МАРОМИ ПОЙТАХТ

Навидҳо

Ҷавонон бояд осебпазир набошанд!

        Масъалаи пешгирии ҷавонон аз шомилшавӣ ба гурӯҳу созмонҳои ифротгаро яке аз омилҳои асосии ҷомеаи башарӣ, аз ҷумла ҷомеаи муосири Тоҷикистон ба ҳисоб меравад. Таъсири ғояҳои террористию экстремистӣ, ки то ҳол дар ҷаҳон бо роҳу воситаҳои гуногун ҷавононро ба коми худ афкандаанд, боиси хатару нооромиҳои гӯшношунид гардида, ба ваҳдату амнияти кишварҳои соҳибистиқлол ҳамарӯза таҳдид менамоянд.

        Бояд қайд намуд, ки кӯшиши тамоми ҷомеаи мо дар заминаи сиёсати пешгирифтаи Асосгузори сулҳу ваҳдати миллӣ, Пешвои миллат, Президенти мамлакат муҳтарам Эмомалӣ Раҳмон баҳри пешгирӣ ва мубориза бар зидди чунин гурӯҳҳои экстремистиву террористӣ сарчашма мегирад. Ҳамзамон, дар Паёми имсолаи худ ба Маҷлиси Олии Ҷумҳурии Тоҷикистон Сарвари давлатамон таъкид намуданд, ки «Терроризм ва экстремизми динию мазҳабӣ имрӯз ба як хатари бузурги ҷаҳонӣ табдил ёфта, боиси харобиву куштор ва фирорӣ гардидани мардумони бешумори кишварҳои олам гардидааст. Терроризм ва экстремизм, аз як ҷониб, чун вабои аср хатари глобалии ҷиддӣ буда, аз ҷониби дигар, аъмоли он гувоҳ аст, ки террорист ватан, миллат ва дину мазҳаб надорад, балки як таҳдиде ба ҷомеаи ҷаҳонӣ ва ҷони ҳар як сокини сайёра аст».

       Ба ин маънӣ, масъалаи терроризм, экстремизм ва ифротгароӣ дар ҷомеаи имрӯза ба яке аз мушкилоти асосии ҷомеаи башарӣ ба шумор меравад. Дар кишвари мо низ барои пешгирии ҷавонон аз гаравиш ба чунин созмонҳои ифротӣ тамоми тадбирҳо андешида мешаванд. Дар ин замина, Ҳукумати Ҷумҳурии Тоҷикистон барои камолоти ҳамаҷонибаи ҷавонон ва баланд бардоштани ҳисси шаҳрвандиву ватандӯстӣ, фазилатҳои неки инсониву соҳибилмӣ ва худогоҳу ватандӯст шудани онҳо шароити мусоидро фароҳам овардааст. Конститутсия ва дигар қонунҳои амалкунандаи Ҷумҳурии Тоҷикистон ба ҷавонон таъмини тамоми ҳуқуқу озодиҳои шаҳрвандиву инсонии онҳоро кафолат медиҳанд.

       Хусусан, таҳияи якқатор санадҳои меъёрии хусусӣ дар ин самт ҳамчун дастурамал ва роҳнамои ҳар як фарди солимфикри ҷомеа мавриди истифода қарор дода шудааст. Аз гуфтаҳои Сарвари давлат бармеояд, ки ҳодисаҳои охири баъзе аз кишварҳои шарқи наздик ҷомеаи моро ба изтироб оварда, метавонад ба сулҳу субот ва амнияти кишварамон хатар эҷод намояд. Чунки амалҳои ифротгароёна сабабгори нооромӣ ва таназзули миллат аз фарҳангу забон ва арзишҳои сиёсӣ чун истиқлолият, тамомияти арзӣ ва ваҳдати миллии давлатҳо мегардад. Қайд намудан ба маврид аст, ки яке аз омилҳои гароиши ҷавонон ба ин равияҳои манфӣ доштани сатҳи пасти маърифати диниву дунявӣ, қадрдонӣ накардани арзишҳои сиёсӣ-истиқлолият, ваҳдат, ҳифзи якпорчагии марзу бум ва дигар арзишҳои инсонӣ ба шумор меравад.

      Табиист, ки миёни баъзе аз ҷавонон чунин амалҳои зишти инсоние, ки хусусияти террористиву экстремистӣ дорад, ҳамчун амали осони ба ҳадаф расиданашон қабул гардидааст. Ҳаракату ҷараёнҳои экстримистӣ, ки фаъолияти онҳо дар мамлакат мамнӯъ мебошад, ин фурсатҳоро истифода бурда, аз хориҷи кишвар зери ниқобҳои гуногун то ба имрӯз хоҳони ноором кардани вазъи осудаи Тоҷикистони азиз мебошанд. Ба ҳамагон маълум аст, ки ин гурӯҳҳои ҷиноятпеша аз рӯзҳои аввали соҳибистиқлолии кишвар чашми ҳасодати худро нисбати ин сарзамини биҳиштосо кушода буданд. Имрӯз низ ин гурӯҳҳои аҳриманхӯ баҳри ноил гаштан ба ҳадафҳои нопоки худ пайваста кӯшиш мекунанд, то ҷавонони камтаҷрибаи динӣ ва камбизоати бекорро ба доми худ афкананд. Бештари таҳлилҳо нишон медиҳанд, ки ба ин равияҳои номатлуб ҷавонони гумроҳшуда ғарқи гирдоби онҳо мегарданд, ки аз илму фарҳанги динию дунявӣ бехабаранд ва аз ҳувияти миллию ватансолорӣ фарсахҳо дуранд.

       Дар чунин шароити ҳассос чӣ кор бояд кард, то неруи муқтадири ҷавононро ба самти созандагӣ ва муттаҳидӣ равона намоем? Маълум аст, ки пешравии кишвар на танҳо аз натиҷаҳои бузурги иқтисодӣ вобастагӣ дорад, балки дар заминаи пояҳои фарҳангиву маънавии миллат метавонад рушд намояд. Вобаста ба ин, масъалаи тарбияи ҷавонон дар рӯҳияи ахлоқӣ, фарҳангӣ ва хештаншиносӣ яке аз масоили муҳим дар кишвар ба шумор меравад.

      Таҳлилҳо нишон медиҳанд, ки маҳз мустаҳкам намудани меъёрҳои ватандӯстӣ миёни ҷавонон яке аз усулҳои самарабахши нигоҳдории суботи ҷомеаамон ба шумор меравад, зеро меъёрҳои ватандӯстию созандагӣ бунёди сохтори иҷтимоии кишвар буда, асосҳои маънавии он аз ахлоқ ва шуури сиёсии ҷавонон сарчашма мегирад. Айни замон дар ҷомеа зарурати таҳкими фаъолияти муштараки созмонҳои давлатӣ ва ҷамъиятӣ дар самти тарбияи насли наврас дар рӯҳияи ватандӯстӣ ва ахлоқи ҳамида ба миён омадааст.

       Хатару паёмадҳои чунин фазои таҳдидкунанда дар олам кишвари моро водор менамояд, ки миёни аҳолӣ корҳои фаҳмондадиҳиро беш аз пеш ҷоннок намояд. Рӯз то рӯз вусъат ёфтани домани амалҳои харобовари ин равияҳои ифротию террористӣ дар харитаи сиёсии ҷаҳон моро водор менамояд, ки пайваста барои решакан кардани буттаҳои бадбӯйи ин равияҳо даст ба дасти ҳам гузорем. Бо вуҷуди он, ки ҳалли ин масъала, бевосита аз фаъолияти мунтаззами мақомоти давлатӣ, ҳизбҳои сиёсӣ, созмонҳои ҷамъиятиву динӣ сарчашма мегирад. Ҳар як фарди кишварро зарур аст, ки саҳми худро дар ин кор дареғ надорад, зеро амнияти кишвар дар умум амнияти ҳар як фарди он аст.

        Аммо, мутаассифона, дар ҷаҳони муосир омилҳои хатарноку фаромиллие вуҷуд доранд, ки дар сурати адами муборизаи босуботу муташаккилона зидди онҳо, метавонанд ҷавононро ҳамчун қувваи бузург аз шоҳроҳи созандагиву бунёдкорӣ берун кашида, онҳоро ба қувваҳои зиёнкору бадхоҳи кишвари азизамон бипайванданд. Имрӯз чунин омилҳои хатарнок на танҳо ба амнияти Тоҷикистон балки ба амнияти миллии тамоми давлатҳои соҳибистиқлол таҳдид менамояд. Бинобар ин, бартараф кардани онҳо ҳамкории тарафайну фаъолонаи ҳамаи кишварҳои соҳибистиқлоли ҷаҳонро дар шароити нав тақозо менамояд.

Абдуллоҳ Шарифӣ-аъзои фаъоли ҲХДТ


Вакти нашр: 2019-09-02 09:22:30    Хонданд: 50    Муфассал...

Вохўри бо сокинони маҳаллаи «Роҳи нав»

       Дар маҳаллаи   «Роҳи нав»-и  ноҳияи  Сино  дар асоси нақшаи мулоқоту вохӯриҳои тасдиқнамудаи Кумитаи иҷроияи ҲХДТ дар шаҳри Душанбе вобаста ба иҷрои барқияи Дастгоҳи КИМ ҲХДТ аз 08.01.2019 ва қарори Раиси шаҳри Душанбе аз 29.01.2019 №42 бо сокинон   вохӯрӣ доир гардид.

       Дар он Қурбонмамадова Қ.Н.-мудири шуъбаи таблиғот ва иттилооти Кумитаи иҷроияи ҲХДТ дар шаҳри Душанбе,  Рухшона Юнусова мудири шуъбаи  кор бо занони Кумитаи иҷроияи ҲХДТ дар ноҳияи Сино иштирок ва суханронӣ намуданд.

Баромадкунандагон зимни баромади хеш роҷеъ ба дастовардҳои даврони истиқлолият, фарҳанги муосир ва анъанаҳои неки мардумӣ, амалишавии қонунҳои Ҷумҳурии Тоҷикистон «Дар бораи масъулияти падару модар дар таълиму тарбияи фарзанд», «Дар бораи танзими анъана ва ҷашну маросим дар Ҷумҳурии Тоҷикистон», пешгирии ҷавонон аз гароиш ба ҷараёну равияҳои бегона, мубориза бар зидди тақлидкорию хурофотпарастӣ, тарғибу ташвиқи одоби шаҳрнишинӣ, густариши корҳои ободонӣ ва баланд бардоштани маърифати ҳуқуқии сокинони шаҳри Душанбе ибрози назар намуданд.


Вакти нашр: 2019-09-02 09:29:20    Хонданд: 79    Муфассал...

РОҲБАР БОЯД ХИЗМАТГОРИ ХАЛҚ БОШАД

        Мутобиқи супоришҳои протоколии Маҷлиси назоратии назди Раиси Кумитаи иҷроияи ҲХДТ дар шаҳри Душанбе Кумитаи иҷроияи ҲХДТ дар ноҳияи  Фирдавсӣ бо дарназардошти маъракаҳои муҳими сиёсии дарпешистода Курси омӯзиширо таҳти унвони “Сарвариро меомӯзем” бо ҷалби бонувони соҳибтаҷриба, олимони барҷаста ва лаёқатмандони кумитаву ташкилотҳои ибтидоии ҳизбии ноҳия доир намуд.

       Дар он Сайфулло Сафаров - ходими шинохтаи сиёсӣ, собиқадори ҲХДТ, Заррина Зуҳурова - мудири шуъбаи кор бо занони Кумитаи иҷроияи ҳизбии шаҳри Душанбе  иштирок ва суханронӣ намуданд. Сайфулло  Сафаров  зимни баромади хеш оиди роҳбарӣ, қадру манзалат, нақши роҳбар дар ҷомеа, сифатҳои хосаи мансуб ба шахси роҳбар ибрози назар намуд.  Ҳамзамон, изҳор дошт, ки роҳбар сухани нишонрас, ҳадафманду судманд барои ҷомеа бояд дошта бошад.

       Заррина Зуҳурова низ оиди баъзе паҳлӯҳои муҳими кори роҳбарӣ ибрози андеша намуд. Бахусус нақши занони роҳбарро дар сохтори ҳизбӣ мавриди баррасӣ қарор дода, гуфт, ки занон мавқеи хосаро дар ин сохтори сиёсӣ соҳибанд ва дар ҳалли бисёр мушкилиҳо дар баробари мардон саҳмгузоранд.


Вакти нашр: 2019-09-02 09:38:08    Хонданд: 72    Муфассал...

ДАСТОВАРДҲОИ ЗАМОНИ СОҲИБИСТИҚЛОЛӢ ДАР ТАЪРИХ БЕСОБИҚААНД

Дар маҳаллаи  Яккачинори ноҳияи Фирдавсӣ дар асоси нақшаи мулоқоту вохӯриҳои тасдиқнамудаи Кумитаи иҷроияи ҲХДТ дар шаҳри Душанбе вобаста ба иҷрои барқияи Дастгоҳи КИМ ҲХДТ аз 08.01.2019 ва қарори Раиси шаҳри Душанбе аз 29.01.2019, №42 ҷиҳати вусъат бахшидани корҳои таблиғотиву ташвиқотӣ миёни сокинони ноҳия дар кумитаву ташкилотҳои ибтидоӣ, махсусан шаҳраку маҳаллаҳо оид ба таблиғу ташвиқи дастовардҳои даврони Истиқлолияти давлатӣ, одоби шаҳрнишинӣ, фарҳанги миллӣ ва пешгирии ҷавонон аз гароиш ба ҷараёну равияҳои бегона суҳбату вохӯрӣ доир гардид.

      Дар вохўрӣ Сайфулло Сафаров, ходими сиёсӣ, собиқадори фаъоли ҲХДТ ва Заррина Зуҳурова, мудири шуъбаи кор бо занони Кумитаи иҷроияи шаҳрии њизб иштирок ва суханронӣ намуданд.

      Баромадкунандагон роҷеъ ба дастовардҳои замони соҳибистиқлолӣ, ки дар таърихи миллат собиқа надорад ибрози назар намуд. Мавсуф дар мавриди дастёбӣ ба ҳадафҳои стратегӣ, ба истиқлолияти энергетикӣ расидан, аз бумбасти коммуникатсионӣ баровардани мамлакат, амнияти озуқаворӣ андешаҳояшро изҳор дошта, гуфт, ки бо вуҷуди аз сар гузаронидани ҷанги шаҳрвандӣ Тоҷикистон тавонист дар муддати кӯтоҳ ҳам истиқлолияти энергетикиро ба даст орад ҳам миёни давлатҳои ИДМ, ки чунин вазъи сиёсӣ надоштанд, беҳтарин роҳҳоро бунёд ва ҷойи намоёнро аз ин лиҳоз соҳиб гардад. Мавсуф оид ба маърифати баланди шаҳрнишинӣ, ҳифзи фарҳанги миллӣ, одоби оиладорӣ низ изҳори андеша намуд. Мавсуф таъкид кард, ки сокинони маҳалла пайваста аз як гиребон сар бароварда дар тозагию ободии маҳали хеш ҳиссагузор бошанд. Маърифату одоби баланди шаҳрдориро ба фарзандон омӯзанд ва талқин намоянд. Муҳаббат ба фарҳанги миллиро, ки муқаддасоти миллат аст, дар ниҳоди фарзандон бедор намоянд.


Вакти нашр: 2019-09-02 09:48:18    Хонданд: 77    Муфассал...

Семинари омўзишӣ ба ҳизбиёни пойтахт

         Бо мақсади иҷрои дастури Раиси муаззами ҳизбамон, муҳтарам Эмомалӣ Раҳмон дар Маҷлиси имсолаи Кумитаи Иҷроияи Марказии Ҳизби Халқии Демократии Тоҷикистон Кумитаи иҷроияи ҲХДТ дар шаҳри Душанбе семинарҳои омўзиширо бо раисони ташкилотҳои ибтидоии ҳизбӣ ва кормандони  кумитаҳои иҷроияи ҲХДТ дар ноҳияҳои шаҳри Душанбе роҳандозӣ менамояд.     

           Аз ҷумла, имрўз, 03-юми сентябри соли 2019 семинари мазкурро Кумитаи иҷроияи шаҳрии ҳизб бо раисони ташкилотҳои ибтидоии ҳизбӣ ва кормандони Кумитаи иҷроияи ҲХДТ дар ноҳияи Шоҳмансур  доир намуд.

         Дар он раиси Кумитаи иҷроияи ҲХДТ дар шаҳри Душанбе Зоир Раҳмонзода,  роҳбари  Дастгоҳи  КИМ  ҲХДТ Абдураҳмон Хонов, раиси Фраксияи ҲХДТ дар Маҷлиси намояндагони Маҷлиси Олии Ҷумҳурии Тоҷикистон Бахтовар Сафарзода ва мудири шуъбаи таблиғот ва таҳлили Дастгоҳи КИМ ҲХДТ Маҳмадулло Наимов, мудири кафедраи ҳуқуқи инсон ва ҳуқуқшиносии муқоисавии факултаи ҳуқуқшиносии Донишгоҳи миллии Тоҷикистон Ҷаҳонгир Саъдизода, устоди факултаи ҳуқуқшиносии Донишгоҳи миллии Тоҷикистон Соҳибов Муҳаммад  иштирок намуданд.   

Зоир Раҳмонзода семинари омўзиширо  ифтитоҳ бахшида, сараввал ҳамаи иштирокчиёнро бо фарорасии Ҷашни 28 – умин солгарди Истиқлолияти давлатии Ҷумҳурии Тоҷикистон ва ба истифода додани  чархаи дуюми НБО-“Роғун”  самимона табрику шодбош намуда, ба ширкаткунандагон дар раванди баргузории он муваффақиятҳо таманно намуд.

Бояд қайд кард, ки мақсад аз баргузории чунин семинарҳо, ин баланд бардоштани савияи донишу малака ва ташаккули ҷаҳонбинии сиёсии раисони ташкилотҳои ибтидоии ҳизбӣ мебошад.

Дар ин миён, мутобиқи барномаи семинар  устодону коршиносон оид ба мавзўъҳои  муҳими рўз маърўзаҳо намуданд.

Дар охири семинари омўзишӣ миёни иштирокчиён мубодилаи афкор сурат гирифт.

 

    

 


Вакти нашр: 2019-09-03 14:50:41    Хонданд: 85    Муфассал...

Вохӯрӣ бо сокинони маҳаллаи «Гулобод»

          Вобаста ба иҷрои барқияи Дастгоҳи КИМ ҲХДТ, Қарори Раиси шаҳри Душанбе ва нақша –чорабиниҳои Кумитаи иҷроияи ҲХДТ дар шаҳри Душанбе бо иштироки  Амробекова Руқия - мудири шуъбаи  ташкилии Кумитаи иҷроияи ҲХДТ дар шаҳри Душанбе,  Изатулло Ҳабибзод-муовини раис, роҳбари Дастгоҳи Кумитаи иҷроияи ҲХДТ дар ноҳияи Шоҳмансур   бо истиқоматкунандагони маҳаллаи «Гулобод»  вохўрӣ доир гардид.

        Масъулин нахуст истиқоматкунандагонро бо фарорасии Рўзи Истиқлолияти давлатии Ҷумҳурии Тоҷикистон табрику шодбош намуда, сипас роҷеъ ба дастовардҳои даврони истиқлолият, фарҳанги муосир ва анъанаҳои неки мардумӣ, тарғибу ташвиқи одоби шаҳрнишинӣ, густариши корҳои ободонӣ ва баланд бардоштани маърифати ҳуқуқии сокинони шаҳри Душанбе, амалишавии қонунҳои Ҷумҳурии Тоҷикистон «Дар бораи масъулияти падару модар дар таълиму тарбияи фарзанд», «Дар бораи танзими анъана ва ҷашну маросим дар Ҷумҳурии Тоҷикистон», пешгирии ҷавонон аз гароиш ба ҷараёну равияҳои бегона, мубориза бар зидди тақлидкорию хурофотпарастӣ,   ибрози назар намуданд.


Вакти нашр: 2019-09-03 17:00:24    Хонданд: 62    Муфассал...

ИСТИҚЛОЛИЯТ. ТОҶИКИСТОН ВА ҶАҲОН

         Истиқлолияти давлатӣ барои миллати тамаддунофари тоҷик нодиртарин дастоварди сиёсиву сарнавиштсоз ба ҳисоб рафта, оғози давраи комилан нав дар таърихи давлатдории тоҷикон, марҳилаи тоза дар ташаккули тафаккур ва фалсафаи давлатдорӣ мебошад. Баъд аз садсолаҳо бори дигар миллати соҳибтамаддуни мо имконияти эҳёи суннатҳои аҷдодии давлатдориро ба даст оварда, Тоҷикистони азиз дар арсаи ҷаҳонӣ ҳамчун давлати мустақилу соҳибихтиёр ва ташаббускори сатҳи байналмилалӣ муаррифӣ гардид.

      Бояд гуфт, ки истиқлолият дар баробари дигар равандҳои ҷомеа, ҳамеша ниёз ба ваҳдати миллӣ ва амнияти дохилию хориҷӣ дорад. Тавре Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон иброз менамоянд: «Мову шумо дар даврони соҳибистиқлолӣ борҳо марҳалаҳои мушкилу сангинро паси сар намуда, аз ҳолатҳои бисёр вазнин сарбаландона баромадем, аз ҷумла хатари нестшавии давлат ва пароканда гардидани миллатро бартараф кардем ва ба пешрафти давлату ҷомеа муваффақ шудем. Аз ин рӯ, ҳамаи мо вазифадорем, ки бо шукронаи соҳибватаниву соҳибдавлатӣ ва сулҳу оромии кишвар, ба хотири фардои неку ободи ватанамон ҳарчи бештар заҳмат кашида, Тоҷикистони маҳбубамонро боз ҳам ободу зебо гардонем. Мову шумо ба хотири боз ҳам беҳтар гардондани шароити рӯзгори мардумамон бояд дар ҳамаи самтҳои зиндагӣ сарфаю сариштакор бошем, зиёдаравӣ накунем ва фарзандонамонро дар ҳамин рӯҳия тарбия намоем».
      Дарвоқеъ, халқи тоҷик бо сарварии Пешвои муаззами миллат муҳтарам Эмомалӣ Раҳмон бо такя ба ҳастии таърихӣ, ақлу хирад ва иродаи қавии азалии худ тавонист оташи ҷанги дохилии таҳмилиро фурӯ нишонда, парчами озодиву адолатро ба хотири ҳифзи асолату арзишҳои миллӣ ва ваҳдату ҳамдигарфаҳмӣ устувор гардонад. Дастовардҳои назарраси кишвар дар ин фосилаи кӯтоҳи таърихӣ шаҳодати равшани он аст, ки миллати тоҷик бо ҳиммати баланди созандагиву фарҳангпарварӣ ва инсондӯстиву таҳаммулгароӣ ҳама гуна мушкилотро паси сар намуда, ҳамеша ба сӯйи пешрафт ва ба хотири ободиву тараққиёт кӯшиш менамояд.
Тоҷикистон яке аз кишварҳои ташаббускор дар сатҳи байналмилалӣ ба ҳисоб меравад. Моҳи марти соли гузашта татбиқи ташаббуси чоруми Тоҷикистон доир ба ҳалли яке аз мушкилоти ҷиддитарини башарият, яъне об таҳти унвони Даҳсолаи байналмилалии амал «Об барои рушди устувор, солҳои 2018-2028» аз тарафи Созмони Милали Муттаҳид расман оғоз гардид. Яъне, ибтикори кишвари мо дар давоми даҳ соли минбаъда дар миқёси сайёра амалӣ мешавад.
        Аз ин лиҳоз, моро мебояд, ки бо шукргузорӣ аз Истиқлолияти давлатӣ, сулҳу субот, фазои озоду осоишта, шароитҳои мусоиди муҳайёкардаи Ҳукумати кишвар, ғамхориҳои хирадмандонаи Сарвари давлат дар пешрафту рушди ояндаи босаодати Тоҷикистони азиз саҳмгузор бошем.

Азимҷон ҲАСАНЗОДА

 

 


Вакти нашр: 2019-09-04 11:40:13    Хонданд: 49    Муфассал...

Истиқлолият неъмати бебаҳои миллат

          Дар ташкилоти ибтидоии ҳизбии "Роҳнамоии довталаб" дарси сиёсӣ таҳти унвони "Истиқлолият неъмати бебаҳои миллат" бо иштироки Маҳмадалӣ Раҳмонов - муовини Раиси ташкилоти ибтидоӣ, Хайём Амонов - мудири шуъбаи таблиғот ва иттилооти Кумитаи иҷроияи ҲХДТ дар ноҳияи Исмоили Сомонӣ ва аъзоёни ташкилоти ибтидоӣ баргузор гардид.

Нахуст, Маҳмадалӣ Раҳмонов сухани ифтитоҳї намуда, аз моҳият, мақсад ва дастовардҳои даврони истиқлолият ёдовар гашт.  Дар идома қайд карда шуд, ки кишваре, ки соҳибистиқлол аст, роҳу равиши хосаи давлатдорӣ ва мақому мавқеи муносибро дар арсаи ҷомеаи ҷаҳонӣ бояд пайдо кунад ва набзи давлату миллати худро ба набзи сайёра ҳамсафар созад. Дар ин ҷода Тоҷикистон бо ташаббусу ғамхориҳои Асосгузори сулҳу ваҳдати миллӣ - Пешвои миллат, Раиси муаззами ҲХДТ муҳтарам Эмомалӣ Раҳмон тавонист, ки дар солҳои аввали мустақилият дар арсаи байналмилалӣ обрӯву манзалати миллати тоҷикро байни миллату халқиятҳои ҷаҳон боз ҳам дучанд созад ва комёбиву дастовардҳои олимону донишмандони миллатро муаррифӣ намояд.

Сипас,  Хайём Амонов дар доираи дастовардҳои истиқлолият дар ҷодаи илму маориф ва алалхусус Маркази милли тестии назди Президенти Ҷумҳурии Тоҷикистон, Китобхонаи миллии Тоҷикистон, ки яке аз дастовардҳои бемисл дар ҳаёти вусъатбори кишвар ба ҳисоб меравад суханронӣ намуд. Аз љумла  қайд намуд, ки истиқлолият яке аз пурарзиштарин дастоварди давлату миллати тоҷик буда,  дар қарни асри XX-ум ба даст ома д ва  истиқлолият вожаи муқаддас аст, ки миллати мо аз баракати он тавонист суннатҳои деринаи хешро эҳё дода, ривоҷ диҳад, ҳамфикрию ҳамзистӣ ва осоиштагиро ба мардуми Тоҷикистон армуғон овард.


Вакти нашр: 2019-09-04 14:47:45    Хонданд: 79    Муфассал...

Истиқлолият - озодӣ ва ободии мо

Дар ташкилоти ибтидоии ҳизбии "Авасто" мутобиқи супоришҳои протоколии Маҷлиси назоратии назди Раиси Кумитаи иҷроияи ҲХДТ дар шаҳри Душанбе бо иштироки масъулини Кумитаи иҷроияи ҳизбии ноҳияи Исмоили Сомонї бахшида ба 28-умин солгарди Истиқлолияти давлатии Ҷумҳурии Тоҷикистон соати сиёсӣ  доир гардид.

     Масъулин зимни баромади хеш қайд кард, ки истиқлолият вожаи воқеан муқаддас аст, ки миллати мо аз баракати он тавонист суннатҳои деринаи хешро эҳё намояд ва ривоҷ диҳад. Мо солгарди Истиқлолияти давлатии Тоҷикистонро ҷашн мегирем, ки ин санаи муборак ва муқаддас дар таърихи давлатдории навини тоҷикон бо ҳарфҳои заррин сабт шудааст, ки ҳеҷ гоҳ зудуда намегардад.


Вакти нашр: 2019-09-04 14:53:24    Хонданд: 82    Муфассал...

ШУКРИ ИСТИҚЛОЛ МЕГӮЕМ МО

        Дар муассисаи таҳсилоти миёнаи умумии №28-и ноҳияи Фирдавсӣ дар асоси нақшаи мулоқоту вохӯриҳои тасдиқнамудаи Кумитаи иҷроияи ҲХДТ дар шаҳри Душанбе вобаста ба иҷрои барқияи Дастгоҳи КИМ ҲХДТ аз 08.01.2019 ва қарори Раиси шаҳри Душанбе аз 29.01.2019, №42 ҷиҳати вусъат бахшидани корҳои таблиғотиву ташвиқотӣ миёни сокинони ноҳия  дар кумитаву ташкилотҳои ибтидоӣ, махсусан шаҳраку маҳаллаҳо оид ба таблиғу ташвиқи дастовардҳои даврони Истиқлолияти давлатӣ, одоби шаҳрнишинӣ, фарҳанги миллӣ ва пешгирии ҷавонон аз гароиш ба ҷараёну равияҳои бегона суҳбату вохӯрӣ доир гардид.

        Сайфулло Сафаров, узви фаъоли ҲХДТ  роҷеъ ба марҳилаҳои аввали соҳибистиқлолӣ, вазъи ногувору тезутунди сиёсии он солҳо, бунёди сохтори давлатдорӣ, бахусус Ҳизби Халқи Демократии Тоҷикистон, нақши он дар эъмори давлати демокративу ҳуқуқбунёду дунявӣ, нақши беназири Пешвои миллат, муҳтарам Эмомалӣ Раҳмон дар   ин марҳилаи таърихӣ ва то ҳанӯз ибрози назар намуд.  Мавсуф таъкид кард, ки ҲХДТ ҳизбе буд, ки аз дарун реша дошт ва манфиатҳои милливу давлатиро дар пай дошт.

       Заррина Зуҳурова, мудири шуъбаи кор бо занони Кумитаи иҷроияи ҲХДТ дар шаҳри Душанбе роҷеъ ба таълиму тарбияи насли наврас, дар рӯҳияи худшиносии миллӣ ва ватандӯстӣ тарбия намудани онҳо, маърифати  шаҳрнишиниву  пешгирии  ҷудошавии оилаҳои ҷавон ибрози андеша намуд.


Вакти нашр: 2019-09-04 14:57:45    Хонданд: 73    Муфассал...

ИСТИҚЛОЛИЯТ - ҶАВҲАРИ ПУРИФТИХОРИ ДАВЛАТДОРИИ МИЛЛӢ

Истиқлолият муқаддастарину азизтарин неъмат, рамзи саодату асолати миллат, шарафу номуси ватандорӣ ва нишонаи пойдориву бақои давлат мебошад.

                                                                                                                                                               Эмомалӣ Раҳмон

  Гузашти марҳилаҳои гуногуни таърихи тамаддуни олам дар масири бунёду эҳёи давлатдориву давлат­созӣ собит намудааст, ки танҳо миллат ё қавме ба таври доимиву мудом дорои обрӯ ва манзалати хос­са мегардад, ки таҳдоби номаи тақдирашро танҳо бо дастони хеш эҷод ва иншо карда бошад. Сареҳияти фаротари комил, шарафу номус, боварию садоқат, ибтикору ташаббус ва авлавияти манфиатҳои муҳи­ми миллату Ватан моро дар ин марҳилаи мураккаби таърихӣ, бо азхуднамоии арзишҳои деринаи худ минҳайси як кишвари воҳиди мустақилу бостон соҳиби мақому мартабаи хос гардонида, 9-уми сен­тябри соли 1991 Истиқлолияти давлатии худро ба даст овард. Ин санаи муҳиму арзишманд дар таъри­хи давлатдории мо бо ҳарфҳои заррин сабт гардида, баробари эълон гардидани он ба рушду инкишофи соҳаҳои муҳими хоҷагии халқ заминаҳои мусоиду устувор гузошта шуд.

Дар ин муддат вақт ҳамчун довари бузургу беназир ба раванди марҳилаҳои гуногуни ҷомеасозӣ дар ҳама давру за­мон баҳои холисона дода, собит наму­дааст, ки маҳз шахсиятҳои бузург қоди­ранд инсонҳоро дар ҳалли масъалаҳои печидаву мураккаби сиёсиву иқтисодӣ, иҷтимову фарҳангӣ раҳнамоӣ карда, дар қалбу дидаи мардум умед ба зин­дагии шоиста ва ояндаи дурахшонро ба­рафрӯзанд. Андеша ва садоқати азалии фарзонафарзанди миллати тоҷик, дар симои шахсияти абармарди олами си­ёсии ҷаҳон тавонист дар ҳассостарин лаҳзаҳои душвори таърихӣ ин миллату давлатро аз маҳву парокандагӣ наҷот диҳад.

Албатта, асноду далел ва воқеияти рӯзгори аслӣ дар ин самт муайян намуд, ки кишвари кӯчаки мо барои расидан ба истиқлолияти комили сартосарӣ якчанд монеаҳои душвору сангинро паси сар намуд. Бо таваҷҷуҳ ба нуктаҳои арзиш­манди таърихӣ ва ибтикороти Меъмори сулҳаш зикр намудан ба маврид аст, ки миллати куҳанбунёди мо дар ин муноқи­шаҳои бесару нӯги дохилӣ бори дигар ҷаҳониёнро бовар кунонид, ки тоҷикон дорои фарҳангу хиради баланди азалӣ, ҳамеша ҷонибдори сулҳу ваҳдати пой­дор буданд, ҳастанд ва мебошанд...

Табиист, ки дар миёни ҷашнҳои миллии мо Рӯзи Истиқлолияти дав­латӣ мақом ва ҷойгоҳи махсусро касб намудаву сол аз сол қимати таърихи­аш рӯ ба афзоиш дорад. Зеро ин санаи нодири таърихӣ дар саҳифаҳои соҳибистиқлолии миллиамон, яке аз рӯй­додҳои муҳиму нодири таърихи навини кишварамон ба ҳисоб меравад. Дар ин замина, ёдовар шудан ба маврид аст, ки табиатан заминаи соҳибихтиёрии сар­тосарӣ ба дӯши кишвари тозаистиқлоли мо вазифаҳои басо мураккабу масъули­ятнок гузошт. Шикасти гузинаҳои идо­ракунӣ, набуди манбаҳои иқтисодӣ ва фаъолияти ноустувори қонуни асосии кишвар, эҳтимолияти ҳар лаҳзаву ҳар маврид рӯ ба нестӣ бурдани миллати моро таҳдид мекард. Вале дар ин асно хидматҳои қиёснопазире, ки дар зами­наи набуди камтарин имкониятҳои молӣ барои таъсису ҳастии як миллати му­стақилу воҳид, аз ҷониби Пешвояш рӯйи даст гирифта шуд, баҳояшро таърихи як садсолаи охири башар қариб, ки ёд надораду ба ҷуз Эмомалӣ Раҳмон каси дигаре ҳам накардааст….

Сабақи ибратомӯзи таърих, гузаштаи пурифтихор ва афзалиятҳои дав­латдории навини миллӣ, бо таваҷҷуҳ аз таҷлили ҷашнҳои бузурги даврони соҳибистиқлолии кишвар шурӯъ аз 1100-солагии давлатдории Сомониён то бузургдошти Соли тамаддуни ори­ёию 3000-солагии Ҳисори бостон, боиси омӯзишу қадршиносии ҳар яки мо буда, сархати роҳи устувори ояндабинӣ ва ар­зишҳои неки давлатдории миллиамонро муайяну бозкушоӣ намуд. Муҳимтар аз ҳама, роҳандозии чунин чорабиниҳои сатҳи ҷумҳуриявию байналмилалӣ ва бузургдошти шахсиятҳои содиқи таъ­рихиву сиёсӣ ва илмиву адабӣ имкон медиҳад, ки бори дигар мардуми сар­баланди тоҷик решаҳои худро аз гуза­штаҳои дури дур дарёфт карда, пайван­ди азалӣ доштани хешро ба онҳо эҳсос намуда, устувор гардонанд.

Мусаллам аст, ки азнавсозӣ ва эҳёи Тоҷикистони навин аз макони мут­таҳидсозандаи тоҷикони ҷаҳон пойтах­ти кишвари азизамон-шаҳри Душанбе оғоз шудаву, дар як муддати хеле ками таърихӣ ва махсусан ду соли охир, бо бунёди маҷмӯи васеи иншооти гуногуни иҷтимоиву хизматрасонӣ ва эҳёи боғу гулгаштҳои муосир симои худро боз ҳам зеботару дилоротар гардонид.

Албатта, ҷойи ҳеҷ шакку шубҳаи ди­гаре нест, ки бо дарки воқеияти ҷомеи муосир, ҳаёти иҷтимоиву иқтисодии мардуми тоҷик давоми 28 соли соҳибистиқлолии кишвар ба куллӣ тағйир ёфта, масъалаҳои муҳими хоҷагии халқ бо эҷоди ташаккули давлатдории миллӣ тадриҷан ҳалли худро пайдо намуданд. Новобаста аз вазъи ноороми кишвар ва заъфи имкониятҳои мавҷуда, дар кишвари мо, таҳти дастуру ҳидоятҳои ҳамешагии Пешвои муаззами миллат муҳтарам Эмомалӣ Раҳмон раванди корҳои созандагиву бунёдкориҳо вусъа­ти тоза гирифта, тавассути заҳматҳои содиқонаву софдилонаи мардуми ва­тандӯсту ватанпарвар, ба як кишвари рӯ ба инкишофу тараққӣ мубаддал гар­дидааст.

Дар ин масир, Ҷумҳурии Тоҷикистон бо ибтикору ташаббус ва рафъи муш­килоти масоили умдаи сайёра таҳти роҳбарии фарзанди фарзонаву абар­марди раҳнамунсозаш мақому манзала­ти муносиберо пайдо намуд. Воқеияти аслии дигаре, ки тавассути истиқлоли­яти давлатӣ барои рушду тавсеаи он имкониятҳои мусоидро фароҳам сохт, ин мустаҳкаму устувор намудани пояҳои фарҳанги миллӣ бо иҷрои арзишҳои неки анъанаҳои ниёгонамон мебошад.

Асри ХХI, ки давраи тараққиёти бо­суръати тафаккури илмиву техникӣ ва бозёфтҳои тозаи ақли инсонӣ мебошад, ба неруи офарандаву созанда, ҷӯяндаву навовари миллати тоҷик ва ҷавонони бо нангу номуси он аз ҳар вақти дигар бештар ниёз дорад. Маҳз мардуми соҳибфарҳанг ва ҷавонони соҳибмаъ­рифату боистеъдод метавонанд хази­наи илму фарҳанги миллати хешро ғанӣ гардонида, ҳамчун ҳалқаи мустаҳкам дар занҷири маърифати наслҳо хизмат намоянд. Бо таваҷҷуҳ ба амалисозии омилҳои зикргардида ва дар шароити равандҳои пурталотуми ҷаҳонишавӣ мо бояд тафаккури солими миллиро дар зеҳни ҷавонону наврасон тақвият бах­шида, арзишҳои миллиро аз таҳдидҳои хатарбори асри нав эмин нигоҳ дорем. Зеро маҳз тавассути соҳибистиқлолии Ватан рушди иқтисоди миллии мо ба марҳилаҳои сифатан нав расида, ба дурнамои устувори бахшҳои муҳими хоҷагии халқ заминаҳои мусоиду усту­ворро фароҳам овард.

Аз ҷумла, дар ин муддат рушди маҷмӯи маҳсулоти дохилӣ рӯ ба афзоиш ниҳода, сатҳи камбизоатӣ аз 87 дарсади соли 1999 то ба 29,5 дарсад дар соли 2018 коҳиш ёфт, ки чунин натиҷаҳо бо­иси зикри махсус мебошад.

Ҳамзамон, таъкиди ин нукта бамав­рид аст, ки пойтахти Ҷумҳурии Тоҷи­кистон- шаҳри Душанбе давоми соли равон шоҳиди баргузории якчанд ҳамои­шу конфронси сатҳи баланди ҷаҳонӣ, аз ҷумла Саммити Машварати ҳамкорӣ ва тадбирҳои боварӣ дар Осиё, Конфрон­си сатҳи баланд таҳти унвони «Ҳамко­рии байналмилалӣ ва минтақавӣ дар мубориза бо терроризм ва манбаъҳои маблағгузории он, аз ҷумла гардиши ғайриқонунии маводи мухаддир ва ҷи­ноятҳои муташаккил» ва нахустин Форум ва Намоишгоҳи байналмилалии сайёҳии «Тоҷикистон-2019» буд, ки ҳар кадоме аз онҳо мазмуну муҳтаво ва аҳаммияти глобалӣ барои минтақа ва ҷаҳон доранд. Табиист, ки бозтоби Саммит ва чорабиниҳои зикргардида бо муаррифии манзараҳои зебои Ва­тан, дар заминаи солҳои 2019-2021 ҳамчун Солҳои рушди деҳот, сайёҳӣ ва ҳунарҳои мардумӣ мақому манзалати кишвари моро дар сатҳи ҷомеаи ҷаҳонӣ боз ҳам афзунтару бештар хоҳад намуд.

Мусаллам аст, ки имрӯзҳо бахшида ба 30-солагии Истиқлолияти давлатии Ҷумҳурии Тоҷкистон таҳти дастуру ҳи­доятҳои ҳамешагии Асосгузори сулҳу ваҳдати миллӣ - Пешвои миллат, Пре­зиденти Ҷумҳурии Тоҷикистон муҳта­рам Эмомалӣ Раҳмон ҷараёни корҳои созандагиву бунёдкорӣ дар сартосари шаҳру ноҳияҳои кишвар вусъати тозаро касб намуда, татбиқи сифатноки онҳо бо маром идома дорад.

Дар маҷмӯъ, метавон гуфт, ки дасто­вардҳои давлату давлатдории тоҷикон тӯли солҳои соҳибистиқлолии кишвар қобили мулоҳиза ва зикри махсус мебо­шанд. Аз ин рӯ, бояд ҳар фарди бонангу номуси миллат бо дарки сабақи ибра­томӯзи таърих аз ҳодисоти гузаштаи халқамон шукронаи сулҳу суботи сар­замини аҷдодиямонро ба ҷой орад, ба қадри ин неъмати бебаҳои умумимиллӣ - Истиқлолияти давлатӣ бирасад ва ба­рои ободии Тоҷикистони азиз саҳми со­фдилонаву содиқонаи худро бигузорад.

Зоир РАҲМОНЗОДА,

раиси Кумитаи иҷроияи ҲХДТ дар шаҳри Душанбе


Вакти нашр: 2019-09-05 11:09:42    Хонданд: 72    Муфассал...

ИСТИҚЛОЛИЯТ – ОМИЛИ МУҲИМИ РУШДИ ҶОМЕЪА

  Дар Кумитаи иҷроияи ибтидоии ҳизбии “Ворисони Сино” бахшида ба Рӯзи Истиқлолияти давлатӣ соати сиёсӣ таҳти унвони: “Истиқлолият – омили муҳими рушди ҷомеъа” бо иштироки кормандони Кумитаи иҷроияи ҳизбии ноҳияи Шоҳмансур – Изатуллои Ҳабибзод, Бурҳонзода М. ва Мирханов О. баргузор гардид.

         Ҷамъомадро раиси Кумитаи иҷроияи ибтидоии ҳизбии “Ворисони Сино” – Абдураҳимзода Бобохон Исмат оғоз намуда, доир ба дастовардҳои соҳаи тандурустӣ дар даврони соҳибихтиёрии Тоҷикистон баёни андеша намуд.

Ҳамзамон, дар чорабинии мазкур Муовини раис – роҳбари дастгоҳи Кумитаи иҷроияи Ҳизби Халқии Деморатии Тоҷикистон дар ноҳияи Шоҳмансур Изатуллои Ҳабибзод баромад намуд. Зимни баромади худ ӯ оид ба аҳамияти таърихиву миллии Истиқлолияти давлатии Тоҷикистон, дастовардҳои соҳаҳои гуногуни ҳаёти чамъиятии Тоҷикистон дар даврони соҳибистиқлолӣ ибрози ақида намуда, ҳозиринро бо Рӯзи Истиқлолияти давлатии Тоҷикистон табрику муборакбод намуда, ба онҳо дар фаъолияти касбӣ ва ҷамъиятиву сиёсиашон бурдбориҳои беназирро таманно намуд.

Инчунин, узви фаъоли ҳизб Расулов Амин дар соати сиёсӣ баромад намуда, мухтасар оид ба фаъолияти аъзои ҳизб дар гурӯҳҳои кории таблиғотии назди Кумитаи иҷроияи ибтидоии ҳизбӣ, саҳми аъзои ҳизб дар тадбиқи амалии барномаҳои ҳизбӣ, иштироки фаъолонаи онҳо дар чорабиниҳои гуногуни фарҳангиву сиёсии шаҳрӣ ва ноҳиявӣ ибрози андеша намуд ва Кумитаи иҷроияи ҳизбии ноҳияро аз номи Кумитаи иҷроияи ибтидоии ҳизбии “Ворисони Сино” бовар кунонид, ки минбаъд низ онҳо ин масъулиятро боз ҳам қавитар мегардонанд.


Вакти нашр: 2019-09-05 14:55:06    Хонданд: 69    Муфассал...

ТАҶЛИЛИ ҶАШНИ ИСТИҚЛОЛИЯТИ ДАВЛАТИИ ҶУМҲУРИИ ТОҶИКИСТОН ДАР ГВАРДИЯИ МИЛЛӢ

 

         Мутобиқи супоришҳои протоколии Маҷлиси назоратии назди Раиси Кумитаи иҷроияи ҲХДТ дар шаҳри Душанбе    Кумитаи иҷроияи ҲХДТ дар ноҳияи Сино бахшида ба    28 – умин солгарди Истиқлолияти давлатии Ҷумҳурии Тоҷикистон ва 24 – умин солгарди таъсисёбии Гвардияи миллии Ҷумҳурии Тоҷикистон бо афсарону сарбозон   вохӯрӣ  доир карда шуд.

        Дар  он Файзуллозода З.Ф. – Раиси Кумитаи иҷроияи ҲХДТ дар ноҳияи Сино, Сайидмуминзода Аббос – муовини Раиси ноҳияи Сино, Бобобекова Меҳринисо – шоири халқии Ҷумуҳурии Тоҷикистон ва Собириён  Маҳмаднаим – муовини Фармондеҳи Гвардияи миллии Ҷумҳурии Тоҷикистон иштирок ва суханронӣ намуданд.

       Баромадкунандагон  зимни баромади хеш қайд намуданд, ки дар тўли солҳои  соҳибистиқлолӣ зери роҳбарии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, Раиси муаззами ҲХДТ, муҳтарам Эмомалӣ Раҳмон Тоҷикистон ба як мамлакати ободу осуда ва пешрафта табдил ёфта истодааст.   Бояд гуфт, ки Истиқлолият як ҳарфи ифтихорӣ нест, балки он тақозо менамояд, ки пояҳои устувори давлатдорӣ гузошта шуда, ба ҳама гуна мушкилоту имтиҳони зиндагиву рўзгори мустақилона тоб оварда, рушди иқтисоди замонавӣ таъмин карда шавад ва арзишҳои давлати демократӣ ҳифзу афзун гардонда шавад.


Вакти нашр: 2019-09-05 14:59:14    Хонданд: 66    Муфассал...

ҲАМНИШИНЕ БЕҲ АЗ КИТОБ МАХОҲ

Дар Китобхонаи миллии Тоҷикистон ба ифтихори Рӯзи китоб ҷамъбасти Озмуни ҷумҳуриявии “Библиомарафон” таҳти унвони “Ҳамнишине беҳ аз китоб махоҳ” баргузор гардид.

         Дар чорабинии мазкур 36 нафар ғолибону иштирокчиёни фаъол аз тамоми минтақаҳои ҷумҳури иштирок намуданд, ки онҳо бо тӯҳфаҳои хотиравии таъсиснамудаи Кумитаи тадорукот қадршиносї гардиданд. Ба ғолибон Кумитаи иҷроияи Ҳизби Халқии Демократии Тоҷикистон дар ноҳияи Шоҳмансур низ тӯҳфаҳои хотиравии худро супорид.


Вакти нашр: 2019-09-05 15:05:26    Хонданд: 51    Муфассал...

Вохўрӣ бо сокинони маҳаллаи «Қарамишкор»

Дар асоси нақшаи мулоқоту вохӯриҳои тасдиқнамудаи Кумитаи иҷроияи ҲХДТ дар шаҳри Душанбе вобаста ба иҷрои барқияи Дастгоҳи КИМ ҲХДТ аз 08.01.2019 ва қарори Раиси шаҳри Душанбе аз 29.01.2019, №42  ва баҳри сазовор таҷлил намудани ҷашни Истиқлолияти давлатии Ҷумҳурии Тоҷикистон   бо иштироки Наботов Ш.С. - мудири шуъбаи таблиғот ва иттилооти Кумитаи иҷроии ҲХДТ дар ноҳияи Сино, Юнусов Х.А. - муовини сардори Раёсати энергетикаи Вазорати энергетика ва захираҳи оби Ҷумҳурии Тоҷикистон ва Олимова Х. - устоди донишкадаи давлатии забонҳои Тоҷикистон ба номи М.Турсунзода бо  сокинони маҳаллаи “Қарамишкор”-и ноҳияи Синои шаҳри Душанбе вохӯрӣ  доир гардид.

       Баромадкунандагон роҷеъ ба дастовардҳои даврони истиқлолият, фарҳанги муосир ва анъанаҳои неки мардумӣ, тарғибу ташвиқи одоби шаҳрнишинӣ, густариши корҳои ободонӣ ва баланд бардоштани маърифати ҳуқуқии сокинони шаҳри Душанбе, пешгирии ҷавонон аз гароиш ба ҷараёну равияҳои бегона, мубориза бар зидди тақлидкорию хурофотпарастӣ,  ифтитоњи чархаи дуюми НБО-«Роѓун» ибрози назар намуданд.


Вакти нашр: 2019-09-06 14:11:19    Хонданд: 56    Муфассал...

Аксияи «Ҳифзи Ватан-вазифаи муқаддаси ҳар як шаҳрванд»

         Мутобиқи Фармони Президенти Ҷумҳурии Тоҷикистон «Дар бораи ба эҳтиёт рухсат додани хизматчиёни  ҳарбие, ки муҳлати муқарраргардидаи хизмати ҳарбиро  адо намудаанд ва даъвати навбатии шаҳрвандони солҳои таваллуди 1992-2001 Ҷумҳурии Тоҷикистон ба хизмати ҳарбӣ» ва дар доираи дастуру  супоришҳои  Раиси  шаҳри  Душанбе  аз 15.07.2019 оид ба тақвияти  ҳисси  ватандўстии  ҷавонон  ва  ихтиёран  ҷалб  намудани онҳо ба сафи Қувваҳои Мусаллаҳи Ҷумҳурии Тоҷикистон  бо иштироки аъзои фаъоли намояндагии Ташкилоти ҷамъиятии  ҷавонон  «Созандагони Ватан» дар назди Кумитаи иҷроияи ҲХДТ дар шаҳри Душанбе дар ҳамбастагӣ бо кумитаҳои иҷроияи ҳизбии ноҳияҳои пойтахт дар кўчаву хиёбонҳои пойтахт аксияи таблиѓотии «Ҳифзи Ватан-вазифаи муқаддаси ҳар як шаҳрванд»-ро роҳандозӣ намуданд.

        Мақсад аз баргузор кардани аксияи мазкур бедор намудани ҳисси ҷавонмардӣ дар байни ҷавонон, ҳимояи дастовардҳои Истиқлолияти давлатӣ,  ҳифзи марзу бум,  арзишҳои миллӣ ва пойдории сулҳу субот дар Тоҷикистони соҳибистиқлол мебошад.


Вакти нашр: 2019-09-06 14:16:04    Хонданд: 61    Муфассал...

ИСТҚИЛОЛИЯТ ВА ҶАВОНОН

Ҷавонони Тоҷикистони муосир, хусусан онҳое, ки зодагони даврони соҳибистиқлолии Ватан ҳастанд, аз зумраи хушбахттарин инсонҳо ба шумор мераванд, ки дар замони фазои беғубор, сулҳу пойдор, истиқлолияти комил, ваҳдати миллӣ, ҳамдигарфаҳмию якдилӣ ва созандагию бунёдкорӣ бо ғамхорӣ ва пуштибонии бевоситаи ҷавонпарваронаи Асосгузори сулҳу ваҳадати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон умр ба сар мебаранд.

      Дар ин росто, қабл аз ҳама мо ҷавонон бояд дарк кунем, ки истиқлолият волотарин ва боарзиштарин дастоварди миллати мо дар масири даҳ асри охир мебошад. Тоҷикистон маҳз бо шарофати истиқлолият ҳамчун узви баробарҳуқуқи ҷомеаи ҷаҳонӣ эътироф гардид ва дар харитаи сиёсии дунё бо ҳама махсусиятҳои давлатдории муосир арзи ҳастӣ намуд. Ба ҳамагон маълум аст, ки баъди пош хурдани Иттиҳоди Шӯравӣ, 9 сентябри соли 1991 Тоҷикистон истиқлолияти худро ба даст овард. Даврае, ки Иттиҳоди Шӯравӣ пош хӯрд, давлатҳои узви он ба ҳар тараф барои ҷустуҷӯйи роҳи хеш рафтанд ва ҳамагон зери фишорҳои геополитикӣ монданд.

      Раванди истиқлолият ва давлатсозӣ кори осон набуд. Дар таърих чунин ҳодисаҳову падидаҳо зиёд нестанд. Садҳо халқу миллатҳо ин орзуву амалро бо худ бурданд ва аз баъзеи онҳо нишоне ҳам намондааст. Як қатор давлатҳои бонуфузи замон раванди истиқлолиятхоҳиро бо муборизаҳои шадид аз сар гузаронидаанд, Тоҷикистон низ яке аз ин давлатҳо мебошад. Баъди ба даст овардани истиқлолияти давлатӣ миллати сулҳҷуву сулҳдӯсти мо пас аз фосилаи тулонии таърихӣ мусъулияти пешбурди давлату давлатдории худро бар душ гирифт. Фазои сиёсию мафкуравии солҳои аввали соҳибистиқлолӣ хеле гуногун ва инъикоскунандаи манфиатҳои гурӯҳҳои мухталифи сиёсӣ буд, ки ҳар кадом ба сари қудрат омадан мехостанд.

      Манфиатҷӯӣ ва манфиатхоҳии ин гурӯҳҳои сиёсӣ боиси хисороти бузурги ҷонию моддӣ ва маънавӣ, ҳамзамон  заиф гардидани шохаҳои ҳокимияти давлатӣ гардид, ки дар натиҷа дар кишвар ҷанги шаҳрвандӣ оғоз шуд. Ҷанги шаҳрвандии хонумонсӯз кишварро ба як харобазор табдил дода, кишвар пурра фалаҷ гашта буд. Ба сухани мардуми хонабардӯш касе гӯш намекард, онҳоро ҳисси ноумедиву нокомӣ ва дилшикастагию ҳасрат фаро гирифта буд. Ҳазорон хонаҳои ободу зебо валангор ва несту нобуд гардида, мардум бе хонаву дар монданд. Кӯдакону наврасон аз мактабу дарс дур гардида, интизори як пора нон буданд ва аз гуруснагӣ таббассум ва бозии кӯдаконаро ҳатто ба хотир оварда наметавонистанд. Ҷавонон бошанд, ба ҷои касбу ихтисос  аз худ кардан сипар ва қурбони майдони ҷанги таҳмили шаҳрвандӣ шуданд. Ҷавонони ин давра дар ҳасрати умри ҷавонии худ ва шириниҳои он – ишқу муҳаббат ва суруру шодмонӣ буданд. Ба ҷои он, ки дар пайи омӯзиши илму ҳунар онҳо яроқ дар даст дар фаною паҳнои раҳгумзадагии майдони ҷанг монда буданд. Падарон дар ҷӯстуҷӯи пораи нон, ба хотири наҷоти фарзандон аз марги гуруснагӣ ва ташвиши дифоъ аз оила ва ҷони худ буданд. Модарон ашки сард дар чашм гоҳо шоҳиди ба ҳалокат расидани фарзандони ҷавони худ дар майдони ҷанг, гоҳи дигар шоҳиди марги тифлон за гуруснагӣ мешуданд. Хулоса давлати тоҷикон қариб ру ба нести мерафт.

Бо розигии Офаридгор ба сари ҳокимият абармарди солору мушфиқу ғамхор ва дар асл ҷавон мӯҳтарам Эмомалӣ Раҳмон омад.

Истиқлолу озодӣ, доштани роҳбари оқилу доно ва адолатпарвар орзуву омоли деринаи миллати куҳанбунёди тоҷик буд, ҳаст ва мемонад. Маҳз бо шарофату талошу муборизаҳои муҳтарам Эмомалӣ Раҳмон дар Тоҷикистон зиндагии осоишта фаро расид, маҳз дар натиҷаи сиёсати хирадмандонаи Сарвари олӣ дар сарзамини мо сулҳи пойдор барқарор шуд, маҳз ба туфайли ҳаракатҳои пайвастаи халқ ва роҳбари хирдманди он, Тоҷикистон Ватани сулҳ ва кишвари соҳибихтиёри демократӣ гардид. Сулҳу суббот ва ваҳдати миллӣ беҳтарин неъмат дар ҷодаи созандагист, ки муҳтарам Эмомалӣ Раҳмон ин сиёсатро пеш гирифтанд.

Таърих гувоҳ аст, ки дар тӯли ҳазорсолаҳо оини давлату давлатдории тоҷикон сахтиҳои хорошикан, таназзулу эҳё шуданро борҳо аз сар гузаронида, аз дунболи ҳар шикасту инқироз, боз эҳёшавӣ ва камолоти афзунтарро ноил гаштааст. Имрӯз аз замони расман эълон шудани Истиқлолияти давлатии мо 28 сол мегузарад. Дар ин муҳлати бисёр муҳим пояҳои устувори давлатдории муосири тоҷикон гузошта шуданд. Бо душворӣ бошад ҳам, имрӯз дастовардҳои азими иқтисодӣ, иҷтимоӣ ва фарҳангии тоҷикон дар тӯли ин солҳо бо шарофати сиёсати оқилона ва хирадмандонаи Пешвои миллат ба даст омадааст. Ба тавсиб расидани силсила фармонҳои тақдирсози роҳбари давлатамон муҳтарам Эмомалӣ Раҳмон, Қарорҳои Ҳукумати Ҷумҳурии Тоҷикистон, пурсамар ба фаъолият шурӯъ намудани Парлумони касбӣ ва қабули қонунҳои нави миллии Ҷумҳурии Тоҷикистон, дастгирии ҷавонон, эълон гардидани соли 2017 «Соли ҷавонон», таҳия ва амали гардидани Стратегияи паст кардани сатҳи камбизоатӣ, Стратегияи миллии рушд ва ҳадафҳои рушди ҳазорсола, силсилабарномаҳои соҳавии умамидавлатӣ, пойдор шудани муносибатҳои байналхалқии Тоҷикистон ва дастуру супоришҳо, кӯмаки ҳамаҷонибаи Пешвои миллат ва саривақт андешидани татбирҳои судманд барои амалӣ гардидани ҳадафҳои пешбинишуда заминаи мусоид гузошта, ваҳдати миллиро мустаҳкам кардаанд.

       Хушбахтона дар ин давраи соҳибистиқлолӣ, барои ҷавонон дар кишвар тамоми шароити мусоид барои таълиму тарбия, касбу илмомӯзӣ, аз худ кардани забонҳои хориҷӣ, воқиф будан аз технологияи муосир муҳайё мебошад. Истиқлолияти давлатӣ дарвозаи орзуҳои ҷавононро боз намуд, ки имрӯз ҷавонон метавонанд, аз ин шароитҳои фароҳам овардашуда бо хурсандӣ ва тинчиву оромӣ самаранок истифода баранд.

        Имрӯз мебинем, ки Сарвари давлат ташаббусу пешниҳодҳои созандаи ҷавононро ҳамеша дастгирӣ намуда, барои амалӣ гардидани пешниҳодҳои онҳо имконият фароҳам меоранд. Бо дастгирии Пешвои муаззами миллатамон, муҳтарам Эмомалӣ Раҳмон ҷиҳати пешбурди сиёсати давлатии ҷавонон ва ҳавасмандгардонии онҳо стипендияҳои Президентӣ барои хонандагону донишҷӯёни болаёқати кишвар, Квотаи президентӣ барои таҳсили онҳо, грантҳои Ҳукумати Тоҷикистон дар самти тарбияи ватанпарастии ҷавонон, ҷоизаи ба номи Исмоили Сомонӣ барои олимони ҷавон, таъмини оилаҳои ҷавон бо манзил ва қитъаи замин ташкил ва афзуда истодааст.

Бояд гуфт, ки яке аз дастовардҳои асосӣ ва бузурги ҷавонон дар замони соҳибистиқлолӣ таваҷҷуҳи падаронаи Асосгузори сулҳу Ваҳдати миллӣ-Пешвои миллат, муҳтарам Эмомалӣ Раҳмон нисбат ба ҷавонон ва ҳамчун самти афзалиятнок қабул донистани сиёсати давлатии ҷавонон мебошад. Умуман ҷавонони тоҷик дар асл, насли хушбахту саодатманд мебошанд, чунки онҳо аз лаҳзаҳои аввали соҳибистиқлолии кишвар то ба имрӯз аз ғамхорӣ, меҳру муҳаббати беандоза ва дастгириҳои беназри Пешвои ҷавонпарвар, муҳтарам Эмомалӣ Раҳмон баҳравар ҳастанд.

Ин аз он шаҳодат медиҳад, ки Пешвои муаззами миллат нисбати насли ояндасоз ғамхорӣ, дастгирӣ ва таваҷҷӯҳи доимӣ доранд ва пайваста таъкид месозанд: «Ҷавонон қувваи бузург, нерӯи созанда ва ояндаи миллатанд!» Ҷавонони мо аз ин таваҷҷуҳ ва дастгириҳои доимии Пешвои миллат руҳу тавони тоза гирифта, ба Модар — Ватан хизмати содиқона намуда, марзу буми онро ҳимоя кардан ва дар ҳимояи манфиатҳои давлату миллат ҳушёр буданро қарзи фарзандии худ медонанд.

Дар ҷавоби чунин иқдомҳои арзишманд ҷавонони саодатманди моро мебояд, арзишҳои таърихии сабақи истиқлолиятро ҳаматарафа аз худ намуда, аз равандҳои сиёсии ҷаҳони муосир пайваста огоҳ бошанд ва таърихи гузаштаву ҳозираи халқи хешро моҳиятан дуруст аз худ намоянд.

        

 

Фозилзода Шуҳратҷони Мақсуд - мутахассиси шуъбаи кор бо

ҷавонони Кумитаи иҷроияи ҲХДТ дар ноҳияи Сино

 

 

 

 

 

 


Вакти нашр: 2019-09-06 16:41:35    Хонданд: 53    Муфассал...

Вохўрӣ бо сокинони маҳаллаи «Шафақ»

        Бо иштироки масъулини Кумитаи иҷроияи ҲХДТ дар шаҳри Душанбе дар ҳамбастагӣ бо Кумитаи иҷроияи ҳизбии ноҳияи Исмоили Сомонӣ дар асоси нақшаи мулоқоту вохӯриҳои тасдиқнамудаи Кумитаи иҷроияи ҲХДТ дар шаҳри Душанбе вобаста ба иҷрои барқияи Дастгоҳи КИМ ҲХДТ аз 08.01.2019 ва қарори Раиси шаҳри Душанбе аз 29.01.2019, №42 бо сокинони маҳаллаи «Шафақ» вохўрӣ доир карда шуд.

       Масъулин  иштирокчиёнро бо 28-умин солгарди Истиқлолияти давлатии Ҷумҳурии Тоҷикистон табрику шодбош намуда, сипас роҷеъ ба дастовардҳои даврони истиқлолият, фарҳанги муосир ва анъанаҳои неки мардумӣ, тарғибу ташвиқи одоби шаҳрнишинӣ, густариши корҳои ободонӣ ва баланд бардоштани маърифати ҳуқуқии сокинони шаҳри Душанбе, амалишавии қонунҳои Ҷумҳурии Тоҷикистон «Дар бораи масъулияти падару модар дар таълиму тарбияи фарзанд», «Дар бораи танзими анъана ва ҷашну маросим дар Ҷумҳурии Тоҷикистон», пешгирии ҷавонон аз гароиш ба ҷараёну равияҳои бегона, мубориза бар зидди тақлидкорию хурофотпарастӣ ва ба истифода додани чархаи дуюми НБО-«Роғун» ибрози назар намуданд.


Вакти нашр: 2019-09-06 16:46:41    Хонданд: 64    Муфассал...

ВОХӮРӢ БАХШИДА БА ҶАШНИ ИСТИҚЛОЛИЯТИ ДАВЛАТИИ ҶУМҲУРИИ ТОҶИКИСТОН

         Бо иштироки мудири шуъбаи таблиғот ва иттилооти   Кумитаи  иҷроияи  ҲХДТ дар ноҳияи Сино   Наботов Ш.С., муовини аввали Раиси иттифоқи нависандагони Тоҷикистон Ато Мирхоҷа  ва  сармуҳандиси шабакаҳои барқии марказӣ - Маҳмудзода М. дар ташкилоти ибтидоии “Шабакаҳои барқии марказӣ” бахшида ба 28-умин солгарди Истиқлолияти давлатии Ҷумҳурии Тоҷикистон вохўрӣ доир карда шуд.  

       Баромадкунандагон иштирокчиёнро бо фарорасии 28-умин солгарди Истиқлолияти давлатии Ҷумҳурии Тоҷикистон табрику шодбош намуда, сипас зимни баромади хеш қайд намуданд, ки дар тўли солҳои Истиқлолият сатҳи худшиносӣ, асолати ватандорӣ, ифтихори миллӣ, маърифати ҳуқуқию сиёсии шаҳрвандон ба маротиб боло рафт. Тоҷикистон аз рўзҳои нахустини истиқлолият бунёди давлати демократию  ҳуқуқбунёд  ва  дунявиро ҳадафи асосии худ қарор дода, дар арсаи байналхалқӣ низ мавқеъ ва ҷойгоҳи сазовор пайдо намуд. Ҳамзамон, оид ба ифтитоҳи агрегати дуюми НБО “Роғун”  суханронӣ намуданд.


Вакти нашр: 2019-09-06 16:51:44    Хонданд: 70    Муфассал...

Шанбегии дастаҷамъонаи ҳизбиёни пойтахт

         Кумитаи иҷроияи шаҳрии ҳизб бо иштироки доираи васеъи аъзои ҳизб аз кумитаву ташкилотҳои ибтидоии ҳизбии ноҳияҳои пойтахт баҳри тақвият бахшидани корҳои созандагию ободкорӣ  дар доираи сазовор таҷлил намудани ҷашни 28-умин солгарди Истиқлолияти давлатии Ҷумҳурии Тоҷикистон ва мавриди баҳрабардории умум қарор додани чархаи дуюми НБО - «Роғун» шанбегии дастаҷамъонаро доир намуд.

        Ҳизбиён бо эҳсоси баланди масъулиятшиносӣ ва бо кўмаки сохторҳои соҳавии пойтахт бештари гулгашту хиёбонҳои Душанберо тозаву озода карда, дар баробари иҷрои корҳои мавҷуда, раванди тадбирҳои фаҳмондадиҳиро низ вусъат бахшиданд.


Вакти нашр: 2019-09-07 11:24:37    Хонданд: 71    Муфассал...

Бирав аз таҷрибаи рўзгор баҳра бигир....

Тоҷикон дар таърихи тамаддуни дунё мавқеи хоса доранд. Миллати тоҷикро бо бузургонаш Фирдавсӣ, Умари Хайём, Абурайҳони Берунӣ, Абӯалӣ ибни Сино ва дигар нобиғагонаш мешиносанд.

Агар кас гузаштаи аҷдоди худро надонад, инсони комил нест!

Ин хитобаи сода, вале дар айни замон ҷиддии бузургони илму адаби мо аз қаъри асрҳо ба гуш мерасад ва ҳушдор медиҳад, ки аз таърихи миллату сарзамин, расму русум ва дину оини худ мудом воқиф бошем. Воқеан, таърихро хотираи инсоният меноманд. Пас ҳар фард бе омӯзиши таърихи кишвари худ аслу насаб ва маърифати бумиву зотиашро пойдору бегазанд нигоҳ дошта наметавонад, аз решаи хеш дур ё канда шуда, ба вартаи гумномӣ ё фано қадам мениҳад ва ба таъбири имрузиён, «манқурт» мешавад. Яъне инсон таърихи гузаштаи худро фаро нагирад, табиист, ки аз зоти худ, роҳи тайкарда, дастовардҳои сиёсиву фарҳангӣ ва бурду бохти мардумаш ноогоҳ монда, чун махлуқе одамсурат, вале бепарво, бемасъулият, бенишон умр ба сар мебарад. Ин бадбахтии бузург аст. Агар ин фоҷиа давлат, миллат ва қавмеро фаро гирад, чӣ мешавад?

Таърих гувоҳ аст, ки аз рӯи чунин беэҳтиётӣ ва воқиф набудан аз гузаштаи хеш қисме аз давлату миллатҳои абарқудрат пора-пора шуда, аз забон ва расму оини хеш маҳрум гардидаанд. Дар аҳди бостон чунин мисолҳо фаровонанд. Сарнавишти миллати тоҷик дар тӯли асрҳо баробари дигар мардуми эронинажод басо печида ва пуршебу фароз аст. Тоҷик бо кору пайкор барои ноил шудан ба озодӣ, бо созандагӣ ва бунёдкорӣ, бо ақлу заковати фарзандони нобиғааш дар арсаи илму адабу сиёсат, бо расидан ба даврони эҳёи давлатдорӣ ва чашидани заҳри шикаст, бо талошҳо баҳри худшиносӣ ва огоҳии миллат таърихи худро ғаниву рангин сохтааст.

  Аммо пушида нест, ки солҳои тӯлонӣ мо аз омӯзиши мероси таърихии халқи худ як андоза дур мондем. Дар мактабу донишгоҳҳо ба фарзандони мо ба ҷойи таърихи халқи тоҷик бештар таърихи халқҳои дигарро меомӯзонданд. Ва ин муносибати носолим рахнае гузошт дар таърихомeзӣ ва таърихдонии мардуми мо. Шояд як сабаби аз асли хеш каме дур мондан ва паст рафтани маънавият, коҳидани ахлоқи ҷомеаи мо аз ҳамин иборат буд.

Бо шиносоӣ ба таърихи миллати тоҷик кас гоҳе аз ҳунари волои давлатдории гузаштагонамон меболад, баъзан аз шикасти ҳукумат, ҷоҳталабӣ, ҷангу ҷидол ва ҷаҳолату хунрезии бародарон ба хотири тахту тоҷ ва шуҳрату нафс, ки теша ба решаи давлат задааст, тохтутози ваҳшиёнаи аҷнабиён, саросар нобуд шудани мардумони бегуноҳ ва харобу валангор гаштани марказҳои фарҳангҳо дил реш мегардаду ба андеша водор месозад.Миллате, ки як замон соҳиби тамаддуни олӣ буд, имруз аз коҳидани маънавияти ҷомеа меноладу азоб мекашад?!

         Бале, аз дасти чунин фарзандони носипос, ки аз таъриху тамаддун ва фарҳанги ҳазорсолаи хеш бехабаранд, имкон дорад номи чунин як халқе бо ин бузургӣ дар паҳнои таърихи навини башар доғдор гардад. Хитоб ба ин кӯрдилон аст, ки шумо бо ин амали хеш теша ба решаи миллат мезанед!.

 

     Пушида нест, ки баъди инқилоб мардуми мо ба таври сунъӣ аз омухтани таърихи чандинҳазорсолаи худ бенасиб гашт ва маънавияту ахлоқаш аз нарасидани ин ғизо коҳид.

С.А.Таибов,   З. Турсунова- узви фаъоли ҲХДТ

 

 


Вакти нашр: 2019-09-10 16:24:43    Хонданд: 52    Муфассал...

Семинари омӯзишӣ бо ҳизбиёни пойтахт

Бо мақсади иҷрои дастури Раиси муаззами ҳизбамон, муҳтарам Эмомалӣ Раҳмон дар Маҷлиси имсолаи Кумитаи Иҷроияи Марказии Ҳизби Халқии Демократии Тоҷикистон Кумитаи иҷроияи ҲХДТ дар шаҳри Душанбе семинарҳои омўзиширо бо раисони ташкилотҳои ибтидоии ҳизбӣ ва кормандони  кумитаҳои иҷроияи ҲХДТ дар ноҳияҳои шаҳри Душанбе роҳандозӣ менамояд.     

           Аз ҷумла, имрўз, 11-уми сентябри соли 2019 семинари мазкурро Кумитаи иҷроияи шаҳрии ҳизб бо раисони ташкилотҳои ибтидоии ҳизбӣ ва кормандони Кумитаи иҷроияи ҲХДТ дар ноҳияи Сино  доир намуд.

         Дар он  Бобоҷониён Ранохон Маҳмудзода - муовини Раиси ҲХДТ, Зоир Раҳмонзода - раиси Кумитаи иҷроияи ҲХДТ дар шаҳри Душанбе, Наимов Маҳмадулло Раҳимович - мудири шуъбаи таблиѓот ва таҳлили Дастгоҳи КИМ ҲХДТ,  Илҳомҷон Ҳамидиён  Иномзода - мудири шуъбаи кор бо ҷавонон ва занони Дастгоҳи КИМ ҲХДТ, Ҷаҳонгир  Саъдизода - мудири кафедраи ҳуқуқи инсон ва  ҳуқуқшиноси муқоисавии факултаи ҳуқуқшиносии Донишгоҳи  миллии  Тоҷикистон, Соҳибов Муҳаммад  - устоди факултаи ҳуқуқшиносии Донишгоҳи миллии Тоҷикистон     иштирок намуданд.   

        Зоир Раҳмонзода  семинари омўзиширо  ифтитоҳ бахшида,  сараввал ҳамаи иштирокчиёнро бо Ҷашни бузурги миллии 28 - умин солгарди Истиқлолияти давлатии Ҷумҳурии Тоҷикистон ва мавриди  истифода  қарор  гирифтани Агрегати 2-юми НБО “Роѓун”, ки ду рўз пеш мавриди истифода қарор дода шуд, табрику шодбош  гуфта,  ба ширкаткунандагон дар раванди баргузории он муваффақиятҳо таманно намуд.

          Сипас, Бобоҷониён Ранохон  оид ба ҳадафу баргузории семинари мазкур суханронӣ намуда, қайд кард,  ки мақсад аз баргузории чунин семинарҳо, ин баланд бардоштани  савияи донишу малака ва ташаккули ҷаҳонбинии сиёсии раисони ташкилотҳои ибтидоии ҳизбӣ мебошад.

          Дар ин миён, мутобиқи барномаи семинар  устодону коршиносон оид ба мавзўъҳои  муҳими рўз маърўзаҳо намуданд.

         Дар охири семинари омўзишӣ миёни иштирокчиён мубодилаи афкор сурат гирифт.

 

    

 

 


Вакти нашр: 2019-09-11 17:38:44    Хонданд: 94    Муфассал...

ДАСТОВАРДҲО ВА НАТИҶАҲОИ ТАҲҚИҚОТИИ СОҲАИ СТОМАТОЛОГИЯ ДАР ДАВРОНИ СОҲИБИСТИҚЛОЛ

Дар давраи истиқлолият Тоҷикистон як марҳилаи мушкили инкишофро  гузашт. Ҷанги шаҳрвандӣ, гуруснагӣ, вайрониву харобӣ, бо талафи ҳаётҳо, талафоти молию моралиро гузаронд, ки таъсираш ба тамоми аҳолии ҷумҳурӣ расид.

Дар аввали ҷанги шаҳрвандӣ тенденсияи хориҷи мутахассисони баландихтисосу кадрҳои илмӣ ба назар мерасид. Бо сабаби маблағгузории нокифоя тамоми кори нақшавии профилактикӣ байни кўдакону наврасон дар мактабу муассисаҳои томактабӣ барҳам хўрд.

Бо иқдому талоши президенти Ҷумҳурии Тоҷикистон Эмомалӣ Раҳмон, ки дар чунин ҳолати мушкил байни тарафҳои муқобил сулҳу ҳамдигарфаҳмиро ба даст овард, марҳила-ба-марҳила хоҷагии қишлоқ, иқтисодиёт, соҳаи иҷтимоӣ, аз он ҷумла тандурустӣ, ки ба он сарвари давлат аҳамияти махсус медоданд, барқарор шуданд. 

Дар соҳаи стоматология мустаҳкамкунии базаи моддию техникии сохторҳои мавҷуда ва ташкили муассисаҳои нави хусусиву давлатии стоматологӣ сар шуд. Дар ин ҷода таъсиси Пажўҳишгоҳи илмию клиникии стоматология ва ҷарроҳии ҷоғу рўй, тибқи қарори Ҳукумати Ҷумҳурии Тоҷикистон таҳти № 699 аз 30 декабри  соли 2010 дар заминаи Дармонгоҳи стоматологии шаҳрии №3, баъдан Дармонгоҳи стоматологии ҷумҳуриявӣ, Иттиҳодияи илмӣ-истеҳсолии «Стоматология» (с. 1993) ва ҳамчун Маркази ҷумҳуриявии илмӣ-клиникии стоматология (с. 1999) – яке аз дастовардҳои муҳими соҳаи тандурустии замони соҳибистиқлолии Ҷумҳурии Тоҷикистон мебошад.

Хадамоти стоматология ва ҷарроҳии ҷоғу рўй яке аз соҳаҳои босуръат рушдкунандаи тандурустии Ҷумҳурии Тоҷикистон маҳсуб мешавад. Фаъолияти он пеш аз ҳама ба таъмини хизматрасонии устувори стоматологӣ ба аҳолии кишвар равона карда шудааст. Асосгузор ва нахустин директори Пажўҳишгоҳ олими намоёни соҳаи стоматология, Арбоби шоистаи илму техника Ҷумҳурии Тоҷикистон, доктори илмҳои тиб, профессор Умар Тоирович Тоиров мебошад. Саҳми ў дар рушди ин муассисаи илмию клиникӣ хеле арзанда аст. Аз мохи январи соли 2014 то ҳол роҳбарии МД “Пажўҳишгоҳи илмию клиникии стоматология ва ҷарроҳии ҷоғу рўй”-и Вазорати  тандурустӣ ва ҳифзи иҷтимоии аҳолии Ҷумҳурии  Тоҷикистон номзади илми тиб Қосимов Махмадулло Махмадиевич ба зимма дорад.

Нерўи илмии Пажўҳишгоҳро мутахассисони варзидаи соҳаи стоматология – докторон ва номзадҳои илми тиб, устодони муассисаҳои олии таълимии соҳавӣ ташкил медиҳанд. Айни замон дар Пажўҳишгоҳ дар самти татбиқи корҳои илмӣ-тадқиқотӣ 2 доктори илмҳои тиб ва 15 нафар номзадҳои илми тиб фаъолият мекунанд. Айни ҳол дар Пажўҳишгоҳ 4 нафар аспирантон, аз онҳо 2 нафарашон бо низоми докторантура PhD ва 2 нафар тариқи маъмулӣ таҳсил менамоянд.

Ҳамзамон Пажўҳишгоҳ дорои иқтидори бузурги клиникӣ мебошад: 54 нафар табибон, аз ҷумла 20 нафар табибони дараҷаи олӣ, 4 нафар табибони дараҷаи якум, 5 нафар табибони дараҷаи дуввум.

22 феврали соли 2019 Муассисаи давлатии “Пажўҳишгоҳи илмию клиникии стоматология ва ҷарроҳии ҷоғу рўй” аз аккредитатсияи давлатӣ гузашт ва шаҳодатнома гирифт.

Яке аз дастовардҳои муассиса ин ба роҳ мондани усули ортопедии барқарор кардани дандонҳои набаромада тариқи ҷарроҳӣ кушодашуда онҳо ба қатори дандонҳо бароварда мешавад. Кормандони Пажўҳишгоҳ усули якҷояи истифодаи биокомпозитҳо ва маводи устухон ивазкунандаи синтетикӣ, истифода бурдани плазмаи хуни бо тромбоситҳо ғанигардондашуда барои иваз намудани ковокиҳои устухонӣ дар стоматологияи ҷарроҳӣ, инчунин истифодабарии пластинаҳои барқарокунандаи титан ва эндопротезҳо дар табобати нуқсонҳои ҷоғи поён ва ғайра  ба роҳ монданд.

Бо ҳамкорӣ бо Пажўҳишгоҳи илми-тадқиқотии стоматология ва ҷарроҳии ҷоғу рўй (Москва), Маркази илмию амалии ёрии тиббӣ ба кўдакони дорои нуқсони модарзоди минтақаи ҷоғу рўй ва бемориҳои модарзоди системаи асаб (Москва), инчунин бо олимони маркази ҷарроҳии сару ҷоғу рўйи Университети ба номи Гёте (Франкфурти лаби Майн) коркарду мукаммалсозии усулҳои табобати ҷарроҳии бармаҳали беморони дорои нуқсони модарзоди рўй ва ком гузаронида мешавад. Як қатор усулҳои нави ҷарроҳӣ пешниҳод шуданд, ки бо патентҳои Ҷумҳурии Тоҷикистон ҳимоя шудаанд (патентҳои хурди ММПИ  №TJ 220 – усули тармими роғҳои фарохи ком, №TJ 354 – усули тармими ком ва №TJ 369 – усули тармими коррексионии лаб).

Дар Пажўҳишгоҳи илмию клиникии стоматология ва ҷарроҳии ҷоғу рўй дар муддати солҳои зиёд бомуваффақият муолиҷаи беморон бо анкилози буғуми чаккаву ҷоғи поён бо истифодаи эндопротезҳои титании системаи «Конмет» гузаронида мешавад. То солҳои на он қадар дур ин беморон ба хориҷи кишвар равона мешуданд, ё ин ки умуман муолиҷаи ин патологияи яке аз мушкилтарини минтақаи ҷоғу рўй гузаронида намешуд. Дар ҳамкорӣ бо Пажўҳишгоҳи илми-тадқиқотии стоматологияи Москва, дар пажўҳишгоҳи мо усулҳои тармими контурии деформатсияҳои рўй бо истифодаи имплантатҳо аз силикон ворид карда шуданд. Дар 10 соли охир дар пажўҳишгоҳ имплантологияи денталӣ ва муолиҷаи аномалияҳои ҷоғу дандонҳо бо истифодаи эйҷуайз-техника васеъ ба роҳ монда шуданд

Дар Пажўҳишгоҳ 1 мавзўи илмӣ-тадқиқотӣ доир ба омўзиши «Таҳияи усулҳои инноватсионии пешгирӣ ва ташхиси бемориҳои ковокии даҳон» бо роҳи гузаронидани таҳлили биохимиявии хун барои дар таркиби он муайян намудани миқдори калтсий, фосфор ва витаминҳо, инчунин натиҷаи табобати оризаҳои кариес тавассути эндо-экспресс иҷро шуда истодааст.

Дар давраи истиқлолият 12 нафар кормандони илмии Пажўҳишгоҳ рисолаҳои илмии худро дифо намуда, сафовори унвони номзади илмҳои тиб гардиданд. Дараҷанокии кормандони Пажўҳишгоҳ 44,8%-ро ташкил менамояд. Айни ҳол 4 нафар олимони Пажўҳишгоҳ корҳои илмӣ-тадқиқотии худро ба анҷом расонида истодаанд, ки 1 нафар унвонҷўйи рисолаи докторӣ ва 3 нафар унвонҷўйи рисолаи номзадӣ маҳсуб мешаванд, аз онҳо 2 нафарашон бо низоми докторантура (PhD) таҳсил менамоянд.

Дар ин давра (солҳои 1991-2019) мутахассисони Пажўҳишгоҳ  соҳиби 70 гувоҳномаи ратсионализаторӣ ва 20 патент шуданд, аз он ҷумла: 1) Якҷоя истифодабарии маводи биосинтетикӣ ва плазмавӣ бо тромботсидҳои ғанигардонидашудаи хун; 2) Бартарафкунии пайвастагии ороантралӣ; 3) Боло бардории таги ҷавфи ҷоғи боло; 4) Зиёдкунии баландии шохаи алвеолярии ҷоғи боло дар якҷоягӣ бо баландбардории таги ҷавфи болои ҷоғӣ; 5) Сохтор барои сохтани сўрохӣ дар даромадгоҳи поёни бинӣ; 6) Сохтор барои ҷойивазкунии нуқсон ва шаклвайронии ҷоғи поён; 7) Тарзи табобати консервативии неврит ва нимфалаҷи асаби рўй пас аз бурида гирифтани ғадуди луобии назди гӯш бо сабаби омосҳо ва ҷараёнҳои омосмонанд; 8) Конструксия барои ҷойивазкунии нуқсонҳо ва шаклвайронии ҷоғи поён, ки дар ҳудуди қатори дандонҳо ҷойгир шудааст ва ғайра.

Бо ибтикори олимони Пажўҳишгоҳ 22 декабри соли 2018 Конфронси илмию амалии ҷумҳуриявӣ дар мавзўи «Вазъ ва дурнамои рушди соҳаи  стоматология ва ҷарроҳии ҷоғу рўй» барпо карда шуд, дар кори он зиёда аз 100 нафар олимон, устодони макотиби олии тиббӣ ва  табибони стоматолог – мутахассисони соҳаҳои мухталифи стоматологияи амалӣ корҳои илмӣ-тадқиқотии худро баррасӣ намуданд.

Кормандони Пажўҳишгоҳ дар татбиқи хуҷҷатҳои стратегии соҳаи тандурустӣ фаъолона иштирок намуданд, аз он ҷумла: “Стратегияи миллии солимии аҳолии Ҷумҳурии Тоҷикистон барои солҳои 2010-2020”; “Барномаи рушди инноватсионии Ҷумҳурии Тоҷикистон барои солҳои 2011-2020 дар мавзўи «Истифодаи усули эндоэкспресс дар эндодонтияи амалӣ», инчунин “Стандартҳо барои аккредитатсияи муассисаҳои соҳаи стоматологӣ ва сертификатсияи мутахассисони бахши стоматология барои мувофиқа ба Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва Маркази аккредитатсияи муассисаҳои тиббӣ пешниҳод гардидааст.

Пажўҳишгоҳ дар самти тақвияти ҳамкорӣ ва робитаҳои байналмилалии илмӣ фаъолияти худро бо Донишгоҳи ба номи И.В.Гёте дар Франкфурти лаби Майна (Олмон), Донишгоҳи улумпизишкӣ ва хадамоти беҳдоштии дармонии Шаҳидбиҳиштии Теҳрон (Эрон), Донишгоҳи давлатии тиббии Қазон (Россия), муассисаҳои илмӣ-тадқиқотии соҳаи стоматологияи ҷумҳуриҳои Қирғизистону Узбекистон ба роҳ мондааст.

Дар доираи ҳамкориҳои байналмиллалӣ 1 нафар бо мақсади иштирок дар 34-умин Конфронси байналмилалӣ дар мавзўи «Омўзиш дар сатҳи системаи аккредитатсияи муассисаҳои стоматологӣ», ки дар шаҳри Лондони Британияи Кабир баргузор гардид, иштирок намуд. Инчунин 3 нафар кормандони Пажўҳишгоҳ барои баланд бардоштани савияи дониши худ оид ба имплантологияи ва ҷарроҳии ҷоғу рўй ба шаҳри Теҳрони Ҷумҳурии Исломии Эрон сафарбар карда шуданд.

Соли 2018 аз ҷониби кормандони Пажўҳишгоҳ таҳқиқоти васеъ оид ба омўзиш ва таҳлили вазъи хизматрасонии тиббӣ дар соҳаи стоматология ва ҷарроҳии ҷоғу рўй дар Ҷумҳурии Тоҷикистон гузаронида шуд. Таҳқиқот дар асоси маълумоти омории Пажўҳишгоҳи илмию клиникии стоматология ва ҷарроҳии ҷоғу рўй  дар давраи 5 соли охир (с.2013-2018) гузаронида шудааст.

Дар давраи истиқлолият нахустин маротиба дар ҶТ анҷуманҳои I, II ва III-юми стоматологҳои Тоҷикистон гузаронида шуданд, ки дар он зиёда аз 600 вакилон ва иштироккунандагон аз Ҷумҳурии Тоҷикистон ва олимони шинохтаи хориҷии дуру наздик ширкат варзиданд. Якҷоя бо анҷуманҳо намоишгоҳи махсусгардонидашудаи ашёву таҷҳизоти стоматологӣ гузаронида шуд, ки дар он зиёда аз 27 фирмаҳои хориҷии дуру наздик иштирок намуданд.

Олимони Ҷумҳурии Тоҷикистон маротибҳо ба хориҷи кишвар барои иштирок дар анҷуману конфронсҳо ва мубодилаи таҷриба баромаданд (Руссия, Қазоқистон, Кореяи ҷанубӣ, Олмон, Итолиё, Чин ва диг.).

 Ҳамин тариқ, МД “Пажўҳишгоҳи илмию клиникии стоматология ва ҷарроҳии ҷоғу руй” дар тўли солҳои истиқлолият фаъолияти илмӣ-тадқиқотӣ ва клиникиро аз рўйи мақсад ва мароми худ иҷро намуда истода,  стоматология ва ҷарроҳии ҷоғу рўйи Тоҷикистон дар ин муддати кўтоҳ мушкилиҳои зиёдеро бартараф намуда, дар замони ҳозира яке аз соҳаҳои тез тараққикунандаи тиб баҳисоб меравад.

Қосимов М.М., Юсупов З.Я., Аҳророва З.К.-аъзои фаъоли ҲХДТ

 

 


Вакти нашр: 2019-09-12 09:37:48    Хонданд: 61    Муфассал...

Вохўрӣ бо коргарзанони ташкилоти ибтидоии “Нассоҷии Тоҷик”

         Бо  иштироки масъулини  Кумитаи иҷроияи ҲХДТ дар ноҳияи Фирдавсӣ дар ташкилоти ибтидоии «Нассоҷии тоҷик» бо коргарзанон вохўрӣ доир карда шуд.   

         Дар он масъулин зимни баромади хеш роҷеъ ба дастовардҳои даврони истиқлолият, фарҳанги муосир ва анъанаҳои неки мардумӣ, тарғибу ташвиқи одоби шаҳрнишинӣ, густариши корҳои ободонӣ ва баланд бардоштани маърифати ҳуқуқии сокинони шаҳри Душанбе,  пешгирии  ҷавонон  аз гароиш ба ҷараёну равияҳои бегона, мубориза бар зидди тақлидкорию хурофотпарастӣ  ибрози назар намуданд.


Вакти нашр: 2019-09-12 09:49:37    Хонданд: 42    Муфассал...

Вохӯрии ҳизбиён бо донишҷӯён

Дар асоси нақшаи мулоқоту вохӯриҳои тасдиқнамудаи Кумитаи иҷроияи ҲХДТ дар шаҳри Душанбе вобаста ба иҷрои барқияи Дастгоҳи КИМ ҲХДТ аз 08-01-2019 ва қарори Раиси шаҳри Душанбе аз 29-01-2019  №42 бо иштироки масъулини Кумитаи иҷрояии ҲХДТ дар ноҳияи Исмоили Сомонӣ дар хобгоњои №6 ва 7  бо донишҷӯёни Донишгоњи давлатии омўзгории Тољикистон  ба номи С. Айнӣ вохўрї доир гардид. Дар вохӯрӣ Дустзода А.-роҳбари Дастгоҳи Кумитаи иҷроияи ҲХДТ дар ноњияи Исмоили Сомонї ва Ғафорӣ Нуъмонҷон Раиси Ташкилоти ибтидоии ҳизбии "Омӯзгор" иштирок ва суханронӣ намуданд.
        Баромадкунандагон оид ба дастовардҳои даврони соҳибистиқлолӣ, одоби шаҳрнишинӣ,  густариши корҳои ободонӣ ва баланд бардоштани маърифати ҳуқуқии сокинони пойтахт, амалишавии қонунҳои Ҷумҳурии Тоҷикистон «Дар бораи масъулияти падару модар дар таълиму тарбияи фарзанд», «Дар бораи танзими анъана ва ҷашну маросим дар Ҷумҳурии Тоҷикистон»,  пешгирии ҷавонон аз гароиш ба ҷараёну равияҳои бегона, мубориза бар зидди тақлидкорию хурофотпарастӣ ибрози андеша намуданд.   


Вакти нашр: 2019-09-12 09:55:26    Хонданд: 49    Муфассал...

Мубориза бар зидди терроризм ва ифротгароӣ кори дастҷамъона

Истифодаи «сиёсати дугона» нисбат ба терроризм ва экстремизм самаранокии кӯшишҳои ҷомеаи ҷаҳониро дар муборизаи муштарак бо ин зуҳурот ҷиддан коҳиш дода, баръакс мухолифатҳои наверо байни эътилофҳои ҳарбиву сиёсӣ эҷод мекунад ва авзои ҷаҳонро боз ҳам ноором месозад. Омӯзиши ин масъала дар корҳои зиёди илмии таҳлилгарон, олимон ва сиёсатмадорон баррасӣ шудааст ва масъалаи мазкур тақозо мекунад, ки ба таври васеъ ва ҳаматарафа омӯхта шавад. Сабабу омилҳо ва чораҳои пешгирикунандаи он муайян гарданд. Сарвари давлат замоне аз даҳшат ва таҳдиди терроризм ба ҳаёти аҳли башар ҳушдор дод, ки ҳаводиси 11 сентябри соли 2001 дар Амрико ҷаҳонро ба ларза наоварда, баъзе кишварҳои Ховари миёна ба хоку хун оғӯшта нагашта, воқеаҳои хунини Париж рух надода буд.

Президенти Ҷумҳурии Тоҷикистон муҳтарам Эмомалӣ Раҳмон борҳо ба хатари сӯиистифодаи дини мубини ислом аз ҷониби гурӯҳу ҷараёнҳои мухталиф ишора карда, таъкид дошт, ки таълимоти исломӣ аз барномаҳои ҷараёнҳои ифротӣ фарсахҳо дур аст.

Президенти кишвар дар яке аз мулоқотҳояш бо намояндагони аҳли ҷомеаи мамлакат чунин изҳор намуд: «Мо бояд дини мубини Исломро аз тафриқаангезӣ ва олудашавӣ бо ифротгароӣ ҳифз намоем, ҷавҳар ва чеҳраи ҳақиқии маънавию ахлоқӣ ва таҳаммулгароии онро ба мардум ва махсусан ба насли ҷавонамон нишон диҳем ва дар тарбияи ахлоқиву маънавии онҳо аз арзишҳои исломӣ истифода намоем. Терроризм ва экстремизм ба ягон дин, алалхусус ба дини мубини Ислом ҳеҷ рабте надорад».

Бешак, дини мубини Ислом ҳар гуна хушунат ва ифротгароиро, сарфи назар аз он ки ифроти сӯиистифодашуда аз дин бошад ё ғайри динӣ, маҳкум менамояд. Бояд хуб дарк кунем, ки терроризм ба маънии ба даҳшат овардани аҳолии осоишта, афроди ғайринизомӣ, кӯдакон, занон, пиронсолон, ибодаткунандагон, новобаста аз он ки аз кадом тоифаанд, ягон вобастагие ба Ислом надорад.

Мутаассифона, тайи солҳои охир гурӯҳҳо ва ҳизбу ҳаракатҳои террористиву экстремистӣ ҷомеаи тоҷикистониро низ хеле ба ташвиш овардааст. Ин гуна ҳизбу ҳаракатҳои гумроҳи террористӣ аз надоштани ҷаҳонбинии илмӣ ва динӣ, нодуруст истифода намудани шабакаҳои иттилоотӣ, бахусус интернет, нодида гирифтани самараи истиқлолият, сулҳу субот ва оромӣ дар мамлакат, бепарвоӣ ва бетарафии бархе аз аъзои ҷомеа, алалхусус ҷавонон истифода намуда, дар байни онҳо тарғиботу ташвиқот анҷом дода мехоҳанд, ки мақсадҳои ғаразноки худро амалӣ созанд. Ба пешгирии чунин ниятҳои нопоки ифротгароён танҳо дар муттаҳидӣ, якдигарфаҳмӣ ва сулҳу салоҳ метавон комёб шуд.

 Шавкат Латифзода


Вакти нашр: 2019-09-12 10:01:57    Хонданд: 51    Муфассал...

Зўри мушт аз ваҳдати ангушт меояд ба даст…

(Бардошт аз ҷараёни ифтитоҳи чархаи дуюми НБО «Роғун»)

 

Дар масири давлат­дориву давлатсозӣ табиатан рўйдод ва навго­ниҳое моли таърих меша­ванд, ки бунёд ва мавҷуди­яташон барои нигоҳдошти арзишҳои таърихии ҳар қавму миллат нақши мон­дагор мегузорад. Оини давлатдории мо дар масири таърих собит намудааст, ки тоҷикон сахтиҳои хороши­кану борҳо эҳё шуданро аз сар гузаронида, дунболи ҳар шикасту ноумедиҳо, эҳёша­вию камолоти афзунтареро соҳиб гардидаанд. Албат­та, расидан ба Истиқлоли давлатӣ, кишвари моро дар шароити марҳилаҳои ҷоме­аи муосир аз нав эҳё наму­да, роҳу сарнавишти мин­баъдаи тоҷиконро муайяну мушаххас намуд.

Воқеан ҳам, рўзи 9-уми сентябри соли 2019 дар таърихи навини давлатдории миллиамон бо ҳарфҳои заррин ҳаккоки хоҳад шуд. Зеро дар ин рўз ба амалисозии яке аз муҳимтарин ҳа­дафҳои стратегии давлат ва Ҳукумати кишвар, яъне расидан ба истиқлолияти энергетикӣ асоси воқеӣ гузошта шуда, бо ҳузури бевоситаи Асосгузори сулҳу ваҳдати миллӣ-Пешвои муаззами мил­лат, Президенти Ҷумҳурии Тоҷикистон муҳтарам Эмомалӣ Раҳмон чархаи дую­ми бузургтарин иншооти аср - Неругоҳи барқии обии «Роғун» мавриди баҳрабар­дории умум қарор дода шуд.

Боздид аз ин корзори нангу номус оддитарин шаҳрванди диёрро водор ба он месозад, ки дар бунёди ин тарҳи миллӣ бо ҳар василаву иқтидор заррае ҳам бошад саҳмгузор шавад. Бароба­ри вуруд ба ин мазрааи Нур нафареро наметавон пайдо намуд, ки саргарми коре набошаду масъулиятеро ба иҷро нарасонад…

Дар муқаддимаи матлаб нуктаи ка­лидӣ бо таваҷҷуҳ ба тафаккури созандаи асосгузораш дар заминаи имрўзу фардои кишвар ин аст, ки «Неругоҳи барқи обии «Роғун» самара, яъне фар­занди истиқлолу озодии Ватани маҳбуби мо буда, ба кор оғоз кардани агрегати дуюми он дар рўзи таҷлили ин ҷашни бузурги миллӣ туҳфаи олӣ ба мардуми шарифи Тоҷикистон мебошад».

Ё ин ки Пешвои муаззами миллат зимни суханронии табрикотии худ дар ин Кохи Нур ёдовар шуданд, ки «Ин ин­шооти ҳаётан муҳим мутобиқ ба тала­боти меъёрҳои байналмилалии сифату бехатарӣ ва бо истифода аз технологи­яҳои навтарин бунёд шуда истодааст ва дар ояндаи наздик на танҳо хонадони сокинони Тоҷикистонро нурафшон ме­кунад, балки ба кишварҳои минтақа низ хизмат хоҳад кард».

Мусаллам аст, ки Ҷумҳурии Тоҷикистон вобаста ба мавқеи ҷойгиршавиаш дар муқоиса ба дигар кишварҳои Оси­ёи Миёна аз лиҳози захираҳои обӣ ва манбаҳои энергетикӣ мавқеи намоён дорад. Дар ин замина, далели воқеии дигари Пешвои муаззами миллат ин буд, ки «Имрўз боиси ифтихори ҳамаи мову шумо аст, ки қисмати бештари сохтмончиёнро ҷавонони бонангу ори кишвар ташкил дода, аз технологияи муосири ҷаҳонӣ баҳравар мебошанд».

Ҳамчунин, бояд гуфт, ки рушди соҳаи энергетика ба тараққиёти муназзами иқтисодии Тоҷикистон, хусусан, дар самти татбиқи ҳадафи чоруми миллӣ - саноатикунонии босуръати кишвар нақши калидӣ мебозад. Муҳимтар аз ҳама Сарвари мамлакат «Роғун»-ро ба­рои мардуми шарафманди Тоҷикистон майдони нангу номус ва ҷабҳаи заҳмати ҷавонмардона унвон карда, афзуданд, ки «Мо бо заҳмати содиқонаи мардуми сарбаланди тоҷик ва корномаи баҳо­дуронаи фарзандони бонангу номуси миллат дар ояндаи наздиктарин ҳамаи ниятҳои нек ва нақшаҳои созандаамон­ро амалӣ мегардонем».

Ёдовар шудан бамаврид аст, ки корҳои сохтмону васлкунӣ дар Неругоҳи барқи обии «Роғун» бо ҷалби 67 таш­килоту муассисаҳо, пудратчиёни ном­дори ватаниву хориҷӣ ва бо иштироки беш аз 22 ҳазор нафар мутахассисону коргарон, ки анқариб 90 дарсади онҳоро шаҳрвандони Тоҷикистон ташкил ме­диҳанд, бо истифодаи 3600 мошину ме­ханизмҳо ба иҷро расонида мешаванд.

Воқеан ҳам, «Роғун»-ро Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ҳаёту мамо­ти мардуми Тоҷикистон номида буданд, ки ин, албатта, бесабаб нест. Азми қатъӣ ва иродаи матини фарзандони ватандўст ва бонангу номусе, ки ҳоло дар ин корзори ватандорӣ мушоҳида мегардад, моро ба ояндаи ободи Тоҷи­кистон неруи тоза мебахшад.

Дар охир бо итминону сарфарозӣ метавон гуфт, ки НБО «Роғун» имрў­зу оянда мояи ифтихору тарҳи ноди­ри миллӣ ва сарчашмаи ватандўстиву ватанпарастии мардуми тоҷик хоҳад буд.

Зоир РАҲМОНЗОДА,

раиси Кумитаи иҷроияи ҲХДТ 

дар шаҳри Душанбе

“Мароми пойтахт”,

11. 09. 2019, №34 (575)


Вакти нашр: 2019-09-12 11:49:31    Хонданд: 58    Муфассал...

Семинари омӯзишӣ бо ҳизбиёни пойтахт

Бо мақсади иҷрои дастури Раиси муаззами ҳизбамон, муҳтарам Эмомалӣ Раҳмон дар Маҷлиси имсолаи Кумитаи Иҷроияи Марказии Ҳизби Халқии Демократии Тоҷикистон Кумитаи иҷроияи ҲХДТ дар шаҳри Душанбе семинарҳои омўзиширо бо раисони ташкилотҳои ибтидоии ҳизбӣ ва кормандони  кумитаҳои иҷроияи ҲХДТ дар ноҳияҳои шаҳри Душанбе роҳандозӣ менамояд.     

           Аз ҷумла, имрўз, 11-уми сентябри соли 2019 семинари мазкурро Кумитаи иҷроияи шаҳрии ҳизб бо раисони ташкилотҳои ибтидоии ҳизбӣ ва кормандони Кумитаи иҷроияи ҲХДТ дар ноҳияи Сино  доир намуд.

         Дар он  Бобоҷониён Ранохон Маҳмудзода - муовини Раиси ҲХДТ, Зоир Раҳмонзода - раиси Кумитаи иҷроияи ҲХДТ дар шаҳри Душанбе, Наимов Маҳмадулло Раҳимович - мудири шуъбаи таблиѓот ва таҳлили Дастгоҳи КИМ ҲХДТ,  Илҳомҷон Ҳамидиён  Иномзода - мудири шуъбаи кор бо ҷавонон ва занони Дастгоҳи КИМ ҲХДТ, Ҷаҳонгир  Саъдизода - мудири кафедраи ҳуқуқи инсон ва  ҳуқуқшиноси муқоисавии факултаи ҳуқуқшиносии Донишгоҳи  миллии  Тоҷикистон, Соҳибов Муҳаммад  - устоди факултаи ҳуқуқшиносии Донишгоҳи миллии Тоҷикистон     иштирок намуданд.   

        Зоир Раҳмонзода  семинари омўзиширо  ифтитоҳ бахшида,  сараввал ҳамаи иштирокчиёнро бо Ҷашни бузурги миллии 28 - умин солгарди Истиқлолияти давлатии Ҷумҳурии Тоҷикистон ва мавриди  истифода  қарор  гирифтани Агрегати 2-юми НБО “Роѓун”, ки ду рўз пеш мавриди истифода қарор дода шуд, табрику шодбош  гуфта,  ба ширкаткунандагон дар раванди баргузории он муваффақиятҳо таманно намуд.

          Сипас, Бобоҷониён Ранохон  оид ба ҳадафу баргузории семинари мазкур суханронӣ намуда, қайд кард,  ки мақсад аз баргузории чунин семинарҳо, ин баланд бардоштани  савияи донишу малака ва ташаккули ҷаҳонбинии сиёсии раисони ташкилотҳои ибтидоии ҳизбӣ мебошад.

          Дар ин миён, мутобиқи барномаи семинар  устодону коршиносон оид ба мавзўъҳои  муҳими рўз маърўзаҳо намуданд.

         Дар охири семинари омўзишӣ миёни иштирокчиён мубодилаи афкор сурат гирифт.

 

    

 

 


Вакти нашр: 2019-09-11 17:38:44    Хонданд: 62    Муфассал...

БЕҲТАРИНҲО МУАЙЯН ГАРДИДАНД

          Кумитаи иҷроияи ҲХДТ дар ноҳияи Фирдавсӣ  дар асоси Низомномаи тасдиќгардидаи Кумитаи иҷроияи ҲХДТ дар шаҳри Душанбе  бахшида ба  28-солагии Истиқлолияти давлатии Ҷумҳурии Тоҷикистон дар шӯроҳои шаҳраку маҳаллаҳои  њудуди ноњия озмуни шаҳрии “Ташкилоти беҳтарини маҳалла”-ро доир намуд

        Ҳайати ҳакамон ба тарзи ҳуҷҷатгузорӣ, ороиши утоқҳои ҳизбӣ, кор бо сокинони маҳалла ва дигар шартҳои озмун таваҷҷуҳ намуда, баҳои воқеии хешро ба фаъолияти раисони ташкилотҳои ибтидоии маҳалла доданд. Ҳамин тариқ, сазовори ҷойи аввал ташкилоти ибтидоии “Равшангарон”, ҷойи дуюм ташкилоти ибтидоии “Маърифат” ва ду ҷойи сеюм ташкилотњои ибтидоии “Қаротегин” ва “Крупская” дониста шуданд.  

 


Вакти нашр: 2019-09-13 09:39:27    Хонданд: 50    Муфассал...

ҶАМЪБАСТИ ОЗМУНИ ТАШКИЛОТИ ҲИЗБИИ МАҲАЛЛАИ БЕҲТАРИН

Кумитаи иҷроияи ҲХДТ дар ноҳияи Синои шаҳри Душанбе бахшида ба 28-умин солгарди Истиқлолияти давлатии Ҷумҳурии Тоҷикистон ва 25 – солагии таъсисёбии Ҳизби Халқии Демократии Тоҷикистон озмуни “Ташкилоти ҳизбии маҳаллаи беҳтарин”-ро дар ноҳияи Синои шаҳри Душанберо баргузор намуд.

Озмуни мазкур дар асоси супориши Кумитаи иҷроияи шаҳрии Ҳизб дар заминаи Қарори Раиси шаҳри Душанбе муҳтарам Рустами Эмомалӣ “Оид ба гузаронидани озмунҳои шаҳрии “Маҳаллаи беҳтарин” ва “Кӯчаи беҳтарин”” бо дарназардошти наздик омадани маъракаҳои муҳими сиёсии дарпешистода, ҷиҳати боз ҳам устувор гардонидани мавқеъи Ҳизб дар шаҳраку маҳаллаҳо, тақвият бахшидан ба фаъолияти ҳизбӣ дар маҳалли зист ва ҷалби ҳарчи бештари сокинони шаҳраку маҳаллаҳо, хусусан ҷавонону занон ба ҷонибдории ҲХДТ бо иштироки Мирзоев Н.М. - муовини раиси Кумитаи иҷроияи ҲХДТ дар ноҳияи Синои шаҳри Душанбе ва 5 нафар ҳайати ҳакамон доир гардид.

Аз рӯи шартҳои озмун, ҷойи аввалро ташкилоти ибтидоии ҳизбии “Ободкорон” бо гирифтани 130 хол, ҷойи дуюмро ташкилоти ибтидоии ҳизбии “Хуҷандӣ” бо 110 хол ва ҷойи сеюмро ташкилотҳои ибтидоии ҳизбии “Панҷрӯд” ва “Қарамиршикор” бо гирифтани 100 хол сазовор гардиданд.

Тибқи Низомномаи баргузории озмун ташкилотҳои ғолиб ба даври шаҳрии озмун роҳхат гирифтанд.

 


Вакти нашр: 2019-09-13 14:12:10    Хонданд: 57    Муфассал...

Озмуни " Ташкилоти беҳтарини маҳалла" ҷамъбаст гардид

Дар асоси  Низомномаи тасдиқнамудаи  Кумитаи иҷроияи ҲХДТ дар шаҳри Душанбе  Кумитаи иҷроияи ҳизбии ноҳияи Исмоили Сомонӣ бахшида ба 28-умин солгарди Истиқлолияти давлатии Ҷумҳурии Тоҷикистон дар шаҳраку маҳаллаҳои ҳудуди ноҳия озмуни «Ташкилоти беҳтарини маҳалла»-ро доир намуд.

        Бо пешниҳоди ҳайати ҳакамон сазовори ҷойи якум ташкилоти ибтидоии   «Фирдавсӣ”, ҷойи дуюм ташкилоти ибтидоии “Шафтолузор” ва ҷойҳои сеюмро ташкилотҳои ибтидоии “Телман” ва “Куҳдоман”  дониста  шудаанд.  


Вакти нашр: 2019-09-13 14:22:24    Хонданд: 60    Муфассал...

ВОХӮРИИ ВАКИЛОН БО ИНТИХОБКУНАНДАГОН

      Дар толори муассисаи таҳсилоти миёнаи умумии №74-и ноҳияи  Фирдавсӣ вохӯрии вакилони Маҷлиси Намояндагони Маҷлиси Олии Ҷумҳурии Тоҷикистон Фирӯза Шарифӣ, Насиба Содиқова, Гулбаҳор Ашурзода, Эмомалӣ Насриддинзода ва Шарифҷон Раҳимзода бо интихобкунандагон   доир карда шуд.  

       Вакилон зимни баромади хеш роҷеъ ба истиқлолияти давлатӣ ва дастовардҳои он ибрози назар намуда, таъкид карданд, ки баъзе  миллату  халқиятҳо бо вуҷуди ба даст овардани истиқлолият онро нигоҳ дошта натавонистанд. Истиқлолият як ҳарфи ифтихорӣ нест, балки он тақозо менамояд, ки пояҳои устувори давлатдорӣ гузошта шуда, ба ҳама гуна мушкилоту имтиҳони зиндагиву рўзгори мустақилона тоб оварда, рушди иқтисоди замонавӣ таъмин карда шавад ва арзишҳои давлати демократӣ ҳифзу афзун гардонида шавад. Моҳияти истиқлолият ин аст, ки қадру қимати ҳар кадом шаҳрванд ба талаботи меъёрҳои демократӣ мутобиқ гардонида шуда, зиндагии шоистаи сокинони мамлакат таъмин гардад.     


Вакти нашр: 2019-09-13 14:30:05    Хонданд: 66    Муфассал...

Хониши сиёсии “Бонувон дар сиёсат” бо иштироки вакилони мардумӣ

Дар толори Вазорати нақлиёти Ҷумҳурии Тоҷикистон бо иштироки Гулаҳмадзода Зулфиқор – Раиси Кумитаи иҷроияи ҲХДТ дар ноҳияи Шоҳмансур, Абдуалимов Баҳром, Содиқзода С – вакилони Маҷлиси намояндагони Маҷлиси Олии Ҷумҳурии Тоҷикистон,   Зуҳурова З.- мудири шуъбаи кор бо занони КИ ҲХДТ дар шаҳри Душанбе, Қурбонова Ш.- раиси Шӯрои собиқадорони  ҲХДТ дар ноҳияи Шоҳмансур бо ҷалби бонувони соҳибтаҷриба, олимони барҷаста ва лаёқатмандони кумитаву ташкилотҳои ибтидоии ҳизбии ноҳия хониши сиёсии “Бонувон дар сиёсат” доир гардид.

        Гулаҳмадзода Зулфиқор дар ҳузури шунавандагони дарси хониши сиёсӣ баромад карда зикр намуд, ки мақсад аз баргузории чунин дарсҳо баланд бардоштани донишҳои сиёсӣ ва маҳорати суханварӣ, таъмини иштироки ҳарчи бештари занон дар ҳаёти ҷамъиятиву сиёсӣ, иҷтимоиву фарҳангӣ ва идоракунии давлат барои баланд бардоштани мақом ва манзалати зан дар бунёди ҷомеаи демократӣ, ҳамзамон татбиқ намудани Фармони Президенти Ҷумҳурии Тоҷикистон «Дар бораи тадбирҳои баланд бардоштани мақоми зан дар ҷомеа» роҳандозӣ карда шудааст.
Дар идомаи хониши сиёсӣ меҳмонон баромад карда, дар бораи таъсири сухани зан модар дар тарбияи насли наврас, дар корхонаву идора ва идоракунии давлатӣ, оид ба риояи Қонунҳои Ҷумҳурии Тоҷикистон “Дар бораи танзими анъана ва ҷашну маросим дар Ҷумҳурии Тоҷикистон”, “Дар бораи масъулияти падару модар дар таълиму тарбияи фарзанд” ва эҳтиром гузоштан ба арзишҳои миллӣ баромади пурмуҳтаво карданд.

       Дар идомаи хониши сиёсӣ бонувон оид ба баромадҳои ироагардида фикру мулоҳиза ва саволу пешниҳодот намуданд.


Вакти нашр: 2019-09-16 16:04:44    Хонданд: 78    Муфассал...

Ба Пешвози 28-умин солгарди Истиқлолияти давлатии Ҷумҳурии Тоҷикистон

Таъсисёбии Муассисаи давлатии “Пажўҳишгоҳи экспертизаи тиббию иҷтимоӣ ва тавонбахшии маъюбон”-и Вазорати тандурустӣ ва ҳифзи иҷтмиоии аҳолии Ҷумҳурии Тоҷикистон худ яке аз меваҳои давраи соҳибистиқлолии Тоҷикистони маҳбубамон аст, ки соли 1992 аввал дар сохтори Вазорати меҳнати ҳамонвақта ва баъдан аз соли 2014 бо тағйири ному вазифаю  ўҳдадориҳо дар ҳайати Вазорати тандурустӣ ва ҳифзи иҷтимоии аҳолии Ҷумҳурии Тоҷикистон арзи вуҷуд дорад.

Ташкилоти ибтидоии Ҳизби Халқии Демократии Тоҷикистон зери унвони “Шафқат”-и Пажўҳишгоҳ бо теъдоди зиёда аз 40 нафар аъзоёнаш, ки аз кормандони хурду миёнаи тиббӣ, духтурон ва кормандони илмӣ иборатанд, ҳамарўза дар хизмати халқу Ватан дар самти хизматрасониҳои тиббию тавонбахшӣ ба қишри осебпазири аҳолӣ, махсусан маъюбон ва илмию амалӣ дар ҳамин раванд, заҳмат мекашанд.

Кормандону ходимони илмии Пажўҳишгоҳ дар партави Барномаю Оиннома ва  ҳадафҳои созандаву бунёдкоронаи Ҳизби Халқии Демократии Тоҷикистон таҳти роҳбарӣ ва дастгириҳои доимии сиёсии Раиси ҳизб, Асосгузори сулҳу ваҳдати миллӣ Пешвои муаззами миллат, Президенти Ҷумҳурии Тоҷикистон мўҳтарам Эмомалӣ Раҳмон дар асоси Барномаи миллии тавонбахшии маъюбон барои солҳои 2017-2020, ки бо қарори Ҳукумати Ҷумҳурии Тоҷикистон аз 28 октябри соли 2016, №455 қабул карда шудааст ва Оинномаи муассиса ба омўзиши бемориҳои ҷанбаи иҷтимоидошта, солимгардонии беморону маъюбон, баҳри пешгирӣ, коҳиш додани сатҳи маъюбӣ машғул гардида, тавассути бахшҳои амбулаториву табобатӣ шахсони имконияташон маҳдуд, беморону ниёзмандонро бо имкониятҳои мавҷуда ба хизматрасонии тиббию иҷтимоӣ ва тавонбахшӣ фаро гирифтаанд.

Дар давоми солҳои охир аз ҷониби Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ҷиҳати боз ҳам бештару хубтар ба роҳ мондани хизматрасониҳои тиббию иҷтимоӣ ба аҳолии кишвар тибқи дастуру ҳидоятҳои пайвастаи роҳбарияти Ҳукумати Ҷумҳурии Тоҷикистон ба муассисаҳои сохторӣ дастгириҳои моддӣ расонида мешаванд. Аз ҷумла, бо дастгирии Вазорат дар ду соли охир ҳамаи ҳуҷраҳои бистаркунонӣ, муоина ва табобатии муассиса аз таъмири ҷорӣ бароварда шуданд. 

Дар қисми илмии муассиса бошад, олимон ва муҳақиқони Пажўҳишгоҳ дар мавзўъҳои фармоишии “Ташкил намудани системаи илмии ташхису барқарорсозии маъюбон дар шароити иқтисодию иҷтимоии Тоҷикистон аз соли 2013 то 2017”, “Баҳодиҳии тиббию иҷтимоии самаранокии тавонбахшии маъюбон дар Ҷумҳурии Тоҷикистон барои солҳои 2015 - 2019” ва “Роҳҳои беҳтаргардонии системаи тавонбахшии тиббию иҷтимоии маъюбон дар Ҷумҳурии Тоҷикистон барои солҳои 2019-2023” саргарми фаъолият мебошанд.

Дар асоси корҳои илмии анҷомдодашуда натиҷаҳои он дар шаклҳои зерин дар амалия ҷорӣ карда шуданд:

- ворид намудани шакли тавонбахшӣ бо усули эрготерапия дар қисми клиникии Пажўҳишгоҳ, муассисаҳои тавонбахшии кўдакона, КАТС;

- ворид намудани шакли тавонбахшӣ бо усули механотерапия дар қисми клиникии Пажўҳишгоҳ, муассисаҳои тавонбахшии кўдакона, КАТС;

- ворид намудани шакли тавонбахшӣ бо усули сенсоротерапия дар қисми клиникии Пажўҳишгоҳ, муассисаҳои тавонбахшии кўдакона;

- таҳия ва ворид намудани шаклҳои ҳисоботи омори соҳавӣ оид ба фаъолият дар самти хизматрасониҳои тиббию иҷтимоӣ ва тавонбахшии маъюбон.

Дар давраи фаъолият аз ҷониби ходимони илмӣ ва мутахассисони Пажўҳишгоҳ 140 адад дастурҳои методӣ, методию клиникӣ, адабиёт ва дастурҳои таълимӣ, инчунин мақолаю фишурдаҳои илмӣ таҳия гардида, дар маҷмўаҳо ва маҷаллаҳои илмии ҷумҳурӣ ва хориҷи кишвар аз ҷумла маҷаллаҳои тақризшавандаи КОА ба чоп расидаанд.

То ҳол аз ҳисоби докторантони Пажўҳишгоҳ 2 нафар рисолаҳои доктории худро ҳимоя намуда, ҳоло як нафар докторанти ғоибона ва 3 унвонҷӯи ғоибона аз рўи барномаҳои анъанавии тайёркунии кормандони илмӣ ба корҳои илмӣ-тадқиқотӣ машғул мебошанд.

Илова бар ин, ҷиҳати омода намудани кадрҳои баландихтисоси илмӣ тибқи талаботи Комиссияи олии аттестатсионӣ бо мақсади ба роҳ мондани докторантура (PhD) ба тахассусҳои «Экспертизаи тиббию иҷтимоӣ ва тавонбахшӣ» ва «Солимии ҷомеа ва тандурустӣ» чораҳои зарурӣ андешида мешавад.

Инчунин натиҷаҳои фаъолияти илмӣ имкон доданд, ки Пажўҳишгоҳ тибқи вазифаҳои Оинномавии худ ба фаъолияти таълимӣ оғоз намояд. Дар ин самт соли 2017 Иҷозатномаи зарурӣ бадаст оварда шуд.

Фаъолият дар соҳаи таҳсилоти иловагӣ ва баъдидипломии касбии тиббӣ дар самтҳои экспертизаи тиббию иҷтимоӣ ва тавонбахшии маъюбон (такмили ихтисос барои табибон) бо мўҳлати таҳсил 1 моҳ, кори ҳамширагӣ дар экспертизаи тиббию иҷтимоӣ ва тавонбахшии маъюбон (такмили ихтисос барои кормандони миёнаи тиббӣ) бо мўҳлати таҳсил 16 рўзи тақвимӣ ва кори иҷтимоӣ (дар заминаи таҳсилоти миёнаи умумӣ) бо мўҳлати таҳсил 16 рўзи тақвимӣ ба роҳ монда шудааст.

Дар давоми фаъолияти таълимӣ аз рўи барномаҳои дар боло зикршуда зиёда аз 180 нафар табибону кормандони миёна ва зиёда аз 240 нафар кормандони иҷтимоӣ бо таълим фаро гирифта шудаанд.

Ҳамзамон бо назардошти сол то сол афзоиш ёфтани аҳолии ҷумҳурӣ, зиёд шудани дарозумрии шаҳрвандони кишвар ва баррасии баланд бардоштани сатҳу сифати хизматрасониҳои тиббию иҷтимоӣ ва пиронсолон соли ҷорӣ дар сохтори Пажўҳишгоҳ тағйиротҳо ворид карда шуданд, аз ҷумла аз ҳисоби таҷдиди сохтор дар қисми илмии муассиса “Бахши геронтология ва ҳифзи иҷтимоии пиронсолон” таъсис дода шуд, ки вазифаҳои ин бахш маҳз барои омўзиши илмии масъалаҳо вобаста ба пиршавии аҳолӣ, хизматрасониҳои тиббию иҷтимоӣ ва ҳифзи иҷтимоии пиронсолон иборат мебошанд.

Дар баробари муассисаи илмӣ будан, дар сохтори Пажўҳишгоҳ Шўъбаи амбулаторӣ ва клиникӣ мавҷуданд, ки ба муроҷиаткунандагон, аз ҷумла маъюбони гурўҳҳои II-юм ва III-юм, кўдакони маъюб, пиронсолон, камбизоатон хизматрасониҳои тиббии тавонбахшӣ пешниҳод карда мешаванд. Дар давраи то оғози сентябри соли ҷорӣ алакай дар амбулатория ба зиёда аз 1450 нафар ва дар клиника бошад ба зиёда аз 900 нафар хизматрасониҳо пешниҳод карда шудааст. Дар қисми клиникии муассиса толори варзиши табобатӣ, ҳуҷраҳои маҳсдармонӣ, гиёҳдармонӣ, сенсордармонӣ, ҳуҷраи мутахассиси заъфи нутқ, ташкисгоҳи клиникӣ, ҳуҷраи даруннигорӣ ва фаросавтӣ, намудҳои гуногуни дастгоҳҳои тавонбахшии барқӣ мавриди истифода қарор дода шудаанд, ки беморон ва муроҷиаткунандагон аз гурўҳҳои номбаршудаи аҳолӣ ба тариқи ройгон бо таъинот ва таҳти назорати мутахассисон аз онҳо бархўрдор мегарданд.

Умедворем, ки ҷашни 28-умин солгарди Истиқлолияти давлатии Ҷумҳурии Тоҷикистонро бо натиҷаҳои хуби меҳнатӣ истиқбол намуда, зери ливои Ҳизби Халқии Демократии Тоҷикистон барои халқу меҳани азизамон хизмати арзанда  хоҳем намуд.

Аъзои фаъоли ташкилоти ибтидоии “Шафқат”    

 


Вакти нашр: 2019-09-17 14:41:43    Хонданд: 52    Муфассал...

Ширкати ҳизбиёни пойтахт дар семинари омӯзишӣ

         Бо мақсади иҷрои дастури Раиси муаззами ҳизбамон, муҳтарам Эмомалӣ Раҳмон дар Маҷлиси имсолаи Кумитаи Иҷроияи Марказии Ҳизби Халқии Демократии Тоҷикистон Кумитаи иҷроияи ҲХДТ дар шаҳри Душанбе семинарҳои омӯзиширо бо раисони ташкилотҳои ибтидоии ҳизбӣ ва кормандони  кумитаҳои иҷроияи ҲХДТ дар ноҳияҳои шаҳри Душанбе роҳандозӣ менамояд.     

          Вобаста ба ин, имрӯз 17 - уми сентябри соли 2019 семинари мазкурро Кумитаи иҷроияи шаҳрии ҳизб бо раисони ташкилотҳои ибтидоии ҳизбӣ ва кормандони Кумитаи иҷроияи ҲХДТ дар ноҳияи Фирдавсӣ доир намуд.

         Дар он Абдураҳмон Хонов - роҳбари  Дастгоҳи  КИМ  ҲХДТ,  Зоир Раҳмонзода - раиси Кумитаи иҷроияи ҲХДТ дар шаҳри Душанбе, Наимов Маҳмадулло Раҳимович - мудири шуъбаи таблиѓот ва таҳлили Дастгоҳи КИМ ҲХДТ, Ҳамидиён Илҳомҷон  Иномзода - мудири шуъбаи кор бо ҷавонон ва занони Дастгоҳи КИМ ҲХДТ, Ҷаҳонгир  Саъдизода - мудири кафедраи ҳуқуқи инсон ва  ҳуқуқшиноси муқоисавии факултаи ҳуқуқшиносии Донишгоҳи  миллии  Тоҷикистон, Соҳибов Муҳаммад - устоди факултаи ҳуқуқшиносии Донишгоҳи миллии Тоҷикистон иштирок намуданд.

Зоир Раҳмонзода  семинари омӯзиширо ифтитоҳ намуда, аз суханронии Асосгузори сулҳу ваҳдати миллӣ-Пешвои миллат, Президенти кишвар, Раиси муаззами ҲХДТ муҳтарам Эмомалӣ Раҳмон иқтибос оварда қайд кард, ки “Баланд бардоштани сатҳу савияи донишҳои сиёсии раисони ташкилотҳои ибтидоӣ, тақвият бахшидани сатҳи касбии роҳбарони кумитаҳои иҷроия ва ташкилотҳои ибтидоӣ, фаъолияти ташкилотҳои ҳизбӣ дар минтақаҳо, тавсеаи ҷаҳонбинӣ ва шуури сиёсӣ, малакаи корӣ, омӯзиши равандҳои муосири технологӣ, таҳлили вазъи дохилӣ ва берунӣ, баланд бардоштани сатҳи одобу ахлоқ ва маданияту муоширати аъзои ҳизб яке аз ҳадафҳои асосӣ ва самти муҳимми дурнамои фаъолияти мо мебошад”  

Ҳамзамон, мавсуф оид ба ҳадафи баргузории семинари мазкур суханронӣ намуда, қайд кард,  ки мақсад аз ташкили чунин семинарҳо, ин баланд бардоштани  савияи донишу малака ва ташаккули ҷаҳонбинии сиёсии раисони ташкилотҳои ибтидоии ҳизбӣ мебошад.

          Дар ин миён, мутобиқи барномаи семинар  устодону коршиносон оид ба мавзӯъҳои  муҳими рӯз маърӯзаҳо намуданд.

Дар охири семинари омӯзишӣ миёни иштирокчиён ва баромадкунандагон  мубодилаи афкор сурат гирифт.

Бояд қайд кард, ки семинарҳои мазкур дар чаҳор ноҳияи шаҳри Душанбе бо муваффақият хотима ёфта, баргузории чунин семинарҳову ҳамоишҳои илмӣ-назариявӣ дар асоси нақша - чорабиниҳои Кумитаи иҷроияи шаҳрии ҳизб  дар оянда  низ дар назардошта шудааст.

 

 

 

 

 


Вакти нашр: 2019-09-17 17:44:22    Хонданд: 90    Муфассал...

ГУФТУГӮИ ДУ НАСЛ

18-уми сентябри соли ҷорӣ КИ ҲХДТ дар шаҳри Душанбе вохўрии ду наслро таҳти унвони “Нақши Ҳизби Халқии Демократии Тоҷикистон дар баланд бардоштани мақоми зан дар ҷомеа” доир намуд.

Дар он вакили Маҷлиси намояндагони Маҷлиси Олии Ҷумҳурии Тоҷикистон Фирўза Шарифӣ, шоира Меҳринисо Бобобекова, мудири шуъбаи кор бо занони Кумитаи иҷроияи шаҳрии ҳизб Заррина Зуҳурова, муовини директори Агентии омори назди Президенти Ҷумҳурии Тоҷикистон Малоҳат Холиқзода, собиқадорони ҳизбу меҳнат ва кормандони Кумитаи иҷроияи шаҳрии ҳизб, мудирони шуъбаҳои кор бо занони кумитаҳои иҷроияи ҳизбии ноҳияҳо, фаъолзанон ва ҷавондухтарон иштирок намуданд.    

Заррина Зуҳурова зимни сухани ифтитоҳии хеш мақсад аз баргузории чорабинии мазкурро омўзиши таҷрибаи ҳамдигарӣ, тарбия намудани ҷавондухтарон дар роҳи илмомўзиву касбомўзӣ, ватандўстӣ ва  ҳунаромўзӣ, огоҳ намудани онҳо аз санадҳои меъёриву ҳуқуқии вобаста ба баланд бардоштани мақоми зан дар ҷомеа ба ин васила омода намудани онҳо ба вазифаҳои роҳбарӣ маънидод кард.

Дар вохўрии мазкур иштирокдорон оид ба қабул гардидани Фармони Президенти Ҷумҳурии Тоҷиикстон муҳтарам Эмомалӣ Раҳмон  3-юми декабри соли 1999 «Дар бораи тадбирҳои баланд бардоштани мақоми зан дар ҷомеа» ва масъалаҳои ҷойдошта дар самти баланд бардоштани фаъолнокии иҷтимоии занон дар ҳаёти ҷамъиятӣ, тақвияти мавқеи занон дар ҷомеа ва боз ҳам баланд бардоштани сатҳи иштироки онҳо дар фаъолияти мақомоти давлатӣ ибрози назар намуданд.

Гуфта шуд, ки зан - модари тоҷик қариб дар тамоми саҳифаҳои таърихи ин миллат бо донишу хирад ва ақлу тамизи худ тавонистааст мавқеи устувори худро дар ҳама соҳаҳои ҳаётан муҳим муайян намояд. 

Нотиқон иброз доштанд, ки ҲХДТ ҳамчун ҳизби пешбарандаи ҷомеа ҳамеша баҳри баланд бардоштани мақоми зан дар ҷомеа кўшиш намуда, ташаббусҳои онҳоро ҳамеша ҷонибдорӣ менамояд.

       Дар фарҷом миёни иштирокчиён мубодилаи афкор сурат гирифт.

 

 

 


Вакти нашр: 2019-09-18 16:53:38    Хонданд: 74    Муфассал...

Маҳфили адабӣ-фарҳангии «Гулбоғи адаб»

        Бо ибтикори Кумитаи иҷроияи ҲХДТ дар шаҳри Душанбе дар муассисаи таҳсилоти миёнаи №55-и ноҳияи Шоҳмансур бахшида ба Рўзи бузургдошти Сардафтари адабиётои классики тоҷик А.Рўдакӣ  бо иштироки хонандагони муассисаҳои таҳсилоти миёнаи умумии шаҳри Душанбе маҳфили адабӣ-фарҳангии «Гулбоғи адаб» доир гардид.

Дар он Сайдалӣ Шамсов-мудири шуъбаи кор бо ҷавонони Кумитаи иҷроияи ҲХДТ дар шаҳри Душанбе, Ҳабиб Сулаймонӣ шоир, сармуҳаррири Муассисаи давлатии нашриёти ирфони Вазорати фарҳанги Ҷумҳурии Тоҷикистон, мудирони шуъбаҳои кор бо ҷавонони кумитаҳои иҷроияи ҳизбии ноҳияҳо иштирок намуданд.

Сайдалӣ Шамсов зимни сухани ифтитоҳӣ меҳмонон ва хонандагонро ба муносибати  Рўзи бузургдошти сардафтари адабиёти классики тоҷик А.Рўдакӣ табрику таҳният гуфта, қайд кард, ки  мақсад аз баргузор намудани маҳфили мазкур ин пеш аз ҳама, огаҳи пайдо намудани наврасону ҷавонон аз осори арзиршманди шоирону нависандагони ниёгон мебошад.  

Ҳабиб Сулаймонӣ зимни баромад оид ба дастовардҳои соҳибистиқлолӣ, шароити фароҳам овардан барои таҳсил дар муассисаҳои таълимии кишвар аз тарафи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ва зиндагиномаи поягузори адабиёти тоҷику форс Абуадуллоҳи Рудакӣ сухан кард.  Ҳамзамон, аз ашъори Одамушшуаро шеърҳоро қироат намуд.

Гуфта шуд, ки баргузории чунин маҳфилҳои адабӣ - фарҳангӣ ба болоравии ифтихори миллию ватанпарастии насли наврас мусоидат мекунад.

Дар охир  бо  сароидани  сурудҳои  хонандагон маҳфили адабӣ-фарҳангии «Гулбоғи адаб»  ҷамъбаст гардид.    


Вакти нашр: 2019-09-20 15:37:04    Хонданд: 58    Муфассал...

ВОХЎРИИ САМАРАБАХШ

20 - уми сентябри соли 2019 дар муассисаи таҳсилоти миёнаи умумии №22 - и ноҳияи Фирдавсӣ вохӯрии вакили Маҷлиси вакилони халқи ноҳияи Фирдавсӣ, Раиси КИ ҲХДТ дар шаҳри Душанбе - Раҳмонзода Зоир Файзалӣ, бо сокинону интихобкунандагони шаҳраки 61 баргузор гардид.
Нахуст,  Азизхўҷа Азизов-раиси КИ ҲХДТ дар ноҳияи Фирдавсӣ вохўриро ҳусни ифтитоҳ бахшида, суханро ба Зоир Раҳмонзода дод.
Сипас, Раиси КИ ҲХДТ дар шаҳри Душанбе Зоир Раҳмонзода ҳозиринро ба 28 - умин солгарди Истиқлолияти давлатӣ, ки чанде пеш баргузор гардид, табрику таҳният гуфта, атрофи дастовардҳои даврони соҳибистиқлолӣ, се ҳадафи стратегӣ - расидан ба истиқлолияти энергетикӣ, баромадан аз бунбасти коммуникатсионӣ, таъмини амнияти озуқаворӣ, эълон гардидани солҳои 2019-2021 ҳамчун солҳои рушди деҳот, сайёҳӣ ва ҳунарҳои мардумӣ, риояи тартибу низоми шаҳрдорӣ, саҳмгузорӣ дар ободонию хуррамгардонии пойтахт, пешгирии наврасону ҷавонон аз шомилшавӣ ба гурӯҳҳои ифротӣ, ҳифзи фарҳангу арзишҳои миллӣ, дастовардҳои истиқлолият - афзоиши истеҳсоли маҳсулоти кишоварзӣ ва таъминоти амнияти озуқаворӣ, истиқлолияти энергетикӣ ва бунёди неругоҳҳо, беҳшавии соҳаи нақлиёту роҳҳо ва таъмиру азнавсозии пулу роҳҳо, рушди соҳаҳои саноат, маориф, тандурустӣ ва фарҳанг, бедор намудани ҳисси ватандӯстию хештаншиносӣ дар ниҳоди наврасону ҷавонон ва инчунин оид ба баланд бардоштани маърифати оиладорӣ суханронӣ намуда, аз ҳизирин даъват ба амал овард, ки нисбат ба ҳар гуна падидаҳои номатлуб бетараф набошанд.
Ҳамзамон, мавсуф бо овардани далелҳои мушаххасу дақиқ ду қонуни миллӣ: қонунҳои Ҷумҳурии Тоҷикистон “Дар бораи танзими анъана ва ҷашну маросим дар Ҷумҳурии Тоҷикистон” ва “Дар бораи масъулияти падару модар дар таълиму тарбияи фарзанд”-ро, ки бо ибтикори бевоситаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қабул шудаанд, ба таври возеҳу равшан ба ҳозирин фаҳмонд.
 Дар фарҷом,  сокинони маҳаллаи мазкур  барои баргузории чунин мулоқоту вохўриҳо изҳори сипос намуда, таклифу пешниҳодҳои худро баён доштанд.


Вакти нашр: 2019-09-21 12:27:46    Хонданд: 45    Муфассал...

Арҷгузорӣ ва гиромидошт аз хизматҳои арзишманди Одамушшуаро Абӯабдуллоҳи Рӯдакӣ


Субҳи имрӯз Кумитаи иҷроияи ҲХДТ дар шаҳри Душанбе дар ҳамбастагӣ бо кумитаҳои иҷроияи ҳизбии ноҳияҳои пойтахт бахшида ба Рӯзи бузургдошти сардафтари адабиёти классики тооҷик Абӯабдуллоҳи Рӯдакӣ бо иштироки аъзои фаъоли ТҶҶ “Созандагони Ватан”  дар шаҳри Душанбе дар доираи маҳфили адабӣ-фарҳангии “Гулбоғи адаб” маросими гулчанбаргузориро дар пояи муҷассамаи Одамушшуаро Абӯабдуллоҳи Рӯдакӣ доир намуданд.
​Иштирокчиён оид ба зиндагиномаи поягузори адабиёти тоҷику форс Абӯабдуллоҳи Рӯдакӣ сухан карда, қайд карданд, ки нақши ин абармарди шеъру сухан дар илму адаб, маънавиёт хеле бориз аст.
​Бояд қайд кард, ки мақсад аз баргузор намудани маҳфили мазкур ва маросими гулчанбаргузорӣ, ин пеш аз ҳама, огаҳи пайдо намудани наврасону ҷавонон аз осори арзишманди шоирону нависандагони ниёгон ва баланд бардоштани ифтихори миллию ватанпарастии онҳо мебошад.
Дар рафти ин чорабинӣ ширкаткунандагон, аз ашъори Одамушшуаро шеърҳоро қироат намуданд.
​Дар охир  иштирокчиёни фаъоли маҳфили адабӣ-фарҳангии “Гулбоғи адаб” бо сипосномаи Кумитаи иҷроияи ҲХДТ дар шаҳри Душанбе сарфароз гардонида шуданд.


Вакти нашр: 2019-09-21 13:20:53    Хонданд: 49    Муфассал...

ЁДИ РӮДАКӢ

Ба ифтихор ва гиромидошти “Рӯзи Рудакӣ” муштаракан дар Институти забон ва адабиёти ба номи Рӯдакии Академияи илмҳои Ҷумҳурии Тоҷикистон бахшида ба “Рӯзи Рӯдакӣ” чорабинии адабӣ-фарҳангӣ доир гардид.

Директори институти мазкур академик Носирҷон Салимзода бо нутқи ифтитоҳӣ баромад намуд. Сипас Гулаҳмадзода Зулфиқор Аҳмад-Раиси Кумитаи иҷроияи ҲХДТ дар ноҳияи Шоҳмансур ба сухани табрикотӣ баромада, перомуни гиромидошти устод Рӯдакӣ, таваҷҷуҳи Ҳукумати мамлакат нисбат ба аҳли илму адаб, ба вижа ба феҳристи рӯзҳои ид шомил кардани “Рӯзи Рӯдакӣ” ва номгузории иншооти маданию илмӣ, ноҳияву хиёбон, боғу гулгашт унвонии Рӯдакӣ ҳувайдо аз арҷгузорӣ ба ин нобиғаи барҷастаи нотакрори миллат Рӯдакӣ сухан кард.

Муҳаммадиев Шамсиддин ходими илмии институти мазкур бо маърузаи илмӣ баромад намуда, роҷеъ ба паҳлуҳои гуногуни шеъри Рӯдакӣ ҳарф зад.

Профессор-фарҳангшинос Аслиддин Низомӣ оид ба мусиқишиносии устод Рӯдакӣ чанд нукта иброз дошт, ки Рӯдакӣ дар олами мусиқии ҷаҳонӣ ба хусус мусиқии касбӣ-миллӣ шахсияти нотакрор аст. Сабки мусиқии ушшоқро хеле нозук ва олӣ медонист,  ба ҳамин мусиқӣ шеър-сухан мебаст. Ҳатто шеъри машҳури “Бӯйи ҷӯйи мулиён” бар аъло дар сабки мусиқии баланд офарида шудааст, ки шоҳро саросемавор ба Бухорои Шариф ба ватан овард.

Дар интиҳо аҳли ҳунар дар сабки ушшоқ ва мақом порчаҳои шеъри Рӯдакиро ба аҳли нишаст пешкаш намуданд.

 


Вакти нашр: 2019-09-23 14:03:54    Хонданд: 64    Муфассал...

ХУДОГОҲИИ МИЛЛӢ АСОСИ МЕҲАНПАРАСТӢ ВА ВАТАНДӮСТИСТ

          Дар Литсейи касбии нақлиёти роҳи оҳани шаҳри Душанбе бо иштироки намояндагони Кумитаи иҷроияи ҲХДТ дар ноҳияи Шоҳмансур дар мавзӯҳои мубрами рӯз: пешгирии гароиш ба равияҳои ғайримазҳабӣ, пешгирии шомилшавӣ ба гуруҳҳои тундгаро ва ифротӣ, татбиқи қонуни Ҷумҳурии Тоҷикистон “Дар бораи масъулияти падару модар дар таълиму тарбияи фарзанд”, эҳтиром ва арҷгузорӣ ба арзишҳои миллӣ, таҳкими худшиносиву меҳанпарастӣ, ҳувияти миллӣ, дастгирии сиёсати давлату Ҳукумат, якпорчагии давлат ва тарбияи худшиносии ҷавонон вохӯрӣ доир гардид.
        Таъкид шуд, ки дар минбаъда масъулияти давлатдорӣ, ҳифзи арзишҳои миллӣ, созандагию бунёдкорӣ ва ватансозию нигоҳдошти амнияти давлату миллат бар зиммаи насли ҷавон мегардад. Аз ин лиҳоз аз имрӯз бояд ҳар фарди соҳибандеша, ба хусус насли ҷавон бо омӯзиши илмҳои замони муосир, худогоҳии миллӣ ва бо одобу фарҳанг ва ахлоқи баланди инсонӣ хешро мусаллаҳ карда, дар сангари ватансозӣ ва бунёдкории ватани маҳбуб сина сипар намояд.


Вакти нашр: 2019-09-23 16:07:08    Хонданд: 46    Муфассал...

ҲИФЗИ АРЗИШҲОИ МИЛЛӢ, ИСТИҚЛОЛИЯТ ВА ВАҲДАТИ МИЛЛӢ ВАЗИФАИ ҲАР ЯКИ МОСТ

Вақтҳои охир дар шабакаҳои иҷтимоӣ иғвогариву дасисабозиҳои сиёсии беасосу бемояи бадхоҳону хоинони миллат – роҳбарони гурўҳҳои тундрав, ба монанди ТЭТ ҲНИ пахш мегарданд, ки ақидаҳои дурӯғини худро ба сари мардуми тоҷик таҳмил кардан мехоҳанд. Бо истифода аз вожаи муқаддаси «ислом» бо роҳи фишор овардан ба ирода ва зеҳни мардум ҳадаф доранд, ки нисбат ба сиёсати пешгирифтаи Ҳукумати Ҷумҳурии Тоҷикистон, сохти конститутсионии давлат ва арзишҳои миллӣ эҳсоси нобовариро ба вуҷуд оранд. Давлатҳои абарқудрат аз нигоҳи ҷуғрофиёи сиёсӣ бо ҳадафҳои худхоҳона ва дурнамои хеш лоиҳаҳои зиёдеро тарҳрезӣ намудаанд, ки барои аз байн бурдани аксари миллату халқиятҳои дунё аз ҳар восита кор мегиранд, бахусус тавассути мухолифини ин давлатҳо. Муҳиддин Кабирӣ ва ҳаммаслакони ӯ низ аз он ҷумлаанд, ки бо супориши чунин хоҷагони хориҷиашон аз тамоми усулу васоит истифода бурдан доранд, то байни мардум иғво ангехта, вазъи сиёсии Тоҷикистонро ноором ва худро чун «мусалмонони боадлу инсоф» ҳомиёни адолати иҷтимоӣ ангоранд. Шояд онҳо дарк нанамоянд, ки ҳадафи аслии ин «хоҷаҳо» чист. Ин тоифаҳо аз куҷо медонанд, ки сулҳу ваҳдати Тоҷикистон бо чӣ уқубатҳо ба даст омадааст? Аз масофаи ҳазорҳо километр дур тариқи садову симо иғво ангехтану сабукфикронро ба доми найранги худ афкандан кори саҳл аст. Вале кишвареро, ки душманонаш мехост онро ба арсаи муноќишањои миллию мазњабї ва нажодї табдил дода, валангор созад, Сарвари давлат муҳтарам Эмомалӣ Раҳмон тавонист бо иродаи мустаҳками сиёсӣ ва тинати ватандӯстона љињати тањкиму таъмини сулњу субот дар як минтаќаи љангдидаву харобшуда созишу ризоияти тоҷиконро фароҳам оварад. Бо шарофати ӯ сулњу истиќрор дар Тоҷикистон пойдор гардид ва тоҷикон соҳиби ғояи миллї гардиданд, ки онро «Ваҳдат» унвон аст. Мардуми шарифи Тоҷикистон дар марҳилаи осоишу амният ва созандагию бунёдкорӣ умр ба сар мебаранду ин нохалафон теша ба ин реша задан доранд.
Имрӯзҳо Тоҷикистонро дар арсаи байналмилалӣ ҳамчун кишвари ташаббускор ва пешсаф дар самти ҳифзи захираҳои оби тозаи ошомиданӣ эътироф намудаанд ва ин ибтикори бузурги фарзанди фарзонаи миллат – Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аст, ки қадамҳои устувору бузург дар самти расидан ба ҳадафи якуми стратегӣ – ба даст овардани истиқлолияти энергетикиро дорад ва садҳо созишномаҳои шарикии стратегиро бо дигар кишварҳо ба имзо мерасонад, ҷиҳати баланд бардоштани некуаҳволии мардум дар ҳалли масъалаҳои пешрафти устувори иқтисодӣ, тақвияти неруи инсонӣ ва беҳбуди вазъи бозори меҳнат тадбирҳои зарурӣ андешида, онҳоро ҳадафҳои олии худ эълон менамояд, ҳазорҳо пулу роҳҳо, иншооти хизматрасонию солимгардонӣ ва муассисаҳои таълимиву тандурустии муосир сохта, ба истифода медиҳад, арзишҳои маънавию фарҳангии миллатро ҳифз ва ба ҷаҳониён муаррифӣ менамояд! Пешвои муаззами миллат аст, ки эъмори љомеаи демократӣ, њуќуќбунёд, дунявӣ ва ягонаро вусъати тоза бахшидааст! Ва ин рӯйхатро дурудароз метавон идома дод. Вале хоинони миллат, ки такя ба ғояҳои миллӣ надоранд, дастовардҳои Тоҷикистонро нодида мегиранд, принсипҳои дунявиятро таҳқир месозанд ва неруҳои ҷавону ҳанӯз нопухтаро бар зидди Ҳукумат мехезонанд, гуфтаниям: Боре ба худ суол диҳед, ки барои пешрафти Тоҷикистон худи шумо чӣ кор кардаед? Дар меҳробу минбар «ҷилванамоӣ» кардану ақидаҳои бардурӯғу иғвогаронаи худро ба сари мардум таҳмил додан камоли ноҷавонмардист! Иқрор намоед, ки шумо барои ин миллат дар амал коре карда наметавонед, ба ҷуз аз дур тӯҳмату иғво ангехтан! Мо бо чашмони кӯдакона даҳшати ҷанги солҳои 90-умро дидаем ва намехоҳем, ки фарзандонамон дуду алангаи ҷанги хонумонсӯзро бинанду бо ашки тарс рӯй бишӯянд! Оё медонед, ки Сарвари давлат муҳтарам Эмомалӣ Раҳмон ҷонибдори сулҳу амният дар тамоми ҷаҳон аст? Пас, диққат диҳед ба гуфтаҳои ӯ:
«Ҷангу низоъ ва мухолифати мусаллаҳона даҳшат аст, қатлу куштори одамони бегуноҳ аст, қашшоқиву бенавоӣ, бадбахтӣ, касодии иқтисодӣ ва шикасти низоми қонунияту давлатдорист… Мо ҳамеша ҷонибдори сулҳ дар саросари ҷаҳон ҳастем ва хоҳонем, ки тамоми мухолифату низоъҳо, дар кадом минтақа ё кишваре, ки набошанд, танҳо бо роҳҳои осоишта ва музокирот ҳаллу фасл карда шаванд». Ва оё медонед, ки Пешвои муаззами миллат дар ҷавоб ба амалу кирдорҳои шумо чӣ ҷавоб додаанд? Пас, мутаваҷҷеҳ бошед:
«Мо даҳшати ҷанги шаҳрвандии солҳои 90-уми асри гузаштаро, ки душманони миллати тоҷик ба сари мо таҳмил карда буданд, ҳаргиз фаромӯш намекунем ва бо итминон изҳор медорем, ки мардуми мо дигар ба доми фиреби душманону бадхоҳони миллат, ки то ҳанӯз аз ҳадафҳои ғаразноки худ даст накашидаанд, гирифтор намешаванд».
Мо низ, ба гуфтаҳои Пешвои миллат сад дар сад розием ва гуфтанием, ки сулҳу субот ва оромиву пешрафти Тоҷикистони азиз бароямон волотар аз ҳама чиз аст!
Дилрабо Ашурова – узви фаъоли ҲХДТ


Вакти нашр: 2019-09-23 16:32:53    Хонданд: 48    Муфассал...

Терроризм дину мазҳаб надорад

        Паёми имсолаи Пешвои миллат низ, чун солҳои пешин, хело пурмуҳтаво, саривақтӣ ва раҳнамунсозу мушкилкушои ҳамаи қишрҳои ҷомеа мебошад. Бештар аз ҳама  барои ман ҳамин нуқтаҳои муҳиму огоҳкунанда мавриди истиқбол қарор гирифт,ки Роҳбари давлат аз ҳама бештар ба таълиму тарбияи ҷавонон,пешгирии онон аз гаравидан ба сиёсату ҳаракатҳои номатлуб ва носолим,таҳдиди “зуҳуроти харобиовар” терроризм, ки ба унвони даҳшатафканӣ ва ё ҳаросафканӣ аст ба ҳар гуна амал ё таҳдид барои тарсонидан, осеб расонидан ба шаҳрвандон, гурӯҳҳо ва шахсиятҳои сиёсӣ ёд мешавад. Имрӯз терроризм хусусияти глобалӣ касб карда, дар минтақаҳои гуногуни ҷаҳон доман густурдааст. “Терроризм беш аз ҳарвақта авҷ гирифта, бо оқибатҳои даҳшатбору бераҳмонаи худ ба проблемаи ҷиддитарини инсоният дар асри бисту як табдил ёфтааст”- таъкид карда буд Пешвои миллат, муҳтарам Эмомалӣ Раҳмон зимни ироаи Паёмашон ба Маҷлиси Олии Ҷумҳурии Тоҷикистон.

     Дар бештари таҳқиқот оид ба терроризм ҳамеша таъкид мешавад, ки ин падида табиати  бисёр ҷанба дорад ва ин коркарди таърифи мафҳуми ягонаи терроризмро дар сатҳи байналмилалӣ мушкил месозад. Яке онро ҷанги муқаддас, дигаре боло гузоштани ғурури халқу миллати хеш, сеюуми афзалтар донистани нажоди худ аз болои дигар нажодҳо иборат медонад.   Аммо ҳақиқати ҳол тамоман дигар аст. Ба ин гурӯҳҳо бештар киҳо шомил мешаванд? Аввал, гурӯҳе, ки мақсадаш ба даст овардани сарват ва ҳокимият аст. Дуюм, гурӯҳи одамоне, ки дар зери парчами душмани ғоявӣ, мисли динӣ, мазҳабӣ гирд омадаанд. Ҳадафи гурӯҳи сеюм нажодпарастӣ мебошад. Гурӯҳи чорумро масоили сиёсӣ ба ҳам гирд овардааст”.

           Воқеан, терроризм имрӯз яке аз таҳдидҳои асосӣ ба амнияти кишварҳо ва мардуми сайёра гаштааст. Дар раванди муосири ҷаҳонишавӣ Тоҷикистон низ аз таҳдиду хатари ин вабои аср истисно нест. Ба андешаи коршиносон дар кишварҳои Ғарб ба масъалаи терроризм каме дигаргунтар баҳогузорӣ мешавад. Яъне, онҳо гӯё кишварҳои Осиёи Миёна афзоши сатҳи террористиро як навъ аз будаш зиёд нишон медиҳанд. Ба ақидаи онҳо, ба хотири мусбат нишон додани сиёсати ин кишварҳо, ки ба ҷомеаи шаҳрвандӣ ва рақибони сиёсиашон ҳаргуна фишорҳоро раво мебинанд, масъаларо аз будаш зиёд ҷилва медиҳанд. Ин кишварҳо аз ин мавзуъ барои худ имиҷ месозанд, то дар назди ҷомеаи ҷаҳонӣ худро ҳимоятгари ҷомеаи демократӣ нишон бидиҳанд. Ба ақидаи онҳо, дар Осиёи Миёна таҳдиди террористӣ ба ҳадде нест, ки имрӯз давлатдорони ин кишварҳо нишон медиҳанд, онҷо фарқе миёни исломишавии ҷомеа ва террористӣ намегузоранд.

           Тибқи маълумоти коршиносони муътамад дар ҷаҳон тақрибан 500 созмонҳои террористии пинҳонкор амал мекунанд. ИМА ҳар сол барои мубориза бо терроризм аз 5 то 20 миллиард доллари амрикоӣ сарф мекардааст. Ба гуфтаи таҳлилгарони амрикоӣ солҳои охир ҳамлаҳои даҳшатноки террористӣ дар Аврупо, Амрико, Ховари Миёна, Африқо, кишварҳои Балкан, Осиёи Марказӣ бештар шудааст. Чунончи, Пажуҳишгоҳи иқтисодиёт ва сулҳ (Institute for Economics & Peace, IEP)  дар бораи хатари умумиҷаҳонии террористӣ ҳисобот ба табъ расонда,  терроризмро “чун хатари истифодабарии амалии қувваи ҷисмонӣ ва яроқи сарди пинҳонӣ ба воситаи ашхоси ғайридавлатӣ, бобати муваффақ шудан ба мақсадҳои сиёсӣ, иқтисодию динӣ ва иҷтимоӣ”маънидод кардааст.

        Таҳқиқоти IEP 99,6 фоизи аҳолии оламро дар 162 кишвар фаро гирифтааст. Он дар асоси таҳқиқи амалҳои террористӣ ва омилҳои иҷтимоӣ сурат гирифта, панҷ кишвари дунёро ном бурдааст, ки дар онҳо терроризм ва амалҳои террористӣ бештар будаанд. “Дар натиҷаҳои ҳамлаҳои террористии соли 2018 наздики  ҳазорҳо нафар фавтидаанд, ки зиёди онҳо шаҳрвандони давлатҳои Ироқ, Афғонистон, Покистон, Нигерия ва Сурия мебошад, – омадааст дар пажуҳиши Институти иқтисодиёт ва сулҳ. Бештар ҳамлаҳои террористӣ , дар давлати Ироқ ба вукӯъ пайвастаанд.  Дар маҷмӯъ , дар кишварҳои Ироқ, Афғонистон, Покистон, Нигерия ва Сурия наздики  ҳазорҳо нафар одамон аз ҳамлаи террористӣ ҳалок шудаанд.  Аксарияти ҳамлаҳои террористӣ аз тарафи чор гурӯҳи террористӣ: “Толибон”, “Боко ҳарам”, ДИИШ ва Алқоида сурат гирифтаанд. Онҳо бештари ҳамлаҳои террористии худро тариқи моддаҳои тарканда, аз қабили мина, граната ва ғаёра анҷом дода, риштаи умри инсонҳои зиёдеро бо шумули пиронсолон ва занону кӯдакон баркандаанд.

        Дар назарсанҷӣ се омили асосии хуҷумҳои террористӣ ёдрас карда шудаанд: 1) Адовату бадбинии гурӯҳи этникӣ, динӣ ва забонии аҳолӣ нисбати ҳамдигар, ҳамкории мутақобилаи нокифояи ин гурӯҳҳо миёни ҳамдигар, шумораи зиёди задухурду муноқишаҳои байнигуруҳӣ; 2) Аз ҷониби давлатҳое, ки онҳоро сармоягузорӣ мекунанд, зоҳир гардидани таҳдиду зуроварӣ, аз ҷумла ҷазоҳои бемурофиа, террорҳои сиёсӣ ва ҳуқуқвайронкуниҳои ҷиддӣ; 3) Сатҳи баланди истифода аз навъҳои дигари зуроварӣ, аз қабили марг дар натиҷаи бархурди муташаккилона; эҳтимоли тазоҳуроти ба зуроварӣ мусоидаткунанда; ҷиноят бо истифодаи зуроварӣ, ҳамчунин сатҳи баланди ҷинояткорӣ.

            Ба ақидаи  Бахтиёр Қудбиддинов,  дотсенти кафедраи журналистикаи  байналхалқии Донишгоҳи миллии  Тоҷикистон яке аз сабабҳои пайдоиш ва ташаккули терроризми байналхалқӣ таҷовузи қудратҳо ба давлатҳои мустақил мебошад. “Чунин таҷовузро бо он асоснок карданӣ мешаванд, ки гӯё дар кишвари мавриди таҷовуз тартиботи худкома ё томраво амал мекунад, ҳуқуқи инсон поймол карда мешавад, роҳбарони ин гуна кишварҳо аз маслиҳати абарқудратҳо саркашӣ мекунанд. Дуруст аст, ки дар ҷаҳон давлатҳои тартиботи худкома ва томраво хеле зиёданд, ҳуқуқи инсон дар ҳамаи онҳо кам ё зиёд вайрон карда мешаванд, вале, ҳатто давлатҳои мустлақияти том, ки хоси талаботи замони муосир нестанд, аммо чунин давлатҳо вуҷуд доранд, азбаски бо маслиҳати абарқудрати тавоно амал мекунанд, дар бораи вайрон кардани ҳукуқи инсон дар онҳо касе чизе намегӯяд. Лекин давлатҳои тартиботи худкомаи дигар, ки сиёсати мустақил гузарониданӣ мешаванд, маслиҳати абарқудратҳоро намегиранд, бо ҳар баҳона мавриди таҷовуз қарор мегиранд ва ба харобот табдил дода мешаванд. Ироқ, Либия ва ҳоло Сирия аз ҳамин қабил давлатҳо ба шумор мераванд, ки ба харобазор табдил ёфтаанд, мардумашон бехонумон, фирорӣ, тифлон, занону пиронсолон дар шароити тоқатфарсо умр ба сар мебаранд. Вайрон шудани Ироқу Либия ба он оварда расонидааст, ки аскарону афсарони тартиботи сиёсии пешинаи онҳо ба Давлати исломӣ пайваста, қувваи меҳварии ин созмони террористии байналмилалиро ташкил кардаанд”,- таъкид мекунад номбурда.

        Гуфта мешавад, ки СММ ҷиҳати мубориза бо терроризм беш аз 10 Конвенсияи байналхалқӣ қабул кардааст, вале онҳо берангу камтаъсиранд. Иллати самаранок набудани муборизаҳо низ аз тафовут дар манфиатҳо иборат аст, вагарна на танҳо нест кардани терроризм, балки заминаи ба вуҷуд омадани он низ ба куллӣ нест шуданаш мумкин аст. Бояд гуфт, ки ҳама гуна ҳаракат ва созмонҳои террористӣ ва махсусан, терроризми байналмиллаӣ аз тазод ва набарди байниҳамдигарии иштирокчиёни абарқудрати муносибатҳои байналхалқӣ истифода мекунад ва бо аслиҳаи муосир муҷаҳаз мешаванд. Абарқудратҳо барои амалӣ намудани манфиатҳои худ аз ҳаракатҳову созмонҳои террористӣ истифода мебаранд. Онҳоро ба таври пинҳонӣ сарпарастӣ мекунанд, то тавонанд фишорро алайҳи рақибонашон ба пурзӯр кунанд ва дар чашми шаҳрвандони худашон тарсро ба вуҷуд биёранд. Чаро ки ҷомеаи пайваста дар ҳолати тарсу ваҳомат қарор доштаро осон идора кардан мумкин аст.

          Агар он садҳо миллиард доллари амрикоӣ, ки барои ҷангидан дар Афғонистон, Ироқ, Сирия ва дигар манотиқи дигари олам сарф шудаву мешаванд, ба амали мубориза бар зидди терроризм сарф карда шаванд, дар рӯйи замин аз терроризм осоре ҳам намемонад. Вале ҳайҳот мубориза бо ин вабои аср аслан рӯякӣ ва начандон пурзӯр сурат мегирад. Мушоҳидаҳо нишон медиҳанд, ки ҷавонон ҳам ба шумули қурбониҳои аслии терроризм ворид шуда истодаанд. Онҳоро бо ҳар роҳу васила ба қаъри   ин ботлоқ мекашанд. Аз нерӯяшон истифода мебаранд ва дар сурати ба дардашон нахурдан мисли чизи нолозиме мепартоянд. Яъне қатл мекунанд. Ҷавонҳо низ аксаран вақте ба дарки ин макру найранг мерасананд, ки аллакай кор аз кор гузаштааст.

           Ба гуфтаи Сарвари давлат, бо назардошти вазъи ҳассосу печидаи ҷаҳони муосир олимону донишмандони мамлакат бояд ба масоили тавсеаи мафкураи миллӣ, таҳкими давлатдорӣ ва рушди иҷтимоиву сиёсии ҷомеа, иттиҳоди неруҳои созандаи кишвар, ҳифзи манфиатҳои стратегии Тоҷикистон, мубориза бар зидди терроризм, экстремизм ва хурофотпарастӣ эътибори аввалиндараҷа диҳанд. Дар сурати иҷрои ин ҳидояти Президенти мамлакат ва якдилу яктан будани сокинони мамлакат пеши роҳи ҳар гуна хатар гирифта мешавад ва Тоҷикистони ободу зебои мо шукуфотар мегардад.

       Аз ин ҷониби дигар ҷавонон бояд бидонанд,  ки дар ҷомеа ҳисса, манфиат ва хостаҳои онҳо ҳимоя карда мешавад.  Ҳимояи манфиатҳои ҷавонон тӯли чанд сол аст,  ки пайгирона аз ҷониби Ҳукумати Ҷумҳурии Тоҷикистон  ҳадафмандона татбиқ карда мешавад. Ба таъкиди Президенти кишвар муҳтарам  Эмомалӣ Раҳмон ҷавонони мо бояд ҳамаҷониба дастгирӣ ёбанду барояшон шароитҳои бозҳам хубтар муҳайё сохт. Ин ташаббусҳо гувоҳи он аст, Ҳукумати Ҷумҳурии Тоҷикистон  нерӯи ободгар,  фидокор  ва ватандӯстонаи ҷавононро эътироф  карда, барои онҳо шароиту фурсати муносиберо барои нишон додани қобилият  ва тавонмандиҳояшон омода сохтааст. Бояд зикр намуд, ки шахсони “фиребхӯрда” ё “моҷароҷӯ” аслан ҳиссиёти ватандустиву ватанпарварӣ надоранд.  Вале мо ҷавонони ватандӯст ва худшиносии миллӣ огоҳона барои давлату миллат  хизмат намоему зиракиву ҳушёриро ҳеҷгоҳ аз даст нахоҳем дод.

Зиёрат Киромзода – узви фаъоли ҲХДТ  


Вакти нашр: 2019-09-24 15:04:52    Хонданд: 51    Муфассал...

НАҚШИ ПРЕЗИДЕНТИ ҶУМҲУРИИ ТОҶИКИСТОН, ДАР ТАРБИЯИ АХЛОҚИВУ ИЛМӢ ВА СИЁСИИИ ҶАВОНОН

      Раиси Ҳизби Халқии Демократии Тоҷикистон - Пешвои миллат  Президенти Ҷумҳурии Тоҷикистон, муҳтарам  Эмомалӣ Раҳмон ба василаи афкори маорифпарваронаи хеш дар назди мо аҳли ҷавонони илмдӯсту донишварз вазифа мегузорад, ки бо роҳи густариш додани арзишҳои неки ҷомеаи суннатии худ, раванди ташаккули ҷомеаи фарҳангӣ ва пешрафтаро тақвият бахшем ва кўдакону наврасони кишварамонро ҳамчун инсонҳои андешаманду огоҳ ва соҳибмаърифату бофарҳанг ба камол расонем, барои худ ва наслҳои оянда зиндагии шоистаеро таъмин намоем.

Қайд кардан ба маврид аст, ки   Асосгузори сулҳу ваҳдати миллӣ - Пешвои миллат, Президенти кишвар,  муҳтарам Эмомалӣ Раҳмон бо фаъолияти ҳамарўзаи пурсамари худ ба нафъи халқу Ватан ва ояндаи неки Тоҷикистон талош варзида истодааст ва мардуми шарафманди тоҷикро беш аз пеш ба  ватанпарастию миллатдўстӣ, ба қадршиносии сулҳу ваҳдати миллӣ, истиқлолият ва давлатдории миллӣ расидан ҳидоят менамояд.

Ба ҳамин монанд дар Консепсияи миллии тарбия дар Ҷумҳурии Тоҷикистон омадааст: «Анъана, суннатҳои воло, арзишҳои миллии халқи тоҷик, ки дар давоми қарнҳо ба тарзи ҳаёти мо ворид шудаанд, менталитет ё  маҷмўи сифатҳои онро ташкил медиҳанд. Ҷавҳар, хосият ё маҷмўи сифатҳои тоҷикон аз илму донишомўзӣ, заҳматписандию таҳаммулпазирӣ, оштию сулҳпазирӣ, тадбирҷўӣ, худшиносӣ, талоши фарҳангӣ, шикастанафсӣ, касбу ҳунаромузӣ, хушбинӣ (оптимистӣ), дўстию рафоқат, иззату эҳтироми падару модар ва шахсони калонсол, некӣ ва накўкорӣ, адлу адолатҷўйӣ, дастгирии ятимону муҳтоҷон, канораҷўӣ аз ҳирсу ҳасад, кибру ѓурур, кинаю адоват, хиёнат ва аҳдшиканӣ ва ѓайра иборатанд»

Мақсади асосии тарбия барҳам задани хислатҳои манфии инсоният ба ҳисоб меравад. Мақсаду мароми ҳидоят ва даъватҳои Президенти кишвар, Пешвои миллат дар мавриди тарбия ин тақвият бахшидан барои бартараф кардани нуқсу заифиҳои инсоният, ки аз табиати худи ў, аз арзишҳои ақлонӣ, зеҳнӣ, ба хотири рушди ирода, маънавиёт, ҷаҳонбинӣ ва худшиносии шахсият бар меоянд, нигаронида шудааст.

Ба таъкид ва андешаи  Асосгузори сулҳу ваҳдати миллӣ - Пешвои миллат,  Президенти кишвар «Зиёиён бояд пешсафи ҷомеа бошанд, зеро тарбияи ватандўстонаи мардум, аз ҷумла, ҷавонон ва насли наврас қисми муҳимтарини рисолати таърихии онҳо мебошад. Халқи мо хеле хуб дарк намудааст, ки истиқлолияти комил ва воқеиро танҳо бо меҳнати ҳалолу созанда, тафаккури баланди сиёсию фарҳангӣ ва ҳисси масъулият дар назди наслҳои имрўзаю ояндаи Ватан ба даст овардан мумкин аст.  Бинобар ин, рисолати зиёиён аз ҳидояти ҷавонон барои омўзиши таърих, фарҳангу забони модарӣ, дастовардҳои илм ва технологияи пешрафтаи муосир иборат аст.

Аз ин рў, рўҳияи мардум вобаста ба хавфу таҳдидҳои дорои хусусияти дохилӣ бояд дар асоси принсипҳои устувор, ки истиқлолияти давлатӣ, сулҳу субот, амният ва эътимод ба ояндаи некро дар бар мегирад, дастгирӣ ва таҳким ёбад.      

Ба таъкиду андешаҳои    Асосгузори сулҳу ваҳдати миллӣ - Пешвои миллат, Президенти кишвар, «Афрўхтани шуълаи ифтихори миллӣ, парвариши эҳсоси худшиносиву ватандўстӣ ва дигар фазилатҳои неки инсонӣ аз синни кўдакӣ дар оила ва таҳсил дар мактаб оѓоз меёбад. Таъсис додани шабакаи махсуси телевизиони давлатӣ барои кўдакону наврасон бо номи "Баҳористон" иқдоми навбатии давлат дар ҳаққи насли оянда мебошад. Акнун хурдсолону хонандагони мактабҳои мо соҳиби майдону минбар шуданд ва умед аст, ки ин шабака ба тарбияи маънавию ахлоқии кўдакону наврасон, кашфи истеъдодҳо ва сайқали маҳорати онҳо ҳамаҷониба мусоидат мекунад»

Дар ин самт роҳнамоӣ, ҳамкорӣ ва мадади аҳли зиё бо шабакаҳои телевизионӣ бояд ба воситаи муҳими таълиму тарбияи наврасону ҷавонон табдил дода шавад.   Асосгузори сулҳу ваҳдати миллӣ - Пешвои миллат истеъдодҳоро боигарии миллат медонад. Ба андешаи ў онҳо мисли ганҷ дар ҳар як гўшаи Тоҷикистон вуҷуд доранд. Кашф ва ба арсаи илму маориф ва фарҳанг раҳнамоӣ кардани ҷавонони соҳибистеъдод ва ҳунарманд, тарбияву дастгирии онҳояк рукни муҳими фаъолияти вазоратҳои маориф ва илм, фарҳанг ва иттифоқҳои эҷодӣ дар амалӣ гардонидани Консепсияи миллии тарбия мебошад. Намояндагони машҳури миллат аз замонҳои қадим мактаби хосси эҷодии худро доштанд ва ҳамеша дар баробари равнақи эҷодиёти худ ба ёфтану тарбия кардани ҷавонони болаёқат ѓамхорӣ зоҳир мекарданд. Онҳо ба ин восита ҳам суннати эҷодии худро нигоҳ медоштанд, ҳам дигар номбардорони сабку равияи хоссаи ҳунарнамоиро ба майдон меоварданд.

Имрӯз таълиму тарбияи  наврасон ва ҷавонон дар рўҳияи арзишҳои суннатии башарӣ ба рисолати зиёиён вогузор карда шудааст. Зиёиён ҳамчун парчамбардорони илму маърифат ва тарзи зиндагии солим нисбат ба тақдири ояндаи наврасону ҷавонон андеша кунанд. Зеро онҳо ояндаи мо буда, бояд дар рўҳияи ватандўстиву ватанпарастӣ ва худогоҳиву худшиносии миллӣ ба воя расанд.

Баргузори гардидани мулоқотҳои ҳарсолаи, Асосгузори сулҳу ваҳдати миллӣ - Пешвои миллат бо зиёиён, гузаронидани маъракаҳои фарҳангӣ дар шаҳри Душанбе - пойтахти кишвар ва минтақаҳои гуногуни Тоҷикистон низ идомаи амалӣ гардонидани Консепсияи миллии тарбия мебошад.

 Доир  намудани ин гуна маъракаҳо ва вохўриҳо аз тарафи зиёиён раванди таҳкими ваҳдати миллӣ, болоравии эҳсоси худшиносиву ватандўстӣ, пойдории сулҳу суботро дар ниҳоди насли наврас ва ҷавонон ба вуҷуд меорад. Зеро ѓояҳои ватандўстӣ, худогоҳиву худшиносӣ, эҳтироми суннатҳои фарҳанги миллӣ, эҳтиром гузоштан ва ҳифз кардани анъанаҳои таърихӣ ва тамаддуни ниёгон, ҳама дар маҷмўъ қисми таркибии Консепсияи миллии тарбия мебошанд [2].

  Асосгузори сулҳу ваҳдати миллӣ - Пешвои миллат Президенти кишвар,  масъалаи илму маорифро аз самтҳои хеле муҳими сиёсати давлатӣ донистааст, зеро пешрафти минбаъдаи Тоҷикистон ба рушди маорифи миллӣ ва беҳдошти заминаи тарбияи миллӣ вобаста мебошад. Маҳз зиёиён бо рисолати бузурги хеш тарбияи миллии насли наврас ва ҷавононро баланд бардошта, онҳоро ба илмомузӣ ва худшиносиву ҷаҳоншиносӣ раҳнамоӣ карда метавонанд.

Яке аз заминаҳои сиёсию ҳуқуқӣ дар амалӣ гаштани Консепсияи миллии тарбия ин тавсеа бахшидани мақоми забони миллӣ мебошад. «Ба тавассути забон, - таъкид месозад.  Асосгузори сулҳу ваҳдати миллӣ - Пешвои миллат, Президенти кишвар,  ҳувияти миллӣ ҳифз мегардад, он воситаи муқтадири сарҷамъ намудани миллат, таъмини якпорчагии сарзамини кишвар дар ҳама давру замон мебошад. Таърих бисёр мисолҳоро медонад, ки дар баробари аз байн рафтани забон миллат низ аз байн меравад. Ба ибораи дигар, фанои забон фанои миллат аст» .

Маҳз, андешаҳои воло ва осори гаронбаҳои абармардони миллати мо буд, ки фарҳанг ва забони тоҷикӣ дар тўли таърих бо вуҷуди ҳама фишорҳои сиёсиву мафкуравии бегонагон мақом ва мартабаи худро дар тамаддуни ҷаҳонӣ нигоҳ доштааст. Эҳтироми забони миллӣ ва арҷ гузоштан ба он маҳаки асосии тарбияи миллӣ ва хештаншиносию худогоҳиро дар Консепсияи миллии тарбия ташкил мекунад. Ҳамин маҳаки асосии унсурҳои таркибии тарбияи миллиро ба назар гирифта, Асосгузори сулҳу ваҳдати миллӣ - Пешвои миллат дар мулоқот бо зиёиён атрофи ин рукни худшиносии миллӣ масъалагузорӣ намудааст. Забону фарҳангӣ мо, ба таъкиди  Асосгузори сулҳу ваҳдати миллӣ - Пешвои миллат: «Оинаест, ки роҳи бисёр тўлонии дар масири таърих паймудаи тоҷиконро бо ҳама саҳифаҳои гоҳо дурахшон ва гоҳе парешон, бо ҳама нишебу фарозҳои таърих дар худ инъикос кардааст. Аз ин оина пайдост, ки барои аҷдоди бонангу номуси мо мафҳумҳои Модар, Ватан, Истиқол, Забон ва Фарҳанг ҳамеша ҳаммаъно будаанд. Зеро фарҳанг ва забон дар ҳама давру замон таҷассумгари ҳувияти ҳар як миллат мебошад. Маҳз фарҳанг, забон ва анъанаҳои бунёди асолати миллиро пойдору устувор нигоҳ медоранд»

Бояд ҳамаи  зиёӣ бояд талош варзад, ки забон ва фарҳанги миллиро ҳифз карда, густариш диҳад, онро ба насли наврас ва ҷавонон ба таври арзанда муаррифӣ намояд ва ҳамчун сарвати бебаҳои миллӣ барои наслҳои оянда бегазанд ба мерос гузорад.

Масъалаи худшиносии миллӣ дар манзари асосии мулоқотҳои, Асосгузори сулҳу ваҳдати миллӣ - Пешвои миллат Президенти кишвар бо зиёиён дар ҳамешагӣ қарор дорад. «Худшиносии миллӣ ва ифтихори миллӣ,- таъкид менамояд, Асосгузори сулҳу ваҳдати миллӣ - Пешвои миллат - ҳаргиз маънои онро надорад, ки мо худро ба дигар халқҳо муқобил гузорем, зеро ҳар халқ дар таърих мақому манзалати хос дорад, мувофиқи шароити ҷуѓрофию таърихии хеш дар тамаддуни башарӣ саҳм гирифтааст».

Олимону эҷодкорон бояд дар ин росто асарҳое ба нашр расонанд, ки рисолати таърихии миллатро рўшан намоянд, нерўи зеҳниро бедор кунанд, насли наврас ва ҷавонро ба донишандўзию ҷаҳоншиносӣ бихонанд, оташи муҳаббатро ба Ватан, обу хоки поки он, рамзҳои муқаддаси миллӣ дар дили онҳо барафрўзанд. Онҳоро ба андешидан водор созанд, ки кистанд, аз куҷоянд ва дар пайи чистанд.

Чунончӣ, дар мулоқот бо зиёиён ,  Асосгузори сулҳу ваҳдати миллӣ - Пешвои миллат Президенти кишвар таъкид карда буд: «Ман бори дигар таъкид мекунам, ки барои чун инсони комилу бомаърифат ба воя расидани наврасон маҳз мутолиаи пайвастаи китобҳои бадеӣ, азхуд кардани донишҳои муосир, технологияҳои замонавӣ, шиносоӣ бо дастовардҳои фарҳангӣ муосидат мекунанд. Мо бояд ба он муваффақ гардем, ки насли наврас дар рўҳияи замони муосир, дар рўҳияи масъулиятшиносӣ барои имрўзу фардои Ватан ва миллат ба воя расад.

Зиёиёни имрўзаи кишвари мо бояд зарурати пешбурди ҳаёти иҷтимоиву иқдисодӣ, сиёсӣ, маънавӣ ва фарҳангии Ватанамонро амалан дарк намоянд. Онҳо бояд бо тамоми масъулият эҳсос кунанд, ки ояндаи Тоҷикистони азизамон аз шакл ва усулҳои таълим, ба даст овардани дониши мукаммал, истифода аз дастовардҳои илми муосир, дар истеҳсолот ҷорӣ сохтани техникаву технологияҳои навин ва муҳимтар аз ҳама, тарбияи кадрҳои ба талаботи замона ҷавобгў вобаста мебошад»  

Эътибор ва мақоми маориф дар рушди ҷомеа дар ҳама давру замонҳо муассир аст. Чунки бе рушди соҳаи маориф пешрафти ҷомеаро тасаввур кардан аз имкон берун аст. Бо таъкиди Президенти кишвар,   - Пешвои миллат: «Вазифаи зиёиён ин аст, ки наврасону ҷавононро бо дастовардҳои тозаи илму фарҳанги ҷаҳонӣ пайваста ошно намоянд, онҳоро ба омўзиши илм ва технологияи муосир ҳавасманд гардонанд. Ба хотири шиносоии бештари насли ҷавони кишвар ва ба нишони эҳтирому арҷгузорӣ ба тамаддуни умумибашарӣ олимону адибон ва устодони муассисаҳои таълимӣ бояд ба масъалаҳои омўзиши забонҳои дигар миллатҳо ва тарҷумаву пешкаши умум гардонидани осори илмиву адабӣ ва фарҳангии халқҳои ҷаҳон таваҷҷуҳи бештар дошта бошанд» 

Аз ин рў, барои баланд бардоштани обрўй ва мақоми омўзгор дар ҷомеа, татбиқи сиёсати маорифпарваронаи   Пешвои миллат,  Асосгузори сулҳу ваҳдати миллӣ  ҳар як зиёиро лозим аст, ки бо дилу нияти пок ва содиқонаву поквиҷдонона дар таълиму тарбияи насли наврас ва ҷавонон бо як масъулияти ватандорӣ саҳми хешро гузоранд. 

   Имрўз тамоми мактабҳову донишгоҳҳо бо техникаву технологияи замонавӣ муҷаҳҳаз гардонида шудааст ва ҳар сол чандин мактабу омўзишгоҳҳо кушода ба истифода дода мешаванд ва аз якуми сентябр соли 2018, 15 фоиз стипендияи донишҷўён баланд бардошта шуд, ки ин ҳама барои хуб таҳсил кардани кулли донишҷӯёни  донишгоҳҳо имконият фароҳам меорад, ки хонанд ва аз илмҳои ҷаҳонӣ огаҳ гарданд ва ҳамқадами замон бошанду  дар роҳи гулгулшукуфоӣ ва муаррифӣ кардани давлатамон дар ҷаҳони муосир  саҳми созанда  гузоранд.

             Мо ҷавонон набояд фаромўш кунем, ояндаи ҷомеа ва вориси аслии Тоҷикистону тоҷикони соҳибтамаддуну куҳанбунёд, давлатдор ва соҳиби арзишҳои баланди маънавӣ дар ҷаҳон ҳастем.

             Киромиддинов Зиёрат -  узви фаъоли ҲХДТ

 


Вакти нашр: 2019-09-24 15:14:12    Хонданд: 84    Муфассал...

ДУРУҒГӮЙ ДУШМАНИ ДИНУ ДАВЛАТ АСТ!

(Мулоҳизаҳо атрофи шикасти навбатии ТЭТ ҲНИ дар Варшава)

       Дар ин мақола, ки давоми мақолаи «Пӯшаймонҳои миллӣ дар биҳишти Аврупо» ном дошт дар бораи дурӯғҳои ин дуруғгӯйҳои касбии ҳизби наҳзат ҳамчун як ташкилоти пинҳонкору фиребгар меравад,ки фермаи дурӯғхои бӯгинро (минбаъд барои осонии кор –ФДБ ном бурда хоҳад шуд), дар Аврупо ташкил карда ба сӯи ватани азизамон Тоҷикистон сангпартоӣ доранд сухан меравад.

      Соли гузашта фазойи иттилоотӣ аз фошгӯйиҳои Кумитаи давлатии амнияти миллӣ хеле гарм буд ва махсусан дар яке аз филмҳо аз ҳаё як нафари аз аввал дар сафҳои ин ҳизб буда, яке аз шахсиятҳои машҳури он, ки аз Эрон пушаймон шуда, моҳи апрели соли 2018 ба ватан баргашта, инъикос гашта буд. Агар ба филми “Бозгашт аз ҷаҳаннам” баргардем, хулосаҳои мо оиди андешаҳои дар филми зикршуда баён кардаи Мавлавӣ Айёмиддин (Сатторов) чунинанд:

     Бале, Мавлавӣ Аёмиддин Сатторов шоҳиди ҳол, яке аз асосгузорон ва идеологҳои ТЭТ ҲНИ Мавлавӣ Айёмиддин дар тамоми фаъолияти ҳизб даст доштани хоҷагони хориҷии онро, ки дар аввал намефахмид, таъқид менамояд ва бо далелҳои муътамади бо чашми худ дида исбот менамояд. Овоз овози ӯст. Ӯ дар зери шиканҷа ё ҳабс набуд. Ӯ дар боғи худаш сӯҳбат дошт. Ҳамаи гуфтаҳояшро дар шаҳри Варшава шахсан зинда гӯш кардам. Он ҷо ҳам ҳолати аҷоибе буд. Як сол пеш ӯ дар Варшава аз номи мухолифин суханронӣ карда буд. Соли 2018 ӯ дар ҳайати Ҳукуматӣ буд. Ӯ зидди мазҳабфурӯшон қиём кард. Ба дигар мазҳаб гузаштанашонро фош кард. Дар ин ҷабҳа ӯ танҳо набуд. Мулло Абдураҳим низ гуфт инро ман барвақт дар қароргоҳи устод Раббонӣ фаҳмида будам, вакте ки Нуриро Роҳбари рӯҳонӣ эълон карданд ва устод аз онҳо эрод гирифт, ки чаро ин корро карданд... Дар филм Мавлавӣ нишон медиҳад, ки бар хилофи қонунҳои Тоҷикистон аз маблағҳои хадамоти ҷосусии дигар кишварҳо истифода кардани ТЭТ ҲНИ табиати зидди давлатӣ ва зидди миллӣ доштани онро нишон медиҳад, ки дар асоси қонунҳои ҷории Тоҷикистон бастани онро тақвият мебахшад. Яъне беҳуда онро набастаанд. Агар маблағгузориҳои табаддулотро ба ҳисоб гирем боз ҳам гуноҳашон вазнинтар мегардад. Ҳоло онҳо инро ба рад кардан сар кардаанд. Лекин ба гуфти худашон чаро ин қадар пул, ки доштанду онро барои куштани мардум сарф карданӣ будаанд ба чанд беваю бечора хона харида надоданд, ки ақаллан сад тарафдори вокеиашон дар интихобот бештар шавад. Шоир чӣ зебо гуфта:

Сад бор бадӣ кардиву шарми ту наомад,
Неки ч
ӣ бадӣ дошт, ки як бор накардӣ?
 

      Дигар масъалаи муҳим он аст, ки дар имзои Созишномаи умумии сулҳ ва ризоияти миллӣ худро яке аз тарафҳо донистан нақши дигар қувваҳои ҷамъиятиро аз ҷумла ҳизбҳо ва созмонҳои ҷамъиятию миллиро камранг мегардонад. Мавлавӣ дар асл чунин набуд ва дуруғ будани даъвои онҳоро таъқид мекунад. Созишнома бо тамоми қувваҳои мухолифини тоҷик буд, ки дар байни онҳо миллатпарварону миллатгароён, озодандешону ислоҳотхоҳони демократӣ, гурӯҳҳои мазҳабӣ ва этникӣ имзо шуда буд. Мавлавӣ Аёмиддин (Сатторов) низ чунин андешаи коршиносонро, ки чандин сол боз мегӯянд тақвият дода, дуруст будани онро тасдиқ намуд. ТЭТ ҲНИ ҳимоятгари дини мубини ислом ва мазҳаби ҳанафӣ будани худро тарғиб мекард, ки дар асл баракси он будааст ва роҳбарияти кунунии ҳизб тоҷирони воқеӣ ва сиёсие ҳастанд, ки ба ғайр аз манфиати шахсиашон дигар ҳеҷ гуна манфиати миллию давлатиро эътироф намекунанд, ва ҳамон шиагароиашон хам ҷуз фиреби Эрон дигар чизе нест. Ва албатта дар баробари Мавлавӣ Аёмиддин чандин нафароне, чун Мулло Абдураҳим Каримову Эшон Қиёмиддини Ғозӣ ҳам пештар ин далелҳоро оварда симои манфури ТЭТ ҲНИ -ро ба мардум нишон дода буданд. Мо садҳо далелҳои дар матбуот нашршуда ва шифоҳӣ изҳоркардаи аъзоёни ин ТЭТ ҲНИ-ро дидаем, ки бо сабаби дуруғгуйиҳо ва фиреби роҳбарияти он сафи ин ҳизбро тарк кардаанд.

     Дигар далели дуруғгуйии онҳо дар он аст,ки онҳо худро тарафдори сулҳу субот эълон кардаанд, вале аз изҳороти онҳо ва аз далелҳои Эшони Қиёмиддини Ғозӣ ва Мавлавӣ Аёмиддин чунин бармеояд, ки онҳо дар интихоботи соли 2020 агар ба кишвар роҳ наёбанд, бояд аз қувваҳои низомии худ кор гиранд. Аз ин ҷо маълум мешавад, ки онҳо новобаста аз Созишномаи имзокардаашон аз роҳҳои ҳалли низомии гирифтани ҳокимияти сиёсӣ даст накашидаанд ва ва кӯшиши табаддулоти соли 2015 исботи ин нияти шуми онҳо буд ва беасос Ҳукуматро дар аҳдшиканӣ гунаҳкор мекунанд, ки ин ҳам аз рӯйи таҷрибаи дурӯғгӯйӣ ва пинҳон кардани ҳақиқат аз тарафи онҳо мебошад.Ва ҳоло боз изҳорот дода истодаанд,қуваҳҳои ҳарбӣ надоранд. Ин масъала бояд аз нав омӯхта шавад. Ҳол он, ки мувофиқи ахбори ВАО онҳо гурӯҳҳои низомиеро дар Афғонистон, Покистон ва Эрон доранд ва пайвастани ин гурӯҳо барои амнияти минтақаи дунявии Осиёи Марказӣ хавфи ҷиддие хоҳад буд.Чор ҳазор тоҷик аз Тоҷикистон ва 18 ҳазор аскари аз Афғонистон овардаро дар пойгоҳҳои низомиашон барои чи машқ медиҳанд саволест беҷавоб.
ҲНИ ҳеҷ вақт пойбанди Созишномаи умумии сулҳ набудааст, чун аъзоёни он силоҳ нигоҳ медоштаанд, дар дохили давлат дар вазифаҳои баланди ба онҳо боваркардашуда кор карда истода, ба муқобили давлати худ амалиётҳо анҷом медоданд, фарзандони мардумро зери ниқоби таҳсил ба хориҷи кишвар ба пойгоҳҳои низомӣ мефиристодаанд, ки Мавлавӣ Аёмиддин аз 4 чунин пойгоҳҳое, ки дар Эрон бо чашми худ дидааст, нақл мекунад.

    ТЭТ ҲНИ ҳеҷ вакт ин далелҳоро ошкор накардааст ва аз ин рӯ, ин кори онҳо ҳамчун хиёнат ба дину мазҳаб, хиёнат ба миллат ва давлат метавонад фаҳмида шавад. Дар яксолагии Паймони бадаҳдии худ дар Варшава Кабирӣ оиди дигар кардани тактикаи ҷангии хеш сӯҳбат кард, ки ҷуз фиреби назар чизи дигаре нест. Вале чун ҷанги иттилоотиро зидди Ҳукумат эълон кардаанд, пас Ҳукумат низ бояд ба ин масъала диққати ҷиддӣ дода, пажуҳишгоҳи нав ё маркази таҳлилиеро барои омӯзиши рафтору гуфтори онҳо ва ба низоми муайян даровардану ҷамъоварии дуруғҳои онҳо таъсис диҳад.

      Чун дар дини ислом дурӯғгӯйиро торикии имон мегӯянд, пас бо дурӯғгӯйӣ ва фиреб додани мардум ва пинҳон доштани ҳақиқат оиди омилҳои қувватгирандаи зиддимиллӣ ва зиддидавлатӣ ба давлат ва миллати худ хиёнат кардаанд. Ин гуноҳи бар алайҳи ислом кардаи онҳоро бояд худи мусулмонҳо баҳо дода, ба мардум фаҳмонанд.
Дастаҳои ғоратгарону авбошонро зери номи ислом ва оинномаи худ муттаҳид карда, молу мулки мардумро тороҷ карда, ҳам номи дини мубини ислом ва ҳам миллати тоҷикро бо гуноҳҳои нобахшидании зидди мардумӣ олуда кардаанд, ки ин ҳам пинҳон кардани мақсадҳои шуми онҳо ва ҳақиқати таърихӣ ба шумор меравад.
Дар маҷмӯъ, бо роҳи мардумфиребӣ ва истифода аз номи поки дини ислом ин гурӯҳи хиёнаткор то тавонистааст моҳияти миллату давлати моро дар ҷаҳон нодуруст шарҳ диҳад, ки ин хиёнати рӯйирост ба миллати мо ва фиреб додани ҷомеаи ҷаҳонӣ ҳисоб мешавад.
Оқиле фармудааст: "Агар ҳақикатро ҳифз намоӣ, ояндаи худ ва фарзандони худро ҳифз менамоӣ, агар онро пинҳон мекунӣ пас ояндаи худ ва фарзандони худро имрӯз гӯр мекунӣ". Ин гурӯҳи ТЭТ ҲНИ ояндаи худро гӯр карда, дар талоши гӯр кардани ояндаи миллату давлати тоҷик, яъне Тоҷикистони азиз аст, ки халқи Тоҷикистон ҳеҷ гоҳ ба ин розӣ нахоҳад шуд ва намегузорад, ки ниятҳои шуми онҳо амалӣ шаванд. Давлати демократии дунявӣ, иҷтимоӣ, ягона, ҳуқуқӣ принсипҳои асосии конститутсионии кишвари мо буда, зиндагии шоистаи мардум, рушди устувор, истиқлолияти давлатӣ, миллати ягонаву аз ҷиҳати зеҳнӣ ва техникӣ пешрафта аз ҳадафҳои миллии мо буд, ҳаст ва мемонанд.Таъқид менамоям,ки идеяи асосии миллии мо истиқлоли давлатӣ будааст ва мемонад. Ҳеҷ дурӯғгӯйе наметавонад моҳияти соҳибдавлатии моро зери суол барад. Ва онҳое, ки зидди ин истиқлоли мо сухан мекунанд, душманони аслии миллати мо низ ҳисоб мешаванд.


Сайфулло Сафаров устоди Донишгоҳи давлатии молия ва иқтисоди Тоҷикистон

 

 


Вакти нашр: 2019-09-25 11:47:34    Хонданд: 513    Муфассал...

Садоқат ба Ватан, соҳибиродаву бомасъулият будан асоси пешрафти ҳар яки мо мебошад

Тибқи нақша-чорабиниҳои Кумитаи иҷроияи Ҳизби Халқии Демократии Тоҷикистон дар ноҳияи Шоҳмансур ва дар доираи баргузории дарсҳои хештаншиносӣ, эхёи фарҳангу арзишҳои миллӣ байни ҷавонони макотиби таҳсилоти миёнаи умумӣ ва литсейю коллеҷҳои ҳудуди ноҳияи Шоҳмансур, дар ташкилоти ибтидоии “Ориёно”-и Литсейи касбии хизмат ва туризми шаҳри Душанбе бо иштироки Ашурова Дилрабо-мудири бахши омор ва бақайдгирии аъзои ҳизби Кумитаи иҷроияи Ҳизби Халқии Демократии Тоҷикистон дар ноҳияи Шоҳмансур ва масъулини Литсейи мазкур вобаста ба амалишавии Қонуни Ҷумҳурии Тоҷикистон дар бораи “Масъулияти падару модар дар таълиму тарбияи фарзанд”, пешгирии шомилшавии ҷавонон ба ҳизбу ҳаракатҳои ифротӣ, ҳисси баланди ватандустиву ватанпарастӣ, худогоҳиву ҳуввияти миллӣ бо донишҷӯён вохӯрӣ баргузор гардид.

Зимни баргузории нишасти мазкур зикр гардид, ки садоқат ба Ватан, соҳибиродаву бомасъулият будан асоси пешрафти ҳар яки мо мебошад ва маҳз ҷавонон, ки такягоҳи миллату давлат ҳастанду эътимоди Роҳбари Олии кишвар ба онҳо сахт равона шудааст, аз ин шароити созгор истифода бурда, ба боварӣ сазовор бошанду ҳар сония ва дақиқаҳои лаҳзаи ҷавониро сарфакорона дар ҷустуҷӯйи илм сипарӣ кунанд. Миллат аз ин қишри ҷомеа, яъне ҷавон эътимоди зиёде барои ояндаи дурахшони худ дорад. Ягона роҳе, ки метавонад ҷавононро муваффақ намояд, ин соҳибилму соҳибмаърифат будан ва пос доштани арзишҳои миллӣ мебошад.

Бояд қайд намуд, ки чунин дарсҳои сиёсӣ бо иштироки намояндагони  Кумитаи иҷроияи Ҳизби Халқии Демократии Тоҷикистон дар ноҳияи Шоҳмансур дар муассисаҳои таълимӣ тибқи нақшаи тасдиқгардида идома дорад.


Вакти нашр: 2019-09-26 13:47:08    Хонданд: 64    Муфассал...

БЕҲТАРИН РӮЗИ МИЛЛАТ

       Сабт наёфтани ин сана дар ёддоштҳо, хотираи дурахшон - 28 - солагии рӯзи муқаддаси озодӣ, соҳибихтиёрӣ ва истиқлоли воқеии давлати Тоҷикистони азиз ва боз падидаи нави бузурги таърихӣ ба кор шурӯъ кардани агрегати дуюми Неругоҳи барқи обии «Роғун» "Кохи нуру рӯшноӣ", шоҳкории асри XXI ба назарам чун ба шодиву нишоти миллионҳо ҳамватанону ҳазорон бунёдкорон шарик нашудан гуноҳи кабира намуд. Дар як рӯз рост омадани ду санаи хотирмони таърихӣ. Ин рӯйдоди нодир аст. Бодо, ки то абад озодии давлату миллат пойдор монад ва ривоҷи созандагиҳо дар сарзамин боиси рӯзгори шоиставу хушбахтии мардум бишавад ва ҷойгоҳи Тоҷикистон дар арсаи байналмилалӣ мустаҳкамтар гардад.

     Чи хуш, ки дар ин рӯзи муқаддас бомдод бо ҳайати ходимони ҷамъиятиву давлатӣ, аҳли илму эҷод - вассофони користони неругоҳ бо сафи автобусҳо ба самти Роғун равон шудем, то бо чашми сар ин пирӯзӣ ва лаҳзаи сурурбахши таърихиро бубинем. Зимнан, ин рӯзу соати муборакро ҳазорон бинокорони матинирода, тамоми хурду бузурги мамлакат бо дили беқарор интизор буданд. Ва фаро расид рӯзу соати муборак, дидани самари талошу заҳматҳои шабонарӯзии бисёрсолаи мутахассисон ва коргарони ҷоннисору шарафманд. Президенти мамлакат, Пешвои миллат Эмомалӣ Раҳмон дар ҳузури бинокорони номвар бо зикри номи Худо тугмаи рамзии ба кор  даровардани агрегати дуюмро пахш кард. Иншооти бузург ончунон нарму дилпур чархид, ки тангаи имтиҳон рӯйи он ноҷунбон рост истод. Кори заргарона! Сад офарин! Боз як пирӯзӣ, боз як дастоварду ҷаҳиши бузург. «Муборак бод ин рӯзу ҳама рӯз!». Оре, созандагони неругоҳ ба ҳама ситоишу қадрдонӣ сазоворанд. Ба шарофати заҳмати содиқонаи онҳо мамлакат боз ба истиқлоли манбаи барқ қадами устувортаре гузошт. Ҳазорон бинокорону сокинони шаҳри Роғун, ки бо ифтихору сарбаландӣ, хурсандиву сурур парчамафшонӣ мекарданд, меҳмонони зиёди хориҷӣ низ бархеста, сидқан ин рӯзу соати ғалабаи меҳнатиро бо кафкӯбӣ шодбош гуфтанд. Хурсандӣ ва сарфарозии Сарвари давлат, Президент Эмомалӣ Раҳмон, бешак, интиҳо надошт. Дидани самараи талошу армонҳояш. Вай бо беҳтарин суханҳо заҳмати бунёдкоронро хотиррасон кард. Сазоворанд! Ин лаҳза бо шодии беинтиҳо ба чеҳраи аз нури офтобу таъсири бод гандумгун, дасту панҷаҳои обутобёфтаву рустамонаи коргарон нигариста, ба иродаи қавӣ, далерӣ, фидокорӣ, ватандӯстии бемислашон аҳсант мехонам. Бунёдкорон - шермардони асили замони Истиқлолияти давлатӣ. Заҳмату ҷоннисориҳои онҳо, ки ба хотири ояндаи дурахшони Тоҷикистон, зиндагии осудаву шоистаи мардум аст, ба насли ҷавони имрӯзу оянда ибратомӯз мебошад.

       Сано бод ба созандагони "Кохи нури Роғун"! Ва чашм аз обанбори нилгун, ки байни кӯҳсорон чанд сол пеш аз шевану ғиреви мавҷҳои пурисёни рӯди Вахш ҳангомае дошт, печ дар печ ҷо гирифта, акнун орому нарму асрорангез менамояд, наканда бо афсӯс аз дил мегузаронам: "Чи қадар ҳамватанону ҳамсолони мо орзуи дидани ин рӯзи фархундаро доштанд. Вале... Шукри Парвардигор, ки банда дар радифи миллионҳо ҳаммеҳанон боз шоҳиди чунин зафару ғалабаи бузурги таърихии зиндагисози бунёдкорони Неругоҳи «Роғун» шудам". Ин пирӯзӣ, бегумон, иқтидори иқтисодии мамлакатро аз ҳар ҷиҳат дучанд меафзояд ва ба рӯзгори мардум баракату рангу таровати бештар мебахшад. Аслан, дидани комёбиҳои беназири ҳамдиёрони бунёдкор барои нависанда беҳтарин армуғон аст. Он ҳисси беинтиҳои ифтихор ва шодиро меангезад. Ӯро ба ояндаи дурахшони Ватан ва зиндагии созгори мардумаш дилпур месозад.

    Абдулҳамид САМАД, нависандаи халқии Тоҷикистон

 


Вакти нашр: 2019-09-26 13:53:33    Хонданд: 49    Муфассал...

ДАВЛАТДОРИЕ, КИ ПРИНСИПҲОИ АСОСИАШ ИЛМ, ХИРАДСОЛОРӢ ВА ТАКЯ БАР ТАҶРИБА АСТ

      Ҳарчанд баъди ҳаводиси пурталотуми шикасти давлати Иттиҳоди Шӯравӣ кулли кишварҳои аъзои он якояк истиқлолият ба даст оварда, роҳи тараққиёташонро мустақиман мушаххас намуданд, аммо сарнавишти Тоҷикистон комилан дигаргуна сурат гирифт. Марҳилаи аввали даврони истиқлол фоҷиа дошт: фоҷиаи табдил шудан ба эпитсентри бархӯрди манофеи абарқудратҳои минтақа.
Бо вуҷуди он ки дар илмҳои сиёсиву ҷомеашиносӣ ин нукта мудом мавриди баҳс қарор мегирад, аммо маҳз ду омил барои Тоҷикистон ва мардуми дорои таърихи чандинҳазорсолаи он ҳалкунанда буд: яке зуҳури хиради азалии мардумӣ ва дуюм, шахсияти наҷотбахше дар мисоли Эмомалӣ Раҳмон, ки асоситарин нукоти татбиқи ин хиради азалиро дар хеш таҷассум мекард.

     Дар тафовут аз ҷомеаҳои ғарбӣ, ки фардгароӣ ё индивидуализми биологӣ асоси пешрафти онҳост, дар Шарқ ҳамеша ҷомеаҳои суннатгаро бар асоси раҳбарии шахсиятҳои фавқулода оқилу ҳушманд ва фарохназар бо усули хирадсолорӣ рушд мекарданд. Ҳадди ақал ду шароите лозим буд ва ҳаст, ки фаъолияти пурсамари ин навъ шахсиятҳоро таъмин карда бошад: яке истеъдод ва маҳорати раҳбарӣ нисбат ба дигарон афзалтар бошад ва дигаре – сохти иҷтимои мавҷуда набояд монеаи ибтикороти ӯ гардад.

      Агар шарти аввал ба сатҳи донишу хирад ва заковату таҷрибаи ӯ марбут бошад, пас, шарти дуюм, инак, чоряк аср аст, ки дар ҳоли таҳаввулоти доимӣ қарор дорад. Сохти иҷтимоии Тоҷикистон зери роҳбарии Эмомалӣ Раҳмон марҳила ба марҳила аз лиҳози шаклу муҳтаво рӯ ба ҷониби инсонпарварӣ ниҳода, идеали ин ҷомеа таъмини зиндагии шоиста барои ҳар як шаҳрванд муайян шудааст. Як вижагии ҷомеаи суннатӣ ҳамин аст, ки шахсиятҳои фавқулода бузург дар анбуҳи мардум зуд маълум мегарданд ва ба қудрати миллӣ мубаддал мешаванд.

     Қудрати миллӣ гуфта, мо нерумандии инсонро бар хираду шуур нисбат ба инсонҳои дигар дар назар дорем. Мо танҳо як паҳлуи таърифи шуурро дар назар дорем - муносибати оқилонаву одилона ба воқеиятро. Барои ин қудрат омилҳои инсонӣ, характери миллӣ, сатҳи аҳолӣ, майли одамон ба тарзи илмии тафаккур, рӯйдодҳои атрофро ба тарзи воқеӣ баҳогузорӣ кардан ва ба он дар асоси манфиатҳои миллӣ таассуроти мувофиқ нишон додан муҳимтарин аносир аст. Инро таърих борҳо исбот кардааст, воқеан, шояд қонунмандӣ ва ё парадокси таърих бошад, ки Эмомалӣ Раҳмон дар интиҳои садаи XX ҳамон миссияи таърихиеро анҷом дод, ки соли 888-ум Исмоили Сомонӣ анҷом дода буд. Маҳз тавассути истеъдоди фавқулодаи роҳбарӣ ва дастгирии оммаи мардум, билхоса ҳунармандон, аввалин давлати мутамаркази тоҷикон таъсис ёфт. Шиораш ҳамин буд, ки «то вақте зиндаам, қалъаи Бухоро ман ҳастам». Эмомалӣ Раҳмон низ давлати фурӯпошида ва мардуми парешони аз ҷанг навмедшударо ба ҳам овард ва шиоре миёни мардум ниҳод, ки «ман ба Шумо сулҳ меорам ва дар ин роҳ лозим шавад, ҷон месупорам».

      Маҳз таҷрибаи фоҷиаи солҳои аввали истиқлолият дарунмояи сиёсати инсонмеҳварии Эмомалӣ Раҳмонро таркиб доданд: бо вуҷуди мушкилоти иқтисодӣ таваҷҷуҳи хоса ба илму фарҳанг дода шуд. Барои Сарвари давлати Тоҷикистон раҳоии пурра аз гирдоби таассубу хурофот, ки сабаби аслии низои панҷсолаи тоҷикон буд, танҳо тавассути густариши илм, тайёр намудани насли нави мутахассисони донишманд, ба кор андохтани барномаҳо ва консепсияҳои фаро гирифтани дониш, забономӯзӣ ҳамчун воситаи шинохти дунё, таъсиси даҳҳо донишгоҳҳои нав вобаста ба тақозои иқтисоду иҷтимоъ, фиристодани толибилмон ба макотиби олии мамолики хориҷӣ ва вобаста ба ин ибтикор таъсис додани стипендияи вижаи президентӣ, ташкили квотаи махсус ҷиҳати осон кардани мушкили таҳсили духтарон ва писарон аз манотиқи дурдаст, бастани садҳо созишномаҳо ҷиҳати доду ситади илмиву фарҳангӣ ва мубодилаи донишҷӯёну устодони макотиби олӣ имконият дошт. Ҳама паҳлуҳои ин сиёсатро, ки онро кӯтоҳ метавон сиёсати маорифпарварӣ ё рӯшангарӣ гуфт, дар ин мухтасар аён кардану шарҳ додан имкон надорад. Ҳаминро метавон таъкид кард, ки барои Сарвари давлати Тоҷикистон ҷиҳати татбиқи ин сиёсат аз ибтидо то кунун такя кардан ба зиёиёни донишманд - устодони макотиби олӣ, кормандони илмии сохторҳои Академияи илмҳо, шоирону нависандагон принсипи асосии фаъолият буд ва то кунун идома дорад. Барои мисол таваҷҷуҳи Пешвои миллатро ба Донишгоҳи миллии Тоҷикистон намуна овардан кофист. Муҳаббату самимияти Пешвои миллатро ба аҳли зиёи ДМТ аз шумораи сафарҳо ва вохӯрию мулоқотҳояш бо устодону донишҷӯёни ин боргоҳи маърифат метавон маърифат кард. Ҳанӯз ҷомеа ба созишномаи умумии истиқрори сулҳ дастёб нашуда, моҳи феврали соли 1997 муҳтарам Эмомалӣ Раҳмон бо фармони махсус номи ин муассисаи таълимию илмиро тағйир дод: Университети давлатии Тоҷикистон ҳамчун муассисаи таълимии худмухтор унвони расмии Донишгоҳи давлатии миллии Тоҷикистонро гирифт. Баъдан, соли 2008-ум бо Фармони нави Сарвари давлат (аз 28.10.2008) номи расмии ин таълимгоҳ Донишгоҳи миллии Тоҷикистон муқаррар гардид. Боздиди Сарвари давлат аз донишгоҳ 12-уми сентябри соли 1998 ба ифтихори 50-умин солгарди таъсиси ин ниҳоди таҳсилотӣ ва, баъдан, солҳои 2007, 2008, 2010, 2015 вобаста ба бунёди биноҳои нави таълимӣ ва ибрози назарияҳои нави Сарвари давлат роҷеъ ба такмили илму маориф амалӣ шудаанд. Як ҷузъиёти чунин муҳаббати самимии Президент нисбат ба Донишгоҳи миллӣ шояд он бошад, ки он кас ҳамин донишгоҳро хатм кардаанд. Аммо дар манзараи умум ин далел хеле ҷузъӣ менамояд. Муҳим ин аст, ки Пешвои миллат ҳама орзуву ормон ва ғояҳои нави давлатдориро дар соҳаи илму маориф қабл аз дигар сохторҳо маҳз дар Донишгоҳи миллӣ мехоҳад татбиқ кунад, зеро ба зарфияти илмиву таҳсилотии он итминони бештар дорад.

      Назари куллии Сарвари давлат ҳамин аст, ки бе ислоҳоти бомаром ва пайвастаи маориф давлат пеш нахоҳад рафт, миллат комёб нахоҳад шуд. Аз ин рӯ, дар консепсияи маорифпарваронаи Пешвои миллат ҳамин ислоҳот - ислоҳоти доимии соҳаи маориф дар мадди аввал аст;

    дуюм, ба иҷрои ҳадафҳои стратегии давлат равона намудани илмҳои бунёдист;

     сеюм, таъмини ҳифзи арзишҳои милливу фарҳангӣ тавассути се ниҳод - ҷомеа, мактаб ва оила;

     чорум, баланд бардоштани мақоми забони давлатӣ, дар зеҳну шуури аҳли ҷомеа устувор намудани мафкураи миллӣ ва ғояҳои милливу ватандӯстона;

     панҷум, вусъати корҳои ташвиқотию тарғиботӣ ба хотири аз ҳама гуна равияҳои хурофотӣ ва ифротӣ ҳифз намудани шаҳрвандон…
Ва бовари Сарвари давлат ба ин аст, ки ҳамаи ин ҳадафҳо бидуни таҳқиқоти мукаммал ва густурдаи олимони соҳаҳои гуногуни илму фарҳанг - файласуфону ҷомеашиносон, иқтисодшиносон, равоншиносону забоншиносон ва намояндагони улуми тарбияву тадрис имконпазир нахоҳад буд.

Муҳаммадюсуф ИМОМЗОДА, Ҳафиз РАҲМОН

 


Вакти нашр: 2019-09-26 14:15:06    Хонданд: 44    Муфассал...

ҶАНГ ВА СУЛҲ. АЗ ҚАҲТӢ ТО ФАРОВОНӢ

      Ҷанг, харобӣ, тарсу таҳлука, ваҳму изтироб, парешонию сардаргумӣ, гуруснагию талошу такопӯ баҳри дарёфти луқмаи нон... Мо ин ҳама даҳшатро бо чашми сар дидему дар ҷисму ҷони хеш озмудем ва аз байни оташу дуди ҷанг гузашта, ба рӯзҳои нек расидем. Мардумони зиёде қурбон шуданду дар роҳи озодии Ватан ҷон бохтанд.

    Шакку тардид, нобоварӣ, ноумедию варшикастагӣ панҷа ба торҳои қалбу захм бар ҷигар мезад. Зеҳну мағзҳо хастаю умед ба фардои зиндагӣ дар синаҳо ях баста, оянда тираю дурахшу равшанӣ аслан нопайдо ба чашм мерасид. Замин дар гулхани ҷанг месӯхт. Кишвар зери тасаллути камонбадастон монда, ҳама гуна робитаю алоқа аз марказ бо минтақаҳо қатъ гардида, гуруснагӣ, бемориҳои музир ва маргу мири одамон авҷ мегирифт. Раҳму шафқат аз байн рафтаву тиру камон ҳокими мутлақ ва довари давру замон гардида буд. Нафаси сарди ҷанг ба мактабҳо ҳам расид. Ҷӯшу хурӯши омӯзиш батадриҷ коста гардида, аз бемаошӣ гурӯҳи омӯзгорон мактабро тарк карданд. Яке савдогариро пеш гирифту дигаре мардикориро. Аммо ҷанг ҳамоно давом меёфт.

    - Эй кош, ин рӯзҳои сиёҳ тезтар паси сар мешуданду як бурда нонро дар ҳалқаи ёрону пайвандон ва ҳамсоягон ба роҳат ва фориғ аз ғаму ғуссаҳо бо ҳам медидем, - ашки дидагонашро бо остинҳояш пок карда мегуфт кампири Оламбибӣ ва даст ба дуо бардошта, хитоб мекард:
     - Ё Худои бузург! Ба доди мардуми бечораю бенаво бирас. Додрас худат ҳастӣ, раҳме, шафқате! Ва ниҳоят, ба қавли Лоиқ, «раҳми Парвардигори мо омад».

     Ҳамон сулҳу ваҳдате, ки мардум дар интизораш чашм ба роҳ буданд, оқибат ба даст омад, тантана кард. Сарвари иродатманду боҷасорат муҳтарам Эмомалӣ Раҳмон баҳри аз буҳрони иқтисодӣ ва гуруснагӣ наҷот додани мардуми шарифи кишвар пешниҳод карданд, ки 75 000 гектар замин ба аҳолӣ тақсим карда шавад. Ва ин заминҳо бо номи «заминҳои президентӣ» маъмулу машҳур гардиданд.
      - Чи хубе, чи хубе, - шукрона дар лаб мегуфт бобои Ғаюр. - Тинҷию амонӣ, ки барқарор шуд, кор дар замин ҳам авҷ хоҳад гирифт. Инак, бигир белрову побел кун заминро ва бикор тухми гандумро. Худо ба як лаб нон моро расонд.

     - Дилу нияти мардум, ки соф будааст, ба сулҳу озодӣ расидем, - бо чеҳраи болида гуфт сарвари таълимгоҳ Башорат Қурбонова ва афзуд: - Пиру барно бо шавқу шӯр ва дар хонаи чашмонашон нишоту фараҳ мавҷ зада, аз файзу баракат ва шукӯҳу шаҳомати рӯзгорон сухан дар миён андохта, дуои ҷони Сарвари давлат, фарзанди баруманди диёр муҳтарам Эмомалӣ Раҳмонро мекарданд: «Худо дар пушту паноҳаш нигоҳ дорад Эмомалии азизро, дар пояш хор нахалад. Чашми душманон кӯру кораш бобарор ва дар ривоҷу равнақ бошад. Ҳамин як пора нон ёфт шуд, оҳиста-оҳиста дигар мушкилиҳо ҳам роҳи ҳалли худро меёбанд. Нест бод номи ҷангу даҳонаш аз хок пур гардад ҷангҷӯи беандешаро».

      Аммо душманони Ватану миллат чун каждуми зери бӯрё ҳанӯз гӯш ба қимор буданд, ки кӯтоҳ аст умри ин давлату Ҳукумат ва ба ҳар роҳу васила нақшаҳои муғризонаи худро тарҳрезӣ мекарданд. Аз ҳар гӯшаву канор ба хоки кишвар ҳамлаҳо оғоз карда, вазъро ноамн ва халалдор месохтанд.

     - Хонасӯхтаҳои бедодгар ҳанӯз аз ҷангу хунрезӣ сер нашудаанд,- бо нафрат мегуфт кампири Оламбибӣ ва даст меафшонд, ки тири ин палидон хок хӯрда, шармандаи ду олам мешаванд. Охир, мардумро гирифтори балову фоҷиаҳо гардонда, нонашонро дар баданашон заҳр кардед. Ин ҳама кам буд, ки боз бетараҳҳумиро оғоз намудед? Хобатонро ба об гӯед. Кӯр асояшро як бор гум мекунад. Фаҳмида гиред, ки мардум ба ҳилаву найранг ва «амри маъруфҳои» шумо дигар фирефта намешавад. Эҳ, лаънати Худову халқ ба саратон, худобехабарҳо.

     Воқеан ҳам, тири душманони миллат хок хӯрду нақшаҳои палидонаашон бар боди фано рафт. Мардум, аз сағир то кабир, зану мард, мӯйсафеду пиразанон дуои ҷони Президент дар лаб, дар атрофи Сарвари фидокор муттаҳид гардида, алорағми бадхоҳони дилсиёҳ, ки орзуи соҳиб гардидан ба тахту тоҷро дигарбора дар сар мепарвариданд, садо баланд карданд. Ҷавонмардони шуҷою бебок панди пирон дар гӯш, ки «душманат гар паша бошад, камтар аз филаш мадон» - маънидод мегардид, ба набардгоҳ шитобида, ба бадсиголон зарбаҳои муҳлик зада, шикасташон доданд ва он «хонашерони майдонғариб» ба чаҳор канори олам парокандаву пинҳон шуданд. Неруҳои асосӣ ва саркардагонашон марзро убур карда, ба паноҳи ҳамсоядавлатҳо худро гирифтанд. Сарвари дурандешу раиятнавоз ба хотири ободию сарсабзии минбаъдаи диёр, зиндагии шоистаю хуррамонаи мардум, таҳсилу омӯзиши насли наврас, рушди ҳамҷонибаи кишвар ва шинохти Тоҷикистон ба масобаи як мамлакати тараққикардаю тавоно дар арсаи ҷаҳонӣ иқдоми ҷавонмардона аз сар гирифта, ба дастаҳои гуногуни разманда, ки аз амалу кардаҳои худ пушаймон гардида буданд, афв эълон намуд. Президент бо оғӯши боз ҷониби мухолифин гоми аввалин гузошт ва ба расми сулҳу салоҳ сӯяшон даст дароз кард. Дасту дили пок ва оғӯши гарм нишонаи бахтиёрӣ ва бузургию қудрату шаҳомати инсонии абармардон аст. Эмомалӣ Раҳмон абармарде буд, ки ба мӯҷиби дифоъ аз ормонҳои миллӣ ва бақою ҳастии Ватан ҳамчун як тоҷики сарафрохтаю дарёдил ба вохӯрию мулоқот ҳозир гардида, ба Созишномаи умумии истиқрори сулҳ ва ризоияти миллӣ имзо гузоштанд.
     - Эҳ Худои бузург, - аз ғояти хурсандию болидарӯҳӣ нидо баровард бобои Ғаюр. -Дар сари Сарвари давлатамон бози давлат нишаст. Ҳалолаш бод. Аз байни дуду оташу ҷангу балову фалокатҳои фоҷиазо сиҳату саломат гузашта, ба пешвози мухолифон шитофт. Гурдааш кӯҳи Мағмурӯд будааст ба Худо. Сулҳу тинҷиро асос гузошт. Дар бузургию қудрати давлатдории ин ҷавонмард ҳеҷ ҷойи шакку шубҳа нест. Баъд, бобои Ғаюр дасти ҳамдеҳагонро фишурда, табрику шодбошашон гуфт:

     - Эй мардуми баору номус, ваҳдату тинҷӣ ва сулҳу дӯстӣ муборак шавад! Минбаъд ҳама аз як гиребон сар бароварда, барои пешравию шукуфоии Ватан талош мекунем. Мо, тоҷикон, охир, ҳеҷ гоҳ ҷангҷӯю қотил набудем. Хонаи ҷангҷӯ сӯзад…

    Шодӣ РАҶАБЗОД, нависанда

 


Вакти нашр: 2019-09-26 15:24:14    Хонданд: 44    Муфассал...

Киргизия упрекнула ЕАЭС в отсутствии свободного рынка

В Бишкеке не утихают споры о вступлении в организацию

Киргизия недовольна введенными РФ ограничениями на объемы денежных переводов. Это нарушает нормы Евразийского экономического союза (ЕАЭС). Об этом заявил премьер-министр Киргизии Мухаммедкалый Абылгазиев на открытии форума «Евразийская неделя» в Бишкеке 25 сентября. Он также заявил о необходимости создания свободного рынка и предложил уравнять в правах трудовых мигрантов с местными жителями стран объединения. Эксперты считают, что Киргизия хотела бы получить максимальные выгоды.

Абылгазиев полагает, что обеспечение прав и гарантий трудовых мигрантов, а также свободное передвижение капитала являются наиболее актуальными по своей социально-экономической значимости.

Глава киргизского кабмина уверен, что мигранты в странах ЕАЭС должны пользоваться всеми правами наравне с гражданами этих стран. «Это должно стать главной целью ЕАЭС. Пенсионный вопрос, медицинское страхование, признание водительских удостоверений, дипломов – все это должно решаться в пользу простых граждан ЕАЭС», – сказал Абылгазиев. Он отметил, что трудовые мигранты, работающие в РФ, ограничены в переводах заработанных средств на родину. «Если для кыргызстанцев сумма ограничения составляет 100 тыс. руб., то для граждан Казахстана – 150 тыс., а для граждан Армении – 1 млн руб. Эти меры противоречат нормам союза, в частности, статьи 98 договора о ЕАЭС. Считаю, что мигрант каждого государства должен свободно отправлять заработанные средства на родину, это вопрос жизни и благополучия для их семей», – заключил он.

По словам киргизского премьера, также сохраняется проблема свободного передвижения товаров и услуг. «Несмотря на то что количество препятствий сокращено с 279 в 2016 году до 18 к настоящему времени, уровень препятствий все еще негативно сказывается на свободном передвижении товаров и услуг. Здесь я должен особо отметить, что, защищая свой внутренний рынок, мы должны думать более глобально в интересах рядовых производителей стран ЕАЭС. Считаю, что есть только один путь к интеграции – это свободный рынок», – подчеркнул премьер Киргизии.

Председатель Евразийской экономической комиссии Тигран Саркисян признал критику, отметив, что в целом «у Киргизии были достаточно высокие ожидания от вступления в Евразийский экономический союз». «Было впечатление, что со вступлением Кыргызстана в ЕАЭС все экономические и социальные проблемы должны быть решены. Барьеры, бюрократические препоны должны были быть сняты. Здесь нам надо вместе поработать, чтобы максимально ослабить их. С другой стороны, завышенные ожидания связаны с тем, что бизнес не был готов к работе на общих рынках», – уверен Тигран Саркисян.

В нынешнем году ЕАЭС отпраздновал своe пятилетие. А в Киргизии до сих пор не утихают споры о целесообразности вступления республики в ЕАЭС. «Это связано с тем, что полноценного вступления Киргизии в ЕАЭС не случилось. Остались промежуточные звенья, которые республике следует пройти», – сказал «НГ» заведующий сектором Средней Азии и Кавказа Института СНГ Андрей Грозин. По мнению эксперта, проблемы есть, их надо принять, но в первую очередь это проблемы не у киргизского бизнеса с белорусским, армянским или российским бизнесом, а с казахскими властями. «Основные недовольства, которые высказывались и высказываются киргизской стороной, адресованы были вначале Астане, а теперь Нур-Султану. То есть при прежней киргизской власти и при нынешней обсуждается то, что Казахстан вводит, по мнению Бишкека, неоправданные ограничения на передвижение товаров через свою границу. И перечисленные Абдулгазиевым претензии адресуются в большей степени казахстанским коллегам», – считает Грозин.

При этом Казахстан не признает, что ограничения – это решение политическое. «Даже в пиковый период, когда предыдущий президент (Алмазбек Атамбаев. – «НГ») называл предыдущего казахстанского президента (Нурсултана Назарбаева. – «НГ») «престарелым диктатором», даже тогда при всем накале страстей казахстанская сторона не признавала, что решение перекрыть границу было политически мотивированным», – отметил Андрей Грозин. Напомним, что казахстанская сторона говорила о необходимости наведения элементарного порядка в учете и контроле товарных потоков, которые перемещаются через киргизско-казахстанскую границу. И приводила достаточно значимые аргументы по поводу серого импорта, реэкспорта и контрафактной продукции.

Как ранее писала «НГ» (см. номер от 25.12.18), Киргизия лидирует в регионе по объему контрабанды товаров. В частности, за 20 лет киргизская таможня зарегистрировала поступившие из Китая товары на общую сумму 11,64 млрд долл. При этом китайская таможня посчитала, что через границу в направлении Киргизии перевезено товаров на 61,667 млрд долл. Разница составляет 50 млрд долл. За 2017 год киргизская таможня зарегистрировала китайских товаров на сумму чуть более 1,5 млрд долл., китайская – 5,337 млн долл. Разница составила почти 3,9 млрд долл. Из Турции за те же 20 лет объем поставок составил 1,129 млрд долл. А по данным турецкой таможни, товаров было отправлено на 2,968 млрд долл. Разница составляет 1,839 млрд долл.

Вопрос контрабанды Казахстан должен был поставить в ЕАЭС, для того чтобы киргизскую границу взяли под контроль. Все дело в том, что таможенные платежи поступают в общий фонд ЕАЭС, а потом делятся по установленным долям. До 2020 года доля Киргизии в таможенных сборах ЕАЭС составляет 1,9%, что в реальности выше отчисляемых ими сборов. Фактически Казахстан, Россия и Белоруссия за счет собственных таможенных платежей спонсируют бюджет Киргизии.

По мнению Андрея Грозина, киргизская сторона хотела бы получить максимально высокие выгоды от участия в ЕАЭС. «Тем временем на повестке ЕАЭС стоит вопрос о пересмотре квот на налоговые поступления из общего бюджета. С казахстанской стороны, пока на экспертном уровне, звучат высказывания, что киргизская доля неоправданно высока. Сегодняшнее заявление Абулгазиева кроме дежурной составляющей еще и реализация принципа «лучшая защита – нападение». Или, как говорят на Востоке, «хочешь козу – проси верблюда». Восточный базар никто не отменял, он существует и в отношениях между нашими странами», – сказал в заключение Андрей Грозин.


Вакти нашр: 2019-09-26 17:51:21    Хонданд: 46    Муфассал...

МАҲФИЛИ СИЁСИИ “САРВAРИРО МЕОМӮЗЕМ”

Кумитаи иҷроияи Ҳизби Халқии Демократии Тоҷикистон дар ноҳияи Синои шаҳри Душанбе вобаста ба иҷрои супориши протоколии маҷлиси назоратии назди Раиси Кумитаи иҷроияи шаҳрии ҳизб дар   маҷлисгоҳи  озмоишгоҳи марказии Корхонаи воњидии давлатии “Обу коррези Душанбе”  маҳфили сиёсии “Сарвариро меомӯзем” доир намуд.
       Маҳфили сиёсиро Раиси Кумитаи иҷроияи Ҳизби Халқии Демократии Тоҷикистон дар ноҳияи Синои шаҳри Душанбе Файзуллозода З.Ф. ифтитоҳ намуд. Сипас,  Қурбонова Руқия Атоевна – собиқадори ҳизбу меҳнат, Марҳабо Ҷабборӣ – собиқадори ҳизбу меҳнат, Зуҳурова Заррина Ҳабибуллоевна – мудири шуъбаи кор бо занони КИ ҲХДТ дар шаҳри Душанбе  ва  Раҳмон  Гулчеҳра – мудири Бахши САҲШ-и  ноҳияи  Сино суханронӣ намуда, доир ба саҳми занон дар сиёсат ва омӯзиши малакаҳои сарварӣ барои бонувону занон   ибрози андеша намуданд.

       Дар фарҷом миёни иштирокчиён  ва собиќадорони њизбу мењнат мубодилаи  афкор  сурат гирифт.  


Вакти нашр: 2019-09-27 09:37:15    Хонданд: 52    Муфассал...

ХУШОҲАНГУ РАВОНИ ТУ, ЗАБОНИ МОДАРИИ МО

         Бо иштироки масъулини Кумитаи иҷроияи ҲХДТ дар ноҳияи Фирдавсӣ дар асоси супориши протоколии  Маҷлиси назоратии назди раиси Кумитаи иҷроияи ҲХДТ дар шаҳри Душанбе ҷиҳати таҷлили Рӯзи забони давлатӣ дар ташкилоти ибтидоии “Нафақарасон” соати сиёсӣ  доир  гардид.

      Убайдулло Қурбонзода - муовини раис, роҳбари дастгоҳи Кумитаи иҷроияи ҳизбии ноҳияи Фирдавсӣ дар мавриди Қонуни Ҷумҳурии Тоҷикистон “Дар бораи забони давлатӣ”, риояи қонуни мазкур ва ҳифзи забони давлатӣ аз махлутшавӣ, нақшу аҳамияти забони тоҷикӣ дар ҳайёти илмиву адабӣ ва давлатдории тоҷикон ибрози назар намуд. Мавсуф гуфт, ки маҳз бо шарофати забон ва осори гаронбаҳои ниёгон миллат побарҷост.


Вакти нашр: 2019-09-30 15:06:26    Хонданд: 57    Муфассал...



ВИДЕОПОРТАЛ

Ҳамаи видео



ТАҚВИМ

ПнВтСрЧтПтСбВс