоити ахбори омма истода гузаштанд, ки басо бамаврид буд, зеро ВАО тарғибгари забон буда, «дар равону шево гардидани забони тоҷикӣ, баланд бардоштани сатҳу завқи забондонии мардум ва пешгирӣ кардани ғалатгӯиву ғалатнависӣ нақши бисёр муҳим дорад».
Дар аксар маврид ба мушоҳида мерасад, ки рӯзномаву маҷаллаҳо ва телевизиону радио дар маводи хеш ба ғалатҳои имлоӣ роҳ медиҳанд ва ба он эътибори ҷиддӣ намедиҳанд. Ин дар ҳолест, ки аҳли ҷомеа аз забони васоити ахбори омма меомӯзанд ва дар навиштору гуфтор ба он такя мекунанд. Худи мо низ агар дар навиштани ягон ибора ва ё калима ё ин ки мондани аломати китобат ба шубҳа афтем, ҳатман посухро аз матлаб ва имлои рӯзномаҳои бонуфузи расмии кишвар ҷустуҷӯ мекунем. Вале бояд гуфт, ки дар ҳамин маврид ҳам наметавон ба имлои баъзе аз нашрияҳо эътимод кард, зеро як калима ва ё ибора дар як мавод бо чанд тарзи навишт оварда шудааст, ки ин духӯрагиро ба миён меоварад. З-ин рӯ, муҳаррирони нашрияҳо масъулияти баландро бар дӯш доранд, аз таҳрири эшон рафъи духӯрагӣ ва ғалатнависию ғалатгуфторӣ ва ахиран, саводнокии ҷомеа вобаста аст. Бинобар ин, рӯзноманигоронро лозим аст, ки дар таҳияи мавод ба риояи меъёрҳои забони давлатӣ ва имлои дуруст аҳамияти ҷиддӣ диҳанд.

      Албатта, дуруст навиштан аз бисёр мутолиа кардан ба амал меояд, ки доир ба ин масъала низ муҳтарам Пешвои миллат дар суханрониашон истода гузаштанд. Президенти мамлакат масъалаи оммавикунонии китобхониро баррасӣ карда, дар таътилҳо ба мактаббачагон хондани китобҳои бадеиро тавсия доданд, ки басо бамавриду муфид аст. Зеро тарғиби мутолиаи китоб ва чопи китобҳои шавқовари бадеӣ бо мақсади оммавигардонии китобхонӣ имконият медиҳад, ки сатҳи фарҳангу маданияти мардум боло рафта, нақши ҷаҳонбинии маънавӣ ва фарҳангӣ дар тарбияи насли ҷавон боло бурда шавад. Ҳамчунин, ташкили фазои маърифатӣ, хариди китобҳои бадеӣ, таъсиси китобхонаи хусусӣ, назорат ва санҷиши китобҳои мутолианамудаи фарзанд, дар баробари ин, китобхонии худи волидон дар ҳузури фарзандон роҳҳои муассири ҷалби кӯдакон ба китобхонист, ки вусъати ин амалҳо барои ҳар як шаҳрванди кишвар зарур шуморида мешавад. Зеро китобхонӣ нутқро бурро ва ҷаҳонбиниро васеъ карда, дари маърифатро барои шахс мекушояд ва таркиби луғавии забонро ғанӣ мегардонад.

     Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ин вохӯрӣ, инчунин ба масъалаҳои таҳия, танзим ва ҳамгунсозии истилоҳот, милликунонии забони технологияҳои навин, феҳристбандии электронии тамоми калимаҳои забони тоҷикӣ бар асоси маъхазҳои қадимаву имрӯза, эҳё кардани номҳои миллии тоҷикӣ, ба танзим даровардани онҳо ва номҳои ҷуғрофӣ, ба танзим даровардани номгузорӣ аҳамият дода, ба сохторҳои марбута дастур доданд то дар муддати пешбинишуда барои беҳтар шудани вазъ “Барномаи рушди забони давлатӣ барои солҳои 2020-2030”, “Қоидаҳои имлои забони тоҷикӣ”, «Энсиклопедияи забони тоҷикӣ» ва луғати имлои забони адабии ҳозираи тоҷикро таҳия намоянд.
       Ҳамин тавр, дар сурати иҷрои ҳамаи супоришҳо аз тарафи мақомоти дахлдор, риояи меъёрҳои имлои забони тоҷикӣ ва қолабҳои меъёри муоширату забони илм аз тарафи забондонҳо, мутолиаи бештар мо метавонем нуқсонҳо ва духӯрагиҳоро дар забони тоҷикӣ рафъ созем.
Пас, биёед, ба навиштаамон аҳамият диҳем, онро чандбора бихонем, зеро тозакорӣ ва дурустнависӣ низ аз мутолиаи зиёд маншаъ мегирад.


Машҳура Абдуллоева – узви фаъоли ҲХДТ

дар ноҳияи Сино    

 


Вакти нашр: 2019-10-21 11:10:55    Хонданд: 21    Муфассал...

Маҷлиси ҳисоботӣ-интихоботӣ дар ташкилоти ибтидоии «Сохтмони истиқлол»

Бо иштироки масъулини Кумитаи иҷроияи ҲХДТ дар ноҳияи Фирдавсӣ  дар ташкилоти ибтидоии “Сохтмони истиқлол»  маҷлиси ҳисоботӣ-интихоботӣ доир гардид.

       Хайрулло Қурбонов, раиси ташкилоти ибтидоӣ роҷеъ ба фаъолияти  ташкилот маълумот дода, таъкид намуд, ки дар ин давра ҷиҳати татбиқи сиёсати созандаи ҲХДТ, барномаи он ташкилот як қатор корҳоро анҷом дод. Ҳамзамон дар мавзӯҳои соатҳои сиёсӣ,  ҳифзи дастовардҳои замони соҳибистиқлолӣ,  ҳифзи фарҳанги миллӣ, пешгирии омилҳои номатлуб-терроризму экстремизм, бегонапарастӣ ва ғайра доир гардиданд.

       Таъкид гардид, ки минбаъд низ дар самти татбиқи сиёсати созандаи ҳизб фаъолиро аз даст надода, ҷиҳати дар сатҳи баланд баргузор гардидани маъракаҳои дарпешистодаи сиёсӣ саҳми хешро гузоранд.
Роҷеъ ба дастовардҳои замони соҳибистиқлолӣ, ҳифзи арзишҳо, фарҳанги миллӣ, забони давлатӣ низ ибрози андеша гардид. Таъкид гардид, ки бар асари раванди ҷаҳонишавӣ ба хусусиятҳои миллӣ, забону фарҳангҳо хатари нестшавӣ таҳдид мекунад. Бояд насли худшиносу худогоҳ ва бо нангу орро ба воя расонд, ки ҷиҳати ҳифзу таҳкими муқаддасоти миллӣ, арзишҳои воло саҳзмгузор ва вориси сазовори миллат бошад.

 


Вакти нашр: 2019-10-21 11:20:55    Хонданд: 19    Муфассал...

МАҶЛИСИ ҲИСОБОТӢ-ИНТИХОБОТӢ ДАР ТАШКИЛОТИ ИБТИДОИИ «АВИАТСИЯИ МИЛЛӢ»

       Бо иштироки Гулаҳмадзода Зулфиқор Аҳмад-Раиси Кумитаи иҷроияи ҲХДТ дар ноҳияи Шоҳмансур, Субҳонзода Икром - раиси ташкилоти ибтидоии “Авиатсияи миллӣ” дар ташкилоти ибтидоии «Авиатсияи миллӣ» Маҷлиси ҳисоботӣ-интихоботӣ доир гардид.

     Субҳонзода Икром  зимни суханронӣ аз фаъолияти ташкилоти ибтидоӣ  афзуд, ки дар назди ташкилот гурўҳи таблиғотӣ таъсис ёфта, тарғибу амалӣ намудани барномаҳои ҲХДТ, татбиқи ҳадафҳои созандаи ҳизб ва сиёсати бобарору бунёдкоронаи Раиси муаззами ҲХДТ муҳтарам Эмомалӣ Раҳмонро аъзои ташкилот ва ҷонибдорони ҲХДТ сармашқи кори ҳамарӯзаи худ кардаанд.  Дар  ин миён раиси ташкилот ва муовини раис ба таври кушода интихоб гардида, ҳисобот қаноатбахш арзёбӣ гардид.

       Сипас,  Гулаҳмадзода Зулфиқор Аҳмад  роҷеъ ба нақши ташкилот дар амалӣ намудани ҳадафҳои олии Раиси ҲХДТ муҳтарам Эмомалӣ Раҳмон тарғиби идеологияи миллӣ, ҳимояи Истиқлолияти давлатӣ дар шароити равандҳои мураккаби авзои сиёсии ҷомеаи ҷаҳон, ҳимояи манфиатҳои милии Ҷумҳурии Тоҷикистон, нигоҳдории ризоияти ҷомеа ва устувории сиёсӣ дар кишвар, тарбияи ватандӯстӣ ва таҳкими ягонагии халқ ва маосили дохилиҳизбӣ  сухан кард.


Вакти нашр: 2019-10-21 11:29:53    Хонданд: 26    Муфассал...

МАҶЛИСИ ҲИСОБОТӢ-ИНТИХОБОТӢ ДАР ТАШКИЛОТИ ИБТИДОИИ “СИМО”

      Дар ташкилоти ибтидоии “Симо” бо иштироки Гулаҳмадзода Зулфиқор Аҳмад – Раиси Кумитаи иҷроияи ҲХДТ дар ноҳияи Шоҳмансур маҷлиси ҳисоботӣ-интихоботӣ доир гардид.

      Раиси ташкилоти ибтидоӣ дар назди аъзоёни ташкилот ва ҳизбиён ҳисобот дода, аз дастовардҳои даврони истиқлолияти мамлакат, истифодаи ду  чархаи НБО “Роғун”, истиқболи гарми ҷомеаи ҷаҳон аз пешниҳоди навбатии Тоҷикистон бобати даҳсолаи байналмилалии амал “Об барои рушди устувор”, “Солҳои рушди деҳот, сайёҳӣ ва ҳунарҳои мардумӣ” 2019-2021, тарғиби ҳамаи дастоварҳои кишвар ва пайкори созандаи Раиси муаззами ҲХДТ муҳтарам Эмомалӣ Раҳмон дар шабакаи якуми телевизиони Тоҷикистон нутқ кард. Сипас, бо ҷонибдории ҳамаи аъзоёни ҳизб раиси ташкилот, муовини ӯ ва котиби ташкилоти ибтидоии ҳизбӣ интихоб гардиданд.

       Гулаҳмадзода Зулфиқор Аҳмад ҳангоми суханронии худ қайд кард, ки дар тарғиби арзишҳои миллӣ, идеологияи солими миллӣ, фарҳанги миллӣ, тарбияи ватандӯстии ҷавонон ва хештаншиносии аҳли ҷомеа, ки як бахши барномаҳои ҲХДТ мебошанд, телевизиони Тоҷикистон ва аъзоёни ташкилоти ибтидоии “Симо” саҳми муносиб доранд.

 


Вакти нашр: 2019-10-21 13:29:02    Хонданд: 25    Муфассал...

МАҶЛИСИ ҲИСОБОТӢ-ИНТИХОБОТӢ ДАР ТАШКИЛОТИ ИБТИДОИИ “РОҲСОЗ”

         Маҷлиси ҳисоботӣ-интихоботӣ  бо иштироки Раиси Кумитаи иҷроияи ҲХДТ дар ноҳияи Шоҳмансур – Гулаҳмадзода Зулфиқор Аҳмад доир гардид.

         Нахуст раиси ташкилот дар назди аъзоён ҳисобот дода, қайд кард, ки дар ташкилоти ба муносибати санаҳои таърихӣ ва омӯзиши қонунҳои амалкунандаи кишвар мунтазам соатҳои сиёсӣ доир мегардад. Ҷиҳати тарғиби дастовардҳои даврони соҳибистиқлолии мамлакат ва хизматҳои шоистаи Раиси муаззами ҲХДТ муҳтарам Эмомалӣ Раҳмон бо ҳайати кормандону ҳизбиён мулоқоту вохӯриҳо низ доир мегарданд. Бо овоздиҳии умумӣ раис, муовини раис ва котиби ташкилот интихоб гардиданд.
        Гулаҳмадзода Зулфиқор Аҳмад зимни суханронии худ афзуд, ки ҲХДТ ҷиҳати расидан ба зиндагии шоистаи мардум, таҳкими давлатдории  миллӣ, мустаҳкам намудани пояҳои истиқлолияти давлатӣ, таъмини ягонагии халқ ва ҳокимият бо сарварии Раиси муаззами ҲХДТ корҳои назаррасеро амалӣ намудааст. Вобаста ба фаъолияти ташкилот иброз дошт, ки ҷиҳати тозагиву озодагӣ, сарсабзу хуррамгардонии гулзору дарахтҳои ороишӣ ва зебогии шаҳри Душанбе саҳм доранд.
       Дар охир ба якчанд нафар фаъолони ҳизб сипосномаҳои Кумитаи иҷроияи ҲХДТ дар ноҳияи Шоҳмансур тақдим гардид.


Вакти нашр: 2019-10-21 15:26:31    Хонданд: 24    Муфассал...

СОЛИМИИ ҶОМЕА ПОЯНДАГИИ МИЛЛАТРО ТАЪМИН МЕНАМОЯД

      Дар доираи баргузории аксия-ҳамоиши Кумитаи иҷроияи ҲХДТ дар ноҳияи Исмоили Сомонӣ дар донишгоҳҳои ҳудуди ноҳия бо мақсади солимгардонии ҷавонон ва пешгирии онҳо аз амалҳои нангин-нашъамандӣ,  ВНМО, кирдорҳои ҷиноятии ҷароҳатрасонӣ  идомаи он дар Донишгоҳи давлатии тиббии Тоҷикистон ба номи А. Сино доир гардид.

     Дар чорабинӣ Ҷурахонзода Ҷумахон-мудири шуъбаи ташкилӣ ва кор бо кадрҳои Кумитаи иҷроияи ҲХДТ дар ноҳияи Исмоили Сомонї, Қобилов Қобилҷон-муовини Ректор оид ба муолиҷаи ДДТТ ба номи     А.Сино, Қурбонбекова Парвина - муовини Ректор оид ба тарбияи Донишгоҳ, Қодирова Зебо – нарколог, асабшиноси НД дар "Маркази миллӣ  маниторинг ва пешгирии нашъамандӣ"-и Вазорати тандурустӣ ва ҳифти иҷтимоии аҳолии Ҷумҳурии Тоҷикистон иштирок ва суханронӣ намуданд.

    Нахуст Қобилов Қ. К. - чорабиниро ҳусни ифтитоҳ бахшида, дар идома  Ҷурахонзода Ҷ.-зимни баромади худ қайд намуд, ки яке аз ҳадафи ҲХДТ ин хизматрасонии сифатноки тиббӣ, ҷорӣ намудани рақобати солим, ташаккули низоми мусоири  хизматрасонӣ бо истифода аз технологияи замонавӣ мебошад. Ҷумҳурии Тоҷикистон тӯли 28 сол аст, ки дар фазои Истиқлолияти сиёсӣ арзи ҳастӣ намудааст. Рушди мустақилона дар баробари афзалиятҳо баъзе омилҳои манфӣ низ дорад, ки яке аз онҳо ин нашъмандӣ мебошад. Давоми солҳои охир нашъамандӣ ва майзадагӣ ба саломатии мардуми сайёра, аз ҷумла аҳолии Ҷумҳурии Тоҷикистон таҳдиди ҷиддӣ пеш оварда, дар самти пешравии фарҳангии ҷамъият монеа эҷод намуд, ки дар натиҷа ба рушду пешрафт мушкил эҷод мекунад.  

      Қодирова Зебо-нарколог-асабшиноси НД дар "Маркази миллӣ маниторинг ва пешгирии нашъамандӣ"-и Вазорати тандурустӣ ва ҳифти иҷтимоии аҳолии Ҷумҳурии Тоҷикистон дар идома  баромад намуда, зикр намуд, ки дар нуҳ моҳи соли 2019 теъдоди нашъамандон ба 6401, ки аз ин 6249  мардон  буда, 152 нафар  занон мебошад, ки ин барои миллату давлат як фоҷиаи сахт мебошад. Мавсуф таърих, сабабҳо ва роҳҳои даст задан ба ин амалҳоро содда карда, ба ҷавонон фаҳмонданд, ки оқибатҳои нохубро ба оила ва давлат дорад.


Вакти нашр: 2019-10-22 08:04:35    Хонданд: 65    Муфассал...

Аксия-ҳамоиш таҳти унвони "Пешгириии ҷавонон аз амалҳои номатлуб"

Аксия - ҳамоиши Кумитаи иҷроияи ҲХДТ дар ноҳияи Исмоили Сомонӣ ҷиҳати пешгирии ҳуқуқвайронкунии ҷиноятиву маъмурии ҷавонон ва бартараф намудани камбудиҳо дар самти нашъамандӣ дар ҷомеа бо штироки васеи донишҷӯёни Донишгоҳи аграрии Тоҷикистон ба номи Шириншоҳ Шоҳтемур санаи 18 октябри соли ҷорӣ доир гашт.
     Дар Аксия-ҳамоиш Сардори шӯъбаи пешгирии нашъамандии МД "Маркази миллии мониторинг ва пешгирии нашъамандӣ"-и Вазорати тандурустӣ ва ҳифзи иҷтимоии аҳолии Ҷумҳурии Тоҷикистон- Фирдавс Рӯзиев, муовини Ректори Донишгоҳи аграрии Тоҷикистон ба номи Шириншоҳ Шоҳтемур -Искандар Самандаров, кормандони Кумитаи иљроияи њизбии ноњия иштирок ва суханронӣ намуданд.

    Аксияи-ҳамоиш доираи зиёда аз 500 донишҷӯёнро фаро гирифта дар он маводҳои таблиғотӣ ва корҳои фаҳмондадиҳӣ ҷиҳати пешгирии амалҳои номатлуб ва оқибатҳои он аз ҷониби мутахассисони варзидаи соҳа таблиғ карда шуд.


Вакти нашр: 2019-10-22 08:08:27    Хонданд: 28    Муфассал...

Айби худ аблаҳ набинад дар ҷаҳон

      Имрӯзҳо мо тариқи ВАО ва шабакаҳои иҷтимоӣ ба таври васеъ мебинем, ки муносибат ва нигоҳи хоинонаи аъзоёни ташкилоти экстремистиву террористии ҳизби наҳзат нисбат ба дастовардҳои Ҷумҳурии Тоҷикистон чи гуна сурат мегирад. Бояд ёдовар шуд, ки миллати тоҷик худ шоҳиди он аст, ки аъзоёни ин ташкилоти иғвогар дар солҳои ҷанги шаҳрвандӣ чи азобҳову рӯзҳои нангину сангинеро ба хоки ин ватану ба сари ин миллат овардаанд. Барои ба даст овардани истиқлолияти давлатӣ ва амнияти миллӣ ҳазорон нафар шаҳрвандон ва қаҳрамонони миллати тоҷик ҷони худро аз даст додаанд, ки инро миллати тоҷик ҳеҷ гоҳ фаромуш намекунад ва абадан ин ҷанги бародаркуш дар таърихи миллати тоҷик ҳамчун як захм ва доғи сиёҳе боқӣ хоҳад монд.

      Бояд иброз намуд, ки ҳар шахсе, ки обу нони ин сарзаминро хурдаасту ба ин Ватану ба ин миллат мақсади хиёнат карданро дорад, барои чунин тоифаҳои беномус дар ин сарзамини муқаддас ҷой нест.
Наҳзатиҳо ҳамон аблаҳонеанд, ки айби худашонро намебинанд, ҳол он, ки худ сар то по ғарқи айбу камбудӣ буда, корашон пайваста дар ҳакқи Ватану миллат дурӯғ гуфтану туҳмат кардан аст. Аз дастовардҳову ободкориҳо тамоман суҳбат намекунанд, чунки ин хоинони зархарид пешравии Ватанро дидан наметавонанд ва боз худашонро ватандӯст нишон додан меҳоҳанд, ки танҳо ҳунарашон аз дур ғайбату иғво андохтан асту халос. Барои ободии ин сарзамин ягон кори хайреро анҷом надодаанд. Бояд ҳеҷ вақт фаромӯш накард, ки ҳар фарде нисбати давалати худ хоинӣ намояд ва камбудиҳои бе асосро қасди ифшо намудан кунад, гӯё ӯ камбудии хона ва оилаи худашро ба ҷаҳониён муаррифӣ карда истодааст. Ин кор бисёр нанговар аст, ки вақте шахс таъна ба хонаи худ мезанаду камбудиҳои бартарафшавандаро бо мақсади иғво андохтан ба бегонагон нишон медиҳад, ки ин амалҳо ба пуррагӣ дар фаъолияти аъзоёни ҳизби наҳзат мушоҳида карда мешаванд. Ин худ далели исботи хоинии наҳзатиҳо ба миллати тоҷик аст.
Бояд мардуми Тоҷикистон дарк намояд, ки мақсаду ҳадафҳои асосии ин нохалафону ғуломони хоҷагони хориҷӣ танҳо ҷангу ҳунрезӣ ва парокандагии миллати тоҷик мебошад. Дар ҳамаи давлатҳои рӯйи дунё камбудӣ ба назар мерасад. Нест давлате, ки дар он камбудӣ ҷой надошта башад.
      Қайд кардан ба маврид аст, ки дар хориҷи кишвар таҳти роҳбарии хоини миллати тоҷик М. Кабирӣ ва ҳаммаслаконаш ташкилоти бо ном «Паймони миллӣ» ташкил кардаанд, бехабар аз он, ки миллати тоҷик аллакай ҳадафу мақсадиҳои нопоки ин ташкилоти террористиву экстремистиро фаҳмиданд. Наҳзатиҳо барои фиреби миллат боз рӯ ба сӯйи дигар ном намуда, мехоҳанд ҳадафу мақсадҳои нопоки худ ва фарҳанги бегонапарастиро дар Ҷумҳурии Тоҷикистон амалӣ намоянд.
Бисёр нанговар аст, ки ин тоифа барои қонеъ гардонидани талаботи хоҷагони хориҷии худ на танҳо Ватан, балки номуси хоҳару зану духтарони худашонро низ дареғ намедоранд. Аз илми шаръиву ғайришаръӣ ҳам маълум аст, ки ин гуна афрод ҳеҷ гоҳ зиндагии ба маънии томаш покиза надоранд ва ҳамеша бо садои фаҳшу иғвогариву хоинии худ ҷилваи ваҳшисифатона доранд. Ҳамчун як амали инсонӣ барои онҳо иззату эҳтироми атрофиён вуҷуд надорад. Худованд ба ин гуна аблаҳон танҳо ҳамон гӯшти бе устухонро бо номи забон додаст, ки олуда ба ифлосиҳост. Ҳар бандае, ки нияти нопок дорад вай ҳеҷ гоҳ ба мақсад намерасад, чунки Худованд ҳамеша тарафдори тинҷию амонӣ ва хизмати шоиста ба Ватан, падару модар ва гирифтани дасти ятимону барҷомондагон буда, инсони хоину бадбинро ҳеҷ гоҳ ба мақсадаш намерасонад.
    Мардуми сулҳпарвару ободкори тоҷик бояд шукргузории ин тинҷию амониро намуда, ҳамеша ҳушёру зирак бошанд ва пайваста илм омӯзанд, зиракии сиёсиро аз даст надиҳанд, то ин, ки ба фиребу найрангҳои наҳзатиҳои хоину фурӯхташуда фирефта нашаванд.
Зикр кардан ба маврид аст, ки таҳти роҳбарии хирадмандонаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Тоҷикистони азиз рӯз то рӯз ободу зебо ва пешрафтаву гул-гулшукуфон шуда истодааст, ки инро мо худ бо ҷашми сар мебинему мешунавем ва шукрона мекунем.
Мо, мардуми сарбаланди тоҷик пайравони асили Пешвои муаззами миллатем ва нагузорем, ки ягон нохалафе ба амнияти миллии мо дахолат намояд. Мо дар якҷоягӣ метавонем як қувваи бузург бошем ва бар зидди хоинону душманони миллати тоҷик муборизаи беамон барем.
Аз кулли мардуми Тоҷикистон хоҳиш менамоем, ки дар ҳифзи марзу буми ватан ва муrаддасоти миллӣ бетараф набошед ва ба самъи бародарону хоҳарон ва дӯстони худ мақсаду ҳадафҳои нопоки аъзоёни ҳизби террористиву экстремистии наҳзатро расонед ва ҳамеша тарафдори ободиву озодӣ ва осудагиву сарзабзии ин миллату ин сарзамини биҳиштосо бошед.


Саидов Фаридун – узви фаъоли ҲХДТ

дар ноҳияи Сино

 

 


Вакти нашр: 2019-10-22 10:25:26    Хонданд: 22    Муфассал...

Чорабинии ҳизбӣ бахшида ба солимгардонии ҷомеа ва рафъи кирдорҳои нангин

       Бо ташаббуси Кумитаи иҷроияи ҲХДТ дар ноҳияи Исмоили Сомонӣ ҷиҳати солимгардонии ҷавонон ва пешгирии амалҳои нангин аз қабили кирдорҳои ҷиноятии ҷароҳатрасонӣ аз ҷониби ҷавонону ноболиғон дар Донишгоҳи давлатии омӯзгории Тоҷикистон ба номи Садриддин Айнӣ Аксия-чорабинии таблиғотӣ-фаҳмондадиҳии мутахассисони Вазорату идораҳои дахлдор гузаронида шуд.

      Дар он намояндаи Муассисаи давлатии "Маркази миллии мониторинг ва пешгирии нашъамандӣ"-и Вазорати тандурустӣ ва ҳифзи иҷтимоии аҳолии Ҷумҳурии Тоҷикистон-Тахмина Исматова- нарколог-равоншинос, мудири шӯъбаи таблиғот ва иттилооти Кумитаи иҷроияи ҳизб дар ноҳия-Хайём Амонов, ноиби Ректор оид ба корҳои тарбияи Донишгоҳи давлатии омӯзгории Тоҷикистон ба номи Садриддин Айнӣ- Мӯсоҷонзода Ҷамила Мансур, мудири бахши омор ва бақайдгирии аъзои ҳизби Кумитаи иҷроияи ҲХДТ дар ноҳияи Исмоили Сомонӣ-Мухамадуллоева Замира, доктори дармонгоҳи Донишгоҳ -Рашид Раҷабов, Раиси иттифоқи касабаи Донишгоҳи давлатии омӯзгорони  Тоҷикистон ба номи Садриддин Айнӣ-Дилшод Раҷабов ва фаъолдонишҷуёни  Донишгоҳи давлатии омӯзгории Тоҷикистон ба номи Садриддин Айнӣ иштирок намуданд.

      Нахуст,  Хайём Амонов меҳмононро ба ҳозирин муаррифӣ намуд ва дар доираи огаҳи пайдо намудан нисбати зарарҳои падидаҳои номатлуби замон-нашъамандӣ, майзадагӣ, бетартибиҳо ва қоидавайронкуниҳои ҷавонону наврасон ва халал ворид намудани онҳо ба ҷомеаи шаҳрвандӣ суханронӣ кард. Гуфта шуд, ки солимии ҷомеа пояндагии миллатро таъмин менамояд. Ҳар як падидаи иҷтимоӣ заминаҳои пайдоиши худро дорад, ки таъсири бади худро ҳамчун доғ дар ёдҳо ва ҳаёти ҷамъият боқӣ мемонад. Дар ҳар як падидаи номатлуб сабукравию кундандешии ҷавонон ва наврасон дида мешавад, ки вақтҳои охир мушкилоти ҷомеа ва мақомотҳои дахлдор гаштааст.
Сипас,  Тахмина Исматова- нарколог-равоншинос аз оғоз, ҷалбшавӣ, одат, гирифторӣ ва оқибатҳои вайроншавии генатсит, гирифтори ба вируси норасоии масунияти одам, гепотитҳо, саратонро дар алоҳидагӣ оммафаҳм намуд. Ҳамчунин бо мақсади дастрасии мардум ба хизматрасонии ройгони тиббӣ, ташаккули низоми мусоири хизматрасонӣ бо истифода аз технологияи замонавӣ ва гузаштани ҷавонону духтаронро аз ташхиси вирусии тиббӣ, супоридани ташхиси хун, слиз ва дигарро яке аз иқдомҳои зарурӣ шуморид. Қайд намуд,ки нашъамандӣ,  майзадагӣ ва паҳн намудани вируси сироятӣ дар ҷомеа ба яке аз таҳдидҳои олами муосир табдил ёфтааст, ки амнияти кишварҳо ва минтақаҳоро зери хатар мегузорад.

       Дар идома Мӯсоҷонзода Ҷамила ва  Дилшод Раҷабов ҳамчун мутахассисони соҳаи омӯзгорӣ аз кирдорҳои ғайриқонуниву ғайриинсонӣ ва ҳодисаи нангини ба вуқӯъ омадаи ҷиноятии ҷавонон боиси таассуфи зиёд намуданд. Қайд гардид,ки эҳтиром нисбати якдигар сабру таҳаммулгароии тоҷиконаи худро ба кор андохта ин доғи рузро ба пуррагӣ нест хоҳем кард. Зеро ба пеша намудани ин амалҳо ба ҷое нахоҳем расид, ки моро чун миллати куҳанбунёд ва дорои таърихи неку ғанидошта ном гиранд.

     Дар фарҷом донишҷӯён ба саволҳои сершумори худ посухҳои мушаххас гирифтанд ва  бовар кунониданд, ки пайравони Пешвои муаззами миллат буда, бо фаъолнокии худ нест кардани ин падидаву мафкураро собит хоҳем намуд.

 


Вакти нашр: 2019-10-22 11:12:15    Хонданд: 69    Муфассал...

Чорабинии ҳизбӣ бахшида ба солимгардонии ҷомеа ва рафъи кирдорҳои нангин

       Бо ташаббуси Кумитаи иҷроияи ҲХДТ дар ноҳияи Исмоили Сомонӣ ҷиҳати солимгардонии ҷавонон ва пешгирии амалҳои нангин аз қабили кирдорҳои ҷиноятии ҷароҳатрасонӣ аз ҷониби ҷавонону ноболиғон дар Донишгоҳи давлатии омӯзгории Тоҷикистон ба номи Садриддин Айнӣ Аксия-чорабинии таблиғотӣ-фаҳмондадиҳии мутахассисони Вазорату идораҳои дахлдор гузаронида шуд.

      Дар он намояндаи Муассисаи давлатии "Маркази миллии мониторинг ва пешгирии нашъамандӣ"-и Вазорати тандурустӣ ва ҳифзи иҷтимоии аҳолии Ҷумҳурии Тоҷикистон-Тахмина Исматова- нарколог-равоншинос, мудири шӯъбаи таблиғот ва иттилооти Кумитаи иҷроияи ҳизб дар ноҳия-Хайём Амонов, ноиби Ректор оид ба корҳои тарбияи Донишгоҳи давлатии омӯзгории Тоҷикистон ба номи Садриддин Айнӣ- Мӯсоҷонзода Ҷамила Мансур, мудири бахши омор ва бақайдгирии аъзои ҳизби Кумитаи иҷроияи ҲХДТ дар ноҳияи Исмоили Сомонӣ-Мухамадуллоева Замира, доктори дармонгоҳи Донишгоҳ -Рашид Раҷабов, Раиси иттифоқи касабаи Донишгоҳи давлатии омӯзгорони  Тоҷикистон ба номи Садриддин Айнӣ-Дилшод Раҷабов ва фаъолдонишҷуёни  Донишгоҳи давлатии омӯзгории Тоҷикистон ба номи Садриддин Айнӣ иштирок намуданд.

      Нахуст,  Хайём Амонов меҳмононро ба ҳозирин муаррифӣ намуд ва дар доираи огаҳи пайдо намудан нисбати зарарҳои падидаҳои номатлуби замон-нашъамандӣ, майзадагӣ, бетартибиҳо ва қоидавайронкуниҳои ҷавонону наврасон ва халал ворид намудани онҳо ба ҷомеаи шаҳрвандӣ суханронӣ кард. Гуфта шуд, ки солимии ҷомеа пояндагии миллатро таъмин менамояд. Ҳар як падидаи иҷтимоӣ заминаҳои пайдоиши худро дорад, ки таъсири бади худро ҳамчун доғ дар ёдҳо ва ҳаёти ҷамъият боқӣ мемонад. Дар ҳар як падидаи номатлуб сабукравию кундандешии ҷавонон ва наврасон дида мешавад, ки вақтҳои охир мушкилоти ҷомеа ва мақомотҳои дахлдор гаштааст.
Сипас,  Тахмина Исматова- нарколог-равоншинос аз оғоз, ҷалбшавӣ, одат, гирифторӣ ва оқибатҳои вайроншавии генатсит, гирифтори ба вируси норасоии масунияти одам, гепотитҳо, саратонро дар алоҳидагӣ оммафаҳм намуд. Ҳамчунин бо мақсади дастрасии мардум ба хизматрасонии ройгони тиббӣ, ташаккули низоми мусоири хизматрасонӣ бо истифода аз технологияи замонавӣ ва гузаштани ҷавонону духтаронро аз ташхиси вирусии тиббӣ, супоридани ташхиси хун, слиз ва дигарро яке аз иқдомҳои зарурӣ шуморид. Қайд намуд,ки нашъамандӣ,  майзадагӣ ва паҳн намудани вируси сироятӣ дар ҷомеа ба яке аз таҳдидҳои олами муосир табдил ёфтааст, ки амнияти кишварҳо ва минтақаҳоро зери хатар мегузорад.

       Дар идома Мӯсоҷонзода Ҷамила ва  Дилшод Раҷабов ҳамчун мутахассисони соҳаи омӯзгорӣ аз кирдорҳои ғайриқонуниву ғайриинсонӣ ва ҳодисаи нангини ба вуқӯъ омадаи ҷиноятии ҷавонон боиси таассуфи зиёд намуданд. Қайд гардид,ки эҳтиром нисбати якдигар сабру таҳаммулгароии тоҷиконаи худро ба кор андохта ин доғи рузро ба пуррагӣ нест хоҳем кард. Зеро ба пеша намудани ин амалҳо ба ҷое нахоҳем расид, ки моро чун миллати куҳанбунёд ва дорои таърихи неку ғанидошта ном гиранд.

     Дар фарҷом донишҷӯён ба саволҳои сершумори худ посухҳои мушаххас гирифтанд ва  бовар кунониданд, ки пайравони Пешвои муаззами миллат буда, бо фаъолнокии худ нест кардани ин падидаву мафкураро собит хоҳем намуд.

 


Вакти нашр: 2019-10-22 11:12:15    Хонданд: 18    Муфассал...

МАҶЛИСИ ҲИСОБОТӢ-ИНТИХОБОТӢ ДАР ТАШКИЛОТИ ИБТИДОИИ «НАҚЛИЁТЧӢ»

      Дар ташкилоти ибтидоии ҳизбии «Нақлиётчӣ» бо иштироки кормандони масъули Кумитаи иҷроияи ҲХДТ дар ноҳияи Шоҳмансур маҷлиси ҳисоботӣ-интихоботӣ доир гардид.

      Бобоева Нуриниссо – масъули ташкилоти ибтидоии «Нақлиётчӣ»   аз фаъолияти дувунимсолаи ташкилоти ибтидоӣ  гузориш дода, иброз дошт, ки аъзои ташкилоти ибтидоӣ барои пешбурди умури сиёсӣ, миллату давлат кушиш намуда, саҳми фаъоли худро дар таҳкими давлатдорӣ  хоҳанд  гузошт. Дар ин миён бо дастгирии аъзои ҳизб раиси ташкилоти ибтидоӣ ва муовини раиси ташкилоти ибтидоӣ аз нав интихоб гардиданд.

    Дар охир Вализода Муҳаммад – мудири шуъбаи таблиғот ва иттилооти Кумитаи иҷроияи ҲХДТ дар ноҳияи Шоҳмансур ҳизбиёнро ба ватандўстиву инсондўстӣ ва содиқ будан ба ватан, миллат ва  Пешвои миллат даъват намуд.


Вакти нашр: 2019-10-22 14:35:54    Хонданд: 30    Муфассал...

ТОҶИКИСТОН ВА НОДИРТАРИН ТАҶРИБАИ РАСИДАН БА СУЛҲ

         Таҷрибаи сулҳи тоҷикон минбаъд аз ҷониби Созмони Милали Муттаҳид ҳамчун таҷрибаи нодири расидан ба сулҳу субот эътироф гардид ва дар ҷараёни ҳалли масъалаи сулҳу оромӣ дар минтақаҳои даргири ҷаҳон истифода шуда истодааст.

Эмомалӣ РАҲМОН

       Истиқлолияти давлатӣ барои мо далели возеҳу бебаҳси пойдории давлат, бақои миллат, рамзи асолату ҳувияти миллӣ, мазҳари идеалу ормонҳои таърихӣ, шиносномаи байналмилалӣ ва ба ҷаҳони мутамаддин пайвастани кишвари соҳибистиқлоли Тоҷикистон мебошад. Дар таҳкими Истиқлолияти давлатӣ ва рушду такомули давлатдории навин Тоҷикистон пайваста қадамҳои устувор гузошта, дар 28 сол ба дастовардҳои назаррас ноил гардид. Дар ин давра бо мақсади таҳкими пояҳои Истиқлолияти давлатӣ ва рушди иқтисоди миллӣ тадбирҳои зиёд амалӣ шуда, барои таъмини зиндагии шоистаи ҳар як фарди ҷомеа барнома ва стратегияҳои мушаххас қабул гардидааст. Ба шарофати истиқлолият дар Ҷумҳурии Тоҷикистон марҳила ба марҳила сатҳи зиндагии мардум низ рӯ ба беҳбудӣ овардааст.
     Дар тӯли солҳои истиқлолият дар ҷумҳурӣ иқтисодиёти бисёрҷанба ташаккул ёфт, ки дар он ба тиҷорати хурд ва соҳибкорӣ таваҷҷуҳи хосса дода мешавад. Бо назардошти аҳамияти стратегии ин бахш барои тараққиёти давлат ва рушду ҳавасмандгардонии ин самт ба таври назаррас сода кардани тартиби бақайдгирии субъектҳои соҳибкорӣ ва муҳимтар аз ҳама, ҳифзи ҳамаҷонибаи ҳуқуқ ва манфиатҳои қонунии соҳибкорон диққати махсус дода шуд.

      Яке аз омилҳои асосии пешрафти иқтисодиёт устувории гардиши он мебошад, ки дар навбати худ аз вазъи ҳуқуқ вобастагии калон дорад. Дар ин ҷода, аксаран баҳсҳое, ки аз амалисозии фаъолияти иқтисодӣ ба вуҷуд меоянд, аз ҷониби иштирокчиёни муомилот мустақилона бо назардошти манфиатҳои тарафайн дар асоси созиш ё гуфтушунид ҳал мегарданд. Аммо қисмати зиёди баҳсҳо, ки ҳуқуқ ва манфиатҳои иштирокчиёни онҳо поймол мегарданд, дар судҳои иқтисодӣ баррасӣ мегарданд, зеро дастрасӣ ба адолат дар рушди тиҷорати хурд ва соҳибкорӣ нақши муҳим мебозад. Имрӯз дар мамлакат судҳои иқтисодӣ индикатори асосии иқтисодиёти давлат ба шумор рафта, баҳри ҳимояи манфиатҳои иқтисодии субъектҳои хоҷагидорӣ, инчунин, ҳимояи ҳуқуқи вайронкардашуда ё мавриди баҳс қароргирифта ва манфиатҳои қонунии давлат, корхонаву муассисаҳо, ташкилотҳову шаҳрвандон дар соҳаи фаъолияти соҳибкорӣ ё дигар фаъолияти иқтисодӣ ва мусоидат намудан ба таҳкими қонунияту пешгирии ҳуқуқвайронкунӣ дар соҳаи фаъолияти соҳибкорӣ ва дигар фаъолияти иқтисодӣ адолати судиро татбиқ менамоянд.

     Бо гузаронидани ислоҳоти судӣ ва такмил додани қонунгузорӣ мурофиаҳои судӣ ба сатҳи сифатан нав гузашта, муҳлати баррасии парвандаҳо кам гардида, марҳилаҳои судие, ки дар он такрор ба такрор парванда баррасӣ мегардид, хориҷ ва низоми истеҳсолоти иҷро сода гардонда шуд. Яъне, ҳокимияти судӣ, ки вазифаҳои асосии он дар таъмини ҳифзи ҳуқуқ, озодии инсону шаҳрванд, манфиати давлат, ташкилоту муассисаҳо ва қонунияту адолат ифодаи бевоситаи худро меёбад, ба пешравиҳои назаррас ноил гардид.

       Ин ҳама комёбиҳо, ки дар зарфи бисту ҳашт соли соҳибистиқлолӣ ба даст омадаанд, натиҷаи заҳматҳои хастанопазири Пешвои муаззами миллат мебошанд. Ин мавқеи Президенти Ҷумҳурии Тоҷикистон муҳтарам Эмомалӣ Раҳмон мебошад ва имрӯз тоҷики ватандору ватанпараст комилан ин мавқеи сиёсии Роҳбари давлатро дастгирӣ менамояд. Зеро муттаҳид шудан дар атрофи Пешвои миллат кафили рушди Тоҷикистон мебошад.

Асрорзода ЗУҲУРИДДИН, сардори раёсати таъмини ташкили кори судҳо, ҷамъбасти амалияи судӣ, омори судӣ ва арзу шикоятҳои шаҳрвандони Суди Олии иқтисодӣ

 

 


Вакти нашр: 2019-10-22 14:51:11    Хонданд: 27    Муфассал...

ОДОБ - ҶУЗЪИ МУҲИМИ РАФТОРИ ИНСОН

       

        Дар Донишкадаи соҳибкорӣ ва хизмат бо иштироки Шамсов Сайдалӣ-мудири шуъбаи кор бо ҷавонони Кумитаи иҷроияи ҲХДТ дар шаҳри Душанбе, Ҷабборов Баҳриддин-муовини ректор оид ба тарбия дар донишкадаи мазкур  бо донишҷуён вохўрӣ доир гардид.

Шамсов Сайдалӣ зимни баромади хеш оид ба муроҷиатномаи Раёсати Вазорати корҳои дохилии Ҷумҳурии Тоҷикистон дар шаҳри Душанбе ба сокинони пойтахт ҷиҳати пешгирии ҳуқуқвайронкунии байни ноболиғону ҷавонон, риояи одоби шаҳршинӣ, тартиботи ҳуқуқӣ ва муносибатҳои ҷамъиятӣ, пешгирии ҷавонон аз гароиш ба ҷараёну равияҳои бегона, мубориза бар зидди тақлидкорию хурофотпарастӣ, густариши корҳои ободонӣ ва баланд бардоштани маърифати ҳуқуқии сокинони шаҳри Душанбе, дастовардҳои даврони Истиқлолият, амалишавии Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд»  сухан кард.

 


Вакти нашр: 2019-10-22 15:41:39    Хонданд: 31    Муфассал...

МАҶЛИСИ ҲИСОБОТӢ-ИНТИХОБОТӢ ДАР ТАШКИЛОТИ ИБТИДОИИ "ВЕТЕРИНАР"

      Дар ташкилоти ибтидоии “Ветеринар” бо иштироки Убайдулло Қурбонзода, муовини раис - роҳбари дастгоҳи Кумитаи иҷроияи  ҲХДТ дар ноҳияи Фирдавсӣ, Тураев Раҷабмурод, раиси ташкилоти ибтидоии «Ветеринар» маҷлиси ҳисоботӣ –интихоботӣ доир гардид.  Дар он се масъала-гузориши Раис оид ба фаъолияти ташкилоти ибтидоӣ, интихоби вакил ба Конференсияи XXIX ҳисоботӣ-интихоботии ташкилотҳои Ҳизби Халқии Демократии Тоҷикистон дар ноҳияи Фирдавсӣ ва дастовардҳои замони соҳибистиқлолӣ мавриди баррасӣ қарор гирифт.

       Тураев Раҷабмурод роҷеъ ба масъалаи аввал изҳор дошт, ки дар   ташкилоти ибтидоӣ дар ҳамкорӣ бо Кумитаи иҷроияи ҳизбии ноҳияи Фирдавсӣ дар мавзӯҳои ҳифзи дастовардҳои замони соҳибистиқлолӣ, ҳифзи фарҳанги миллӣ, забони давлатӣ, пешгирии омилҳои номатлуб-терроризму экстремизм, бегонапарастӣ, нақши Раиси муаззами Ҳизби Халқии Демократии Тоҷикистон, Пешвои миллат, муҳтарам Эмомалӣ Раҳмон дар пойдории сулҳу суботи сиёсӣ, ваҳдату якдилӣ, маърифати шаҳрнишинӣ ва дигар масоили муҳиму доғи рӯз мизҳои мудаввар ва соатҳои сиёсӣ доир гардид. Мавсуф изҳор дошт, ки мо ҷонибдори сиёсати созандаву бунёдкоронаи ҲХДТ ҳастем ва минбаъд низ мекӯшем саҳми хешро дар барномаи ҳадафманду иқдомҳои наҷиби ҳизби бонуфузи кишвар гузорем.

      Убайдулло Қурбонзода доир ба фаъолияти Ҳизби Халқии Демократии Тоҷикистон дар тамоми самтҳои муҳиму афзалиятнок, нақши он дар рушду пешрафти мамлакат ибрози андеша намуд. Ӯ гуфт, ки маҳз бо шарофати заҳмату талошҳои пайвастаи Раиси муаззами он, Пешвои миллат, муҳтарам Эмомалӣ Раҳмон аз бӯҳронҳои шадиди сиёсӣ, иқтисодию иҷтимоӣ баромада, то ба марҳилаи нави рушд расид. Ҳамзамон, ҷиҳати расидан ба ҳадафҳои стратегӣ, татбиқи ҳадафи чоруми миллӣ, ҳифзи дастовардҳо, фарҳангу забони давлатӣ, пешгирии омилҳои номатлуб ибрози ақида намуд.


Вакти нашр: 2019-10-23 10:03:26    Хонданд: 51    Муфассал...

ТОҶИК МИЛЛАТИ СОЗАНДА АСТ, НА СӮЗАНДА

Баробари дигар арзишҳои моддӣ, ки дар пешбурди рӯзгори инсон нақши муҳим мебозанд, арзишҳои маънавӣ низ ҷойгоҳи муҳим доранд ва бе риоя ва арҷгузорӣ ба онҳо бисёре аз дас­товардҳои миллӣ, аз қабили ваҳдату якпорчагии сарзамин, иттиҳоду ҳамбастагӣ гусаста гаштаю ба нестӣ мераванд. Мутаассифона, бо суиистифода аз давраи ҷаҳонишавӣ, ки эҳтимол паҳлуҳои мусбат ҳам дошта бошад, давлатҳои абарқудрат бо ҳар роҳу восита кӯшиш менамоянд, ки ифтихороти миллӣ ва дигар арзишҳои садсолаҳо ҳифзшудаи кишварҳоро барҳам зананд ва пояи давлатдории бе ин ҳам заифи онҳоро суст гардонданд. Аз ин рӯ, ҳар як фарди ватандӯстро лозим меояд, ки дар баробари дигар масоил бо таҳким бахшидани ҳисси баланди ватандӯстӣ ва масъулияти шаҳрвандӣ, болобарии зиракию ­ҳушёрии сиёсӣ маърифати зеҳниро такомул бахшад.

      Дар тӯли ҳазорсолаҳо миллати ҷафокашидаи тоҷик на як бору ду бор имтиҳонҳои сахти зиндагиро сарбаландона гузашта, дар муқовимат зидди истилогарони аҷнабӣ шоҳиди ҷонбозиҳои фарзандони қаҳрамон гардидааст. Фарзандони барӯманду ҷонфидои миллат чӣ бо силоҳ, чӣ бо қалам ба ҳифзи марзу бум, таърих, забон ва дину мазҳаб бархоста, дар ин роҳ ҷони азизи худ­ро дареғ надоштаанд. Дар ин маврид, рӯйхати дуру дарозеро пешниҳод кардан мумкин аст, ки гузаштагони шарафманд дар чӣ вазъияти ногуворе тавонистанд, алайҳи бадхоҳони миллат истодагарӣ кунанд ва музаффарият ба даст оваранд. Шераку Спитамен, Муқаннаъ, Темурмалик, Восеъ, қаҳрамонони Тоҷикистон Садриддин Айнӣ, Бобоҷон Ғафуров, Шириншоҳ Шоҳтемур, Нусратулло Махсум, Мирзо Турсунзода ва бисёр дигарон аз шумули онҳое мебошанд, ки барои Истиқлолияти давлатӣ корнамоиҳои бемисл нишон дода, чанде аз онҳо дар ин роҳ қурбон гардидаанд. Чунин меҳисобем, ки шуҷоату қаҳрамонии онҳо беҳтарин дарси ибрату тарбияи ватандории ҳар фарди тоҷик маҳсуб меёбад. Мутаассифона, солҳои навадуми асри гузашта ҳам миллати тоҷик ба имтиҳони мушкиле рӯ ба рӯ гардид ва қурбонии зиёд дод. Боиси ифтихор аст, ки муҳаббату садоқати беандоза ба Ватан, ба мардуми Тоҷикистон имконият дод, ки ба хоинону душманони миллат бархӯрд намуда, пирӯзӣ ба даст оранд. Мавриди зикр аст, ки аз ин сабақи талх муҳлати зиёде нагузаштааст ва он бояд барои насли ҷавон мактаби хуби ватандорӣ гардад. Яке аз роҳҳои ҳамчун миллат аз байн бурдани халқияту миллатҳои кӯчак пиёдасозии сиёсатҳои ғаразнок тавассути созмону ташкилотҳои иртиҷоие чун «Толибон», «Ал — Қоида», «ДИИШ» ва наҳзати исломӣ мебошад. Мутаассифона, бо ҷалби намояндагони халқу миллат, пайравони дину мазҳабҳои гуногун ва ­даҳшатафканиҳо дар бархе аз давлатҳои арабӣ ин зуҳуроти номатлуб рӯз то рӯз авҷ гирифта истодааст. Бадбахтона, дар миён баъзе аз ҷавонони гумроҳи тоҷик низ ба доми ваҳшиёни ҷоҳили асримиёнагӣ афтода, қисмати зиёдашон қурбон гардидаанд. Бо вуҷуди аз осмони софу беғубори Тоҷикистон пароканда шудани абрҳои сиёҳ ҳанӯз ҳам таҳдиди хавфу хатар ба сарзамин коҳиш наёфтааст. Боқимондаи онҳое, ки бо баҳонаи ҳимояти дини мубини ислом боре рӯзи маҳшарро дар кишвар қоим карда буданд, ҳоло демократияро дастак намуда, аз дурӣ миллату Ватанро сиёҳ карданӣ мешаванд. Инҳо аъзои Ҳизби террористии наҳзати исломӣ мебошанд. Онҳое, ки дар вақташ аз сиёсати роҳбарияти пешини ҷумҳурӣ низ шадидан интиқод мекарданд. Ҳатто муҳлати кӯтоҳе бо ҳаммаслакон зимоми давлатдориро ба даст ҳам гирифта буданд, вале аз ноуҳдабароӣ онро аз даст доданд. Ҳоло норозигӣ аз сиёсати роҳбарияти ҷумҳурӣ изҳор медоранд. Шояд собит кардан мехоҳанд, ки танҳо онҳо қодир ҳастанд бидуни каму кост ҷумҳуриро идора кунанд ва шукуфою пешрав гардонанд. Ҷои шакку шубҳа нест, ки ҳатто худашон ба ин афсонаҳояшон бовар намекунанд, зеро ба ҷуз туҳмату буҳтон, дасисаву иғво ва суханҳои подарҳаво ба қавли худашон, «40 соли фаъолияташон» ягон барномаи мушаххас рӯи даст надоранд. Вазъи ноороми сиёсӣ дар Афғонистони ҳамсоя, ки даҳсолаҳост дар ҳолати ҷанг қарор дорад ва фаъол гардидани ҳаракати «Толибон» — у «ДИИШ» хоинони миллатро умедвор кардааст, ки нақшаҳои ҷинояткоронаро дар Тоҷикистон дубора роҳандозӣ хоҳанд кард. Ҳатто ба гӯшаи хаёл намеоранд, ки ин ҷо Ватани онҳост ва дар он ҳаммиллатонашон зиндагӣ менамоянд, агарчӣ дар маъвизаҳояшон кафки даҳон паронда, аз миллату Ватан, дину имон сухан мегӯянд. Вале бори дигар барои онҳо ёдовар мешавем, ки тоҷикон миллати созандаанд, на сӯзанда. Онҳое, ки аз авҷи корҳои созандагӣ дар Тоҷикистон нороҳатанд, ҳуқуқи маънавии худро тоҷики асил номидан надоранд. Ҳоло мардуми шарифи кишвар дар атрофи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон боз ҳам зичтар муттаҳид гардида, баҳри ободию ­гулгулшукуфии Ватан меҳнат карда истодаанд ва муҳтоҷи «ғамхорӣ»-и бегонагону ношукрон нестанд.

Меҳрӣ Ҷумаева, Райҳон Неъматова, омӯзгорони МТМУ 49-и ноҳияи Фирдавсии шаҳри Душанбе

 

 


Вакти нашр: 2019-10-23 10:16:10    Хонданд: 28    Муфассал...

МАҶЛИСИ ҲИСОБОТӢ-ИНТИХОБОТӢ ДАР ТАШКИЛОТИ ИБТИДОИИ "ГАРМИДИҲАНДА"

      Бо иштироки Убайдулло Қурбонзода-муовини раис, роҳбари дастгоҳи  Кумитаи  иљроияи ҲХДТ дар ноҳияи Фирдавсӣ  дар ташкилоти ибтидоии “Гармидиҳанда” маҷлиси ҳисоботӣ –интихоботӣ доир гардид. Дар он гузориши раиси ташкилоти ибтидоӣ оид ба фаъолияти дувунимсолаи ташкилоти ибтидоӣ, интихоби вакил ба Конференсияи XXIX ҳисоботӣ-интихоботии ташкилотҳои Ҳизби Халқии Демократии Тоҷикистон дар ноҳияи Фирдавсӣ ва ҳадафҳои барномавию оинномавии ҲХДТ мавриди баррасӣ қарор гирифт.

     Буризода Фаррух Бурӣ, раиси ташкилоти номбурда роҷеъ ба масъалаи аввал изҳор дошт, ки дар давраи ҳисоботӣ ташкилоти ибтидоӣ дар ҳамкорӣ бо Кумитаи иҷроияи ҳизбии ноҳияи Фирдавсӣ дар асоси нақша – чорабиниҳои Кумитаи иҷроияи ҳизбии ноҳия ва ташкилоти ибтидоӣ дар мавзӯҳои ҳифзи дастовардҳои замони соҳибистиқлолӣ, ҳифзи фарҳанги миллӣ, забони давлатӣ, пешгирии омилҳои номатлуб-терроризму экстремизм, бегонапарастӣ, нақши Раиси муаззами Ҳизби Халқии Демократии Тоҷикистон, Пешвои миллат, муҳтарам Эмомалӣ Раҳмон дар пойдории сулҳу суботи сиёсӣ, ваҳдату якдилӣ, маърифати шаҳрнишинӣ ва дигар масоили муҳиму доғи рӯз мизҳои мудаввар ва соатҳои сиёсӣ доир гардид.

      Убайдулло Қурбонзода, муовини раис - роҳбари дастгоҳи Кумитаи иҷроияи ҳизбии ноҳияи Фирдавсӣ роҷеъ ба фаъолияти пурсамари Ҳизби Халқии Демократии Тоҷикистон дар тамоми самтҳои муҳиму афзалиятнок, нақши он дар рушду пешрафти мамлакат ибрози андеша намуд.  Инчунин қайд кард, ки маҳз бо шарофати заҳмату талошҳои пайвастаи Раиси муаззами он, Пешвои миллат, муҳтарам Эмомалӣ Раҳмон аз бӯҳронҳои шадиди сиёсӣ, иқтисодию иҷтимоӣ баромада, то ба марҳилаи нави рушд расид. Мавсуф, ҷиҳати расидан ба ҳадафҳои стратегӣ, татбиқи ҳадафи чоруми миллӣ, ҳифзи дастовардҳо, фарҳангу забони давлатӣ, пешгирии омилҳои номатлуб ибрози ақида намуд.

     Дар охир ба раиси ташкилоти ибтидоии номбурда барои саҳми арзанда гузоштан дар амалӣ намудани ҳадафҳои созандаи ҲХДТ Ифтихорномаи Кумитаи иљроияи ҲХДТ дар ноҳияи Фирдавсӣ  супорида шуд.

 


Вакти нашр: 2019-10-23 13:56:07    Хонданд: 65    Муфассал...

Дар КИИ «Маркази миллии тиббӣ» конференсияи ҳисоботӣ-интихоботӣ доир гардид

       Конференсияи ҳисоботӣ-интихоботӣ дар КИИ «Маркази миллии тиббӣ» бо иштироки мудири шӯъбаи ташкилӣ ва кор бо кадрҳои Кумитаи иҷроияи Ҳизби Халқии Демократии Тоҷикистон дар ноҳияи Синои шаҳри Душанбе - Камолов Т.Ш., раиси Кумитаи иҷроияи ибтидоии "Маркази миллии тиббӣ" - Шамсзода Х. А. доир гардид.

      Сараввал, ҳисоботи раиси Кумитаи иҷроияи ибтидоии “Маркази милли тиббӣ” оид ба фаъолияти Кумитаи иҷроияи ибтидоӣ шунида шуд.
Сипас, мудири шӯъбаи ташкилӣ ва кор бо кадрҳои Кумитаи иҷроияи Ҳизби Халқии Демократии Тоҷикистон дар ноҳияи Синои шаҳри Душанбе - Камолов Т.Ш., баромад намуда, доир ба дастуру супоришҳои Асосгузори сулҳу ваҳдати миллӣ – Пешвои миллат, Раиси муаззами ҲХДТ муҳтарам Эмомалӣ Раҳмон дар Маҷлиси Кумитаи Иҷроияи Марказии ҲХДТ аз 27 сентябри соли 2019, дастовардҳои даврони соҳибистиқлоии кишвари маҳбубамон Тоҷикистон, маъракаҳои сиёсии интихоботии дарпешистода ва муваффақиятҳои Кумитаи иҷроияи ибтидоии "Маркази миллии тиббӣ” суханронӣ намуданд.
      Дар кори Конференсия инчунин ҳисоботи комиссияи тафтишотии Кумитаи иҷроияи ибтидоии “Маркази миллии тиббӣ” шунида шуд.
Аз рӯи масъалаи сеюми Конференсия, вакилон доир ба интихоби аъзои Раёсат ва Кумитаи иҷроияи ибтидоии "Маркази миллии тиббӣ” қарори дахлдорро қабул намуданд. Инчунин, аз рӯи рӯзномаи Конференсия, вакилони ташкилотҳои ҳизбии "Маркази миллии тиббӣ” ҷиҳати иштирок дар Конференсияи XXXVIII ҳисоботӣ-интихоботии ташкилотҳои Кумитаи иҷроияи ҲХДТ дар ноҳияи Синои шаҳри Душанбе пешбарӣ гардиданд.


Вакти нашр: 2019-10-23 14:04:39    Хонданд: 88    Муфассал...

МАҶЛИСИ ҲИСОБОТӢ-ИНТИХОБОТӢ ДАР ТАШКИЛОТИ ИБТИДОИИ “ИТТИФОҚ”

       Дар ташкилоти ибтидоии ҳизбии “Иттифоқ” бо иштироки Гулаҳмадзода Зулфиқор Аҳмад – Раиси Кумитаи иҷроияи ҲХДТ дар ноҳияи Шоҳмансур, Одиназода Рамазон Сафар-Раиси ташкилоти ибтидоии «Иттифоқ»  маҷлиси ҳисоботӣ-интихоботӣ  доир гардид. Гулаҳмадзода Зулфиқор Аҳмад – Раиси Кумитаи иҷроияи ҲХДТ дар ноҳияи Шоҳмансур дар маҷлиси зикргардида иштирок ва суханронӣ намуданд.
       Нахуст, Одиназода Рамазон аз фаъолияти  дувунимсолаи ташкилоти ибтидоӣ дар назди аъзои ҳизб гузориш дода, афзуд, ки аъзоёни ташкилоти ибтидоии “Иттифоқ” дар татбиқи ҳадафҳои олии ҲХДТ, расидан ба зиндагии шоистаи мардуми кишвар ва таҳкими давлатдории миллӣ саҳми хешро мегузоранд. Бо интихоби аъзоёни ташкилоти ибтидоӣ раис ва муовини раиси ташкилоти ибтидоӣ аз нав интихоб гардиданд.
      Сипас, Гулаҳмадзода Зулфиқор зимни суханронии худ афзуд, ки Раиси муаазами ҲХДТ,  Президенти  кишвар  муҳтарам Эмомалӣ Раҳмон дар сиёсати худ маорифро дар мақоми аввал гузошта, дар ин самт дар кишвар як зумра донишгоҳҳо,  муассисаҳои таҳсилоти миёнаи умумӣ, муассисаҳои томактабӣ  бунёд гардидааст.


Вакти нашр: 2019-10-23 14:53:38    Хонданд: 92    Муфассал...

Конференсияи ҳисоботӣ-интихоботӣ дар КИИ «Шифобахш»

Бо иштироки Раиси Кумитаи иҷроияи Ҳизби Халқии Демократии Тоҷикистон дар ноҳияи Синои шаҳри Душанбе - Файзуллозода З.Ф., раиси Кумитаи иҷроияи ибтидоии “Шифобахш” - Ҳақназаров И.,   Конференсияи ҳисоботӣ-интихоботӣ дар КИИ “Шифобахш” доир гардид.

       Сараввал, ҳисоботи раиси Кумитаи иҷроияи ибтидоии “Шифобахш” Ҳаќназаров И., оид ба фаъолияти Кумитаи иҷроияи ибтидоӣ дар дувунимсол шунида шуд.

       Сипас, Раиси Кумитаи иҷроияи Ҳизби Халқии Демократии Тоҷикистон дар ноҳияи Синои шаҳри Душанбе Файзуллозода З.Ф. баромад намуда, доир ба дастуру супоришҳои Асосгузори сулҳу ваҳдати миллӣ – Пешвои миллат, Раиси муаззами ҲХДТ муҳтарам Эмомалӣ Раҳмон дар Маҷлиси Кумитаи Иҷроияи Марказии ҲХДТ аз 27 сентябри соли 2019, дастовардҳои даврони соҳибистиқлоии кишвари маҳбубамон -Тоҷикистон, маъракаҳои сиёсии дарпешистода ва муваффақиятҳои ташкилотҳои ҳизбии “Шифобахш” суханронӣ намуданд. Мавсуф аз ҷумла қайд намуданд, ки ташкилотҳои ҳизбии КИИ “Шифобахш” дар корҳои ҳизбӣ ҳамеша фаъол буда, аъзо ва ташкилотҳои ибтидоии он барои дар амал татбиқ намудани ҳадафҳои Оиннома ва Барномаи ҲХДТ саҳми назаррас гузошта истодаанд.

     Дар кори Конференсия инчунин ҳисоботи комиссияи тафтишотии Кумитаи иҷроияи ибтидоии “Шифобахш” шунида шуд.
Аз рӯи масъалаи сеюми Конференсия, вакилон доир ба интихоби аъзои Раёсат ва Кумитаи иҷроияи ибтидоии “Шифобахш” қарори дахлдорро қабул намуданд. Инчунин, аз рӯи рӯзномаи Конференсия, вакилони ташкилотҳои ҳизбии “Шифобахш” ҷиҳати иштирок дар Конференсияи XXXVIII ҳисоботӣ-интихоботии ташкилотҳои Кумитаи иҷроияи ҲХДТ дар ноҳияи Синои шаҳри Душанбе пешбарӣ гардиданд.

 


Вакти нашр: 2019-10-23 15:11:17    Хонданд: 85    Муфассал...

МАҶЛИСИ ҲИСОБОТӢ-ИНТИХОБОТӢ ДАР ТАШКИЛОТИ ИБТИДОИИ «СОХТМОНЧӢ»

       Бо иштироки Бурҳонзода Муслиҳиддин – мудири шуъбаи кор бо ҷавонони Кумитаи иҷроияи ҲХДТ дар ноҳияи  Шоҳмансур дар ташкилоти ибтидоии «Сохтмончӣ»  маҷлиси ҳисоботӣ – интихоботӣ доир гардид.

       Муовини раиси ташкилот аз фаъолияти дувунимсолаи ташкилоти ибтидоӣ дар назди аъзоёни ташкилоти ибтидоӣ гузориш дода, қайд намуд, ки ҲХДТ ҳизби пешоҳанги ҷомеа буда, бо ҳадафу барномаҳои созандаи худ дар умури сиёсии давлат саҳм дорад.

      Бурҳонзода Муслиҳиддин дар охир иброз намуд, ки  ҲХДТ зодаи соҳибистиқлолии Тоҷикистон буда, худро ба мардум чун ҳизби дорои масъулияти баланди сиёсӣ муаррифӣ намуд, ки ин асоси воқеӣ дорад. Ҳадафҳои дигари муҳими ҲХДТ коҳиш додани сатҳи камбизоатӣ, ба ҷои кори муносиб таъмин намудани мардум, муборизаи муассир бурдан бар зидди коррупсия, ифротгароӣ ва терроризм мебошад.
Дар фарҷоми маҷлис Раис ва муовини ташкилоти ибтидоӣ бо ҷонибдории аъзоён аз нав интихоб гардиданд.


Вакти нашр: 2019-10-24 15:37:25    Хонданд: 27    Муфассал...

КОНФЕРЕНСИЯИ ХИСОБОТӢ- ИНТИХОБОТӢ ДАР КИИ "МОЛИЯ ВА ИҚТИСОД”

      Бо иштироки Раиси Кумитаи иҷроияи Ҳизби Халқии Демократии Тоҷикистон дар ноҳияи Синои шаҳри Душанбе - Файзуллозода З.Ф., раиси Кумитаи иҷроияи ибтидоии “Молия ва иқтисод” – Хайрзода Ш.Қ.   Конференсияи ҳисоботӣ-интихоботӣ дар КИИ  “Молия ва иқтисод” доир гардид.

      Сараввал ҳисоботи раиси Кумитаи иҷроияи ибтидоии “Молия ва иқтисод” оид ба фаъолияти Кумитаи иҷроияи ибтидоӣ шунида шуд.

     Сипас, Файзуллозода З.Ф. баромад намуда, доир ба дастуру супоришҳои Асосгузори сулҳу ваҳдати миллӣ – Пешвои миллат, Раиси муаззами ҲХДТ муҳтарам Эмомалӣ Раҳмон дар Маҷлиси Кумитаи Иҷроияи Марказии ҲХДТ аз 27 сентябри соли 2019, дастовардҳои даврони соҳибистиқлоии кишвари маҳбубамон -Тоҷикистон, маъракаҳои сиёсии интихоботии дарпешистода ва муваффақиятҳои ташкилотҳои ҳизбии Кумитаи иҷроияи ибтидоии “Молия ва иқтисод” суханронӣ намуданд. Раиси Кумита, аз ҷумла қайд намуданд, ки ташкилотҳои ҳизбии Кумитаи иҷроияи ибтидоии “Молия ва иқтисод” дар корҳои ҳизбӣ ҳамеша фаъол буда, аъзо ва ташкилотҳои ибтидоии он барои дар амал татбиқ намудани ҳадафҳои Оиннома ва Барномаи ҲХДТ саҳми назаррас гузошта истодаанд.

     Аз рӯи масъалаи дуюми Конференсия, вакилон доир ба интихоби аъзои Раёсат ва Кумитаи иҷроияи ибтидоии “Молия ва иқтисод” қарори дахлдорро қабул намуданд.

     Инчунин, аз рӯи рӯзномаи Конференсия, вакилони ташкилотҳои ҳизбии “Молия ва иқтисод” ҷиҳати иштирок дар Конференсияи XXXVIII-уми ҳисоботӣ-интихоботии ташкилотҳои Кумитаи иҷроияи ҲХДТ дар ноҳияи Синои шаҳри Душанбе пешбарӣ гардиданд.

       Дар фарҷоми Конференсия ба 5 нафар кормандони Донишгоҳи давлатии молия ва иқтисоди Тоҷикистон, ки ҳамакнун ба узвияти ҲХДТ шомил гардиданд, дар вазъияти тантанавӣ шаҳодатномаи ҳизбӣ супорида  шуда,  як қатор аъзои фаъоли ҳизб бо Сипосномаи Кумитаи иҷроияи Ҳизби Халқии Демократии Тоҷикистон дар ноҳияи Сино қадрдонӣ гардиданд.


Вакти нашр: 2019-10-25 08:40:44    Хонданд: 89    Муфассал...

КОНФЕРЕНСИЯИ ҲИСОБОТӢ-ИНТИХОБОТИИ КУМИТАИ ИҶРОИЯИ ИБТИДОИИ “НУРИ ИСТИҚЛОЛ”

        Бо иштироки Зуҳурова Заррина-мудири шуъбаи кор бо занони Кумитаи иҷроияи Ҳизби Халқии Демократии Тоҷикистон дар шаҳри Душанбе, Гулаҳмадзода Зулфиқор Аҳмад-Раиси Кумитаи иҷроияи Ҳизби Халқии Демократии Тоҷикистон дар ноҳияи Шоҳмансур, Манучеҳри Хурсандзод-Директори ҶСК “Шабакаҳои барқии шаҳри Душанбе” Конференсияи II-юми ҳисоботӣ-интихоботии Кумитаи иҷроияи ибтидоии “Нури Истиқлол”  доир гардид.

       Нахуст,  ҳисоботи  Кумитаи иҷроияи ибтидоии “Нури Истиқлол” оид ба фаъолияти дувунимсола  шунида шуд. Ҳамзамон дар идома раиси ташкилоти ибтидої,  муовин, котиб ва аъзоёни кумитаи иҷроияи ибтидоӣ интихоб гардиданд.

      Сипас, Гулаҳмадзода Зулфиқор Аҳмад   оид ба дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, Раиси муаззами ҲХДТ муҳтарам Эмомалӣ Раҳмон дар Маҷлиси Кумитаи Иҷроияи Марказии ҲХДТ аз санаи 27-уми сентябри соли 2019 баргузор гардида буд, андешаронӣ кард. Дар идома мавсуф роҷеъ ба фаъолияти кории натиҷабахши Кумитаи иҷроияи ибтидоии “Нури Истиқлол”, дастовардҳои даврони истиқлолият, баланд бардоштани ҳисси ватандӯстӣ, ҳифзи арзишҳои миллӣ, ба истифода додани  чархаи дуюми Нерӯгоҳи барқии обии “Роғун” ва ҷиҳати дар сатҳи баланд баргузор намудани маъракаҳои муҳими сиёсӣ сухан кард.

      Зуҳурова Заррина роҷеъ ба фаъолияти пурсамари Ҳизби Халқии Демократии Тоҷикистон дар тамоми самтҳои муҳиму афзалиятнок, нақши он дар рушду пешрафти мамлакат ибрози андеша намуд. Бо қарори Конференсия вакилон аз Кумитаи иҷроияи ибтидоии “Нури Истиқлол” ҷиҳати иштирок дар Конференсияи XXIX ҳисоботӣ-интихоботии ташкилотҳои Ҳизби Халқии Демократии Тоҷикистон дар ноҳияи Шоҳмансур интихоб гардиданд.

     Дар фарҷом аъзоёни фаъоли Кумитаи иҷроияи ибтидоии “Нури Истиқлол” бо Ифтихорнома ва Сипосномаи Кумитаи иҷроияи ҲХДТ дар ноҳияи Шоҳмансур сарфароз гардонида шуданд.

 

 


Вакти нашр: 2019-10-25 10:08:54    Хонданд: 65    Муфассал...

АДАБ ҲУСНИ ИНСОН АСТ

      Дар  Коллеҷи омўзгории ба номи Хосият Махсумоваи Донишгоҳи давлатии омўзгории Тоҷикистон ба номи С. Айнӣ бо иштироки Шамсов Сайдалӣ-мудири шуъбаи кор бо ҷавонони Кумитаи иҷроияи ҲХДТ дар шаҳри Душанбе, Салимов Умед-корманди Кумитаи иҷроияи ҲХДТ дар ноҳияи Шоҳмансур, Ҷураев Ҳасан – муовини директор оид ба таълим бо донишҷуён вохўрӣ доир гардид.

      Дар он Шамсов Сайдалӣ зимни баромади хеш оид ба пешгирии ҷавонон аз гароиш ба ҷараёну равияҳои бегона, мубориза бар зидди тақлидкорию хурофотпарастӣ, густариши корҳои ободонӣ ва баланд бардоштани маърифати ҳуқуқии сокинони шаҳри Душанбе, муроҷиатномаи  Раёсати Вазорати корҳои дохилии Ҷумҳурии Тоҷикистон  дар шаҳри Душанбе ба сокинони пойтахт ҷиҳати пешгирии ҳуқуқвайронкунии  байни  ноболиғону  ҷавонон, риояи одоби шаҳршинӣ,  тартиботи  ҳуқуқӣ  ва муносибатҳои ҷамъиятӣ, дастовардҳои даврони Истиқлолият, амалишавии Қонуни Ҷумҳурии Тоҷикистон «Дар  бораи  масъулияти  падару модар дар таълиму тарбияи фарзанд» сухан кард.

      Дар фарҷом миёни донишҷўён ва баромадкунандагон мубодилаи афкор сурат гирифт.

 


Вакти нашр: 2019-10-25 11:39:59    Хонданд: 27    Муфассал...

МАҶЛИСИ ҲИСОБОТӢ-ИНТИХОБОТӢ ДАР ТАШКИЛОТИ ИБТИДОИИ "ВОРИСОНИ СИНО"

 Маҷлиси ҳисоботӣ-интихоботӣ дар ташкилоти ибтидоии ҳизбии “Хӯрокворӣ” бо иштироки Шерматов Дустмурод-муовини Раиси ташкилоти ибтидоӣ  доир гардид.

  Сараввал ҳисоботи ташкилоти ибтидоии ҳизбии «Ворисони Сино» оид ба фаъолияти ташкилоти ибтидоӣ дар давоми  дувуним соли охир ва вазифаҳои он оид ба тадбиқи Барномаи амалии ҲХДТ шунида шуд. Инчунин, қайд карда шуд, ки дар давраи ҳисоботи шумораи аъзоёни ҲХДТ дар ташкилоти ибтидоии ҳизбии «Ворисони Сино» то имрӯз ба 141 нафар расида, дар нуҳ моҳи соли 2019 бошад 11 нафар кормандон ба узвияти Ҳизби Халқии Демократии Тоҷикистон қабул гардиданд.

 Дар  фарҷом мутобиқи  рӯзномаи маҷлис тариқи овоздиҳӣ   номзадии дувоздаҳ нафар вакил аз ташкилоти ибтидоии ҳизбии “Ворисони Сино” барои иштирок дар Конференсияи ҳисоботӣ – интихоботии ташкилотҳои ибтидоии ҳизбии Кумитаи иҷроияи ҲХДТ дар ноҳияи Исмоили Сомонӣ пешниҳод карда шуд. Ҳамзамон, аъзои Раёсати ташкилоти ибтидоии ҳизбӣ тибқи талабот  аз нав интихоб карда шуд.

 


Вакти нашр: 2019-10-25 13:47:08    Хонданд: 30    Муфассал...

МАҶЛИСИ ҲИСОБОТӢ-ИНТИХОБОТИИ ТАШКИЛОТИ ИБТИДОИИ ҲИЗБИИ "ҲАЁТ"

  Дар ташкилоти ибтидоии “Ҳаёт” бо иштироки Расулзода Насимҷон-Раиси Кумитаи иҷроияи ҲХДТ дар ноҳияи Исмоили Сомонӣ, Давлатзода Гулҷаҳон - Раиси ташкилоти ибтидоии “Ҳаёт”  маљлиси ҳисоботӣ-интихоботӣ доир гардид.

Нахуст, Байзоева Роҳбар - муовини Раиси ташкилоти ибтидоии ҳизбӣ ба кори ҷаласа ҳусни ифтитоҳ бахшида, сипас тибқи рӯзномаи маҷлис Давлатзода Гулҷаҳон-ҳисоботи ташкилоти ибтидоии ҳизбиро дар дувуним соли охир ба ҳозирин мухтасар бо руйдоду воқеаҳои нав ироа намуд. Мавсуф қайд  кард, ки аъзоёни бештари ташкилот ҷавонон мебошанд, ки ин шумора 300 нафарро ташкил медиҳад ва пайваста дар соатҳои сиёсиву чорабиниҳои ташкилот фаъолона иштирок менамоянд.

Расулзода Насимљон дар баромади худ  таъкид намуд, ки аъзоёни ҲХДТ таҳти роҳнамоии Пешвои муаззами миллат муҳтарам Эмомалӣ Раҳмон бояд барои амалӣ гардидани орзуву омоли мардуми сарбаланди кишварамон тамоми чораҳоро амалӣ намуда, кӯшиш ба харҷ диҳанд, ки ҷашни 30-солагии Истиқлолияти давлатиро дар сатҳи баланд ва хурсандиву дастовардҳои хотирмон таҷлил намоянд.

 


Вакти нашр: 2019-10-25 14:16:19    Хонданд: 35    Муфассал...

Собиқадори ҲХДТ Абдулазиз Одиназода моро падруд гуфт

Рўзи 27-уми октябри соли 2019 собиқ корманди Кумитаи иҷроияи ҲХДТ дар шаҳри Душанбе Одиназода Абдулазиз Абдукарим пас аз бемории тулонӣ дар синни 58-солагӣ ҷон ба ҷонофарин супурд.
Абдулазиз Одиназода таҳсилкардаи Донишгоҳи давлатии омӯзгории Точикистон ба номи С. Айнӣ буда, фаъолияти илмию омӯзгории хешро дар донишгоҳи мазкур ва Академияи илмҳои ҶТ идома додааст. Дар солҳои 90 ва оғози соли 2000-ум Одиназода Абдулазиз дар Мақомоти иҷроияи ҳокимияти давлатии шаҳри Душанбе фаъолият намудааст.
Ҳамзамон, А. Одиназода солҳои охир дар вазифаҳои масъули ҳизбӣ, аз ҷумла муовини раиси Кумитаи иҷроияи ҲХДТ дар шаҳри Душанбе ва мутахассиси Кумитаи иҷроияи ҳизбии ноҳияи Шоҳмансур кор кардааст.
Кумитаи иҷроияи ҲХДТ дар шаҳри Душанбе нисбати даргузашти Одиназода Абдулазиз Абдукарим сахт андӯҳгин буда, ба наздикону пайвандони марҳум сабри ҷамил хоҳон аст.

Ёди ҳамсафи мо гиромӣ бод!


Вакти нашр: 2019-10-28 12:20:17    Хонданд: 32    Муфассал...

КОНФЕРЕНСИЯИ IV-УМИ ҲИСОБОТӢ – ИНТИХОБОТИИ КИИ “МАОРИФЧИЁН”

       Конференсияи IV ҳисоботӣ – интихоботии Кумитаи иҷроияи ибтидоии “Маорифчиён”  бо иштироки Гулаҳмадзода Зулфиқор Ањмад - Раиси Кумитаи иҷроияи ҲХДТ дар ноҳияи Шоҳмансур, мудири шуъбаи ташкилии Кумитаи иҷроияи ҲХДТ дар шаҳри Душанбе – Амробекова Руқия,  Каримзода Матлуба Латиф – раиси Кумитаи иҷроияи ибтидоии “Маорифчиён”  доир гардид.

      Кори конференсияро Каримзода Матлуба Латиф  ҳусни оғоз бахшида, аз фаъолияти дувунимсолаи Кумита ҳисобот пешниҳод намуд.
Сипас, оид ба ҳисобот қарорҳои дахлдор ба тавсиб расида, раиси Кумитаи иҷроияи ибтидоӣ, муовин ва котиби он аз нав интихоб гардиданд.
     Дар кори Конференсия оид ба вусъат бахшидани масъалаҳои дохилиҳизбӣ, омодагиҳо ба ҷашни 30-солагии Истиқлолияти давлатии Ҷумҳурии Тоҷикистон, татбиқи амалии қонунҳои амалкунанда, тарбияи ахлоқӣ ва ватандӯстии насли наврасу ҷавон ва дигар масъалаҳои  ҷорӣ андешаронӣ карда шуд.

       Дар фарҷоми кори Конференсия як қатор фаъолони ҳизб бо Ифтихорнома ва Сипосномаи Кумитаи иҷроияи ҲХДТ дар ноҳияи Шоҳмансур қадрдонӣ карда шуданд.


Вакти нашр: 2019-10-28 13:44:46    Хонданд: 24    Муфассал...

МАҶЛИСИ ҲИСОБОТӢ-ИНТИХОБОТӢ ДАР ТАШКИЛОТИ ИБТИДОИИ “ГАНҶ”

Дар ташкилоти ибтидоии ҳизбии “Ганҷ” бо иштироки Вазири Маориф ва илми Ҷумҳурии Тоҷикистон Саид Нуриддин Саид, Раиси Кумитаи иҷроияи ҲХДТ дар ноҳияи Шоҳмансур Гулаҳмадзода Зулфиќор Аҳмад Маҷлиси ҳисоботӣ-интихоботӣ  доир гардид.   

     Аз рўи масъалаи якуми рўзномаи маҷлис ҳисоботи фаъолияти дувунимсолаи  ташкилоти ибтидоӣ ироа гардид. Аз ҷумла зикр шуд, ки Раиси муаззмами ҲХДТ муҳтарам Эмомалӣ Раҳмон дар сиёсати худ маорифро дар ҷойи аввал гузошта, дар ин самт дар як сол дар кишвар дар маҷмуъ 200 муассисаҳои гуногуни таълимӣ сохта ба истифода дода шуданд. Дар амалӣ намудани барномаҳои ҲХДТ ва ҳадафҳои созандаи он, рушди илму техника, фановарӣ ва тарғиби идеологияи солими миллӣ ҳайъати омӯзгорон нақши арзишманд доранд. Аъзоёни ташкилот ба музокира баромада, ҳисоботи раиси ташкилоти ибтидоиро қаноатбахш арзёбӣ намуданд. Ҳамзамон, Раиси ташкилот, муовини ӯ аз нав интихоб гардиданд.
      Гулаҳмадзода Зулфиқор Аҳмад  зимни баромади худ иброз дошт, ки дар тарбияи шахсияти худшиносу ватандӯст, дорои масъулияти баланди иҷтимоӣ, соҳиби донишу ҷаҳонбинии муосир ва ба камол расонидани фардеро, ки равандҳои мураккаби ҷаҳони имрӯзаро дошта бошад ҲХДТ саҳми назаррас дорад. Зимнан оиди тарбияи ватандўстии ҷавонон, тарғиби идеологияи солими миллӣ ва таҳкими давлатдории миллӣ, пешгирии гароиш ба фарҳанги бегона суханронӣ намуда, таъкид карданд, ки масъулияти ҳизбӣ ва шаҳрвандии ҳар фарди ҷомеа ҳаст, ки манфиатҳои миллиро дифоъ, Истиқлолияти давлатиро таҳқим, ягонагии давлат ва миллатро ҳифз ва низоми дунявияти идоракунии давлатро нигоҳ дорад.


Вакти нашр: 2019-10-28 13:49:51    Хонданд: 104    Муфассал...

КОНФЕРЕНСИЯИ XXXVIII - УМИ ҲИСОБОТӢ-ИНТИХОБОТИИ ТАШКИЛОТҲОИ ҲИЗБИ ХАЛҚИИ ДЕМОКРАТИИ ТОҶИКИСТОН ДАР НОҲИЯИ СИНО

Дар Муассисаи давлатии  Филармонияи давлатии Тоҷикистон ба номи А.Ҷӯраев, бо иштироки мудири шуъбаи умумӣ, назорат ва корҳои махсуси Дастгоҳи Кумитаи Иҷроияи Марказии ҲХДТ - Ҳабибзода З.И., Раиси Кумитаи иҷроияи ҲХДТ дар шаҳри Душанбе - Раҳмонзода З.Ф., Раиси ноҳияи Синои шаҳри Душанбе - Салимзода Н.Ф., Раиси Кумитаи иҷроияи ҲХДТ дар ноҳияи Синои шаҳри Душанбе - Файзуллозода З.Ф., Вазири меҳнат, муҳоҷират ва шуғли аҳолии Ҷумҳурии Тоҷикистон - Тағойзода С.С., Вазири кишоварзии Ҷумҳурии Тоҷикистон - Сатторӣ И, Раиси ШСХК “Барқи тоҷик” - Исмоилзода М.И., ва вакилони пешбаригардида аз кумитаву ташкилотҳои ҳизбии ноҳияи Сино   Конференсияи XXXVIII-уми ҳисоботӣ-интихоботии ташкилотҳои Ҳизби Халқии Демократии Тоҷикистон дар ноҳияи Сино доир гардид.
Қабл аз баргузории Конференсия дар толори Филармонияи давлатии Тоҷикистон намоиши дастовардҳои кумитаву ташкилотҳои ибтидоии ноҳия ба маърази тамошо гузошта шуд, ки вакилони Конференсия аз он дидан намуданд.

      Тибқи рӯзномаи Конференсия, сараввал ҳисоботи Кумитаи иҷроияи ҲХДТ дар ноҳияи Синои шаҳри Душанбе оид ба фаъолияти Кумитаи иҷроия аз моҳи июли соли 2017 то октябри соли 2019 ва вазифаҳои минбаъдаи он доир ба татбиқи барномаҳои ҲХДТ аз ҷониби Раиси Кумитаи иҷроияи ҳизб дар ноҳияи Сино Файзуллозода Заррина ироа гардид. Сипас, ҳисоботи Комиссияи тафтишотии ташкилотҳои ҲХДТ дар ноҳияи Синои шаҳри Душанбе оид ба фаъолияти он дар давраи ҳисоботӣ шунида шуд. Вакилон, аз рӯи масъалаи сеюми рӯзномаи Конференсия, аъзои Кумитаи иҷроияи ҲХДТ дар ноҳияи Синои шаҳри Душанберо дар ҳайати 45 нафар интихоб намуданд.

      Ҳамзамон, аз ҷониби вакилони Конференсияи XXXVIII -уми ҳисоботӣ-интихоботии ташкилотҳои ҳизбӣ, доир ба интихоби аъзои нави Комиссияи тафтишотии ташкилотҳои ҲХДТ дар ноҳияи Синои шаҳри Душанбе дар ҳайати 5 нафар, қарори дахлдор қабул гардид.
 Дар ин миён ба Конференсияи XVIII - ҳисоботӣ-интихоботии ташкилотҳои ҲХДТ дар шаҳри Душанбе, аз ҷониби вакилони Конференсия, 105 нафар вакил барои иштирок пешбарӣ гардиданд.
Дар фарҷоми Конференсия, як қатор аъзои фаъоли Ҳизби Халқии Демократии Тоҷикистон, ки дар татбиқи ҳадафҳои созандаи барномаҳои ҳизб саҳми назаррас гузоштаанд, бо Сипоснома, Ифтихорномаи Кумитаи иҷроияи ҲХДТ дар шаҳри Душанбе ва Кумитаи иҷроияи ҳизб дар ноҳияи Синои шаҳри Душанбе қадрдонӣ гардиданд. Ҳамзамон, баъд аз баргузории Конференсия, Маҷлиси Кумитаи иҷроияи ҲХДТ дар ноҳияи Синои шаҳри Душанбе аз рӯи як масъала, оид ба интихоби аъзои нави Раёсати Кумитаи иҷроияи ҳизб дар ноҳияи Синои шаҳри Душанбе доир гардид. Аз рӯи масъалаи мазкур, аъзои Кумитаи иҷроия 13 нафарро   ба ҳайси аъзои Раёсати Кумитаи иҷроияи ҲХДТ дар ноҳияи Сино интихоб намуданд.

 


Вакти нашр: 2019-10-29 10:03:06    Хонданд: 123    Муфассал...

МАҶЛИСИ ҲИСОБОТӢ ДАР ТАШКИЛОТИ ИБТИДОИИ “ИЛМ ВА САНОАТ”

        Маҷлиси ҳисоботӣ-интихоботии ташкилоти ибтидоии “Илм ва саноат” бо иштироки аъзоёни ташкилот ва масъулини  Кумитаи иҷроияи ҲХДТ дар ноҳияи Шоҳмансур доир гардид.

        Носиров Зиёдулло –раиси ташкилоти ибтидоии “Илм ва саноат”  оид ба фаъолияти   ташкилоти ибтидоӣ  дар дувуним соли охир гузориш дод. Мавсуф қайд намуд, ки ташкилоти ибтидоии  мазкур  дар давраи ҳисоботӣ бо аъзоён дар корҳои ободониву созандагӣ саҳми назараррас нишон дода, барои дар амал тадбиқ намудани ҳадафҳои созандаи ҲХДТ кӯшиш намуданд.

      Дар ин миён  бо тарафдории аъзои ташкилоти ибтидоӣ Носиров Зиёдулло раиси ташкилоти ибтидоии «Илм ва саноат» аз нав  интихоб гардид.  Дар музокира баромадкунандагон  фаъолияти ташкилоти  ибтидоии   “Илм ва саноат”-ро   қаноатбахш арзёбӣ  карданд.

 


Вакти нашр: 2019-10-29 10:12:20    Хонданд: 24    Муфассал...

ҒОЛИБИЯТИ ҶАВОНОНИ ТОҶИК МУБОРАК!

      Мунтахаби ҷавонони Тоҷикистони то 17 сола дар Чемпионати ҷаҳон-2019 нахустин бозии гурӯҳии худро доир карда, 29-уми октябр  дар бозии аввали гурӯҳи “Е” бо ҳамтоёни Камерунии худ рақобат карданд. Набарди тимҳо ҷолиб сурат гирифта, бо ҳисоби 1:0 ба манфиати футболбозони тоҷик анҷом ёфт. Бояд гуфт, ки ягона голи ин бозиро аз пеналти дар дақиқаи 51-ум Шарифбек Раҳматов ба самар расонида, мунтахаби ҷавонони ватани азизамонро ғолиб намуд. Мутаассифона, довари Зеландӣ, бо истифода, аз видеодовар голи дуюми Тоҷикистонро бекор кард. Дар идомаи бозӣ Шуҳрат Элмуродов бо баргаи сурх муҷозот шуда, аз бозї хориҷ шуд.  

Ҳамин тавр, футболбозони тоҷик дар бозии нахустини худ қаҳрамони Лигаи миллатҳои Африқоро мағлуб карданд. Бозии дигари гурӯҳи “Е” байни тимҳои Аргентина ва Испания бо ҳисоби мусовии 0:0 ҷамъбаст гардид. Ҳоло дастаи мунтахаби Тоҷикистон бо дарёфти се имтиёз пешсафи гурӯҳи “Е” ба ҳисоб меравад. Дар бозии дуюми гурӯҳи “Е” футболбозони тоҷик рӯзи 1-уми ноябр бо тими миллии Испания неру месанҷанд.

  Кумитаи иҷроияи ҲХДТ дар шаҳри Душанбе ғолибияти мунтахаби ҷавонони Тоҷикистонро ба кулли дўстдорони футбол таҳният гуфта, барои футболбозони тоҷик дар оянда пирўзиҳои нав ба навро орзуманд аст.

        Кумитаи иҷроияи ҲХДТ дар шаҳри Душанбе


Вакти нашр: 2019-10-29 11:31:17    Хонданд: 27    Муфассал...

КОНФЕРЕНСИЯИ XXIX-УМИ ҲИСОБОТӢ-ИНТИХОБОТИИ ТАШКИЛОТҲОИ ҲХДТ ДАР НОҲИЯИ ФИРДАВСӢ

      Конференсияи XXIX-уми ҳисоботӣ-интихоботии ташкилотҳои Ҳизби Халқии Демократии Тоҷикистон дар ноҳияи Фирдавсӣ бо иштироки Илҳомҷон Ҳамидиён - мудири шуъбаи кор бо ҷавонон ва занони Кумитаи Иҷроияи Марказии ҲХДТ, Раҳмонзода Зоир Файзалӣ - раиси Кумитаи иҷроияи ҲХДТ дар шаҳри Душанбе,  Муҳаммадраҳим Юсуфӣ-раиси ноҳияи Фирдавсӣ, Азизов Азизхўҷа Орипович-Раиси Кумитаи иҷроияи ҲХДТ дар ноҳияи Фирдавсӣ, Зариф Сафаров - раиси Шӯрои собиқадорони ҲХДТ дар ноҳияи Фирдавсӣ, Шоҳона Одиназода- сармуҳаррири маҷаллаи "Бонувони Тоҷикистон", Аламхон Қурбонов -директори Боғи фарҳангӣ-фароғатии ба номи А. Фирдавсӣ. Зулфия Алиева - муовини раиси КИИ "Истиқлол" ва раисони кумитаву ташкилотҳои ибтидоии ҳизбии ноҳияи Фирдавсӣ  доир гардид.
         Қабл аз баргузории Конференсия намоиши дастовардҳои кумитаву ташкилотҳои ибтидоии ноҳия ба маърази тамошо гузошта шуд, ки вакилони Конференсия аз он дидан намуданд.

      Тибқи рӯзномаи Конференсия, сараввал ҳисоботи Кумитаи иҷроияи ҲХДТ дар ноҳияи Фирдавсии шаҳри Душанбе оид ба фаъолияти Кумитаи иҷроия аз моҳи июли соли 2017 то моҳи октябри соли 2019 ва вазифаҳои минбаъдаи он доир ба татбиқи барномаҳои ҲХДТ аз ҷониби Раиси Кумитаи иҷроияи ҳизб дар ноҳияи  Фирдавсӣ Азизов Азизхўҷа  ироа гардид. Сипас, ҳисоботи Комиссияи тафтишотии ташкилотҳои ҲХДТ дар ноҳияи Фирдавсии шаҳри Душанбе оид ба фаъолияти он дар давраи ҳисоботӣ шунида шуд. Вакилон, аз рӯи масъалаи сеюми рӯзномаи Конференсия, аъзои Кумитаи иҷроияи ҲХДТ дар ноҳияи  Фирдавсии шаҳри Душанберо дар ҳайати  37  нафар интихоб намуданд.

      Ҳамзамон, аз ҷониби вакилони Конференсияи XXIX - уми ҳисоботӣ-интихоботии ташкилотҳои ҳизбӣ, доир ба интихоби аъзои нави Комиссияи тафтишотии ташкилотҳои ҲХДТ дар ноҳияи  Фирдавсӣ шаҳри Душанбе дар ҳайати 3 нафар, қарори дахлдор қабул гардид.
 Дар ин миён ба Конференсияи   XVIII – уми ҳисоботӣ-интихоботии ташкилотҳои ҲХДТ дар шаҳри Душанбе, аз ҷониби вакилони Конференсия,  85 нафар вакил барои иштирок пешбарӣ гардиданд.
     Дар фарҷоми Конференсия, як қатор аъзои фаъоли Ҳизби Халқии Демократии Тоҷикистон, ки дар татбиқи ҳадафҳои созандаи барномаҳои ҳизб саҳми назаррас гузоштаанд, бо Сипоснома, Ифтихорномаи Кумитаи иҷроияи ҲХДТ дар ноҳияи Фирдавсӣ  қадрдонӣ гардиданд. Ҳамзамон, баъд аз баргузории Конференсия, Маҷлиси Кумитаи иҷроияи ҲХДТ дар ноҳияи Фирдавсӣ шаҳри Душанбе аз рӯи як масъала, оид ба интихоби аъзои нави Раёсати Кумитаи иҷроияи ҳизб дар ноҳияи  Фирдавсии шаҳри Душанбе  доир гардид. Аз рӯи масъалаи мазкур, аъзои Кумитаи иҷроия 11 нафарро   ба ҳайси аъзои Раёсати Кумитаи иҷроияи ҲХДТ дар ноҳияи  Фирдавсӣ интихоб намуданд.


Вакти нашр: 2019-10-30 09:33:39    Хонданд: 87    Муфассал...

Бахтномаи миллат

Конститутсияи Ҷумҳурии Тоҷикистон соҳибихтиёрӣ, дахлнопазирии ҳудуди кишвар ҳуқуқ ва озодиҳои инсон ва шаҳрвандро муайян кардааст

6-уми ноябри соли 2019 мардуми Тоҷикистон 25-умин солгарди қабули Конститутсияи давлати соҳибистиқлоли Тоҷикистонро ҷашн мегиранд. Дар давоми ин солҳо халқи Тоҷикистон ҳамчун баёнгари соҳибихтиёрӣ ва сарчашмаи ягонаи ҳокимияти давлатӣ сарнавишти худро тибқи муқаррароти ин ҳуҷҷати воқеан тақдирсоз муайян намуда, самтҳои тараққиёти ҳамаи соҳаҳои зиндагиашро мушаххас гардонид.

         Аз ин нуқтаи назар, тамоми он  дастовардҳоеро, ки тӯли 25 соли амали Конститутсияи Тоҷикистон насиби халқу давлати мо гардиданд, натиҷаи хирад ва заковати азими халқи Тоҷикистон ба ҳисоб меравад. Зеро маҳз бо иродаи аксари мардуми ин сарзамини куҳанбунёд имрӯз кишвари моро дар ҷаҳони муосир ҳамчун давлати соҳибихтиёру ҳуқуқбунёд ва демокративу иҷтимоӣ эътироф мекунанд ва мавқеи онро ҳангоми ҳаллу фасли масоили умдаи байналмилалӣ ба инобат мегиранд.

         Дар баробари соҳибистиқлол гардидани Ҷумҳурии Тоҷикистон зарурати қабули Конститутсия пеш омад. Дар ҷомеа зарурати таърихии интихоби шакли нави давлатдорӣ, низоми мақомоти нави ҳокимияти давлатӣ, таъмини арзишҳои воқеан олии инсон ва ҳуқуқу озодиҳои он, танзими муносибатҳои нави ҷамъиятӣ эҳсос мегардид.

Таҳия, муҳокима ва қабули Конститутсия пас аз баргузории Иҷлосияи 16 Шӯрои Олии Ҷумҳурии Тоҷикистон оғоз гардид. Иҷлосияи мазкур дар барқарор гаштани сохти конститутсионии кишвар нақши бузург бозид. Аз ин ҷиҳат, конститутсияи ҳоло амалкунандаи Ҷумҳурии  Тоҷикистон натиҷаи амалӣ гаштани қарорҳои таърихии Иҷлосияи 16 Шӯрои Олии Ҷумҳурии Тоҷикистон мебошад.

         Моҳи ноябри соли 1993 Президиуми Шӯрои Олии Ҷумҳурии Тоҷикистон комиссияи конститутсионӣ ва гурӯҳи кориро оид ба таҳияи лоиҳаи Конститутсияи нав ташкил намуд. Ба ҳайати ин гурӯҳи корӣ олимон, кормандони амалӣ ва коршиносон шомил карда шуданд.

         Дар давоми шаш моҳ гурӯҳи корӣ ду лоиҳаи Конститутсияро омода кард. Як лоиҳа ба шакли идораи парламентӣ ва лоиҳаи дигар ба шакли идораи президентӣ бахшида шуда буд. Комиссияи конститутсионӣ дар натиҷаи муҳокима лоиҳаи Конститутсияро, ки шакли идораи президентиро ҳимоя менамуд, маъқул дониста, онро барои муњокимаи умумихалқӣ  дар матбуот нашр кард.  Бо дарназардошти мушаххасоти хоси Тоҷикистон ва бо мақсади муташаккилона гузаронидани ислоҳот, инчунин таҷрибаи талхи давлатдории собиқи худ аъзои Комиссияи конститутсионӣ ба хулоса омаданд, ки шакли мувофиқ  ва боэътимоде, ки имрӯз ба шароити мушаххаси Тоҷикистон ҷавоб медиҳад, ҷумҳурии президентӣ мебошад. Илова бар ин, аксар шахсоне, ки дар муҳокимаи лоиҳа иштирок доштанд, ҷумҳурии президентиро ҳамчун шакли идоракунии давлати Тоҷикистон тарафдорӣ карданд. Лоиҳаи Конститутсияи Ҷумҳурии Тоҷикистон тибқи қарори Раёсати Шӯрои Олии Ҷумҳурии Тоҷикистон аз 13 апрели соли 1994 ба муҳокимаи умумихалқӣ тавсия гардид.

         Дар муддати зиёда аз ду моҳи муҳокимаи лоиҳа аз ҷониби мардуми кишвар ва ҳамватанони бурунмарзӣ бештар аз ҳаштуним ҳазор пешниҳод ба Шӯрои Олӣ ворид гардид. Ҳамзамон бо ин, лоиҳаи Конститутсияи Ҷумҳурии Тоҷикистон аз ҷониби як зумра мутахассисони кишварҳои ҷаҳон, аз ҷумла ИМА, Британияи Кабир, Россия ва чанд кишвари дигар баҳои сазовор гирифт.

         6 ноябри соли 1994 Конститутсияи Ҷумҳурии Тоҷикистон дар райъпурсии умумихалқӣ қабул гардид. Натиҷаи расмии раъйпурсӣ чунин буд: дар 64 ҳавзаи овоздиҳӣ 2 685 724 шаҳрванд ба рӯйхат гирифта шуда, дар раъйпурсӣ 2 535 437 нафар ё ки 94,4 фоиз ширкат варзиданд. Ба тарафдории  Конститутсия 2 352 554 нафар ё ки 87,59 фоиз овоз доданд. Бо ҳамин натиҷа Конститутсияи Ҷумҳурии Тоҷикистон соли 1994 аз ҷониби кишвар маъқул дониста шуд ва қабул гардид.  

         Конститутсияи Ҷумҳурии Тоҷикистон аз ҷумлаи дастовардҳои бузурги мардуми Тоҷикистон буда, заминаи ҳуқуқии бунёди давлати тозабунёд ва соҳибистиқлоли тоҷикон, шакли ифодаи ҳуқуқии ормонҳои давлатдории миллӣ, ҳимояи ҳадафҳо ва манфиатҳои миллӣ, осори таърихӣ ва фарҳанги миллӣ мебошад. Дар Конститутсияи Ҷумҳурии Тоҷикистон соҳибихтиёрӣ, истиқлолият ва тамомияти арзиши Тоҷикистон, дахлнопазирии ҳудуди кишвар, моҳият ва вазифаҳои давлат, ҳуқуқ ва озодиҳои инсон ва шаҳрванд, забони давлатӣ, рамзҳои давлатӣ ва шакли давлатдории Тоҷикистон, ҳадафҳои сиёсати дохилӣ ва хориҷии давлат, асосҳои иқтисодиву сиёсӣ, иҷтимоиву фарҳангии давлат ва ҷомеаи Тоҷикистон эълон шудаанд. 

         Конститусияи Ҷумҳурии Тоҷикистон давлати  Тоҷикистонро чун давлати соҳибихтиёр, демократӣ, ҳуқуқбунёд, дунявӣ ва ягона эълон мекунад. Ин меъёр ҷавобгӯи ҳадаф ва талаботи инкишофи ҷомеаи демократӣ дар ҷаҳони мутамаддин буда ҳоло дар конститутсияҳои ҳамаи давлатҳои демократии дунё ифода гаштааст.

         Конститутсияи Ҷумҳурии Тоҷикистон дар низоми санадҳои меъёрии ҳуқуқӣ ҷойи аз ҳама баландро соҳиб буда, эътибори олии ҳуқуқӣ дорад. Ҳамаи санадҳои ҳуқуқии Тоҷикистон, аз ҷумла санадҳои ҳуқуқии байналмилалии эътирофнамудаи Тоҷикистон бояд ба талаботи Конститутсияи Ҷумҳурии Тоҷикистон мутобиқ бошанд.

      Дар Конститутсияи Ҷумҳурии Тоҷикистон арзиши олии инсон ва ҳуқуқу озодиҳои ӯ эълон гардидааст. Аз ин ҷиҳат, Конститутсияи Ҷумҳурии Тоҷикистон аз ҳамаи конститутсияҳои замони шӯравӣ тафовути куллӣ дошта, ҳамзамон ба конститутсияҳои имрӯзаи давлатҳои демократӣ ва муқаррароти санадҳои байналмилалии соҳаи ҳуқуқи инсон шабоҳат дорад.

         Халқи Тоҷикистонро бахту саодати бузург насиб шудааст, ки соҳиби чунин Конститутсияи сазовор гаштааст. Чунки агар мавқеи илмӣ ва шаҳрвандии мутахассисони худиро дар масъалаи арзёбии Конститутсия як сӯ гузорем, ба эътибори коршиносони  дақиқсанҷи як қатор давлатҳои пешрафтаву мутамаддини ҷаҳон ва созмонҳои бонуфузи байналмилалӣ, аз қабили СММ, Созмони амният ва ҳамкори дар Аврупо Конститутсияи Ҷумҳурии Тоҷикистон яке аз намунаҳои беҳтарини конститутсияҳои демократии ҷањонист.

      Ба Конститутсияи Ҷумҳурии Тоҷикистон се маротиба (26 сентябри соли 1999, 22 июни соли 2003 ва бори сеюм 22 майи соли 2016) тағйиру иловаҳо ворид карда шудааст. Дар атрофи тағйиру иловаҳои соли 2016 гуфтан мумкин аст, ки дар раъйпурсии умумихалқӣ оид ба ворид намудани тағйиру иловаҳо ба Конститутсияи Ҷумҳурии Тоҷикистон, ки санаи 22 майи соли 2016 баргузор гардид, ба 40 банд, яъне 38 моддаи Конститутсия тағйиру иловаҳо ворид карда шудаанд.

      Илова бар ин, мехоҳам хотирнишон созам, ки Конститутсияи Ҷумҳурии Тоҷикистон - қонуни асосии давлат, унсури марказии низоми ҳуқуқии кишвар, заминаи эҷод ва такмили минбаъдаи қонунгузорӣ, ҳуҷҷати созиши иҷтимоӣ, муайянсозандаи дурнамои пешрафти ҷомеа ва давлат мебошад.  Ман итминони комил дорам, ки 25-умин солгарди қабули Конститутсияи мамлакат меҳру самимияти ҳар як сокини мамлакатро ба ин санади тақдирсоз ва тавассути он ба Ватану ватандорӣ тақвият мебахшад.

Раиси ташкилоти ибтидоии “Шуғл”

Сафарзода Ҷаҳонгир

 


Вакти нашр: 2019-10-30 15:12:23    Хонданд: 22    Муфассал...



ВИДЕОПОРТАЛ

Ҳамаи видео



ТАҚВИМ

ПнВтСрЧтПтСбВс